Maka Gore Tso o di Balang ka ho Bhayibeleng di go Berekele

1. King so se šupetsang gore Jeso ne a tseyela Mangwalo gedimo?

O FO nagana gore ke mo di le byang go theetsela Jeso mo a tšhutisa. Ga go tlala mo a tšhutisa ke mo a hlaya Mangwalo ya go Hlawolega ka hlogo! Gabutšibutši, mantsu ya mathomo ya Jeso a ma hlayyeng ka nthago ga mo a kolobetsiwwe le mantsu ya mafelelo ya a ma hlayyeng mo a soko bane a kgwa ke mo go le ya go tšwa Mangwalong.b (Dot. 8:3; Pis. 31:5; Luk. 4:4; 23:46) Fote ga mengwaga ka meraro le sekopa ya mo go makega dilo tsone ka dipedi, Jeso ne a dula a bala ga gore o kwa ke batho le go bolabola ka tsa go tšwa ka Mangwalong a boya a di hlatolla.—Mat. 5:17, 18, 21, 22, 27, 28; Luk. 4:16-20.

2. Mo Jeso a kene a gola, king so se mo gelepiyeng gore a tšibe Mangwalo gabutši? (Lebelela sethombhe sa ka tawong.)

² Mo Jeso a soko bane a thomisa mmereko wage wa go tšhomayela ke mo a bala a boya a theetsela Lentsu la Modimo gatleletlele. A re kamake gore mo a le gaye ke mo a fela a kwa Mariya le Josefa mo ba hlaya Mangwalo ka hlogo ka dinako tsa mo ba fo tipolabolela ka moka matšatši ka ho mutšing.c (Dot. 6:6, 7) Fote a re kamake gore Jeso ka Sabatha ye nngwana le ye nngwana ne a dula a ya sinagogeng le ba gabo. (Luk. 4:16) Di ka makega gore mo a le gana hone ke mo a theetsela di mmaba mo ba kene ba bala Mangwalo. Mo goya-goya, Jeso o yye a tšhuta go bala Mangwalo yane ya go Hlawolega ka boyene mong. Byalo, Jeso a sanka a fo tšiba Mangwalo gabutši mara ke mo a kwana nawo ka matla a boya a ma lisetsa ma mo kutšetsela ga tso a di makang. Mo re beyisa, o sa lebale tso di yyeng dya makega ku tempeleng nakwela Jeso a sa na le 12 ya mengwaga. Bo go leng mathitšere ya gore ne ba tšiba Molawo wa Moše gabutši ba yye “ba makatsa ke ka mokgo [Jeso] a kwisisang ka gona le ka mokgo a fetolang ka gona.”—Luk. 2:46, 47, 52.

3. Re nyoko petapeta ka ying ga hlogotaba yowa?

³ Le rune re ka le tšiba Lentsu la Modimo re boya re kwana nalo mo re ka fo bala Mangwalo ka moka matšatši. Byalo, re ka maka byang gore tso re di balang di re berekele? Re ka tšhuta ga tso Jeso a di hlayyeng a botsa bo ba gore Molawo baa wo tšiba go leng bomabhalane, Mafaraseyi le Masadutseyi. Batho bone ba go yeta dikereke mahlong ke mo ba dula ba bala Mangwalo mara a go na le ka ssoši so ba se kotiyeng ga wona. Jeso o šihlele kararo ya dilo tso barena bowa ne ba tshwanele ba di make gore tso ba di balang Mangwalong di thogo ba berekela. Mantsu ya a ba butsiyeng wona ma ka re gelepa gore re karakare ka matla gore re thogo potolla-potolla ga taba ya gore mo re bala re (1) balele go kwisisa tso re di balang, (2) re kraye makolwane fote (3) re lisetse Lentsu la Modimo le re kutšetsele.

BALELA GO KWISISA

4. Luka 10:25-29 yi re tšhutisa ying ga taba ya go bala Lentsu la Modimo?

⁴ Re di nyaka ka matla gore tso re di balang ka ho Lentsung la Modimo re di kwisise gore di ra gore king. Phela hala go se ka mokgonone, nke re fo balela moyano nje. Mo re beyisa, lebelela ka mokgo Jeso a yyeng a bolabola le “ye mongwana wa go tšiba mangwalo.” (Bala Luka 10:25-29.) Mo morenene a butsisa gore o tshwanele a make ying gore a thogo kraya lephelo la go ya go yye, Jeso o yye a mo gelepa gore a kraye phetolo ka Lentsung la Modimo ka go mmutsisa gore: “Molawo wo re king? Anthe wene o bala byang?” Morenene o yye a fetola gabutši a berekisa mangwalo ga taba ya go nyaka Modimo ka matla le go nyaka moyagelane. (Lef. 19:18; Dot. 6:5) Mara lebelela gore o yitseri king se sengwana fote: “Gabutšibutši moyagelane waka ke mang?” Di fo ba lekgwaying gore morenene ke mo a sa di kwisisi gore gabutšibutši tso a di balang di ra gore king. Phela le wene o fo di bona gore ke mo a sa di tšibi gore tso a di balang ga mangwalo yane a ka di berekisa ka mokgwa wofeng wa gore ke wona mo a kene a phela.

5. Taba ya go rapela le go bala re sa taboge yi ka re gelepa ka mokgo mang gore re kwisise gabutši tso re di balang?

⁵ Re ka di kgona go kwisisa Lentsu la Modimo, mo re ka karakara ka matla gore re be le mokgwa wa gabutši wa go le bala. Lebelela tse dingwana tsa gore di ka gelepa ke tsowa. Rapela mo o soko thomisa go bala. Wa tšiba Jehova re ya mo hloka gore a re gelepe re thogo kwisisa Mangwalo gabutši, byalo di nyaka re kgopele moya wage wa go hlawolega wo re gelepe gore mo re bala monagano wa rune wo sa khunghuli ke tse dingwana. Ke mokane o sa taboge mo o bala. Tsotsone di nyoko go gelepa gore o thogo kwisisa so o se balang. Phela taba ya go balela gedimo le yona yi ka go berekela ka matla kela go bala o kene o sipidisana le tsa go theetsela tsa go tšwa ka Bhayibeleng di ka go gelepa. Mo o kwa mantsu ya gore ba ma rekhodiye o boya o ma bona lephepheng, tsotsone di ka go gelepa gore o kwisise, o gopole fote o tšhute tsa go tlala ka tso o di balang ka Lentsung la Modimo. (Još. 1:8) Mo o fetsa go bala, rapela fote, o leboge gore Jehova o go neyye Lentsu lage o boye o mo kgopele a go gelepe gore o di berekise tso o di badiyeng.

6. Mara di ka go gelepa ka mokgo mang go tiputsisa diputsiso le go ngwala fase mo o kene o bala? (Lebelela sethombhe.)

⁶ Tse dingwana ka dipedi tso di ka go gelepang gore o thogo kwisisa Bhayibele gabutši ke tsowa. Tiputsise diputsiso ka tso o di balang. Mo o bala taba ye nngwana ka ho Bhayibeleng tiputsise gore: ‘Ke bomang bo ba bolabolang ka matla ka bona? Ke mang ye a bolabolang? O bolabola le mang fote ke ntaba? Ke kaye mo go makegang dilo tsowa fote ke leng?’ Diputsiso tsa mošaga wonone di ka go gelepa gore o nagane se sengwana o boye o sipidisane gabutši le tso o di balang. Fote tse dingwana di ngwale fase mo o kene o bala. Mo o ngwala fase, tsotsone di ka go gelepa gore o dule o nagana ka tso o di badiyeng ke mokane wa fo teya o tshwarelele ga taba ya go kwisisa. Fote go ngwala fase go ka go gelepa gore o sa lebale tso o di badiyeng. O ka ngwala diputsiso fase, wa ngwala tso o di krayyeng mo o nyakolla, wa ntsha monopo wa taba, wa ngwala gore o ka di berekisa ka mokgo mang tso o di badiyeng kela wa ngwala gore o tikwa byang ka tso o di badiyeng. Phela o ka kraya gore taba ya go ngwala dilo tsa mošaga wonone fase, yi ka go gelepa gore o tseye Lentsu la Modimo go le molayetsa wa gore o botsa wene.

7. Ke mokgwa wofeng wo di nyakang re be nawo mo re kene re bala fote ke ntaba? (Matewu 24:15)

⁷ Jeso o šupetsiye mokgwa wo mongwana wa gore di nyaka re wo tseyele gedimo mo re nyaka go kwisisa tso re di balang ka Lentsung la Modimo—ke taba ya go berekisa monagano. (Bala Matewu 24:15.) Anthe king go berekisa monagano? Ke go kwisisa ka mokgo taba yi tšhokelanang ka gona le ye nngwana, yi sa tshwane gabutši le ye nngwana fote le go kwisisa taba le mo yi sa nape yi ba lekgwaying. Go tokegela gana hone, Jeso o šupetsiye fote gore di nyaka re berekise monagano gore re thogo bona mo go makega seporofeto sa Bhayibele. Fote di nyaka mokgwa wowa re be nawo gore tso re di balang ka ho Bhayibeleng di thogo re berekela.

8. Re ka berekisa monagano ka mokgo mang mo re bala?

⁸ Jehova o neyye malata yage mokgwa wa go berekisa monagano. Byalo, di nyaka o mo kgopele a go gelepe o thogo ba le mokgwa wone. (Diy. 2:6) O ka maka byang gore o sipidisane le tso o di rapeleleng? Maka gore o tšhute se sengwana ga tso o di balang fote o bone gore di yelana ka mokgo mang le tso o šeleng o di tšiba. Gore o thogo maka tsotsone berekisa dithulusi tsa rune tsa go go gelepa gore o tšhute Bhayibele tsa go tshwana le yowa ya gore, Tlhahlo ya go Dira Nyakišišo ya Dihlatse tša Jehofa. Dithulusi tsowa di ka go gelepa gore o thogo kwisisa Bhayibele gabutši o boye o bone le mekgwa yo o ka yi berekisang mo o kene o phela. (Maheb. 5:14) Mo o bala o kene o berekisa monagano, taba ya go kwisisa Mangwalo yi nyoko fo ya yi hluhlutela.

BALA GORE O THOGO KRAYA MAKOLWANE

9. Ke taba yifeng ya go tšwa Mangwalong yo Masadutseyi ma yyeng ma yi takisa maahlo?

⁹ Masadutseyi ke mo ma tlwayelanne ka matla le kapheta ya dipuku tsa mathomo tsa Mangwalo ya Seheberu, mara ke mo ma sa yi tseyele hlogong nnete yo yi leng ga dipuku tsone. Mo re beyisa, lebelela ka mokgo Jeso a yyeng a fetola ka gona mo Masadutseyi ma mmutsisa ka taba ya tsogo. O yye a ba butsisa gore: “A le ya bala ga puku ya Moše ka taba yela ya sehlare sa go dura mollo, hala Modimo a re gage: ‘Ke nna Modimo wa Abhrahama, Modimo wa Isaka le Modimo Jakobo’?” (Mar. 12:18, 26) Le mo Masadutseyi ma yye ma yi bala gatleletlele taba yone, putsiso ya Jeso ke mo yi napa yi yi beya lekgwaying gore ne ba yi takisa maahlo nnete yowa ya go tšwa Mangwalong—ya gore yi tšhutisa ka tsogo.—Mar. 12:27; Luk. 20:38.d

10. Di nyaka re ntsha maahlo dikwakweng ga taba yifeng mo re bala?

¹⁰ Re tšhuta ying? Mo re bala, re nyaka go dula re ntshiye maahlo dikwakweng gore re ka tšhuta ying ga dilo ka mokana ga tsona tso di leng ga temanyana yone kela taba yo go bolabodiwang ka yona ka hone Bhayibeleng. A re fo nyaka go kwisisa tsa gore go fo ba moroba go di tshwara mara re nyaka go kwisisa nnete ya go kenelela le ditšhiko tsa gore di wutamme, fote gore o di kraye di nyaka o šinya o ro bhahla.

11. O ka berekisa 2 Thimothi 3:16, 17 ka mokgo mang gore o kraye makolwane ka ho Bhayibeleng?

¹¹ O ka maka byang gore o kraye makolwane mo o bala Bhayibele? Lebelela so 2 Thimothi 3:16, 17 yi se hlayang. (Bala.) Temanyana yowa yi re “Mangwalo ka mokana ga wona ma . . . gelepa” ka go (1) tšhutisa, (2) ka go kgala, (3) ka go wolola le ka (4) go yetetsa. Dilo tsone ka dine tsa gore di ka go berekela o ka di kraya le ga dipuku tsa Bhayibele tsa gore a yi ga go tlala o di vakašela. Pombhola taba yone o bone gore yi ka go tšhutisa ying ka Jehova, tso a nyakang go di segelela kela ka ditšhiko tsage. Lebelela gore yi gelepa ka mokgo mang ga taba ya go kgala. Maka tsotsone ka go lebelela ka mokgo ditemanyana tsone di go gelepang gore o thogo bona dilo gabutši, o kganele kgole le mekgwa ya go sa loka fote o dule o tshepega ga Jehova. Nyakolla gore taba yone yi ka berekisiwa ka mokgo mang gore o thogo yetetsa kela go potolla mokgwa wa go sa bone dilo gabutši, nakwenngwana ye mongwana ku tšhomong ne a sa kwisisi taba ye nngwana gabutši. Fote lebelela gore ditemanyana tsone di yi tšhela ka mokgo mang taba ya go wolola gore yi thogo go gelepa gore o tseye dilo ka mokgo Jehova a di tseyang. Mo o ka dula o nagana ka dilo tsowa ka dine, o nyoko kraya makolwane ya gore ma nyoko go gelepa gore taba ya go bala Bhayibele yi go berekele.

MAKA GORE TSO O DI BALANG DI GO KUTŠETSELE

12. Ke ntaba Jeso a yye a butsisa Mafaraseyi putsiso ya gore, “Anthe a le ya bala?”

¹² Jeso fote o yye a butsisa putsiso ya gore, “Anthe a le ya bala?” gore a thogo yi beya lekgwaying taba ya gore Mafaraseyi ne ma sa kwisisi Mangwalo gabutši. (Mat. 12:1-7)e Ka nako yonone, Mafaraseyi ma f’lo thoma taba ya gore malata ya Jeso ma tludiye molawo wa Sabatha. Mo Jeso a fetola o hlayye Mangwalo ka mabedi fote a hlaya le temanyana ya gore yi ga Hoseya go šupetsa gore Mafaraseyi ne ma sa kwisisi molawo wa Sabatha fote ne ma sa kwelane go baba. Ke ntaba barena bowa ne ba sa lisetse tso ba di balang ka Lentsung la Modimo di ba kutšetsela? Ka taba la gore ne ba bala ba kene ba kakodiye magetla. Mokgwa wa bona wa go kekema wo ba teyye ka puku gore ba sa kwisisi tso ba di balang.—Mat. 23:23; Joh. 5:39, 40.

13. Ke mokgwa wofeng wo re tshwaneleng re be nawo mo re bala Bhayibele fote ke ntaba?

¹³ Re tšhuta se sengwana ga mantsu ya Jeso ya gore di nyaka re bale Bhayibele ka mokgwa wa gabutši. Re sa tshwane le Mafaraseyi ya gore ne ma sa tinyanafatse fote ma sa tikemisela go tšhuta. Di nyaka “le tinyanafatse le lisetse Modimo a gašeneng mantsu ka ho dipelong tsa lune.” (Jak. 1:21) Mo nkare re batho ba go temeka, re nyoko lisetsa Lentsu la Modimo le ro naama ka dipelong tsa rune. Mo re ka sa kganele kgole le go kakola magetla, di ka sa be lula gore re kutšetsele ke tso Bhayibele yi di tšhutisang ga taba ya go kwelana go baba le ya go nyakanana.

14. Re ko di bona byang gore re lisetsa Bhayibele yi re kutšetsela? (Lebelela dithombhe.)

¹⁴ Ka mokgo re tshwarang ba bangwana ka gona ke tsona tso di ka šupetsang gore re lisetsa Lentsu la Modimo le re kutšetsela kela dho. Mafaraseyi a sanka ma dumelela Lentsu la Modimo gore le tikise dipelo tsa wona ke mokane tsotsone dya maka gore ma “sole ba gore a baa sinya selo.” (Mat. 12:7) Byalo, le ga rune ka mokgo re tseyang dilo le ka mokgo re tshwarang ba bangwana ka gona di ko fo ba lekgwaying gore ayitsano re lisetsiye Lentsu la Modimo le re kutšetsela. Mo re beyisa, ayitsano re di tlwayele go hlaya tsa gabutši tso re di bonang ga ba bangwana kela re tiyele go yakgoswela go hlaya tso ba di kekemisang? Ayitsano re kwelana go baba fote re tikemisele go tshwarelana kela re poyilanya ba bangwana re boya re ba tshwara ka pelo? Mo re ka fetola diputsiso tsowa, di nyoko ba lekgwaying gore re lisetsa tso re di balang di kutšetsela ka mokgo re naganang, ka mokgo re tikwang le ka mokgo re makang dilo.—1 Thim. 4:12, 15; Maheb. 4:12.

MO RE BALA LENTSU LA MODIMO— A GO JIKI RE NYOKO JABOLA

15. Jeso ne a tikwa byang ka Mangwalo ya go Hlawolega?

¹⁵ Jeso ke mo a kwana ka matla le Mangwalo ya go Hlawolega fote mantsu ya ma leng ga Pisalema 40:8 ma hlayye ka mokgo ne a tikwa ka gona mo a re: “Ke nabela go maka tso di nyakang ke wene Modimo waka fote molawo wago wo ka tengteng gaka.” Ka taba la gore ke mo a kwana ka matla le Mangwalo, ne a jabodiye la go sa hlayisege fote a phomelele ga taba ya go berekela Jehova. Le rune mo re ka bala Lentsu la Modimo ra kwana nalo ka matla, dilo di nyoko re sepelela gabutši ra boya ra jabola la go sa hlayisege.—Pis. 1:1-3.

16. O ka maka byang gore di go berekele mo o bala Lentsu la Modimo? (Lebelela lebhokisi la gore, “Mantsu ya Jeso ma ka go Gelepa Gore o Thogo Kwisisa Tso o di Balang.”)

¹⁶ Tla re lokotšeneng ka mokgo re balang Bhayibele ka gona, re sipidisane le mantsu yaa Jeso a ma hlayyeng a boya a re beyisela. Re ka di kgona go kwisisa tso re di balang ka ho Bhayibeleng mo re ka rapela, ra bala re sa taboge, ra tiputsisa diputsiso ra boya ra ngwala tse dingwana fase. Phela mo re ka sa takisi maahlo taba ya go bala Bhayibele re berekisa dikgatiso tsa rune tsa go bolabola ka Bhayibele, re ko ba re šupetsa gore re berekisa monagano gabutši. Re ka tšhuta go berekisa Mangwalo gabutši le ga taba ya gore a re ya tlwayelana nayo ka go ribolla tso re ka di tšhutang ga yona. Fote re ka lisetsa Lentsu la Modimo le re kutšetsela ka go liketsa ka matla gore mo re kene re bala re tseye dilo ka mokgwa wa gabutši. Mo re ka karakara ka matla gore re make dilo ka mokgonone, re nyoko maka gore tso re di balang di re berekele fote ra šutela thina ka matla le Jehova.—Pis. 119:17, 18; Jak. 4:8.