Ba Bonne ka Mokgo Phutego Yone yi Nyakananang ka Gona

YOMARA le bobhuti bage—Marcelo le Hiver—ba dula dimitšaneng tsa ku Guatemala. Yomara o thomisiye go tšhuta Bhayibele le Dihlatse ke mokane bobhuti bage le bona ba feleletsa ba tšhuta Bhayibele. Mara ke mo go na le bothatha byo bongwana. Bana bowa ba motho kararo ya bona ke mo ba popele maahlo, fote ke mo ba sa kgone go bala sa gore bo ba go popela maahlo ba kgona go bala ka sona. Byalo, ye ke mo a ba tšhutisa Bhayibele ke mo a ba balela direle le ditemanyana tsa Bhayibele tso di leng ga setšhuto sone.

Ke mo go ro ba mong ntshitshire gore ba tle megahlanong. Ne ba ka sa kgone go sepela ba ntoši 40 ya diminetsi ba ya Holong ya Mmušo ya gore yi thina. Mara magagabo ya ka ho phutegong ba ba gelepiye gore ba thogo ba gona megahlanong. Fote mo bobhuti bage ba thomisa go beya dipolabolo kela mešupetso ga mogahlano wa gare ga beke, magageru ke mo ba ba gelepa gore ba di tshware ka hlogo.

Ka May 2019, megahlano ya phutego ba yye ba thomisa go yi tshwarela polekeng yo ke mo ba dula gona. Ka nako yonone, ne go se botala monna le mosadi wage ba gore ke mašupatsela ya nako ka moka ba rurele gana hone. Ne ba tikemisele go tšhutisa bana bowa ba motho kararo ya bona go bala ka sa gore bo ba go popela maahlo ba berekisa sona gore ba thogo bala le go ngwala, le mo yi le gore bona beng ke mo ba sa se kwisisi. Byalo, ba yye ga layibhrari, ke mokane ba kraya dipuku tsa batho ba go popela maahlo gore ba thogo tšhuta ba boye ba tšhutise ba bangwana gore ba di berekise ka mokgo mang.

Ka nthago ga dikgwedinyana, bana bowa ba motho kararo ya bona ke mo ba šele ba kgona go bala gabutši puku ya batho ba go popela maahlo, fote tsotsone di yye dya maka gore ba nape ba ba le senghana sa go tiya ka matla le Jehova.a Gana byalo Yomara, Marcelo, le Hiver ke mašupatsela ya nako ka moka. Marcelo ke lelata la ka phutegong. Ba fo dula ba tshwaraganne ka tso tsa Modimo ka matla. Ba berekela Jehova ka matšato fote tsotsone di maka gore bo ba leng thina nabo ba make ka mokgonone.

Bana bowa ba motho kararo ya bona ba yi leboga ka matla taba ya gore phutego ke mo yi ba thega ka go di nyaka. Yomara o yitseri, “Mo re thomisa go gahlana le Dihlatse di re šupetsiye go nyakanana ga mannete ga Makreste.” Marcelo o tokegele ka gore, “Re na le banghana ba gabutši ka matla ka ho phutegong ya rune, fote re na le mutši wa lefase ka mokana ga lona wa gore wo mamarelane fote a yi go nyakanana ga wona.” Yomara le bobhuti bage ba di yemele ka maahlo ya makhubedu go bona mo lefase le tšhentšha go ba pharadeyisi.—Pis. 37:10, 11; Jes. 35:5.