Šupetsa Gore o Leboga Banna bo Jehova le Jeso ba ba Hlawodiyeng

1. Ke dilo difeng tse dingwana tse dikgolo tso Jeso a re makeleng tsona?

A GO NA motho wa gore o yye a makela ba bangwana dilo go phala Jeso. Nakwela a le ho lefaseng, ke mo a fela a maka mehlolo gore a thogo gelepa ba bangwana. (Luk. 9:12-17) O re makele mong taba ye kgolo ka matla nakwela a neyela ka lephelo lage. (Joh. 15:13) Go tlugisela mo Jeso a tsusiwa, o yye mahlong a re gelepa. Go fo ya ka mokgo a tshepisiyeng, o kgopele Jehova gore a tshollele moya wa go hlawolega gore wo re gelepe wo boye wo re kgomoletse. (Joh. 14:16, 17, 16:13) Fote Jeso o berekisa megahlano ya phutego gore a re lukiselele gore re thogo maka malata lefaseng ka mokana ga lona.—Mat. 28:18-20.

2. Ga “banna ba gore ba kgona go maka dilo” ba gore go bolabodiwa ka bona ga Maefeso 4:7, 8 go kena le bomang?

² Go na le taba ye nngwana yo Jeso a re makeleng yona. Pawulo wa lepostola o ngwadiye gore ka nthago ga gore Jeso a yinugele legedimong, “o neyye phutego banna ba gore ba kgona go maka dilo.” (Bala Maefeso 4:7, 8.) Pawulo o hlayye gore Jeso o re neyye banna bowa gore ba thogo gelepa phutego ka mekgwa ya go sa tshwane. (Maef. 1:22, 23; 4:11-13) Lekgono, ga “banna ba gore ba kgona go maka dilo” go kena le malata ya ka phutegong, bagolo ba phutego le bapotulugi.a Nnete ke gore, banna bowa a baa yenela, byalo ba fela ba kekemisa. (Jak. 3:2) Mara Morena wa rune Jeso o ba berekisa gore ba re gelepe; o re neyye bona.

3. Re beyisele gore ka mokana ga rune re ka thega ka mokgo mang mmereko wo wo makang ke “banna ba gore ba kgona go maka dilo.”

³ Jeso o neyye ‘banna bowa ba gore ba kgona go maka dilo’ mmereko wo mogolo wa go tiyisa phutego. (Maef. 4:12) Mara rune ba bangwana re ka ba gelepa gore ba make mmereko wowa wo mogolo. Mo re beyisa: Ba bangwana ba rune ba maka mmereko wa go yaga Diholo Tsa Mmušo. Ba bangwana ba gelepa bo ba go bereka ka go ba leyela tsa go ja, go dhrayiva, kela ka dilo tse dingwana. Le rune re ka gelepa malata ya ka phutegong, bagolo ka phutegong le bapotulugi ka tso re di hlayang le tso re di makang. Tla re boneneng gore mmereko wo ba wo makang wo re berekela ka mokgo mang le gore re ka ba šupetsa byang gore re ba tseyela gedimo banna bowa le Jeso, yene wa gore o re neyye ‘banna bowa ba gore ba kgona go maka dilo.’

MALATA YA KA HO PHUTEGONG MA “GELEPA BA BANGWANA”

4. Malata ya ka phutegong ma gelepiye ba bangwana ka mokgo mang ku botala?

⁴ Ku botala, magageru ya mangwana ne ma bereka go le malata ya ka phutegong. (1 Thim. 3:8) Di šupetsa nkare ke bona ba gore ne ba “gelepa ba bangwana” ba gore Pawulo o bolabodiye ka bona. (1 Makor. 12:28) Fote nkare malata ya ka phutegong ne ma maka mmereko wo mogolo gore bagolo ba thogo ya mahlong ba tšhutisa fote ba tiyisa ba bangwana. Mo re beyisa, malata ma ka fo ba ma yye ma gelepa ka go kopolla Mangwalo kela ma leyye dilo tsa gore ne di nyoko berekisiwa mo ba kopolla.

5. King tse dingwana tso malata ya ka phutegong ma gelepang ka tsona lekgono?

⁵ Nagana ka tse dingwana tsa gore malata ya ka phutegong maa di maka phutegong ya lune. (1 Pet. 4:10) Ba ka fo ba neya mmereko wa go pasopa tsa ditšheleta kela tšhomo, go kgopela dikgatiso ke mokane ba maka gore batšhomayedi ba thogo di kraya, ba bereka ga metšhene ya tsa go theetsela le dividiyo, ba bereka go le ba go ghata kela ba gelepa ka go pasopa Holo ya Mmušo. Dilo tsowa ka mokana ga tsona di tshwanele gore di makiwe gore phutego yi sa šale yi hlakahlakanne. (1 Makor. 14:40) Go tokegela gana hone, malata ya ka phutegong ya mangwana ma beya le dipolabolo ga Mogahlano wa Maphelelo le Matšhomayelelo ya Rune ma boya ma beya le dipolabolo tsa batho ka moka. Lelata ba ka le hlawola gore le gelepe go wokamela mogoba wa tšhomo. Ka dinako tse dingwana, mogolo a ka kgopela lelata gore le ye naye mo a ye tiyisa ye mongwana ka phutegong.

6. King tso di makang gore malata ya ka ho phutegong re ma tseyele gedimo?

⁶ Mmereko wa malata ya ka phutegong wo gelepa phutego ka mokgo mang? Mogageru wa mosadi ye ba reng ke Beberly,b wa go tšwa Bolivia, o re: “Ke leboga malata ya ka phutegong ka gore ke jabolela megahlano. Ka taba la mmereko wa wona, ke kgona go yepelela, ka fetola, ka theetsela dipolabolo, ka tšhuta ga dividiyo le dithombhe. Ba maka gore bo ba gore ba tlile megahlanong ba tikwe ba pasopegiye ba boya ba maka gore bo ba gore a baa kgona go segela megahlanong ba libelele megahlano ba le gaye. Ka nthago ga megahlano, ba gelepa ka go yedisa holo, ka tsa ditšheleta ke mokane ba re neya dikgatiso tso re di nyakang. Ke ya ba leboga wa tšiba!” Leslie, wa gore o dula Colombia wa gore fote monnage ke mogolo o re: “Monnaka o gelepa ke malata ya ka phutegong ya gore ma maka mebereko ya mehlobohlobo. Ne a nyoko dula a yemayema hala ma se šiyo, byalo ke ma leboga ke sa fetse ka gore maa karakara fote ma dula ma tikemisele go gelepa.” A re kamake gore le wene o tikwa ka mokgonone.—1 Thim. 3:13.

7. Re ka šupetsa byang gore malata ya ka ho phutegong re ya ma leboga? (Lebelela le sethombhe.)

⁷ Le mo nkare re ya tikwa ka mo pelong gore re leboga malata yawa, Bhayibele yi re hlohletsela gore: ‘Le šupetse gore le ya leboga.’ (Makol. 3:15) Krzysztof, wa gore ke mogolo ku Finland, o šupetsa gore wa leboga ka mokgwa wowa, “Ke romela khati ya gore ke ngwadiye temanyana ke mokane ka hlaya ka mokgo mogageru wa gore ke lelata a ntiyisiyeng ka gona kela gore ke ntaba ke leboga mmereko wage.” Pascal le Jael, ba gore ba dula New Caledonia, ba fela ba rapelela malata ya ka phutegong. Pascal o hlaya gore, “Gana byalo, re dula re rapelela malata ya ka phutegong, re leboga Jehova fote re mo kgopela gore a be le malata yawa a boye a ma pasope.” Jehova wa yi theetsela merapelo ya mošaga wone, sosone se maka gore phutego yi hluhlutele.—2 Makor. 1:11.

BAGOLO BA ‘BEREKA KA MATLA’

8. Ke ntaba Pawulo a hlayye gore bagolo bo ne a bereka nabo ne ba “bereka ka matla”? (1 Mathesalonika 5:12, 13)

⁸ Bagolo ba ku botala ke mo ba bereka ka matla ka taba la phutego. (Bala 1 Mathesalonika 5:12, 13; 1 Thim. 5:17) Ke mo ba “yeta mahlong” ka phutegong—ba maka gore go be le megahlano fote ba segelela dipheto go le mogoba wa bagolo. Ke mo ba “yetetsa” magageru—ba ma wolola ba sa jikajiki mara ba kene ba ma šupetsa gore ba ma nyaka ka matla gore ba thogo pasopa phutego. (1 Mathes. 2:11, 12; 2 Thim. 4:2) Nnete ke gore banna bowa ba bereka go baba gore ba thogo pasopa ba mitši ya bona le gore ba dule ba tiyelele ga tso tsa Modimo.—1 Thim. 3:2, 4; Tito 1:6-9.

9. King tse dingwana tsa gore bagolo baa di maka lekgono?

⁹ Lekgono bagolo ba dula ba tshwaraganne. Baa tšhomayela. (2 Thim. 4:5) Ba re beyela mošupetso wa gabutši ka go karakara ka matla tšhomong, ba maka gore go tšhomayediwe gana ho phutego yi leng gona, fote ba re lokotša gore re thogo tšhomayela le go tšhutisa gabutši. Fote ba bereka go le bo ba go yahlula ba gore ba kwelana go baba ba gore fote a ba tseye mahlaya. Mo Mokreste a sinya ka matla, bagolo ba mo gelepa gore a thogo lukisa senghana sage le Jehova. Ka nthoko ye nngwana, ba karakara gore phutego yi dule yi yediye. (1 Makor. 5:12, 13; Magal. 6:1) Mmereko wo mogolo wo bagolo ba wo makang ke go disa phutego. (1 Pet. 5:1-3) Ba beya dipolabolo tsa gore di tšwa Mangwalong, ba liketsa ka matla gore ba tšibe ye mongwana le ye mongwana ka phutegong, fote ba tiyisa magageru. Bagolo ba bangwana ba gelepa mo go yagiwa Diholo Tsa Mmušo kela mo ba di lukisa, ba lukiselela mogahlano wo mogolo, ba gelepa ga Dikomiti tsa Sepetlele le ga Megoba ya go Vakašela ba go Lwala, go tokegela ga mmereko wo ba nang nawo. Bagolo ba bereka ka matla ka taba la rune wa tšiba!

10. King tso di makang gore re tseyele gedimo bagolo ba rune ba gore baa karakara?

¹⁰ Jehova o porofitiye gore bo ba go disa ba nyoko re pasopa fote re “ka sa sa tšhoga kela go hlagasela.” (Jer. 23:4) Johanna wa gore ke mogageru wa mosadi hala Finland, o bonne mo mantsu yawa ma makega nakwela mmane wage a lwala ka matla. O re: “Le mo nkare a di lula gore ke botse ba bangwana ka mokgo ke tikwang, mogolo wa gore a ke ya napa ke mo tlwayela o yye a nlefisela pelo, a rapela le nna, fote a napa a tiyisa taba ya gore Jehova o nnyaka ka matla. A ke sa gopola gore o yitseri king, mara so ke se gopolang ke gore ne ke sa sa šekela. Ke ya di tshepa gore Jehova o mo romele gore a n’gelepe ka nako ya gona.” Bagolo ba phutegong ya lune ba go gelepiye byang?

11. Re ka ba šupetsa byang bagolo bowa gore re ya ba leboga? (Lebelela le sethombhe.)

¹¹ Jehova o nyaka gore re šupetse gore re leboga bagolo bowa “ka taba la gore ba bereka ka matla.” (1 Mathes. 5:12, 13) Henrietta, wa gore le yene o dula Finland, o re: “Bagolo ba gelepa ba bangwana ba sa tšhofe ke motho, mara tsowa a di rele gore ba na le nako ya go tlala le matšhika kela gore a ba na tso di ba ghulang. Ka dinako tse dingwana ke ba botsa gore: ‘Wa tšiba gore king mara? Ke wene mogolo wa gabutši wa tšiba. Ke fo tshepa gore wa di tšiba tsone.’” Mogageru wa mosadi wa ku Türkiyec ye ba reng ke Sera o re: “Bagolo ba nyaka go tiyisiwa gore ba ye mahlong ba bereka. Byalo, re ka ba ngwalela khate, ra ba mema gore ba je le rune kela ra ya le bona tšhomong.” Ayitsano go na le mogolo wa gore o leboga tso a di makang? Mo šupetse gore tso a di makang wa di leboga.—1 Makor. 16:18.

BAPOTULUGI BAA TIYISA

12. Jeso o kgetiye mogoba wofeng wo mongwana wa banna gore a thogo tiyisa diphutego? (1 Mathesalonika 2:7, 8)

¹² Kreste Jeso o neyye diphutego “banna ba gore ba kgona go maka dilo” ba gore ba gelepa ka mokgwa wo mongwana. O berekisiye bagolo ba ku Jerusalema gore ba rome Pawulo, Bharenabhase le ba bangwana go le bapotulugi. (Meber. 11:22) Ke ntaba? Ka taba la tso di makiyeng gore ba hlawole malata ya ka phutegong le bagolo: gore ba thogo tiyisa diphutego. (Meber. 15:40, 41) Banna bowa ba tikonne tsa go tlala fote ka dinako tse dingwana ba beya maphelo ya bona kotsing gore ba thogo tšhutisa le go tiyisa ba bangwana.—Bala 1 Mathesalonika 2:7, 8.

13. King tse dingwana tso di makang ke bapotulugi?

¹³ Bapotulugi ba fo dula ba le pateng. Ba bangwana ba sepela dikhilomitha tsa go tlala mo ba vakašela diphutego. Beke ye nngwana le ye nngwana, mopotulugi o beya dipolabolo, a ya go ye tiyisa magageru, a yeta mahlong mmithini wa mašupatsela, mmithini wa bagolo le wa tšhomo. O lukiselela dipolabolo, megahlano ye megolonyana le megahlano ye megolo. O tšhutisa ga sekolo sa mašupatsela, a maka gore go be le megahlano ya go hlawolega le mašupatsela ya modukulugong wage a boya a tshwaragana le ditaba tse dingwana tsa gore ka dinako tse dingwana di yakgoswiye tsa go tšwa ga mokgahlo.

14. King tso di makang gore re tseyele gedimo bapotulugi ba rune ba gore ba bereka ka matla?

¹⁴ Mmereko wa go bafala wa go maka ke bapotulugi wo berekela diphutego ka mokgo mang? Mo mogageru ye mongwana wa ku Türkiye a bolabola ka taba ya go vakašela ke bapotulugi, o re: “Nako le nako mo ba re vakašela, tsotsone di nhlohletsela gore ke fetse nako ya go tlala ke gelepa magageru. Ke gahlanne le bapotulugi ba go tlala; mara a go na le ka wwoši wa gore ne a šupetsa a sa kenege kela a maka ke nagane gore aa yi kene yaka.” Johanna, wa gore re šele re bolabodiye ka yene o yye a bereka le mopotulugi tšhomong, mara ke mo ba sa kraye batho ho mitšing. O re, “Le lekgono lowa ke sa gopola letšatši lela. Bosesi baka ka babedi ne ba fetsa go rura, fote ne ke ba gopodiye ka matla. Mopotulugi o yye a ntiyisa ke mokane a n’gelepa go bona gore gana byalo di ka fo sa be lula go dula thina le mašaga le banghana mara ga lefase la nyuwane re nyoko thulegela ke mašuba ya go fetsa nako ya go tlala nabo.” Ba go tlala ba rune re tseyela gedimo bapotulugi ba rune fote re leboga ka mokgo ba re gelepiyeng ka gona.—Meber. 20:37–21:1.

15. (a) Ga tso re di krayang ga 3 Johane 5-8, re ka šupetsa ka mokgo mang gore re tseyela bapotulugi gedimo? (Lebelela le sethombhe.) (b) Ke ntaba re tshwanele re šupetse gore basadi ba magageru ya gore ma bereka ka matla re ba tseyela hlogong, fote re ka di maka byang tsotsone? (Lebelela lebhokisi la gore “O sa Lebale Basadi ba Bona.”)

¹⁵ Johane wa lepostola o hlohletsele Ghayiyose gore a yamogele magageru ya gore ne ma vakašiye le gore “mo ba šele ba sepela, a liketse ka matla go ba gelepa tsa gore Modimo le yene a šale a jabodiye.” (Bala 3 Johane 5-8.) Mokgwa wo mongwana wa go maka ka mokgonone ke mo re mema mopotulugi gore a tl’le ja le rune. Wo mongwana wona ke mo re thega mmereko wa tšhomo mo a vakašele phutego ya rune. Leslie, wa gore re šele re bolabodiye ka yene o šupetsa ka mekgwa ye mengwana gore wa leboga. O re, “Ke rapelela gore Jehova a ba neye tso ba di gayelang. Nna le monnaka re ba ngwalele marifi re ba botsa ka mokgo re gelepiyeng ke taba ya gore ba re vakašele.” O sa lebale gore bapotulugi le bona go na le tso di ba ghulang fote baa tinwa. Ka dinako tse dingwana baa lwala, baa šekela fote baa kgongwela. Di ka fo makega gore mantsu ya gabutši ya o ba botsang wona kela mo o ba neya se sengwana o ka fo kraya gore ke phetolo ya tso ne ba di rapelela!—Diy. 12:25.

RE NYAKA “BANNA BA GORE BA KGONA GO MAKA DILO”

16. Mo re bala Diyema 3:27, magageru ma ka tiputsisa diputsiso tsa mošaga mang?

¹⁶ Lefaseng ka mokana ga lona, re nyaka magageru ya go tlala gore ma thogo bereka go le “banna ba gore ba kgona go maka dilo.” Mo nkare o mogageru wa gore o kolobetsiwwe, ayitsano “o ka kgona go gelepa”? (Bala Diyema 3:27.) Ayitsano o ka karakara gore o bereke o le lelata? Mo nkare o šele o bereka o le lelata, ayitsano o ka karakara gore o bereke o le mogolo?d Ayitsano o ka kgona go tšhentšha tse dingwana lephelong lago gore o thogo kgopela go ya Sekolong sa Batšhomayedi ba Mmušo? Sekolo sowa se nyoko go tšhutisa le go go gelepa gore Jeso a thogo go berekisa. Mo o tikwa nkare a o tshwanelege, rapela Jehova. Mo kgopele a go gelepe a berekisa moya wa go hlawolega gore o thogo maka tso ba go neyyeng tsona.—Luk. 11:13; Meber. 20:28.

17. King so “banna ba gore ba kgona go maka dilo” ba napang ba se šihlela ka Kgoši ya rune, Kreste Jeso?

¹⁷ Mmereko wo wo makang ke magageru ya gore Jeso o ma hlawodiye gore go be “banna ba gore ba kgona go maka dilo” wo fo šupetsa gore ke mo a kene a re yetetsa ga dinako tso tsa mafelelo. (Mat. 28:20) Ayitsano a o tikwe o nyaka go leboga gore re na le Kgoši ya gore ya nyakanana, a yi konane, yi re tseyela hlogong ya gore fote yi re neya magageru gore ma thogo re gelepa? Byalo, kraya mekgwa ya go šupetsa gore o leboga banna bowa ba gore ba bereka ka matla. Fote o sa lisetse go leboga Jehova, yene wa gore “dilo ka mokana ga tsona tsa gore di gabutši le tsa gore di felegelele” di tšwa gage —Jak. 1:17.