Berekisa Bhayibele go Tshwana le Seboki

Jakobo wa lepostola o tshwanisiye Bhayibele le seboki sa gore se re gelepa gore re thogo bona motho ye re leng yene ka ku tengteng. (Jak. 1:22-25) Mara Bhayibele re ka yi berekisa byang go tshwana le seboki?

Yi bale gabutši. Mo re ka fo tilebelela seboking re jagiye, re ka fo sa bone gabutši selo sa gore a se ya dudisega ho ga rune. Go fo tshwana le mo re bala Bhayibele, mo nkare re yi bala nkare baa re lelekisa, re ka sa kgone go bona mo re tshwaneleng go tšhentšha gona. Gore re thogo maka tsowa, di nyaka re bale Lentsu la Modimo gabutši.

Lebelela tso wene o tshwaneleng go di lukisa, o sa lebelele tsa ba bangwana. Ka dinako tse dingwana mo re tilebelela seboking, re thogo bona le batho ba bangwana fote re ka napa re gorolela maahlo tsa gore di kekemme tso ba di makang. Ka wona mokgonone, re nyoko ba re berekisa Bhayibele gore re lebelele dilo tso ba bangwana ba sa di makeng gabutši. Mara tsone di ka sa re gelepe gore re lukise tsa runebeng.

Tinaganele. Mo re ka fo dula re lebelela dilo tsa gore a re kwane natso mo re le seboking, tsotsone di ka maka gore re kgongwele. Mo re bala Lentsu la Modimo, a di nyake re tiyimetsa ka dilo tsa go tlala tsa gore Jehova ne a sa di yemela gore re di make.​—Jak. 3:17.