Yekisela Mangeloyi ya go Tshepega

1-2. (a) Rune batho re fapana ka ying le mangeloyi? (b) King tso rune le mangeloyi re tshwanang ka tsona?

NAKWELA Jehova a go goga gore o tle nneteng, ne a go mema gore le wene o be ka mutšing wa batho ba mehlobohlobo bo ba mo rapelang, ba gore baa nyakanana fote gana hone go kena le dimiliyoni tsa mangeloyi. (Dan. 7:​9, 10) Mo re nagana ka mangeloyi, so se ka tlang ka ho menaganong ya rune go ka fo ba ka mokgo re fapanneng kgole nawo. Mo re beyisa, mangeloyi a ma tshwane le rune ka taba la gore ke botala ma le gona. (Jobo 38:​4, 7) Ma na le matšhika ya magolo go phala rune. Ma hlawolegiye fote ma lukiye go re phala ka taba la gore rune a re ya yenela.—Lluk. 9:26.

² Le mo rune batho re sa tshwane ka tse dingwana le mangeloyi mara go na le tsa go tlala tso re tshwanang ka tsona. Mo re beyisa, go fo tshwana le mangeloyi, le rune re ya di kgona go šupetsa mekgwa ya go bafala yo Jehova a nang nayo. Le rune re ka tisegelela dipheto go fo tshwana nawo. Se sengwana so re tshwanang ka sona ke gore re na le mabitso, mekgwa yo re tšibega ka yona, le mebereko ya go sa tshwane. Fote go fo tshwana le mangeloyi, re ya di nyaka go rapela Ye a re Makiyeng.—1 Pet. 1:12.

3. Re ka tšhuta ying ga mangeloyi ya go tshepega?

³ Ka gore rune le mangeloyi re tshwana ka dilo tsa go tlala, mešupetso ya wona yi ka re tiyisa ya boya ya re tšhutisa tsa go tlala. Gabutšibutši, re ka tšhuta dilo tsa go tlala tsa gore di gabutši ga mangeloyi. Ga hlogotaba yowa, re nyoko bona ka mokgo re ka yekiselang mangeloyi ya go tshepega mo di tla ga taba ya go tinyanafatsa, go nyaka batho ka matla, go tiyisela le tso ma di makang gore phutego yi dule yi yediye.

MANGELOYI MA TINYANAFATSIYE

4. (a) Mangeloyi ma šupetsa ka mokgo mang gore ma tinyanafatsiye? (b) Ke ntaba mangeloyi ma tinyanafatsiye? (Pisalema 89:7)

⁴ Mangeloyi ya go tshepega ma tinyanafatsiye. Le mo ma tšiba dilo tsa go tlala, ma na le matšhika fote ma hlalefiye, ma sa na ma theetsela tso Jehova a ma yetetsang ka tsona. (Pis. 103:20) Mo ma kene ma maka mebereko ya wona, a ma kganye ka tso ma di makang kela go kganyisa matšhika ya wona ya go phala ya batho. Ma jabodisa ke go maka tso di nyakang ke Modimo le mo batho ba ka sa tsoge ba tšibiye le mabitso ya wona.a (Gen. 32:​24, 29; 2 Mag. 19:35) A ma kwane le go gadimisiwa ka taba la gore maa di tšiba gore go tshwanele go gadimisiwe Jehova. Anthe ke ntaba mangeloyi ma tinyanafatsiye? Ka taba la gore ga Jehova ma mo nyaka ka matla fote ma mo hlompa la go sa hlayisegi.—Bala Pisalema 89:7.

5. Lengeloyi ka lloši le šupetsiye ka mokgo mang gore le tinyanafatsiye nakwela le wolola Johane wa lepostola? (Lebelela le sethombhe.)

⁵ Lebelela so se makegiyeng sa go šupetsa gore mangeloyi ma tinyanafatsiye. Gana hala ga 96 C.E., lengeloyi le lengwana la gore a baa le hlaya ka lebitso le yye la šupetsa Johane wa lepostola mmono wo mongwana wa go makatsa. (Kut. 1:1) Johane o yye a maka ying mo a bona mmono wone? O yye a liketsa go kgotamela lengeloyi lela. Mara lengeloyi lone la go tshepega le yye la yakgoswa le mo yemisa, la re: “Pasopa! O sa make tsotsone! Ke fo ba lelata go tshwana nago le bobhuti bago . . . Wene rapela Modimo!” (Kut. 19:10) Phela mo nkare tsone a yi go tinyanafatsa, gona aritši! Lengeloyi lela ne le sa di nabele tsa go gadimisiwa kela go tseyediwa gedimo. Le napiye le botsa Johane gore a rapele Jehova Modimo. Ka nthoko ye nngwana, lengeloyi lone a sanka la tseyela Johane fase nkare go fo ba lephephe la tšhepisi. Le mo yi le gore ke botala lengeloyi lone le berekela Jehova fote le na le matšhika go phala ya Johane, le yye la re le lona ke lelata go fo tshwana naye. Fote le mo nkare ne di nyakega gore lengeloyi lone le wolole Johane, a sanka la mo kgwasolanya kela la tshwara lepostola lone la gore le tsofele bošidi. Mara le yye la bolabola naye gabutši. Di ka makega gore le di bonne gore Johane o šinya a kgotama ka taba la go makatsa ke dilo tso a di bonneng.

6. Re ka kopisela mangeloyi ka mokgo mang mo di tla ga taba ya go tinyanafatsa?

⁶ Rune re ka di kgona byang go tinyanafatsa go tshwana le mangeloyi? Le rune re ka di kgona go maka mebereko re sa kganyisi selo kela go liketsa go maka gore batho ba re thanake ga tso re kgonneng go di segelela. (1 Makor. 4:7) Go tokegela gana hone, a di nyake re titseya nkare re phala ba bangwana ka taba la gore ke botala re thomme tema yowa ya go berekela Jehova kela go na le mebereko yo re yi makang ya gore bona a ba soko yi segelela. Gabutšibutši, di nyaka gore mo re ba le mebereko ya go tlala, re kganele kgole le taba ya go titseyela gedimo ka matla. (Lluk. 9:48) Go fo tshwana le mangeloyi, le rune re nyaka go berekela batho ba bangwana. A re nyake go maka gore batho ba nagane nkare ba tshwanele ba re tseyele gedimo.

7. Re ka šupetsa byang gore re tinyanafatsiye mo re gelepa kela re wolola motho ye mongwana?

⁷ Re ka šupetsa gore re tinyanafatsiye mo di nyaka re wolola ye mongwana—go ka fo ba go le mogageru kela bana ba rune. Di ka nyaka gore re tiyise letsogo mo re ba wolola. Go fo tshwana le ka mokgo lengeloyi le wolodiyeng Johane le bolabola naye gabutši, le rune re ka di kgona go wolola motho yene re tiyisiye letsogo mara re sa mo šiyi a kgongwele ka matla. Mo nkare a re titseyi re phala ba bangwana, re ko kgoneng go wolola motho re berekisa Bhayibele re kene re šupetsa gore re ya mo hlompa re boya re mo kwela go baba.—Makol. 4:6.

MANGELOYI MA NYAKA BATHO KA MATLA

8. (a) Lluka 15:10 yi re mangeloyi ma šupetsa ka mokgo mang gore ma kwana le batho ka matla? (b) King so mangeloyi ma se makang gore ma thege mmereko wa go tšhomayela? (Lebelela le sa ka tawong.)

⁸ Mangeloyi a ma tseyi nkare batho a yi selo, wona ma tikgona ma ntoši. Ma kwana le batho ka matla. Maa jabola mo motho wa go sinya a sokologa le mo nku ya gore ne yi lahlegiye yi boya ga Jehova kela mo motho a tšhentšha ditsela tsage ke mokane a thomisa go berekela Modimo. (Bala Lluka 15:10.) Fote mangeloyi ma kene ma thega mmereko wa go tšhomayela ka Mmušo wa Modimo. (Kut. 14:6) Le mo ma sa nape ma tšhomayelela batho, mara ma yetetsa batšhomayedi gore ba ye ga motho wa gore o nyaka go tšhuta ka Jehova. Ke nnete gore re ka sa nape re re ga seyemo se sengwana le se sengwana ne re yetetsa ke mangeloyi. Phela Jehova a ka berekisa le mekgwa ye mengwana—go tshwana le moya wage wa go hlawolega—gore a thogo gelepa batho bage kela go yetetsa malata yage. (Meber. 16:​6, 7) Le mo go le ka mokgonone, o berekisa mangeloyi yage gore ma re gelepe mo re tšhomayela. Byalo, mo re tšhomayela ditaba tsa go bafala, re ka napa re tshepa re tiyisiye gore mangeloyi ma nyoko ba gona gore ma re thege.—Lebelela lebhokisi la gore “Tso ne ba di Rapelela ba di Fetodiye.”

9. Re ka ma kopisela byang mangeloyi ga taba ya go nyaka batho ka matla?

⁹ Re ka ma yekisela byang mangeloyi ga taba ya go nyaka batho ka matla? Mo re kwa ba hlaya gore ye mongwana o buyye ka phutegong, re ka jabola go tshwana le mangeloyi. Re ka maka so re ka se kgonang gore re yamogele mogageru yene fote re mo šupetse gore re mo nyaka ka matla. (Lluk. 15:​4-7; 2 Makor. 2:​6-8) Fote re ka yekisela mangeloyi ka go maka so re ka se kgonang ga mmereko wa go tšhomayela. (Mmo. 11:6) Go fo tshwana le mo mangeloyi ma re thega mo re tšhomayela ditaba tsa go bafala, le rune re ka nyakana le mekgwa ya go thega magageru tšhomong. Mo re beyisa, re ka polana go ye tšhomayela le batšhomayedi ba gore a yi botala ba thomme go maka mmereko wowa. Kela re ka gelepa magageru ya gore ma šele ma tsofele kela ya gore ke dikoka gore le wona ma thogo tšhomayela.

10. Re tšhuta ying ga tso Sara a gahlanneng natso?

¹⁰ Byalo, re re king mo nkare seyemo sa rune se re kgerela go maka tso re nyakang go di maka? Re ka di kgona go kraya mekgwa ya gore re berekisane le mangeloyi ga mmereko wa go tšhomayela. Bona so se makegeleng mogageru ye mongwana wa mosadi wa ku India, ye ba reng ke Sara.b Ka nthago ga mo Sara a fetsiye gana hala ga 20 ya mengwaga go le mošupatsela, o yye a thomisa go lwala fote a kraya gore a ka sa sa kgona go sepela kela go tloga mpeteng wage. O yye a kwa a kgahleletsegiye ka matla. Mara magageru ma yye ma thega Sara fote se sengwana sa gore se yye sa mo gelepa gore a jabole fote, ke go bala Bhayibele ka moka matšatši. Ke nnete gore di yye dya nyaka gore a tšhomayele go ya ka seyemo sage sa nyuwane. Ka gore ne a sa kgone le go dula gore a thogo ngwala mangwalo, ne a šalele ke taba ya go tšhomayela a berekisa fowunu. Byalo, o yye a fowunela bo ne a tshwanele a boyele ga bona, fote ba yye ba mmotsa ka ba bangwana ba gore ne ba jabodisa ke ditaba tsa go bafala. Maphomela go yye gwa ba mafeng? Ka dikgwedinyana, Sara ne a šele a na le 70 ya bo a ba tšhutisang Bhayibele—fote ne a sa kgone le go tšhuta nabo ka mokana ga bona! Byalo, o yye a kgopela ba bangwana ka phutegong gore ba tšhute le batho bone. Ba go tlala bo ne ba tšhuta nabo, ba tla megahlanong gana byalo. A re kamake gore mangeloyi mo ma leng gona ma jabodiye stereka gore ma tshwarisanne le magageru ya go tshwana le Sara, ya gore ma maka so ma ka se kgonang ga mmereko wa go tšhomayela!

MANGELOYI MA ŠUPETSA GORE MAA TIYISELA

11. Mangeloyi ma šupetsiye ka mokgo mang gore maa tiyisela?

¹¹ Mo di tla ga taba ya go tiyisela, mangeloyi ya go tshepega ke mong mošupetso wa gabutši. Go fediye mengwaga ya go tlala ma kene ma tiyisele taba ya go sa tshwariwi gabutši fote go makega dilo tsa go befa. Ma bonne Sathane le mangeloyi ya mangwana ya go tlala ya gore ma yye ma berekisana nawo, ma jikela Jehova. (Gen. 3:1; 6:​1, 2; Juda 6) Bhayibele yi re botsa ka lengeloyi la go tshepega la gore le yye la kikirisana le ledimona le lengwana la go ba le matšhika. (Dan. 10:13) Go tokegela gana hone, go tlugisela ka dinako tsa Adamo le Efa, mangeloyi ne ma fo bona batho ba gore go fo ba paranyana ba kgeta go berekela Jehova. Le mo go kene go makega dilo tsone ka moka, mangeloyi yawa ya go tshepega ma ya mahlong ma berekela Jehova ma jabodiye ma kene ma na le matšato. Maa di tšiba gore Modimo o nyoko tlosa dilo ka moka tsa go sa loka ka nako ya gona.

12. King so se ka re gelepang gore re tiyisele?

¹² Re ka ma yekisela byang mangeloyi mo di tla ga taba ya go tiyisela? Go fo tshwana le mangeloyi, le rune re ka gahlana le dilo tsa gore a di gabutši kela ra phigisiwa. Mara le rune a re kamake gore ka nako ya gabutši, Modimo o nyoko tlosa dilo ka mokana ga tsona tsa go sa loka. Byalo, go fo tshwana le mangeloyi ya go tshepega, le rune a re ‘lisetsi go maka dilo tsa gabutši.’ (Magal. 6:9) Fote Modimo wa re tshepisa gore o nyoko re gelepa gore re thogo tiyisela. (1 Makor. 10:13) Re ka rapela re kgopela Jehova gore a re neye moya wage, wa gore wo maka gore re lefise pelo re boye re jabole. (Magal. 5:22; Makol. 1:11) Mo ba ka go phigisa gee? Napa o ro tshepela ga Jehova, fote o sa tšhoge selo. Jehova o nyoko dula a go gelepa a boya a go neya matšhika.—Maheb. 13:6.

MANGELOYI MA GELEPA GORE PHUTEGO YI DULE YI YEDIYE

13. Mangeloyi ma na le mmereko wofeng wa go hlawolega ka dinako tsa mafelelo? (Matewu 13:​47-49)

¹³ Ka dinako tsa mafelelo, Jehova o neyye mangeloyi mmereko wa go hlawolega. (Bala Matewu 13:​47-49.) Dimiliyoni tsa batho lefaseng ka moka di jabodisa ke ditaba tsa go bafala. Batho ba bangwana baa karakara gore go be Makreste ya mannete hala ba bangwana ba fo re kikinini. Mangeloyi ba ma neyye mmereko wa go “hlawola ba dipelo tse diphifadu ga bo ba go loka.” Tsotsone di rela gore ba ma nneyye mmereko wa gore ma thogo pasopa phutego gore yi dule yi yediye. Mara tsone a di rele gore motho ye mongwana le ye mongwana wa gore o lisetsa go tigahlanisa le rune ka taba la se sengwana a ka sa tsoge a buyye; fote a di rele gore ka ho phutegong go ka sa tsoge go na le mathatha. Mara, re ka di tshepa gore mangeloyi ma karakara ka matla gore ma gelepe gore diphutego tsa rune di dule di yediye.

14-15. Re ka ma yekisela ka mokgo mang mangeloyi mo di tla ga taba ya go nyaka gore phutego yi dule yi yediye? (Lebelela le dithombhe.)

¹⁴ Mangeloyi ma hlupega ka taba ya gore phutego yi dule yi yediye, rune re ka ma kopisela ka mokgo mang mara? Ka go tšhela letsogo gore re make gore phutego yi dule yi yediye ga taba ya go titshwara le ga tso tsa Modimo. Fote re ko ba re tšhireletsa dipelo tsa rune mo re kgeta banghana ba gabutši ra boya ra kganela kgole le dilo tsa gore di ka re fokola. (Pis. 101:3) Re ka boya re gelepa magageru gore le wona ma ye mahlong ma tshepega ga Jehova. Mo re beyisa, di nyaka re make ying mo re bona gore mogageru o sinnye ka matla? Ka taba la gore re mo nyaka ka matla, re ka mo hlohletsela gore a ye a bolabole le bagolo. Mo nkare aa make ka mokgonone, re ka botsa bagolo ka taba yone. Phela re nyaka go gelepa mogageru wa gore wa lelemela ga tso tsa Modimo gore ba mo gelepe ka go yakgoswa!—Jak. 5:​14, 15.

¹⁵ Sa go kwisa go baba ke gore, ba bangwana ba gore ba sinya ka matla di ka nyaka gore ba ba tlose ka phutegong. Mo tsotsone di makega, di nyaka re “kganele kgole” le batho bone.c (1 Makor. 5:​9-13) Mokgwa wowa wo gelepa gore phutego yi dule yi yediye. Fote mo re kgeta go sa sa tigahlanisa le ba gore ba tlusiye ka phutegong, re ba re ba makela selo sa gabutši. Mo re yema re sa thogathoge ga taba yone, tsotsone di nyoko ba gelepa gore ba thogo di bona gore di nyaka ba boyele ga Jehova. Mo ba maka ka mokgonone, re jabola ka matla, fote Jehova le mangeloyi le bona baa hlakela.—Lluk. 15:7.

16. Wene o nyoko liketsa mekgwa yifeng gore o thogo yekisela mangeloyi?

¹⁶ Phela taba ya gore Modimo o re dumelela gore re tšhute ka mangeloyi re boye re berekisane nawo, di nyaka re yi tseyele gedimo ka matla! Tla re yekiseleneng mekgwa ya wona ya go bafala ya go tshwana le: go tinyanafatsa, go nyaka batho ka matla, go tiyisela le go tihlupa ka taba ya gore phutego yi dule yi yediye. Mo re yekisela mangeloyi ya go tshepega, le rune re ka ba ba mutši wa go rapela Jehova go ya go yye.