Ke Ntaba Jeso a le Tseyela Gedimo Lebitso la Jehova?

1-2. (a) Jeso o makiye ying ka molobana ya mo a soko bane a bolayiwa? (b) Re nyoko petapeta ka diputsiso difeng ga hlogotaba yowa?

KE MO go le Labone ka malobana, Nisan 14, 33 C.E., fote ne ba le thina le go rekisa Jeso, go mo yahlula, go mo hlupegisa le go mmolaya. Ke mo a sa tšwa go fetsa go ja tsa go ja tsa go hlawolega ka kamareng ya ka gedimo le mapostola yage ya go tshepega. Mo ba fetsa go ja, Jeso o yye a botsa malata yage mantsu ya mafelelo ya go ma tiyisa. Fote mo ka mokana ga bona ba soko tloga mone kamareng ya ka gedimo, Jeso o yye a yema ke mokane a rapela di tšwa pelong. Johane wa lepostola o ngwadiye ka thapelo yone; re yi kraya ga Johane tema 17.

² Thapelo ya Jeso yi re wunyullela ying ka tso ne a hlupegiye ka tsona ka nako yonone? Thapelo yage yi šupetsa ka mokgo mang tso ne a di yetisa mahlong lephelong lage nakwela a le ho lefaseng? Tla re petapeteneng ka diphetolo tsa diputsiso tsowa.

‘KE MAKIYE GORE BA TŠIBE LEBITSO LAGO’

3. Jeso o yitseri king ka lebitso la Jehova, fote ke mo a rela gore king? (Joh. 17:​6, 26)

³ Hala a rapela, Jeso o yitseri: ‘Ke makiye gore ba tšibe lebitso lago.’ Gabutšibutši o butsiye malata yage gabedi gore o makiye gore batho ba tšibe lebitso la Jehova. (Bala Johane 17:​6, 26.) Ke mo a rela gore king? Ayitsano ke mo a ba butsiye lebitso la gore ke mo ba sa le tšibi? Malata ya Jeso ke mo go le Majuda, byalo ke mo ba šele ba tšiba lebitso la Modimo, Jehova. Lebitso lone le nyarele gatleletlele ga Mangwalo ya Seheberu. Byalo Jeso ke mo a sa fo rela mong lona lebitso la Modimo, mara ke mo a rela so lebitso lone le se yemelang. Jeso o gelepiye malata yage gore ga Jehova ma mo tšibe gabutši, gana hone go kena le go tšiba tso Jehova a nyakang go di segelela ka lefase le batho, tso a šeleng a di makiye, tsa gore o sa nyoko di maka le tso a tšibegang ka tsona. Ke Jeso fela a tšibang Jehova ka mokga wowa.

4-5. (a) Re ka yi beyisa byang taba ya go thomisa go le tšiba mong go le tšiba lebitso la motho? (b) Malata ya Jeso ma yye ma thomisa go tšiba lebitso la Jehova ka mokgo mang?

⁴ Mo re beyisa nje, tla re fo re go na le mogolo ye mongwana ka ho phutegong ya lune ye ba reng ke David wa gore fote ke togotela. Wene o na le mengwaga ya go tlala o tšiba mogageru yene. Ke mokane tšatšenngwana di nyaka gore o bone togotela ka go yakgoswa. Ke wene yela, ba go tabogisela ga sepetlele so mogageru yela a berekang ga sona, ke mokane o maka mmereko wage gabutši fote o phonisa lephelo lago. Ayitsano go thomisa nako yone, mo o kwa lebitso la mogageru yene o sa nyoko tikwa go tshwana le mathomisong? Le ka mbhitšane! David a go sa le mogolo ye o mo tšibang ke mokane dya felela gana hone; o nyoko tokegela ka gore ke togotela yela yi yyeng ya phonisa lephelo lago.

⁵ Le malata ya Jeso ke mo ma šele ma le tšiba lebitso la Jehova. Mara ma thomisiye go le tseyela gedimo ka matla ka taba la mmereko wa Jeso wa go tšhomayela. Ke ntaba re ka reyane? Ka taba la gore Jeso o šupetsiye mekgwa ya Papage ga dilo ka mokana ga tsona tso ne a di hlaya le tso ne a di maka. Byalo mapostola yage ma thomisiye go ‘tšiba’ Jehova gabutši ka go theetsela tso Jeso ne a di tšhutisa le go lebelela ka mokgo ne a tshwara ba bangwana ka gona.—Joh. 14:9; 17:3.

“LEBITSO LAGO LO O NNEYYENG LONA”

6. Ke ntaba Jeso a ka hlaya gore Jehova o mo neyye Lebitso Lage? (Johane 17:​11, 12)

⁶ Nakwela a rapela, Jeso o yye a rapelela malata yage a re: “Ba pasope ka taba la lebitso lago lo o nneyyeng lona.” (Bala Johane 17:​11, 12.) Ayitsano tsotsone di rela gore Jeso ne ba nyoko thomisa go mmitsa Jehova? Dho. Phela hala a rapela, Jeso o bolabodiye ka lebitso la Jehova a re “lebitso lago.” Byalo, lebitso la Jehova ne go se lebitso la Jeso. Jeso ne a rela gore king hala a re ba mo neyye lebitso la Modimo? Sa mathomo, Jeso ke mo a yemela Jehova fote a bolabola sekaleng sage. O tlile ka lebitso la Papage fote a maka mehlolo ya go makatsa a berekisa lebitso lone. (Joh. 5:43; 10:25) Go tokegela gana hone, lebitso la Jeso le rela gore “Jehova wa Phonisa.” Byalo, ga so lebitso la Jeso le relang sona go kena le lebitso la Jehova.

7. Ke ntaba Jeso ne a ka di kgona go bolabola sekaleng sa Jehova? Beyisa.

⁷ Gore re thogo kwisisa gore ke ntaba Jeso ne a kgona go bolabola sekaleng sa Jehova, nagana ma taba ke yowa. Ye wa go lawola a ka romela ye mongwana gore a bolabole le ba bangwana sekaleng sage. Byalo, mo motho yene a bolabola, ba bangwana ba tseya di fo tshwana le mo go bolabodiye ye wa go lawola. Le Jeso ke mo a yemela Jehova fote o bolabodiye le batho a berekisa lebitso Lage.—Mat. 21:9; Lluk. 13:35.

8. Ke ntaba Jehova a hlayye gore lebitso Lage ne le le “ga” Jeso le mo Jeso a soko tla lefaseng? (Eksoda 23:​20, 21)

⁸ Bhayibele yi re Jeso ke “Lentsu” ka taba la gore Jehova o berekisiye yene gore a botse mangeloyi le batho tso Jehova ne a nyaka gore ba di tšibe le go di maka. (Joh. 1:​1-3) Di ka fo makega gore Jeso ne go le lengeloyi lo Jehova a le romeleng gore le pasope Maisrayele nakwela ma le mašahleng. Nakwela a botsa Maisrayele gore ma theetsele lengeloyi lone, Jehova o yitseri: “Ka taba la gore lebitso laka le mo ga lona.”a (Bala Eksoda 23:​20, 21.) Jehova o hlayye dilo tsowa ka taba la gore Jeso ne a bolabola sekaleng Sage fote ne go le yene wa go šupetsa gore dilo ka mokana ga tsona tso Jehova a di makang di gabutši, le gore Modimo o hlawolegiye.

“PAPA GADIMISA LEBITSO LAGO”

9. Jeso ne a tseyela lebitso la Jehova gedimo go segela kaye? Hlatolla.

⁹ Go fo ya ka mokgo re šeleng re hlayye, le mo Jeso a soko tla lefaseng, ke mo a le tseyela gedimo ka matla lebitso la papage. Nakwela a le mo lefaseng, Jeso o yye a šupetsa ka dilo ka mokana ga tsona tso a di makiyeng ka mokgo lebitso la Jehova ne a le tseyela gedimo ka gona. Mo a šele a le thina le go fetsa mmereko wage wa go tšhomayela, Jeso o yye a kgopela Jehova gore: “Papa gadimisa lebitso lago.” Papage a napa a fetola ka lentsu la go kwagala ka matla a le legedimong a re: “Ke le gadimisiye fote ke sa nyoko le gadimisa.”—Joh. 12:28.

10-11. (a) Jeso o gadimisiye lebitso la Jehova ka mokgo mang? (Lebelela le sethombhe.) (b) Ke ntaba di nyaka gore lebitso la Jehova le gadimisiwi fote batho ba šupetse gore le hlawolegiye?

¹⁰ Jeso le yene ne a gadimisa lebitso la Papage. O di makiye byang tsotsone? O butsiye ba bangwana ka mokgo Jehova a leng gabutši ka gona le ka dilo tsa go makatsa tso Jehova a di makiyeng. Mara o makiye le se sengwana. Ke mo di nyaka gore Jeso a šupetse gore Jehova o makiye dilo ka mokana ga tsona gabutši le gore lebitso Lage le hlawolegiye.b Jeso o šupetsiye gore dilo tsowa ne a di tseyela hlogong nakwela a tšhutisa malata yage ka thapelo yela ya gore ne a re beyisela ka yona. O yitseri: “Papa wa rune wa magedimong, nkare lebitso lago le ka gadimisiwa.”—Mat. 6:9.

¹¹ Ke ntaba di nyaka gore lebitso la Jehova le gadimisiwi le go šupetsa gore le hlawolegiye? Ka taba la gore ku tšhomong ya Edeni, Sathane o bolabodiye matsaka ya go tlala ka Jehova Modimo. Sathane o hlayye gore Jehova o na le matsaka fote ne a kona Adamo le Efa dilo tsa gabutši. (Gen. 3:​1-5) Sathane ne a re ka mokgo Jehova a makang dilo ne go se gabutši. Ka taba la gore Sathane o bolabodiye matsaka ka Jehova, batho ba ka fo nagana gore Jehova o na le pelo ye phifadu. Ka nthago, mo go šele go phela Jobo, Sathane o yye a hlaya gore bo ba gore ba berekela Jehova ne ba maka ka mokgonone ka taba la tso ne ba ka di kraya Gage. Morenene wa go sinyana lebitso o tokegele ka gore a go na motho wa gore ga Jehova o mo nyaka tsa mannete tsa gore o nyoko ya mahlong a mmerekela le mo go na le tsa go mo ghula. (Jobo 1:​9-11; 2:4) Ke mo go nyakega nako gore di thogo šupetsa gore gabutšibutši ke mang wa go tantetsa ka letsaka, ke Jehova kela Sathane.

“KE NEYELA KA LEPHELO LAKA”

12. Jeso ne a tikemisele go maka ying gore a thogo šupetsa gore ga Papage o mo nyaka ka matla?

¹² Ka taba la gore ga Papage ne a mo nyaka ka matla, Jeso ke mo a nyaka go maka so a ka se kgonang gore a gadimise a boye a make gore lebitso la Jehova le hlawolege. Jeso o yitseri, “Ke neyela ka lephelo laka.” (Joh. 10:​17, 18) Eya, ke mo a tikemisele go kgwa ka taba la lebitso la Jehova.c Batho ba mathomo ba gore ne ba yenele, Adamo le Efa, ba jikele Jehova ke mokane ba yema le Sathane. Mara Jeso ne a tikemisele go tla lefaseng gore a šupetse gore ga Jehova o mo nyaka ka matla. Jeso o kgonne go theetsela Jehova, tsotsone o di šupetsiye ka dilo ka mokana ga tsona tso a di hlayyeng le tso ne a di maka. (Maheb. 4:15; 5:​7-10) O yye mahlong a tshepega go segela ba mmolaya go baba phateng ya mohlupego. (Maheb. 12:2) Mo a maka ka mokgonone, o šupetsiye gore ga Jehova o mo nyaka ka matla fote o kwana ka matla le lebitso Lage.

13. Ke ntaba Jeso ne go le motho wa gabutši wa gore a ka šupetsa gore Sathane o na le matsaka? (Lebelela le sethombhe.)

¹³ Dilo ka mokana ga tsona tso Jeso a di makiyeng ne di šupetsa gore morene ba reng ke Sathane ne a tantetsa ka letsaka, Jehova yene aa šiyo ga tsone! (Joh. 8:44) Jeso ke mo a tšiba Jehova gabutši go phala ye mongwana le ye mongwana wa gore o yye a phela. Hala yi le gore tso Sathane a di hlayyeng ne go le nnete, Jeso ne a nyoko di tšiba tsone. Mara Jeso ne a tikemisele go yemelelela lebitso la Jehova. Le hala di šupetsa nkare Jehova o mo lahliye, Jeso ne a tikemisele go kgwa, ne a sa nyake le ka gonyana go jikela Papage wa gore wa nyakanana.—Mat. 27:46.d

“KE FETSIYE MMEREKO WO O NEYYENG WONA”

14. Jehova o yye a rufa Jeso ka mokgo mang ka taba la gore ne a tshepega?

¹⁴ Ga thapelo yage ya bošego bya mo a soko kgwa, Jeso o yitseri: “Ke fetsiye mmereko wo o neyyeng wona.” Ke mo a di tshepa gore Jehova o nyoko mo rufa ka taba la gore ne a tshepega. (Joh. 17:​4, 5) Mo Jeso a tshepela ga Papage, phela ne a sa titshwara ka lebelele. Jehova aa mo lisetsa a le ku lebitleng. (Meber. 2:​23, 24) O yye a tsosa Jeso ke mokane a mo neya mmereko wa mayemo ku legedimong. (Mafil. 2:​8, 9) Ke mokane mafelelong Jeso o yye a ba Kgoši ya Mmušo wa Modimo. Mmušo wone wo nyoko segelela ying? Jeso o fetodiye putsiso yowa nakwela a tšhutisa malata yage gore ma rapele ma re: “Lisetsa Mmušo wago wo tle, fote lefaseng go makege tso wene o [Jehova a] di nyakang, go tshwana le legedimong.”—Mat. 6:10.

15. King tse dingwana tsa gore di nyoko maka ke Jeso?

¹⁵ Go se botala, Jeso o nyoko lwa le manaba ya Jehova ke mokane a fetsa ka bo ba dipelo tse diphifadu ka ntwa ya Aremaghedoni. (Kut. 16:​14, 16; 19:​11-16) Ka nthagonyana ga hone, o nyoko bošela Sathane “mokoting,” ga gore a ka sa sa kgona go maka selo. (Kut. 20:​1-3) Ke mokane Jeso o nyoko fetsa Sekete sa Mengwaga a lawola, o nyoko maka gore mo lefaseng go bebe fote o nyoko gelepa batho gore ba yenele. O nyoko tsosa bo ba gore ba hlokofele. O nyoko maka gore lefase ka mokana ga lona go be pharadeyisi. Go nyoko ba go makega tso di nyakang ke Jehova!—Kut. 21:​1-4.

16. Lephelo le nyoko ba le le byang ka nthago ga Sekete sa Mengwaga sa mo go Lawola Jeso?

¹⁶ Lephelo le nyoko ba le le byang ka nthago ga Sekete sa Mengwaga sa mo go Lawola Jeso? Batho ka nyoko ba ba sa sa sinya fote ba yenele. Go ka sa sa berekisiwa sehlabelo sa Jeso gore batho ba thogo tshwarediwa ga tso ba di sinnyeng. Go ka sa sa nyakega gore bo ba 144 000 go be maprista ya batho fote di ka sa sa nyaka gore Jeso go be Moprista ye Mogolo gore batho ba thogo ba le senghana le Jehova. Fote “lenaba la mafelelo lo ba reng ke likgu,” go nyoko fela ka lona. Go nyoko ba go sa sa na selo ku mabitleng. Bo ba gore ba hlokofele ba nyoko ba šele ba ba tsusiye. Go nyoko ba go sa sa na le ka wwoši wa gore wa sinya.—1 Makor. 15:​25, 26.

17-18. (a) Go nyoko makega ying mo go fela Sekete sa Mengwaga sa mo go Lawola Jeso? (b) Jeso o nyoko maka ying mo go segela nako ya gore a fetse go lawola? (1 Makorente 15:​24, 28) (Lebelela le sethombhe.)

¹⁷ Go nyoko makega ying fote mo go fela Sekete sa Mengwaga sa mo go Lawola Jeso? Ka nako yonone, go nyoko makega se sengwana sa go jabodisa ka matla. Go nyoko ba go sa sa na ye a ka hlayang gore Jehova aa hlawolega le gore aa lawole gabutši. Ke ntaba mara? Hala tšhomong ya Edeni, Sathane o hlayye gore Jehova o na le matsaka, a boya a hlaya gore Modimo aa nyakanane. Go tlugisela ka nako yonone, bo ba gore ba berekela Jehova ba šupetsiye gatleletlele gore tso Jehova a di makang di gabutši ka matla. Byalo, mo go fela Sekete sa Mengwaga sa mo go Lawola Jeso, go ka sa sa kamakiwa tso Jehova a tšibegang ka tsona. O nyoko ba a šupetsiye gore ke yene Papa wa legedimong wa gore o nyakanana ka matla.

¹⁸ Ka nthago ga Sekete sa Mengwaga sa mo go Lawola Jeso, ye mongwana le ye mongwana o nyoko ba a di tšiba gore tso Sathane a di hlayyeng ka Jehova go fo ba letsaka. Jeso o nyoko maka ying mo go segela nako ya gore a sa sa lawola? Ayitsano o nyoko maka tso di makiyeng ke Sathane ke mokane a jikela Jehova? Awwa! (Bala 1 Makorente 15:​24, 28.) Jeso o nyoko maka gore go lawole Papage. O nyoko tinyanafatsa mo go šele go lawola Jehova. Eya, ka taba la gore aa sa tshwane le Sathane, Jeso o tikemisele go lisetsa Jehova gore a lawole ka taba la gore ga Jehova o mo nyaka ka matla.

19. Jeso o le tseyela gedimo go segela kaye lebitso la Jehova?

¹⁹ Tsone a di re makatse ka gore Jehova ne a tikemisele go neya Jeso lebitso Lage! Jeso o šupetsiye gore Papage ne a sa dhoya nakwela a mo maka gore a mo yemelelele. Byalo, Jeso o le tseyela gedimo go segela kaye lebitso la Jehova? Le phala se sengwana le se sengwana. Ke mo a tikemisele gore a bolayiwe ka taba la lebitso lone, fote a ka sa gane mo go segela nako ya gore a neye Jehova dilo ka moka mo go fela Sekete sa Mengwaga sa mo a lawola. Tso Jeso a di makiyeng re ka di yekisela byang? Re nyoko bolabola ka phetolo ya putsiso yowa ga hlogotaba ya go latela.