Tinyanafatsiye, o Yamogele Gore go na le Dilo Tsa Gore a o di Tšibi

1. Jehova o makiye gore re kgone go maka ying, fote ke ntaba?

JEHOVA o makiye gore re kgone go nagana, re tšhute se sengwana, re kwisise tse dingwana re boye re kgone go berekisa tso re di tšhutang. Ke ntaba a re makiye ka mokgonone? Ka taba la gore o nyaka gore re ‘tšibe Modimo’ re boye re mmerekele re kene re tšiba gore ke ntaba re mmerekela.—Diy. 2:​1-5; Marom. 12:1.

2. (a) Ke dilo difeng tso di nyakang re di tšiba ka rune beng? (Jobo 37:​23, 24) (Lebelela le sethombhe.) (b) Di re berekela ka mokgo mang mo re yamogela taba ya gore re ka sa tšibi dilo ka moka?

² Le mo nkare Jehova o re makiye gore re kgone go tšhuta dilo tsa go tlala, dilo tsa gore a re di tšibi di sa na di tlele. (Bala Jobo 37:​23, 24.) Tseya ka mošupetso wa Jobo. Jehova o yye a mmutsisa diputsiso tsa gore di mo šupetsiye gore go na le dilo tsa go tlala tsa gore ne a sa di tšibi. Tsotsone di makiye gore a tinyanafatse a boye a ghobolle ka mokgo ne a nagana ka gona. (Jobo 42:​3-6) Le rune di ya re berekela mo re tinyanafatsa re boya re yamogela taba ya gore a re tšibi dilo ka moka. Mo re tinyanafatsa ka mokgonone, tsotsone di re tšhofa gore re di tshepe gore Jehova o nyoko re wunyullela dilo tsa gore ka nnete re tshwanele go di tšiba gore re thogo segelela dipheto tsa gabutši.—Diy. 2:6.

3. Re nyoko petapeta ka ying ga hlogotaba yowa?

³ Ga hlogotaba yowa, re nyoko petapeta ka dilo tse dingwana tsa gore a re di tšibi, le dintshitshire tso di ka bang gona ka taba la tsotsone. Fote re nyoko bona gore ke ntaba di le gabutši mo re sa tšibi dilo tse dingwana. Mo re handahanda ka dilo tsowa, di nyoko maka gore re nape re tshepa gore Jehova, ‘yene wa gore o tšiba dilo ka mokana ga tsona,’ ke yene ye a re botsang tso re tshwaneleng re di tšibe.—Jobo 37:16.

A RE TŠIBI GORE GO NYOKO FELA LENG KA LEFASE LOWA

4. Matewu 24:36 yi hlaya nnete yifeng ya gore a re yi tšibi?

⁴ Bala Matewu 24:36. A re tšibi gore go nyoko fela leng ka lefase lowa. Le Jeso nakwela a le ho lefaseng ne a sa tšibi gore “dilo tsone di nyoko makega leng.”a Ka nthago, o butsiye mapostola yage gore Jehova, yene ye a Beyang Nako, ke yene ye di mo tshwanelang gore a beye ‘dinako’ tsa gore dilo di makege leng. (Meber. 1:​6, 7) Jehova o šele a beyye nako ya gore a fetse ka lefase lowa, mara rune re ka sa nape re di tšiba gore di nyoko makega leng tsotsone.

5. Ka taba la gore a re tšibi gore go nyoko fela leng ka lefase lowa, tsotsone di ka re yama byang?

⁵ Ka taba la tso Jeso a di hlayyeng, a re tšibi gore di ko nyaka gore re yeme nako ya go segela kaye gore go fele ka lefase lowa. Ka taba la tsotsone, o ka kraya re šele re šitega go lefisa pelo kela re kgongwela, ka matlamatla mo nkare ke botala re le wonngwe letšatši lone la Jehova. Kela di ka re thathafela gore re tiyisele mo mašaga ya rune kela ba bangwana ba re poyila. (2 Pet. 3:​3, 4) Re ka fo nagana gore hala re tšiba gore letšatši lone le nyoko segela leng, ne re nyoko kgona go lefisa pelo re sa balabale fote ne di ka sa re ngwape felo mo ba re poyila.

6. Ke ntaba di le gabutši mo re sa tšibi gore go nyoko fela leng ka lefase lowa?

⁶ Gabutšibutši mo re sa tšibi gore go nyoko fela leng ka lefase lowa, Jehova o re thulela lešuba la gore re mmerekele ka taba la gore re mo nyaka ka matla le gore re ya mo tshepa. Ga Jehova a re mmerekele re beyye gore re nyoko mmerekela go segela leng, tsa nkare tumelo ya rune yi tshwana le lebese la gore le nyoko bila. Fote a re nagane ka matla ka gore “letšatši la Jehova” le nyoko segela leng, mara re nagana ka matla ka gore letšatši lone le nyoko segelela ying. Tsotsone di re gelepa gore re nape re tlalela ka matla ga tso tsa Modimo le gore re nape re ghoba gore re thogo mo jabodisa.—2 Pet. 3:​11, 12.

7. King so re se tšibang?

⁷ Re maka gabutši mo re nagana ka tso re šeleng re di tšiba—gore dinako tsa mafelelo di thomisiye ka 1914. Ka ho Bhayibeleng, Jehova o re neyye diporofeto tsa gore ne di nyoko šupetsa gore dinako tsa mafelelo ne di nyoko thomisa ka 1914. Fote aa re wutametsela gore lefase ne le nyoko ba ka mokgo mang ka nthago ga mongwaga wone. Tsotsone di maka gore re sa yi kamake taba ya gore “letšatši le legolo la Jehova le thina.” (Zef. 1:14) Re tšiba le mmereko wo Jehova a nyakang gore re wo make, mmereko wone ke wa go botsa batho ba go tlala ka matla “ditaba tsa go bafala tsa Mmušo.” (Mat. 24:14) Molayetsa wowa wo sabalatsiwa ga dipoleke tsa go segela gana hala ga 240 le ka mebolabolo ya go teya ka ku ga 1 000. A di nyake gore re tšibe “letšatši le awara” gore re thogo tšhomayela ka matšato.

A RE TŠIBI GORE JEHOVA O NYOKO MAKA DILO BYANG

8. Mo ba šinya ba re “mmereko wa Modimo wa mannete,” ba rela ying mara? (Mmolabodi 11:5)

⁸ A re duli re tšiba “mmereko wa Modimo wa mannete.” (Bala Mmolabodi 11:5.) Mantsu yane ma rela tso Jehova a makang gore di makege, kela tso a di dumelelang gore di makege gore a thogo segelela tso a di nyakang. Re ka sa nape re di tšiba gabutši gore ke ntaba Jehova a dumelela kela a lisetsa gore se sengwana se makege le gore o nyoko maka ying gore a re gelepe. (Pis. 37:5) Go tšiba dilo tsa mošaga wonone ke mohlolo, di fo tshwana le mo re sa tšibi ka mokgo ngwana a kgonang go gola ka teng ga popelo, dilo tsone le bo ba sayinse a ba soko napa ba di kwisisa gabutši.

9. Ka taba la gore a re tšibi gore Jehova o nyoko maka dilo ka mokgo mang, re ka ghulana le dintshitshire tsa mošaga mang?

⁹ Taba ya gore a re tšibi gore Jehova o nyoko maka dilo byang yi ka maka gore re sa kgone go segelela dipheto tsa gabutši. Re ka fo kamaka mo di nyaka re tikone tse dingwana gore re thogo maka tsa go tlala ga mmereko wa Jehova, kela gore re rurele ga poleke ya gore go gayela batšhomayedi ba Mmušo. Kela re ka thomisa go nagana gore ayitsano Jehova wa re yamogela mo re bona re sa kgone go segelela tso re tipeyeleng tsona ga tso tsage, re bona go se na maphomela ya gabutši mo re karakara tšhomong, kela mo re na le tsa go re ghula mo kene re mmerekela.

10. Re kgona go ba le mekgwa yifeng ya gabutši mo re sa tšibi gore Jehova o nyoko maka dilo ka mokgo mang?

¹⁰ Taba ya gore a re tšibi gore Jehova o nyoko maka dilo ka mokgo mang yi nyoko re gelepa gore re be le mekgwa ya gabutši ya go tshwana le go tinyanafatsa le go tšiba mo re kgerang. Re thogo di bona gore tso Jehova a di naganang le tso a di makang di di teya kgole tso runebeng re di naganang le go di maka. (Jes. 55:​8, 9) Re tšhuta le go napa re tshepela ga Jehova ka matla, ra boya ra tisamela ka yene gore a re gelepe gore re phomelele. Mo re bona dilo di sepela gabutši tšhomong fote go ba le maphomela ya gabutši kela re maka mmereko wo mongwana ga tso tsa Jehova, re napa re mo šupetsa di tšwa ka ku tengteng gore re ya leboga. (Pis. 127:1; 1 Makor. 3:7) Mo dilo di sa sepele ka mokgo ne re nabela ka gona, di nyaka re sa lebale gore Jehova o kene o bona dilo ka moka. (Jes. 26:12) Re maka so re ka se kgonang, fote re ya mahlong re tshepa gore Jehova o nyoko dula a re gelepa. A re kamake gore o nyoko re yetetsa, le mo nkare a ka sa re makele mehlolo go tshwana le ka mokgo a makiyeng ku botala.—Meber. 16:​6-10.

11. King so re se tšibang sa gore se ka re gelepa?

¹¹ Ghayela ka taba ya gore re ya di tšiba gore Jehova o dula a re nyaka ka matla, o lukiye fote o hlalefiye. Re ya di tšiba gore o di tseyela gedimo tso re mo makelang tsona ra boya ra di makela le magageru. Fote a re yi kamake taba ya gore Jehova o dula a rufa bo ba tshepegang gage.—Maheb. 11:6.

A RE TŠIBI GORE GO NYOKO MAKEGA YING KA MOTSHWANA

12. Jakobo 4:​13, 14 yi re a re tšibi ying?

¹² Bala Jakobo 4:​13, 14. Nnete ya gore re ka sa yi phigisi ke ya gore, a re di tšibi tsa gore lephelo la rune le nyoko ba byang ka motshwana. Ga lefase lowa, re dula re ‘tlela ke dilo nje ka nako ya gore a re ya yi yemela.’ (Mmo. 9:11) Byalo, re ka sa nape re tšiba gore tso re di polanneng di nyoko phomelela kela gore re ko ba re sa phela gore re thogo bona go makega tso re di polanneng.

13. Taba ya gore a re tšibi gore go nyoko makega ying ku mahlong yi ka maka gore ka dinako tse dingwana re tikwe byang?

¹³ Di ka re thathafela gore re tiyisele ka taba la gore a re tšibi gabutši gore go nyoko makega ying ku mahlong. Ke ntaba? Re ka fo šekela ka taba la tso di makegang, fote tsotsone di ka maka gore go jabola re fo go šupa ka monwana. Go ka fo makega dilo tsa go sasamela le dilo tsa gore di fo re palakata tsa gore di maka gore re kgongwele ka matla fote dya re šiya re kgahleletsegiye. Fote mo tso ne re di yemele ka maahlo ya makhubedu di sa makege, re ka tapega matšhika ra boya ra kgongwela.—Diy. 13:12.

14. Di nyaka re make ying re boye re tšibe ying gore re thogo jabola tsa mannete? (Lebelela le sethombhe.)

¹⁴ Mo re tiyisela dintshitshire, re thogo šupetsa gore le mo go ka teya leduma la mošaga mang, ga Papa wa rune wa legedimong re mmerekela ka taba la gore re mo nyaka ka matla, a re makisi ke gore o nyoko re neya se sengwana. Mangwalo ma re botsa gore a di nyake re yemela gore Jehova a re pasope ga dilo ka mokana ga tsona tsa go re kwisa go baba, le gore aa polane gore dilo di makege byang maphelong ya rune. O di tšiba gabutši gore re ka jabola le mo re sa tšibi dilo ka mokana ga tsona tso di nyoko makegang ku mahlong. Mara re jabodisa ke mo re mo lisetsa a re yetetsa le mo re mo theetsela. (Jer. 10:23) Mo re sa tlose maahlo gage mo re segelela dipheto, gabutšibutši re hlaya gore: “Mo Jehova a di nyaka, re nyoko tsoga re maka sela le sela.”—Jak. 4:15.

15. King so re se tšibang ka tso di nyoko makegang ku mahlong?

¹⁵ Le mo re sa tšibi gore go nyoko makega ying letšatši le lengwana le le lengwana, re ya di tšiba tsa gore Jehova o re tshepisiye lephelo la go ya go yye—go ka fo ba go le legedimong kela ho lefaseng. Re ya di tšiba gore tsa go bolabola matsaka a yi layini yage, le gore le mo nkare di nyaka go thusuge tšhika, Jehova o nyoko maka tso a di tshepisiyeng ka mokana ga tsona. (Tito 1:2) Ke yene a ntoši ye a kgonang go ‘hlaya dilo tsa gore di nyoko makega, fote go tlugisela ku botala o hlaya dilo tsa gore a di soko makega.’ Dilo tso a di hlayyeng di f’lo makega ka mokgonone ku botala fote le ku mahlong a ka sa pumutsi. (Jes. 46:10) Re di tšiba gabutši gore le mong Sathane a ka sa kgone go maka gore Jehova a re tubele. (Marom. 8:​35-39) O nyoko maka gore re hlalefe, a re kgomoletsa a boya a re neya matšhika ya re ma hlokang gore re thogo tiyisela dilo ka mokana ga tsona. A re di kamake tsa gore Jehova o nyoko re gelepa fote o nyoko re rufa.—Jer. 17:​7, 8.

RE KA SA NAPE RE DI KWISISA KA MOKGO JEHOVA A RE TŠIBANG KA GONA

16. King tso Jehova a di tšibang ka rune, fote tsotsone di maka gore re tikwe byang? (Pisalema 139:​1-6)

¹⁶ Bala Pisalema 139:​1-6. Ye a re Makiyeng o tšiba ka mokgo re makiwweng ka gona le so se makiyeng gore re be ka mokgo re leng ka gona ho mmeleng, ka mokgo re tikwang le tso re di naganang. Aa fo tšhentšhatšhentšha go tshwana le lewobu mo di tla ga taba ya go tihlupa ka rune. O tšiba tso re di hlayang le gore gabutšibutši re nyaka gore king, gore re maka ying le gore ke ntaba re maka tsotsone. Kgoši Dafita o hlayye gore, Jehova o dula a tikemisele go re gelepa fote o thina ka matla le rune. Wene di maka gore o tikwe byang go fo tšiba nje gore Modimo wa Matšhika ka moka, wa gore ke wa ku Malenghelengheng wa gore fote o makiye dilo ka mokana ga tsona o tihlupa ka matla ka wene? Dafita o hlayye gore: “O ntšiba gabutši fote tsotsone di ya makatsa. La gore a ke di kwisisi.”—Pis. 139:6.

17. Ke ntaba di ka re thathafela go tshepa gore Jehova aa phopholetse mo di tla ga taba ya go re tšiba gabutši?

¹⁷ Di ka makega gore ka taba la mokgwa wo ba re gudisiyeng, setšo sa rune kela tso ne re di dumela ku botala, re thathafele ke go tseya Jehova go le Papa wa go nyakanana wa gore wa tihlupa ka rune. Kela re ka kwa nkare dilo tso re di kekemisiyeng ku botala ke tse dikgolo ka matla tsa go šinya di maka gore Jehova a fo re getsula, a sa sa re nyaka le mo thina. Le mong Dafita ka dinako tse dingwana o yye a tikwa ka mokgonone. (Pis. 38:​18, 21) Kela motho wa gore o liketsa ka matla go tšhentšha maphelelo yage gore a phele ka melawo ya Modimo ya go loka a ka re, ‘Hala Modimo a ntšiba gabutši, ayitsano ne a ka nyaka gore nna ke lahle maphelelo yaka ya gore ke bona ma sa hlupi?’

18. Di re berekela byang mo re yamogela gore Jehova o re tšiba go phala ka mokgo rune re titšibang ka gona? (Lebelela le sethombhe.)

¹⁸ Re ka kgona go yamogela gore Jehova o re tšiba gabutši go phala ka mokgo re titšibang ka gona fote o kgona go bona sa gabutši ga rune sa gore le runebeng a re kgone go se bona. Mara le mo nkare yene wa di bona mo re kekemisang gona a boya a kwisisa ka mokgo re tikwang ka gona le gore ke ntaba re maka dilo ka mokgo re di makang, yene o sa na a re nyaka ka matla. (Marom. 7:15) Mo re bona gore Jehova o dula a bona batho bo re ka bang bona, tsotsone di nyoko maka gore re dule re tshepega gage le gore re dule re jabodiye.

19. King so re sa se kamakeng ka Jehova?

¹⁹ Re di tšiba gabutši gore mo ba bolabola ka go nyakanana, ba ba ba bolabola ka Jehova. Yone taba a re yi kamake le ka gonyana. (1 Joh. 4:8) Re di tšiba gabutši gore melawo yage ya go loka ke ya go re šupetsa gore o re nyaka ka matla le gore o tihlupa ka rune ka matla. Re ya di tšiba tsa gore Jehova o nyaka gore re kraye lephelo la go ya go yye. O šele a patele ka sehlabelo sa Morwayi wage. Taba ya gore Jeso o re kgwele yi napa yi maka gore re sa kamake gore dilo di ka re sepelela gabutši le mo re kene re sa yenela. (Marom. 7:​24, 25) Fote re ya di tšiba gore “Modimo ke ye mogolo go phala dipelo tsa rune fote o tšiba dilo ka mokana ga tsona.” (1 Joh. 3:​19, 20) Jehova o tšiba dilo ka moka ka rune fote wa di tshepa gore re ka di kgona go maka tso yene a di nyakang.

20. Re ka gelepa king gore re sa šekele ka matla ka tso re sa di tšibing?

²⁰ Jehova o re botsa se sengwana le se sengwana sa gore di nyaka re se tšibe. Mo re ka yamogela nnete yone re tinyanafatsiye, re ka sa sa šekela ka matla ka dilo tsa gore re ka sa kgone go di lawola, ke mokane ra lebelela ka matla tso re tshwaneleng re sa di takisi maahlo. Mo re maka ka mokgonone, re ba re šupetsa gore re tshepa Jehova di tšwa pelong, yene “ye a tšibang dilo ka mokana ga tsona.” (Jobo 36:4) Le mo nkare go sa na le dilo tsa go tlala tsa gore a re di kwisisi, re ya di tšiba gore Jehova o nyoko re tšhutisa dilo tsa nyuwane go ya go yye. Fote re fo kwa dipelo di tshilatshila ka taba la gore re ka sa tsoge re lisetsiye go tšhuta dilo tsa nyuwane ka Modimo wa rune.—Mmo. 3:11.