Gelepa bo o Tšhutang Nabo Bhayibele Gore ba Berekele Jehova

1-2. (a) Ke ntaba ba bangwana bo re tšhutang nabo Bhayibele ba kamaka mo ba tshwanele ba yemelele tso ba di dumelang? (b) Re nyoko handahanda ka ying ga hlogotaba yowa?

AYITSANO ke mo go na le dilo tsa go go šekedisa tsa gore ke mo di maka gore o fo kwa o tšhaba go ba Hlatse ya Jehova? Di ka fo makega gore ne o tšhoga gore bo o berekang nabo, banghana bago kela mašaga yago ba nyoko sa sa yi kena yago. Kela o ka fo ba o yye wa tseya gore tsa go phela ka melawo ya Modimo di nyoko go šita. Mo nkare go ka mokgonone, o nyoko di kwisisa gore ke ntaba di se lula gore bo o tšhutang nabo Bhayibele di ba thathafalela gore go be Dihlatse Tsa Jehova.

² Jeso ke mo a di tšiba gore dilo tsa go tshwana le tsowa di ka paraka motho gore a sa berekele Jehova. (Mat. 13:​20-22) Mara a sanka a ba hlapela matsogo bo ba gore ke mo ba kamaka go mo latelela. Mara o šupetsiye malata yage ka mokgo ma ka gelepang batho ba mošaga wonone gore ba (1) tšibe tso di makang gore ba sa hluhlutele ga tso tsa Modimo, (2) ba nape ba mo nyaka ka matla ga Jehova, (3) ba tšibe tso di nyakang ba di yetisa mahlong, ba boye ba (4) hlule tso di ba ghulang. Re ka di berekisa ka mokgo mang tso Jeso a di butsiyeng malata yage mo re kene re berekisa puku ya Tikwise ka Lephelo go ya go Yye! gore re gelepe bo re tšhutang nabo Bhayibele gore ba yemelele nnete?

GELEPA YE O TŠHUTANG NAYE GORE A TŠIBE TSO DI MAKANG GORE DI SA BE LULA GORE A BEREKELE JEHOVA

3. King so se ka fo bang se yye sa šitisa Nikhodimase gore a be lelata la Jeso?

³ Nikhodimase wa gore ke mo go le wa go yeta Majuda mahlong fote a tseyediwa gedimo, o yye a ba le ntshitshire ya gore ne yi maka gore di sa be lula gore a be lelata la Jeso. Nikhodimase o thomisiye go bona gore Jeso ke mo a yemela Modimo ka nthago ga kobodi ya dikgwedi tsa mo Jeso a thomme mmereko wage wa go tšhomayela. (Joh. 3:​1, 2) Mara Nikhodimase o yye a kgeta go gahlana le Jeso ka makhukhung ka gore ke mo “a tšhaba Majuda.” (Joh. 7:13; 12:42) A ka fo ba a yye a nagana gore ne a nyoko lahlegela ke dilo tsa go tlala mo a ka ba lelata la Jeso.a

4. Jeso o yye a mo gelepa ka mokgo mang ga Nikhodimase gore a kwisise tso Modimo ne a nyaka gore a di make?

⁴ Nikhodimase ke mo a tšiba Molawo, mara ke mo a nyaka go gelepiwa gore a kwisise tso Jehova a di nyakang gage. Jeso o yye a mo gelepa ka mokgo mang? Jeso ke mo a sa konane ka nako yage fote a sanka a gana mo Nikhodimase a tla gage bošego. Fote Jeso o yye a botsa Nikhodimase tso ne a tshwanele a di make gore a thogo ba lelata lage, ne di nyaka a tisole ga tso a di sinnyeng, a kolobetsiwe ka meetšing a boye a be le tumelo ga Morwayi wa Modimo.—Joh. 3:​5, 14-21.

5. Re ka mo gelepa ka mokgo mang ye re tšhutang naye gore a tšibe so se mo parakang gore a berekele Jehova?

⁵ Le mo nkare ye re tšhutang naye Bhayibele a ka fo ba a kwisisa Mangwalo gabutši, a ka fo nyaka go gelepiwa gore a thogo bona so se mo parakang gore a berekele Jehova. Mmereko kela ba ka gaye ba ka mo šitisa gore a thogo segelela tso a di nyakang ga tso tsa Modimo. Go fo tshwana le Jeso, tineye nako gore o thogo gelepa ye o tšhutang naye. O ka fo mo kgopela gore le ye nwa magewu ggoši kela la fo tisepelela nje. Ga seyemo sa mošaga wonone sa mo le tiketliye, o ka kgona go mo gelepa gore a bolabole ka dintshitshire tsage. Mo hlohletsele gore a lukise mo di nyakang a lukisa, mara a sa makele go jabodisa wene, a make tsotsone gore a šupetse Jehova gore o mo nyaka ka matla.

6. O ka mo gelepa byang ye o tšhutang naye gore a be le lešiši la go berekisa so a se tšhutang? (1 Makorente 16:13)

⁶ Mo ye o tšhutang naye Bhayibele a sa kamake gore Jehova o nyoko mo gelepa gore a thogo phela ka melawo ya Bhayibele, o nyoko ba le lešiši la go berekisa so a se tšhutang. (Bala 1 Makorente 16:13.) Tso o di makang re ka di tshwanisa le tso di makang ke thitšere sekolong. Mo o nagana ka dinako tsa mo o sa kena sekolo, ke mo o kwana le thitšere wa mošaga mang? A re kamake gore ke mo o kwana le thitšere yela ya gore ke mo yi go gelepa gore o titshepe yi kene yi lefisiye pelo. Go fo ba ka mokgonone, le thitšere ya gabutši a yi fo tšhutisa tso Modimo a nyakang re di maka, mara yi gelepa le yo yi tšhutang naye gore a di tshepe gore Jehova o nyoko mo gelepa gore a thogo lukisa tso a tshwaneleng go di lukisa. O ka di maka byang tsotsone?

GELEPA YE O TŠHUTANG NAYE GORE GA JEHOVA A MO NYAKE KA MATLA

7. Jeso o yye a maka byang gore a thogo gelepa bo ne ba mo theetsele gore ga Jehova ba nape ba mo nyaka ka matla?

⁷ Jeso ke mo a di tšiba tsa gore mo batho ga Jehova ba mo nyaka ka matla, tsotsone di nyoko ba tšhofa gore ba berekise tso ba di tšhutang. Ga go tlala ke mo a tšhutisa dilo tsa gore di nyoko gelepa malata yage gore ga Papa wa bona wa ku magedimong ma mo nyake ka matla. Mo re beyisa, o yye a tshwanisa Jehova le monna wa gore o neya bana bage dilo tsa gabutši. (Mat. 7:​9-11) Di ka fo makega gore ba bangwana ga bo ba gore ne ba theetsele Jeso, ne ba se na bopapa ba gore baa nyakanana. O fo nagana gore ba ka fo ba ba yye ba tikwa byang mo Jeso a maka mošupetso wa papa wa go kwelana go baba wa gore o yamogele morwayi wage wa gore ke mo a makiye dilo tsa gore di tšwile pateng. Ke mo ba thogo bona ka mokgo Jehova a kwelang bana bage go baba ba ho lefaseng.—Luk. 15:​20-24.

8. O ka mo gelepa byang ye o tšhutang naye Bhayibele gore ga Jehova a nape a ro mo nyaka ka matla?

⁸ Le wene o ka gelepa ye o tšhutang naye Bhayibele gore ga Jehova a nape a mo nyaka ka matla mo o ka šihlela mekgwa yo Jehova a tšibegang ka yona mo o kene o mo tšhutisa. Mo le kene le bala, mo gelepe gore a di bone gore so a se tšhutang se sipidisana byang le ka mokgo Jehova a re nyakang ka gona. Mo le bolabola ka taba ya sehlabelo sa Jeso, šihlela gore yene o kena kaye ga taba yone. (Marom. 5:8; 1 Joh. 4:10) Mo ye o tšhutang naye a kwisisa ka mokgo Jehova a mo nyakang ka gona, tsotsone di ka mo gelepa gore ga Jehova a nape a mo nyaka tsa nkare ke moka.—Magal. 2:20.

9. King so se gelepiyeng morene mongwana ye ba reng ke Michael gore a tšhentšhe maphelelo lage?

⁹ Tseya ka mošupetso wa Michael wa gore o dula Indonesia. Ke mo a tšiba nnete mo a sa gola mara a sanka a kolobetsiwa. Mo a na le 18 ya mengwaga, o yye a rurela nageng ye nngwana gore a ye dhrayiva dithraka. Ka nthago o yye a šadha, mara a šiya ba mutši wage a ya mahlong a bereka naganeng ye nngwana. Mo nako yi kene yi ya, mosadi wage le ngwana wa bona wa ngwannyana ba yye ba thomisa go tšhuta Bhayibele fote ba berekisa tso ne ba di tšhuta. Ka nthago ga gore mmane wa Michael a hlokofale, o yye a boyela gaye gore a ye pasopa papage, fote o yye a dumela go tšhutisiwa Bhayibele. Mo Micheal a bala ga sekopa sa “Kenelela” ga setšhuto 27 sa puku ya Tikwise ka Lephelo go ya go Yye!, di yye dya mo tikisa stereka. Mo a kene a ghayela ka mokgwa wo Jehova a ka fo bang a yye a tikwa ka gona mo a bona Morwayi wage a hlupegisiwa, o yye ntsha le dinepedi. O yye a yi leboga a sa fetsi taba ya sehlabelo, sosone se yye sa mo tšhofa gore a tšhentšhe maphelelo yage ke mokane a kolobetsiwa.

GELEPA YE O TŠHUTANG NAYE GORE A TŠIBE TSO DI TSHWANELENG GO YETA MAHLONG

10. Jeso o ma gelepiye byang malata yage ya ku botala gore ma tšibe tso ma tshwaneleng go di yetisa mahlong? (Lluka 5:​5-11) (Lebelela le sethombhe.)

¹⁰ Malata ya ku botala ma yakgoswiye ma di bona tsa gore Jeso ke mo go le yene Mesiya ye ne a tshepisiwwe, mara ne di nyaka gore ma gelepiwe gore ma make gore mmereko wa go tšhomayela go be wona wo wo tlang mahlong maphelong ya wona. Petro le Andreya ne ba šele ba na le nako go le malata mo Jeso a ba bitsa gore ba tle ba sepele naye. (Mat. 4:​18, 19) Ke mo ba na le bhisinisi ya go loba dihlapi ya gore ke mo yi sepela gabutši, fote di šupetsa nkare ne ba nghanelanne le Jakobo le Johane. (Mar. 1:​16-20) Mo Petro le Andreya ba “šiya matabane ya bona,” di ka makega gore ke mo ba šele ba makiye dipolane tsa gore ba thogo pasopa ba mitši ya bona mo ba kene ba sepela le Jeso. King so se makiyeng gore ba šiye bhisinisi ya bona? Puku ya Lluka yi re botsa gore Jeso o makiye mohlolo wa gore wo makiye gore ba nape ba di tshepa gore Jehova o nyoko di kgona go ba pasopa.—Bala Lluka 5:​5-11.

11. Re ka di berekisa byang tso di re makegeleng gore re thogo tiyisa tumelo ya bo re tšhutang nabo?

¹¹ Rune a re kgone go maka mehlolo go tshwana le Jeso, mara re ka hlayisela batho tso re yyeng ra gahlana natso tsa gore di re šupetsiye gore Jehova o thega bo ba yetisang Yene mahlong lephelong la bona. Mo re beyisa, nje o sa gopola ka mokgo Jehova a go gelepiyeng ka gona nakwela o sa thomisa go ya megahlanong? Di ka makega gore ne o tshwanele o gahlane le ye a go hiriyeng, o mo hlatollele gore wene o ka sa sa yi kgona taba ya go bereka nako ya go fetelela mo nkare di nyoko go šitisa go ba gona megahlanong. Botsa ye o tšhutang naye ka mokgo di tiyisiyeng tumelo yago ka gona mo o bona ka mokgo Jehova a go gelepiyeng ka gona mo o kgeta go yetisa tso tsage mahlong.

12. (a) Ke ntaba di nyaka re ye le batšhomayedi ba go sa tshwane mo re ye tšhuta le motho Bhayibele? (b) O ka di berekisa byang dividiyo gore o thogo tšhutisa gabutši? Beyisa.

¹² Ye o tšhutang naye di nyoko mmerekela mo a kwa ka mokgo Makreste ya mangwana ma yyeng ma tšhentšha go gongwana gore ma thogo yetisa tso tsa Jehova mahlong lephelong la wona. Byalo, mema magageru ya gore a maa gudisiwa go tshwana gore ma ye nago mo o ye tšhutisa motho yene Bhayibele. Ba kgopele gore ba hlatolle gore king so se makiyeng gore ba feleletse go le Dihlatse, le gore ba makiye ying gore ba yetise mahlong taba ya go berekela Jehova. Go tokegela gana hone, karakara gore wene le ye o tšhutang naye le lebelele dividiyo tsa hala ga “Kenelela” kela tsa gore di ga “Nyakela” ga puku ya Tikwise ka Lephelo go ya go Yye!. Mo re beyisa, mo le bolabola ka setšhuto 37, o ka šihlela ditšhiko tso di leng ga vidiyo ya gore, Jehova o Nyoko re Neya Tso re di Gayelang.

GELEPA YE O TŠHUTANG NAYE GORE A HLULE DINTSHITSHIRE

13. Jeso o yye a maka byang gore malata yage ma dule ma tilukiselele go phigisiwa?

¹³ Jeso o yye a botsa malata yage gatleletlele gore ne ma nyoko phigisiwa, le mong mašaga ya wona ne ma nyoko ma phigisa. (Mat. 5:11; 10:​22, 36) Mo Jeso a šele a le thina le go hlokofala, o butsiye malata yage gore ba ka fo ma bolaya ka taba la gore ne ma berekela Jehova. (Mat. 24:9; Joh. 15:20; 16:2) O yye a ma kgopela gore ma tipasope mo ma maka mmereko wa go tšhomayela. O yye a ma hlohletsela gore ma sa phigisane le ba bangwana le gore ma šupetse gore ma hlalefiye mo ma kene ma tšhomayela.

14. Ye re tšhutang naye re ka mo gelepa byang gore a tilukiselele taba ya go phigisiwa? (2 Thimothi 3:12)

¹⁴ Re ka gelepa ye re tšhutang naye gore a tilukiselele go phigisiwa ka go mo hlatollela tso di ka makang ke bo a berekang nabo, banghana bage le mašaga yage. (Bala 2 Thimothi 3:12.) Ba bangwana bo a berekang nabo ba ka mo kwera ka taba la ka mokgo a phelang ka gona. Ba bangwana, le mong mašaga yage ya thina ba ka hlaya dilo tsa go kekema ka tso a di dumelang tsa ka ho Bhayibeleng. Mo re ka mo gelepa a soko bane a phigiswa, o nyoko teya a tshwarelele mo dilo tsone di šele di makega.

15. King so se ka gelepang ye re tšhutang naye gore a sa kwe di mo roba ka matla mo mašaga yage ma mo phigisa?

¹⁵ Mo di tla ga taba ya gore ye o tšhutang naye a ka phigisa ke mašaga yage, mo hlohletsele gore a nagane ka gore ke ntaba mašaga yage ma mo kwatela. Ba ka fo ba ba nagana gore ba mo tshokannye, kela Dihlatse Tsa Jehova di ka fo ba di sa sipidisane le madi ya bona. Mašaga ya Jeso ya mangwana le wona ne ma nagana gore a di sa tseya ga Jeso. (Mar. 3:21; Joh. 7:5) Tšhutisa ye o tšhutang naye gore a lefise pelo fote a bolabole gabutši le mašaga yage le ba bangwana.

16. Re ka mo gelepa byang ye re tšhutang naye gore a botse ba bangwana ka tso a di dumelang ka mokgwa wa gabutši?

¹⁶ Le mo nkare mašaga yage ma šupetsa ma di jabolela, a di nyake ye re mo tšhutisang a hlatolla dilo ka moka ka nako ka yyoši. Mo a ka maka ka mokgonone, bo ba gore o ba nyaka ka matla ba ka fo kwa nkare ba tshwana le kgokgo ya go nela ke pula, sosone sa maka gore ba tšhabe go bolabola naye. Byalo, hlohletsela ye o tšhutang naye gore a bolabole ka tso a di dumelang ka mokgwa wa gore wo nyoko maka gore ba kwe ba nabela go bolabola naye fote. (Makol. 4:6) Nakwenngwana a ka botsa mašaga yage gore ma kene ga jw.org. Tsotsone di ka ba gelepa gore ba tšhute tsa go tlala ka Dihlatse Tsa Jehova ba sa jaga ke motho.

17. O ka mo gelepang byang ye o tšhutang naye gore a thogo fetola diputsiso tso batho ba go tlala ba nang natso ka Dihlatse Tsa Jehova? (Lebelela le sethombhe.)

¹⁷ O ka berekisa dihlogotaba tsa go lategetsana tsa gore di ga jw.org tsa gore, “Diputsiso Tso Batho ba di Butsisang” gore o thogo gelepa ye o tšhutang naye gore a tilukiselele go fetola gabutši mo mašaga kela bo a berekang nabo ba mmutsisa diputsiso. (2 Thim. 2:​24, 25) Nako le nako mo le fetsa go bala sekopa se sengwana le se sengwana, ariyeneng ga sekopa sa “Batho ba Bangwana ba re,” ga puku ya Tikwise ka Lephelo go ya go Yye!. Hlohletsela ye o tšhutang naye gore a tlwayele go fetola ka mantsu yage. Mo di nyakega, mo gelepe gore a kraye mokgwa wa gabutši wa go hlatolla tso a di dumelang. Dilo tsa mošaga wonone di nyoko mo gelepa gore a yemelele tumelo yage a kene a kgibiye.

18. O ka mo hlohletsela ka mokgo mang ye o tšhutang naye gore tso a di dumelang a sa tšhabe go di botsa batho tšhomong? (Matewu 10:27)

¹⁸ Jeso o hlohletsele malata yage gore ma botse batho ditaba tsa go bafala. (Bala Matewu 10:27.) Mo ye o tšhutang naye Bhayibele a sa tseye nako ya go lefa gore a botse ba bangwana tso a di dumelang, di nyoko ba lula gore a yakgoswe a tisamela ka Jehova. O ka mo gelepa ka mokgo mang ye o tšhutang naye gore a thogo di segelela tsotsone? Mo ba ka bolabola ka letsima la go tšhomayela phutegong ya lune, mo hlohletsele gore a nagane gore a ka maka byang gore a kgone go ba motšhomayedi. Mo hlatollele gore ke ntaba ne di le lula gore ba bangwana ba thomise go tšhomayela mo go ba le matsima ya mošaga wonone. Se sengwana so di nyakang a se segelela ke go ngwadisa go beya dipolabolo kela mešupetso ga megahlano ya gare ga beke. Mo a kene a karakara go maka tsotsone, o nyoko kgona go hlatolla tso a di dumelang gabutši.

ŠUPETSA YE O TŠHUTANG NAYE GORE WA MO TSHEPA

19. Jeso o yye a šupetsa ka mokgo mang gore o tshepa malata yage, fote rune re ka mo yekisela byang?

¹⁹ Mo Jeso a soko yinugela legedimong, o butsiye malata yage gore ba nyoko gahlana fote. Ke mo ma sa kwisisi gore Jeso ke mo a bolabola ka taba ya gore ma nyoko ya legedimong. Mara ke mo a sa lebelela tso ba di kamakang, ke mo a lebelele ka matla taba ya gore baa tshepega. (Joh. 14:​1-5, 8) Ke mo a di tšiba gore ne di ka tseya nako gore ba kwisise tse dingwana, dilo tsa go tshwana le go phela legedimong. (Joh. 16:12) Go fo tshwana le Jeso, le rune re ka šupetsa bo re tšhutang nabo gore re ya di tšiba gore ba nyaka go jabodisa Jehova.

20. Mogageru ye mongwana wa mosadi wa ku Malawi o yye a mo šupetsa byang ye a tšhutang naye Bhayibele gore wa mo tshepa?

²⁰ Re dula re di tshepa gore ye re tšhutang naye o nyaka go maka tsa gabutši. Tseya ka mošupetso wa mogageru wa mosadi wa ku Malawi ye ba reng ke Chifundo. O yye a thomisa go tšhuta Bhayibele a berekisa puku ya Tikwise ka Lephelo go ya go Yye! le ngwannyana ye mongwana wa Lekhatolika ye ba reng ke Alinafe. Mo ba fetsa go bala setšhuto 14, Chifundo o yye a butsisa Alinafe gore ne a nagana ying ka taba ya go berekisa dithombhe mo a rapela. Alinafe o yye a fetola a kwatiye a re, “Sone ke sepheto saka!” Chifundo o yye a tiputsisa gore nje tsotsone di nyoko maka gore tsa go tšhuta Bhayibele di šaše. Mara o f’lo ya mahlong a bala le Alinafe a kene a mo lefisele pelo, a di tshepa gore mo nako yi kene yi ya o nyoko yi kwisisa gabutši taba ya go berekisa dithombhe. Ka nthago ga dikgwedinyana, Chifundo o yye a butsisa putsiso ga setšhuto 34, ya gore: “O kwa nkare go tšhuta Bhayibele le go tšiba Jehova Modimo wa mannete go go makiye motho go segela kaye?” Chifundo mo a hlaya ka mokgo Alinafe a fetodiyeng ka gona, o yitseri, “O hlayye dilo tsa go tlala tsa go bafala, fote se sengwana ke gore o yitseri Dihlatse a di make dilo tsa gore Bhayibele ya di ganetsa.” Ka nthago ga hone, Alinafe o yye a lisetsa go rapela dithombhe fote a kolobetsiwa.

21. Re ka mo gelepa byang ye re tšhutang naye gore a segelele sepheto sa go nyaka go berekela Jehova?

²¹ Le mo nkare Jehova ke yene ye “a gudisang,” rune re ka tšhela letsogo ka go gelepa bo re tšhutang nabo gore ba sa yeme poleke ka yyoši. (1 Makor. 3:7) A re fo mo tšhutisa gore a tšibe tso Modimo a nyakang a di maka. Re boya re mo gelepa gore ga Jehova a mo nyake ka matla. Re mo hlohletsela gore a šupetse gore le yene ga Modimo o mo nyaka ka matla ka go yetisa tso tsa Modimo mahlong. Fote re mo tšhutisa gore a tshepele ga Jehova mo a gahlana le dintshitshire. Mo re šupetsa gore re ya mo tshepa, re nyoko ba re mo tiyisa gore a kgone go phela ka melawo ya Jehova, a boye a kgete go mmerekela.