O ka Yeletsa ba Bangwana Gabutši—Byang Mara?

1. Ke mang ye di nyakang a yeletse ye mongwana? Hlatolla.

TABA ya go yeletsa ba bangwana yi go tshwara byang mara? Ba bangwana dya ba jabodisa. Mara ba bangwana ba tšhaba go yeletsa motho kela taba yowa ya gore ba yeletse ye mongwana ba fo kwa yi sa ba duli gabutši. Le mo go le ka mokgonone, ka mokana ga rune di ya re tlema gore re fele re yeletsa ba bangwana ka dinako tse dingwana. Ke ntaba? Ka taba la gore Jeso o hlayye gore, gore bowa ke malata yage ya mannete, le nyoko ma bona mo ma nyakanana. (Joh. 13:35) Fote mokgwa wo mongwana wa go šupetsa gore re ya nyakanana ke mo re yeletsa magageru mo go hlokega. Se sengwana ke gore Bhayibele yi re mo re yeletsa ye mongwana di tšwa pelong, re tiyisa senghana sone.—Diy. 27:9.

2. Bagolo di nyaka ba kgone go maka ying fote ke ntaba? (Lebelela le lebhokisi la gore, “Mayele ya re ma Krayang Mogahlanong wa Gare ga Beke.”)

² Bagolo ka matlamatla di nyaka ba kgone go yeletsa ba bangwana gabutši. Jehova le Jeso ba neyye banna bowa mmereko wa go disa phutego. (1 Pet. 5:​2, 3) Mokgwa wo mongwana wo ba makang tsotsone ke mo ba re yeletsa ba berekisa Bhayibele ga dipolabolo tsa bona ka phutegong. Fote di nyaka ba yeletse nku ye nngwana le ye nngwana, re ra le mong le tsela tsa gore di keketlele kgole ga tse dingwana. Bagolo le ka mokana ga rune, re ka maka byang gore re thogo yeletsana gabutši?

3. (a) Re ka tšhuta ka mokgo mang go yeletsa ba bangwana gabutši? (Jesaya 9:6; Lebelela le lebhokisi la gore, “Yekisela Jeso mo o Yeletsa”) (b) Re nyoko bolabola ka ying ga hlogotaba yowa?

³ Re ka tšhuta tsa go tlala mo di tla ga taba ya go yeletsa ba bangwana gabutši ka go tšhuta ka mešupetso ya ba bangwana ba ka ho Bhayibeleng, ka matlamatla Jeso. Sereto se sengwana so ba mo neyyeng sona ba re ke “Ye Mogolo wa go Yetetsa.” (Bala Jesaya 9:6.) Ga hlogotaba yowa, re nyoko bolabola ka tso re ka di makang mo motho a tla a kgopela mayele le gore re ka maka ying mo di nyaka re yeletse motho a sa re kgopela. Re nyoko boya re lebelela ka mokgo taba ya go yeletsa motho ka nako ya gabutši le go yeletsa ka mokgwa wa gabutši go leng selo se segolo.

MO MOTHO A RE KGOPELA GORE RE MO YELETSE

4-5. Mo ye mongwana a re kgopela gore re mo yeletse, ke putsiso yifeng yo re tshwaneleng re thomise re tiputsise yona? Beyisa.

⁴ Mo motho a tla a kgopela mayele ga rune, di nyaka taba yone re yi tseye byang? Taba yone yi ka re jabodisa wa kraya re nyaka le go mo gelepa ka go yakgoswa. Mara di nyaka re thomise re tiputsisa gore, ‘Ayitsano ke ya tshwanelega gore nka mo yeletsa ga taba yowa?’ Ka dinako tse dingwana, mokgwa wa gabutši ka matla wa go gelepa motho yene ke gore o mo krayele motho wa gore o tšiba seyemo sone gabutši.

⁵ Tseya ka mošupetso wowa. Tla re fo re monghanago ye mogolo o thomisa go lwala ka matla. O go botsa gore o thomisiye a nyakolla gore ke mekgwa yifeng ya gore ba ka mo yalafa ka yona, ke mokane a go butsisa gore o bona nkare ke mokgwa wofeng wa gore wo ka ba kawone. Le mo wene o ka fo bona nkare mokgwa wa kawone go ka ba go le wowa, mara so se šalang ke gore a o na mapanta ya botogotela fote a sanka wa di tšhutela tsa go yalafa bolwele byone. Ga seyemo sowa, mokgwa wa gabutši ka matla wa gore o ka gelepa monghanago ke gore o mo krayele motho wa gore o tšhutele tsa go yalafa bolwele byone.

6. Ke ntaba re ka kgeta go yemanyana mo re soko bane re yeletsa motho?

⁶ Le mo re bona nkare re ya tshwanelega gore re ka yeletsa motho mo di tla ga taba ye nngwana, re ka kgeta go yema ka gonyana re soko bane re yeletsa motho yene a kgopelang gore re mo yeletse. Ke ntaba? Diyema 15:28 yi re “ye wa go loka o thomisa a ghayela ka pelong mo a soko fetola.” Byalo, re re king mo re bona nkare re ka mo fetola? Di ka nyaka re thomise ka go nyakolla, re rapele re boye re ghayele. Mo re maka ka mokgonone, re ka sa kamake le ka gonyana gore phetolo yo re ko mo neyang yona yi sipidisana le ka mokgo Jehova a tikwang ka taba yone. Tseya ka mošupetso wa Nathane wa go porofeta.

7. O tšhuta ying ga mošupetso wa Nathane wa go porofeta?

⁷ Mo Kgoši Dafita a bolabola le Nathane wa go porofeta, o mmutsiye gore o nyaka go yagela Jehova tempele. Di sa tloga, Nathane o f’lo re a make ka mokgonone. Mara Nathane nke a thomisiye ka go butsisa Jehova. Ke ntaba? Ka taba la gore Jehova ne a sa nyake gore Dafita go be yene ye a yagang tempele yone. (1 Dikor. 17:​1-4) Taba yowa yi napa yi re šupetsa gore mo ba re kgopela mayele, re ko ba re šupetsa gore re hlalefiye mo re sa “yakgoswele go bolabola.”—Jak. 1:19.

8. Ke taba yifeng ye nngwana yo di nyakang re yi pasope mo re nyoko yeletsa ye mongwana?

⁸ Taba ye nngwana yo yi makang gore re thomise re nagana gabutši re soko bane re yeletsa ye mongwana ke yowa: Mo o ka neya ye mongwana mayele ya gore a yi wona, o sa tseye nkare ba ka sa re sole mo go ka ba le maphomela ya gore a ma jabodisi. Di fo ba lekgwaying gore ke taba ye kgolo ka matla gore re thomise ka go nagana gabutši mo re soko bane re yeletsa motho.

MO RE YELETSA MOTHO A SA RE KGOPELA

9. Mo bagolo ba soko bane ba yeletsa motho, ke taba yifeng ya gore a baa tshwanela go yi takisa maahlo? (Magalata 6:1)

⁹ Bagolo di nyaka ba fela ba yeletsa magageru ya gore maa “keketlela.” (Bala Magalata 6:1.) Motho a ka segelela dipheto tsa gore a yi tsona tsa gore ka nthago di ka maka gore a sinye ka matla. So bagolo ba nyakang go se segelela ke go gelepa motho yene gore a sa tšwi ga pata ya gore yi bakiye lephelong la go ya go yye. (Jak. 5:​19, 20) Mara, gore mayele ya bona ma thogo bereka, di nyaka ba thomise ba di bone gore ka nnete motho yene o keketlele. A ba takisi maahlo taba ya gore mo motho a segelela sepheto sa gore a se tshwane le sa bona, tsotsone a di rele gore o makiye selo sa gore a se jabodisi Jehova. (Marom. 14:​1-4) Byalo, re re king mo nkare mogageru ka nnete o yye a keketlela ke mokane bagolo ba fetsa ka gore go tshwanele go thomise bona ba ye ga mogageru yene gore ba mo yeletse?

10-12. Mo bagolo ba yeletsa motho a sa ba kgopela, ba tshwanele ba make ying? Beyisa. (Lebelela le dithombhe.)

¹⁰ Phela bagolo a di ba fefogele gore ba yeletse motho wa gore aa ba kgopela. Ke ntaba? Pawulo wa lepostola o hlayye gore motho a ka tikraya a keketlele, mara yene beng a sa tiponi. Byalo, mo bagolo ba soko bane ba yeletsa motho yene, go na le dilo tso ba ka di makang tsa go ba kgorela pata gore motho yene di be lula gage gore a theetsele tso ba nyoko mo yeletsang ka tsona.

¹¹ Nagana ka mošupetso ke wowa: Motho wa go lima o liketsa go gaša dimelane ga mobu wa gore wo ghwannye. Mo a soko bane a gaša o thomisa ka go teya letsepe a lima. Tsotsone di maka gore mobu wone wo be gabutši gore pewu yone yi thogo kena fase. Ke yela wa yi gaša. Ke mokane a tšheletsa pewu yone gore yi thogo gola. Byalo, ka mantsu ya mangwana mogolo yene o ba a maka gabutši mo a thomisa a teya letsepe a soko bane a yeletsa motho wa gore aa mo kgopela mayele. Mo re beyisa, mogolo yene o yemela nako ya gabutši gore ba bolabodisane ke mokane a botsa mogageru yene gore wa tihlupa ka yene le gore o nyaka ba fo re handahanda ka se sengwana. Mo motho ye a yeletsang a tšibega go le motho wa go nyakanana fote a na le pelo ya gabutši, di ko ba lula gore ba bangwana ba yamogele mayele yage ka matsogo ka mabedi.

¹² Mo ba kene ba handahanda, mogolo yene a ka ya mahlong a lukiselela mobu ka go botsa mogageru yene gore a gona motho wa gore aa fele a kekemisa fote motho yenene di nyaka ba fela ba mo yeletsa. (Marom. 3:23) Mogolo yene o nyoko bolabola naye monate a kene a šupetsa gore wa mo hlompa, a mo šupetsa a berekisa Mangwalo gore o yi lahliye mo di tla kaye. Mo mogageru yene a dumela gore o kekemisiye, mogolo yela o “gaša pewu” ka go mo hlatollela ka mantsu ya lula gore king tso a tshwaneleng gore a di make gore a thogo lukisa taba yone. Ke mokane mogolo yene o “tšheletsa” pewu yone ka go thanaka mogageru yela a boya a rapela naye.—Jak. 5:15.

13. Bagolo ba ka maka byang gore ba thogo bona gore motho o kwisisa tso ba mo yeletsang ka tsona?

¹³ Ka dinako tse dingwana, dilo tso di hlayang ke ye a yeletsang le tso ye ba mo yeletsang a di kwang, a di tshwane. Bagolo ba ka maka ying gore taba yone yi sa makege? Bagolo ba ka butsisa motho yene ka mokgwa wa gabutši gore ba thogo bona gore ayitsano wa di kwisisa tso ba mo yeletsang ka tsona le gore wa di tšiba tso a tshwaneleng gore a di make gore a thogo tšhentšha.—Mmo. 12:11.

YELETSA KA NAKO YA GABUTŠI LE KA MOKGWA WA GABUTŠI

14. Mara nje re ka yeletsa ye mongwana re sa na re kwatiye? Hlatolla.

¹⁴ Ka mokana ga rune re fo batho ba go sa yenela, byalo di nyoko fela di re khwanyugela ke mokane ra maka kela ra hlaya dilo tsa gore di kwisa ba bangwana go baba. (Makol. 3:13) Phela le Bhayibele ya hlaya gore ka dinako tse dingwana re ka maka kela ra hlaya dilo tsa gore di kwatisa ba bangwana. (Maef. 4:26) Mara, di nyaka re kganele kgole le taba ya go yeletsa motho mo re kwatiye le mo di ka re hlohlona byang. Ke ntaba? Ka taba la gore “dilo tso motho a di makang mo a kwatiye a di gabutši mahlong ga Modimo.” (Jak. 1:20) Phela mo re ka yeletsa motho re sa f’lo re tswii, re tlatsiye lesaka le hafo ka go kwata, o ka kraya re šele re tšhediye pharafini. Mara tsotsone a di rele gore re fo zipa molomo ke mokane ra sa botse ye a re kwatisiyeng ka mokgo re tikwang. Mara di nyaka re thomise re yeme, re thewose moya mo re soko bane re bolabodisana le motho yene. Tseya ka mošupetso wa gabutši wa Elihu, wa gore o yye a yeletsa Jobo gabutši.

15. Re tšhuta ying ga mošupetso wa Elihu? (Lebelela le sethombhe.)

¹⁵ Elihu o fetsiye matšatši a kene a theetsele Jobo a tiyemelela ga batho ba go tipotsa gore ba tl’le mo kgomoletseng bona mo ba hlaya. Elihu o yye a kwela Jobo go baba. Mara Elihu o yye a thunyisa mmuši ka dinko a kwatisa ke gore Jobo o hlayye dilo tsa gore a yi nnete ka Jehova a boya a hlupega ka yene mong. Le mo go le ka mokgonone, Elihu o yye a yemela nako yage ya gore a bolabole yi segele, ke mokane a bolabola le Jobo gabutši a šupetsa gore wa mo hlompa mo a kene a mo yeletsa. (Jobo 32:2; 33:​1-7) Mošupetso wa Elihu wo re tšhutisa taba ye nngwana ye kgolo ya gore fote ke nnete: Di bafele ka matla mo re yeletsa ka nako ya gabutši le ka mokgwa wa gabutši—re kene re šupetsa gore re ya hlompa le go nyakanana.—Mmo. 3:​1, 7.

ARIYE MAHLONG O YELETSANA FOTE O SA GANE MO BA GO YELETSA

16. O tšhuta ying ga Pisalema 32:8?

¹⁶ Lengwalo la hlogotaba yowa le re ‘Jehova wa re pasopa a boya a re neya mayele.’ (Bala Pisalema 32:8.) Tsowa di ra gore o ya mahlong a re thega. Phela aa fo re neya mayele ke mokane a phuta matsogo mara o boya a re gelepa gore re ma berekise. Ye lune, mo ba bolabola ka mošupetso wa gabutši ba ra wowa—tla re wo kopiseleng! Mo di nyaka re yeletse ba bangwana re ka ya mahlong re ba tiyisa le go ba gelepa gore ba segelele dipheto tsa gabutši.

17. Mo bagolo ba re yeletsa ba berekisa Bhayibele tsotsone di maka gore re tikwe byang? Hlatolla. (Jesaya 32:​1, 2)

¹⁷ Wa tšiba, gana byalo re ma hloka mong go ma hloka mayele ya gabutši re boye re yeletse ba bangwana gabutši. (2 Thim. 3:1) Bagolo ba gore mo ba yeletsa baa korola fote ba berekisa Bhayibele mo ba yeletsa, ba “tshwana le mesela ya meetši ga naga ya gore a yi na meetši.” (Bala Jesaya 32:​1, 2.) Banghana ba gore ba tšiba tso re nyakang go di kwa mara ba kgeta go re botsa tso re tshwaneleng go di kwa, ke setšha ba re neya selo sa go tseyediwa gedimo go tshwana le “maapola ya gholdi ya gore ma teng ga sitša sa silva.” (Diy. 25:11) Nkare ka mokana ga rune re ka ya mahlong re tšhuta go yeletsana gabutši.