O F’lo Šala a Yahlamme mo a Bona Maphomela

Mmane ye ba reng ke Desicar wa gore o tigudisela bana a ntoši, ke mo a nyaka go yeketsa ga mmereko wage wa go tšhomayela ka go nyaka go ba mošupatsela wa nako ka moka. O dula ga naga ya Venezuela, ya gore yi na le mathatha ya ditšheleta. Byalo, ke mo a fetsiye le pelo yage gore o nyaka go thomisa go ba mošupatsela wa nako ka moka fote o f’lo maka ka mokgonone. Ke mo a jabodiye ka matla mo a ba mošupatsela mara bolwele bya go sabalala bya COVID-19 bya fo re palakata.

Mo bolwele bya go sabalala bya COVID-19 bo thomisa, Desicar di yye dya mo thathafalela go berekisa mokgwa wa nyuwane wa go tšhomayela. Go ngwala mangwalo ne go le mong ntshitshire ho gage. Fote ke mo a ka sa kgone go tšhomayela a berekisa fowunu ka taba la gore tso tsa inthanete di ya tura ga poleke yo a dulang ga yona. O re “ne ke tapegiye matšhika.” “Ne ke sa sa kgona go tšhomayela ka mokgo ne ke tlwayele ka gona. Ne ke nagana gore nka sa tsoge ke di kgonne go ba mošupatsela wa gabutši.”

Ke mokane ka January 2021, ofisi ya lekala ya Dihlatse Tsa Jehova ya hala Venezuela yi makiye gore go be le letsima la go hlawolega. Ba lukiselele ditiši tsa wayilisi tsa go teya ka ku ga 60 le 7 ya tsona tsa TV gore ba thogo beya dipolabolo tsa go tšwa ka Bhayibeleng tsa batho ka moka tso ba di kgetiyeng, mafelelong ya beke ye nngwana le ye nngwana go segela go fela kgwedi yone. Ba kgopele Dihlatse gore di meme batho bo ba ka jabolelang go lebelela le go theetsela dipolabolo tsone. Lekala le makiye gore go be le diputsiso le mangwalo ya ka ho Bhayibeleng, ya ma sepidisanang le polabolo yone gore magageru ma thogo ma berekisa mo ma tšhomayela ka go ngwalela batho mangwalo le ka fowunu. Go tokegela gana hone, lekala le hlohletsele magageru ya hala Venezuela gore ma berekise—mokgwa wa nyuwane wa go tšhomayela ma romela batho molayetsa ka fowunu.

Desicar ke mo a le jabolele letsima lowa. Le mo yi le gore a sanka a tšhomayela a berekisa mokgwa wowa wa go romela batho molayetsa ka fowunu mara ke mo a tikemisele go liketsa. Byalo, ke mo a nyaka go gelepiwa. Desicar o yitseri “A ke tšibi selo ka thekinoloji. Ke mokane o kgopele morwediya wage gore a mo tšhutise, ka nthagonyana ga mo a mo tšhutisiye, Desicar ke mo a šele a tikemisele go tšhela letsogo ga letsima lone.

Ka go berekisa mokgwa wone wa go romela molayetsa ka fowunu, Desicar o memme batho ba go tlala gore ba thogo theetsela dipolabolo tso ne a di rekhodiye ho fowunung yage. O makatsiye ke maphomela ya gona. Batho ba go tlala bo a ba memmeng ba yye ba theetsela dipolabolo tsone ba boya ba butsisa diputsiso. Ba bangwana ne ba sa kgone go kena mara ba yye ba butsisa Desicar gore ne ba bolabola ka ying ga dipolabolo tsone. Desicar o re “Ne ke ba hlatollela tso nka di ngwala fase. Ne ke sa kgone go maka mayeto ya go boyela ya go teya ka ku ga 5 ka kgwedi mara mo letsima lowa le fela ke kgonne go maka 112 ya mayeto ya go boyela!”a

Desicar o yye a bitsa sesi wage wa gore a yi hlatse wa go dula thina naye, gore a tle a theetsele dipolabolo wayilising. Desicar o yanega gore “Ke šadiye ke makele mo sesi a dumela go tl’le theetseleng. Ka 8 ya ka bošego ka Lesonto le lengwana le le lengwana, ne ke ya mo a dulang ke mokane re theetsela ggoši. Ne a na le diputsiso tsa go tlala ka nako ya letheto le ka nthago.” Sesi wa Desicar o yye a tshwara le Segopotso sa likgu la Jeso ka vidiyo fote o yye a dumelela Desicar gore a berekise inthanete yage mo a tšhomayela.

Desicar o hlayye gore “Ke leboga Jehova ke sa fetse. Fote ke leboga bagolo ba phutegong yaka gore ne ba nhlohletsela. Ba n’gelepiye gore ke jabolele mmereko wa go tšhomayela fote.” (Jeremiya 15:16) Desicar o yye mahlong go le mošupatsela a boya a tšhutisa batho ba gore ne ba di jabolela bo ne a ba kraya ka go ba romela molayetsa.