BO BA GORE BA SA GOLA BAA BUTSISA

Nka Maka Byang Gore ke Lokotše Mokgwa Waka wa go Bolabodisana le ba Bangwana?

Ga hlogotaba yowa

Ke ntaba re tshwanele go bolabola re lebeletsanne ka difahlego?

Batho ba bangwana ba hlaya gore go bolabola re lebeletsanne ka difahlego a yi go kgana fote gwa thathafa, ba bona di phala ke go fo romelana molayetsa.

“Go bolabola re lebeletsanne ka difahlego go baba ka matla ka gore o ka sa tšhentšhi kela go sula tso o di hlayyeng, go tshwana le mo o bolabodisana le batho ka molayetsa.”—Anna

“Go bolabodisana le batho ka melayetsa go tshwana le go rekhoda, mola go bolabodisana le batho go tshwana le go bhokela selo so se makegang ka nako yonone. Mo ke bolabola le ye mongwana ke dula ke tiputsisa gore nje a ke faganye tso ke di bolabolang!”—Jean

Mara mo nako yi kene yi ya di nyaka o titlwayetse go bolabodisana le ba bangwana le lebeletsanne ka difahlego. Mo re beyisa, tsotsone di nyoko go gelepa ku mahlong mo o nyaka go maka banghana ba nyuwane, mo o nyaka mmereko le mo o kene o bereka kela mo o šele o nyaka go tilukiselela go kena mošadhong.

Sa go jabodisa ke gore a di nyake o hlagasedisa ke go bolabodisana le ba bangwana le lebeletsanne ka difahlego. Le mo o le motho wa dihlong o ka tšhuta wa tšiba.

“Di tlwayelegiye gore ka mokana ga rune re fela re hlaya dilo tsa go kekema tsa go re di re šiya re tšebiye. Di nyaka o fo di tseya gabutši nje.”—Neal

Tso o ka di makang gore o thomise ditaba

Butsisa diputsiso. Nagana ka taba ya gore yi ka Jabodisa ba bangwana ke mokane o thomise polabodisano. Mo re beyisa:

“Ayitsano lenyaga se o vakašele go gongwana?”

“Yowa ke wepsayete ya gabutši. Ke la mathomo o yi bona?”

“Ayitsano o šele o kwile ka yona . . . ?”

Go re taba yago yi nape yi kwagala, nagana ka selo so wene le motho yene le šeleng le se tšiba sa gore se ka le jabodisa. Mo re beyisa, ayitsano o kena naye sekolo kela le bereka ggoši? Mo o butsisa diputsiso, butsisa ka dilo tso wene le yene le di tšibang.

“Nagana ka diputsiso tsa gabutši tsa gore dya jabodisa tso o nyakang go kwa batho ba di fetola.”—Maritza

So se ka go gelepang: Diputsiso tsa go tshwana le tso di leng ka ho kgakala di ka go thulela lešuba la gore o thomise polabodisano. Mo go kgonega butsisa diputsiso tsa gore di nyaka motho a hlalosa tsa gore a di fo nyaka eya kela awwa. Mo re beyisa, putsiso ya gore yi nyaka a hlalosa ya mošaga wowa “Muvi wowa wo go jabodisiye mo wo tla kaye?” o ka kraya phetolo ya gabutši go phala mo o fo re “O wo jabolele muvi wowa?”

Pasopa: O sa fo butsisa diputsiso di fo lategetsana tsa nkare o ro ba lephodisa. O sa butsise diputsiso tsa gore di nyoko mo šiya a tšebiye. Diputsiso tsa mošaga wowa “King so o se tšhabang ka matla?” kela “Ke ntaba o dula o yapere dikobo tse di tala ya sebakabaka?” tsotsone di nyoko maka gore a sa lokologe. Putsiso yowa ya bobedi yi ka maka gore a tseye nkare o ro mo poyila!

O ka kganela kgole le taba ya go maka nkare o ro ba wa go fokisa, o ka mo hlayisela gore ke ntaba o mmutsisa putsiso yone le ka mokgo o tikwang, mo motho yene a soko bane a fetola kela ka nthago ga mo a fetodiye. Ka mantsu ya mangwana, maka gore go be polabodisano—go seng go fo mo hlahlela ka diputsiso tsa go gana go fela.

Ayitsano diputsiso tsago di kwagala nkare o ro fokisisa?

Tšhiko ya Bhayibele: “Tso pelo ya motho yi di naganang di tshwana le meetši ya go yisa, mara wa gore o ntshiye maahlo dikwakweng o nyoko di segelela.”—Diyema 20:5, Good News Bible.

Theetsela gabutši. Gore polabodisano ya lune yi thogo ba le maphomela ya gabutši, di nyaka o theetsela o sa bolabole ka matla.

“Ke liketsa go dula ke tšhuta se sengwana ka motho ye ke bolabodisanang naye. Ka nthago ga hone, ke liketsa go gopola tso motho yene a di hlayyeng ke mokane ke boye ke nagane ka putsiso ya gabutši ye ke nyoko mmutsisang yona mo re boya re bolabodisana fote.”—Tamara

So se ka go gelepang: O sa nape o šekela ka matla mo ditaba di go felela tseleng. Lebelela dilo tso di leng ga poleke yone. Ayitsano o sekolong? o mmerekong? kela o monyanyeng? O ka bolabola ka tso o di bonang go ya ka seyemo sa poleke yo o leng ga yona. Mo re beyisa, o ka butsisa ye o berekang naye gore, “O sepela nako ya go lefa ka moka matšatši mo o tla mmerekong?”

Pasopa: O sa šekedise ke tso o nyoko di bolabolang fote. Mo o theetsela di go baba o nyoko kgona go fetola gabutši mo ye o bolabolang naye a hlaya se sengwana.

Tšhiko ya Bhayibele: “Ye mongwana le ye mongwana a yakgoswele go theetsela, a sa yakgoswele go bolabola.”—Jakobo 1:19.

Šupetsa gore wa mo jabolela. O nyoko natefela ke polabodisano yone mo o šupetsa motho yene o bolabolang naye gore o na le taba le yene.

“Mo o šupetsa ye o bolabolang naye gore ka nnete o jabolela tso a di hlayang, polabodisano ya lune yi nyoko jabodisa ka matla—le mo ka nako ye nngwana le fela le fo re tsee.”—Marie

So se ka go gelepang: Mo thanake ke mokane o mmutsise putsiso. Mo re beyisa, o ka mmotsa gore “Patši yago yi bafele. O yi rekiye kaye?”

Pasopa: O sa nape o ya ka matla mo o butsisa diputsiso. Go tshwana le go hlaya gore “Patši yago yi bafele. O yi rekiye ka bokaye?” di ka fo sa mo tshware gabutši!

Tšhiko ya Bhayibele: “Le sa nyake tsa go fo jabodisa lune le ntoši mara le nyake le tsa go jabodisa ba bangwana.”—Mafilipi 2:4.

Polabodisano ya lune le ka yi fetsa ka mokgo mang? “Liketsa go fetsa polabodisano ya lune ka go hlaya mantsu ya go jabodisa,” tsotsone di hlayye ke mosogana ye bareng ke Jordan. “O ka hlaya mantsu ya go tshwana le gore, ke di jabolele ka matla go bolabodisana nago’ kela ‘O hlwe gabutši’ tsotsone di nyoko maka gore motho yene a jabolele go bolabola nago mo le gahlana fote.”