Lefisela ba Bangwana Pelo—Ka Mokgo Bhayibele yi ka go Gelepang
“Go lefisa pelo ke mong selo se segolo so se ka makang gore go bebe ho lefaseng.”—UNESCO Declaration of Principles on Tolerance, 1995.
Ka nthoko ye nngwana, mo re šitega go lefisa pelo re ka sa hlompe batho ba bangwana fote re nyoko ba hloya. Mo re tikwa ka mokgonone, tsotsone di nyoko maka gore re kgwasolanye ba bangwana, re ba hlawole le go lwa nabo.
Mara batho taba yowa ya go lefisa pelo a ba yi kwisisi go tshwana. Ba bangwana ba tseya gore batho ba go lefisa pelo ke ba gore ba dumela dilo ka moka tso ba bangwana ba di hlayang le tso ba di makang. Mola ba bangwana ba yema le so Bhayibele yi se hlayang, gore batho ba go lefisa pelo ba tseyela gedimo so ba bangwana ba se kgetang kela so ba se dumelang, le mo bona beng ba sa kwane le dilo tsone kela ba sa dumele ga tsona.
Ayitsano Bhayibele yi ka gelepa batho gore ba thogo lefisa pelo ga lefase lo re phelang ga lona lekgono?
Ditšhiko tsa Bhayibele tsa go bolabola ka go lefisa pelo
Bhayibele yi re hlohletsela gore re lefise pelo. Yi re: “Makaneng gore go kwisisa ga lune go tšibe ke batho ka mokana ga bona.” (Mafilipi 4:5) Bhayibele yi re hlohletsela gore re tshware ba bangwana gabutši, re sa ba hlawole fote re ba hlompe. Bo ba berekisang mayele yawa ba ka fo ba ba sa dumelelane le tso motho yene a kwanang natso mara ba mo lisetsa gore a make tso a di nyakang.
Le mo go le ka mokgonone, Bhayibele yi hlaya gore Modimo o re neyye melawo yo re tshwaneleng re phele ka yona. Yi re: “Wene motho [Modimo] o go butsiye tsa gabutši.” (Mika 6:8) Yi hlaya tso Modimo a re yetetsang ka tsona, tsa go gelepa batho gore ba thogo jabolela lephelo.—Jesaya 48:17, 18.
Modimo aa re neya matšhika ya go yahlula batho ba bangwana. Go ya ka Bhayibele, “Go na le motho ka wwoši wa go Neya molawo le wa go Yahlula. . . Byalo o nagana gore ke wene mang gabutši mo o yahlula moyagelane wago?” (Jakobo 4:12) Modimo o dumelela ye mongwana le ye mongwana gore a segelele sepheto ka boyene mong.—Dotoronoma 30:19.
So Bhayibele yi se hlayang ga taba ya go hlompa ba bangwana
Bhayibele yi hlaya gore di nyaka re “hlompe batho ka mokana ga bona.” (1 Petro 2:17, New Jerusalem Bible) Byalo bo ba kgetang go phela ka ditšhiko tsa Bhayibele ba hlompa batho ka mokana ga bona, go se na taba gore ba dumela ying kela ba phela lephelo la mošaga mang. (Luka 6:31) Mara tsotsone a di rele gore bo ba latelelang Bhayibele ba nyoko fo yema le se sengwana le se sengwana so ba bangwana ba dumelang ga sona kela tso ba di naganang kela go thega dipheto tsa bona. Mara go na le gore ba kwise ba bangwana go baba kela go sa ba hlompe, ba liketsa ka matla go yekisela ka mokgo Jeso ne a tshwara ba bangwana ka gona.
Mo re beyisa, Jeso o yye a gahlana le mosadi wa gore ne a sa kwane le sedumedi sage. Mosadi yene ne a dula le monna wa gore ne a sa šadha naye—taba yone Jeso ne a sa kwane nayo le ka gonyana. Le mo go le ka mokgonone, o bolabodisanne le mosadi yene a kene a tinyanafatsiye.—Johane 4:9, 17-24.
Go tshwana le Jeso, Makreste ma dula ma tilukiselele go hlatollela bo ba nyakang go tšiba ka tumelo ya wona fote ma maka tsotsone ma “kene ma šupetsa hlompo.” (1 Petro 3:15) Bhayibele yi yeletsa Makreste gore ma sa gapeletsi batho ba bangwana gore ba make tso wona ma di naganang. Yi hlaya gore lelata la Kreste “a di nyake gore le lwe, mara di nyaka le tshware batho ka mokana ga bona gabutši,” le bo ba gore a ba dumele ga tso le di dumelang.—2 Thimothi 2:24.
Tso Bhayibele yi di hlayang ka go hloyana
Bhayibele yi re botsa gore “makaneng gore go dule go bebiye mo le na le batho ba bangwana.” (Maheberu 12:14) Motho ye a ngangareleng go beba o nyenya go hloyanana. Le mo a sa šuhlašuhlane le ba bangwana, o karakara ka matla gore a dule a phidisana le ba bangwana gabutši. (Matewu 5:9) Gabutšibutši, Bhayibele yi hlohletsela Makreste gore ma nyake manaba ya wona, le mo wona ma sa ba tshware gabutši kela ma ba maka lešidi.—Matewu 5:44.
Ka nnete Bhayibele yi hlaya gore Modimo o “hloyye,” kela “go silikisa,” ke tso batho ba di makang tsa go kwisa ba bangwana go baba kela go maka motho ye mongwana a tikwe a se na mokgola. (Diyema 6:16-19) Mara Bhayibele howa yi berekisiye lentsu lowa go “hloyana” go šihlela taba ya go sa kwane gore yi feleletsa yi maka gore batho ba make dilo tsa go befa. Bhayibele yi hlaya gore Modimo o dula a ramele go tshwarela batho fote o nyaka go gelepa bo ba nyakang go tšhentšha mekgwa ya bona ya go befa, ke mokane ba phele ka melawo yage.—Jesaya 55:7.
Ditemanyana tsa Bhayibele tsa go bolabola ka go lefisa pelo le go hlompa
Tito 3:2: “Ba kwisise fote ba temeke ga batho ka mokana ga bona.”
Motho wa go kwisisa o yamogela dilo tsa go sa tshwane tso ba bangwana ba di naganang a kene a tinyanafatsiye fote o ya mahlong a hlompa motho ye mongwana le ye mongwana.
Matewu 7:12: “Dilo ka mokana ga tsona tso le nyakang batho ba le maka tsona, le lune le ba make tsona.”
Ka mokana ga rune re jabola stereka mo batho ba bangwana ba re hlompa fote ba tseyela gedimo tso re di naganang le ka mokgo re tikwang. Mo o nyaka go tšhuta tsa go tlala ga molawo wo wa go tlwayelega wa gore o hlayye ke Jeso, le gore o ka wo berekisa byang, bona hlogotaba ya gore “Molawo wa Gholdi King?”
Jošuwa 24:15: “Lekgono tikgeteleneng ye le nyakang go mmerekela.”
Mo re hlompa dipheto tso ba bangwana ba di segelelang tsa gore ba ro tikgetela, re maka gore go bebe.
Mebereko 10:34: “Modimo aa hlawole motho.”
Modimo aa hlawole batho go ya ka ditšo tsa bona, gore ke monna kela mosadi, o dula kaye, mohlobo kela ka mokgo ba gudisiwweng ka gona. Bo ba nyakang go kopisela Modimo ba hlompa batho ka mokana ga bona.
Habakuku 1:12, 13: “[Modimo] aa kgone go tiyisela tsa go befa.”
Go lefisa pelo ga Modimo go na le mo go kgerang gona. A ka sa lisetse batho ba maka dilo tsa go sa loka go ya go yye. Gore o thogo tšhuta tsa go tlala, lebelela vidiyo ya gore Ke Ntaba Modimo a re Lesetsa re Hlupega?
Maroma 12:19: “Di šiyeleneng Modimo ka gore go ngwadiwwe gore: ‘Ke nna ke nyoko busetsang fote ke nna ke nyoko patedisang,’ go bolabola Jehova.”a
Jehova modimo aa nyake re patedisa mo ba bangwana ba re sinyele. Ke yene a nyoko tlang a ba wolola ka nako ya gabutši yo a yi beyyeng. Mo o nyaka go tšhuta tsa go tlala, bala hlogotaba ya gore “Ayitsano go Tshwariwa Lešidi go ko Tsoga go Fediye?”
a Jehova ke lebitso la Modimo. (Pisalema 83:18) Bona hlogotaba ya gore “Jehova ke Mang?”