Ayitsano Nnete yi sa na yi Tseyediwa Gedimo?

Ayitsano le wene ke ntshitshire ho gago go bona nnete kela matsaka? Gana byalo batho ba na le go fo tshepa dilo go ya ka mokgo ba tikwang le ka mokgo ba naganang, go na le gore ba lebelele mahlaya ka moka ya taba. Mo re beyisa, mantsu yawa ya go re go “phiphetsa nnete” ya ba ma berekisiyeng go hlatolla seyemo sowa ma šele ma tlwayelegiye ka matla ga dinako tso tsa gana byalo.a Gana byalo, batho ba nagana gore nnete a yi šiyo lefaseng ka mokana ga lona.

Tso ba di naganang a yi tsa nyuwane. Gana hala ga 2 000 ya mengwaga ya go feta, ye mongwana wa go Lawola Roma go leng Pontiyo Pilato o butsisiye Jeso gore: “Nnete ke yifeng?” (Johane 18:38) Le mo yi le gore Pilato aa yemela phetolo, mara tso ne a di butsisa ne di kwagala. Bhayibele yi re neya phetolo ya go re kgotsofatsa fote yi nyoko go gelepa gore o tšibe nnete ga lefase lowa la gore le dhunghanya batho ka matsaka.

Ayitsano nnete yi gona?

Eya. Bhayibele yi berekisiye lentsu “nnete” go hlatolla tšhiko ya taba le so go leng nnete ya taba. Yi tšhutisa gore Jehovab ke “Modimo wa go Kwana le nnete, yi re ke “Modimo wa nnete.” (Pisalema 31:5) Bhayibele yi na le nnete ya go tšwa ga Modimo fote yi tshwanisa nnete le go khanya ga gore gwa re yetetsa ga lefase lowa la go dhunghega.—Pisalema 43:3; Johane 17:17.

O ka kraya nnete byang?

Modimo aa fo nyaka re yamogela nnete yo yi leng ka ho Bhayibeleng re sa yi kwisisa. Mara o nyaka re yi nyakolle re berekisa matšhika ya rune ya go nagana re sa fo tshepela ka mokgo re tikwang. (Maroma 12:1) O nyaka gore o mo tšibe o boye o mo nyake ka matla o berekisa “monagano wago ka mokana ga wona,” fote o re hlohletsela gore re tipombholele gore tso di leng ka ho Bhayibeleng ke nnete re sa di kamake.—Matewu 22:37, 38; Mebereko 17:1.

Matsaka ma thomisiye ke mang?

Bhayibele yi hlaya gore matsaka ma thomisiye ke lenaba la Modimo, Sathane Diyabolo ye Bhayibele yi hlayang gore “o na le matsaka fote ma thomisiye ke yene.” (Johane 8:44) O hlayele Modimo matsaka ga batho ba mathomo. (Genesi 3:1-6, 13, 17-19; 5:5) Go tlugisela gana hone, Sathane o f’lo ya mahlong a sabalatsa matsaka a phiphetsa nnete ka Modimo.—Kutullo 12:9.

Ke ntaba matsaka ma tlwayelegiye matšatši yawa?

Ga dinako tso re phelang ga tsona tso Bhayibele yi reng ke “dinako tsa mafelelo,” Sathane o ya mahlong a kene a fukulanya batho ho lefaseng. Batho ba fo dula ba botsa ba bangwana matsaka gore ba ba šohlometse, ka taba la gore ba bona nkare go fo ba diphokophoko. (2 Thimothi 3:1, 13) Fote matsaka yane ma ro mila ga dikereke tsa go tlala lekgono. Bhayibele yi hlayye gore ga dinako tso tsa rune batho “ba nyoko maka tso ba di nabelang fote ba nyaka le mathitšere ya gore ma nyoko ba botsa tso ba nyakang go di kwa, ba ka sa sa theetsela nnete mara ba nyoko theetsela ditaba tsa matsaka.”—2 Thimothi 4:3, 4.

Ke ntaba nnete go le selo se segolo?

Batho ba nyaka nnete gore ba thogo tshepana. Mo o se na nnete batho ba ka sa sa go tshepa fote o ka sa be le banghana. Bhayibele yi hlaya gore Modimo o nyaka morapelo wa rune wo tisamele ka nnete. Yi re: ‘Bo ba rapelang [Modimo] ba tshwanele ba mo rapele ba yetetsa ke moya wa go hlawolega fote ba mo rapele ba resa.’ (Johane 4:24) Mo o nyaka go tšiba nnete yo yi tšwang ka Bhayibeleng ya gore yi nyoko go gelepa gore o thogo bona matsaka ya dikereke fote o kgone go khwanyudisa ga wona, bala dihlogotaba tsa go lategetsana tsa gore “Matsaka ya ma Makang Nkare Modimo o na le Lešidi.”

Ke ntaba Modimo a nyaka ke tšiba nnete?

Modimo o nyaka gore o phone mara a di nyake o fo phuta matsogo, di nyaka o tšhute nnete ka yene. (1 Thimothi 2:4) Mo o tšhuta ka melawo ya Modimo gore o thogo tšiba sa go loka le sa go sa loka o nyoko ba le senghana sa thina naye. (Pisalema 15:1, 2) Modimo o romme Jeso ho lefaseng go gelepa batho gore ba thogo tšiba nnete. Modimo o nyaka gore re theetsele tso Jeso a di tšhutisiyeng.—Matewu 17:5; Johane 18:37.

Nje Modimo o nyoko fetsa ka batho ba matsaka?

Eya. Modimo o silikisa ke batho ba go tshokanya ba bangwana ba ba botsa matsaka. O tshepisiye gore o nyoko fetsa ka batho ka moka bo ba yang mahlong ba bolabola matsaka. (Pisalema 5:6) Mo Modimo a maka tsotsone o nyoko ba a maka tso a di tshepisiyeng: “Molomo wa ye a bolabolang nnete wo ko dula wo le gona go ya go yye.”—Diyema 12:19.