Digele ga Tsa Maphelo ba re Nkare Tso Tsa Inthanete di Kwaletsa bo ba Gore ba sa Gola—Bhayibele yi re King?

Ka di 23 tsa May 2023, bo ba digele ga tsa maphelo ba hala United States ba pasopisiye batho gore tso tsa go bolabodisana ka inthanete di kwaletsa bo ba gore ba sa gola.

• “Ka nthoko ye nngwana tso tsa go bolabodisana ka inthanete di gelepa bananyana le bo ba gore ba sa gola mara le mo go le ka mokgonone go na le tsa go tlala tso di šupetsang gore go berekisa tsa go bolabodisana ka inthanete dikotsi fote di kwaletsa monagano wa bananyana le ya bo ba gore ba sa gola.”—Social Media and Youth Mental Health: The U.S. Surgeon General’s Advisory, 2023.

Tso ba di krayyeng mo ba nyakolla di šihlela gore ke ntaba di nyaka re hlupega ka taba yowa.

• Bo ba gore ba sa gola ba go ba le mengwaga ya go thomisa ga 12 go segela ga 15, “ba gore ba fetsa diawara tsa go teya ka ku ga 3 ba kene ba potapotana le tsa go bolabodisana ka inthanete, ba feleletsiye ba na le bothatha bya monagano le go tikwa ba kgahleletsegiye fote ba šekela.”

• Bo ba go ba le 14 ya mengwaga, “ga tlele mo ba berekisa tso tsa go bolabodisana ka inthanete ka matla a ba yetsele diawara tso di nyakegang, ba ba kweranya ho inthanenteng ke mokane ba thomisa go titseyela fase, ba tikwa ba sa sa na mokgola fote ba kgahleletsegiye. Ga tlele di makegela bannyana ka matla go phala bašomanyana.”

Babelegi ba ka pasopa bana ba bona ka mokgo mang ga dikotsi tsowa? Bhayibele yi re neya mayele ya ma ka re gelepang.

Tso babelegi ba ka di makang

Tšhela letsogo. Lune babelegi, naganang ka maphomela ya ma nyoko bang gona ke mokane le segelela sepheto sa gore ayitsano le nyoko dumelela ngwana wa lune gore a berekise tsa go bolabodisana ka inthanete kela dho.

• Tšhiko ya Bhayibele: “Lokotša ngwana a tšibe tsela yo a tshwaneleng go sepela ka yona.”—Diyema 22:6, setwaba.

• Mo o nyaka go tšiba tsa go tlala, bala hlogotaba ya gore “Ayitsano Ngwanaka a ka Berekisa Tso Tsa go Bolabodisana ga Inthanete?”

Mo nkare o dumelela ngwanago gore a berekise tso tsa go bolabodisana ga inthanete, tšiba tso di nyoko mo šohlometsang ke mokane o dule o lebelela tso ngwanago a di makang ga inthanete. Byang mara?

Tšhireletsa ngwanago ga tso di nyoko mo kwaletsang. Tšhutisa ngwanago gore a thogo bona tso di nyoko mo kwaletsang ke mokane a kganele kgole natso.

• Tšhiko ya Bhayibele: “Le sa bolaboleneng ka bonghwahla, le mokgwa wo mongwana le wo mongwana wa go sa yela kela dipawo, . . . le sa make dilo tsa go tšebisa, le sa bolabole tsa bophokophoko kela go kwerana ka dilo tsa go silikisa ka gore dilo tsowa a yi tsona.”—Maefeso 5:3, 4.

• Mo o nyaka mayele ya mangwana, bala hlogotaba ya gore “Tšhutisa Ngwanago Tsa go mo Pasopisa ga Tsa go Bolabodisana ga Inthanete.”

Kgerela ngwanago. Mo re beyisa, beyela ngwanago melawo ya gore ke neng mo a tshwaneleng go bolabodisana le batho ga inthanete le gore a tseye nako ya go segela kaye.

• Tšhiko ya Bhayibele: “Le pasopeneng gore le sa make dilo go tshwana le batho ba go sa hlalefa . . . le di make go tshwana le batho ba gore ba hlalefiye le berekiseneng nako ya lune gabutši.”—Maefeso 5:15, 16.

• Berekisa dithombhe tsa go thalathala Hlalefa ga Tso Tsa go Bolabodisana le Batho ga Inthanete gore o thogo gelepa ngwanago a bone gore ke ntaba di le gabutši gore a tšibe mo a kgerang.