Mathatha ya Ditšheleta—Tso Mmušo wa Modimo wo Nyoko di Makang

Batho ba go tlala lefaseng ka mokana ga lona ba goga go baba gore ba thogo tiphidisa, fote tsotsone di fo ya mahlong di kene di yeketsega.

• Go ya ka pegoa ya lefase ka moka ya gore yi sa tšwa go tšwa gana byalo yi hlaya gore, “mogolo wo batho ba wo golang a wo sa maka selo wo fo kgona go reka dilo tse dinyana tsa gore a di ba yenetsi. Pego yone yi hlaya gore mo “seyemo sone se ka sa tšhentšhi” di ko napa di ba lekgwaying gore ba go ghanya ke ba feng le ba go tihlupegela ke bomang fote mitši ya go tlala yi nyoko goga go baba go phala ku botala.”

Ayitsano mmušo wo nyoko di kgoneng go lukisa seyemo sowa sa go thathafa sa ditšheleta kela go maka gore seyemo sowa se be kawone?

Bhayibele yi hlaya gore go na le mmušo wo wo nyoko kgonang go lukisa mathatha ka mokana ga wona ya ditšheleta, wa boya wo maka gore batho ba lekane ka seyemo. Yi re “Modimo wa legedimong o nyoko hloma mmušo,” mmušo wone wo nyoko lawola dilo ka mokana ga tsona ho lefaseng. (Daniyele 2:44) Mo go šele go lawola mmušo wone a go na ye ba nyoko mo hlawolang kela go goga go baba. (Pisalema 9:18) Mmušo wa Modimo wo nyoko maka gore batho ka mokana ga bona ba dule ba jabodiye ba sa gayele selo. Ka mokana ga bona bo nyoko jabolela maphomela ya mmereko wa bona.—Jesaya 65:21, 22.