Bhayibele yi re King ka Ntwa ya Bhomu?

Lefase lo le fo dula le le kotsing ya ntwa ya bhomu ka taba la gore bo ba go lawola ba fo ya mahlong ba kene ba maka dibhomu tse dingwana ba yeketsa tso di leng gona. Byalo, batho ba šekedisa ke gore ntwa ya go lwa ka dibhomu yi ka fo thomisa ka taba la gore di tlele. Fote ba tikwa ba tšhaba gore mo poleke ye nngwana ya ka berekisa setlopo se senyana sa bhomu, ntwa yi nyoko thoma ke mokane ya sinya lefase la rune. Bulletin of the Atomic Scientists yi hlaya gore, re phela ga dinako tsa gore “ntwa ya go lwa ka dibhomu yi ka fo thoma nako ye nngwana le ye nngwana.”

Ayitsano ntwa ya bhomu yi nyoko ba gona? Mo nkare yi nyoko ba gona, ayitsano lefase lo le nyoko phona? Re ka maka byang gore re sa šekedisi ke ntwa ya bhomu? Bhayibele yi re king?

Ga hlogotaba yowa

• Ayitsano Bhayibele yi bolabodiye ka ntwa ya bhomu?

• Ayitsano Modimo o nyoko dumelela ntwa ya bhomu?

• Ayitsano lefase lo le nyoko phona?

• O ka maka byang gore o sa “šekedisi ke ntwa ya bhomu”?

• Ayitsano Bhayibele yi porofitiye ka gore go nyoko ba le ntwa ya bhomu ya Aremaghedoni?

• Bhayibele yi re go nyoko makega ying ka ntwa?

• Ayitsano puku ya Bhayibele ya Kutullo yi re botsa ka ntwa ya bhomu?

Ayitsano Bhayibele yi bolabodiye ka ntwa ya bhomu?

Bhayibele a yi nape yi bolabola ka ntwa ya bhomu. Mara go tshosetsiwa ka ntwa ya bhomu di fo šupetsa dilo tse dingwana tso Bhayibele yi di hlayyeng.

Bala ditemanyana tsa go latela tsa ka ho Bhayibeleng o bone gore di yelana byang le dilo tso di makegang gana byalo ho lefaseng:

Ditemanyana tsa Bhayibele: Malata ya Jeso ma butsisiye gore: “Dilo tsowa di nyoko makega leng, fote re nyoko bona ka ying gore o segele le gore go šele go le dinako tsa mafelelo?” Jeso o yitseri: “Setšhaba se nyoko lwa le setšhaba se sengwana, le mmušo wo nyoko lwa le mmušo wo mongwana.”—Matewu 24:3, 7.

Tso di makegang ho lefaseng: Dipoleke tsa gore di kgona go maka dibhomu ga go tlala ke tsona tso di dulang di lwa ka dithunya le dibhomu.

“Mongwaga wo mongwana le wo mongwana go fo ya go kene go yeketsega ntwa ho lefaseng: le mekurukuru le yona ya yeketsega.”—The Armed Conflict Location & Event Data Project.

Temanyana ya Bhayibele: “Ga dinako tsa mafelelo kgoši ya borwa yi nyoko rulana naye [kgoši ya lebowa].”—Daniyele 11:40.

Tso di makegang ho lefaseng: Bhayibele yi bolabodiye ka dipoleke tsa go sa kwane gore di nyoko lwa di nyaka go bona gore ke yi feng ya gore yi na le matšhika. Fote dipoleke tse dingwana tsa gore di na le dibhomu a ba di berekisi gana byalo mara ba fo ya mahlong ba kene ba maka tse dingwana tsa gore a di thunyi a di thunyi di re tla wo bone.

“Lesome la mengwaga ya go feta, go yye gwa ba le mekurukuru ya gore ne yi fo ya mahlong yi kene yi yeketsega ga dipoleke tsa go tlala gana hone go kena le dipoleke tse dingwana tsa gore di ya thegana fote di na le matšhika.”—The Uppsala Conflict Data Program.

Ditemanyana tsa Bhayibele: “Mara tšiba gore ka dinako tsa mafelelo go nyoko ba le dinako tsa go baba ka matla tso go thathafang go lebana natso. Ka gore batho go nyoko ba ba . . . gore a ba nyake go dumelelana ka selo, ba go hlaya matsaka ka ba bangwana, ba go sa kgone go titshwara, ba go ba le lešidi.”—2 Thimothi 3:1-3.

Tso di makegang ho lefaseng: Go fo tshwana le batho ba go tlala lekgono, bo ba go lawola ba ho lefaseng ba fo ya mahlong ba sa dumelelane ka selo. Go na le gore ba lukise ditaba ba bebiye, ba liketsa go di lukisa ka go tshosetsana. Tsotsone di ka fo feleletsa di maka gore go thomise ntwa ya go lwa ka dibhomu.

“Mo ba ka sa kraye tsela ya go lukisa mathatha ya bona, go nyoko fo dula go na le dintwa tse dikgolo tsa go fetsa batho.”—S. Saran le J. Harman, World Economic Forum.

Ayitsano Modimo o nyoko dumelela ntwa ya bhomu?

Bhayibele a yi hlaye. Mara yi hlayye gore “dilo tsa go tshosa,” di nyoko makega ga dinako tsa rune. (Luka 21:11) Mošupetso wa dilo tsowa, wo makegiye ga Ntwa ya Bobedi ya Lefase mo ba lahlela dibhomu ho lefaseng. Bhayibele yi hlatolla gore ke ntaba Modimo a dumelele dintwa. Mo o nyaka go tšhuta tsa go tlala, lebelela vidiyo ya gore Ke Ntaba Modimo a re Lesetsa re Hlupega?

Ayitsano lefase lo le nyoko phona?

Eya. Le mo batho ba ka berekisa dibhomu mara Modimo a ka sa di dumelele tsa gore lefase lowa ka mokana ga lona le psyitlanyiwe. Bhayibele yi hlaya gore lefase lo la rune le ka sa fo phona kotsing ya dibhomu fela mara batho ba nyoko dula ho ga lona go ya go yye.

Batho ba bangwana ba nagana gore ku mahlong ho lefaseng go nyoko fo dula paranyana ya batho ba go tihlupegela ka taba la gore lefase lo le nyoko ba le sinnye ke ntwa ya bhomu. Le mo go le ka mokgonone, Bhayibele yi hlaya gore mo go sinnyeng ke ntwa ho lefaseng go nyoko lukisiwa.

Ye a re makiyeng o makiye lefase lowa ka tsela ya go makatsa tsa gore le ya kgona go boyela sekeng. Fote re ya di tšiba gore Modimo o nyoko berekisa matšhika yage gore a lukise lefase gore go be poleke ya go bafala ya go dula ke batho.—Pisalema 37:11, 29; Kutullo 21:5.

O ka maka byang gore o sa “šekedisi ke ntwa ya bhomu”?

Ba bangwana ba dula ba tšhugiye ka taba la “ntwa ya bhomu,” ya gore ba yi hlatolliye yi le “go tšhaba ntwa ya bhomu le tso yi nyoko di leyang.” Tso Bhayibele yi di tshepisang di ka maka gore batho ba sa sa šekedisa ke ntwa ya bhomu. Byang?

Bhayibele yi re botsa ka dilo tsa gabutši tso di nyoko makegelang batho ho lefaseng ku mahlong. Mo re tšhuta ka dilo tsowa di nyoko re neya tshepo, “re ka sa thogathoge” fote di nyoko maka gore re sa sa šekela. (Maheberu 6:19, setwaba) Re ka poma go šekela ka go naganisisa ka dilo tsa gabutši tso di re makegang letšatši le lengwana le lengwana yi seng ka nagana ka dilo tsa gore a di gabutši tso di nyoko re makegelang ku mahlong. Jeso o hlayye gore, “letšatši le lengwana le le lengwana le na le tsa lona.”—Matewu 6:34.

Gabutšibutši, di nyaka re tipasope gore re thogo dula re phelegiye monaganong le mmeleng. Re ka maka ka mokgonone ka go lisetsa go bala le go lebelela ditaba tsa go bolabola ka ntwa ya bhomu tsa gore di ka re šekedisa. Tsotsone a di rele gore re di phayela ka thoko dilo tso di makegang. Go na le tsotsone, re maka ka mokgo re ka kgonang gore re sa šekedise ke dilo tso di makegang tsa gore re ka sa kgone go di lawola fote tse dingwana di ka fo sa makege.

Di nyaka o pome nako ye o yi fetsang o kene o lebelela ditaba tsa go sa jabodisi, o ye mahlong ka tsa gore ke tsa gabutši ho lephelong lago.

Go tšhuta ka tso Modimo a di tshepisang go nyoko go neya tshepo dya boya dya maka gore o jabole le go beba ka ku tengteng.

Ayitsano Bhayibele yi porofitiye ka ntwa ya bhomu ya Aremaghedoni?

Ba bangwana ba nagana gore Aremaghedoni ke ntwa ya bhomu ya lefaseng ka mokana ga lona. Nka taba lo ba naganang ka selo sa go tshosa so se nyoko makegang.

Le mo go le ka mokgonone, Bhayibele yi berekisa lentsu “Aremaghedoni” go hlatolla ntwa magareng ga “magoši ya lefase ka mokana go lona,” kela memmušo ya batho le Modimo.a (Kutullo 16:14, 16) Aremaghedoni yi ka sa fetse batho ka mokana ga bona le lefase go tshwana le ntwa ya bhomu. Mara, Modimo o nyoko fetsa ka batho ba go sa loka fela ka Aremaghedoni fote tsotsone di nyoko maka gore go be le go beba le go tšhireletsega .—Pisalema 37:9, 10, Jesaya 32:17, 18, Matewu 6:10.

Bhayibele yi re go nyoko makega ying ka ntwa?

Jehovab Modimo o nyoko berekisa matšhika yage ya go lawola gedimo ga dipoleke tsa gore di kwana le ntwa, ke mokane a fetsa ka mekurukuru le go psyitlanya dithunya le dibhomu tsa ntwa. O nyoko maka tsotsone a berekisa Mmušo wage wa legedimong wa gore wo nyoko lawola lefase ka mokana ga lona.—Daniyele 2:44.

Mmušo wa Modimo wo nyoko tšhutisa batho gore ba ka phidisana byang gabutši fote ba bebiye. Ka taba la gore ke Mmušo ka wwoši wo wo nyoko lawolang lefase ka mokana go lona byalo, go ka sa sa ba le go sa dumelelane ke mokane batho ba ka sa sa tšhuta go lwa (Mika 4:1-3). Maphomela ya gona ke mafeng? “Ye mongwana le ye mongwana o nyoko dula ka tlase ga mohlare wage wa modhriva le ka tlase ga mohlare wage wa mogo fote aa šiyo wa gore o nyoko ba tshosanya.”—Mika 4:4, Today’s English Version.