Rui Almeida Fotografia/Moment via Getty Images
LE SA KOBOLE!
Mekurukuru ya Dipolotiki—Bhayibele yi re King?
Mekurukuru ya batho ba go yeta mahlong yi tlwayelegiye
Ke ntaba mekurukuru yowa yi fo ya mahlong yi kene yi yeketsega? Ayitsano yi nyoko fela? Bhayibele yi re king?
Bhayibele yi hlayye botala gore batho ba nyoko yahluganya ke dipolotiki
Bhayibele yi hlayye gore ka dinako tso re phelang ga tsona tsa gore ke tsa “mafelelo,” batho ba go tlala ba nyoko kwana le mekurukuru fote ba ka sa dumelelane ka selo.
“Ka dinako tsa mafelelo go nyoko ba le dinako tsa go baba ka matla tso go thathafang go lebana natso. Ka gore batho go nyoko ba. . . ba go sa leboge, ba go sa tshepege, . . . ba gore a ba nyake go dumelelana ka selo, . . . ba go hlaya matsaka ka ba bangwana, . . . ba go rekisana, ba go woma dihlogo, ba go titseyela gedimo ka matla.”—2 Thimothi 3:1-4.
Bhayibele fote yi bolabodiye le ka batho ba go woma dihlogo le mekurukuru ya dipolotiki ya gore yi nyoko fo ya mahlong ga dinako tsowa. (Luka 21:9, setwaba) Gabutšibutši, mekurukuru ya dipolotiki le go ngapanana go nyoko fela ka tsona.
Go nyoko fela ka mekurukuru ya dipolotiki
Bhayibele yi hlaya gore Modimo o nyoko thiba sekgala sa memmušo ka moka ya batho ka mmušo wage wa legedimong.
“Modimo wa legedimo o nyoko hloma mmušo wa gore . . . wo nyoko psyitlanya memmušo yo ye mengwana ka mokana ga yona fote wona wo nyoko dula wo le gona go ya go yye.”—Daniyele 2:44.
Mmušo wa Modimo wo nyoko maka gore batho ba mamarelane tsa mannete fote wo nyoko maka gore go bebe ho lefaseng.
Ye a nyoko bang a Lawola ga wona ke Jeso Kreste ke “Kgoši ya go Beba” o nyoko maka gore “go bebe go ya go yye.”—Jesaya 9:6, 7
Le gana byalo bo ba lawolang ke yene ba tšhuta go phidisana gabutši le ba bangwana. Fote Bhayibele yi tokegela ka gore: “Ba nyoko tula disabola tsa bona ba maka matsepe, ke mokane marumo ya bona ba ma make disekele. Setšhaba se ka sa sa lwa le se sengwana fote ba ka sa sa tšhuta go lwa.”—Jesaya 2:3, 4.
Mo o nyaka go tšiba tsa go tlala, bala hlogotaba ya gore “King so Mmušo wa Modimo wo Nyoko se Segelelang?” fote lebelela vidiyo ya gore Mmušo wa Modimo ba ra Ying?