Diyema 17:17—“Monghana wa Gabutši o Dula a go Šupetsa Gore wa go Nyaka”

Hlatollo ya Diyema 17:17

Banghana ba mannete baa tshepega fote o ka tisamela ka bona. Ba fo tshwana le bana ba genu, baa tshepega fote ba na le taba le wene ka matlamatla ka dinako tsa mo go thathafa.

“Monghana wa mannete o šupetsa ka dinako ka moka gore o go nyaka ka matla.” Mantsu yawa ma rela gore “banghana ba mannete ba dula ba šupetsa gore baa nyakanana.” Lentsu lowa ba le berekisiyeng howa la go “nyakanana” la Seheberu le rela go feta ka mokgo o tikwang ka gona ka motho ye mongwana. Ke go nyakanana ga go sa timakisi ga gore go bonala ka tso ye mongwana a di makang. (1 Makorente 13:4-7) Banghana ba gore ba nyakanana ka mokgonone ba fo dula ba mamarelanne le mo senghana sa bona se liketsiwa kela ba sa fitisana gabutši le mo ba ghulanang le dintshitshiri mo lephelong. Ba tshwarelana ba sa kokole. (Diyema 10:12) Fote monghana wa gabutši aa jelaselane mo ye mongwana di mo sepelela gabutši. Mara o jabola le monghanage.—Maroma 12:15.

“Monghana wa mannete . . . o ba gona ka dinako tsa mo go thathafa.” Lengwalo la Diyema le šihlela taba ya gore bana ba motho ba ka mamarelana. Byalo mo re maka so re ka se kgonang gore re gelepe monghana wa rune ye a leng mathatheng, re ba re maka tso bana ba gabo ne ba nyoko di maka. Le mo go ka teya leduma la mošaga mang, senghana sone se ko fo dula se tiyye. Mo ba ghulana le dintshitshire senghana sa bona sa lokotša, ba fo ya mahlong ba hlompana le go nyakanana ka matla.

Tso di leng ga Diyema 17:17

Puku ya Diyema yi na le ditaba tsa go tlala tsa gore di ya hlalefisana fote di maka gore bo ba di balang ba šale ba nagana. Kgoši Solomoni o ngwadiye tsa go tlala ka puku yowa ya Bhayibele. Ka mokgo ne a ngwala ka gona ne go tshwana le ka mokgo direto tsa Seheberu ne ba di ngwala ka gona, tsa gore ne go sa berekisiwe mantsu ya gore ma nyakiye ma tshwana mara ne go berekisiwa mantsu ya gore mo ma thoma maa tshwana le ya gore a ma tshwane, ga gore mantsu ya mangwana ma ka sipidisana ke mokane ya mangwana ma sa sipidisane. Diyema 17:17 ke mošupetso wa go reta wo ba wo berekisiyeng ga temanyana ya mabedi wa gore ba wo šihlele mo mathomisong. Diyema 18:24 ke mošupetso wa gore wo gahlanisa ditaba tsa gore di ya sipidisana. “Go na le banghana ba gore ba dula ba nyoko kwisana go baba mara go na le monghana wa gore o mamarelana go feta ngwanagenu.”

Mo Solomoni a ngwala Diyema 17:17, ne a naganne ka senghana sa go tiya so papage Dafita le Jonathane morwayi wa Kgoši Sawulo ne ba le naso. (1 Samuwele 13:16; 18:1; 19:1-3; 20:30-34, 41, 42; 23:16-18) Le mo Dafita le Jonathane ba sa šagelane mara ne ba mamarelanne tsa nkare ke bobhuti. Jonathane ke mo a tikemisele go tšhireletsa monghanage tsa go šinya a beya lephelo lage kotsing.a

Dihlatollo Tse Dingwana Tsa Diyema 17:17

“Monghana wa mannete o dula a nyakanana fote o ba gona le ka dinako tsa mo go sasamela.”—The Bible in Basic English.

“Monghana wa mannete ke mong monghana fote o dula a le gona ga dinako tsa mo go thathafa.”—The Moffatt Translation of the Bible.

“Monghananghana o dula a šupetsa go nyakanana fote aa kganele kgole ka dinako tsa mo go bifiye.”—The Complete Jewish Study Bible.

Lebelela vidiyo yo ye kopana o bone tsa go go lekisa tsa puku ya Diyema.