So re ka se tšhutang ga dipheto tsa go kekema tsa Kgoši Jehowaši ke gore di nyaka re kgete banghana ba gore ga Jehova ba mo nyaka ka matla fote ba nyaka go mo jabodisa—banghana ba mošaga wonone ba nyoko re gelepa gore re make dilo tsa gabutši. Re ka nghanelana le ba gore ke ba bagolo ga rune kela ba gore re ba feta ka mengwaga. O sa lebale gore Jehowaši ke mo go le ye monyana ka matla ga monghanage Jehoyada. Ga banghana bo o ba kgetiyeng, di nyaka o tiputsise gore: ‘Ayitsano ba n’gelepa gore ke tiyise tumelo yaka ga Jehova? Nje ba nhlohletsela gore ke phele ka melawo ya Modimo? Ayitsano ba bolabola ka Jehova le dilo tso ba di tšhutang ka ho Bhayibeleng? Ayitsano baa yi hlompa melawo ya Modimo? Ayitsano ba fo kwalakwala taba kela ba na le lešiši la go n’wolola mo ke keketlela?’ (Diy. 27:5, 6, 17) Go bolabola nnete, mo nkare banghana bago a ba mo nyake ga Jehova, a o ba hloke. Mara mo nkare o na le banghana ba gore ba mo nyaka ka matla ga Jehova, napa o ba ngangarele—ba ko dula ba go gelepa!—Diy. 13:20. w23.09 9-10 ¶6-7

Ka Segerika, hlaka ya mathomo ke alfa ke mokane hlaka ya mafelelo ke omegha. Mo Jehova a re “Alfa le Omegha,” o šupetsa gore mo a thomisa selo, o nyoko ro boya a se fetsa gabutši gwa sa be le ga go sodisa. Mo Jehova a fetsa go maka Adamo le Efa, o yye a ba botsa gore: “Beleganeng le tlale, le tlatse lefase le le lawole.” (Gen. 1:28) Gabutšibutši, ka nako yone Jehova ke mo a re “Alfa.” O di beyye gabutši tso a nyakang go di segelela: Ke mo go nyoko segela nako ya gore ditlogolwane tsa Adamo tsa gore di yenele gabutši ho mmeleng ne di nyoko tlatsa lefase ke mokane di le tšhentšhe gore go be pharadeyisi. Ka nako yonone ya gore yi sa le ku mahlong, go nyoko ba nkare Jehova o re “Omegha.” Mo Jehova a fetsa go maka “magedimo le lefase le dilo ka mokana ga tsona tso di leng ga tsona,” o yye a teya stempe. O yye a ro titlema gore a ka sa šitege go maka tso a nyakang go di segelela ka batho le ka lefase. Mo go fela letšatši lone la kašupa, di nyoko makega gwa sa šale le mong se senyananyana.—Gen. 2:1-3. w23.11 5 ¶13-14

Leyeto lo la go baba la go tloga Bhabhilona go segela Israyele ne le nyoko tseya gana hala ga kanne ya dikgwedi, mara Jehova o tshepisiye gore se sengwana le se sengwana sa gore se ka ba šitisa mo ba kene ba le leyetong, o nyoko se ragela ku kgole. Majuda ya go tshepega ne ma di tšiba gore go boyela Israyele di nyoko ba berekela ka matla go phala selo se sengwana le se sengwana so ba ka tikonang sona. Selo se segolo so ne ba nyoko ba rufa ka sona ke morapelo wa bona. Ke mo go se na le mong tempele ka yyoši ya Jehova ku Bhabhilona. Ke mo go se na aletare yo Maisrayele ne ma ka makela dihlabelo ga yona ka mokgo go hlayyeng Molawo wa Moše, fote ke mo go se na maprista ya gore ma ka maka dihlabelo tsone. Go tokegela gana hone, mutši wone ne wo tlele ka batho ba gore ba rapela medimo ya matsaka go phala bo ba gore ne ba hlompa Jehova kela melawo yage. Byalo, dikitikiti tsa Majuda ya gore ga Jehova ma mo nyaka ka matla ne ma jagele go boyela nageng ya wona ga gore ma ka tsosa morapelo wa go yela. w23.05 14-15 ¶3-4