Gana hala ga mengwaga ka mmedi ka nthago ga mo Mabhabhilona ma psyitlannye Jerusalema, Kgoši Nebhukhadhinezara wa Bhabhilona o yye a ba le moloro wa go tshosa a lora ka sethombhe se segolo. O yye a tshosetsanya banna ka moka ba go hlalefa go tokegela le Daniyele gore o nyoko ba bolaya mo ba ka šitega go mmotsa tso a di loriyeng ba boya ba mo hlatollela gore di ra gore king. (Dan. 2:3-5) Ye lune, ne di nyaka Daniyele a make se sengwana ka go yakgoswa phela maphelo ya batho ne ma le kotsing. Daniyele o yye a “kena ke mokane a kgopela kgoši gore yi mo neye nako ya go hlatollela kgoši moloro wone.” (Dan. 2:16) Tsotsone ne di nyaka a be le lešiši le tumelo. A go na so se šupetsang gore Daniyele sa le a hlatolla meloro. O yye a kgopela banghana bage gore “ba kgopele Modimo wa ku legedimong gore a ba kwele go baba ga taba yowa ya sephiri.” (Dan. 2:18) Jehova o yye a fetola merapelo yone. Daniyele o thušiye ke Modimo gore a thogo hlatolla moloro wone wa Nebhukhadhinezara. Daniyele le banghana bage a sanka ba ba bolaya. w23.08 3 ¶4

Lebelela ka mokgo go lefisa pelo go ka go berekelang ka gona. Re ya jabola re boya re kgiba mo re lefisa pelo. Phela mo re lefisa pelo di re gelepa gore re phelege gabutši monaganong le ho mmeleng. Mo re lefisela ba bangwana pelo, re tikwisa ka go nghanelana nabo. Phutego ya rune yi napa yi mamarelana go ba selo ka ssoši. Mo ye mongwana a re šuhlašuhla fote re sa yakgoswe re kwata re ka sa make gore seyemo se tlemeletsane. (Pis. 37:8; Diy. 14:29) Mara sa go di phala ka moka ke gore re yekisela Papa wa rune wa legedimong re boya re šutela thina ka matla naye. Wa tšiba go lefisa pelo ke mokgwa wa gabutši wa gore fote wo ka berekela ye mongwana le ye mongwana! Le mo di ka sa duli di fefoga gore re lefise pelo mara mo re gelepa ke Jehova re ka sa komoge kela go tinwisa ke go šupetsa mokgwa wowa. Fote mo re kene re yemele lefase la nyuwane re lefisiye pelo, a re kamake gore “lihlo la Jehova le lebelele bo ba gore baa mo hlompa, ba gore ba yemele gore a ba šupetse gore o ba nyaka tsa mannete.” (Pis. 33:18) Nkare ka mokana ga rune re ka tikemisela taba ya gore re sa tinwi go lefisa pelo. w23.08 22 ¶7; 25 ¶16-17

Jakobo o yi beyye lekgwaying gore di ka makega gore morenene ne a titseya gore yene o na le tumelo mara nje tso a di makiyeng a di šupetse gore ke mo a titshwere ka lebilibili? (Jak. 2:1-5, 9) Jakobo fote o bolabodiye ka ye mongwana wa gore o bonne ‘mogageru wa monna kela wa mosadi wa gore aa na dikobo, kela tsa go ja’ mara a sanka dya mo kokona. Le mo motho yene a ka re yene o na le tumelo, tso a di makiyeng di fo šupetsa gore le ka gonyana aa nayo, go fo tshwana le noto. (Jak. 2:14-16) Jakobo o bolabodiye ka Rahaba go le motho wa go šupetsa ka tso a di makang gore o na le tumelo. (Jak. 2:25, 26) O f’lo kwa gore go na le Jehova ke mokane a feleletsa a di bona gore ke mo a thega Maisrayele. (Još. 2:9-11) O šupetsiye ka tso a di makang gore o na le tumelo—fote o yye a tšhireletsa banna ka babedi ba Maisrayele ba gore ne ba tl’le hlola naga ka nakwela ba nkgela ke likgu. Le mo mosadi yewa wa gore a yi Leisrayele a sa yenela, mara ne ba re le yene o lukiye go fo tshwana le Abhrahama. Mošupetso wa Rahaba wo re tšhutisa gore di nyaka re sa yi tseyi ka gonyana taba ya go šupetsa ka tso re di makang gore re na le tumelo. w23.12 5-6 ¶12-13