Jakobo o yi beyye lekgwaying gore di ka makega gore morenene ne a titseya gore yene o na le tumelo mara nje tso a di makiyeng a di šupetse gore ke mo a titshwere ka lebilibili? (Jak. 2:1-5, 9) Jakobo fote o bolabodiye ka ye mongwana wa gore o bonne ‘mogageru wa monna kela wa mosadi wa gore aa na dikobo, kela tsa go ja’ mara a sanka dya mo kokona. Le mo motho yene a ka re yene o na le tumelo, tso a di makiyeng di fo šupetsa gore le ka gonyana aa nayo, go fo tshwana le noto. (Jak. 2:14-16) Jakobo o bolabodiye ka Rahaba go le motho wa go šupetsa ka tso a di makang gore o na le tumelo. (Jak. 2:25, 26) O f’lo kwa gore go na le Jehova ke mokane a feleletsa a di bona gore ke mo a thega Maisrayele. (Još. 2:9-11) O šupetsiye ka tso a di makang gore o na le tumelo—fote o yye a tšhireletsa banna ka babedi ba Maisrayele ba gore ne ba tl’le hlola naga ka nakwela ba nkgela ke likgu. Le mo mosadi yewa wa gore a yi Leisrayele a sa yenela, mara ne ba re le yene o lukiye go fo tshwana le Abhrahama. Mošupetso wa Rahaba wo re tšhutisa gore di nyaka re sa yi tseyi ka gonyana taba ya go šupetsa ka tso re di makang gore re na le tumelo. w23.12 5-6 ¶12-13

Rune Makreste, a re kgotsofatse ke go fo kwisisa fela nnete yo re yi tšhutiyeng mo re thomisa go tšhuta Bhayibele. Re tikemisele go tšhuta ‘dilo tsa Modimo tsa gore a di lula go di kwisisa,’ re gelepa ke moya wa go hlawolega wa Modimo. (1 Makor. 2:9, 10) Ke ntaba o sa thomisi go tšhuta Bhayibele o ntoši gore o thogo šutela thina le Jehova? Mo re beyisa, o ka nyakolla ka mokgo Jehova a yyeng a šupetsa malata yage ya ku botala gore o ma nyaka ka matla o boye o bone gore tsotsone di šupetsa ka mokgo mang gore le wene o go nyaka ka matla. Fote o ka tšhuta ka mokgo Jehova ne a nyaka gore Maisrayele ma mo rapele ka gona ke mokane o tshwanise le ka mokgo a nyakang rune re mo rapele ka gona lekgono. Kela o ka fo tšhuta o kenelela ga diporofeto tsa gore di makegiye tsa go bolabola ka Jeso nakwela a le ho lefaseng le mo a tšhomayela. O ka jabolela go tšhuta ka dihlogotaba tsowa o gelepa ke dikgatiso tsa go tshwana le Watch Tower Publications Index kela Tlhahlo ya go Dira Nyakišišo ya Dihlatse tša Jehofa. Mo o tšhuta Bhayibele o kenelela, tsotsone di nyoko tiyisa tumelo yago fote dya go gelepa gore o thogo “tšiba Modimo gabutši.”—Diy. 2:4, 5. w23.10 18-19 ¶3-5

Lentsu lo Petro wa lepostola a le berekisiyeng mo a re “ka matla” gabutšibutši le ra “go raramologa.” Sekopa sa go latela sa temanyana yone se hlaya tso di nyoko makegang mo re nyakanana tsa mannete. Se re go kogetsa le tso magageru ma sinyang ga tsona. Tla re fo beyisa ka mokgo: Taba yo ya go nyakanana re yi tshwara ka matsogo ka mabedi, nkare ke llapi le legolo, ke mokane ra le phurulla ka gonyana ka gonyana gore go šinye go segela mo le phiphetsang ‘tsa go tlala’ tso di sinyegiyeng, a le phiphetsi ka ssoši kela ka dipedi. Go phiphetsa go fo ba go rela go tshwarela. Llapi le ka kogela ga gore go topele, le go nyakanana go ka kogetsa tso ba bangwana ba šitegang go di maka kela mo ba kekemisang gona. Di nyaka magageru re ba nyake ka matla la go šinya re kwa di re tšhofa go ba tshwarela ga tso ba sa di makeng gabutši—le mo nkare ke mo ba re phirwa. (Makol. 3:13) Mo re phomelela ga taba ya go tshwarela magageru, re šupetsa gore re ba nyaka tsa mannete fote re nyaka go jabodisa Jehova. w23.11 11-12 ¶13-15