Bhayibele yi bolabodiye ka basadi ba go tlala ba go tlwayelega ba gore ga Jehova ne ba mo nyaka ka matla fote ba mmerekela. Ne ba le ka mokgo, ne ba ‘titshwere gabutši’ fote ba ‘tshepega ga dilo ka mokana ga tsona.’ (1 Thim. 3:11) Go tokegela gana hone, bosesi ba ka tikrayela mešupetso ya gabutši ga basadi ba Makreste ya ka ho phutegong ya bona ya gore ba ka tšhuta tsa go tlala ga wona. Lune bosesi, ayitsano a go na mogageru wa mosadi ye le mo naganang wa gore o butšwiye fote ke mošupetso wa gabutši wa gore le ka wo kopisela? Lebelela mekgwa ya gabutši yo ba tšibegang ka yona; ke mokane o bone gore le wene o ka šupetsa mekgwa yone byang. Di nyaka re tinyanafatse gore re thogo ba Makreste ya gore ma butšwiye. Mo mosadi a di tinyanafatsa, o nyoko tikwisa ka senghana sa gabutši le Jehova le ba bangwana. Mo re beyisa, mosadi wa gore ga Jehova o mo nyaka ka matla o nyoko hlompa taba ya bohlogo a kene a tinyanafatsiye ka gore yi thomme ke Papage wa ku legedimong. (1 Makor. 11:3) Taba yone ya bohlogo yi na le so yi se bolabolang ka phutegong le ka mokgo dilo di makiwang ka gona ka ho mutšing. w23.12 18-19 ¶3-5

Jehova o yemele gore monna a nyake mosadi wage ka matla fote a mo pasope ga tso a di gayelang, ka mokgo a tikwang le ga tso tsa Modimo. Go nagana gabutši, go hlompa basadi le go tshepega, di nyoko go gelepa gore o thogo ba monna wa gabutši. Ka nthago ga mo o šadhiye, di ka makega gore o be papa. O ka tšhuta ying ga Jehova ga taba ya go ba papa wa gabutši? (Maef. 6:4) Jehova a sanka a tšebisa ke go botsa Morwayi wage Jeso gore o mo nyaka ka matla fote wa mo yamogela. (Mat. 3:17) Mo di ka makega gore o be papa, di nyaka o dule o botsa bana bago le go ba šupetsa gore o ba nyaka ka matla. Dula o ba thanaka ga dilo tsa gabutši tso ba di makiyeng. Bopapa ba gore ba kopisela mošupetso wa Jehova ba gelepa bana ba bona gore ba thogo ba banna le basadi ba Makreste ya gore ma butšwiye. O ka thomisa go tilukiselela gana byalo gore o be papa wa gabutši ka go šupetsa ba genu le ba ka ho phutegong gore o ba nyaka ka matla o boya o ba pasopa. Fote o tšhute le go ba botsa gore o ba nyaka ka matla le ka mokgo o ba tseyelang gedimo.—Joh. 15:9. w23.12 28-29 ¶17-18

Tsa go baba di ya segela le ga rune malata ya Jehova ya go tshepega, le malwele maa re kutulugela, go fo tshwana le batho ka mokana ga bona. Fote o ka kraya re phigisa ke batho ba gore ga Modimo baa mo nyenya, ba boya ba ro re hlorisa. Jehova wa re lisetsa re tlela ke dilo tsa mohlobo wone tsa go re babela, mara wa re tshepisa gore o nyoko re gelepa. (Jes. 41:10) A ka re gelepa gore re dule re jabodiye, re segelele dipheto tsa gabutši re boye re tshepege gage le mo re feta ga seyemo sa nkare go ka šinya go thuhluga le tšhika. Ka mokgo Bhayibele yi re tshepisang, ‘Modimo o nyoko maka gore re bebe.’ (Mafil. 4:6, 7) Mo ba bolabola ka go beba ba ra go kgiba le go fo kwa re yitseri tswee ka ho monaganong le ka ho pelong, re maka ke gore senghana sa rune naye se tiyelele. Re nyoko beba ‘batho ba bangwana ba šala ba sa kwisisi’; di makatsa la go sa hlayisege. Ayitsano o yye wa re mo o fetsa go rapela Jehova o mo fawa, wa kwa le wene mong o kgibiye dya boya dya ro go makatsa? Ba ra tsotsone mo ba re ‘Modimo o nyoko maka gore o bebe.’ w24.01 20 ¶2; 21 ¶4