Mo motho a temeka a di rele gore wa lelemela. Di nyaka motho a ba a yemegiye gabutši gore a thogo kgiba mo a gahlana le seyemo sa go thathafa. Go temeka ke se sengwana sa “diyengwa tsa moya wa go hlawolega.” (Magal. 5:22, 23) Lentsu la Segerika la gore go “temeka “ga go tlala ne ba le berekisela go hlatolla pera ya hlaga ya gore ba yi tšhutisiye gore yi sa sa ba ya hlaga. O fo nagana pera ya hlaga yi thomisa go beba. Le mo yi le gore pera yone gana byalo yi bebiye mara yi sa na yi na le matšhika. Ka taba la gore ke rune batho, re ka maka ka mokgo mang gore re temeke fote re be le matšhika? Ka borune beng re ka sa di kgone go maka ka mokgonone. Di nyaka re rapelele moya wa Modimo wa go hlawolega, re mo kgopele gore a re gelepe re be le mokgwa wowa wa go bafala. Go na le ba go tlala ba gore ba yye ba tšhuta taba ya go beba. Dihlatse tsa go tlala di yye dya fetola di kene di kgibiye mo di gahlana le ba go di phigisa ke mokane tsotsone dya jabodisa bo ke mo ba di libelele.—2 Thim. 2:24, 25. w23.09 15 ¶3

Ga mmono wa go makatsa, Johane wa lepostola o bonne 24 ya bagolo ba ku legedimong ba rapela Jehova. Ke mo ba thanaka Modimo, ke mokane ba re di ya mo tshwanela gore ‘a thanakiwe, a hlompiwe le go ba le matšhika.’ (Kut. 4:10, 11) Mangeloyi ya gore maa tshepega ma na le dilo tsa go tlala ka matla tso di makang gore ma thanake Jehova. Ma na le yene ku legedimong fote ma mo tšiba gabutši. Ma thogo bona mekgwa yage ya gabutši ga dilo tso a di makang. Mo ma bona ka mokgo Jehova a makang dilo, ma fo kwa di ma tšhofa gore ma mo thanake. (Jobo 38:4-7) Le rune di nyaka re tšhele taba ya go thanaka Jehova mo re rapela, re hlaye dilo tso di makang gore re šinye re mo nyake ka matla le tso di makang gore re mo tseyele hlogong. Mo o kene o bala le go tšhuta Bhayibele, liketsa go kraya mekgwa yo Jehova a nang nayo ya gore ya go jabodisa. (Jobo 37:23; Marom. 11:33) Ke mokane o mo thuletsele ga Jehova gore o tikwa byang ka mekgwa yone. Fote re ka thanaka Jehova ka taba la gore wa re gelepa a boya a gelepa le magageru ka mokana ga wona. O dula a re pasopa le go re tšhireletsa.—1 Sam. 2:1, 2. w23.05 3-4 ¶6-7

Ka 1919, Bhabhilona ye Mogolo o yye a sa tshware batho ba Modimo gabutši. Ka mongwaga wonone, “lelata la go tshepega la gore fote le hlalefiye” le yye la thomisa go bereka ka matla gore bo ba gore baa tshepega ba thomise go sepela ga “pata ya go hlawolega.” (Mat. 24:45-47; Jes. 35:8) Mmereko wo ba bangwana ba wo makiyeng ku botala gore ba lukise pata yone wo gelepiye batho ba gore ba thomisiye go sepela ga pata ye kgolo gore ba tšhute tsa go tlala ka Jehova le ka tso a tikemiseleng go di maka. (Diy. 4:18) Fote ba ka maka gore maphelelo ya bona ma sipidisane le tso Jehova a di nyakang. Jehova aa yemela gore batho bage ba tšhentšhe ka nako ka yyoši. Mara o fo ya a kene a re yedisa ka gonyana ka gonyana. Phela ka mokana ga rune di nyoko re jabodisa ka matla mo šele re kgona go jabodisa Modimo wa rune ka se sengwana le se sengwana so re se makang! Pata ye nngwana le ye nngwana yi nyaka go fela yi lukisiwa. Go tlugisela ka 1919, bo ba go bereka ga “pata ya go hlawolega” ba yye mahlong ba gelepa batho ba go tlala gore ba khwanyudise ga Bhabhilona ye Mogolo. w23.05 17 ¶15; 19 ¶16