Samuwele wa Mathomo

26 Mo nako yi kene yi ya, banna ba go tšwa Zifi+ ba tla ga Sawulo ku Ghibheya+ ba re: “Anthe Dafita aa wutama mmotong wa Hakhila go libana le Ješimoni?”*+ 2 Byalo, Sawulo a tsoga a ya ku mašahleng ya Zifi a na le 3 000 ya banna bo a ba hlawodiyeng Israyele gore ba nyakane le Dafita ku mašahleng ya Zifi.+ 3 Sawulo a kampa mmotong wa Hakhila go libana le Ješimoni, mo pateng. Dafita ke mo a dula mone mašahleng, fote o di kwelele gore Sawulo o tlile mone mašahleng o nyakana naye. 4 Byalo Dafita a roma banna gore ba ye nyakolleng gore ayitsano Sawulo o tlile naa. 5 Ka nthago, Dafita a ya ga poleke yo Sawulo ne a kampiye ga yona, fote a bona poleke yo Sawulo le Abhonere+ morwayi wa Nere wa gore ke ndhuna ya masole yage ba yetseleng ga yona; Sawulo ke mo a yetsele gare ga kampa, masole yage ma mo dukulugele. 6 Dafita a re ga Ahimeleke wa Lehethe+ le Abhišayi+ morwayi wa Zeruya,+ bhuti Jowabho: “Ke nyoko ya le mang ku kampeng ya Sawulo?” Abhišayi a re: “Ke nyoko ya nago.” 7 Byalo, Dafita le Abhišayi ba ya ku masoleng bošego, ba segela ba kraya Sawulo a yetsele gare ga kampa a hlomme lerumo lage mo fase thina le hlogo yage; Abhonere le masole ke mo ba yetsele ba mo dukulugele.

8 Byalo Abhišayi a re ga Dafita: “Modimo o go neyye lenaba lago lekgono.+ Ke kgopela o ntisetse ke mo hlabe ka lerumo le kene mo fase, nko fo mo hlaba ga teya nka sa boyelele.” 9 Mara Dafita a re ga Abhišayi: “O sa mo kwaletse, ke mang wa gore a ka kwaletsa motho wa gore o tlotsiye ke Jehova+ a šala a se na molato?”+ 10 Dafita a ya mahlong a re: “Ke tshepisa ka Jehova Modimo wa gore wa phela, Jehova ka boyene o nyoko mmolaya+ kela letšatši lage la gore a kgwe le nyoko segela,+ kela o nyoko ya ntweng gwa fela ka yene.+ 11 Jehova a ka sa dumele gore ke kwaletse motho wa gore o tlotsiye ke Jehova!+ Byalo, ke kgopela o tseye lerumo lo le leng ho thoko ga hlogo yage le pitsa ya meetši, ke mokane re sepele.” 12 Byalo, Dafita a tseya lerumo le pitsa ya meetši tsa gore ke mo di le thoko ga hlogo ya Sawulo, ba sepela. A go na ye a ba bonneng,+ kela a ba kwileng, kela ye a tsugiyeng ka taba la gore ka mokana ga bona ke mo ba yye ka boroko, Jehova ke mo a makiye gore ba yetsele boroko byo bogolo. 13 Dafita a tshilela ka mosekola wo mongwana, a ya a yema gedimo ga thaba kgole nyana, ke mo go na le sekgala sa go lekanela mo gare ga bona.

14 Dafita a yahlamela masole yala le Abhonere+ morwayi wa Nere a re: “Ye Abhonere, o ka sa mfetole naa?” Abhonere a fetola a re: “Ke wene mang wene wa go bitsa kgoši?” 15 Dafita a re ga Abhonere: “Anthe a yi wene monna wene? Ke mang wa go tshwana nago ku Israyele? Byalo ke ntaba o sa pasopa kgoši morenago? Lesole ka lloši le tlile le nyaka go fetsa ka kgoši morenago.+ 16 Tso o di makiyeng a yi tsona. Ke tshepisa ka Jehova Modimo wa gore wa phela, gore wene di nyaka o kgwe ka taba la gore a wa pasopa morena wago wa gore o tlotsiye ke Jehova.+ Lebelela nje! Le kaye lerumo la kgoši le pitsa ya meetši+ tso ne di le thoko ga hlogo yage?”

17 Byalo Sawulo a kwa gore ke lentsu la Dafita ke mokane a re: “Dafita morwayi, ke lentsu lago lowa?”+ Dafita a re: “Ke lentsu laka kgoši morenaka.” 18 A tokegela ka gore: “Ke ntaba morenaka a lelekisana le lelata lage,+ ke makiye ying, ke sinnye ying?+ 19 Kgoši morenaka, theetsela mantsu ya lelata lago: Mo nkare ke Jehova ye a makiyeng gore o lwe le nna, a yamogele* sehlabelo saka sa mabele. Mara mo nkare o makiye ke batho gore o lwe le nna,+ batho bone ba na le senyama mahlong ga Jehova, ka taba la gore ba makiye gore ke be kgole le batho ba Jehova,*+ ba re, ‘Ariye o ye rapela medimo ye mengwana!’ 20 Byalo, o sa lisetsi madi yaka ma falala ho fase kgole le Jehova, ka taba la gore kgoši ya Israyele yi tšwile ye nyakana le letsetse ka lloši+ tsa nkare yi lelekisana le nonyane ya hlaga ku dithabeng.”

21 Sawulo a re: “Ke sinnye.+ Dafita morwayi, boya, nka sa sa go maka lešidi ka taba la gore o tseyele lephelo laka gedimo+ lekgono. Eya, ke makiye tsa bophokophoko fote ke sinnye ka matla.” 22 Dafita a re: “Lerumo la kgoši ke lowa. Roma ye mongwana wa masogana yago gore a tle a le tseye. 23 Jehova ke yene ye a nyoko patelang batho ba go loka+ le ba go tshepega, ka taba la gore lekgono Jehova o nneyye wene mara nna ke mo ke sa tikemisela go kwaletsa motho wa gore o tlotsiye ke Jehova.+ 24 Go fo tshwana le ka mokgo ke tseyeleng lephelo lago gedimo lekgono, nkare Jehova a ka tseyela lephelo laka gedimo, a mphonisa ga dilo ka moka tsa go nkgahleletsa.”+ 25 Sawulo a fetola Dafita a re: “Dafita morwayi, nkare o ka rufega. O nyoko maka dilo tse dikgolo fote o nyoko phomelela.”+ Ke mokane Dafita a sepela, le Sawulo a boyela gaye.+