Obadiya
1 Tsowa ke tso Modimo a di šupetsiyeng Obadiya:*
Tsowa ke tso Morena Jehova wa Malenghelengheng a di hlayang ka Edomo:
“Tsowa ke tso re di kwileng tsa go tšwa ga Jehova,
Modimo o romme lelata lage ditšhabeng gore le ba botse gore:
‘Tlogamelaneng, re yeme gabutši re thogo lwa naye.’”
2 “Wene ke go makiye ye monyana gare ga ditšhaba,
O silikisa ka matla wa tšiba!
3 Pelo yago yi go tshokannye wa šinya o fetelela,
Wene wa go dula matlapeng,
O duli malenghelengheng fote le ka ho pelong yago o tiputsiye gore,
‘Ke nyoko wisa ke mang?’
4 Le mo o ka dula ku malenghelengheng go tshwana le lenong,
Kela wa beya sehlagela sago ku dinaneding,
Ke nyoko go pholosa o le gana ku,” go bolabola Jehova.
5 “Mo bo ba go yetswa bošego ba ka tla gago,
(Go nyoko napa go fela ka wene!)
Ayitsano ba ka sa yetswe tso ba di nyakang?
Kela mo go ka tla ba go buna didhriva,
Ayitsano ba ka sa šiyi tsa gore motho a ka tla a hlokotša?
6 Ba nyakanne le Esewu ka matla,
Ba boya ba nyaka go tseya dilo tsage tsa majabajaba!
7 Ba go rakiye nageng ya bona.
Bo ne o berekisana nabo ka mokana ga bona ba go tshokannye.
Banna ba gore o kwana nabo ba go hludiye.
O nyoko reya ke bo o jang nabo,
Mara o ka sa di bone.”
8 Jehova o re: “Ka letšatši lone,
Ayitsano nka sa fetsi ka bo ba go hlalefa ba go tšwa Edomo
Le bo ba go kwisisa ba dithabeng tsa naga ya Esewu?
9 Wene Temani, masole yago ma nyoko hlagasela,
Ka taba la gore ka mokana ga bona bo ba leng dithabeng tsa naga ya Esewu ba nyoko ba bolaya.
10 Le wene go nyoko fela ka wene,
Ka taba la gore o lwile le bhuti wago Jakobo,
O nyoko poyilega.
11 Nakwela batho ba tshwara masole ya yona,
Nakwela batho ba go tšwa ba sepela ba kena mutšing wa Jerusalema fote ba lahla dikgakgare gore ba thogo pomelana dilo tso di leng ga mutši wone,
Wene o f’lo ba lebelela wa sa make selo,
Le wene o fo tshwana nabo.
12 O sa jabole mo bhuti wago di sa mo sepelele gabutši,
O sa jabole mo go fela ka batho ba Juda
Fote o sa ba kwere mo ba wela ke dilo tsa go maka gore ba šekele.
13 O sa yi mutšing wa batho baka ka tšatši lo ba weleng ke tsa go baba,
O sa jabole mo ba wela ke tsa go baba
Fote o sa tseyi dilo tsa bona tsa majabajaba mo ba wele ke dilo tsa go baba.
14 O sa yeme mo dipata di gahlanang gona gore o thogo bolaya bo ba tšhabang
Fote o sa tshwarisi bo ba phonneng ka tšatši lo ba weleng ke tsa go baba.
15 Ka gore letšatši la gore Jehova a yahlule ditšhaba le thina
Le wene o nyoko makegela ke tso o di makiyeng ba bangwana.
O nyoko tshwariwa ka mokgo o tshwarang ba bangwana.
16 Ka mokgo o yyeng wa nwa thabeng yaka ya go hlawolega
Le ditšhaba ka mokana ga tsona di nyoko fo dula di nwa.
Di nyoko ro kukutlela
Fote go ka sa bonale le gore di yye dya ba gona.
17 Mara bo ba gore ba phonne ba nyoko ba Thabeng ya Siyoni,
Yi nyoko hlawolega
Fote ba mutši wa Jakobo ba nyoko tseya dilo tsa bona.
18 Mutši wa Jakobo wo nyoko tshwana le mollo,
Mutši wa Josefa le wona wo nyoko tshwana le mollo,
Mutši wa Esewu wo nyoko tshwana le mahlaka,
Di nyoko tšhubiwa ke mokane gwa fela ka tsona
Fote go ka sa be le ye a phonang ga mutši wa Esewu
Ka taba la gore go bolabodiye Jehova ka boyene mong.
19 Ba nyoko lawola naga ya Neghebe le dithabeng tsa naga ya Esewu,
Ba boya ba lawola le Šefela le poleke ya Mafilisita.
Ba nyoko lawola le Eforayimi le Samariya
Ke mokane Bhenjamini o nyoko lawola Ghiliyade.
20 Lune batho ba Israyele ba gore ke lune mabhantiti ya poleke ya gore a yi kenege lula ka taba la dindunduma,
Le nyoko lawola naga ya Kanana go segela Zarephata.
Mabhantiti ya Jerusalema ya gore ne ma le Sefarade ma nyoko lawola Neghebe.
21 Fote bo ba go phona ba nyoko yinugela Thabeng ya Siyoni
Gore ba thogo yahlula dithabeng tsa naga ya Esewu,
Ke mokane Jehova o nyoko lawola go le kgoši.”