LEFASENG ka mokana ga lona, mehlobo ka mokana ga yona ya batho ya rapela. Ba rapela mo ba le ntoši le mo ba na le ba bangwana. Ba rapela dikerekeng, disinagogeng, dipolekeng tsa go rapela ga tsona le ga dipoleke tsa gore ba beyye medimo ya mehlobohlobo. Ba berekisa dilo tsa mehlobohlobo mo ba kene ba rapela Modimo.

Thapelo ke yona yi makang gore batho ba sa tshwane le dilo tse dingwana tsa go phela ho lefaseng. Mara a re ya napa re fapana kgole le diphoolwane. Go fo tshwana le diphoolwane, le rune re nyaka tsa go ja, moya le meetši. Fote go fo tshwana natso, re ya belegiwa, re ya phela ke mokane ra kgwa. (Mmolabodi 3:19) Mara batho ke bona ba ntoši ba gore baa rapela. Ke ntaba go le ka mokgonone?

Taba ke gore re hloka go rapela. Ga go tlala, batho ba tseya gore mo ba rapela, ba bolabola le Modimo kela selo so ba se rapelang. Bhayibele yi šupetsa gore re makiwwe gore re nabele go rapela. (Mmolabodi 3:11) Jeso Kreste o yitseri: “Go jabola bo ba nyakang go yetetsa ke Modimo, ka taba la gore Mmušo wa magedimo ke wa bona.”—Matewu 5:3.

Ka mokana ga rune re ya di nyaka tso tsa Modimo. Nka taba lo go nang le dikereke le dipoleke tsa go tlala tsa gore batho ba ya ga tsona mo ba nyoko rapela. Batho ba bangwana baa titshepa kela ba tshepa batho ba bangwana gore ba thogo tikgotsofatsa ga tso tsa Modimo. Rune batho re ka sa kgone go gelepana. A re na matšhika ya go maka dilo ka moka, a re phele go ya go yye fote dilo tsa go tlala a re nape re di kwisisa. Re hloka motho wa gore o hlalifiye go re phala, wa gore o na le matšhika ya go maka dilo ka mokana ga tsona le wa gore o phela go ya go yye, gore a thogo re neya dilo tso re di hlokang. King so se makang gore re šinye re nyaka go rapela?

Nagana ka sowa ša: Ayitsano o yye wa kwa o nyaka go yetetsiwa, go kraya mayele kela go kraya diphetolo tsa diputsiso tsa gore batho ba ka sa kgone go go neya tsona? Ayitsano sa le wa kwa o nyaka go kgomoletsiwa mo go na le selo so se go kwisiyeng go baba ka matla, kela o nyaka go yetetsiwa mo o nyaka go tseya sepheto se segolo kela go nyaka go tshwarediwa mo o sinnye?

Go ya ka Bhayibele, tsone ke tsona tso di makang gore motho a rapele. Bhayibele ke yona puku yo re ka yi tshepang ga ditaba tsowa fote yi na le dithapelo tsa banna le basadi ba go tlala ba gore ke mo ba tshepega. Ne ba rapele mo ba nyaka go kgomoletsiwa, go yetetsiwa, go tshwarediwa fote ne ba rapela le mo ba nyaka diphetolo tsa diputsiso tsa go thathafa.—Pisalema 23:3; 71:21; Daniyele 9:4, 5, 19; Habakuku 1:3.

Ka ho Bhayibeleng go na le dithapelo tsa mehlobohlobo mara go na le so di tshwanang ka sona. Batho bo ne ba rapela ne ba tšiba selo se sengwana sa gabutši sa gore batho ba go tlala lekgono ba se libele. Ne ba tšiba ye ba tshwaneleng go mo rapela.

NJE MODIMO o theetsela batho ka mokana ga bona mo ba mo rapela le mo ba bitsa medimo ye mengwana? Ga lefase lowa re phelang ga lona, batho ga go tlala ba yi tseya ka mokgonone. Batho ba go tlala ba nagana gore dikereke ka mokana ga tsona di lukiye byalo ba fo tseya gore a di na taba gore o rapela modimo wa mošaga mang. Ayitsano ke nnete?

Bhayibele yi re batho ba go tlala baa rapela mara a ba rapele Modimo wa mannete. Batho ba gore ba phidiye ka dinako tsa mo Bhayibele yi ngwadiwa, ne ba rapela medimo ya dithombhe. Modimo o yye a ba pasopisa ga taba yowa ya go rapela medimo ya dithombhe. Mo re beyisa, Pisalema 115:4-6 mo yi bolabola ka medimo yone yi re: “Yi na le ditsebe mara a yi kwe.” Di fo ba lekgwaying gore o ka sa rapele Modimo wa gore aa go kwe.

Bhayibele yi bolabola ka taba ye nngwana ya gore yi makegiye, ya go yelana le yo go bolabodiwang ka yona. Eliya, wa gore ne go le moporofeta wa mannete o yye a botsa baporofeta ba Bhali gore ba rapele modimo wa bona ke mokane le yene a rapele wage. Eliya o yitseri Modimo wa mannete o nyoko fetola ke mokane wa matsaka a ka sa fetole. Baporofeta ba Bhaali ba yye ba dumela ke mokane ba rapela modimo wa bona ba sa fetse ba kene ba gotla mara aa fetola. Bhayibele yi re: “Ne go se na ye a theetseleng fote ne go se na ye a nang le taba nabo.” (1 Magoši 18:29) Eliya yene di mo sepelele byang?

Eliya o yitseri go fetsa go rapela, Modimo a napa a mo fetola ka go romela mollo wa go tšwa legedimong, gore wo tšhube sehlabelo so ne a se beyye. Ke ntaba Modimo a mo fetodiye? 1 Magoši 18:36, 37 yi re botsa selo se sengwana se segolo ka thapelo ya Eliya. Thapelo yage ne yi sa lefa, ka Seheberu yi na le gana hala ga 30 ya mantsu. Ga mantsu yane ya gore a maa tlala, Eliya o bitsa Modimo ka lebitso lage la gore ke Jehova gararo.

Batho ba Kanana ne ba rapela modimo wa Bhaali, fote ne ba mo neya mabitso ya go sa tshwane di ya ka gore ba dula kaye. Mara lebitso la Jehova a le tshwane le mabitso ya mangwana fote ke lage a ntoši, a go na ye mongwana. Modimo yene o butsiye batho bage gore: “Ke nna Jehova. Lone ke lebitso laka fote nka sa make gore motho ye mongwana a gadimisiwe go phala nna.”—Jesaya 42:8.

Ke ntaba thapelo ya Eliya yi fetolegiye mara ya baporofeta ba Bhaali yona yi sa felolega? Batho ba gore ne ba rapela Bhaali ne ba dumelela batho gore ba make bonghwahla le gore ba make dihlabelo ka batho. Bo ne ba rapela Jehova ne ba sa tshwane le ba go rapela Bhaali, Jehova ne a sa nyake gore ba kopisele dilo tso di makang ke batho bone fote ne a nyaka gore ba mmerekele ka tsela ya gabutši. Nagana ka sowa ša: Mo o ngwalela monghanago lengwalo di nyaka o berekise lebitso lage gore lengwalo lone le segele gage.

Mo o rapela Jehova di ra gore o rapela ye a Makiyeng dilo ka mokana ga tsona, Papa wa batho ka moka.a Mo moporofeta Jesaya o rapela o yitseri: “Wene Jehova, ke wene Papa wa rune.” (Jesaya 63:16) Ke Yene ye Jeso a botsiyeng malata yage ka yene, nakwela a re: “Ke ya ga Papaka le ga Papa wa lune, le ga Modimo waka le ga Modimo wa lune.” (Johane 20:17) Jehova ke Papa wa Jeso. Ke yene ye Jeso ne a rapela yene, le ye a tshutisiyeng bo ba mo latelelang gore ba mo rapele.—Matewu 6:9.

Nje Bhayibele yire re rapele Jeso, Mariya, batho ba go hlawolega kela mangeloyi? Awwa yire re rapele Jehova a ntoši. Bona gore ke ntaba. Sa mathomo, go rapela go sipidisana le go berekela Modimo, fote Bhayibele yire re tshwanele re berekele Jehova a ntoši. (Eksoda 20:5) Sa bobedi, Bhayibele yi re Modimo o “Theetsela dithapelo.” (Pisalema 65:2) Le mo Jehova a neyana mmereko, wowa a se mmereko wa gore a ka wo neya motho. Ke yene beng a nyoko kwang dithapelo tsa rune.

Byalo mo nkare o nyaka Modimo a kwe dithapelo tsago, dula go gopola mantsu ya lengwalo lowa, ya gore: “Ye mongwana le ye mongwana ye a bitsang lebitso la Jehova o nyoko phonisiwa.” (Mebereko 2:21) Nje Jehova o fo theetsela thapelo ye nngwana le ye nngwana? Kela go na le dilo tso re tshwaneleng go di tšiba gore Jehova a thogo theetsela dithapelo tsa rune?

DIKEREKE tsa go tlala di tšhutisa gore go na le ka mokgo re tshwaneleng go yema ka gona le mantsu ya re tshwaneleng go ma hlaya mo re rapela. Mara Bhayibele ya re gelepa gore re sa make dilo tsa mošaga wonone fote re tšibe gore: “Di Nyaka re Rapele Byang?”

Bhayibele yi bolabola ka malata ya Modimo ya go tshepega ya gore ke mo ma rapela ga dipoleke tsa mehlobohlobo fote ke mo ma sa yeme go tshwana mo ma kene ma rapela. Ke mo ma rapela ka pelo kela ma rapela ma bolabola di ya ka gore seyemo se byang. Ne ma rapela ma libelele gedimo kela ma kgotamme. Ne ma sa rapele medimo ya dithombhe, kela go rapela ma berekisa makolwane, kela dipuku tsa gore di na le dithapelo mara ke mo ma fo rapela di tšwa ka ku teng teng. King so se makiyeng gore Modimo a kwe dithapelo tsa wona?

Hlogotaba ya go fela yi bolabodiye gore ne ba rapela Modimo ka wweši, Jehova. Go na le taba ye nngwana ye kgolo. Lengwalo la 1 Johane 5:14 le re: “Fote Modimo re ya mo tshepa gore wa re kwa mo re kgopela se sengwana le se sengwana sa gore se yelana le tso yene a di nyakang.” Di nyaka gore dithapelo tsa rune di yelane le tso Modimo a di nyakang. Di ra gore king tsotsone?

Gore dithapelo tsa rune di thogo yelana le tso Modimo a di nyakang di nyaka re tšibe gore king so a se nyakang. Selo se sengwana se segolo so re ka se makang gore re thogo tšiba gore Modimo re mo rapela byang, ke go bala Bhayibele. Nje tsowa di rela gore mo re sa tšibi dilo ka moka ka Bhayibele, Modimo a ka sa re theetsele? Awwa, mara Modimo o nyaka gore re tšhute gore king tso a di nyakang le go di kwisisa ke mokane re make dilo tsa go yelana natso. (Matewu 7:21-23) Di nyaka gore tso re di rapelelang di yelane le tso re di tšhutang.

Mo re kene re tšhuta ka Jehova le tso a di nyakang, tumelo ya rune ya tiya, sosone ke se sengwana sa gore se re gelepa ka matla mo re rapela. Jeso o yitseri: “Le dilo ka mokana ga tsona tso le di kgopelang ka thapelo, le nyoko di kraya mo le na le tumelo.” (Matewu 21:22) Tumelo a yi rele gore motho o fo tshepa se sengwana le se sengwana. Yi fo rela go tshepa selo sa gore a re soko se bona mara go na le tso di šupetsang gore selo sone se gona. (Maheberu 11:1) Bhayibele yi na le ditaba tsa go šupetsa gore Jehova wa gore re ka sa kgone go mmona, o gona, re ka mo tshepa fote o di nyaka ka matla go fetola dithapelo tsa batho ba gore ba dumela gage. Go tokegela gana hone, re ka dula re mo kgopela gore a re yeketsele tumelo fote le yene Jehova o nyoko re neya tso re di gayelang.—Luka 17:5; Jakobo 1:17.

Taba ye nngwana ya go šupetsa gore di nyaka re rapele byang ke yowa. Jeso o yitseri: “Aa šiyo ye a ka tlang ga Papa mo go se ka nna.” (Johane 14:6) Byalo, re kgona go šutela thina le Papa wa rune Jehova ka taba la Jeso. Ke sona so se makiyeng gore Jeso a botse malata yage gore ma rapele ka lebitso lage. (Johane 14:13; 15:16) Sowa a se rele gore re tshwanele re rapele Jeso. Mara re rapela ka lebitso la Jeso, re kene re gopola gore ke yene a makiyeng gore di kgonege gore re rapele Papa wa rune wa go hlawolega wa gore fote o felegelele.

Malata ya Jeso ma yye ma mo kgopela ma re: “Morena, re tšhutise go rapela.” (Luka 11:1) Di fo ba lekgwaying gore ne ma sa rele gore a ma tšhutise tsa go tshwana le tso re bolabodiyeng ka tsona ka ho kgakala. Gabutšibutši ke mo ma re, ‘King tso re ka di hlayang mo re rapela?’

THAPELO ya Jeso ya gore batho ba re ke thapelo ya Morena kela thapelo ya Papa wa rune wa magedimong, ke thapelo ya gore Makreste ya go tlala ma na le go yi hlaya mo ma rapela fote ke yona ya gore ba yi berekisa ka matla go phala dithapelo tse dingwana. Batho ba go tlala ba boyelela mantsu ya thapelo yowa gatleletlele, mara a ba kwisisi gore yi ra gore king. Mara Jeso ne a sa nyake gore batho ba boyelele mantsu ya thapelo yone gatleletlele. Re di tšibela kaye tsotsone?

Nakwela Jeso a soko bolabola ka thapelo yone o yitseri: “Mo o rapela, o sa fo boyelela tsetsela gatleletlele.” (Matewu 6:7) Byalo ke ntaba Jeso a bolabodiye ka thapelo ya go fo re beyisela? Nka taba la gore ne a sa nyake gore re tshware mantsu ka hlogo kela gore re boyelele mantsu ya yona gatleletlele. Jeso ke mo a fo re tšhutisa gore re rapelele dilo tsa mohlobo mang, fote ke mo a re šupetsa gore ke dilo difeng tsa gore re tshwanele go di gopola mo re rapela. Tla re bolaboleneng ka tso a di hlayyeng. Thapelo yone yi ga Matewu 6:9-13.

“Papa wa rune wa magedimong, lebitso lago le hlawolege.”

Jeso ne a gopotsa malata yage gore dithapelo ka mokana ga tsona di tshwanele gore di ye ga Papage Jehova. Nje wa di tšiba gore ke ntaba re tshwanele re tseyele lebitso la Modimo gedimo le go le maka gore le hlawolege?

Go tlugisela ku mathomisong, batho ba yye ba thilafatsa lebitso la Modimo la go hlawolega. Sathane, wa gore ke lenaba la Modimo o hlayye gore Jehova o na le matsaka, o tinaganela a ntoši fote aa tshwanela ke go lawola dilo tso a di makiyeng. (Genesi 3:1-6) Ba go tlala ba yye ba thega Sathane, ka go tšhutisa gore Modimo aa kwelane go baba, aa na pelo fote ba phigisa le taba ya gore ke Yene ye a Makiyeng dilo ka mokana ga tsona. Ba bangwana ba hlasele lebitso la Modimo ka go le tlosa ka ho Bhayibeleng le go maka gore batho ba bangwana ba sa le berekisi.

Bhayibele yi re Modimo o nyoko lukisa dilo tsone ka mokana ga tsona. (Hezekiyele 39:7) O nyoko maka gore re kwe re kgotsofele le go lukisa mathatha ya rune. Byang mara? Mantsu yawa ya go latela ya gore ma hlayye ke Jeso ma nyoko re botsa.

“Lisetsa Mmušo wago wo tle.”

Lekgono, baruti ba go tlala a ba kwisisi taba yo ya Mmušo wa Modimo. Malata ya Jeso ke mo ma yi kwisisa, ka gore baporofeta ba Modimo ba hlayye botala gore Mesiya wa gore o hlawodiye ke Modimo, o nyoko lawola Mmušo wa gore o nyoko lukisa mathatha ya ho lefaseng. (Jesaya 9:6, 7; Daniyele 2:44) Mmušo wone wo nyoko gadimisa lebitso la Modimo wa boya wa šupetsa gore Sathane o na le matsaka ke mokane wa fetsa ka yene le dilo ka mokana ga tsona tso a di bakiyeng. Mmušo wa Modimo wo nyoko fetsa ka dintwa, malwele, tlala le likgu. (Pisalema 46:9; 72:12-16; Jesaya 25:8; 33:24) Mo o rapelela gore Mmušo wa Modimo wo segele, gabutšibutši o rapela gore dilo tso wo di tshepisang di makege.

“Go makege tso wene o di nyakang, legedimong le lefaseng.”

Mantsu ya Jeso ma šupetsa gabutši gore tso Modimo a di nyakang di nyoko makega ho lefaseng, go fo tshwana le mo di makega ku legedimong ga gore Modimo o dula gona. Ke ntaba re reyane? Taba ke gore Morwayi wa Modimo o rakiye Sathane le madimona yage ku legedimong, a ba lahlela lefaseng, byalo tso Modimo a di nyakang di šele di ya makega ku legedimong. (Kutullo 12:9-12) Tso Jeso a di hlayyeng mo a rapela di re gelepa go kwisisa gore re sa nyake gore go makege tso rune re di nyakang, mara go makege tso Modimo a di nyakang. Modimo ke yene a ntoši ye a re nyakelang tsa gabutši. Nka taba lo le monna wa go felegelela ye ba reng ke Jeso a hlayyeng ga Papage gore: “Go sa makege tso di nyakang ke nna, go makege tso di nyakang ke wene”—Luka 22:42.

“Re neye tsa go ja tsa rune tsa lekgono.”

Jeso fote o šupetsiye gore re ka kgopela tso re di gayelang ka thapelo. A re sinyi mo re kgopela Modimo tso re gayelang tsona tšatši le lengwana le le lengwana. Nnete ke gore mo re maka ka mokgonone di re gopotsa gore Jehova ke yene ye a “neyang batho dilo ka moka, a boya a maka gore ba wone fote ba phele.” (Mebereko 17:25) Bhayibele yi hlatolla Modimo go le mmelegi wa gore o nyaka bana bage ka matla wa gore fote o ba neya le dilo tso ba di gayelang. Go fo tshwana le mmelegi wa gore o nyaka bana bage ka matla, Modimo le yene a ka sa re neye dilo tsa gore di ka sa re gelepe.

“O re tshwarele ga tso re di sinnyeng.”

Ayitsano o sinyele Modimo? O nyaka a go tshwarele? Batho ba go tlala a ba di tšibi gore go sinyela Modimo di ra gore king, le gore ke taba ye kgolo go segela kaye. Mara Bhayibele yi tšhutisa gore rune re tlela ke dilo tsa go befa ka taba la gore a ra yenela ho mmeleng fote sosone ke sona se makang gore re kgwe. Ka taba la gore re belegiwwe re sa yenela, re dulela go sinya, byalo tsa go kraya lephelo la go ya go yye di ya ka gore Modimo wa re tshwarela kela he-e. (Maroma 3:23; 5:12; 6:23) Di jabodisa ka matla go kwa mo Bhayibele yi re: “Wene Jehova, o lukiye fote o dula o tikemisele go tshwarelana.”—Pisalema 86:5.

“O re phonise ga wa pelo ye phifadu.”

Nje wa di bona gore ke ntaba go nyakega gore Modimo a go pasope? Batho ba go tlala a ba tshepe gore Sathane “wa pelo ye phifadu” wa phela. Mara Jeso o hlayye gore Sathane ke motho wa mannete fote o yitseri ke yene “ye a lawolang lefase lowa.” (Johane 12:31; 16:11) Sathane o fokodiye lefase lowa fote wa le lawola, le wene o nyaka go go fokola gore o sa be le senghana sa gabutši le Papago, Jehova. (1 Petro 5:8) Matšhika ya Jehova ma phala ya Sathane fote O pasopa bo ba mo nyakang.

Ditaba tso re bolabodiyeng ka tsona tsa thapelo ya Jeso a di nape di hlaya ditaba ka moka tsa gore re ka rapela ka tsona. O sa lebale gore lengwalo la 1 Johane 5:14 mo le bolabola ka Modimo le re: “Wa re kwa mo re kgopela se sengwana le se sengwana sa gore se yelana le tso yene a di nyakang.” Byalo mo o rapela Modimo mmotse se sengwana le se sengwana, o sa hlupege ka gore ke se senyana kela ke se segolo.—1 Petro 5:7.

Byalo re rapela kaye, ka nako mang le gona? Ayitsano di ya hlupa gore re rapela nako mang kela kaye?

GO NA le dikereke tsa go tlala tsa gore di tšhutisa gore go tshwanele go be le dipoleke tsa go rapela ga tsona le nako ya go rapela. Ayitsano Bhayibele ya re metela gore re rapele kaye kela ka nako mang?

Bhayibele yi re go na le nako ya gabutši ya go rapela. Mo re beyisa, Jeso o yye a rapela nakwela a soko ja le malata yage. (Luka 22:17) Le malata yage mo ma gahlana, ne ma rapela ggoši. Ke mo ma maka tso ne di maka ke Majuda ka mengwaga ya go tlala mo ma le disinagogeng kela tempeleng ku Jerusalema. Modimo ne a nyaka gore tempele go be “ntlo ya gore batho ba ditšhaba ka moka ba rapela ga yona.”—Mareka 11:17.

Mo malata ya Modimo ma gahlana gore ma rapele ggoši, Modimo wa ma theetsela. Modimo wa jabola mo mogoba wo le selo ka ssoši fote tso wo di rapelang di yelana le ditšhiko tso di leng ka ho Bhayibeleng. Thapelo yone yi ka mo maka le gore a make dilo tsa gore ne a sa polana go di maka. (Maheberu 13:18, 19) Dihlatse tsa Jehova mo di thoma megahlano le mo di fetsa di ya rapela. Le wene re ya go mema gore o ye Holong ya Mmušo ya mo o dulang gore o thogo tikwela wene mong.

Bhayibele a yi re botse gore re rapele nako mang kela kaye. Ka ho Bhayibeleng go na le batho ba Modimo ba gore ne ba rapela nako ye nngwana le ye nngwana fote ba rapela go gongwana le go gongwana. Jeso o yitseri: “Mara wene mo o rapela, kena kamareng o tikwalele, mo o fetsa go tikwalela, o rapele Papago wa gore o bona tsa ka makhukhung. Ke mokane Yene o nyoko go rufa.”—Matewu 6:6.

Taba yowa ya jabodisa akere? Gabutšibutši o ka rapela Modimo wa malenghelengheng ka nako ye nngwana le ye nngwana, o tikwalele fote o sa kamake gore o nyoko go theetsela. Nka taba lo Jeso le yene a yyeng a nyaka go ba a ntoši mo a rapela. Go gongwana o yye a rapela bošego ka moka a nyaka gore Modimo a mo yetetse ga sepheto so ne a nyoko se maka.—Luka 6:12, 13.

Ka ho Bhayibeleng, banna le basadi ba bangwana mo ba gahlana le tsa go ba ghula ba yye ba rapela, le mo ba tseya sepheto se segolo ne ba rapela. Ka nako ye nngwana ne ba rapela ba ntsha mantsu, ka nako ye nngwana ne ba rapela ka pelo, ka nako ye nngwana ne ba rapela ba gahlanne fote ka nako ye nngwana ye mongwana le ye mongwana ke mo a tirapelela a ntoši. Taba ke gore ba rapele. Modimo o botsa malata yage gore: “Dulaneng le rapela.” (1 Mathesalonika 5:17) O tikemisele go dula a theetsela bo ba gore ba maka tso yene a di nyakang. A di jabodisi mara tsotsone?

Batho ba go tlala ba tseya gore thapelo a yi selo sa gore re ka se tseyela hlogong. O ka fo ba o tiputsisa gore: ‘Nje thapelo yi ka n’gelepa?’

NJE go rapela gwa re gelepa? Bhayibele ya hlaya gore thapelo ya gelepa, yi gelepa malata ya Modimo ya go tshepega. (Luka 22:40; Jakobo 5:13) Gabutšibutši thapelo yi re gelepa matla. Yi ka re gelepa gore re šutele thina le Modimo. Fote yi ka re gelepa gore re tikwe re le gabutši ka ku tengteng le ho mmeleng.

Tla re fore ngwanago ba mo neya sa go mo neya. Ayitsano o nyoko fo mmotsa gore di gabutši go leboga? Kela o nyoko mo tšhutisa gore a leboge ka mantsu yage? Mo re beyisa, mo motho a re neya se sengwana re ya leboga, ke ntaba? Taba ke gore mo re maka ka mokgonone re napa re jabola. Ayitsano ke so se makegang mo re rapela Jehova? Go fo ba ka mokgonone! Tla re bolaboleneng ka mešupetso ye mengwana ke yowa:

Dithapelo tsa go leboga. Mo re leboga papa wa rune ka taba la dilo tsa go bafala tso a re makeleng tsona, tsotsone di maka gore re dule re naganne ka tsona. Ke mokane re nyoko kwa re nyaka go dula re mo leboga ra kwa re jabodiye le go sa dulele go šekela.—Mafilipi 4:6.

Mo re beyisa: Jeso o yye a šupetsa gore o leboga Papage ka taba la gore o yye a mo theetsela a boya a fetola dithapelo tsage.—Johane 11:41.

Dithapelo tsa go kgopela tshwarelo. Mo re kgopela Modimo gore a re tshwarele sosone se maka gore makwalo ya rune ma yele, se maka le gore re sokologe, fote se re gelepa gore re tšibe gore go sinyela Modimo ke taba ye kgolo go segela kaye. Fote mo re butsiye Modimo ka thapelo, re šala re yimulugiye.

Mo re beyisa: Dafita o rapele nakwela a tisola le nakwela a kgongwele.—Pisalema 51.

Dithapelo tsa go kgopela go yetetsiwa le go hlalefa. Mo re kgopela Jehova gore a re yetetse kela a re make gore re hlalefe mo re soko tseya sepheto, di ka re gelepa gore re dule re tinyanafatsiye. Tsotsone di ka re gopotsa gore re tšibe gore go na le mo re kgerang gona fote dya re maka gore re tshepe Papa wa rune wa magedimong.—Diyema 3:5, 6.

Mo re beyisa: Solomoni o yye a rapela Modimo a tinyanafatsiye gore a mo yetetse le go mo maka gore a hlalefe mo a kene a lawola Israyele.—1 Magoši 3:5-12.

Dithapelo tsa mo re kwile go baba. Mo re ka botsa Jehova so se leng ka ho dipelong tsa rune mo re kgongwele, re nyoko tisamela ka yene, ra boya ra sa titshepe ka matla.—Pisalema 62:8.

Mo re beyisa: Kgoši Asa o yye a rapela mo go na le tso di mo kgahletsiyeng.—2 Dikoronika 14:11.

Dithapelo tsa go rapelela batho ba gore ba gahlana le dilo tsa go ba ghula. Dithapelo tsa mošaga wone di re gelepa gore re lahle mokgwa wa go tinaganela re ntoši ke mokane re gelepe ba bangwana le go ba kwela go baba.

Mo re beyisa: Jeso o rapelele bo ba mo latelelang.—Johane 17:9-17.

Dithapelo tsa go thanaka Modimo. Mo re thanaka Jehova ka taba la dilo tsa go makatsa tso a di makiyeng le mekgwa yage ya go bafala, re nyoko napa re mo hlompa le go mo leboga ka matla. Dithapelo tsa mošaga wone di nyoko re gelepa gore re šutele thina le Modimo wa gore ke Papa wa rune.

Mo re beyisa: Dafita o thanakiye Modimo ka taba la dilo tso a di makiyeng.—Pisalema 8.

Se sengwana sa gore re ya se kraya mo re rapela ke gore ‘Modimo o nyoko maka gore re bebe, batho ba bangwana ba šala ba sa kwisisi.’ (Mafilipi 4:7) A di lula go dula re bebiye ga lefase lowa la go befa. Go beba hone gwa re gelepa le ho mmeleng. (Diyema 14:30) Ayitsano di fo titlela gore re bebe? Kela go na le selo se sengwana se segolo so re tshwaneleng gore re se make?

PUTSISO ya ka ho kgakala ya jabodisa fote yi maka gore re tiputsise diputsiso. Bhayibele yi šupetsa gore le lekgono Jehova o sa yi theetsela merapelo ya rune. Gore wa re theetsela kela aa re theetsele, di ga rune.

Jeso o poyiliye baruti ba gore ne ba rapela di sa tšwe pelong, ba gore ne ba fo makela gore batho ba ba tseye ba lukiye. O yitseri banna ba mošaga wonone ‘ba krayye patela ya bona yi lekanele,’ tsotsone di rela gore batho ke mo ba nyoko ba thanaka mara Modimo yene ke mo a ka sa theetsele dithapelo tsa bona. (Matewu 6:5) Le lekgono, batho ba go tlala ba maka tso ba di nyakang mo ba rapela, a ba make tso Modimo a di nyakang. Ka taba la gore a ba berekisi ditšhiko tso re tšhutiyeng ka tsona tsa Bhayibele, Modimo aa theetsele dithapelo tsa bona.

Wene gee? Ayitsano Modimo o nyoko theetsela dithapelo tsago a boya a go fetola? Gore Modimo a fetole dithapelo tsa rune aa yi ka gore o ye mobyang, o tšwa kaye kela gore o ghannye go segela kaye. Bhayibele ya re tshepisa mo yi re: “Byalo ke ya di kwisisa gore Modimo aa hlawole motho, mara o yamogela motho wa setšhaba se sengwana le se sengwana, wa gore wa mo hlompa fote o maka dilo gabutši.” (Mebereko 10:34, 35) Ayitsano mantsu yawa ma ra le wene? Mo o hlompa Modimo, o nyoko mo tseyela gedimo wa tšhaba le go maka dilo tsa gore aa kwane natso. Mo o karakarela go maka dilo tsa go loka di šupetsa gore o nyaka go maka tso Modimo a di nyakang, a wo nyake go maka tso batho ba reng di lukiye. Ayitsano o nyaka gore Modimo a theetsele dithapelo tsago? Bhayibele yi go botsa tso o tshwaneleng go di maka.a

Ke nnete gore batho ba go tlala ba nyaka gore Modimo a fetole dithapelo tsa bona ka mohlolo. Le ka dinako tsa Bhayibele, ne yi se ga go tlala Modimo a fetola dithapelo ka mohlolo. Ka nako ye nngwana ke mo a maka mehlolo ya mohlobo wonone ka nthago ga mengwaga ya go tlala. Go tokegela gana hone, le Bhayibele ya šupetsa gore mehlolo yi fediye ka nthago ga dinako tsa mapostola. (1 Makorente 13:8-10) Ayitsano tsotsone di rela gore Modimo aa fetole dithapelo tsa rune lekgono? Le ka go nyana. Tla re bolabole ka dithapelo tso a yyeng a di fetola.

Modimo o re maka gore re hlalefe. A go na ye mongwana ye a ka re hlalefisang go phala Jehova. Aa konane, ye mongwana le ye mongwana ye a nyakang gore a mo yetetse wa mo hlalefisa.—Jakobo 1:5.

Modimo o neyana moya wa go hlawolega le dilo ka moka tso wo kgonang go di maka. Moya wa go hlawolega ke matšhika ya gore Modimo o ma berekisa mo a maka dilo. A go na se sengwana sa go phala moya wa go hlawolega. Moya wowa wo ka re gelepa gore re tiyisele mo re gahlana le tsa go re ghula. Wo ka re maka gore re bebe mo re kgongwele. Wo ka re gelepa gore re be le mekgwa ya go bafala. (Magalata 5:22, 23) Jeso o butsiye malata yage gore Mdimo o neyana moya wage wa go hlawolega ka pelo ye tšhwewu.—Luke 11:13.

Modimo o hlalefisa batho ba gore ba nyaka go mo tšiba. (Mebereko 17:26, 27) Lefaseng ka mokana ga lona, go na le batho ba gore ba nyaka go tšiba nnete. Ba nyaka go tšiba lebitso la Modimo le tso a nyakang go di makela batho. (Jakobo 4:8) Ga go tlala, Dihlatse tsa Jehova di gahlana le batho ba mošaga wonone fote di jabolela go fetola diputsiso tsa bona di berekisa Bhayibele.

Ayitsano ke tsona tso di makiyeng gore o bale makazini wowa? Ayitsano o nyaka go tšiba Modimo? Nakwenngwana nka mokgo a fetolang dithapelo tsago.