Watchtower LAYIBHRARI YA INTHANETENG
Watchtower
LAYIBHRARI YA INTHANETENG
Sepulana
  • BHAYIBELE
  • DIKGATISO
  • MEGAHLANO
  • Mathata ya Gore ma Maka Gore re be le Tshepo
    Sewokamelo—2011 | May 1
    • Mathata ya Gore ma Maka Gore re be le Tshepo

      “Ka dinako tsa mafelelo go nyoko ba le dinako tsa go baba ka matla tso go thathafang go lebana natso.”—2 THIMOTHI 3:1.

      AYITSANO o yye wa kwa ka ditaba tsowa tsa go kwisa go baba kela o yye wa bona di makega?

      ● Bolwele bya go bolaya bo fetsa batho ba go tlala.

      ● Tlala ye kgolo ya go bolaya makgolo ya batho.

      ● Go tekateka ga lefase ga gore go bolaya diketekete tsa batho fote go šiya ba go tlala ba se na magaye.

      Ga maphephe ya go latela, o nyoko kraya ditaba tse dingwana tsa gore di nyoko maka gore o nagane ka dilo tsa go tshwana le tsowa. Fote o ko di boneng gore Bhayibele yi hlayye botala gore ka “dinako tsa mafelelo”a go nyoko makega dilo tsa mošaga wone.

      Mara dihlogotaba tsowa tsa go latela, a yi tsa go go šupetsa gore re phela ga lefase la gore le na le mathata. Le wene mathata yawa wa ma bona. Ke tsa go go neya tshepo. Di nyoko šupetsa gore diporofeto tsowa kobodi ya tsona, di makega ka taba la gore “dinako tsa mafelelo” di thina le go fela. Dihlogotaba tsowa tsa go lategetsana, di nyoko bolabola ka dilo tso batho ba tlwayeleng go di hlaya mo ba phigisa taba yone fote di nyoko hlatolla gore ke ntaba re ka di tshepa gore go se botala dilo di nyoko loka.

      [Sa ku tlase]

      a Tsa gore ke ntaba Modimo a dumelela dilo tsa go befa di makega, bala hlogotaba ya gore “Anthe Ke Ntaba Modimo a Lisetsa go Makega dilo Tsa go Befa Tsa go re Hlupegisa?” ga maphephe 16 le 17 ga puku yowa.

  • Seporofeto 1. Go Tekateka ga Lefase
    Sewokamelo—2011 | May 1
    • Seporofeto 1. Go Tekateka ga Lefase

      “Lefase le nyoko tekateka tsa go tshosa.”—LUKA 21:11.

      ● Winnie wa gore o na le dikgwedi 16 ya tsona, ba mo ntsha ga ntlo ya gore yi wile ku Haiti. Ba go bereka ka ditaba tsa TV ba gore ne ba bolabola ka taba yone, ba mo kwile a tsitla. Yene o phonne mara babelegi bage ba hlokofele.

      GABUTŠIBUTŠI GO MAKEGIYE YING? Ka January 2010, go yye gwa kgwa batho ba go teya ka ku ga 300 000 mo go tekateka lefase ku Haiti. Ba go kala mo lefase le tekateka ba yye ba kraya gore ya ku Haiti yi lekana 7.0. Go tokegela gana hone, 1.3 miliyoni ya batho ba šele ba sa sa na magaye ka nako yonone. Ke mo di tshosa, mara a dya makega ku Haiti fela. Go tlugisela ka April 2009 go segela ka April 2010, lefase le yye la tekateka ka matla ga 18 ya dipoleke.

      BATHO BA RE KING MO BA PHIGISA? Ba re a yi taba ya gore lefase se le tekateka ka matla, mara thekinoloji yi maka gore re di bone go phala batho ba ku botala.

      AYITSANO DYA KWAGALA? Lebelela taba yowa ša: Bhayibele a yi bolabole ka matla ka taba ya gore lefase le nyoko tekateka ga kaye ka dinako tsa mafelelo. Yi re “lefase le nyoko tekateka tsa go tshosa” ga “poleke ye nngwana ka nthago ga ye nngwana,” tsotsone di napa di bonagala gabutši ga dinako tso re phelang ga tsona tsa gore a sanka dya ba gona.—Mareka 13:8; Luka 21:11.

      WENE O NAGANA YING? Ayitsano lefase le tekateka tsa go tshosa ka mokgo Bhayibele yi hlayyeng botala?

      Taba ya gore lefase le ya tekateka, a yi yona yi ntoši ya go šupetsa gore re phela ga dinako tsa mafelelo. Mara ke se sengwana sa diporofeto tsa gore dya makega. Seporofeto sa bobedi ke sowa.

      [Monopo]

      “Rune ba go pombhola lefase re re lefase le tekatekiye ka matla. Ba go tlala bona ba re ka mokgo le tekatekiyeng di ro tshosa.”—KEN HUDNUT, U.S. GEOLOGICAL SURVEY.

      [Monopo wa Sethombhe]

      © William Daniels/​Panos Pictures

  • Seporofeto 2. Tlala ye Kgolo
    Sewokamelo—2011 | May 1
    • Seporofeto 2. Tlala ye Kgolo

      “Tsa go ja di nyoko gayela.”—MAREKA 13:8.

      ● Morene mongwana o tšhabela mutšing wa Quaratadji ku Niger. Mašaga yage, bobhuti bage le bosesi bage le bona ba tšwa dinageng tse dingwana, ba tšhabela tlala. Mara o patlamme mmating a ntoši. Ke ntaba a le ntoši? Sidi, wa gore ke ndhuna ya hone mutšing o re: “Aa kgone go pasopa mutši wage, byalo o tšeba le go ba lebelela.”

      GABUTŠIBUTŠI GO MAKEGIYE YING? Lefaseng ka mokana ga lona, motho ka wweši ga batho kašupa ya bona aa kraye tsa go ja tsa go yenela, tšatši le lengwana le le lengwana. Dipolekeng tse dingwana tsa Afrikha go bifiye ka matla, motho ka wweši ga batho kararo ya bona, o fetsa nako ya go lefa a sa kraye tsa go ja tsa go yenela. Gore taba yowa yi thogo re yelela, o fo nagana ka mutši wa gore go na le papa, mmane le sengwananyana. Mo nkare go na le tsa go ja tsa go yenetsa batho ka babedi, go ja mang gwa šala mang? Go ja papa kela mmane kela sengwananyana sowa? Tsowa ke dipheto tsa gore mitši ye mengwana yi tshwanele yi di make tšatši le lengwana le le lengwana.

      BATHO BA RE KING MO BA PHIGISA? Lefase le maka tsa go ja tsa go tlala, tsa gore di ka yenetsa batho ka mokana ga bona dya boya dya šala. Di fo nyaka gore dilo tso lefase le nang natso di berekisiwe gabutši.

      AYITSANO DYA KWAGALA? Ke nnete gore bo ba go lema, ba buna tsa go tlala fote ba di romela bathong go phala ku botala. Re ya di tšiba gore memmušo ya batho, yi tshwanele yi berekise tsa go ja tso lefase lowa le di makang gore yi lukise bothata bya tlala ye kgolo. Go fitiye mengwaga ya go tlala ba kene ba leketsa mara di sa ba šita.

      WENE O NAGANA YING? Ayitsano tso di hlayang ke Mareka 13:8 dya makega? Ayitsano batho lefaseng ka mokana ga lona ba gayela tsa go ja, le mo thekinoloji yi kene yi ya mahlong?

      Go tekateka ga lefase le tlala ye kgolo, ke tsona tsa go phala mathata ya mangwana ya go šupetsa gore re phela ga dinako tsa mafelelo.

      [Monopo]

      “Ngwana ka wweši ga bana kararo ya bona ba gore ba bolayye ke bolwelwe bya gore bo hlasela matshwago bo ba reng ke pneumonia, bolwele bya go tšhologa le malwele ya mangwana, nke ba sa kgwa hala ba ja gabutši.”—ANN M. VENEMAN, WA GO BEREKA UN, GA TSA DITŠHELETA TSA BANA.

      [Monopo wa Sethombhe]

      © Paul Lowe/​Panos Pictures

  • Seporofeto 3. Bolwele
    Sewokamelo—2011 | May 1
    • Seporofeto 3. Bolwele

      “Batho ba nyoko . . . kena ke malwele ya go tshosa.”—LUKA 21:11, Contemporary English Version.

      ● Bonzali, wa go bereka ka tsa go yalafa batho nageng ya Afrikha ya gore go na le ntwa ya magayeng, o leketsa go yalafa batho ba go bereka mmayineng ba gore ba bolaya ke bolwele bya Marburg.a O kgopele gore ba mmušo ba polekeng ye nngwana ba mo gelepe mara a baa maka selo. Ka nthago ga dikgwedi kadine ba yye ba tla, mara Bonzali ke mo a šele a kgwile. Batho bo ne ba bereka mmayineng bo ne a leketsa go ba gelepa, ba mo tshiletsiye bolwele bya Marburg.

      GABUTŠIBUTŠI GO MAKEGIYE YING? Malwele ya matshwafo (ya go tshwana le pneumonia), malwele ya go tšhologa, HIV/AIDS, TB le malaria ke malwele ya gore ma hlupa batho ka matla. Mengwaga ya go fela, malwele ya go tshwana le yawa kapheta ya wona ma bolayye batho ba gana hala ga 10.7 miliyoni. Ka mantsu ya mangwana, malwele yawa ma bolaya motho ka wweši ka disekondi kararo ya tsona fote tsotsone di makega ngwaga ka moka.

      BATHO BA RE KING MO BA PHIGISA? Ka gore batho ba fo ya ba kene ba tlala, di tshwanele gore malwele yawa ma kene batho ba go tlala. Fote ma ka fo kena batho ba go tlala.

      AYITSANO DYA KWAGALA? Batho howa lefaseng ba yeketsegiye ka matla. Mara se ba kgona go tšiba malwele yawa, go ma lawola le go yalafa ya mangwana. Tsotsone di rela gore malwele yawa ne ma tshwanele ma pomege. Mara ma fo ya mahlong ma yeketsega.

      WENE O NAGANA YING? Ayitsano batho ba kena ke malwele ya go tshosa ka mokgo Bhayibele yi hlayyeng ku botala?

      Go tekateka ga lefase, tlala ye kgolo le malwele di makela dimiliyoni tsa batho mathata fote a di kwele motho go baba. Dimiliyoni tsa batho ba hlupegisa ke batho ba bangwana fote ba go tlala ba hlupegisa ke batho ba gore ne ba tshwanele ba ba pasope. Kwang gore seporofeto sa ka ho Bhayibeleng se re king.

      [Sa ku tlase]

      a Marburg ke bolwele bya gore bo maka ke selo sa gore se tshwana le Ebola fote bolwele byowa bo maka gore motho a tšwe madi.

      [Monopo]

      “Dya tshosa go ja ke tawu kela se sengwana, mara di tshosa ka matlamatla go ja ke bolwele ka ho teng le go di bona di makega.”—MICHAEL OSTERHOLM WA GO TŠHUTA KA MALWELE.

      [Monopo wa Sethombhe]

      © William Daniels/​Panos Pictures

  • Seporofeto 4. Batho ba ka sa sa Nyakanana
    Sewokamelo—2011 | May 1
    • Seporofeto 4. Batho ba ka sa sa Nyakanana

      “Batho ba . . . ka sa sa nyaka ba mitši ya bona.”—2 THIMOTHI 3:1-3, God’s Word Bible

      ● Chris o bereka ka Lebowa la poleke yo ba reng ke Wales le mogoba wa go gelepa batho ba gore ba ba hlorisa ka mitšing ya bona. O re “Ke gopola tšatši le lengwana go kena mosadi ye mongwana, ka mokgo ne ba mo teyye ka gona ne ke sa sa mo tšiba. Basadi ba bangwana ba kgongwele ka matla tsa gore a ba sa titshepa.”

      GABUTŠIBUTŠI GO MAKEGIYE YING? Nageng ye nngwana ya Afrikha, ga basadi kararo ya bona, ka wweši mone ga bona ba mo hlorisiye ka tsa maroga mo a sa le ye monyana. Bo ba go fatisisa ba krayye gore ga naga yonone, ga banna kararo ya bona, ka wweši mone ga bona o re mosadi o tshwanele a teyiwe. Mara a yi basadi ba ntoši ba gore ba teyiwa ka ho mitšing. Mo re beyisa ku Canada, banna kararo ya bona ga lesome, ba teyye kela go hlorisiwa ke basadi ba bona.

      BATHO BA RE KING MO BA PHIGISA? Ke botala batho ba teyiwa ka howa mitšing. Go fo ba gore matšatši yawa di bonala ka matla go feta ku botala.

      AYITSANO DYA KWAGALA? Matšatši yawa, taba ya gore batho baa teyiwa ka mitšing se ya tšibega fote go bolabodiwa ka yona ka matla. Mara nje tsotsone di makiye gore nombhoro ya batho ba gore baa teyiwa yi pomege? Dhoo, sone a se ya makega. Batho ba gore a sa nyakanana ba tlele ka matla.

      WENE O NAGANA YING? Ayitsano tso di hlayang ke 2 Thimothi 3:1-3 dya makega? Ayitsano batho a ba sa nyaka ba mitši ya bona?

      Seporofeto sa kapheta so se makegang, se makegela lefase lo la rune. Theetsela gore Bhayibele yi re king.

      [Monopo]

      “Taba ya go hlorisiwa ka mitšing, ke ye nngwana ya gore batho a ba bolabole ka yona ga maphodisa. Ga go tlala, mo mosadi a šinya a bitsa maphodisa, monnage o ba a mo teyye ga 35.”—WA GO BOLABOLELA BO BA GO GELEPA BATHO KA FOWUNU BA GO HLORISIWA KA MITŠING KU WALES.

  • Seporofeto 5. Ba Sinya Lefase
    Sewokamelo—2011 | May 1
    • Seporofeto 5. Ba Sinya Lefase

      “[Modimo o nyoko] fetsa ka bo ba go sinya lefase.”—KUTULLO 11:18.

      ● Monna ye mongwana ye ba reng ke Pirri o bereka ka tsa go maka wayini ya mopalema ku dimitšaneng tsa Kpor ku Nigeria. Mmereko wo a wo makang wo sinnye ke gore go yye gwa falala oyili ya go tlala ku nokeng ya Niger. O re: “Yi bolaya dihlapi tsa rune, yi sinya matlalo ya rune fote yi thilafatsa meetši ya re ma nwang. A ke sa na mmereko.”

      GABUTŠIBUTŠI GO MAKEGIYE YING? Bo ba gore ba tšhutegiye ba re mongwaga wo mongwana le wo mongwana go kena dithila tsa go kala 6.5 ya dibhiliyoni tsa dikhiloghremo mawatleng. Sekopa sa dithila tsone ke dipolasitiki, tsa gore di nyoko ba gona mone lewatleng mengwaga ya go tlala di soko bola. Batho ba thilafatsa lefase fote ba fetsa le dilo tso re ka di berekisang tsa go tšwa ho lefaseng ka go yakgoswa. Fote ba re go nyakega mongwaga le kapheta ya dikgwedi gore lefase le boyele le nyaretse dilo ka mokana ga tsona tso batho ba di sinyang ka mongwaga. Kuranta ya ku Australia ya Sydney Morning Herald yi re: “mo nkare batho ba ya mahlong ba maka ka mokgo, ka mongwaga wa 2035 re nyoko nyaka mafase ka mabedi gore re thogo phela.”

      BATHO BA RE KING MO BA PHIGISA? Batho ba na le dipolane. Ba ka kgona go lukisa mathata yawa ke mokane ba maka gore lefase le be gabutši.

      AYITSANO DYA KWAGALA? Batho ba go tlala ba karakara ka matla gore ba pasopise batho ka taba yowa ya go sinya lefase. Mara batho ba fo ya mahlong ba thilafatsa lefase fote gana byalo di ka matla.

      WENE O NAGANA YING? Ayitsano Modimo o tshwanele a tšhele letsogo, a phonise lefase la rune, ka mokgo a tshepisiyeng?

      Go tokegela ga diporofeto kapheta ya tsone tso re bolabodiyeng ka tsona, Bhayibele yi hlayye botala gore ka dinako tsa mafelelo, go nyoko makega le tsa go bafala. Seporofeto sa kobodi se nyoko bolabola ka se sengwana sa tsona.

      [Monopo]

      “Ke fo kwa nkare ne ke na le poleke ya go bafala tsa nkare ke pharadeyisi, gana byalo ke dula dithileng.”—ERIN TAMBER, WA GORE O DULA THINA LE LEWATLE KU UNITED STATES, MO A BOLABOLA KA TSO DI MAKEGIYENG KA TABA YA OYILI YA GO FALALELA LEWATLENG LA MEXICO.

      [Lebhokisi]

      Ayitsano Nka Taba la Modimo?

      Ka gore Bhayibele yi bolabodiye botala ka dilo tsa go befa tso di makegang matšatši yawa, nje tsotsone di ra gore di maka ke Modimo? Nje ke yene a makang gore re hlupege? O ka kraya diphetolo tsa diputsiso tsone ga tema 11 ya puku ya gore Ke Eng seo ge e le Gabotse Beibele e se Rutago? ya gore yi ngwadiye ke Dihlatse tsa Jehova.

      [Monopo wa Sethombhe]

      U.S. Coast Guard photo

  • Seporofeto 6. Mmereko wa go Tšhomayela Lefaseng ka Mokana ga Lona
    Sewokamelo—2011 | May 1
    • Seporofeto 6. Mmereko wa go Tšhomayela Lefaseng ka Mokana ga Lona

      “Ditaba tsowa tsa go bafala tsa mmušo di nyoko bolabodiwa lefaseng ka mokana ga lona.”—MATEWU 24:14.

      ● Vaiatea o dula nageng ya go dukuluga ke meetši ku Tuamotu Archipelago. Le mo naga ya Tuamotu yi na le 80 ya dipoleke tsa go dukuluga ke meetši tsa gore le mo gare ma gona, tsa gore di namme gana hala ga 802 900 km, yi na le batho ba go lekana 16 000. Mara Vaiatea le bayagelani bage ba yye ba vakašela ke Dihlatse tsa Jehova. Ke ntaba di ba vakašele? Ka taba la gore Dihlatse tsa Jehova, di nabela ka matla go sabalatsa ditaba tsa go bafala tsa Mmušo wa Modimo, ga batho ka mokana ga bona go gongwana le go gonwana mo ba dulang.

      GABUTŠIBUTŠI GO MAKEGIYE YING? Molayetsa wa Mmušo wa Modimo wo segela dikhoneng ka mokana ga tsona tsa lefase. Ka 2010 fela, Dihlatse tsa Jehova di fetsiye 1.6 bhiliyoni ya di awara, di tšhomayela ditaba tsa go bafala ga 236 ya dinaga. Di ra gore Hlatse ye nngwana le ye nngwana ya Jehova yi fetsiye 30 ya diminetse yi tšhomayela letšatši le lengwana le le lengwana. Ga mengwaga ya go fela, di makiye dikgatiso tsa go bolabola ka Bhayibele tsa go teya ka ku ga 20 ya dibhiliyoni fote di di sabalatsiye.

      BATHO BA RE KING MO BA PHIGISA? Molayetsa wa ka ho Bhayibeleng wo na le dikete tsa mengwaga wo kene wo tšhomayediwa.

      AYITSANO DYA KWAGALA? Ke nnete gore ba go tlala ba tšhomayele tse dingwana ka molayetsa wa Bhayibele. Ba go tlala ba flo maka ka mokgonone ka nakonyana fote a baa ya kgole. Mara Dihlatse tsa Jehova tsona di kgonne go maka letsima la go tšhomayela lefaseng ka mokana ga lona, gore di thogo segelela batho ba go tlala ka matla. Dihlatse tsa Jehova di yye mahlong di tšhomayela le mo di kene di phigisa ke mekgahlo ya go ba le matšhika ya gore fote yi na le lešidi historing ya batho.a (Mareka 13:13) Go tokegela gana hone, Dihlatse tsa Jehova a di patediwi gore di tšhomayela. Bona beng ba bereka mahala fote dipuku tsa bona a ba di rekisi. Mmereko wo ba wo makang wo thega ke meneyelo.

      WENE O NAGANA YING? Ayitsano “ditaba tsa go bafala tsa mmušo” di bolabodiwa lefaseng ka mokana ga lona? Ayitsano taba ya gore seporofeto sowa se ya makega yi ra gore go na le dilo tsa go bafala ku mahlong?

      [Sa ku tlase]

      a Mo o nyaka go tšiba tsa go tlala, lebelela dividiyo tsowa: “Faithful Under Trials,” “Purple Triangles,” le “Jehovah’s Witnesses Stand Firm Against Nazi Assault,” tsa gore di makiye ke Dihlatse tsa Jehova.

      [Monopo]

      “Solanka Jehova a sa re dumelela, re nyoko ya mahlong re tšhomayela ditaba tsa go bafala tsa Mmušo ka matšato, re berekisa selo se sengwana le se sengwana gore re thogo segelela batho.”—2010 YEARBOOK OF JEHOVAH’S WITNESSES.

  • Go Nyoko Loka go se Botala!
    Sewokamelo—2011 | May 1
    • Go Nyoko Loka go se Botala!

      “Go se botala, wa go sa loka o ko ba a sa sa le šiyo . . . Ba go maka tsa gabutši go nyoko ba bona beng ba lefase ba nyoko jabola ka taba la gore go ko ba go bebiye ka matla.”—PISALEMA 37:10, 11.

      AYITSANO o nyaka go di bona tso di hlayang ke seporofeto sowa sa ka ho kgakala di makega? A re kamake gore o nyaka go di bona. Go na le dilo tsa go kwagala tso di makang gore re tshepe gore di nyoko makega go se botala.

      Dihlogotaba tso re bolabodiyeng ka tsona di hlatolliye diporofeto tse dingwana tsa ka ho Bhayibeleng, tsa go napa di šupetsa gore re phela ga “dinako tsa mafelelo.” (2 Thimothi 3:1-5) Bo ba go ngwala Bhayibele ba tšhofiye ke Modimo gore ba porofete ka dilo tsone gore re thogo ba le tshepo. (Maroma 15:4) Mo dilo tso di hlayang ke diporofeto di makega, di ra gore mathata ya ma makegang gana byalo ma nyoko fela.

      Go nyoko makega ying mo go fela dinako tsa mafelelo? Mmušo wa Modimo o nyoko lawola batho ka moka. (Matewu 6:9) Kwang gore Bhayibele yi re lefase le nyoko ba byang ka nako yone:

      ● Go ka sa sa ba le tlala. “Go nyoko ba le tsa go ja tsa go tlala ka matla ho lefaseng, hala gedimo ga dithaba di nyoko tlala la go sa hlayisege.”—Pisalema 72:16.

      ● Malwele ma nyoko fela. “Go ka sa be le wa gore: ‘Ke ya lwala.’”—Jesaya 33:24.

      ● Lefase go nyoko ba la nyuwane. “Dipoleke tsa mašahla le tsa gore a di na meetši di nyoko boyela dya ba gabutši, le dipoleke tsa gore ke kgwaakgwa di nyoko bafala dya boya dya tlala ka mabhlomu.”—Jesaya 35:1.

      Tsowa ke diporofeto tse dingwana tso di leng ka Bhayibeleng tsa go re tiyisa, tsa gore di nyoko makega go se botala. Ke ntaba o sa kgopele Dihlatse tsa Jehova gore di go šupetse gore ke ntaba di sa kamake gore go nyoko loka go se botala?

Dipuku tsa Mehlobo ka Moka (2008-2025)
Tšwang
Kena
  • Sepulana
  • Share
  • Tso o di Nyakang
  • Copyright © 2025 Watch Tower Bible and Tract Society of Pennsylvania
  • Melawo ya Perekiso
  • Molawo wa Sephiri
  • Privacy Settings
  • JW.ORG
  • Kena
Share