Ditodi tsa Sepukwane sa Mogahlano wa Maphelelo le Matšhomayelelo
JANUARY 1-7
MAKOLWANE KA TENG GA LENTSU LA MODIMO | MATEWU 1-3
“Mmušo wa Legedimo wo Šutele”
(Matewu 3:1, 2) Ka matšatši yanane Johane wa go Kolobetsa o yye a tla a tšhomayela molaleng wa Judeya, 2 a re: “Sokologaneng, ka gore Mmušo wa legedimo wo šutele.”
nwtsty tso di fatisiwweng ga Mat 3:1, 2
go tšhomayela: Lentsu lo la Segerika gabutšibutši le rela “go tsama o sabalatsa ditaba ga batho.” Le bolabolela mokgwa wo di sabalatsiwang ka wona: ga go tlala le ra go yahlamela, a le šupi mo go fo butsiwa mogobanyana fela.
Mmušo: Lentsu lo la Segerika la gore ba·si·leiʹa ke la mathomo le nyarela, le rela mmušo, poleke le batho bo ba lawolang ke kgoši. Lentsu lo le nyarela ga 162 ka mangwalong ya Sekreste ya Segerika, 55 ya wona ma nyarela ga Matewu fote ya go tlala ya wona ma bolabola ka go buša ga Modimo ga legedimong. Matewu o berekisiye lentsu lo ga tleletlele mo re ka šinyang re reya puku yage lebitso ra re ke Ebangedi ya Mmušo.
Mmušo wa legedimo: Taba yo yi nyarela gana mola ga bo-30 Ebangeding ya Matewu fela. Mantsu ya gore “Mmušo wa Modimo” ma berekisiwwe Diebangeding tsa Mareka le Luka, ma šupetsa gore “Mmušo wa Modimo” wo ku legedimong fote o lawola wo le gana ku.—Mat 21:43; Mar 1:15; Luk 4:43; Dan 2:44; 2Ti 4:18.
wo šutele: Taba yo yi ra gore ye go nyoko bang Kgoši ya Mmušo wa legedimo o thina le go nyarela.
(Matewu 3:4) Johane ke mo a yapesiwwe boya bya kamela fote a tlemme lepanta la mokgopa mo masekeng. Ke mo a ja ditšiya le mamapo.
nwtsty ditaba
Mayaparelo ya Johane wa go Kolobetsa
Johane ke mo a yapara kobo ya go makiwa ka maboya ya kamela, a tlemme lepanta la mokgopa mo masekeng, lepanta la gona ke mo go ka tšhediwa dilo tse dinyana ka teng ga lona. Moporofeta Eliya le yene ke mo a yapara tsona. (2Di 1:8) Llapi la maboya ya kamela ke mo le ghwannye, ga go tlala ke mo le yapara ke ba go tihlopegela. Mara dikobo tsa go thelela tsa go makiwa ka llapi la silki kela lineni ke mo di yapara ke dinghamula. (Mat 11:7-9) Di ka makega gore Johane ke mo a sa hlobe moriri, ka gore o belegiwwe yi le Monazari. Mo o mo lebelele mo a yapere, di ka makega gore ke mo di yakgoswa di šupetsa gore o phela lephelo la lola, ke mo a tikemisele go ngangarela tso tsa Modimo.
Ditšiya
Lentsu “ditšiya” lo le berekisiwweng ka Baebeleng le ka rela mehlobohlobo ya go tshwana le bomampewulane, ka matlamatla tsela tsa go fofa di tlele. Go ya ka tso di fatisisiwweng ku Jerusalema, ditšiya tsa poleke ya go woma khwaša di na le tsa go yaga mmele tsa go tlala. Lekgono mo di jiwa di ntshiwa makoto, mafafela le tsa teng. Mmele wa yona wo jiwa wo le tala kela wo yapegiwwe. Ba re ditšiya tso mo o di ja, okare o ja dikokoza fote di na le tsa go yaga mmele tsa go tlala.
Mamapo ya Hlaga
Sethombhe so se šupetsa mo go yagiyeng dinose tsa hlaga (1) le mamapo (2). Go ka makega gore mamapo ya Johane a ma jileng ma makiye ke dinose tsa hlaga tsa gore gana hala mabitso ya tsona ba re ke Apis mellifera syriaca. Dinose tso tsa semana tsa ku hlageng ya Juda, a di na taba gore gwa fisa kela go womme, di fo ya mahlong di tiphelela, mara tso a yi mohlobo wa gore motho a ka di ruwa. Batho ba Israyele ke mo ba tšhela mamapo ka teng ga pitsa ka bo-900 B.C.E. Dipetlopetlo tsa go tlala tsa dintlo tso tsa dinose ba di bonne polekeng ya go hlabologanyana (ye gana byalo ba reng ke Tel Rehov), ya ku Moyeding wa Jorodane. Mamapo yane ma makiye ke dinose tso di bonalang nkare ke tsa go tšwa mo ba reng ke Turkey.
Go Wunyulla tso di Wutammeng ka Baebeleng
(Matewu 1:3) Juda gwa ba papa wa Pereze le Zera ka Thamara; Pereze gwa ba papa wa Hezerone; Hezerone gwa ba papa wa Rama;
nwtsty tso di fatisisiwweng ga Mat 1:3
Thamara: Yewa ke mosadi wa mathomo ga basadi ka bahlano ba mašaga ya bo-Mesiya bo go bolabodiwang ka bona ga Matewu. Ba bangwana ka bane ke Rahaba le Ruthe, ka babedi ga bona a yi Maisrayele (temany. 5); Bhat’šeba, “mosadi wa Uriya” (temany. 6); le Mariya (temany. 16). Basadi bowa ba kenne ga letheto lo la mašaga ya gore ma tlele ka banna ka taba la gore ba yye ba ba bokokwane ba Jeso ka mokgwa wa go sa tlwayelega.
(Matewu 3:11) Ka taba la go sokologa ga lune, nna ke le kolobetsa ka meetši, mara ye a tlang o na le matšhika ya go feta yaka, a di ntshwanele go mo rola le dimphašane tsage. Yenene o nyoko le kolobetsa ka mollo le moya wa go hlawolega.
nwtsty tso di fatisisiwweng ga Mat 3:11
go le kolobetsa: Go “phinya kela go thinya.” Lentsu la Segerika la gore ba·ptiʹzo le ra “go kena o sobelela; go tlungwela.” Mo go fatisisiwa tso tsa Baebele go krayegiye gore go kolobetsa go ra go kena ka meetšing o nape o felegelela. Tšatši le lengwana Johane ke mo a kolobetsa moyeding wa Jorodane thina le Salimu, “ka gore ke mo go na le metši ya go tlala.” (Joh 3:23) Mo Filipi a kolobetsa Moetopiya, ba “thewogele ka ku meetšing” ba le ka babedi. (Meber 8:38) Lentsu lolone la Segerika ga Septuagint le berekisiwwe ga 2Dikg 5:14 mo le hlatolla gore Naamane “o tlungwele ku Jorodane ga šupa.”
Go Bala Baebele
(Matewu 1:1-17) Puku ya histori ya Jeso Kreste, morwayi wa Dafita, morwayi wa Aborahama: 2 Aborahama e biye papa wa Isaka; Isaka gwa ba papa wa Jakobo; Jakobo gwa ba papa wa Juda le bana ba gabo; 3 Juda gwa ba papa wa Pereze le Zera ka Thamara; Pereze gwa ba papa wa Hezerone; Hezerone gwa ba papa wa Rama; 4 Rama gwa ba papa wa Aminadaba; Aminadaba gwa ba papa wa Nahošone; Nahošone gwa ba papa wa Salemone; 5 Salemone gwa ba papa wa Bhowase ka Rahabo; Bhowase gwa ba papa wa Obete ka Ruthi; Obete gwa ba papa wa Jese; 6 Jese gwa ba papa wa kgoši Dafita. Dafita gwa ba papa wa Solomone ka mosadi wa Uriya; 7 Solomone gwa ba papa wa Rehobhowamo; Rehobhowamo gwa ba papa wa Abhija; Abhija gwa ba papa wa Asa; 8 Asa gwa ba papa wa Jehošafate; Jehošafate gwa ba papa wa Jehorame; Jehorame gwa ba papa wa Uziya; 9 Uziya gwa ba papa wa Jothame; Jothame gwa ba papa wa Ahazi; Ahazi gwa ba papa wa Hezekiya; 10 Hezekiya gwa ba papa wa Manase; Manase gwa ba papa wa Amone; Amone gwa ba papa wa Josiya; 11 Josiya gwa ba papa wa Jekoniya le bo bhuti bage nakwela ba rura Babilona. 12 Mo se ba ruriye Babilona, Jekoniya gwa ba papa wa Shiyalatiyele; Shiyalatiyele gwa ba papa wa Zerubhabhele; 13 Zerubhabhele gwa ba papa wa Abiwudi; Abiwudi gwa ba papa wa Eliyakimi; Eliyakimi gwa ba papa wa Azore; 14 Azore gwa ba papa wa Zadoke; Zadoke gwa ba papa wa Akhimi; Akhimi gwa ba papa wa Eliwudi; 15 Eliwudi gwa ba papa wa Eliyazara; Eliyazara gwa ba papa wa Mathane; Mathane gwa ba papa wa Jakobo; 16 Jakobo gwa ba papa wa Josefa monna wa Mariya, wa go belega Jeso ye ba reng ke Kreste 17 Mašaga ka moka go tlogisela ga Aborahama go segela ga Dafita ke mo yi le 14 ya melokoloko; go tlogisela ka Dafita go segela mo ba rurela Babilona, ke mo yi le 14 ya melokoloko; go tlogisela ba rura Babilona go segela ga Kreste ke mo yi le 14 ya melokoloko.
JANUARY 8-14
MAKOLWANE KA TENG GA LENTSU LA MODIMO | MATEWU 4-5
“Tso re di Tšhutang ga tso Jeso a di Tšhutisiyeng ku Thabeng”
(Matewu 5:3) “Go jabola bo ba gopolang gore ba tshwanele go yetetsiwa ke Modimo, ka gore Mmušo wa legedimong ke wa ba go tshwana le bobone.
nwtsty tso di fatisisiwweng ga Mat 5:3
Go jabola: A yi bolabolele go fo kwa monate ka nako ye nyana, go tshwana le mo motho ba mo tšikinya. Mo yi berekisiwa ga batho, yi šupa mo motho a rufiwa ke Modimo la gore le yene a tikwe gore Modimo o naye. Lentsu lowa le berekisiwa le mo ba hlatolla magadimelo ya Modimo le ya Jeso ya ku legedimong.—1Ti 1:11; 6:15.
bo ba gopolang gore ba tshwanele go yetetsiwa ke Modimo: Lentsu la Segerika la gore “bo ba gopolang,” le ra, “ba go tihlopegela (go gayela; go hloka; kela ba go phopota),” mo go bolabodiwa ka bo ba tihlopegelang fote le bona beng ba tšiba gore baa hlopega. Fote lentsu lo le berekisiwa ga Lazaro “wa go phopota” yela go bolabodiwang ka yene ga Lu 16:20, 22. Lentsu la Segerika lo ba bangwana ba le berekisang mo ba hlatolla mantsu ya gore “go hlopega moyeng,” le ra batho ba gore le bona beng baa titšiba gore baa hlopega moyeng le gore ba ka sa ye felo ntle le Modimo.
(Matewu 5:7) “Go jabola bo ba kwelang ba bangwana go baba ka gore le bona ba nyoko kwediwa go baba.
nwtsty tso di fatisisiwweng ga Mat 5:7
go kwela go baba: Baebele mo yi berekisa mantsu ya gore “go kwela go baba” a yi fo bolabolela mo motho a se na lešidi. Ga go tlala yi ra mo motho a tikisega ka ku teng-teng ka taba la gore a kwa a nyaka go gelepa motho ye mongwana wa gore o hlopegiye.
(Matewu 5:9) “Go jabola bo ba tshwarang ba bangwana gabutši [kela “ba go maka gore go be le khutšo”], ka gore ba nyoko re ke barwayi ba Modimo.
nwtsty tso di fatisisiwweng ga Mat 5:9
ba go maka gore go be le khutšo: A ba fo maka gore khutšo yi sa sinyegi, ba maka gore yi be gona le ga gore ke mo yi se šiyo.
w07 12/1 17
Tšhutisa Ngwana Wago go ba le Khutšo
Batswadi ba Makreste ba nyaka ka matla go tšhutisa bana ba bona go “maka khutšo le go yi ngangarela.” (1 Petro 3:11) Mo motho a maka gore go be le khutšo wa jabola ka taba la gore khutšo yone yi maka gore go sa be le go naganelana tsa go befa, go tinega le go hloyana.
Go Wunyulla tso di Wutammeng ka Baebeleng
(Matewu 4:9) Ke mokane a re gage: “Ke nyoko go neya dilo tso ka mokana ga tsona mo o ka kgotama wa nrapela.”
nwtsty tso di fatisisiwweng ga Mat 4:9
go rapela: Lentsu lo la Segerika la gore “go rapela” le bolabolela selo so motho a se makang ka go twii-twii kela ka go nyana fela. Gore Diyabolo o itseri “nrapele,” go šupetsa gore ke mo a sa re gore Jeso a mo rapele ka moka matšatši; ke mo a fo nyaka a mo ‘rapela ga teya.’
(Matewu 4:23) Ke mokane a sepela Galeliya ka mokana ga yona, a tšhutisa disinagogeng le go tšhomayela ditaba tsa go bafala tsa Mmušo a kene a fodisa batho mehlobohlobo ya malwele le bokoka.
nwtsty tso di fatisisiwweng ga Mat 4:23
go tšhutisa . . . go tšhomayela: Go tšhutisa a go tshwane le go tšhomayela ka gore ye a tšhutisang aa fo bolabola; wa šupetsa, wa hlatolla, wa beyisa, fote wa hlatsela.
Go Bala Baebele
(Matewu 5:31-48) “Fote go hlayiwwe gore: ‘Ye a hlalang mosadi wage, a mo neye borifi bya go šupetsa gore o mo hladiye.’ 32 Mara nna kere ye a hlalang mosadi wage, mo go se ka taba ya gore a yetsele le ye mongwana, o mo makisa bonghwahla, fote ye a nyalang mosadi wa go hladiwa o maka bonghwahla. 33 “Fotefote le yye la di kwa ku botala ba re: ‘O sa tshepise selo mara wa sa se make, ga Jehova o mo makele tso o mo tshepisiyeng.’ 34 Mara nna ke re: Le ka go nyana le sa fo lla go tshepisa, le ka legedimo, ka taba la gore ke setulo sa bogoši sa Modimo; 35 kela ka lefase, ka gore ke mo go gatang mawoto yage, le ka Jerusalema ka gore ke mutši wa Kgoši ye kgolo. 36 O sa tshepisi motho hlogo yago, ka gore le mong moriri ka wwoši o ka sa wo tšhele mpu kela wa wo maka wo mophifadu. 37 O fo maka gore mo o itseri ‘Eya’ ka nnete go be eya, mo o itseri ‘Awwa’ go be awwa, ka gore mo se ka šinya sa feta mo, se tšwa ga wa pelo ye phifadu. 38 “Le di kwele tsa gore ba itseri: Lehlo ka lehlo le leno ka leno.’ 39 Mara nna ke re ga lune: O sa phigisane le wa pelo ya go befa, mara mo motho a go teya sekaneng sa la go ja, o beyelele le sa mpata a go teye. 40 Mo ye mongwana a go yisa kgorong, a nyaka kobo yago ya ka teng, o fo napa o mo neya le ya ka tawong; 41 fote le mo motho wa gore go lawola yene a go gapeletsa gore o make mmereko wa go segela ga khilomitha ka yyoši, mo makele wa dikhilomitha ka dipedi. 42 Mo motho a go kgopela, mo neye, le ye a nyakang o mo yadima se sengwana, o sa re a sologe. 43 “Le di kwele gore ba itseri: ‘O rate moyagelani wago ke mokane o hloye lenaba lago.’ 44 Mara nna ke re: Ariyeneng mahlong le rate manaba ya lune, le rapeleleneng le bo ba le hlorisang, 45 gore le šupetse gore ke lune barwayi ba Papa wa lune wa legedimong, ka gore ba go loka le ba dipelo tsa go befa, o ba hlabisela letšatši, fote o ba nisela le pula. 46 Ayitsano go na le patela mo o rata bo ba go ratang? Akere bo bo ba patedisang mothelo ba maka tsotsone? 47 Mo le tamisa magagenu fela, go na le sa go makatsa gana hone? Akere le batho ba ditšhaba tso ka moka ba maka tsotsone? 48 Le tshwanele le make tsa go yenela, go fo tshwana le mo Papa wa lune wa legedimong a yenele.
JANUARY 15-21
MAKOLWANE KA TENG GA LENTSU LA MODIMO | MATEWU 6-7
“Ariyeneng Mahlong le Nyakeneng Mmušo Pele”
(Matewu 6:10) Maka gore Mmušo wago wo tle. Tso o di nyakang di makege ho lefaseng, go fo tshwana le mo di makega legedimong.
bhs 178 ¶12
Go Kgona Rapela
12 Ke ying so re tshwaneleng re se yetise mahlong mo re rapela? Ku mahlong re tshwanele re yetise Jehova le tso yene a di nyakang. Re tshwanele re bolabole naye di tšwa pelong, re leboge dilo ka moka tse dibutši tso a re makeleng tsona. (1 Dikoronika 29:10-13) Taba yo re ya yi tšiba ka gore mo Jeso a le mo lefaseng, o tšhutisiye bo ba mo latelelang go rapela. (Bala Matewu 6:9-13) O itseri ba thomise ka go rapelela gore lebitso la Modimo le gadimisiwe, kela le tshwariwe ka go hlawolega. Sa go latela so Jeso a itsering re ka se rapelela ke gore Mmušo wa Modimo wo tle le gore tso Jehova a di nyakang di makege lefaseng ka mokana ga lona. Jeso o itseri mo re fetsa go tšhela dilo tso tsa gore ke tse dikgolo ka matla mo re rapela, re ka tšhela tso di nyakang ke rune beng. Mo ka ku mahlong re beya Jehova le tso yene a di nyakang mo re rapela, re šupetsa gore ke difeng tso le rune re di tseyelang gedimo ka matla.
(Matewu 6:24) “A di kgonege gore motho a be molata wa dikgoši ka dipedi; ka gore o nyoko hloya ye nngwana, ke mokane a rata ye nngwana, kela o nyoko mamarela ye nngwana ke mokane a nyenya ye nngwana. Le ka sa di kgone go ba malata ya Modimo le ya Makgumo.
nwtsty tso di fatisisiwweng ga Mat 6:24
molata: Ka Segerika mo ba re molata, ba hlaya motho wa gore mong wage nka wweši. Jeso mo a bolabola mantsu yawa ke mo a ra gore Mokreste a ka sa tineyele ga Modimo a felegelela ka mokg’o go nyakegang a boya a ba le nako ya go kgobeketsela dilo tsa go tiphidisa.
(Matewu 6:33) “Byalo, ariyeneng mahlong le nyakeneng Mmušo pele le go loka gage, ke mokane dilo tso tse dingwana ka moka le nyoko yeketsediwa.
nwtsty tso di fatisisiwweng ga Mat 6:33
Ariyeneng mahlong le nyakeneng: Lentsu la Segerika le šupetsa selo so se makegang se sa fetse, byalo le ka beyiwa ka gore “Le sa lesetseneng go nyaka.” Ba gore ka nnete ba latelela Jeso a ba fo fokatsa ka go nyaka Mmušo wa Modimo. Mara ba dula ba beyye wona ka ku mahlong mo ba kene ba phela.
Mmušo: Dipuku tsa botala tsa Segerika di re “Mmušo wa Modimo.”
gage: Mo ba ra Modimo, yeni “Papa wa magedimong” ye go bolabodiwang ka yene ga Mat 6:32.
go loka: Bo ba nyakang go loka ga Modimo ba maka tso a di nyakang ba sa tšhofe ke motho, fote ba theetsela molawo wage wa gore so se lukiye, so a se ya loka. Dilo tso tso a di tšhutisiyeng di fapana kgole le tso ke mo di tšhutisa ke Mafaraseyi, ba gore ke mo ba nyaka go tipeyela molawo wa gore tsa gabutši ke difeng.—Mat 5:20.
w16.07 12 ¶18
Nyaka Mmušo wa Modimo, o sa Lelekisi tse Dingwana
18 Bala Matewu 6:33. Bo ba latelelang Kreste ba tshwanele go dula ba beyye Mmušo wa Modimo mahlong mo ba kene ba phela. Mo re maka tsotsone, tso Jeso a di bolabodiyeng di nyoko makega, re nyoko yeketsediwa “dilo tso tse dingwana ka moka.” Ke ntaba a itseri yane? Ga temanyana ya ka kgakala ga yowa o hlayye gore: “Papa wa lune wa legedimong wa di tšiba gore dilo tso le ya di hloka,” ke mo a ra gore le ka sa phele mo le se natso. Jehova o yakgoswa a di bona gore re gayela tsa go ja, dikobo le ga go yetsela, le mo rune beng re soko ba re di bona. (Mafil. 4:19) Wa di tšiba le gore ke kobo yifeng yago yo yi šeleng yi le thina le go hlagala. Wa di tšiba gore re hloka tsa go ja tsa mošaga mang le gore ntlo ya gore re ka lekanela ga yona ke yifeng, di ya ka gore mutši wago o gudiye go segela kaye. Jehova o nyoko re neya tso ka nnete re di hlokang.
Go Wunyulla tso di Wutammeng ka Baebeleng
(Matewu 7:12) “Byalo, dilo ka mokana ga tsona tso le nyakang batho ba le maka tsona, le lune le ba make tsona. Gabutšibutši, tso di bolabola ke Molawo le Diporofeto.
w14 5/15 14-15 ¶14-16
Berekisaneng Molawo wa Gholdi Tšhomong
14 Tla re fo tseya gore o fowunela ke motho ye o sa mo tšibing. Aa go botse gore ke yene mang mara o go butsisa gore o kwana le tsa go ja tsa mošaga mang. Wa tipotsisa gore mara ke mang yene, fote o nyaka ying. O fo kwa a go tinisa mara o fo bolabola naye ka gore o tlo re king. Byalo, tla re fore motho wa go founela, wa go botsa gore ke yene mang le gore o bereka ka tsa go ja, o go botsa le gore o go tshwarele ditaba tso di nyoko go gelepang. Ga go tlala o nyoko theetsela mo a reyane. Rune batho re ya jabola mo motho a sa kanakane mo a beya taba mara fote a yi beya gabutši. Tsotso re fetsang go bolabola ka tsona re ka di berekisa byang le ga bo re gahlanang nabo ho re le tšhomong?
15 Ditšhomong tsa go tlala, beng ba mitši ba nyaka go tšiba gabutši gore re tl’le maka ying mitšing ya bona. Ke nnete gore ditaba tso re di tshwereng ke tso di nyoko gelepang mong wa mutši, mara yene aa di tšibi, byalo mo mong wa mutši a sa re yemele gore re hlaye gore ke rune bomang mara rune ra fo thomisa ka go kena tabeng le go mmutsisa gore: “Mola ba re wene wa di kgona go lukisa mathatha, ke yafeng ya ne o ka ma lukisa?” Mo o šinya o butsisa putsiso yone, o ba o nyaka go tšiba gore motho o nagana ying gore o kgone go mo kenisa Baebeleng. Mara mong wa mutši a ka tiputsisa gore: ‘Mara ke mang yene, fote ke ntaba a mputsisa tsotso? Gabutšibutši o nyaka ying?’ Re sa tshosanye beng ba mitši. (Mafil. 2:3, 4) Re ka maka byang gore re sa ba tshose?
16 Mopotologi ye mongwana o bonne mokgwa wo o mmerekela. Mo ba šele ba tsoselanne, a kene a neya mong wa mutši sephephane sa gore Na o Nyaka go Tšiba Nnete? o re: “Lekgono, re neya batho ba ho polekeng ya lune sephephane sowa. Se na le kobodi ya diputsiso tso batho ba go tlala ba tiputsisang tsona. Sago ke so.” Ngwaneru ye o re batho ba go tlala baa yimulluga mo ba tšiba gore re tl’le maka ying. Byalo go thoma go ba lola go bolabodisana. Ke mokane mopotologi yewa o butsisa motho yene gore: “Nje o yye wa tiputsisa ye nngwana ya diputsiso tso?” Mo mong wa mutši a kgeta ka ye teya, ngwaneru yewa o bula sephephane so ke mokane ba thoma go bolabodisana ka so se leng ka Baebeleng ka taba yonone. Kela mo a nyaka, yene beng o kgeta putsiso ke mokane a bolabodisana le mong wa mutši ka yona, a sa mo yimetse ka diputsiso. Mekgwa ya go kena tabeng, e yye ka mehlobohlobo. Dipolekeng tse dingwana o tshwanele go thomisa ka go latelela mokgwa wa gana hone wa go tšibana le motho mo o gahlana naye la mathomo, ke mokane o ka mmotsa tso o di tshwereng. Tabakgolo ke gore beya ditaba ka mokg’o batho ba poleke yone ba tlwayeleng ka gona.
(Matewu 7:28, 29) Mo Jeso a fetsa go bolabola tsowa, mogoba wa batho o yye wa makatsa ke matšhutiselo yage, 29 ka gore ne a tšhutisa go tshwana le motho wa gedimo ka matla, ke mo a sa tshwane le bamangwalo bo ne ba le nabo.
nwtsty tso di fatisisiwweng ga Mat 7:28, 29
ba makatsa: Lentsu lo la Segerika lo le berekisiwweng mowa ba ra “dilo tsa go go makatsa wa šala o sa tšibi le gore o ka kena ka kakaye.” Lentsu lo le ra gore mogoba wone ne o ka sa tsoge o libele tso a di bolabodiyeng.
matšhutiselo yage: Mo ba ra mokgwa wo Jeso ke mo a tšhutisa ka wona, mabeyelo yage ya ditaba le se sengwana le se sengwana so a se bolabodiyeng mo a Tšhutisa ku Thabeng.
a sa tshwane le bamangwalo bo e ba le nabo: Bowa bamangwalo ke mo ba kwana le go yema le baruti ba bangwana ba gore tsa go hlompiwa ba di nyaka ka matla, Jeso yene ke mo a sa make tsotsone, o yye a yemela Jehova, a re ke yene motho wa gedimo ka matla, a tšhutisa tso di tšwang Lentsung la Modimo.—Joh 7:16.
Go Bala Baebele
(Matewu 6:1-18) “Le bone le sa šinyi le timaka nkare le lukiye mahlong ga batho, le nyaka gore ba le tseyele gedimo; ka taba la gore Papa wa lune wa magedimong a ka sa le rufe. 2 Byalo mo o neya motho selo ka taba la go mo kwela go baba, o sa tsame o teya phalafala, go tshwana le ba go timakisa mo ba le ku disinagogeng le mo dipateng, ba makela gore ba thanake ke batho. Ka nnete ke ya le botsa, patela ya bona ba yi kraya yi lekanele. 3 Mara wene, mo o neya ba bangwana selo ka taba la go ba kwela go baba, o sa make gore letsogo lago la sepata le tšibe so se makang ke letsogo lago la go ja, 4 gore tso o di neyang batho ka taba la go ba kwela go baba di wutege. Ke mokane Papa wa lune ye a bonang tsa ka makhukhung o nyoko le rufa. 5 “Fote, le mo le rapela, le sa make go tshwana le bo ba go timakisa, ka gore ba kwana natso tsa go yema disinagogeng le dikhonong tsa dipata tse dikgolo gore batho ba ba bone. Ka nnete ke ya le botsa, patela ya bona ba yi kraya yi lekanele. 6 Mara wene mo o rapela, kena ka kamareng yago, o kwale sekwalo ke mokane o rapele Papago o le ka ku makhukhung. Ke mokane Papago wa go bona le tsa ka makhukhung, o nyoko go rufa. 7 Mo o rapela, o sa fo boyelela tsetsela gatleletlele go tshwana le tso di makang ke batho ba ditšhaba, ka gore ba tseya gore mo ba berekisa mantsu ya go tlala ba nyoko kwiwa. 8 Byalo le sa tshwaneneng nabo, ka gore Papa wa lune wa di tšiba tso le di nyakang le soko di kgopela. 9 “Byalo le rapeleneng so: “Papa wa rune wa magedimong, lebitso lago le gadimisiwe. 10 Mmušo wago wo tle. So o se nyakang se makege mo lefaseng go tshwana le mo se makega legedimong. 11 Re neye sekgwa sa rune sa lekgono; 12 re tshwarele le mo re sinnyeng, ka gore le rune bo ba re sinyeleng re ya ba tshwarela. 13 Fote o re tšhuruse moleko, o re pasope le ga wa pelo ye phifadu.’ 14 “Ka gore mo le tshwarela batho mo ba le sinyele, le Papa wa lune wa legedimong o nyoko le tshwarela; 15 mara mo le sa tshwarele batho mo ba sinnye, le Papa wa lune a ka sa le tshwarele mo le sinnye. 16 “Mo le tikona tsa go ja, le sa nape le hluwa go tshwana le bo ba go timakisa, ka gore ba tisehlafatsa difahlego gore batho ba di bone gore ba tikona tsa go ja. Ka nnete ke ya le botsa, patela ya bona ba yi kraya yi lekanele. 17 Mara lune, mo le tikona tsa go ja, tlotsaneng hlogo ka makgura ke mokane le hlapeneng mahlo, 18 gore batho ba sa di bone gore le tikona tsa go ja mara di bone ke Papa wa lune fela ye a leng ka makhukhung. Ke mokane Papa wa lune ye a bonang tsa ka makhukhung o nyoko le rufa.
JANUARY 22-28
MAKOLWANE KA TENG GA LENTSU LA MODIMO | MATEWU 8-9
“Jeso ke mo a Rata Batho”
(Matewu 8:1-3) Mo a šele a thewogiye thabeng, megoba ye megolo ya batho e yye ya mo latelela. 2 Ke mokane gwa nyarela motho wa go kena ke lephera, a segela a kgotamela Jeso a re: “Morena, mo wene o nyaka, o ka maka gore ke yele.” 3 Ke mokane a wolola letsogo lage, a mo tikisa, a re: “Ke ya nyaka! Yela.” Ka nako yonone lephera la tloga, a napa a yela.
nwtsty tso di fatisisiwweng ga Mat 8:3
a mo tikisa: Molawo wa Moše ke mo o re batho bo ba kenneng ke lephera ba ba kwalele ku kgole le batho gore ba sa ba tsheletse. (Lef 13:45, 46; Dipalo 5:1-4) Mara bo ba yetiyeng dikereke ka ku mahlong ba Majuda ke mo ba yeketsa ka tse dingwana mo ga molawo wowa. Ke mo ba re gare ga motho wa go kena ke lephera le motho wa gabutši, ke mo go tshwanele go be le sekgala sa 1.8 ya dimitha (6 ya mafiti), mo go na le moya, sekgala sone go be 45 ya dimitha (150 ya mafiti). Melawo yone ne yi maka gore ba go ba le lephera ba makiwe lešidi. Baruti bowa ke mo ba wutamela bo ba go tshwara ke lephera fote ba bangwana ke mo ba ba pora ka matlapa, setšo sa gana ku ke mo se re tso ba di makang ke tsona. Jeso yene o yye a kwa go baba ka matla ka taba la motho ye wa go kena ke lephera, a šinya a maka so Majuda ya mangwana ne a ka sa se leketsi—o yye a tikisa monna yewa. Ke mo a ka di kgona go mo yalafa ka go fo bolabola se sengwana, mara o kgetiye go mo tikisa.—Mat 8:5-12.
ke ya nyaka: Jeso o kwile tso monna yewa a di kgopelang a boya a šupetsa gore o di nyaka ka matla go mo gelepa, go šupetsa gore ke mo a sa fo makela solanka.
(Matewu 9:9-13) Ke mokane, mo Jeso a tloga gana hala, o bonne monna ye ba reng ke Matewu a duli ofising ya go patedisa mothelo, ke mokane a re gage: “Nšale morago.” A napa a tlogamela a mo šala morago. 10 Ka morago, mo a kene a ja a duli ka ntlong, batho ba go tlala ba go patedisa mothelo le ba go maka tsa go befa ba kena, ke mokane ba thoma go ja ba na le Jeso le bo ba mo šalang morago. 11 Mara mo bo ba Mafaraseyi ba bona tsotsone, ba butsisa bo ba mo šalang morago ba re: “Ke ntaba thitšere ya lune e ja le ba go patedisa mothelo le ba go maka tsa go befa?” 12 A ba kwa, a re: “Batho ba go philega a ba nyake dokotela, mara ba go lwala ke bona ba yi nyakang. 13 Ariyeneng le ye tšhuteng gore so se ra gore king: ‘Ke nyaka go kwelana go baba, a ke nyake sehlabelo.’ Ka gore nna ke tlele go bitsa ba go maka tsa go befa, a ke ya tlela ba go maka tsa gabutši.”
nwtsty tso di fatisisiwweng ga Mat 9:10
go ja: Kela go “tiketla tafoleng.” Go tiketla tafoleng le motho ke mo go šupa gore wene le motho yene le ya kwana. Ka taba lone, ka nako ya Jeso Majuda ne ma ka se tiketle tafoleng, kela go ja, le batho bo go seng Majuda.
ba go patedisa mothelo: Majuda ya go tlala ke mo ma berekela Maroma mo ma patedisa mothelo. Batho ke mo ba hloyye Majuda yane ka taba la gore ke mo ba berekisana le mmušo wa ka tawong wo ke mo ba wo hloyye fote ke mo ba yeketsa mo ba patedisa mothelo. Ga go tlala Majuda ke mo ma nyenya batho bo ba go patedisa mothelo, ke mo ba ba tshwanisa le ba go maka tsa go befa le dinghwahla.—Mat 11:19; 21:32.
(Matewu 9:35-38) Ke mokane Jeso a thoma go sepela ditoropong tse dikgolo le dimitšaneng, a tšhutisa disinagogeng tsa bona a biye a bolabola ka ditaba tso tsa go bafala tsa Mmušo fote a fodisa mehlobo ka moka ya malwele le mehlobo ka moka ya bokoka. 36 Mo a bona megoba ya batho, o yye a yi kwela go baba, ka gore ke mo yi šegamme le go pawoga go tshwana le dinku tsa gore a di na wa go di disa. 37 Ke mokane a re, ga bo ba mo šalang morago: “Eya, mašemo ke ya magolo, mara go gayela dibereki. 38 Byalo, kgopelaneng Mong wa puno a romele dibereki punong yage.”
nwtsty tso di fatisisiwweng ga Mat 9:36
go kwela go baba: Lentsu la Segerika la splag·khniʹzo·mai lo le berekisiwweng mo le ra “mala” (splagʹkhna), le šupetsa gore o kwa o tikisega ka ku teng-teng ga mmele, o kwa di go thonoga. Ke lentsu la go kwala ka matla ka Segerika mo le šupetsa gore motho o kwelana go baba.
Go Wunyulla tso di Wutammeng
ka Baebeleng
(Matewu 8:8-10) Ye mogolo wa masole a fetola a re: “Morena, a di ntshwanele tsa gore o tle ka ntlong ya ka, mara o ka fo bolabola lentsu ke mokane molata waka o nyoko fola. 9 Ka gore le nna ke ya lawodiwa, fote ke lawola masole, ke re ga ye mongwana, ‘Ariye!’ a ya, ga ye mongwana ka re, ‘Tlang ho!’ a tla, ga molata waka ke re, ‘Maka so!’ a se maka.” 10 Mo Jeso a kwa tsotsone a makala, a botsa bo ba mo šalang morago a re: “Ye lune! le Israyeleng a ke so bone motho wa go ba le tumelo ya go tshwana le yo.
w02 8/15 13 ¶16
“Ke le Beyisele”
16 Mo ye mogolo wa masole—di ka makega gore ke mo a tšwa mafaseng ya ka tawong, go le Moroma—a ya ga Jeso a mo kgopela gore a yalafe molata wage, Jeso ke mo a di tšiba gore lesole lo le na le diphošo tsa go tlala. Ye mogolo wa masole wa nako yenela di ka makega gore o thilafatsiye ke dilo tsa go tlala dintweng, go bolaya batho le go rapela medimo ya matsaka. Mara Jeso o yye a kraya selo sa gabutši mo ga monna yewa—selo sone ke tumelo yage. (Matewu 8:5-13) Mo Jeso a šele a bolabodiye le sekgohlane so ke mo ba se kokotele thina naye, aa se thonoga ka go se gopotsa tso ke mo se di maka mara o se butsiye gore dilo di nyoko loka ku mahlong. (Luka 23:43) Jeso ke mo a tšiba gore go hlwa o thonoga batho ka go ba šupetsa diphošo tsa bona go maka gore ba kgongwele. O thanakiye ba go tlala, le bona ba napa ba ganya dikobo gore ba ye mahlong ba maka tsa gabutši.
(Matewu 9:16, 17) Aa šiyo ye a tšhisang kobo ya botala ka llapi la nyuwane, ka gore setšhiso so sa nyuwane se goga kobo yo ke mokane ya napa yi maka lešuba le legolo. 17 Le batho mo ba fetsa go maka mokgete, a ba wo tšhele ka dikutung tsa botala. Mo ba ka maka sone, dikutu tsone di nyoko bharasa ke moka mokgete wa falaga, dikutu tsela tsa sinyega. Mara mo batho ba sa tšwa go maka mokgete, ba wo tšhela ka teng ga dikutu tsa nyuwane, dilo tso ka dipedi ga tsona a di sinyege.”
Ke Ntaba bo ba Šalang Jeso Morago ba sa Tikone tsa go ja?
Jeso ke mo a gelepa bo ba šalang Johane wa go Kolobetsa morago, gore ba sa ba nagane gore bo ba šalang Jeso morago ba nyoko latelela mekgwa ya botala ya Sejuda, ya go tshwana le go tikona tsa go ja. Ke mo a sa tlela go tšhisa borapedi bya botala gore bo sa yakgoswe bo hlagala, ka gore ke mo bo šele bo hlagele, borapedi byone ke mo bo tshwanele go lahliwa. Marapelelo ya Jeso a reng ma tshwanele go berekisiwa a yi ya go kwana le Sejuda sa go tlala ka ditšo. Ke mo a sa leketse go tšhisa kobo ya go hlagala ka llapi la nyuwane, kela go tšhela mokgete wa gore o sa tšwa go makiwa ka sekutung sa botala.
Go Bala Baebele
(Matewu 8:1-17) Mo a šele a thewogiye thabeng, megoba ye megolo ya batho e yye ya mo latelela. 2 Ke mokane gwa nyarela motho wa go kena ke lephera, a segela a kgotamela Jeso a re: “Morena, mo wene o nyaka, o ka maka gore ke yele.” 3 Ke mokane a wolola letsogo lage, a mo tikisa, a re: “Ke ya nyaka! Yela.” Ka nako yonone lephera la tloga, a napa a yela. 4 Ke mokane Jeso a re gage: “O sa botse motho wa di kwa, mara ariye ga moprista o ye o mo tshwarele so Moše a itsering a neyiwe sona, gore go be sa go ba hlatsela.” 5 Mo a segela Kepernawume, ye mogolo wa masole a tla gage, a mo kgopela di mmaba 6 a re: “Morena, molata waka o kgwile bogašu o yetsele ku ntlong, o kwa go baba ka matla.” 7 A re gage: “Mo ke segela gana ku, ke nyoko tla ke mo fodisa.” 8 Ye mogolo wa masole a fetola a re: “Morena, a di ntshwanele tsa gore o tle ka ntlong ya ka, mara o ka fo bolabola lentsu ke mokane molata waka o nyoko fola. 9 Ka gore le nna ke ya lawodiwa, fote ke lawola masole, ke re ga ye mongwana, ‘Ariye!’ a ya, ga ye mongwana ka re, ‘Tlang ho!’ a tla, ga molata waka ke re, ‘Maka so!’ a se maka.” 10 Mo Jeso a kwa tsotsone a makala, a botsa bo ba mo šalang morago a re: “Ye lune! le Israyeleng a ke so bone motho wa go ba le tumelo ya go tshwana le yo.”11 Mara ke ya le botsa, Mmušong wa magedimo ba go tlala ba go tšwa bohlabela le bodikela ba nyoko tla ba dula tafoleng le Abrahama le Isaka le Jakobo; 12 ke mokane barwayi ba Mmušo ba nyoko bošediwa letshwifing ka tawong. Gana hone go nyoko ba le go lla le go fefana ga meno.” 13 Jeso a re ga ye mogolo wa masole: “Ariye. Ka gore o šupetsiye gore o na le tumelo, di nyoko makega ka mokg’o o kgopeleng.” Ke mokane molata a fola ka nako yonone. 14 Mo Jeso a kena gaye ga Petro, a bona matsal’age a yetsele, mmele wage o fo fisafisa. 15 A mo tikisa letsogo, ke mokane go fisafisa mmele gwa fela, ke mokane mosadi yewa a tsoga a thoma go mmerekela. 16 Mara mo se le kgwalele, ba mo leyela batho ba go tlala bo ne ba hlopa ke madimona; a fo raka moya wone ka go fo bolabola, a yalafa ka moka bo ke mo ba hlopega, 17 gore so se bolabodiyeng ke moporofeta Jesaya se makege sa gore: “O tsere malwele ya rune a ma rwala.”
JANUARY 29–FEBRUARY 4
MAKOLWANE KA TENG GA LENTSU LA MODIMO | MATEWU 10-11
“Jeso ke mo a Šiya Batho ba Yimollugiye”
(Matewu 10:29, 30) Ditiyane ka dipedi di rekisiwa ka peni ya lešidi, akere? Mara le ka yyoši yi ka sa wele fase Papa wa lune a sa di tšibi. 30 Le mong meriri ya mo dihlogong tsa lune yi balediwwe ka moka.
nwtsty tso di fatisisiwweng ga Mat 10:29, 30
ditiyane: Lentsu la Segerika la strou·thiʹon le ra dinonyane tse dinyana, ga go tlala le ra ditiyane, nonyane ya go tšhipa ka matla ya gore ya jiwa.
ka peni ya lešidi: Gabutšibutši ke, “tenariyase,” ya gore ke mo go le tšheleta yo monna a ka yi golang mo a berekiye 45 ya diminitsi. (Bona App. B14.) Gana byalo Jeso ke mo a yeta la boraro Galeliya, ke mokane o re ditiyane ka dipedi di rekiwa ka tenariyase. Ka nako ye nngwana, kela ke mo go šele go fitiye mongwaga Jeso a kene a tšhomayela Judeya, o re ditiyane ka dihlano di ka rekiwa ka tšheleta ya go feta yela. (Lu 12:6) Mo mmeyisong wo re tšhuta gore ditiyane ke mo di tšhipiye ka matla la gore bo ba rekisang ke mo ba go neya ya bohlano go le bhazela.
le mong meriri ya mo dihlogong tsa lune yi balediwwe ka moka: Ba re mo o balela meriri hlogong ya motho, yi ka teya ka ku ga 100 000. Gore Jehova o tšiba le taba yonone ye nyananyana go napa go ro re šupetsa gore ye mongwana le ye mongwana ye a latelelang Kreste, o mo jabodisa ka matla.
nwtsty ditaba
Tiyane
Ditiyane ke mo go le dinonyane tsa go jiwa tsa go tšhipa ka matla. Mo go le ka dipedi, o ka di reka ka tšheleta ya go lekana le yo o yi berekeleng 45 ya diminetse. Lentsu la Segerika le bolabolela dinonyane tsa mošagašaga, le tiyane yo batho ba yi tlwayeleng (Passer domesticus biblicus) le tiyane ya ku Sepaniya (Passer hispaniolensis), di sa tlele ka matla ku Israyele.
(Matewu 11:28) Tlaneng mo gaka, lune ka moka ba gore le goga go baba fote le kwa go roba, ke nyoko le yimulla.
nwtsty tso di fatisisiwweng ga Mat 11:28
go kwa go roba: Bo Jeso a ba bitsiyeng ke mo ba “kwa go roba” ka taba la go šekela le go goga go baba. Ke mo ba roba ke go rapela Jehova ka taba la ditšo tsa bona tso ke mo ba di tšhediye ga Molawo wa Moše. (Mat 23:4) Le Sabatha, ya gore ke mo yi makediwwe go ba yimolla, ke mo yi ba roba.—Ek 23:12; Mar 2:23-28; Lu 6:1-11.
ke nyoko le yimolla: Lentsu la Segerika la gore “yimolla” le ka bolabolela go khutsa (Mat 26:45; Mar 6:31) le go rola morwalo gore o khutse le go kraya matšhika (2Ko 7:13; Flm 7). So se šupetsa gore go rwala “lejoko” la Jeso (Mat 11:29) di rela le go mmerekela, ye seng go khutsa. Lentsu la Segerika le bolabola ka Jeso gore o hlohleletsa le go neya matšato bo ba fediyeng matšhika gore ba nyake go rwala lejoko lage la go fefoga le la gabutši.
(Matewu 11:29, 30) Rwalaneng lejoko laka le tšhuteneng mo gaka, ka gore ke nna motho wa go beba le wa go tinyanafatsa. 30 Le lejoko laka le gabutši, fote morwalo waka wa fefoga.”
nwtsty tso di fatisisiwweng ga Mat 11:29
Rwalaneng lejoko laka: Jeso o berekisiye lentsu “lejoko” a šupetsa gore re theetsele tso a re botsang tsona le tso a reng re di make. Mo nkare ke mo a bolabola ka lejoko la go ba le mo go kenang melala ka mmedi, la go tshwana le lo Modimo ke mo a tšhediye Jeso ga lona, di ra gore ke mo a mema bo ba mo latelelang gore ba kene naye lejokong ke mokane o nyoko ba gelepa. Mo go le sone, mantsu yawa, ne ma tlo re: “Nrwadiseneng lejoko laka.” Mo yi le gore lejoko lo ke la gore Jeso o le neya ba bangwana, sone se ra gore batho bo ba mo latelelang ba theetsela yene fote ba ka tlase gage.
Go Wunyulla tso di Wutammeng ka Baebeleng
(Matewu 11:2, 3) Mara mo Johane a le ku jele a kwelela ka tso Kreste a di makang, a roma bo ba mo latelelang 3 gore ba mmotsisele gore: “Go tla wene kela re yemele ye mongwana?”
Johane o Nyaka go Tikwela Gore Jeso ka Boyenemong o re King
Mara putsiso yone a ye makatse nje? Johane ke mo go le motho wa go kwana ka matla le tso tsa Modimo, fote mengwaga ka mmedi mo a soko ya jele, o yye a bona moya wa Modimo o thewogela ga Jeso mo a mo kolobetsa a boya a kwa le lentsu la Modimo la go šupetsa gore o jabodisa ke Jeso. Tla re sa naganeng gore tumelo ya Johane ke mo yi šele yi thoma go pomega. Mola yi le gore ke mo yi pomega, Jeso nke a sa mo thanake ka mokg’o a mo thanakang ka gona. Mara Johane le yene mo yi le gore aa kamake, ke ntaba a butsisa tsotso a di butsisang ka Jeso?
Di ka makega gore Johane o fo tinyakela gore Jeso a bolabole ka boyenemong gore ke yene Mesiya. Go kwa tsotsone e go nyoko kgomoletsa Johane ka matla mo a kene a kwa go baba ga jele. Fote putsiso yo ya Johane yi šupetsa gore ke mo go le motho wa go nagana. Ke mo a di tšiba gabutši Diporofeto tsa Baebele tsa go re Motlotsiwa wa Modimo go nyoko ba kgoši fote o nyoko lepolla. Mo go šele go fitiye dikgwedi tsa go tlalanyana Jeso a kolobetsiwwe, Johane ke yenene o jele. Byalo Johane o fo ba a tiputsisela gore nje aa šiyo ye mongwana ye a nyoko tlang naa, wa gore o nyoko latelela Jeso, ye a nyoko tlang a fetsisa dilo ka moka tso e go bolabodiwwe botala gore Mesiya o nyoko di maka.
(Matewu 11:16-19) “Nka tshwanisa batho bowa le bomang? Ba tshwana le dibananyana tso di duling mmakete, tso di yahlamelang banghana ba tsona, 17 di re: ‘Re le teyele sempsherere, mara la sa bini; re gutliye mara la sa re kwele go baba.’ 18 Mo Johane a segela ke mo a sa ji fote a sa nwe, batho ba re ‘Ye o kenne ke ledimona.’ 19 Ke mokane gwa segela Morwayi wa motho, yene a ja fote a nwa, batho ba re, ‘Bonaneng! Monna ye o na le dipawo fote o kwana ka matla le mokgete, ke monghana wa ba go patedisa mothelo le ba go maka tsa go befa.’ A go na taba, gore motho o hlalifiye, re bona ka tso a di makang.”
Batho ba go sa Thogathoge ba ko Tikweleng
Jeso ke mo a kwana ka matla le Johane wa go Kolobetsa, mara batho ba go tlala ke mo ba mo tseya byang? Jeso o re batho bowa “ba tshwana le dibananyana tso di duling mmakete, tso di yahlamelang banghana ba tsona, di re: ‘Re le teyele sempsherere, mara la sa bini; re gutliye mara la sa re kwele go baba.’ ”—Matewu 11:16, 17.
Jeso o ra byang? Mo a yedisa taba o re: “Mo Johane a segela ke mo a sa ji fote a sa nwe, batho ba re ‘Yewa o kenne ke ledimona.’ Ke mokane gwa segela Morwayi wa motho, yene a ja fote a nwa, batho ba re, ‘Bonaneng! Monna ye o na le dipawo fote o kwana ka matla le mokgete, ke monghana wa ba go patedisa mothelo le ba go maka tsa go befa.’ ” (Matewu 11:18, 19) Johane ke mo a tiphilela lephelo la lola ka gore ke mo go le Monazari, le mokgete a sa nwe, mara batho bo ke mo ba re o na le ledimona. (Dipalo 6:2, 3; Luka 1:15) Jeso yene o phela go tshwana le batho ba bangwana. Mo a ja le mo a nwa ke mo a meta, mara ke mo ba fore o ya ka matla. Motho yene o ka sa mo kgotsofatse.
Go Bala Baebele
(Matewu 11:1-19) Mo Jeso a šele a butsiye 12 ya bo ba mo latelelang gore ba make ying, o yye a tiputsa gore o ya go tšhutiseng le go tšhomayela dimitšaneng tsa bona. 2 Mara mo Johane a le ku jele a kwelela ka tso Kreste a di makang, a roma bo ba mo latelelang 3 gore ba mmotsisele gore: “Go tla wene kela re yemele ye mongwana?” 4 Mo Jeso a ba fetola a ba botsa a re: “Ariyeneng le ye botsa Johane tso le di kwang le tso le di bonang: 5 Gana byalo difofu di ya bona, digole di ya sepela, ba go kena ke lephera baa yedisiwa le ba go sa kwe se baa kwa, ba gore ba kgwile baa tsusiwa, le ba go hlopega ba butsiwa ditaba tsa go bafala. 6 Go jabola wa gore a ke mo tlapele.” 7 Mo ba kene ba sepela, Jeso o yye a thoma go bolabola le megoba ya batho ka Johane a re: “Mo le ya ku mašahleng, ke mo le ye bona ying? E le ye bona lehlaka mo le kene le tekatekisa ke moya? 8 Mpotseneng ša, le re ke mo le ye bona ying? E le ye bona motho wa go yapara dikobo tsa go tšhepa tsa maboya? Phela ba go yapara tsa maboya ba dula dintlong tsa dikgoši. 9 Mpotseneng ša, anthe e le ye maka ying ka ku tawong? E le ye bona moporofeta? Ke ya le botsa gee, fote nna ke feta moporofeta kgole. 10 Ye ke yene motho ye go ngwadiwweng ka yene mo ba re: ‘Bonaneng! Ke roma molata waka gore a go yete mahlong, o nyoko go kgorela tsela!’ 11 Ke le botsa nnete ya go felegelela ke re ga basadi ka moka bo ba belegiyeng, a gona le ka wweši ye a godisiyeng ngwana wa go feta Johane wa go Kolobetsa, mara ye monyananyana wa Mmušong wa ku magedimong wa mo feta. 12 Go tlugisela ka dinako tsa mo go phela Johane wa go Kolobetsa go segela lekgono, batho e ba kene ba ganya dikobo gore ba kene Mmušong wa magedimong, fote bo ba karakarang baa kena. 13 Ka gore ka mokana ga bona, ke ra Baporofeta le Molawo, ba porofitiye ba kgera ka Johane; 14 fote gore le di kwisise, le fo tseya gore, motho ye ke ‘Eliya ye a nyoko segelang.’ 15 Wa gore o na le ditsebe a theetsele. 16 Nka tshwanisa batho bowa le mang? Ba tshwana le dibananyana tso di duling mmakete, tso di yahlamelang banghana ba tsona, 17 di re: ‘Re le teyele sempsherere, mara la sa bini; re gutliye mara la sa re kwele go baba.’ 18 Mo Johane a segela ke mo a sa ji fote a sa nwe, batho ba re ‘Yewa o kenne ke ledimona.’ 19 Ke mokane gwa segela Morwayi wa motho, yene a ja fote a nwa, batho ba re, ‘Bonaneng! Monna ye o na le dipawo fote o kwana ka matla le mokgete, ke monghana wa ba go patedisa mothelo le ba go maka tsa go befa.’ A go na taba, gore motho o hlalifiye, re bona ka tso a di makang.”