Ditodi tsa Sepukwane sa Mogahlano wa Maphelelo le Matšhomayelelo
FEBRUARY 5-11
MAKOLWANE KA TENG GA LENTSU LA MODIMO | MATEWU 12-13
“Mošupetso wa Korong le Ngwere”
(Matewu 13:24-26) O ba makele mošupetso wo mongwana a re: “Mmušo wa magedimo re ka wo tshwanisa le monna ye a gašang pewu ya gabutši tšhomong yage. 25 Mo batho ba sa yetsele, gwa segela lenaba lage la gaša ngwere mo gare ga korong ke mokane la tloga. 26 Mo yi šele yi mela yi thoma go nyaretsa diyengwa, le ngwere ya thoma go nyarela.
“Bonaneng! Ke na le Lune ka Moka Matšatši”
2 Selo so se makegang sebayeng sa ye a lemang se šupetsa gore Jeso o nyoko kgobaketsa byang batho bage ba go tshwana le korong—Makreste ya go tlotsiwa ya ma nyoko lawolang naye Mmušong wage—le gore tsotsone di nyoko makega neng. Go gaša go thomme ka Pentekoste ya 33 C.E. Go kgobaketsa go nyoko felegelela mo bo ba go tlotsiwa ba gore ba sa phela ga dinako tso tsa mafelelo ba kraya setwaba sa mafelelo ke mokane ba yisiwa legedimong. (Mat. 24:31; Kut. 7:1-4) Go fo tshwana le mo motho ye a yemmeng sewokamelong gedimo ga thaba a kgona go bona dilo ka mokana ga tsona tso di makegang ku fase, mošupetso wowa wo re gelepa go bona dilo tso di nyoko tseyang gana mola ga bo-2 000 ya mongwaga gore di makege. Mo re lebelele, ke dilo difeng tsa go nyalelana le Mmušo tso re di lemogang? Mošupetso wowa wo hlatolla nako ya go gaša, go gola le go buna. Hlogotaba yo yi nyoko bolabola ka matlamatla ka nako ya go buna.
MO JESO A KENE A RE PASOPA
3 Mo go thomisa mongwaga wa bo-200 C.E., “ngwere yi yye ya thunya” mo Makreste ya go timakisa ma nyarela lefaseng. (Mat. 13:26) Mo go segela mongwaga wa 400, Makreste ya go tshwana le ngwere ke mo ma šele ma phiphetsiye Makreste yala ya go tlotsiwa. Gopola gore ga mošupetso wola, malata ma kgopele mong wa wona gore a ma dumelele ma tomole ngwere. (Mat. 13:28) Mong wa wona o itseri king?
(Matewu 13:27-29) Ke mokane malata ya mong wa ntlo ma segela gage ma re, ‘Morena, ku tšhomong yago o gašiye pewu ya gabutši akere? Byalo ke ntaba go midiye le ngwere?’ 28 Mo a ba fetola a re, ‘Go makiye lenaba, motho.’ Malata ma re gage, ‘Byalo o nyaka re ye re yi kgoboketse?’ 29 A re, ‘Awwa, ke tšhoga gore mo le kgoboketsa ngwere le ka šinya le tomola le korong.
“Bonaneng! Ke na le Lune ka Moka Matšatši”
4 Mo Jeso a bolabola ka korong le ngwere, o itseri: “Di lesetseneng di goleneng ggoši, go šinye go segele nako ya go buna.” Taba yo yi šupetsa gore Makretse ya go tlotsiwa ya go tshwana le korong ke mo ma kene ma le gona mo lefaseng go tlogisela botala ka dinako tsa mapostola. Jeso o napiye a yi swinelela taba yone mo a botsa bo ba mo latelelang a re: “Ke na le lune ka moka matšatši go segela mafelelong ya masipidiselo yawa ya dilo.” (Mat. 28:20) Byalo Jeso o itseri ka moka matšatši o nyoko pasopa Makreste ya go tlotsiwa, go segela mafelelong. Ka gore ba phiphetsiye ke Makretse ya go tshwana le ngwere, a re di tšibi gabutši gore ka nako yonone ya go lefa, ke bomang bo ka mannete ba welang ga korong. Mara mengwaga ya go tlala ya mo go soko buniwa, bo ba welang ga korong ba yye ba thoma nkare baa bonala nyana. Ka ying?
(Matewu 13:30) Di lesetseneng di goleneng ggoši, go šinye go segele nako ya go buna, mo go šele go segele nako ya go buna, ke nyoko botsa bo ba bunang gore: Thomisaneng le kgoboketsa ngwere le yi make dingata gore le kgone go yi tšhuba; ke mokane le rwalele korong le yi tšhele ka seralong.’ ”
“Bonaneng! Ke na le Lune ka Moka Matšatši”
10 Thomisaneng ka go kgobaketsa ngwere. Jeso o re: “Mo go šele go segele nako ya go buna, ke nyoko botsa bo ba bunang gore: Thomisaneng le kgoboketsa ngwere le yi make dingata.” Mo go šele go fitiye 1914, barongwa ba thomisiye go “kgoboketsa” Makreste ya go tshwana le ngwere ba ma tlosa ga ba go tlotsiwa, bobone ke “barwayi ba Mmušo wa Modimo.”—Mat. 13:30, 38, 41.
11 Mo go kene go buniwa, go yye gwa thomisa go bonala gabutši gore megoba ye ka mmedi a yi tshwane. (Kut. 18:1, 4) Ka 1919, di napiye di šupetsa gore Babilona ye Mogolo o wile. King so se napiyeng se hlawola Makreste ya mannete ga ya go timakisa? Ke mmereko wa go tšhomayela. Bo ba tshwareleng Ba go Tšhuta Baebele tewu ba yye ba thoma go bolabolela ka matla gore re make mmereko wo wa go botsa batho ka Mmušo. Mo re beyisa, go na le sephephane so ba se makiyeng ka 1919 sa gore To Whom the Work Is Entrusted, sephephane sone se hlohleletsiye Makreste ka mokana ga wona ya go tlotsiwa gore ma tšhomayele mutši ka mutši. Ke mo se re: “Mmereko wo wa makatsa mo o wo lebelele, mara ke wa Morena, fote ke yene a nyoko re neyang matšhika ya go wo maka. Ba hlawodiye lune gore le wo make.” Ba fetodiye ba re king? Go tlogisela ka nako yonone go ya mahlong, Sewokamelo sa 1922 se bolabodiye gore, Ba go Tšhuta Baebele ba yye ba ganya dikobo mo ga mmereko wowa wa go tšhomayela. Go se botala, go tšhomayela mutši ka mutši go biye setwaba sa Makreste ya go tshepega—le lekgono go sa fo ba ka mokg’onone.
12 Sa bobedi, go rwalela korong. Jeso o re ga barongwa bage: “Ariyeneng le rwalele korong le yi tšhele ka seralong saka.” (Mat. 13:30) Go tlugisela ka 1919, bo ba tlotsiwweng ba yye ba kena ka teng ga phutego ya Sekreste ya gore yi makiwwe bonyuwane. Makreste yane ya go tlotsiwa ya ma nyoko bang ma sa phela mo mafelelo ya masipidiselo yawa ya dilo ma segela, ma nyoko kgobaketsiwa la mafelelo ke mokane ma kraya patela ya wona ya legedimong.—Dan. 7:18, 22, 27.
Go Wunyulla tso di Wutammeng ka Baebeleng
(Matewu 12:20) A ka sa nape a robanya lehlaka mo le kunegiye, le mo hlase yi tupa a ka sa nape a yi tima, gore a šinye a leye go loka, fote di ka sa mo šiti.
nwtsty tso di fatisisiwweng ga Mat 12:20
hlase: setšhubampara sa gore ke mo batho ba se tlwayele ne go le se sengwana se senyana sa go makiwa ka letsopa sa gore ke mo se tšhediwa makgura ya seyengwa sa go tshwana le dihlo, so ba reng ke olive. Ke mo ba tšhela thapo gore yi mome makgura gore llampa lone le ye mahlong le dura. Lentsu la Segerika la gore “hlase” le ka fo ba le rela hlase ya gore yi sa tupa mara yi thina le go tima. Seporofeto sa Jesaya 42:3 se bolabodiye botala gore Jeso o nyoko kwelana go baba; ke mo a ka sa timi le hlase ye nyananyana ya tshepo ga batho ba go tinyanafatsa le ba go kgongwela.
(Matewu 13:25) Mo batho ba sa yetsele, gwa segela lenaba lage la gaša ngwere mo gare ga korong ke mokane la tloga.
w16.10 32
Nje o di Kwelele?
Nje ke nnete gore botala motho ne a ka gaša ngwere tšhomong ya motho ye mongwana?
GA MATEWU 13:24-26, Jeso o re: “Mmušo wa magedimo wo ka tshwanisiwa le monna ye a gašiyeng pewu ya gabutši sebayeng sage. Mo batho ba sa yetsele, gwa segela lenaba lage la gaša ngwere mo gare ga korong ke mokane la tloga. Mo yi thomisa go mela ke mokane yi yengwa, le ngwere yi yye ya thunya.” Ba go ngwala ba mošagašaga a ba tshepe gore mošupetso wo ke nnete, mara dipuku tsa botala tsa Roma di šupetsa gore ke nnete.
Dikišinari ye nngwana ya go hlatolla Baebele yi re: “Molawo wa Roma ke mo wo re motho wa go gaša ngwere sebayeng sa ye mongwana a re wa busetsa . . . wa tšhega. Go fore nje go yye gwa beyiwa molawo ga taba yone di fo šupetsa gore batho ke mo ba di maka ga go tlala dilo tso.” Ye mongwana wa go tšhutela dilo tsa molawo ye ba reng ke Alastair Kerr o hlatolla gore ka 533 C.E., ye ba reng ke Justinian wa go Lawola Roma o yye a ngwala puku ye ba reng ke Digest, ya go hlatolla molawo wa Roma le ditlopotlopo tso di bolabodiyeng ke bo ba beyyeng melawo yone (gana ku ga bo-100-250 C.E.). Go ya ka puku yone (Digest, 9.2.27.14), ye mongwana wa gore le yene ke mo a na le bo ke mo ba beya melawo ye ba reng ke Ulpian o yye a bolabola ka molato wa gore wo yye wa yahlola ke motho wa go hlompega ka matla wa Moroma ye ba reng ke Celsus. Ngwere yi gašiwwe sebayeng sa motho ye mongwana, ya kgamanya tso ke mo ba di gašiye gana hone. Puku yo ya Digest yi hlatolla gore ke dilo difeng tsa gore molawo wa dumela gore di make ke mong wa tšhomo kela motho ye a lemmeng gana hone, gore motho yela a mo sinyeleng a šinye a mo patele.
Ka gore batho bo ne ba lawola ke Mmušo wa Roma wa botala ke mo ba na le lešidi la go šinya ba maka dilo tsone, di ya šupetsa gore Jeso ke mo a resa.
Go Bala Baebele
(Matewu 12:1-21) Ka nako yonone Jeso ke mo a sepela gare ga tšhomo ya korong ka Sabatha. Bo ba mo latelelang ba thoma go kwa tlala, ba fohla dithoro tsa korong ba di ja. 2 Mo Mafaraseyi ma bona tsotsone ma re gage: “Bona ša! Bo ba go latelelang ba maka dilo tsa gore a di makiwi ka Sabatha.” 3 A re ga bona: “Ayitsano a le ya bala ka so Dafita le bo ke mo a le nabo ba se makiyeng mo ba kwa tlala? 4 A le ya di kwa gore o kenne ka ntlong ya Modimo, ba segela ba ja dikgwa tsa sebego, ba taka molawo le bo ne ba le naye ke mo ba sa tshwanela go ja, mara ke mo go ja maprista fela? 5 Kela a le ya bala Molawong gore ka Sabatha Maprista ka ku tempeleng ma nyanafatsa Sabatha mara a go na ye a reng ma sinnye? 6 Mara ke ya le botsa gore se sengwana se segolo ga tempele se gana howa. 7 Mola le kwisisiye gore mantsu yawa ya gore, ‘Ke nyaka go kwelana go baba, a ke nyake sehlabelo,’ ma ra gore king, ke mo le ka sa šupašupe ba go hloka molato. 8 Ka gore Morwayi wa motho ke Morena wa Sabatha.” 9 Mo a tloga polekeng yonone, a ya ku sinagogeng sa bona, 10 mo a šutela, a bona go na le monna wa letsogo la go kokotana! Ke mokane ba mmutsisa ba re, “Tsa go yalafa ka Sabatha molawo wa di dumela?” ka taba la gore ke mo ba mo nyakisa. 11 A ba botsa a re: “Mo o na le nku ka yyoši ke mokane nku yone ya wela ka sekoting go le Sabatha, o gona ye a ka sa yi tshwareng a yi gogela ka tawong? 12 Motho o hlokega ka matla go feta nku! Byalo, molawo wa dumela go maka selo sa gabutši ka Sabatha.” 13 Ke mokane a re ga monna yela: “Wolola letsogo lago.” Ke mokane a le wolola la fola la tshwana le lela le lengwana. 14 Mara Mafaraseyi ma tsama ma kutšetsela batho gore a tle a bolayiwe. 15 Mo Jeso a kwa tsosone, a napa a tloga gana hone. Ba go tlala le bona ke mo ba mo latelela, ke mokane a ba yalafa ka mokana ga bona, 16 mara a ba botsa gatleletlele gore ba sa botse motho, 17 gore go makege so se bolabodiwweng ka moporofeta Jesaya, wa gore o itseri: 18 “Bona! Molata waka ye ke mo hlawodiyeng, ye ke mo nyakang ka matla, ye ke mo yamogeleng! Ke nyoko beya moya waka gedimo gage, gore di bonale ga ditšhaba gore o lukiye. 19 A ka sa lakatse kela a yahlamela, lentsu lage ba ka sa le kwe le ku dipateng tse dikgolo. 20 A ka sa nape a robanya lehlaka mo le kunegiye, le mo hlase yi tupa a ka sa nape a yi tima, gore a šinye a leye go loka fote di ka sa mo šiti. 21 Ka nnete, ditšhaba di nyoko tshepa lebitso lage.”
FEBRUARY 12-18
MAKOLWANE KA TENG GA LENTSU LA MODIMO | MATEWU 14-15
“Le mo ba sa Tlala, ba Yenetsa ba go Tlala”
(Matewu 14:16, 17) Mara Jeso a ba botsa a re: “Ba sa tloge; lune ba neyeneng tsa go ja.” 17 Ba re gage: “A re na selo mowa, re fo ba le dikgwa ka dihlano le dihlapi ka dipedi.”
Le mo ba sa Tlala, ba Yenetsa ba go Tlala
2 Jeso mo a bona mogoba wa batho, o wo kwela go baba, ke mokane a yalafa ba go lwala fote a ba tšhutisa dilo tsa go tlala ka Mmušo wa Modimo. Mo go šele go fifala, bo ba mo latelelang ba kgopela Jeso gore a lisetse mogoba wone o ye we tirekela tsa go ja dimitšaneng tsa thina. Mara Jeso o botsa bo ba mo latelelang gore: “Lune ba neyeneng tsa go ja.” Mo ba kwa a reyane ba ka fo ba ba yye makala ka matla, ka gore tso ba di tshwereng a yi selo—malofo ka mahlano le dihlapi ka dipedi tse dinyana.
(Matewu 14:18, 19) O itseri: “Ba tliseneng mo gaka.” 19 Ke mokane a botsa mogoba gore o dule mabyaneng, o tiketle. Byalo a tseya malofo ka mahlano le dihlapi ka dipedi, a lebelela legedimong a rapela, mo a šele a ngathannye malofo yala, a neya bo ba mo latelelang gore go be bona ba neyang mogoba.
Le mo ba sa Tlala, ba Yenetsa ba go Tlala
3 Jeso o maka mohlolo ka taba la go kwela batho, mohlolo wone ke wona wo le ntoši wa gore wo ngwadiwwe ga Diebangedi ka moka ka dine. (Mareka 6:35-44; Luka 9:10-17; Johane 6:1-13) Jeso o roma bo ba mo latelelang gore ba botse mogoba gore o dulisege mo mabyaneng go be 50, ba bangwana go be 100 ya bona. Mo a šele a rapele, o thoma go ngathanya dikgwa le dihlapi. Jeso aa fo ba neya tsa go ja tsowa ka boyenebeng, mara o di neya “bo ba mo latelelang gore go be bona ba di neyang mogoba.” Mohlolo go biye wa gore ba jele ba šala ba di lebelele! O fo nagana nje: Jeso o fepiye ba go tlala a berekisa matsogo ya go sa tlala—ya bo ba mo latelelang.
(Matewu 14:20, 21) Ke mokane ka mokana ga bona ba ja ba kgora, ba tsama ba kotela ditlopotlopo tso ke mo di šele, 12 ya mmantši ya tlala tswi. 21 Bo ke mo ba ja ke mo go le gana ku ga 5 000 ya banna, le basadi le dibananyana.
nwtsty tso di fatisisiwweng ga Mat 14:21
le basadi le dibananyana: Ke Matewu fela ye a bolabodiyeng ka basadi le dibananyana mo a ngwala ka mohlolo wowa. Di ka makega gore bo ba fepiwweng ga mohlolo wone ba teya ka ku ga 15 000.
Le mo ba sa Tlala, ba Yenetsa ba go Tlala
TLA re fore o gana ku. (Bala Matewu 14:14-21.) Paseka ya 32 C.E. yi thina ka matla. Mogoba wa gana ku ga bo-5 000 ya banna, go sa badiwi basadi le bananyana, wo na le Jeso le bo ba mo latelelang mašuping ya ku thina le Bethesayida, wo ke mutši wa lebowa la leropho la Lewatle la Galeliya.
Go Wunyulla tso di Wutammeng ka Baebeleng
(Matewu 15:7-9) Lune ba go timakisa, Jesaya ke mo a resa mo a porofeta ka lune a re: 8 ‘Batho bo ba nthanaka ka melomo ya bona, mara dipelo tsa bona di kgole le nna. 9 A di thuši tsa gore ba dulela go nrapela, ka gore ba tšhutisa tso di bolabolang ke batho, ba re ke tsona.’ ”
nwtsty tso di fatisiswweng ga Mat 15:7
ba go timakisa: Lentsu la Segerika la hy·po·kri·tesʹ mathomisong ka Segerika (le ka Seroma) ke mo le rela batho ba gore mo ba kgana seralong, ke mo ba yapara selo se sengwana se segolo sa gore ke mo se gudisa lentsu. Lentsu lone le yye la napa le berekisiwa go tshwanisa motho ye a wutametsang so a leng sona ke mokane a timaka so a seng sona kela a timakisa. Mo Jeso o re bo ba Majuda ba gore ba yetiye mahlong ke “ba go timakisa.”—Mat 6:5, 16.
(Matewu 15:26) Mo a fetola a re: “A di ya loka go tseya sekgwa sa dibananyana wa se bošela dimpyanyana.”
nwtsty tso di fatisiswweng ga Mat 15:26
dibananyana . . . dimpyanyana: Ka gore Molawo wa Moše ke mo wo re dimpya a di ya yela, ga go tlala mo Mangwalo ma berekisa lentsu lowa, ma rela selo sa go tshwatisa. (Lef 11:27; Mat 7:6; Fil 3:2; Kut 22:15) Mo go bolabodiwa ka taba yo ya Jeso ga Mareka (7:27) le ga Matewu, go berekisiwwe lentsu la gore “sempyanyana” kela “mpya ya go dula ka ntlong” gore go kwalakwadiwe lela la go tshwatisa. Nakwenngwana so se šupetsa gore Jeso ke mo a bolabola ka bo go seng Majuda bo ba ratang go ruwa diphoofolo mitšing ya bona. Mo Jeso a tshwanisa Maisiraele le “dibananyana” ke mokane bo go seng Majuda a ba tshwanisa le “dimpyanyana,” ke mo a nyaka go hlatolla so se tshwaneleng se yete mahlong. Mutšing re thoma ka go neya dibananyana tsa go ja, dimpya di nyoko ja mo bona ba šele ba kguri.
Go Bala Baebele
(Matewu 15:1-20) Ke mokane Mafariseyi le bamangwalo ba tla ga Jeso ba tšwa Jerusalema, ba re: 2 “Ke ntaba bo ba go latelelang ba sa latelele setšo sa banna ba botala? Mo re beyisa, a ba hlape matsogo mo ba nyoko ja.” 3 Mo a ba fetola a re: “Ke ntaba le taka molawo wa Modimo ka taba la setšo sa lune? 4 Mo re beyisa, Modimo o itseri, ‘Hlompa papago le mmane wago,’ a boya a re, ‘Ye a sa bolaboleng gabutši ka papage le ka mmane wage a bolayiwe.’ 5 Mara lune le re, ‘Ye a reng ga papage kela ga mmane wage: “So ke nang naso sa gore se nyoko go gelepa, ke so se yang ga Modimo,” 6 a di hlope le mo a sa hlompe papage.’ Byalo le makiye lentsu la Modimo gore le sa kwagale ka taba la setšo sa lune. 7 Lune ba go timakisa, Jesaya ke mo a resa mo a porofeta ka lune a re: 8 ‘Batho bo ba nthanaka ka melomo ya bona, mara dipelo tsa bona di kgole le nna. 9 A di thuši tsa gore ba dulela go nrapela, ka gore ba tšhutisa tso di bolabolang ke batho, ba re ke tsona.’ ” 10 A napa a bitsa mogoba wo ke mo wo le thina ke mokane a wo botsa a re: “Theetselaneng le di kwisise: 11 Motho aa thilafatse ke so se kenang ka ganong gage, o thilafatsa ke so se tšwang ka ganong gage.” 12 Ke mokane bo ba mo latelelang ba segela gage ba re: “Nje wa di tšiba tsa gore Mafariseyi ma tobisiye ke go kwa tso o di bolabodiyeng?” 13 Mo a fetola a re: “Selo se sengwana le se sengwana so se sa gašang ke Papa waka wa legedimong se nyoko tomudiwa. 14 Ba lesetseneng ba tobe. Ba re baa yetetsa, mara a ba bone. Mo monna wa sefofu a yetetsa monna wa sefofu, ba nyoko goromela sekoting ba le ka babedi.” 15 Petro a re: “Re hlatollele mušupetso wone.” 16 Ke mokane a re: “Anthe le lune a le soko di kwisisa? 17 A le di tšibi tsa gore se sengwana le se sengwana so se kenang ka ganong se sobela ka teng, se felela mokoting wa dithila? 18 Mara, se sengwana le se sengwana so se tšwang ka ganong ga motho, se tšwa ka pelong, fote tsotsone di thilafatsa motho. 19 Mo re beyisa, ka pelong ga motho go tšwa dipolabolo tse diphifadu, go bolaya, bonghwahla, tsa maroga, go yetswa, go hlatsela matsaka, go rogelelana. 20 Tsone ke dilo tso di thilafatsang motho; mara go ja o sa hlapa matsogo a go thilafatse motho.”
FEBRUARY 19-25
MAKOLWANE KA TENG GA LENTSU LA MODIMO | MATEWU 16-17
“O Nagana tsa Mang?”
(Matewu 16:21, 22) Go tlogisela ka nako yonone go ya mahlong, Jeso a thoma go hlatollela bo ba mo latelelang gore o tshwanele a ye Jerusalema ke mokane ba bagolo, maperisita ya magolo le bamangwalo ba nyoko mo hlopegisa ka tsa go tlala fote ba mmolaye, ke mokane a tsusiwe ka letšatši la boraro. 22 Petro mo a kwa tsotsone a mo gogela ka thoko a thoma go mo lakatsa, a re: “Morena, tikwele go baba; dilo tsone di ka sa makege gago le ka gonyana.”
w07 2/15 16 ¶17
Banna—Gopolaneng Gore Kreste ke Hlogo
17 Ka nako ye nngwana, Jeso o hlatollele mapostola yage gore o tshwanele a ye Jerusalema, gana ku o nyoko hlopegisiwa ke “ba bagolo, maperisita ya magolo le bamangwalo . . . fote ba mmolaye, ke mokane a tsosiwe ka letšatši la boraro.” Mo Petro a kwa tsotsone a mo gogela ka thoko a thoma go mo lakatsa, a re: “Morena, tikwele go baba; dilo tsone di ka sa makege gago le ka gonyana.” Petro o šinnye a nagana tsotsone ka gore ke mo a kwela Jeso go baba. Ke mo a tshwanele a wolodiwe. Ke mokane Jeso a re gage: “Tloga ho mahlong ga ka, Sathane! O ka šinya o n’ghula, ka gore tso o di naganang a yi tsa Modimo, ke tsa batho.”—Matewu 16:21-23.
(Matewu 16:23) Mara mo a sokologa, a re ga Petro: “Tloga ho mahlong ga ka, Sathane! O ka šinya o n’ghula, ka gore tso o di naganang a yi tsa Modimo, ke tsa batho.”
w15 5/15 13 ¶16-17
Pasopa—Sathane o Nyaka go go Kgwesa!
16 Sathane a ka tshokanya le mong malata ya Jehova ya go ba le matšato. Mo re beyisa, gopola so se makegiyeng mo Jeso a botsa bo ba mo latelelang gore o nyoko bolayiwa. Mopostola Petro yene ke mo a tikemisele go maka tsa gabutši mo a mo gogela ka thoko a re: “Morena, tikwele go baba; dilo tsone di ka sa makege gago le ka gonyana.” Jeso o fetodiye Petro a tiyye, a re: “Tloga ho mahlong ga ka, Sathane!” (Mat. 16:22, 23) Ke ntaba Jeso a itseri Petro ke “Sathane”? Ka taba la gore Jeso ke mo a di tšiba gore go šele go nyoko makega ying. Ke mo go šele go šutele nako ya gore a kgwe, gore a lepolle batho fote a šupetse gore Diyabolo o na le matsaka. Ka nakwenene ya go thathafa, ke mo go sa sa le nako ya gore Jeso a “tikwele go baba.” Mola a yye a šepisa, nke a bulele Sathane sekgala so ne a se nyaka.
17 Ka gore re thina le mafelelong ya masipidiselo yawa ya dilo, le rune re phela dinakong tsa go thathafa. Sathane o nyaka re šepisa, re ‘tikwele go baba’ ka go tikwisa tsa lefase, ra lebala gore nako a yi sa šiyo. O sa di make tsone le ka go nyana! Mara, “dula o hlahlamme.” (Mat. 24:42) O sa tsoge o tshepiye matsaka ya Sathane gore lefase lo le sa le kgole le go fela—kela gore le ka sa fele.
(Matewu 16:24) Ke mokane Jeso a re ga bo ba mo latelelang: “Mo nkare go na le ye a nyakang go n’latelela, a tineyele ke mokane a rwale phate yage ya mohlopego, a n’latelele a sa fetse.
w06 4/1 23 ¶9
‘Ariyeneng le ba Tšhutiseneng, le ba Kolobetse’
9 Re ka maka byang go šupetsa gore re latelela tso Jeso a re beyiseleng ka tsona? Jeso o butsiye bo ba mo latelelang gore: “Mo nkare go na le ye a nyakang go n’latelela, a tineyele ke mokane a rwale phate yage ya mohlopego, a n’latelele a sa fetse.” (Matewu 16:24) Mowa o bolabodiye ka dilo ka ditharo tso re tshwaneleng re di make. Sa mathomo, re “tineyele.” Ka mantsu ya mangwana, re gane tso mmele wa rune wa gore a wa yenela gabutši o tinyakelang tsona, ke mokane re make tso Modimo a di nyakang. Sa bobedi, re ‘rwala phate ya rune ya mohlopego.’ Ka dinako tsa Jeso, phate ya mohlopego ke mo yi šupetsa go kgongwela kela go hlopega. Ka gore ke rune Makreste, a re na bothata mo re hlopega ka taba la ditaba tsa go bafala. (2 Thimothi 1:8) Le mo lefase lo le ka re poyila kela la re kwera, ‘a re na taba le go hlopega,’ re jabolela go maka so Modimo a se nyakang go fo tshwana le Kreste. (Maheberu 12:2) Sa mafelelo, re latelela Jeso re “sa fetse.”—Pisalema 73:26; 119:44; 145:2.
Go Wunyulla tso di Wutammeng ka Baebeleng
(Matewu 16:18) Fote ke re gago: Ke wene Petro, fote mo letlapeng lowa, ke nyoko yaga phutego yaka, le digheyiti tsa Lebitla di ka sa yi make selo.
nwtsty tso di fatisisiwweng ga Mat 16:18
Ke wene Petro, fote mo letlapeng lowa: Lentsu la Segerika la peʹtros, mo le šupa ga motho wa monna le rela “sepetlo sa letlapa; letlapa.” Mowa le berekisiwwe go le lebitso (Petro), lebitso lowa la Segerika Jeso o le neyye Simone. (Joh 1:42) Lebitso la peʹtra le berekisiwa ga motho wa mosadi le rela “letlapa,” ke gore letlapa le legologolo la sepyatla, letlapa le legologolo la go lefa, kela letlapa la bhazabhaza. Lentsu lo la Segerika le nyarela le ga Mat 7:24, 25; 27:60; Luk 6:48; 8:6; Rom 9:33; 1Ko 10:4; 1Pe 2:8. A di šupi nkare Petro ke mo a titseya go le letlapa lo Jeso ke mo a nyoko yaga phutego yage ga lona, ka taba la gore ga 1Pet 2:4-8 o ngwadiye gore Jeso ke yene ye go bolabodiwweng ka yene botala gore go nyoko ba “letlapa la khonong la fandhiši,” la gore Modimo o le hlawodiye ka boyenebeng. Mopostola Pawulo le yene o bolabodiye ka Jeso gore ke “fandhiši” le “letlapa ga tso tsa Modimo.” (1Ko 3:11; 10:4) Di šupa nkare Jeso ke mo a kgana ka mantsu, gabutšibutši ke mo a re: ‘Wene, wa gore ke itseri ke wene Petro, Letlapa, o tšiba gabutši gore Kreste ke mang, yene “letlapa lo,” la gore go nyoko ba fandhiši ya phutego ya Sekreste.’
phutego: Ke la mathomo go nyarela lentsu lo la Segerika la ek·kle·siʹa. Le tšwa ga mantsu ka mabedi ya Segerika, la ek, la go rela “tawong,” le la ka·leʹo, la go rela “go bitsa.” Le rela mogoba wa batho wo o bitsiwweng gore wo make selo se sengwana. (Lebelela Glossary.) Mowa Jeso o bolabola di soko makega gore phutego ya Sekreste yi nyoko makega byang, yi nyoko ba le Makretse ya go tlotsiwa, bo ba tshwanang le “matlapa ya go phela” ya ma “yagang ntlo ya tso tsa Modimo.” (1Pe 2:4, 5) Lentsu lo la Segerika le berekisiwa ga go tlala ga Septuagint go le la go tshwana le la Seheberu la gore “phutego,” la gore ga go tlala le ra setšhaba ka moka sa batho ba Modimo. (Dot 23:3; 31:30) Ga Meb 7:38, Maisrayele ya ma ntshiwweng Egepita ma bitsiwa “phutego.” Le Makreste ya ma ‘ntshiwang letshwifing’ le go ‘kgetiwa go tšwa lefaseng’ ma maka “phutego ya Modimo.”—1Pe 2:9; Joh 15:19; 1Ko 1:2.
(Matewu 16:19) Ke nyoko go neya dikhiya tsa Mmušo wa magedimong, se sengwana le se sengwana so o nyoko se swinang mo lefaseng, se nyoko ba se šele se swiniwwe ku magedimong, le se sengwana le se sengwana so o se tlemollang lefaseng se nyoko ba se se tlemolliwwe le magedimong.”
nwtsty tso di fatisisiwweng ga Mat 16:19
dikhiya tsa Mmušo wa magedimong: Ka mo Baebeleng, mo ba re ba neyye motho dikhiya, tsa mannete kela tsa mošupetso, ba ra gore ba mo neyye setulo sa gore a lawole. (1Kr 9:26, 27; Jes 22:20-22) Byalo lentsu “sekhiya” le šupetsa matšhika ya go lawola kela go ba ka kgakala ga ba bangwana. Mo Petro ba mo neya “dikhiya” tsone, o yye a bulela Majuda (Meb 2:22-41), Masamariya (Meb 8:14-17), le ba go tšwa dinageng tsa ka tawong (Meb 10:34-38), le bona ba kgona go kraya moya wa Modimo gore ba ka kena Mmušong wa legedimo.
Go Bala Baebele
(Matewu 16:1-20) Ke mokane Mafaraseyi le Masadutseyi ba šutela gage, ka gore ke mo ba mo nyakisa, ba mo kgopela gore a ba neye mošupetso wa go tšwa legedimong. 2 Mo a ba fetola a re: “Mo letšatši le šele le kgwalala, lune le re, “Sebakabakeng go nyoko ba go le gabutši, ka gore go kgubele go tshwana le mollo,’ 3 ke mokane ka bošego le re, ‘Go nyoko bata, pula yi nyoko na lekgono, ka gore sebakabakeng go kgubele go tshwana le mollo, mara maru ma tlemme.’ Tsa go hlatolla tsa legedimo le ya di tšiba, mara mošupetso wa dinako a le di tšibi go wo hlatolla. 4 Moloko wowa wa dipelo tse diphifadu le wa dinghwahla wo dula wo nyaka mošupetso, mara ba ka sa kraye mošupetso mo go se mošupetso wa Jona.” Mo a reyane a napa a tloga, a ba šiya gana hone. 5 Byalo bo ba mo latelelang ba tshelela ka ku mosekola mara ba lebala go ya le sekgwa. 6 Jeso a re ga bona: “Le duleneng le budiye mahlo, le pasope komelo ya Mafaraseyi le Masadutseyi.” 7 Ke mokane ba thoma go bolabodisana ka bobonabeng ba re: “A re ya tseya sekgwa.” 8 Ka gore ke mo a di tšiba, Jeso a re: “Ke ntaba le bolabodisana le ntoši gore a le na sekgwa, lune ba tumelo ye nyana? 9 Anthe a le soko yi bona taba yo, kela a le gopole malofo ka mahlano ga 5 000 ya batho bala le gore le tlatsiye mmantši ka mekaye? 10 Kela le lebele malofo ka mašupa ya ma fepiyeng 4 000 ya batho le gore le tlatsiye mmantši ye megolo ka mekaye? 11 Ke ntaba le sa lemoge gore a ke bolabole le lune ka dikgwa? Mara pasopaneng komelo ya Mafaraseyi le Masadutseyi.” 12 Ke mokane ba kwisisa gore aa bolabole ka komelo ya borotho, mara o bolabola ka tso di tšhutisang ke Mafaraseyi le Masadutseyi. 13 Mo Jeso a segela Kesariya ya Filipi, a butsisa bo ba mo latelelang, a re: “Batho ba re Morwayi wa motho ke mang?” 14 Ba re: “Ba bangwana ba re ke Johane wa go Kolobetsa, ba bangwana ba re ke Eliya, fote ba bangwana ba re ke Jeremiya kela ye mongwana wa baporofeta.” 15 A re ga bona: “Mara lune, le re ke nna mang?” 16 Simone Petro a fetola a re: “Ke wene Kreste, Morwayi wa Modimo wa go phela.” 17 Mo a fetola a re: “Go jabola wene, Simone morwayi wa Jona, ka taba la gore mmele le madi a yi tsona di go wunyulleleng taba yone, mara o di wunyullele ke Papa wa ku magedimong. 18 Fote ke re gago: Ke wene Petro, fote mo letlapeng lowa, ke nyoko yaga phutego yaka, le digheyiti tsa Lebitla di ka sa yi make selo. 19 Ke nyoko go neya dikhiya tsa Mmušo wa magedimong, se sengwana le se sengwana so o nyoko se swinang mo lefaseng, se nyoko ba se šele se swiniwwe ku magedimong, le se sengwana le se sengwana so o se tlemollang lefaseng se nyoko ba se šele se tlemolliwwe le magedimong.” 20 Ke mokane a botsa bo ba mo latelelang gore taba ya gore ke yene Kreste, ba yi pate yi sa kwe ke motho.
FEBRUARY 26–MARCH 4
MAKOLWANE KA TENG GA LENTSU LA MODIMO | MATEWU 18-19
“O sa Tiphiriketse Kela wa Phiriketsa ba Bangwana”
(Matewu 18:6, 7) Mara ye a phiriketsang ye mongwana wa bowa ba banyana ba gore ba dumela ho gaka, di kawone ba make mogwabetso ga tšhilo ya go dukulusa ke bhongolo ba wo gwabetse mo molaleng wage, a bošediwe ka teng ga lewatle. 7 “Lefase le ka teng ga senyama ka gore le na le tsa go ghulana! Ke nnete gore go ghulana gona go nyoko ba gona, mara senyama se ga ye a ghulang ye mongwana!
nwtsty tso di fatisisiwweng ga Mat 18:6, 7
tšhilo ya go dukulusa ke bhongolo: Kela “tšhilo ye kgolo.” Gabutšubutši ke “tšhilo ya bhongolo.” Tšhilo yone, ya gore ka bogolo ke 1.2 kela 1.5 ya dimitha (4 kela 5 ya mafiti), ke mo yi roba ka matla mo ba šinnyeng ba maka gore yi dukuluse ke bhongolo.
go phiriketsiwa: Lentsu la Segerika la mathomisong ke skanʹda·lon, le rela “go phiriketsiwa,” ga go tlala le rela molabo; ba bangwana ba re ke mo go le sephatane so se beyiwang mola molabong ke mokane gwa tšhediwa sa go ja. Gabutšibutši, go phiriketsa hone go hlaya mo motho a ghulega, a šinya a tshetsha kela a wa. Mo re fo tshwanisa, yi ka rela dilo tso di ka makang gore motho a tšwe pateng, a ghulege kela a we, kela go šinya a potlomela ga dilo tsa go befa. Ga Mat 18:8, 9, lentsu la go tshwana le lolone la skan·da·liʹzo, le hlatolliwwe yi le “go phiriketsa” fote le ka rela “go ramela; go maka motho gore a sinye.”
nwtsty ditaba
Tšhilo
Tšhilo ke mo yi berekisiwa go šila mabele le go hluhla makgura ga seyengwa sa go tshwana le dihlo, so ba reng ke olive. Ditšhilo tse dingwana ke mo di le tse dinyana, motho ne a ka fo di dukulusa ka letsogo, mara tse dingwana ke mo di dukulusa ke phoofolo ka gore ke mo go le tse dikgolo ka matla. Di ka makega gore tšhilo yo Mafilisita ma yyeng ma gapeletsa Samsone gore a yi dukuluse ke mo yi lekana le yonowa ka bogolo. (Maa 16:21) Ditšhilo tso tsa go dukulusa ke phoofolo ke mo di tlele Israyele le Mmušong wa Roma ka mokana ga wona.
Tšhilo le Lwala
Tšhilo ye kgolo ya go tshwana le yo yi šupetsiwweng mo yi ka dukulusa ke phoofolo yo yi ruyiwang, ya go tshwana le bhongolo, fote ba ka šila mabele ka yona kela ba pyanya di-olive. Tšhilo ke mo yi ka lekana le 1.5 ya dimitha (5 ya mafiti) ka bokoto fote ke mo yi ka dukulusiwa le ga lwala le legolo.
(Matewu 18:8, 9) Byalo, mo nkare letsogo lago kela loto lago le ya go phiriketsisa, le kope ke mokane o le bošele ku kgole. Di kawone gore o kraye lephelo o sa yenela kela o le segole go na le gore o bošediwe mollong o nape o ya, o na le matsogo ka mabedi kela mawoto ka mabedi. 9 Fote, mo lehlo lago le go phriketsisa, le gonye o le bošele ku kgole nago. Di kawone gore o kraye lephelo o na le lehlo la setšetše go na le gore o bošediwe Ghehena o na le mahlo ka mabedi.
nwtsty tso di fatisisiwweng ga Mat 18:9
Ghehenna: Lentsu lo le tšwa ga lentsu la Seheberu geh hin·nomʹ, la gore le rela “moyedi wa Hinomo,” wa gore wo ka Bodikela le Borwa bya Jerusalema ya botala. (Bona App. B12, mmepo “Jerusalema le Poleke ya Thina.”) Nako tsela Jeso a le mo lefaseng, moyedi wowa ke mo go le poleke ya go tšhubela dithila, byalo lentsu “Ghehenna” ke mo le napa le kwala gabutši go šupetsa gore mo motho a kenne mone, o napa a eya.
nwtstg Mantsu
Ghehenna
Lentsu la Segerika la Moyedi wa Hinomo, ka bodikela bya borwa bya Jerusalema ya botala. (Jer 7:31) Go yye gwa porofitiwa gore ke poleke ya gore ditopo ke mo di khitiwa gona. (Jer 7:32; 19:6) A go na so se šupetsang gore batho kela diphoofolo ke mo ba lahlediwa Ghehenna, ba hlorisiwa kela ba tšhubiwa ba kene ba phela. Byalo poleke yone yi ka sa nape yi rela gore batho ke mo ba hlopegisiwa go ya go yye ka mollo. Mara Jeso le bo ba mo latelelang ba bolabodiye ka Ghehenna go šupetsa gore motho o nyoko napa a yya mo a “kgwa la bobedi,” ke gore o napa a nyamalala kela a šilegana.—Kut 20:14; Mat 5:22; 10:28.
(Matewu 18:10) Le boneneng le sa tinisi ke ye mongwana wa bowa ba banyana, ka gore ke ya le botsa gore barongwa ba bona legedimong ba dula ba lebelele sefahlego sa Papa ye a leng legedimong.
nwtsty tso di fatisiswweng ga Mat 18:10
lebelele sefahlego sa Papa: Kela “go kgona go ya ga Papa.” Ka taba la gore barongwa ba kgona go ya ga Modimo, ke bona fela bo ba kgonang go bona mahlo ya Modimo.—Eks 33:20.
w10 11/1 16
Barongwa ba Thuša ka Ying
Jeso o bolabodiye gore barongwa ke bona ba tshwaneleng ba bone gore malata ya Modimo ma pasopegiye ga tso tsa Modimo. Byalo, mo Jeso a botsa bo ba mo latelelang gore ba pasope go phiriketsa ba bangwana, o itseri: “Le boneneng le sa tinisi ke ye mongwana wa bowa ba banyana, ka gore ke ya le botsa gore barongwa ba bona legedimong ba dula ba lebelele sefahlego sa Papa ye a leng legedimong.” (Matewu 18:10) Mo Jeso a bolabola tsowa, ke mo a sa re gore ye mongwana le ye mongwana ga bo ba mo latelelang, o na le morongwa wa yene beng. Mara Jeso ke mo a šupetsa gore barongwa bo ba berekang thina le Modimo ba jabodisa ka matla ke bo ba leng ka teng ga phutego ya Sekreste.
Go Wunyulla tso di Wutammeng ka Baebeleng
(Matewu 18:21, 22) Ke mokane Petro a tla gage a re: “Morena, mogageru o tshwanele a n’sinyele gakaye, nna ke tshwanele ke mo tshwarele gakaye? Go segela ga šupa?” 22 Jeso a re gage: “Ke re gago, yi seng go segela ga šupa, mara go segela ga 77.
nwtsty tso di fatisisiwweng ga Mat 18:22
ga 77: Gabutšubutši ke, “70 mo o yi balela ga 7.” Lentsu lowa la Segerika le kwisisega le rela “70 o gahlanisa le 7” (ga 77) kela “70 o yi balela ga 7” (ga 490). Lentsu lolone lo le krayegang ga Septuagint ga Gen 4:24 le kwana le hlatollo ya Seheberu ya gore “ga 77.” A go na taba gore yi kwisisega byang, mara go boyelediwa ga nombhoro yowa ya gore gašupa, go tshwana le gore “go maka selo o sa fetse” kela “go ya go yye.” Mo Jeso a tšhentšha 7 ya Petro a yi maka 77, ke mo a botsa bo ba mo latelelang gore mo ba tshwarela motho, ba sa kgere. Go fapana le sosone, molawo wa Talmud ya Sebhabhilona (Yoma 86b) wo re: “Mo motho a ka sinya la mathomo, la bobedi le la boraro, wa tshwarediwa, mara la bone awwa aa sa tshwarediwa.”
(Matewu 19:7) Ba re gage: “Byalo ke ntaba Moše a itseri a neyiwe borifi bya gore aa sa mo nyaka a boye a mo hlale?”
nwtsty tso di fatisisiwweng ga Mat 19:7
borifi bya gore aa sa mo nyaka: Kela “borifi bya go hlala.” Gabutšibutši mo Molawo wore monna a thomise ka go ngwala borifi le go bolabodisana le banna ba bagolo, ke mo wo neya monna nako ya go tinagana gabutši mo a soko segelela sepheto sone. Molawo wo ke mo go le wa go thibelela batho gore ba sa fo tabogela go hlala fote ke mo wo pasopa basadi. (Dot 24:1) Mara nakwela Jeso a le mo lefaseng, bo ba yetang bodumedi mahlong, ke mo ba maka gore go be lola gore motho a hlale. Motho ye a tšibang dilo tsa botala ye ba reng ke Josefase wa mengwageng ya bo-100, ke mo go le Mofaraseyi wa gore o hladiye, o yye a re o ka fo hlala ‘mo o kwa o di nyaka fote o ka hlala nako ye nngwana le ye nngwana, (fote ga go tlala batho bo ke mo ba kwana le tsotsone ke mo go le banna).’
nwtsty ditaba
Borifi bya go Hlala
Borifi byo bya go hlala, bya 71 kela 72 C.E., ke mo bo ngwadiwwe ka Searamo. Ba bo krayye ka lebowa la Wadi Murabbaat, thina le noka ya go pshya ku Judiya ya go ba le Kgwaakgwa. Bo bolabola gore ka mongwaga wa kobodi (6) wa mo Majuda ma nghonghora, Josefa morwayi wa Naqsan, o hladiye Meriyamo morwediya wa Jonathan ye ke mo a dula mutšing wa Masada.
Go Bala Baebele
(Matewu 18:18-35) “Ka nnete ke re ga lune, se sengwana le se sengwana so le se tlemelelang le swina mo lefaseng, se nyoko ba se šele se swiniwwe le ku magedimong, le se sengwana le se sengwana so le se tlemollang mo lefaseng se nyoko ba se šele se tlemolliwwe le legedimong. 19 Fote ke le botsa nnete ke re mo ka babedi ba lune ho lefaseng ba kwana ka go kgopela selo se segolo, se nyoko ba makegela ka taba la Papa wa legedimong. 20 Ka taba la gore mo go nang le ka babedi kela ka bararo bo ba gahlanneng ka lebitso laka, ke nyoko ba nabo ka nakwenene.” 21 Ke mokane Petro a tla gage a re: “Morena, mogageru o tshwanele a n’sinyele gakaye, nna ke tshwanele ke mo tshwarele gakaye? Go segela ga šupa?” 22 Jeso a re gage: “Ke re gago, yi seng go segela ga šupa, mara go segela ga 77. 23 “N’ka taba lone Mmušo wa legedimo o ka tshwanisiwang le kgoši yo yi nyakang malata ya yona ma yi patela so ma nang naso. 24 Mo ba thomisa, ba mo leyela monna ye a mo kolotang 10 000 ya ditalente. 25 Mara ka taba la gore ke mo a sa tšibi gore o nyoko patela ka ying, kgoši ya re monna yene le mosadi wage le bana bage le dilo ka mokana ga tsona tso ke mo a le natso, ba rekisiwe gore go kwadiwe sekoloto. 26 Ke mokane molata yewa a kgotama a mo phophotela a re, ‘N’lefisele pelo barena, ke nyoko go patela dilo tsago ka mokana ga tsona.’ 27 Mong wa molata yewa a mo kwela go baba, a re ba mo lesetse a sepele ke mokane a sola sekoloto sela sage. 28 Mara molata yene a tšwela ka tawong a gahlana le monna ye mongwana wa gore le yene ke molata go tshwana naye, monna yene ke mo a mo kolota 100 ya didenari, a mo tshwara a mo kgamelela a re, ‘Mpatele dilo ka moka tso o nkolotang tsona.’ 29 Ke mokane molata yene wa go tshwana naye a kgotama a mo phophotela a re, ‘N’lefisele pelo barena, ke nyoko go patela.’ 30 Mara, a sa nyake go kwa selo, a ya a re ba mo hlahlele jele a dule gona a šinye a patele so a se kolotang. 31 Mo malata ya mangwana ya go tshwana naye ma bona tso di makegiyeng, taba yone ya ma hlopa ka matla, ma ya ma ye hlayeng ga mong wa wona, ma mmotsa dilo ka mokana ga tsona tso di makegiyeng. 32 Mong wage a mmitsa a re gage: ‘O molata wa pelo ye phifadu wa tšiba, nna ke sudiye dikoloto tsago ka mokana ga tsona ka gore ke mo o n’lela. 33 Ke ntaba le wene o sa kwele ngwanenu go baba go fo tshwana le mo nna ke go kwele go baba?’ 34 Mong wage ke mo a kwatiye ka matla, a napa a re ba mo bošele jele a šinye a patele dilo ka mokana ga tsona tso a di kolotang. 35 Papa waka wa legedimong o nyoko maka tsotsone ga ye mongwana le ye mongwana wa lune mo le ka sa tshwarele magagabo lune di tšwa pelong.”