Ditodi tsa Sepukwane sa Mogahlano wa Maphelelo le Matšhomayelelo
MARCH 5-11
MAKOLWANE KA TENG GA LENTSU LA MODIMO | MATEWU 20-21
“Ye Mongwana le ye Mongwana ye a Nyakang go ba ye Mogolo mo ga Lune a be Molata wa Lune”
(Matewu 20:3) Fote ka awara ya boraro mo a tšwela ka tawong, o bonne ba bangwana ba go sa bereki ba yemme mmakete;
nwtsty ditaba
Mmakete
Mmakete ye mengwana ya go tshwana le yo yi šupetsiwweng mo, ke mo yi le thina le pata. Bo ba go rekisa ke mo ba beya dilo tsa go tlala mo pateng, di šinya di thibelela batho ba sa kgone go feta. Batho ba gana hone ke mo ba reka dilo tso ba di berekisang mitšing ya bona, tsa go makiwa ka letsopa, tsa go psyayega tsa go tura le merogo kela diyengwa tsa gore di sa tšwa go kgiwa. Batho botala ke mo ba se na difuriji, byalo ke mo ba ya mmakete ka moka matšatši ba ye rekeng. Mo motho a kene a reka gana ku, ke mo a ka kwa ditaba di bolabola ke bo ba rekisang le divakaši, dibanyana ke mo di ka kgana gana hone le ba go sa bereki ne ba ka kraya matogo. Jeso o yye a yalafa batho mmakete, le Pawulo o yye a tšhomayela mmakete. (Meber 17:17) Mara bamangwalo le Mafaraseyi ba gore ba na le magetla ke mo ba kwana natso ka matla gore batho ba ba bone le go ba tamisa mo ba le mmakete.
(Matewu 20:20, 21) Ke mokane mmane wa barwayi ba Zebediya a šutela gage a na le barwayi bage, a mo thinyela letolo a kgopela se sengwana gage. 21 Jeso a re gage: “O nyaka ying?” Mmane ye a mo fetola a re: “O fo ntsha lentsu la gore barwayi bo ba baka ba dule thina nago, ye mongwana a dule ga letsogo lago la go ja, ye mongwana a dule ga la mpata, Mmušong wago.”
nwtsty tso di fatisisiwweng ga Mat 20:20, 21
mmane wa barwayi ba Zebediya: Ke mmane wa mopostola Jakobo le mopostola Johane. Mareka yene mo a hlaya taba yowa, o re Jakobo le Johane ba yye ga Jeso ka bobona beng. Di bonala go le bona ba tikgopeleleng tsotso, mara ba rometsela mmane wa bona Salomo, wa gore di ka makega gore ke mo go le sesi wa mmane wa Jeso.—Mat 27:55, 56; Mar 15:40, 41; Joh 19:25.
ye mongwana a dule ga letsogo lago la go ja, ye mongwana a dule ga la mpata: Mowa mahlaya yawa ma hlatolla hlompo le matšhika, mara ga gore go jabodisa ka matla yi dula yi le ga la go ja.—Pis 110:1; Meber 7:55, 56; Rom 8:34.
(Matewu 20:25-28) Mara Jeso a ba bitsa a re: “Le ya di tšiba gore bo ba go lawola ditšhaba baa di gatelela fote banna bo ba neyiwweng matšhika baa garatsa. 26 Lune le sa tshwane nabo; mara ye mongwana le ye mongwana ye a nyakang go ba ye mogolo mo ga lune a be lelata la lune, 27 fote ye mongwana le ye mongwana ye a nyakang go ba wa mathomo ga lune a thomise ka go ba sebereki sa lune. 28 Di fo tshwana le Morwayi wa motho, aa tlela go berekediwa, mara o tlele go berekela gore a neyele ka lephelo lage gore a lepolle ba go tlala.”
nwtsty tso di fatisisiwweng ga Mat 20:26, 28
lelata: Kela “sebereki.” Ga go tlala Baebele yi berekisa lentsu la Segerika la di·aʹko·nos mo yi bolabola ka bo ba gore a ba lesetsi go tinyanafatsa ba kene ba ya mahlong ba berekela ba bangwana. Lentsu lo le berekisediwa go hlatolla Kreste (Rom 15:8), malata kela bo ba berekelang Kreste (1Ko 3:5-7; Kol 1:23), malata ka phutegong (Fil 1:1; 1Tm 3:8), le sebereki sa ka gaye (Joh 2:5, 9) le ba go berekela mmušo (Rom 13:4).
aa tlela go berekediwa, mara o tlele go berekela: Kela “yi seng go makediwa mara go makela.”
Go Wunyulla tso di Wutammeng ka Baebeleng
(Matewu 21:9) Go yeketsa gana hone, megoba ye ke mo yi mo yetiye mahlong le ya gore ke mo yi mo latelela ke mo yi kene yi yahlamela yi re: “Lepolla Morwayi wa Dafita, re ya go rapela! Go rufegiye ye a tlang ka lebitso la Jehova! Mo lepolle, re ya rapela, wene wa malenghelengheng!”
nwtsty tso di fatisisiwweng ga Mat 21:9
Lepolla, re ya rapela: Mo re šele re yi beya gabutši ke, “Hosana.” Lentsu lo la Segerika le tšwa ga mmolabolo wa Seheberu wa gore ‘Mo lepolle, re ya rapela’ kela “mo phonise barena.” Mowa lentsu lowa le berekisediwa go kgopela Modimo gore ba phonisiwe kela ba hlole; le ka hlatolliwa ka mokg’o, “ši barena, phonisa.” Mo nako yi kene yi sepela, lentsu lowa go feleletsiye go le thapelo le go thanaka. Lentsu lo la Segerika le nyarela ga Pis 118:25, ya gore ke mo go le setlopo sa Dipisalema tsa Hallel tsa gore ke mo di yepelediwa ka moka nako mo go le Paseka. Byalo, mantsu yawa ke mo ma fo gopolega mo go segela dinako tsowa. Tsela ye nngwana yo Modimo a fetodiyeng thapelo yowa ya gore a lepolle Morwayi wa Dafita ke nakwela a mo tsosa mo a hlokofele. Ga Mat 21:42, Jeso ka boyenemong o ngatha ka gonyana ga Pis 118:22, 23, a hlaya gore taba yone yi rela Mesiya.
Morwayi wa Dafita: Mantsu yawa mowa ma šupetsa moloko wa batlogolo bo Jeso a welang ga bona le gore ke yene Mesiya ye a tshepisiwweng.
(Matewu 21:18, 19) Mo a kene a sologa a ya toropong go sa le ka phu, o tlugiye a kwa tlala. 19 A bona mohlare wa mogo ka thoko ga pata, a ya ga wona mara a kraya wo se na selo, a fo kraya matlakala fela, ke mokane a re ga mohlare wone: “Go sa sa tsoga go yenngwe diyengwa mo gago.” Ke mokane mohlare wa mogo wa napa wo puna ka nako yonone.
Mohlare wa Mogo o Berekisiwa go Tšhutisa se Sengwana ka Tumelo
Ke ntaba Jeso a punisiye mohlare wone? Mo a fetola, o re: “Ka nnete ke ya le botsa, mo le na le tumelo fote le sa kanakane, le ka sa fo felela ga tso ke di makiyeng ga mogo wola, mara le mo le ka re ga thaba yo, ‘Tlogamela mone o ye o tlungwele ka ku lewatleng,’ go nyoko makega. Le dilo ka mokana ga tsona tso le di kgopelang ka thapelo, solanka le na le tumelo, le nyoko di kraya.” (Matewu 21:21, 22) Mowa, o boyelela taba ya gore o yi bolabodiye ku mathomisong nakwela a bolabola ka tumelo ya gore yi kgona go kgurumetsa thaba.—Matewu 17:20.
Mo Jeso a maka gore mohlare wola wo pune, ke mo a tšhutisa gore re tshwanele re be le tumelo ga Modimo. O re: “Dilo ka mokana ga tsona tso le di kgopelang ka thapelo, le dumele gore le šele le di krayye, fote le nyoko di kraya.” (Mareka 11:24) Taba yowa yo Jeso a yi tšhutisiyeng ke mo go le ye kgolo ka matla ga bo ba mo latelelang! Mapostola ke mo ma tshwanele ma be le tumelo ya mohlobo wonone ka taba la gore go se botala ke mo go nyoko ba le dilo tse dikgolo tso ke mo di nyoko leketsa tumelo ya bona. Go na le se sengwana so se makang gore go puna ga mogo le tumelo di tshwane.
Setšhaba sa Israyele ke mo se tshwana le mogo wowa ka taba la gore mo o se lebelele, ke mo o ka fo re se maka tsona. Batho ba setšhaba sowa ba na le senghana sa go hlawolega le Modimo, fote mo o ba lebelele, o ka tseya nkare ba theetsela Molawo wage. Mara setšhaba sone ka mokana ga sona ke mo se gayela tumelo fote se yengwa dilo tsa go sa hlamatsega. Ba šinnye ba gana le Morwayi wa Modimo ka boyenemong! Byalo, nakwela Jeso a punisa mogo wola wa gore a wo yengwe, ke mo a šupetsa gore go nyoko makega ying ka setšhaba sowa sa gore a se yengwe le sa go gayela tumelo.
Go Bala Baebele
(Matewu 20:1-19) “Ka taba la gore Mmušo wa magedimong wo tshwana le mong wa mutši, ye a yyeng a tšwela ka tawong go sa le ka phu, a ye nyakana le dibereki tso di ka tlang di bereka tšhomong yage ya modhriva. 2 Mo a šele a kwanne le dibereki tsone tsage gore o nyoko di patela dhenariyase ka letšatši, a di romela tšhomong yage ya modhriva. 3 Mo go šele go nyoko teya awara ya boraro a boyelela fote, a bona ba bangwana ba go sa bereki ba f’lo tikemela mmakete; 4 le ga bona a re, ‘Le lune ariyeneng tšhomong ya modhriva, nna ke nyoko le neya sa go lekanela.’ 5 Ba napa ba ya. A boya fotefote a tšwela ka tawong mo go šele go nyoko teya awara ya kobodi le ya mabala, a maka tsetsela. 6 Mafelelong, mo go šele go nyoko teya awara ya bo 11, a tšwela ka tawong a kraya ba bangwana ba f’lo yema, ke mokane a re ga bona, ‘Ke ntaba le f’lo yema letšatši ka mokana ga lona le sa bereki?’ 7 Ba fetola ba re, ‘Ka taba la gore aa šiyo ye a re neyyeng mmereko.’ Ke mokane a re, ‘Le lune ariyeneng tšhomong ya modhriva.’ 8 “Mo go ba ka malobana, mong wa tšhomo ya modhriva a re ga ye a pasopang dilo, ‘Bitsa dibereki tsela o di patele tšheleta ya tsona, o thomise ka wa mafelelo o feleletse ka wa mathomo.’ 9 Mo go tla bo a ba neyyeng mmereko ka awara ya bo-11, a neya ye mongwana le ye mongwana dhenariyase. 10 Ke mokane mo ba mathomo ba tla, ba tseya nkare ba nyoko kraya ya go tlala, mara le bona ba patediwa dhenariyase. 11 Mo ba yi kraya, ba thomisa go kokola ga mong wa mutši 12 ba re, ‘Banna bo ba mafelelo ba berekiye awara ka yyoši; mara o ba lekanisa le rune bo re berekiyeng ka matla motshegare ka moka re kene re tšhuba ke letšatši!’ 13 Mara a fetola ka wweši ga bona a re, ‘Ye wweru, a ka go sinyela selo. Anthe nna nago a ra kwana ka dhenariyase? 14 Titseyele so yi leng sago o sepele. Ke nyaka go neya yewa wa mafelelo sa go lekana le sago. 15 Anthe nna mong nka sa tipotse gore ke nyaka go maka ying ka dilo tsaka? Kela lehlo lago le nnabela ka matla ka taba la gore ke lukiye?’ 16 Ka mokg’o, wa ku motšobong o nyoko ba mathomisong, ke mokane wa mo mathomisong o nyoko ba ku motšobong.” 17 Mo Jeso a kene a ya Jerusalema, a yarogela ka thoko ga pata le bo ba mo latelelang 12 ya bona, a re: 18 “Bonaneng! Re ya Jerusalema, Morwayi wa motho o nyoko yisiwa ga maprista ya magolo le bamangwalo. Ba nyoko mo ghwebela likgu 19 fote ba mo yise ga batho ba ditšhaba gore ba mo kwere, ba mo tlepole ka dibepu ba šinye ba mmolayele phateng; ke mokane ka letšatši la boraro o nyoko tsusiwa.”
MARCH 12-18
MAKOLWANE KA TENG GA LENTSU LA MODIMO | MATEWU 22-23
“Theetsela Melawo ye Megologolo ka Mmedi”
(Matewu 22:36-38) “Thitšere, mo ga Molawo ke wofeng wa gore ke wo mogologolo?” 37 A re gage: “‘O tshwanele o nyake Jehova Modimo wago ka pelo yago ka mokana ga yona, ka bowene byago ka mokana ga byona le ka monagano wa gago ka mokana ga wona.’ 38 Wowa ke wona molawo wo mogologolo le wa mathomo wa gona.
nwtsty tso di fatisisiwweng ga Mat 22:37
pelo: Mo lentsu lowa le bolabolela se sengwana, ga go tlala le rela so motho a leng sona ka ku tengteng. Mara mo nkare mo thina le ba le na le mantsu ya go tshwana le “moya” le “monagano,” le thoma go kwala le šupa ga se sengwana, le bolabolela so motho a se nabelang le ka mokg’o a tikwang ka gona. Dilo ka ditharo tso go bolabodiwweng ka tsona mowa (pelo, bowene le monagano) di ka bereka ka nako ka yyoši; di bereka di kene di šiyelana, di napa di ro šupetsa gore re tshwanele re nape re tineyela re felegelela ga Modimo fote re mo nyake ka maatla.
bowene: Kela “go felelegela.”
monagano: Yi rela, go tseya gabutši ka mo hlogong. Motho o tshwanele a berekise byoko gore a tšibe Modimo fote a nape a mo nyaka ka maatla. (Joh 17:3; Rom 12:1) Mo ga tso di ngathiwweng ga Dot 6:5, lentsu la Seheberu sa ku mathomisong le šupa ga mantsu ya ka mararo, ‘pelo, bowene le monagano.’ Mara, go ya ka lengwalo la Matewu mo o le bala ka Segerika, go berekisiwa “monagano,” a go berekisiwi “matšhika.” Go ka fo ba go na le tse dingwana tso di makang gore go šinye go berekisiwa mantsu yawa ya go sa tshwane. Sa mathomo, Seheberu sa botala ke mo se se nalo lentsu lo le napang le korola la “monagano,” mara ga go tlala mo go nyarela lentsu la Seheberu la gore “pelo,” gabutšibutši ke mo le ra wona monagano. Lentsu lowa mo le berekisiwa go tshwanisela, le ra so motho a leng sona ka ku tengteng, le rela tso a di naganang, ka mokg’o a tikwang ka gona, maphelelo yage le tso di mo tšhofang go phela ka mokg’o a phelang ka gona. (Dot 29:4; Pis 26:2; 64:6; bona tso di fatisisiwweng ka taba ya pelo ga ditemanyana tso.) Ka taba la tsotsone, mo o kraya Seheberu se berekisiye lentsu “pelo,” o ko kraya ga Septuagint ya Segerika go berekisiwwe lentsu la go tlalela ka matla ga “monagano.” (Gen 8:21; 17:17; Diy 2:10; Jes 14:13) Se sengwana so se ka fo bang se makiye Matewu gore a šinye a berekisa lentsu la Segerika la “monagano,” a sa berekisi la “matšhika” mo a bolabolela Dot 6:5 ke gore lentsu la Seheberu lo le bolabolelang “matšhika” le ka ra matšhika ya mo mmeleng, ya monagano kela ya go šupetsa gore motho o hlalefiye. Le mo re sa nape re tšiba gore o makiye king gore a berekise lolone, gore mantsu yawa ya Segerika le Seheberu maa yelana go re gelepa go bona gore ke ntaba bo ke mo ba ngwala Diebangedi tsowa ba sa berekisa mantsu ya go tshwana mo ba bolabolela taba yo yi leng ga Dotoronoma.
(Matewu 22:39) Wa bobedi, wa go tshwana nawo ke wowa: ‘O tshwanele o nyake moyagelane wago ka mokg’o o tinyakang.’
nwtsty tso di fatisisiwweng ga Mat 22:39
Wa bobedi: Ga Mat 22:37 go na le phetolo ya Jeso mo a fetola Mofaraseyi, mara Jeso o yeketsa ga putsiso yo ba mmutsisiyeng yona, o bolabola ka molawo wa bobedi (Lef 19:18), a tšhutisa gore melawo yewa ka mmedi yi ka sa mamarologane fote Molawo ka moka le Diporofeto di šinnye di ba gona ka taba la molawo wowa.—Mat 22:40.
moyagelane: Lentsu lowa la Segerika la gore “moyagelane” (la gore gabutšibutši ke “wa thina”) a le fo šupa ga batho bo motho a yagelanneng nabo. Le ka ra ye mongwana le ye mongwana ye motho a gahlanang naye.—Lu 10:29-37; Rom 13:8-10.
(Matewu 22:40) Molawo ka moka le Diporofeto di šinnye di ba gona ka taba la molawo wowa.”
nwtsty tso di fatisisiwweng ga Mat 22:40
Molawo . . . Diporofeto: “Molawo” wo rela dipuku tsa Baebele tsa Genesi go segela ga Dotoronoma. “Diporofeto” ke dipuku tsa diporofeto tsa Mangwalo ya Seheberu. Mara mo mantsu ya ma bolabodiwa ma le ka mabedi ka nako ka yyoši, ma ka fo ba ma rela Mangwalo ka mokana ga wona ya Seheberu.—Mat 7:12; 22:40; Lu 16:16.
šinnye: Lentsu la Segerika la gore “šinnye,” le berekisiwa go tshwanisela “selo sa go tithega kela selo so se makegang ka taba la se sengwana.” Byalo mowa Jeso ke mo a šupetsa gore Lesome la Melawo yela ya Moše le Mangwalo ka mokana ga wona ya Seheberu di yye tsa makiwa ka taba la lerato kela go nyaka.—Rom 13:9.
Go Wunyulla tso di Wutammeng ka Baebeleng
(Matewu 22:21) Ba re: “Ke tsa Kesara.” Ke mokane a re ga bona: “Byalo, patelaneng Kesara dilo tsa Kesara, mara dilo tsa Modimo le di neye Modimo.”
nwtsty tso di fatisisiwweng ga Mat 22:21
Patelaneng Kesara dilo tsa Kesara: Phetolo yowa ya Jeso, ya gore yi nyarela le ga Mar 12:17 le Luk 20:25, ke yona yi ntoši ya gore yi ngwadiwwe mo re krayang Jeso a bolabola ka kgoši ya Roma. “Dilo tsa Kesara” di ra go patela dilo tso mmušo wa lefase lowa o re makelang tsona le go hlompa kela go theetsela so se bolabolang ke bo ba lawolang.—Rom 13:1-7.
Tsa Modimo le di neye Modimo: Mowa ba ra motho wa go rapela Modimo ka pelo yage ka mokana ga yona, di mmaba, a felegelele, fote a napa a ro tshepega ka go felegelela.—Mat 4:10; 22:37, 38; Meber 5:29; Rom 14:8.
(Matewu 23:24) Bo ba go yetetsa ba popele mahlo, ba tobollwa bošunyane mo ba nwa, mara ba kgwesa kamela!
nwtsty tso di fatisisiwweng ga Mat 23:24
ba tobollwa bošunyane mo ba nwa, mara ba kgwesa kamela: dilo tsa dithila tsa ku Israyele, se senyananyana sa gona ke mo go le bošunyane ke mokane se segolo sa gona go le kamela. (Lef 11:4, 21-24) Jeso ke mo a fo tshwanisa, fote ke mo a ba tewola, a rela gore bo ba go yeta madumedi mahlong a ba hlopege ka dilo tse dikgolo tso di sipidisanang le Molawo, o re di tshwana le mo ba kgwesa kamela mara dilo tse dinyananyana tsa go tshwana le bošunyane ba yakgoswa ba di tobollwa, fote ba tseya nkare di maka gore motho a sa yele.
Go Bala Baebele
(Matewu 22:1-22) Fotefote Jeso o bolabodiye le bona ka mešupetso a re: 2 “Mmušo wa legedimong wo ka tshwanisiwa le kgoši ya go makela morwayi wa yona mošado. 3 Ke mokane ya roma malata ya yona gore ma bitse bo ba memiwweng monyanyeng, mara ke mo ba sa nyake go tla. 4 Ya roma malata ya mangwana fote ya re, ‘Botsaneng bo ba memiwweng gore: “Bonaneng! Ke le yapegele tsa go ja, dikgomo tsaka tsa pholo le diphoofolo tsa gore di tsifiye di šele di hlabiwwe, dilo ka mokana ga tsona di lukiye. Tlaneneng mošadong.”’ 5 Mara ba sa tihlope, ba tlogamela, ye mongwana a tikela sebayeng sage, ye mongwana a tikela go ye rekiseng; 6 mara ba bangwana bo ba šeleng, ba tshwara malata ya kgoši, ba ma maka lešidi ba boya ba ro bolaya. 7 “Kgoši ya bela, ya romela masole ya yona ma ya ma bolaya dikgohlane tsone ke mokane ma tšhuba le mutši wa tsona. 8 Ke mokane a botsa malata yage a re, ‘Tsa mošado di šele di lukiye, mara bo ba yyeng ba memiwa a ba gabutši. 9 Byalo, ariyeneng ku dipateng tsa go ya toropong, ye mongwana le ye mongwana ye le gahlanang naye le mo memeneng a tle mošadong.’ 10 Ke mokane, malata yane ma ya dipateng ma bitsa bo ma ba krayyeng, ba go loka le ba go sa loka; ke mokane kamara ya mošado ya tlala ka batho ba tijela. 11 “Mo kgoši yi tl’e bona bo ba tlileng, ya bona motho ye mongwana a sa yapara kobo ya lenyalo. 12 Ke mokane ya re gage, ‘Ye wweru, o kenne byang mowa o sa yapara kobo ya lenyalo?’ A šitega go fetola. 13 Ke mokane kgoši ya botsa malata ya yona ya re, ‘Mo tlemeneng matsogo le mawoto le mo lahleleneng letshwifing ka ku tawong. Gana hone go nyoko ba le go lla le go fefana ga meno.’ 14 “Ke nnete go memiwwe ba go tlala, mara bo ba hlawodiwweng a baa tlala.” 15 Ke mokane bo ba Mafaraseyi ba ya ba mo hlekela gore ba mo tantetse ka tso a nyoko di bolabolang. 16 Ke mokane ba roma bo ba mo latelelang, le mogoba wo monyana wa bo ba latelelang Heroda, ba re: “Thitšere, re ya di tšiba gore wa resa, fote le tsela ya Modimo o yi tšhutisa gabutši, fote a wo yeme le motho mo a sa make tsona, ka gore a wo ye ka gore motho o yemegiye byang. 17 Byalo re botse ša, o re king mara ka taba yo? Ke molawo go patela mothelo ga Kesara kela awwa?” 18 Mara ka taba la gore Jeso ke mo a di tšiba gore dipelo tsa bona ke tse diphifadu, a re: “Ke ntaba le n’reya lune ba go timakisa? 19 Nšupetseneng tšheleta ya mothelo.” Ba mo leyela dhenariyase. 20 A re ga bona: “Tso di merekiwweng mowa le sethombhe sowa ke tsa mang?” 21 Ba re: “Ke tsa Kesara.” Ke mokane a re ga bona: “Byalo, patelaneng Kesara dilo tsa Kesara, mara dilo tsa Modimo le di neye Modimo.” 22 Mo ba kwa tsotsone, ba makala, ke mokane ba tloga ba mo šiya gana hone.
MARCH 19-25
MAKOLWANE KA TENG GA LENTSU LA MODIMO | MATEWU 24
“Dula o Phafogiye ga tso tsa Modimo ka Dinako tso tsa Mafelelo”
(Matewu 24:12) fote ka taba la gore molawo o fo sinyega o sinyegiye, lerato la ba go tlala le nyoko pomega.
it-2 279 ¶6
Lerato
Lerato la Motho le ka Pomega. Mo Jeso Kreste a botsa bo ba mo latelelang tso di sa nyoko makegang, o itseri lerato (a·gaʹpe) la ba go tlala ba gore mo ba bolabola ba re ba dumela ga Modimo, le nyoko pomega. (Mat 24:3, 12) Mopostola Pawulo o itseri se sengwana sa go šupetsa gore re phela ga dinako tsa go baba ke gore batho ba nyoko “kwana le tšheleta.” (2Ti 3:1, 2) Di ya šupetsa gore motho a ka thomisa go sa sa ngangarela ditšhiko tsa nnete, a thomisa go sa sa rata batho go tshwana le botala mola go sa le yene. So se šupetsa gore re tshwanele go fo dula re rotetsa lerato la rune fote re ghayele ka Lentsu la Modimo le go phela re kene re latelela ditšhiko Tsage.—Ef 4:15, 22-24.
(Matewu 24:39) ke mo go se na so ba se yisang hlogong gwa šinya go segela Mogogola, wa ba suwela ka mokana ga bona, le go ba gona ga Morwayi wa motho go nyoko fo ba ka mokg’onone.
w99 11/15 19 ¶5
Nje ka Mokana ga Tsona tso o di Tshepisiyeng Modimo wa mo Makela?
5 Mo Jeso Kreste a bolabola ka dinako tso tsa go tlerola pelo tso re phelang ga tsona, o itseri: “Go tshwana le tsetsela di makegiyeng ka matšatši ya Nnowa, le go ba gona ga Morwayi wa motho go nyoko fo ba ka mokg’onone. Ka mokg’onola ne ba le ka gona mo go soko segela mogogola, ba tijela fote ba tinwela, banna ba nyala le basadi ba nyadiwa, gwa šinya go segela nako ya gore Nnowa a kene ka teng ga areka; ke mo go se na so ba se tseyelang hlogong gwa šinya go segela mogogola, wa ba suwela ka mokana ga bona, le go ba gona ga Morwayi wa motho go nyoko fo ba ka mokg’onone.” (Matewu 24:37-39) Mo motho a tijela kela a tinwela gabutši nje, aa sinyi, le mong lona lenyalo ke Modimo a le makiyeng. (Genesi 2:20-24) Mara, mo o thomisa go di bona gore tso o napang o hlopega ka tsona mo o kene o phela di phiphetsa tso gabutšibutši di tshwaneleng di yete mahlong, napa o rapela ka taba yone. Jehova a ka di kgona go maka gore re beye tso tsa Mmušo ka ku mahlong, re make dilo gabutši, fote re make tso re mo tshepisiyeng.—Matewu 6:33; Maroma 12:12; 2 Makorente 13:7.
(Matewu 24:44) Ka taba lowa, le lune tišupetseneng gore le hlahlamme, ka taba la gore Morwayi wa motho o nyoko segela ka nako yo le sa yi naganang.
Mapostola ma Nyaka Mošupetso
O re bo ba mo latelelang di nyaka ba dule ba hlahlamme, ba lebelele, fote ba dule ba litiye. Jeso o napa a ro kikitela taba yowa ka go hlaya mošupetso wo mongwana, o re: “Tšibaneng selo ka ssoši ke sowa: Mola mong wa mutši a di tšiba gore motho wa go yetswa o nyoko segela ka nako mang, ne a ka fo dula a sa yetsele gore a sa kenediwe ka ntlong yage. Ka taba lowa, le lune tišupetseneng gore le hlahlamme, ka taba la gore Morwayi wa motho o nyoko segela ka nako yo le sa yi naganang.”—Matewu 24:43, 44.
Go Wunyulla tso di Wutammeng ka Baebeleng
(Matewu 24:8) Tso ka mokana ga tsona ke go thomisa ga mašomota ya mošekelo.
nwtsty tso di fatisisiwweng ga Mat 24:8
mašomota ya mošekelo: Lentsu la Segerika, le tshwanisiwa le mo mosadi wa gore o na le mpa a kwa go baba ka taba la lešoko. Go berekisiwwe lentsu lowa go šupetsa gore go baba gone go nyoko sasamela fote go nyoko makega ga batho ba go tlala, mara lentsu lowa fote le ka fo ba le šupetsa gore dilo tso tsa go baba di nyoko tshwana le go belega ka taba la gore go baba ga gona go nyoko makega go makegiye, go nyoko šinya go tikisa le lešapo fote go nyoko tseya nako ya go segela kaye mo go soko thomisa motšhatšhamelo wo mogolo wo wo hlayiwang ga Mat 24:21.
(Matewu 24:20) Ariyeneng mahlong le kene re rapela gore le sa kraye le tšhaba go le marega kela ka letšatši la Sabatha;
nwtsty tso di fatisisiwweng ga Mat 24:20
marega: A go sepelege mo go na pula ye kgolo, mo go na le mogogola fote go bata, le go kraya tsa go ja le ga go yetsela gwa thathafa.—Ezr 10:9, 13.
ka letšatši la Sabatha: Dipolekeng tsa go tshwana le Judiya, melawo ya go tshwana le ya Sabatha ke mo yi thathafisela batho go sepela mayeto ya go lefa le go rwala merwalo, fote ka letšatši la Sabatha ke mo go kwadiwa dighete.—Bona Meb 1:12 le App. B12.
Go Bala Baebele
(Matewu 24:1-22) Byalo mo Jeso a kene a tloga tempeleng, bo ba mo latelelang ba šutela gage ba mo šupetsa meyago ya tempele. 2 Mo a ba fetola a re: “Dilo tso ka mokana ga tsona a le di bone? Ka nnete ke ya le botsa, di ka sa makege gore letlapa le lisiwe gedimo ga letlapa le lengwana le sa lahlediwa fase.” 3 Mo a kene a dule Thabeng ya Dihlo, bo ba mo latelelang ba ya gage ka makhukhung ba re: “Re botse gore dilo tsowa di nyoko makega neng, fote mošupetso wa gore wene o segele le wa gore ke nako ya mafelelo ya masipidiselo yawa ya dilo go nyoko ba ying?” 4 Mo Jeso a ba fetola a re: “Bonaneng, le sa tshoke ke motho, 5 ka taba la gore go nyoko segela ba go tlala ba tipitsa ka lebitso laka, ba re, ‘Ke nna Kreste,’ fote ba nyoko ntsha ba go tlala pateng. 6 Le nyoko kwa go bolabodiwa ka dintwa le dipego tsa dintwa. Tsotsone di sa le makatse, ka taba la gore di tshwanele go fo makega, mara mafelelo a ma soko segela. 7 “Ka taba la gore setšhaba se nyoko šuhlašuhla setšhaba se sengwana le mmušo wo nyoko šuhlašuhla mmušo wo mongwana; tsa go ja di nyoko gayela fote go nyoko ba le go tekateka ga lefase dipolekeng ka go lategetsana. 8 Tso ka mokana ga tsona ke go thomisa ga mašomota ya mošekelo. 9 “Ke mokane batho ba nyoko le hlorisa fote ba nyoko le bolaya, le nyoko hloyiwa ke ditšhaba ka mokana ga tsona ka taba la lebitso laka. 10 Fote ka nako yone, ba go tlala di nyoko ba ghura, fote ba nyoko sepelana ka fase le go hloyanana. 11 Go nyoko nyarela maporofeta ya go tlala ya matsaka, fote ma nyoko ntsha ba go tlala pateng; 12 fote ka taba la gore molawo o fo sinyega o sinyegiye, lerato la ba go tlala le nyoko pomega. 13 Mara ye a ka tiyiselang go segela mafelelong o nyoko phonisiwa. 14 Fote ditaba tsowa tsa go bafala tsa Mmušo di nyoko bolabodiwa lefaseng ka mokana ga lona gore ditšhaba ka mokana ga tsona di tiponele, ke mokane mafelelo ma nyoko segela. 15 “Byalo mo le bona selo sa go silikisa so se leyang mohlopego, go ya ka mokg’o go hlayyeng moporofeta Daniyele, polekeng ya go hlawolega (ye a balang a berekise go kwisisa), 16 ke mokane bo ba leng Judiya ba thomise go tšhabela dithabeng. 17 Motho ye a leng gedimo ga ntlo a sa phologe gore a tl’le ntshela dilo ka tawong ga ntlo yage, 18 le motho mo a le sebayeng a sa sologe a re we lata kobo yage. 19 Basadi ba go ba le dimpa le ba go yangwisa ka nako yonone ba ko di kweng! 20 Ariyeneng mahlong le kene re rapela gore le sa kraye le tšhaba go le marega kela ka letšatši la Sabatha; 21 ka taba la gore ka nako yonone go nyoko ba le motšhatšhamelo wo mogolo wa gore a wo šiyo wo o yyeng wa tshwana nawo go tlogisela mathomisong go šinya go segela gana byalo, fote wo ka sa sa tsoga wo makegiye. 22 Gabutšibutši, mo matšatši wone ma ka sa pumiwi, ke mo go ka sa phone motho; mara ka taba la bo ba hlawodiwweng, matšatši wone ma nyoko pumiwa.
MARCH 26–APRIL 1
MAKOLWANE KA TENG GA LENTSU LA MODIMO | MATEWU 25
“Le sa Koboleneng”
(Matewu 25:1-6) “Byalo Mmušo wa legedimong wo ka tshwanisiwa le lesome la makgareba ya ma yyeng ma tseya malampa ya wona ke mokane ma ye gahlanetsa mokgonyane. 2 Ka mahlano ke mo go le ditlayela, ka mahlano ma hlalefiye. 3 Yawa ya ditlayela ma tsere malampa mara ma sa tseye le makgura, 4 ke mokane yawa ya go hlalefa ma tsere makgura ma tšhediye ka teng ga mapotlela mo ma tseya malampa ya wona. 5 Mo mokgonyane a kene a diyega, makgareba yawa ka mokana ga wona ma thomisa go kobola, ma šinya ma yetsela. 6 Ke mokane gare ga bošego, ye mongwana a yahlamela a re: ‘Mokgonyane ke yenene! Ariyeneng le ye mo gahlanetseng.’
(Matewu 25:7-10) Ke mokane makgareba yane ka mokana ga wona ma tsoga ma tšhuba malampa ya wona. 8 Yala ya ditlayela ma bolabola le yala ya go hlalefa ma re, ‘Re pomeleneng makgura, ka gore malampa ya rune ma thina le go tima.’ 9 Makgareba ya go hlalefa ma fetola ma re: ‘Yii ke ya manyana, ma ka sa yenetsi rune le lune. Mara ariyeneng ga bala ba go rekisa, le tirekeleneng ya lune.’ 10 Mo ma sa yye go rekeng, mokgonyane a segela. Makgareba ya gore ke mo ma litiye ma kena naye mošadong, ke mokane gwa kwadiwa sekwalo.
(Matewu 25:11, 12) Ka morago, makgareba yala ya mangwana ma segela ma re, ‘Morena, Morena, re bulele!’ 12 Mo a fetola a re, ‘Ke le botsa nnete, a ke le tšibi.’
Go Wunyulla tso di Wutammeng ka Baebeleng
(Matewu 25:31-33) “Mo morwayi wa motho a segela a kene a gadima, a na le barongwa ka mokana ga bona, o nyoko dula setulong sage sa bogoši sa go gadima. 32 Ditšhaba ka mokana ga tsona di nyoko gahlana mahlong gage, ke mokane o nyoko hlawola batho, go tshwana le mo ye a disang a hlawola dinku ga dipudi. 33 O nyoko beya dinku ga letsogo lage la go ja, mara dipudi o nyoko di beya ga letsogo lage la sepata.
w15 3/15 27 ¶7
Go Tshepega mo re Thegeletsiye Bobhuti ba Kreste
7 Lekgono lowa, mošupetso wa dinku le dipudi re wo kwisisa gabutši. Ye go bolabodiwang ka yene mo ba re “Morwayi wa motho” ba ra Jeso, yene Kgoši. Bo ba gore ba re ke “bobhuti baka” ke banna le basadi ba gore ba tlotsiwwe ka moya, bo ba nyoko lawolang le Kreste ba le ku legedimong. (Maroma 8:16, 17) “Dinku” le “dipudi” di yemela batho ba go tšwa ditšhabeng ka mokana ga tsona. Bowa a baa tlotsiwa ka moya wa go hlawolega. Ayitsano nako ya gore go nyoko yahlodiwa neng yona re ya yi tšiba? Go yahlodiwa go nyoko makega mo motšhatšhamelo wo mogolo wo le thina le go felegelela, motšhatšhamelo wone wo thina ka matla le go segela. Byalo taba ya gore ke ntaba batho ba bangwana ba yahlodiwa go le dinku ba bangwana go le dipudi re nyoko yi tšiba nje? Sone se nyoko ya ka gore ga bobhuti ba Kreste bo ba tlotsiwweng ka moya ke mo ba ba tshwere byang. Ka taba la gore re thina ka matla le go fela ga masipidiselo yawa, re leboga ka matla gore Jehova o re khanyisela ka gonyana ka gonyana mošupetso wowa wa gore wo nyarela ga Matewu 24 le 25!
(Matewu 25:40) Mo Kgoši yi fetola yi nyoko re ga bona, ‘Ke le botsa nnete, go segela mo le di kgonneng go makela mogageru ka wweši ye monyana, le makele nna.’
w09 10/15 16 ¶16-18
“Ke Lune Banghana Baka”
16 Mo nkare o nyoko dula mo lefaseng ka tlase ga Mmušo wa Modimo, o ka šupetsa byang gore le wene ke wene monghana wa bobhuti ba Kreste? Re nyoko fo hlaya dilo ka ditharo. Sa mathomo, ke go tšhomayela ka pelo ka mokana ga yona. Kreste o butsiye bobhuti bage gore ba bolabole ditaba tsa go bafala lefaseng ka mokana ga lona. (Mat. 24:14) Mara bobhuti ba Kreste ba gore ba sa šele ho lefaseng ke mo ba nyoko kwa go roba ka matla mola ba maka mmereko wowa ba ntoši ba sa gelepe ke banghana ba bona ba gore ke dinku tse dingwana. Eya, ka moka matšatši mo bo ba gore ba kena ga dinku tse dingwana ba ya tšhomong, gabutšibutši ba gelepa bobhuti ba Kreste go maka mmereko wo ba rumiwweng gore ba wo make. Molata wa go hlalefa le wa go tshepega o leboga ka matla senghana sone, go fo tshwana le Kreste.
17 Sa bobedi so se ka makang ke bo ba dinku tse dingwana mo ba gelepa Kreste ke go neyela ka tšheleta ba makela gore mmereko wowa wa go tšhomayela wo ye mahlong. Jeso o hlohleletsiye bo ba mo latelelang gore ba timakele senghana ba berekisa “makgumo ya go sa loka.” (Luka 16:9) A di re gore senghana le Jeso kela Jehova re ka se reka. Mara mo re berekisa dilo tsa rune gore tso tsa Mmušo di ye mahlong, re šupetsa senghana le lerato la rune, a re fo bolabola mara “re di maka re resa.” (1 Joh. 3:16-18) Re maka gore go neyediwe ka tšheleta mo re kene re tšhomayela, mo re neyela gore go yiwe mahlong ka mmereko wa go yaga le go lukisa dipoleke tso re tshwarelang mogahlano ga tsona le mo re neyela gore mmereko wa go tšhomayela lefaseng ka mokana ga lona o ye mahlong. Jehova le Jeso baa leboga mo re neyela re jabodiye, le mo tšheleta ya gona go le ye nyana kela yi tlele.—2 Makor. 9:7.
18 Sa boraro sa go šupetsa gore ka mokana ga rune ke rune banghana ba Kreste ke mo re theetsela mo bagolo ka phutegong ba re yetetsa. Banna bo ba kgetiwwe ka moya wa go hlawolega wo berekisa ke Kreste. (Maef. 5:23) Mopostola Pawulo o ngwadiye gore, “Theetselaneng bo ba yetiyeng mahlong mone ga lune fote le tinyanafatse.” (Maheb. 13:17) Di ka fela di baba go theetsela mo bagolo ba rune ba re yetetsa ba berekisa Baebele. Re ya di tšiba gore a ba yenela fote sosone se ka tšhoga se makiye gore re sa ba theetsele. Mara Kreste, yene Hlogo ya phutego, o jabolela go berekisa banna bowa le mo ba kene ba sa yenela. Byalo, ka mokg’o re bang ka gona mo ba kene ba re yetetsa gwa šupetsa gore senghana sa rune le Kretse ke sa mošaga mang. Ga tse dingwana ba nyoko fela ba sa make tsona, mara mo re maka nkare a re di bone ke mokane re theetsela so ba re botsang, re šupetsa gore ga Kreste re ya mo nyaka.
Go Bala Baebele
(Matewu 25:1-23) “Byalo Mmušo wa legedimong wo ka tshwanisiwa le lesome la makgareba ya ma yyeng ma tseya malampa ya wona ke mokane ma ye gahlanetsa mokgonyane. 2 Ka mahlano ke mo go le ditlayela, ka mahlano ma hlalefiye. 3 Yawa ya ditlayela ma tsere malampa mara ma sa tseye le makgura, 4 ke mokane yawa ya go hlalefa ma tsere makgura ma tšhediye ka teng ga mapotlela mo ma tseya malampa ya wona. 5 Mo mokgonyane a kene a diyega, makgareba yawa ka mokana ga wona ma thomisa go kobola, ma šinya ma yetsela. 6 Ke mokane gare ga bošego, ye mongwana a yahlamela a re: ‘Mokgonyane ke yenene! Ariyeneng le ye mo gahlanetseng.’ 7 Ke mokane makgareba yane ka mokana ga wona ma tsoga ma tšhuba malampa ya wona. 8 Yala ya ditlayela ma bolabola le yala ya go hlalefa ma re, ‘Re pomeleneng makgura, ka gore malampa ya rune ma thina le go tima.’ 9 Makgareba ya go hlalefa ma fetola ma re: ‘Yii ke ya manyana, ma ka sa yenetsi rune le lune. Mara ariyeneng ga bala ba go rekisa, le tirekeleneng ya lune.’ 10 Mo ma sa yye go rekeng, mokgonyane a segela. Makgareba ya gore ke mo ma litiye ma kena naye mošadong, ke mokane gwa kwadiwa sekwalo. 11 Ka morago, makgareba yala ya mangwana ma segela ma re, ‘Morena, Morena, re bulele!’ 12 Mo a fetola a re, ‘Ke le botsa nnete, a ke le tšibi.’ 13 “Byalo, le sa koboleneng, ka taba la gore a le tšibi letšatši le nako. 14 “Taba yo yi tshwana le ya motho wa gore o thina le go ya polekeng ya kgole, ke mokane a bitsa malata yage gore a ma rwese dilo tsage. 15 Ye mongwana o mo neyye ditalente ka dihlano, ye mongwana a mo neya ka dipedi, ke mokane ye mongwana a mo neya ka yyoši, ke mo a lebelele gore ye mongwana le ye mongwana o nyoko kgona go segela kaye, ke mokane a tloga a ya kgole. 16 Ka nako yonone, ye a krayyeng ditalente ka dihlano a napa a ye reka le go rekisa a berekisa tsona ke mokane tsa yeketsega ka tse dingwana ka dihlano. 17 Ye wa go kraya ka dipedi le yene a maka tsotsone, le gage gwa yeketsega ka tse dingwana ka dipedi. 18 Mara molata yela a krayyeng ka yyoši a tloga a ye yepa mokoti a yi fatela gore a wutetse tšheleta ya mong wage. 19 “Mo go šele go fitiye nako ya go lefa, mong wa malata yala a boya ke moka a nyaka gore ba tle ba lukise ditaba tsa bona tsa ditšheleta. 20 Byalo yela a krayyeng ditalente ka dihlano a tla le tse dingwana ka dihlano, a re, ‘Mong waka, o nneyye ditalente ka dihlano; bona di yeketsegiye ka tso tse dingwana ka dihlano.’ 21 Mong wage a re: ‘O berekiye, o lelata la gabutši le la go tshepega! O tshepegiye ga dilo tse dinyana. Ke nyoko go hlawola gore o lawole dilo tsa go tlala. Jabola le mong wago.’ 22 Ke mokane gwa tla yela wa go kraya ditalente ka dipedi, a re, ‘Mong waka, o nneyye ditalente ka dipedi; bona di yeketsegiye ka tso tse dingwana ka dipedi.’ 23 Mong wage a re: ‘O berekiye, o lelata la gabutši le la go tshepega! O tshepegiye ga dilo tse dinyana. Ke nyoko go hlawola gore o lawole dilo tsa go tlala. Jabola le mong wago.’