Ditodi tsa Sepukwane sa Mogahlano wa Maphelelo le Matšhomayelelo

JANUARY 7-13

MAKOLWANE KA TENG GA LENTSU LA MODIMO | MEBEREKO 21-22

“Go Makege so se Nyakang ke Jehova”

(Mebereko 21:8-12) Ka motshwana wa gona ra tloga ra ya Kesareya, ke mokane ra kena ntlong ya Filipi wa Moebangedi, wa gore ne a le ga banna bala ka bašupa, ra dula naye. ⁹ Monna yewa ne a na le barwediya ka bane ba gore a baa šada fote baa porofeta. ¹⁰ Mara mo re šele re fetsiye matšatši nyana re dula hone, moporofeta ye ba reng ke Aghabhase a segela a tšwa Judiya. ¹¹ A tla mo ga rune, a tseya lepanta la Pawulo, ke mokane a titlema mawoto le matsogo, a re: “Moya wa go hlawolega wo re, ‘Majuda hala Jerusalema ma nyoko tlema mong wa lepanta lowa ka mokgo, ke mokane ma mo yisa ga batho ba ditšhaba.’” ¹² Byalo mo re kwa tsotsone, rune le bo ne ba le gana hone ra thomisa go mo kgopela ka matla gore a sa yi Jerusalema.

bt 177-178 ¶15-16

“Go Makege so se Nyakang ke Jehova”

¹⁵ Nakwela Pawulo a duli le Filipi, go yye gwa segela sevakaši se sengwana sa go hlompega ka matla, so ba reng ke Aghabhase. Bo ne ba le ntlong ya Filipi ne ba di tšiba tsa gore Aghabhase ke moporofeta; ke mo ba di tšiba gore o yye a porofeta gore tlala ne yi nyoko tla mo go lawola Tlelowudiyose. (Meb. 11:27, 28) Nakwenngwana ne ba tiputsisa gore: ‘Aghabhase o nyaka ying mo? O re tshwarele tsa gore king?’ Mo ba kene ba mo lebelele, o yye a tseya lepanta la Pawulo—mokgopa wa go lefa nkare ke lepanta la go tšhela tšheleta le dilo tse dingwana la gore ke mo ba le tlemelela ho masekeng. Aghabhase o yye a titlema mawoto le matsogo ka lona. Ke mokane a thomisa go bolabola. Ne a sa tshwara tsa go kgana mo a re: “Moya wa go hlawolega wo re, ‘Majuda hala Jerusalema ma nyoko tlema mong wa lepanta lowa ka mokgo, ke mokane ma mo yisa ga batho ba ditšhaba.’”—Meb. 21:11.

¹⁶ Seporofeto sone ne se napa se šihlela taba ya gore Pawulo ne a nyoko ya Jerusalema. Se šupetsiye le gore tso Majuda ma nyoko mo makang tsona di nyoko fetsa di maka gore ba mo yise ga “batho ba ditšhaba.” Seporofeto sowa se ba tikisiye ka matla bo ne ba le hone ka mokana ga bona. Luka o ngwadiye gore: “Byalo mo re kwa tsotsone, rune le bo ne ba le gana hone ra thomisa go mo kgopela ka matla gore a sa yi Jerusalema. Ke mokane Pawulo a fetola a re: ‘Anthe le tshwere yifeng tsa go ba le kene le lla le go leketsa go mmaka gore ke lelemele? Le sa hlupege, tsotsone tsa go tlemiwa ke di yemele, fote ke yemele le tsa go šinya ke kgwela ku Jerusalema ka taba la lebitso la Morena Jeso.’”—Meb. 21:12, 13.

(Mebereko 21:13) Ke mokane Pawulo a fetola a re: ‘Anthe le tshwere yifeng tsa go ba le kene le lla le go leketsa go mmaka gore ke lelemele? Le sa hlopege, tsotsone tsa go tlemiwa ke di yemele, fote ke yemele le tsa go šinya ke kgwela ku Jerusalema ka taba la lebitso la Morena Jeso.”

bt 178 ¶17

“Go Makege so se Nyakang ke Jehova”

¹⁷ O fo nagana nje. Magageru, le mong Luka, ba yye ba kgopela Pawulo gore a sa yi. Ba bangwana baa lla. Pawulo wa di bona gore ba mo kwela go baba ka matla, byalo o ba botsa a sa ba lakatse gore ‘ba maka gore a lelemele,’ dihlatollo tse dingwana tsa go hlatolla Segerika di re ‘ba mo kwaletsa ka ho pelong.’ Mara aa thogathoge ga tso a tiputsiyeng tsona, o yye a maka tsotsone le mo a gahlana le magageru ya Tire, ne a ka sa fo thomisa go kamaka ka taba la gore baa mo llela fote ba mo yemme ka mahlong. Wa ba hlatollela gore ke ntaba a tshwanele a ye. O šupetsiye gore o na le lešiši fote aa kamake! Go fo tshwana le Jeso, Pawulo ne a tiputsiye gore le mo go ka teya leduma la mošaga mang, yene o ya Jerusalema. (Heb. 12:2) A yi gore Pawulo ne a re o nyaka go kgwela so a se dumelang, mara ne a re le mo di ka makega, ne di ka sa mo hlupe ka taba la gore ke mo a ko ba a kgwile a kene a latelela Kreste Jeso.

(Mebereko 21:14) Nakwela a gana re mo yema ka mahlong, ra napa re lisetsa go mo ganetsa ra re: “Go makege so se nyakang ke Jehova.”

bt 178 ¶18

“Go Makege so se Nyakang ke Jehova”

¹⁸ Magageru ma yye ma maka ying? Mo re fo yi beya gabutši, ma yye ba mo hlompa. Re bala gore: “Nakwela a gana re mo yema ka mahlong, ra napa re lisetsa go mo ganetsa ra re: ‘Go makege so se nyakang ke Jehova.’” (Meb. 21:14) Bo ne ba kgopela Pawulo gore a sa yi Jerusalema a baa mo gapeletsa gore go makege tso di nyakang ke bona. Ba mo theetsele ga Pawulo, ba yema ka go nyana ba kene ba gopola gore ke tso Jehova a di nyakang fote ba di yamogela le mo di kene di ba babela. Pawulo o makiye selo sa gore ne se ka fetsa se mmolayye. Ne di ka sa mo thathafele ga Pawulo hala bo ba kwanang naye ka matla ba sa leketsa go mo thibelela.   

Go Wunyulla tso di Wutammeng ka Baebeleng

(Mebereko 21:23, 24) Byalo makaneng so re le botsang: Re na le banna ka bane ba gore ba titlemme ka so ba se tshepisang. ²⁴ Tseyaneng banna bowa le ye nabo, ke mokane le tiyediseneng ka go maka monyanya, le hlapeneng nabo fote le ba pateleleneng ga tso di nyakegang, gore ba thogo hluba lekgwayi dihlogong tsa bona. Ke mokane batho ka mokana ga bona ba nyoko di tšiba gore tso ba di kweleleng ka lune a di šiyo, mara le sepela gabutši ka tsela fote le sepela ka Molawo.

bt 184-185 ¶10-12

“Ntheetsele mo ke Tilwela”

¹⁰ Mara, Pawulo o šupiye a ba kwisisa bo ba gore ne di sa ba hlope mo ba latelela ditšo tse dingwana tsa Majuda, tsa go tshwana le go sa bereke ka Sabatha kela go sa ji tsa go ja tse dingwana. (Rom. 14:1-6) Fote ne a sa ba beyela molawo ka taba la go bollwa. Gabutšibutši, Pawulo o yitseri Thimothi a bulutsiwe gore Majuda ma sa kamake ka Thimothi, wa gore papage ne go le Legerika. (Meb. 16:3) Ne di fo ya ka motho gore wa di nyaka kela aa di nyake go bollwa. Pawulo o butsiye Magalata gore: “A di na taba gore o bollwe kela a wa bollwa, mara di nyaka o be le tumelo ya go yelana le go tikwa o kwana le batho ba bagwana.” (Gal. 5:6) Gabutšibutši, mo motho a fo bollwa ka taba la gore a nyaka go šupetsa gore o latelela Molawo kela go fo makela moyano gore a thogo yamogela ke Jehova, o ko ba a šupetsa gore tumelo yage ya gayela.

¹¹ Ke tsotsone di makiyeng gore le mo taba yone ne go le matsaka, ne yi kene yi hlupa Majuda ya go tlala. Byalo, banna ba bagolo ba yye ba yetetsa Pawulo ba re: “Re na le banna ka bane ba gore ba titlemme ka so ba se tshepisang. Tseyaneng banna bowa le ye nabo, ke mokane le tiyediseneng ka go maka monyanya, le hlapeneng nabo fote le ba pateleleneng ga tso ba di nyakegang, gore ba thogo hluba lekgwayi dihlogong tsa bona. Ke mokane batho ka mokana ga bona ba nyoko di tšiba gore tso ba di kweleleng ka lune a di šiyo, mara le sepela gabutši ka tsela fote le sepela ka Molawo.”—Mebereko 21:23, 24.

¹² Pawulo a ka fo ba a di bonne gore bothata ne go se gore ba bolabola ka yene, mara Majuda ya ne ma dumela ga Molawo wa Moše ne ma fo ba ma na le matšato. Ne a di nyaka go tšhentšha-tšhentšha le seyemo, solanka di sa lwisane le go maka molawo wa Modimo. O yye a ngwala gore: “Ga bo ba leng ka tlase ga molawo, ke yye ka tshwana le bo ba leng ka tlase ga molawo, le mo nna ke se ka tlase ga molawo, gore ke thogo kraya ba gore ba ka tlase ga molawo.” (1 Kor. 9:20) Ga taba yowa, Pawulo o yye a berekisana le bagolo ba Jerusalema, a timaka gore a “tshwane le bo ba leng ka tlase ga molawo.” Mo a maka tsotsone, o re beyisele gabutši lekgono gore re berekisane le bagolo fote re sa gapeletse gore dilo di makiwe ka mokgo rune re nyakang.—Heb. 13:17.

(Mebereko 22:16) Byalo, ke ntaba le diyega? Tlogamelaneng, le kolobetsiwe ke mokane le hlatswaneng tso le di sinnyeng ka go bitsa lebitso lage.’

nwtsty tso di fatisisiwweng ga Meb 22:16

hlatswaneng tso le di sinnyeng ka go bitsa lebitso lage: Kela “hlatswaneng tso le di sinnyeng ke mokane le bitse lebitso lage.” Motho a ka sa hlatswe tso a di sinnyeng ka meetši ya go kolobetsiwa fela, mara di nyaka a bitse lebitso la Jeso. Di nyaka a be le tumelo ga Jeso mo a maka tsone ke mokane a šupetse tsotsone ka go maka mmereko wa Sekreste.—Meb. 10:43; Jak. 2:14, 18.

Go Bala Baebele

(Mebereko 21:1-19) Mo re šele re tlugiye ga bona ka go yakgoswa re bakiye lewatleng, ra fo sepela ka mokgonone ra šinya re segela Khose, ka motshwana wa gona ra ya Rodese, mo re tloga mone ra ya Patara. ² Mo re kraya sekepe so ne se bhukulela se bakiye Funishiya, ra napa re kalama sona ra sepela. ³ Mo re šele re kenne polekeng ya go dukuluga ke lewatle ya Siprase, ra yi feta ka letsogong la mpata ka sekepe sone ra ya Siriya, ra ye kena Tire, mo sekepe ne se tshwanele go layišulla merwalo. ⁴ Ra nyakela malata ra ma kraya ke mokane ra dula hone matšatši ka mašupa. Mara moya wa ba kutšetsela gore ba botse Pawulo gatleletlele gore a sa le beye Jerusalema. ⁵ Byalo mo nako ya rune ya go ba hone yi fediye, ra tloga ra thomisa leyeto, mara ka mokana ga bona, le basadi ba bona le dibananyana tsa bona, ba re felegetsa ra šinya re tšwela ka tawong ga mutši wone. Ra kgotama thina le lewatle ra rapela ⁶ ra thogo layelana. Ke mokane ra kalama sekepe, mara bona ba sologa ba ya magaye. ⁷ Ra fetsa leyeto la rune Tire ke mokane ra kena Ptolemayisi, ke mokane ra tamisa magageru ra dula nabo tšatši ka lloši. ⁸ Ka motshwana wa gona ra tloga ra ya Kesareya, ke mokane ra kena ntlong ya Filipi wa Moebangedi, wa gore ne a le ga banna bala ka bašupa, ra dula naye. ⁹ Monna yewa ne a na le barwediya ka bane ba gore a baa šada fote baa porofeta. ¹⁰ Mara mo re šele re fetsiye matšatši nyana re dula hone, moporofeta ye ba reng ke Aghabhase a segela a tšwa Judiya. ¹¹ A tla mo ga rune, a tseya lepanta la Pawulo, ke mokane a titlema mawoto le matsogo, a re: “Moya wa go hlawolega wo re, ‘Majuda hala Jerusalema ma nyoko tlema mong wa lepanta lowa ka mokgo, ke mokane ma mo yisa ga batho ba ditšhaba.’” ¹² Byalo mo re kwa tsotsone, rune le bo ne ba le gana hone ra thomisa go mo kgopela ka matla gore a sa yi Jerusalema. ¹³ Ke mokane Pawulo a fetola a re: ‘Anthe le tshwere yifeng tsa go ba le kene le lla le go leketsa go mmaka gore ke lelemele? Le sa hlopege, tsotsone tsa go tlemiwa ke di yemele, fote ke yemele le tsa go šinya ke kgwela ku Jerusalema ka taba la lebitso la Morena Jeso.” ¹⁴ Nakwela a gana re mo yema ka mahlong, ra napa re lisetsa go mo ganetsa ra re: “Go makege so se nyakang ke Jehova.” ¹⁵ Byalo ka nthago ga matšatši yane, ra lukiselela leyeto, ra phanakela re bakiye Jerusalema. ¹⁶ Malata ya mangwana ya go tšwa Kesariya le wona ma ya le rune, ma re yisa ga Mnasoni wa Siprasi, lelata la botala la gore ke mo re nyoko vakaša gaye ga lona. ¹⁷ Mo re segela Jerusalema, magageru ma re yamogela ma jabodiye. ¹⁸ Mara ka motshwana wa gona, Pawulo a ya le rune ga Jakobo, le bagolo ka moka ne ba le gona. ¹⁹ Ke mokane a ba tamisa, a thomisa go ba botsa ka dilo tso Modimo a di makiyeng ditšhabeng mo a kene a tšhomayela.

JANUARY 14-20

MAKOLWANE KA TENG GA LENTSU LA MODIMO | MEBEREKO 23-24

“Ba mo Lebele ba re wa Hlupa Fote o Dhunghanya Batho”

(Mebereko 23:12) Mo go thomisa go ba motshegare, Majuda ma yye ma bolabola ka makhukhung ke mokane ma tipotsa gore ma nyaka go ntsha senyama, ma re ma ka sa ji kela go nwa go segela ma bolaya Pawulo.

(Mebereko 23:16) Mara, morwayi wa sesi wa Pawulo a kwelela tso ne ba di polana, ke mokane a kena hala ntlong ya masole, a di hlatollela Pawulo.

bt 191 ¶5-6

“Šišimalaneng ka Matla!”

⁵ Ba tiyisiye Pawulo ka nako ya gabutši. Ka motshwana wa gona, banna ba Majuda ba go teya ka ku ga 40 ba ‘bolabola ka makhukhung ke mokane ba titlemelela ka senyama ba re ba ka sa ji kela go nwa go segela ba bolaya Pawulo.’ Go “titlemelela” ka mokgo go napa go ro šupetsa gabutši gore Majuda yawa ke mo ba tikemisele go bolaya lepostola lowa. Ke mo ba tseya gore mo tso ba di polanang di ka fo šaša, ne ba tseya gore go ko ba go le senyama kela di ba yilela. (Meber. 23:12-15) Polane ya bona yo ne yi makiye ke maprista ya magolo le banna ba bagolo ne go le ya gore Pawulo ba mmuyise ga Sanhendrini gore a tle a fokisiwe go ya mahlong, ba maka nkare ba nyaka go nyakolla gabutši ditaba tsage. Mara mo ba sa le tseleng, banna bowa ke mo ba nyoko ramela Pawulo gore ba mo tshware, ba mmolaye.

⁶ Mara setlogolo sa Pawulo, se yye sa di kwelela ke mokane sa ye hlayisela Pawulo. Ke mokane Pawulo a mo roma gore a ye botsa ye mogolo wa masole ye ba reng ke Tlelowudiyose Lisiyase. (Meber. 23:16-22) Jehova o ba nyaka ka matla bo ba sa golang mo ba maka go tshwana le setlogolo so sa Pawulo sa gore lebitso la sona a la hlayiwa, ka gore ba beya tso tsa Modimo ka ku mahlong ba šišimele fote ba maka so ba ka se kgonang gore ba beye tso tsa Mmušo mahlong.

(Mebereko 24:2) Mo ba šele ba mmitsiye, Tetulusi a mo lebela a re: “Re ya di bona gore go bebiye ka matla le gore go thomisa go tšhentšha mo setšhabeng ka taba lago,

(Mebereko 24:5, 6) Ka gore re di bonne gore monna yewa wa hlupa, o dhunghanya Majuda ka mokana ga wona lefaseng, fote ke yene a yetang mogoba wa Manazareta mahlong. ⁶ Fote o makiye nkare mo tempeleng ke ga go kganela gona, byalo re mo tshwere.

bt 192 ¶10

“Šišimalaneng ka Matla!”

¹⁰ Pawulo ne ba ‘mmeyele matšinghelani ntlong ya bogoši ya Heroda’ nakwe a le Kesariya a yemele bo ne ba mo lebela ba go tšwa Jerusalema. (Meber. 23:35) Ba segele ka nthago ga sehlano sa matšatši—go segele Moprista ye Mogolo ye ba reng ke Ananiyase, Tetulusi ye ne a bolabola a le mahlong ga batho le mogoba wa banna ba bagolo. Tetulusi a thomisa ka go thanaka Filikisi ka tso ne a di makela Majuda, di šupa nkare ke mo a makela go mo jabodisa gore a thogo kwana naye. Byalo mo a šele a kena tabeng yo ba yi tleleng, Tetulusi a re Pawulo ke monna ‘wa go hlupa, o dhunghanya Majuda ka mokana ga wona lefaseng, fote ke yene a yetang mogoba wa Manazareta mahlong. Fote o makiye nkare mo tempeleng ke ga go kganela gona, byalo re mo tshwere.” Majuda ya mangwana le wona “ma yi kena, ma re taba yo a yi bolabolang ke nnete.” (Meb 24:5, 6, 9) O dhunghanya batho, ke yene wa gore o yeta mahlong ga mogoba wo mongwana wa gore wo kotsi, fote o maka nkare mo tempeleng ke ga go kganela gona—ne ba mo tshwarisiye ntshetshere ya gore yi ka šinya yi maka gore ba mmolaye.

(Mebereko 24:10-21) Mo yewa wa go lawola a šupa Pawulo ka hlogo gore a bolabole, Pawulo o yitseri: “Ke di tšiba gabutši gore o na le mengwaga ya go tlala o yahlola setšhaba sowa, le nna ke kwa ke le gabutši ka matla gore nka tiyemelela byalo. ¹¹ Le wene o di bonne, a gwa fela matšatši ya go feta 12 ke yye go rapeleng Jerusalema; ¹² fote ba nkrayye ke sa lwe le motho kela ke dhunghanya mogoba ku tempeleng, le disinagogeng kela ho mutšing. ¹³ Fote a ba na so ba ka hlatselang ka sona ga dilo ba nlebelang ka tsona gana byalo. ¹⁴ Mara ke ya dumela gore ka mokgonola ba bitsang mogoba, nka mokgo ke makelang Modimo wa bokokwane baka mmereko wa go hlawolega, ka taba la gore ke dumela dilo ka mokana ga tsona tso di bolabolang ke Molawo le tso di ngwadiwweng ga Diporofeto. ¹⁵ Fote ke tshepele ga Modimo wa gore banna bowa le bona ba tshepele gage, gore go nyoko tsusiwa batho ba gore ba lukiye le ba go sa loka. ¹⁶ Ke dula ke nyaka go ba le lekwalo la go yela ga Modimo le batho ka taba la tsotsone. ¹⁷ Byalo ka nthago ga mengwaga nyana, ke segele ke tl’le neyela tso di šupetsang gore ke kwela setšhaba sa geru go baba le go maka dihlabelo. ¹⁸ Mo ke sa tshwaraganne le ditaba tsotsone, ba nkraya ke sa tiyedisa go ya ka mokgo re tlwayeleng hala tempeleng, mara ke mo ke se na mogoba fote ne ke sa šitisi motho. Mara ne go na le Majuda ya mangwana ya go tšwa ga phrovinsi ya Asia ¹⁹ bo ne di nyaka ba be ho mahlong gago ba tle ba bolabole tso ba n’lebelang ka tsona, a ke tšibi gore ba nnyakisa ying. ²⁰ Kela yema re lise banna bowa ba tipolabolele gore ba nkrayye ke maka ying sa gore a se ya loka mahlong ga Sanhendrini, ²¹ ka nthoko ga gore ne ke lla ke yemme segareng sa bona ke re: ‘Lekgono ke yahlodiwa mahlong ga lune ka taba la go tsusiwa ga bo ba hlokofeleng!’”

bt 193-194 ¶13-14

“Šišimalaneng ka Matla!”

¹³ Pawulo o re beyisele gore re thogo mo yekisela mo re ka tšhoga re fokisiwwe ke ba bagolo ka taba la so re se dumelang le mo ba re lebela ba re ke rune digeyageya, re lwisanya batho kela ke rune ‘mogoba wa gore wo kotsi.’ Pawulo aa mo bhuka ga monna yewa wa go yeta mahlong, aa leketsa go mo thanaka go tshwana le Tetulusi. Pawulo ke mo a kgibiye fote a hlompa. A tiyemelela a sa jaga fote a bolabola dinnete mo a kene a beya ditaba tsage. Pawulo o bolabodiye le ka ‘Majuda ya go tšwa ga poleke ya Asia’ ya gore ne ma mo lebela ma re o thilafatsa tempele, o re ne ma se šiyo fote o re go ya ka molawo, di nyaka ma tle ke mokane ma mmotse gore ma mo nyakisa ying.—Meb. 24:18, 19.

¹⁴ Di jabodisa ka matla tsa gore Pawulo ne a sa tšhabe go yemelela so a se dumelang. Lepostola lowa ke mo le na le lešiši, le yye la šihlele so le se dumelang ka taba ya go tsusiwa ga batho bo ba hlokofeleng, taba yone yi tsusiye ntshetshere nakwela a le mahlong ga Sanhendrini. (Meb. 23:6-10) Pawulo o yye a napa a šihlela taba yone mo a tikemelela. Ke ntaba? Ka taba la gore Pawulo ne a tšhomayela ka Jeso le ka go tsusiwa Gage, byalo bo ba go mo ganetsa ne ba ka sa di dumele tsotsone. (Meb. 26:6-8, 22, 23) Taba yowa ya tsogo ke yona ne yi tsusiye ntshetshere ye kgolo, sa go napa se yi bifisa ka matla ke go dumela ga Jeso le ga taba ya gore o tsusiwwe.

Go Wunyulla tso di Wutammeng ka Baebeleng

(Mebereko 23:6) Byalo, ka taba la gore Pawulo ne a di tšiba tsa gore ga mogoba wone ba bangwana ne go le Masadutseyi, ba bangwana go le Mafaraseyi, a yahlamela a le hala ga Sanhendrini a re: “Banna, magageru, ke nna Lefaraseyi, morwayi wa Mafaraseyi. Ke yahludiwa ka taba la go tshepa gore bo ba kgwileng ba nyoko tsusiwa.”

nwtsty tso di fatisisiwweng ga Meb 23:6

Ke nna Lefaraseyi: Ba bangwana ga mogoba wone ne ba mo tšiba ga Pawulo. (Meb 22:5) Di šupa nkare ke mo ba di kwisisa gore mo a yitseri ke yene morwayi wa Mafaraseyi, ke mo a šupetsa gore ke botala a tšibana nabo. Ne ba kwisisa gore a yi tsa gore Pawulo aa titšibi gore o yemme kaye ka taba la gore Mafaraseyi ya Sanhendrini ke mo ma di tšiba gore gana byalo ke mo go le Mokreste wa go ba le matšato. Mara ga taba yowa, tso Pawulo a di bolabodiyeng di ka fo kwala nkare o timaka lešaga; gabutšibutši Pawulo ke mo a re ke yene Lefaraseyi, a sa re ke yene Lesadutseyi ka taba la gore ne a kwana le Mafaraseyi ka go dumela ga taba ya go tsusiwa ga bo ba hlokofeleng. Mo a maka tsotsone, ke mo a šupetsa Marafaseyi ya ne ma le gana hone gore yene le bona baa kwana ga se sengwana. Di šupa nkare ke mo a tseya gore mo a ka fo bolabola taba yonone, yi nyoko ba dhunghanya ka taba la gore ba bangwana gana hone ga Sanhendrini ke mo ba nyoko yema naye, fote go f’lo ba ka mokgonone, polane yage yi berekiye. (Meb 23:7-9) Mantsu ya Pawulo mo ga Meb 23:6 ma kwana le nakwela a tihlatolla yene mong mo a tiyemelela ga Kgoši Aghripa. (Meb 26:5) Fote nakwe Pawulo a ngwalela Makreste ya Filipi borifi a le hala Roma, le ka nako yonone o yye a hlaya gore yene ke Lefaraseyi. (Fil 3:5) Di ya jabodisa le go bona gore Makreste ya mangwana ya ne go le Mafaraseyi ba ma hlatolla byang mo ga Meb 15:5.—Bona tso di fatisisiwweng ga Meb 15:5.

(Mebereko 24:24) Matšatšinyana ka nthago, Filikisi a tla le Dhrusilla, mosadi wage wa gore ne go le Lejuda, ke mokane a re ba bitse Pawulo, ke mokane a mo theetsela ka so a se dumelang ka Kreste Jeso.

(Mebereko 24:27) Mara mo go fediye mengwaga ka mmedi, sekgala sa Filikisi se yye sa tseya ke Porosiyo Fistosi; fote ka taba la gore Filikisi ne a di nabela ka matla tsa gore Majuda ma kwane naye, a fo lesetsa Pawulo a kene a le jele.

nwtsty tso di fatisisiwweng ga Meb 24:24

Dhrusilla: Morwediya wa boraro ye monyana wa Heroda ye go bolabodiwweng ka yene ga Mebereko 12:1, ba ra Heroda Aghripa wa mathomo. O belegiwwe gana hala ga bo 38 C.E. fote ne go le sesi wa Aghripa wa Bobedi le Berinisi. (Bona tso di fatisisiwweng ga Meb 24:13 le Glossary, “Heroda.”) Filikisi wa gore ne go Lawola yene ke mo go le monnage wa bobedi. O thomisiye a nyala ke Kgoši ya Siriya yo ba reng ke Azizusa wa hala Emesa mara a mo hlala ke mokane a šada le Filikisi gana hala ga mongwaga wa bo 54 C.E, kela nakwela a sa na le gana hala ga 16 ya mongwaga. Di ka makega gore ke mo a le gona nakwela Pawulo a le mahlong ga Filikisi a bolabola “ka go loka, go titshwara gabutši le go yahludiwa ga gore go sa nyoko tla.” (Meb 24:25) Mo Filikisi a tseya bolawodi a bo neya Fistosi, o lisetsiye Pawulo a tshwariwwe “gore Majuda ma kwane naye,” ba bangwana ba re tsotsone ke mo a di makela go jabodisa mosadi wage wa gore ke mo go sa le lethari, wa gore ne go le Lejuda.—Meb 24:27.

Go Bala Baebele

(Mebereko 23:1-15) A lebelele Masanhendhrini gabutši, Pawulo a re: “Banna, magegeru, ke titshwere gabutši mahlong ya Modimo ke na le lekwalo la go yela go segela lekgono.” ² Byalo moprista ye mogolo ye ba reng ke Ananiyase a botsa bo ba yemmeng thina naye gore ba mo teye molomonyana wowa. ³ Ke mokane Pawulo a re gage: “Modimo o nyoko teya wene, a o tšebe le go maka nkare wene ke wene. Nje mo o duli hone o bona nkare o n’yahlola ka Molawo mo o kene o maka tsa go sa yelane le Molawo mo o re ke teyiwe?” ⁴ Bo ne ba yemme hone ba re: “Ye wene, o rogelela moprista ye mogolo wa Modimo?” ⁵ Ke mokane Pawulo a re: “Magageru, ne ke sa di tšibi gore ke yene moprista ye mogolo. Ka taba la gore go ngwadiwwe gore, ‘A di nyake o bolabola tsa go befa ka ye a lawolang batho ba genu.’” ⁶ Byalo, ka taba la gore Pawulo ne a di tšiba tsa gore ga mogoba wone ba bangwana ne go le Masadutseyi, ba bangwana go le Mafaraseyi, a yahlamela a le hala ga Sanhendrini a re: “Banna, magageru, ke nna Lefaraseyi, morwayi wa Mafaraseyi. Ke yahludiya ka taba la go tshepa gore bo ba kgwileng ba nyoko tsusiwa.” ⁷ Ka taba la gore o yye a hlaya tsotsone, Mafaseyi le Masadutseyi ma thomisa go thuthana, mogoba wone wa yahlogana. ⁸ Ka gore Masadutseyi ma re a di šiyo tsa gore bo ba hlokofeleng ba nyoko tsoga, a go na lengeloyi kela moya, mara Mafaraseyi wona ma re ka mokana ga tsona di gona. ⁹ Ba thomisa go rasa ka matla fote bomabhalane ba bangwana ba go wela ga Mafaraseyi ba tlogamela ba thomisa go phigisana nabo ba kwatiye ba re: “Rune a re bone monna yewa a makiye le selo ka ssoši sa go befa, mara mo nkare lengeloyi le moya ba bolabodiye naye—.” ¹⁰ Byalo mo go napa go ba ntshetshere, ye mogolo wa masole ne a tšhaba gore ba nyoko mo tlopolanya go baba ga Pawulo, a roma masole gore ma mo kgufule a tšwe hala mogobeng ke mokane ma mo leye mo go nang le mogoba wo mongwana wa masole. ¹¹ Mara bošego ka motshwana wa gona, Morena a yema thina gage a re: “Šišimala! Go fo tshwana le ka mokgola ne o tšhomayela ka nna hala Jerusalema, di nyaka o tšhomayele le Roma.” ¹² Mo go thomisa go ba motshegare, Majuda ma yye ma bolabola ka makhukhung ke mokane ma tipotsa gore ma nyaka go ntsha senyama, ma re ma ka sa ji kela go nwa go segela ma bolaya Pawulo. ¹³ Ne go na le banna ba go teya ka ku ga 40 ba gore ba titlemme gore ma nyoko maka taba yowa. ¹⁴ Banna bowa ba yye ba rwalagana ba ya ga maprista ya magolo le banna ba bagolo ba re: “Re titlemme ra re re nyaka go tlosa senyama gore re sa ji selo go segela re bolaya Pawulo. ¹⁵ Byalo lune le Sanhendrini di nyaka le botse ye mogolo wa masole gore a mo leye ho ga lune le make nkare le nyaka go nyakolla taba yage gabutši. Mara mo a soko šutela thina le lune, re ko ba re šele re mo tshwere gore re fetse ka yene.”

JANUARY 21-27

MAKOLWANE KA TENG GA LENTSU LA MODIMO | MEBEREKO 25-26

“Pawulo o ye Seka ga Kesara ke Mokane o Tšhomayelela Heroda Aghripa”

(Mebereko 25:11) Mo nkare ka nnete ke maka dilo tsa go befa fote ke makiye selo sa go nyaka gore ke bolayiwe, a ke tšhabe likgu; mara mo nkare a go na sa go befa ga tso banna bo ba bolabolang ka tsona ka nna, aa šiyo le ka wweši ga banna bowa wa gore a ka fo maka gore ke ye ga bona nkare ke nna selo sa go kganisa. Ke nyaka go ye seka ga Kesara!”

bt 198 ¶6

“Ke Nyaka go ye Seka ga Kesara!”

⁶ Tso Fistosi ne a leketsa go di maka gore a jabodise Majuda ne di ka fo tšhela Pawulo mathatheng ya magolo. Byalo Pawulo o berekisiye ditshwanelo tsa ge tsa gore o tšwa Roma. O butsiye Fistosi gore: “Ke yemme mahlong ga setulo sa go yahlola sa Kesara, ye a tshwaneleng go ng’yahlola. Majuda a ke ya ma sinyela selo, le wene wa di bona. . . . Ke nyaka go ye seka ga Kesara!” Ga go tlala mo motho a hlayye gore o nyaka go ye seka ga Kesara, ke mo ba sa di kgone go gana. Fistosi o napiye a šihlela taba yone mo a re: “O nyaka go ye seka ga Kesara; re nyoko go yisa ga Kesara.” (Meber. 25:10-12) Pawulo o beyisele Makreste ya lekgono gabutši, o šupetsa gore a yi go sinya mo re kgopela go ye seka ga dikhota tse dikgolo. Mo bo ba go re ganetsa ba leketsa go re “lebela ba berekisa molawo,” Dihlatse tsa Jehova a di tšhabe go ye yemelela ditaba tsa go bafala.—Pis. 94:20.

(Mebereko 26:1-3) Aghripa a re ga Pawulo: “Byalo ke nako ya gore o tipolabolele.” Ke mokane Pawulo a wolola letsogo lage, a thomisa ditaba a re: ² “Ga dilo ka mokana ga tsona tso Majuda ma nnyakisang ka tsona ma re ke di makiye, Kgoši Aghripa, nkwa ke jabodiye ka matla gore lekgono ke tikemelela ho mahlong gago, ³ ka matlamatla ka gore ke wene segele ga ditšo ka mokana ga tsona tsa Majuda fote le ditshelo tsa wona o di tšiba gabutši. Byalo, ke ya go kgopela, o n’lefisele pelo barena.

bt 198-201 ¶10-16

“Ke Nyaka go ye Seka ga Kesara!”

¹⁰ Pawulo o lebogiye Kgoši Aghripa a kene a mo hlompa ka sekgala so a mo neyyeng sa gore a tikemelele, a hlaya gore kgoši yowa ke segele ga ditšo ka mokana ga tsona tsa Majuda fote le ditshelo tsa wona yi di tšiba gabutši. Pawulo o yye a thomisa go hlatolla lephelo lage la botala, a re: “Nakwela ke le ga mogoba wa rune wa go hlupa wo ne re bona nkare tsotsone ke go rapela, ne ke le Lefaraseyi.” (Meber. 26:5) Pawulo ke mo a na a di dumela tsa gore Mesiya o nyoko tla, le mo go kene go le Lefaraseyi. Ka gore ke Mokreste byalo, o yye a šišimala ke mokane a hlaya gore Jeso Kreste ke yene wa gore ne ba mo yemele go tlugisela botala. Yene le bo ne ba mo ganetsa ne ba tshwana ka sosone—ke mo ba tshepa gore tso Modimo a di tshepisiyeng bokokwane wa bona, o nyoko di maka—fote sosone se makiye gore Pawulo a šinye a sekisiwa tšatši lone. Seyemo sone se makiye gore Aghripa a nape a di nabela ka matla go tšiba tso Pawulo a nyakang go di bolabola.

¹¹ Pawulo mo a nagana tso ne a di tshwarisiye Makreste ku nthago, o re: “Nna mong ke mo ke napiye ke tipotsa gore ke nyoko maka dilo tsa go tlala tsa go phigisana le lebitso lowa la Jeso wa Nazareta . . . Ka taba la gore batho bowa [bo ba latelelang Kreste] ne ba nsilikisa ka matla, ke mo ke ro ba phidisa go baba le mo ba le ga mitši ye mengwana ya ka tawong.” (Meber 26:9-11) Pawulo ne a sa ba tantetsi. Batho ba go tlala ne ba di tšiba gore ke mo a tshwere Makreste lešidi. (Magal. 1:13, 23) ‘A ka fo ba a tšhentšiye king mara?’ Nakwenngwana Aghripa ne a tiputsisa tsotsone.

¹² Mantsu ya Pawulo ya go latela ma mo fetodiye: “Mo nkene ke ya Damasekhase ke dumele mo maprista ya magolo ma n’ruma, ka bona go khanya mo pateng, ye kgoši, ke mo go khanya la go gadima ka matla go feta letšatši, gwa segela gwa tlonya nna le bo ne ke sepela nabo. Byalo ho ka mokana ga rune re šele re wele fase, ka kwa lentsu le bolabola ka Seheberu le re gaka, ‘Sawulo, Sawulo, anthe o nhlupela ying? O nyoko kwalela mo o ka fo ya mahlong o raga phate ya go lokotšiwa.’ Mara ka re, ‘Ke wene mang Morena?’ Ke mokane Morena a re, ‘Ke nna Jeso, yenela o mo hlupang.’”—Meber. 26:12-15.

¹³ Mo dilo tsowa tsa go tshosa di soko bane di makega, e go tshwana le nkare Pawulo o “raga phate ya go lokitšiwa.” Go tshwana le mo phoofolo ya go rwala morwalo yi ko ba yi tikwaletsa mo yi raga phate ya go lokotšiwa, Pawulo le yene o tikwaletsiye ga tso tsa Modimo ka go phigisa tso di nyakang ke Modimo. Nakwela Jeso wa gore o tsusiwwe a nyarela ga Pawulo mo a le pateng ya go ya Damasekhase, o makiye gore monna yewa wa go tilokela, wa gore ke mo a fukugiye a wolole monagano wage.—Joh. 16:1, 2.

¹⁴ Pawulo o yye a tšhentšha tsa mannete, di biye di ro makatsa. Mo a botsa Aghripa o yitseri: “A ka f’lo womisa hlogo mo ke bona dilo tso ne ke šupetsiwa tsona tsa go tšwa legedimong, mara la mathomo ga bo ne ba le Damasekhase le ga bo ne ba le Jerusalema, le ga poleke ka mokana ga yona ya Judiya le ga ditšhaba ka mokana ga tsona, ke yye ka ba botsa ditaba tsa gore ba sokologe ba boyele ga Modimo, ba make le tsa go šupetsa gore ba sokologiye.” (Meber. 26:19, 20) Pawulo o fetsiye mengwaga ya go tlala a maka tso Jeso Kreste a mo rommeng tsona ga mmono wola wage. Go felele kaye? Ba gore ba theetsele ditaba tsa go bafala tso Pawulo ne a di tšhomayela ba yye ba sokologa, ba lesetsa maphelelo ya go ba le dithila, ya go sa tshepege, ke mokane ba boyela ga Modimo. Bobone go yye gwa ba badudi ba gabutši, ba karakarela go hlompa molawo le go maka gore dilo di sepele ka letheto.

¹⁵ Mara tsotsone ne di sa re selo ga banna ba Majuda bo ne ba phigisa Pawulo. Pawulo o yitseri: “Ka taba la dilo tsowa, Majuda ma ntshwere hala tempeleng ma leketsa go mpolaya. Mara, ka taba la gore Modimo o n’gelepiye, le lekgono lowa ke sa fo tšhomayela ba banyana le ba go tlala.”—Meber. 26:21, 22.

¹⁶ Ke rune Makreste ya mannete, byalo di nyaka “re dule re hlahlamme gore re thogo yemelela” tumelo ya rune. (1 Pet. 3:15) Mo re bolabola le ba go yahlola le ba go lawola ka so re se dumelang, di ko re gelepeng mo re ka yekisela Pawulo ka tso ne a di hlaya nakwela a bolabola le Aghripa le Fistosi. Di nyaka re ba botse re kene re ba hlompa gore Baebele yi tšhentšhiye maphelelo ya batho gore ma be gabutši—ya rune beng le ya bo ba theetselang molayetsa wa rune—re ka tikraya re tikisiye dipelo tsa bowa ba go yeta mahlong.

(Mebereko 26:28) Mara Aghripa a botsa Pawulo a re: “Go se botala o ko šinya o maka gore le nna ke be Mokreste.”

bt 202 ¶18

“Ke Nyaka go ye Seka ga Kesara!”

¹⁸ Mara Pawulo ne a di tšiba gore a yi fetole byang kgoši yowa, o yitseri: “A ke hlanye, Mohlopegi Fistosi, mara ke bolabola nnete fote tso ke di bolabolang di ya ka tsela. Mo re ya nneteng, kgoši yo ke bolabolang nayo gana byalo nkene ke sa tšhoge ya di tšiba dilo tsowa . . . Wene Kgoši Aghripa, nje wa ba tshepa Baporofeta? Ke ya di tšiba gore wa ba tshepa.” Aghripa a mo fetola, a re: “Go se botala o ko šinya o maka gore le nna ke be Mokreste.” (Meber 26:25-28) Mantsu yanane, le mo a ka fo ba a ma bolabodiye a kgana kela a resa, ne ma šupetsa gore Pawulo ne a tikisiye kgoši yone pelo mo a tšhomayela.

Go Wunyulla tso di Wutammeng ka Baebeleng

(Mebereko 26:14) Byalo ho ka mokana ga rune re šele re wele fase, ka kwa lentsu le bolabola ka Seheberu le re gaka, ‘Sawulo, Sawulo, anthe o nhlupela ying? O nyoko kwalela mo o ka fo ya mahlong o raga phate ya go lokotšiwa.’

nwtsty tso di fatisisiwweng ga Meb 26:14

raga phate ya go lokotšiwa: Phate ya go lokotšiwa ke phate ya gore yi fefiwwe ka hala mafelelong ya go berekisiwa mo ba gapa phoolwane. (Mag 3:31) Mantsu ya gore go “raga phate ya go lokotšiwa” ke seyema sa go tšwa ga dipuku tsa Segerika. Ma fo ba ma šupetsa phoofolo ya go ba le tšhinghi ya gore yi gana go gapiwa ka phate ya go lokotšiwa mara yi fo yi raganya, tsotsone di kwaletsa yona. Sawulo le yene ke mo a maka tsotsone mo a soko ba Mokreste. Pawulo ne a le thina le go tikwaletsa ka matla mola a f’lo ya mahlong a lwisana le bo ba latelelang Jeso ba gore ne ba yema le Jehova Modimo. (Bona le Meb 5:38, 39; 1Ti 1:13, 14.) Ga Mmo 12:11, mo go bolabodiwa ka “diphate tsa go lokotšiwa tsa diphoofolo,” ke tsa go fo tshwanisa, gabutšibutši di rela mantsu ya motho a ma bolabolang ya go maka gore ye a theetseleng a yetetsege.

letheto la nwt

Phate ya go lokotšiwa. Phate ya go lefa ya go ba le nhla ya tshipi yo yi berekisang ke bo ba go lima mo ba šuhla phoolwane. Phate ya go lokotšiwa yi tshwanisiwa le mantsu ya motho wa go hlalefa ya ma šinyang ma maka gore ye a theetseleng a yetetsege. Taba ya “go raga phate ya go lokotšiwa” yi tšwa ga so se makang ke pholo ya go ba le tšhinghi ya gore a yi nyake go gapiwa ka phate ya go lokotšiwa mara yi fo yi raganya, tsotsone di fetsa di yi kwaletsiye.—Meb 26:14; Bay 3:31.

(Mebereko 26:27) Wene Kgoši Aghripa, nje wa ba tshepa Baporofeta? Ke ya di tšiba gore wa ba tshepa.”

w03 11/15 16-17 ¶14

Gelepa ba Bangwana Gore ba Yamogele Molayetsa wa Mmušo

¹⁴ Pawulo ke mo a di tšiba tsa gore Aghripa ne ba re ke Lejuda. Pawulo o yye a berekisa taba ya gore Aghripa o tšiba maphelelo ya Majuda, a re gabutšibutši tso a di tšhomayelang di yelana le “go sa bolabole selo mara go fo hlaya tso Baporofeta le mong yene Moše ba hlayyeng gore di nyoko makega” ka likgu la Mesiya le go tsusiwa gage. (Meb 26:22, 23) Byalo Pawulo o yye a mmutsisa a sa mo jikajiki ga Aghripa, a re: “Wene Kgoši Aghripa, nje wa ba tshepa Baporofeta?” Aghripa o f’lo kwa nkare ho fase go ka tšharoga a kena. Mo a ka fo re aa tshepe baporofeta, ne a nyoko ba a tisinyetsele ka taba la gore batho ke mo ba tšiba gore o dumela sedumedi sa Sejuda. Mara mola a f’lo kwana le Pawulo, ne a ko ba a yemme le lepostola lowa a le mahlong ga batho fote ne ba ka fetsa ba yitseri ke yene Mokreste. Pawulo o yi hlalefele taba yowa ke mokane a tifetola a re: “Ke ya di tšiba gore wa ba tshepa.” Aghripa o f’lo kwa di mo tšhofa gore a fetole a re king? O yitseri: “Go se botala o ko šinya o maka gore le nna ke be Mokreste.” (Mebereko 26:27, 28) Aghripa aa ba Mokreste, mara kayekaye Pawulo o yi tikisiye pelo yage.—Maheberu 4:12.

Go Bala Baebele

(Mebereko 25:1-12) Byalo Fistosi mo a šele a segele polekeng yone fote a šele a lawola, o yye Jerusalema ka nthago ga matšatši ka mararo a tšwa Kesariya. ² Fote maprista ya magolo le banna ba bagolo ba Majuda ba mmotsa ditaba tsa go lebela Pawulo. Byalo ba thomisa go kgopela Fistosi ³ ba mo phophotela ba re a make gore Pawulo a bitsiwe gore a tle Jerusalema. Mara ke mo ba nyaka go mo ramela gore ba mmolaye mo pateng. ⁴ Mara Fistosi a re di nyaka Pawulo ba mmeye hala Kesariya, a boya a re yene ne a le thina le go boyela gona. ⁵ A re: “Byalo lisetsang bo ba le fetang ka matšhika ba koriye le nna le ye mo sekiseng mo nkare ka nnete go na le sa go befa so monna yela a se makiyeng.” ⁶ Byalo mo a šele a fetsiye matšatši ya go sa fete mabala kela lesome la wona a le nabo, a ya Kesariya, ke mokane ka motshwana wa gona a dula ga setulo sa go yahlola a re ba mo leye ga Pawulo. ⁷ Mo a kena, Majuda ya ne ma tšwa Jerusalema ma mo bonghelela, ma mo hlayela matsaka ya magolo ya go tlala mara go se na hlatse ya tsotsone. ⁸ Mara Pawulo mo a tikemelela a re: “Ga Molawo wa Majuda le ga tempele le ga Kesara, a ka sinya selo.” ⁹ Ka gore Fisito ne a nyaka go jabodisa Majuda, a fetola Pawulo a re: “Ayitsano a o nyake go ya Jerusalema o ye yahlola ke nna ga taba yowa?” ¹⁰  Ke yemme mahlong ga setulo sa go yahlola sa Kesara, ye a tshwaneleng go ng’yahlola. Majuda a ke ya ma sinyela selo, le wene wa di bona. ¹¹ Mo nkare ka nnete ke maka dilo tsa go befa fote ke makiye selo sa go nyaka gore ke bolayiwe, a ke tšhabe likgu; mara mo nkare a go na sa go befa ga tso banna bo ba bolabolang ka tsona ka nna, aa šiyo le ka wweši ga banna bowa wa gore a ka fo maka gore ke ye ga bona nkare ke nna selo sa go kganisa. Ke nyaka go ye seka ga Kesara!” ¹² Ke mokane mo Fistosi a fetsa go bolabola le mogoba wa bo ba mo yeletsang, a fetola a re: “O nyaka go ye seka ga Kesara; re nyoko go yisa ga Kesara.”

JANUARY 28–FEBRUARY 3

MAKOLWANE KA TENG GA LENTSU LA MODIMO | MEBEREKO 27-28

“Pawulo o ya Roma ka Sekepe”

(Mebereko 27:23, 24) Bošego byowa lengeloyi la Modimo waka wa gore ke mo makela mmereko wa go hlawolega le yemme ka nthoko gaka ²⁴ la re: ‘O sa tšhabe selo Pawulo. Ariye we yema mahlong ga Kesara, fote bona! Modimo o go neyye bo ba leng nago hone sekepeng ka mokana ga bona.’

bt 208 ¶15

“Le ka Wweši ga Lune a ka sa Kgwe”

¹⁵ Di ka makega gore Pawulo ke mo a tšhomayelela batho ba go tlala bo ne ba le sekepeng a ba botsa ka “tso Modimo a di tshepisiyeng.” (Meber. 26:6; Kol. 1:5) Byalo sekepe ne se le thina le go robega, Pawulo o yye a ba tshepisa a sa kamake gore ba nyoko phona. O yitseri: “Bošego byowa lengeloyi . . . le yemme ka nthoko gaka la re, ‘O sa tšhabe selo Pawulo. Ariye we yema mahlong ga Kesara, fote bona! Modimo go neyye bo ba leng nago hone sekepeng ka mokana ga bona.’” Pawulo o ba kgopele a re: “Byalo, jabolaneng banna, ka taba la gore ke tshepa gore Modimo o ko fo maka ka mokgo ba mputsiyeng ka gona. Mara sedingwane sowa se nyoko re tshwela lerophong le lengwana.”—Meber. 27:23-26.

(Mebereko 28:1, 2) Mo re šele se segele mone re sa kwalela, ra kwa gore poleke yone ya go dukuluga ke lewatle ba re ke Malta. ² Fote batho bo ne ba bolabola mmolabolo wa gore a re wo tšibi ba re tshwara gabutši ka matla. Ba gotsa mollo ke mokane ba re yamogela ka matsogo ka mabedi ka mokana ga rune ka taba la gore pula ne yi na fote go bata.   

bt 209-210 ¶18, 21

“Le ka Wweši ga Lune a ka sa Kgwe”

¹⁸ Di šupa nkare bo ba ba phonisiyeng ke mo ba le ga poleke yela ya go dukuluga ke lewatle ya Malta, borwa bya Sisili. (Bona lebhokisi la gore “Malta—Yi Kaye ga Gona?”) Batho bone ba go bolabola mmolabolo wo mongwana ba ba “tshwere gabutši ka matla.” (Meber 28:2) Ba gotsele batho mollo le mo ba kene ba sa ba tšibi, ka go fore ba thambhiye fote ba hlagasela. Ba yye ba womologa ga mollo wone le mo go kene go bata fote go na pula. Fote mollo wone o makiye gore go makege mohlolo.

²¹ Pabliyo wa gore ne a ghannye ne a dula ga poleke yone. Di ka makega gore ne go le yene ndhuna ye kgolo ya Leroma hala Malta. Luka mo a mo hlatolla o re ke “monna ye mogolo wa poleke yone,” mantsu yane ma yye ma krayega gabedi ma ngwadiwwe ma šupetsa mo go thanakiwa motho gana hala Malta. O yye a yamogela Pawulo le bo ne a sepela nabo, a dula nabo matšatši ka mararo. Mara papa wa Pabliyo ke mo a lwala. Le yonowa taba Luka o yi hlatolla gabutši. O ngwadiye gore monna yene “ke mo a kwayele a gatelele ke go fo fisafisa mmele fote a na le tengkhubedu,” o napa a hlatolla bolwele byage go tshwana le ditogotela. Pawulo o rapele ke mokane a beya monna yewa matsogo, monna yene a fola. Batho ba gana hone ba yye ba makatsa ke mohlolo wone, ba napa ba leya le batho ba bangwana ba go lwala gore le bona a ba yalafe, ba mo leyela le dilo ga Pawulo, ba neya yene le bo a sepelang nabo.—Mebereko 28:7-10.

(Mebereko 28:16, 17) Ra šinya re segela Roma, Pawulo ba mo dumelela gore a fo ba a ntoši le lesole lo le mo pasopiyeng. ¹⁷ Mara ka nthago ga matšatši ka mararo a bitsa banna ba bagolo ba Majuda a re ba tle ba gahlane. Mo a ba gahlanisiye a re ga bona: “Banna, magageru, le mo ke sa maka selo sa gore se lwisana le batho bowa kela setšo sa bokokwane, Maroma ma ntshwere hala Jerusalema ke mokane ma mmaka lebhantiti.

bt 213 ¶10

“Go Yemelela Nnete Gabutši”

¹⁰ Mo bo ba go tšwa ba sepela ba segela Roma, ga “Pawulo ba mo dumelela gore a fo ba a ntoši le lesole lo le mo pasopiyeng.” (Meber 28:16) Mo motho ba mo tshwere ke mokane ba mo kwalele ka ntlong, ga go tlala ke mo ba mo tlemelela ka ketane yo yi makang gore lebhantiti lone le sa tšhabe, mara le yinghayinghe le lesole. Le mo go na le go ka mokgonone, Pawulo yene ke mo a di tšiba gore mmereko wage ke go tšhomayela ka Mmušo, byalo ketane ke mo yi ka sa mo kwale molomo. Byalo mo a šele a khutsiye matšatši ka mararo ka taba la gore leyeto lela la bona ke mo le mo tinwisiye ka matla, o yye a bitsa banna ba bagolo ba Majuda ya Roma gore a tšibane nabo fote a ba tšhomayelele.

Go Wunyulla tso di Wutammeng ka Baebeleng

(Mebereko 27:9) Ne go šele go fediye nako ya go lefa fote ne go le kotsi go sepela ka sekepe, ka taba la gore le Letšatši la Kwano la go tikona tsa go ja ke mo le šele le fitiye, byalo Pawulo a tla ka so yene a se naganang

nwtsty tso di fatisisiwweng ga Meb 27:9

Letšatši la Kwano la go tikona tsa go ja: Kela “go tikona tsa go ja lehlabula.” Le rela., “go tikona.” Lentsu la Segerika la “go tikona” le rela go tikona ga gore go bolabodiwwe ka gona ga Molawo wa Moše, go ra gore, go tikona ga go yelana le Letšatši la Kwano la mongwaga wo mongwana le wo mongwana, la gore fote ba re ke Yom Kippur (Seheberu, yohm hak·kip·pu·rimʹ, “letšatši la dikogelo”). (Lef 16:29-31; 23:26-32; Nu 29:7; bona Letheto, “Letšatši la Kwano.”) Mantsu ya gore “go tihlupegisa,” ya gore ke mo ba berekisiwa mo go bolabodiwa ka Letšatši la Kwano, ga go tlala ma kwisisiwa ma rela go maka mehlobohlobo ya dilo tsa gore a di jabodisi wene, gana hone go kena le go tikona tsa go ja. (Lef 16:29) Lentsu la Segerika la “go tikona” lo le berekisiwwweng ga Meb 27:9 le yelana le taba la mohlobo wo mogolo wa go sa tijabodisi wene mong ka Letšatši la Kwano fote gana hone go kena le go tikona tsa go ja. Letšatši la Kwano la go tikona ke mo le makega gatlele mafelelong ga September kela mathomisong ga October.

(Mebereko 28:11) Dikgwedi ka ditharo ka nthago, re yye ra sepela ka sekepe sa go ngwadiwa gore “Barwayi ba Zewusi.” Sekepe sone ne se tšwa Aleksandhriya fote se fetsiye marega sele ga poleke yone ya go dukuluga ke lewatle.

nwtsty tso di fatisisiwweng ga Meb 28:11

Barwayi ba Zewusi: Dipuku tsa dinonwane tsa Segerika le Seroma di šupetsa gore mabitso ya “Barwayi ba Zewusi” (Segerika, Di·oʹskou·roi) ke mo go le Castor le Pollux, barwayi ba mafahla ba modimo ye ba reng ke Zeus (Jupiter) le Spartan Queen Leda. Mmereko wo mongwana wa bona ke mo go le wa go pasopa bo ba go sipidisa dikepe le go gelepa bo ba logeleng go gongwana gana hone lewatleng. Taba yowa le yona yi šupetsa gore dilo tsowa di ngwadiye ke batho ba gore ba di bonne ka bobona beng.

Go Bala Baebele

(Mebereko 27:1-12) Byalo ka gore ne ba makiye sepheto sa gore re ye Ithali ka sekepe, ba yisa Pawulo le mabhantiti ya mangwana ga ye mogolo wa masole ye ba reng ke Juliyase, wa sekwata sa Aghostosi. ² Ra kalama ke mokane sekepe sa tloga Adhramitiyamo se nyoko feta thina le leropho ga dipoleke tsa phrovensi ya Asia, ra ya; ne re na le Aristakhasi, wa Lesedoniya wa go tšwa Thesalonika. ³ Ka motshwana wa gona ra ya Sidoni, fote Juliyase ke mo a tshwere Pawulo gabutši a mo dumelela le gore a ye ga banghana bage gore a dule nabo ka gonyana. ⁴ Ra sepela lewatleng ka sekepe re kene re fetetsela re pasopiye ke Sipero ka taba la gore ne go na le moya. ⁵ Ke mokane ra keketlela ka lewatle la Silisiya le Pamfiliya ke mokane ra yema Mira ya Lisiya. ⁶ Gana hone ye mogolo wa masole a kraya sekepe sa go tšwa Aleksandhriya se ya Ithali, ke mokane a re kalamisa sona. ⁷ Re fetsiye matšatši nyana re kene re sepela ka gonyana re tiketliye, Sinido re segele go babiye. Ka taba la gore ne re thibelela ke moya, ra sepela re kene re pasopiye ke Khereta mo re tloga Salmoni. ⁸ Mo re kene re sepela go baba, ra segela polekeng ye nngwana ba re ke Leyemo la go Bafala ga gore ne go le thina le toropo ya Lasiya. ⁹  Ne go šele go fediye nako ya go lefa fote ne go le kotsi go sepela ka sekepe, ka gore ne go fitiye le letšatši la go tikona tsa go ja, byalo Pawulo o yye a ba yetetsa ¹⁰ a re: “Banna, Ke ya di bona gore leyeto lowa le nyoko re bakela kotsi ku mahlong, le nyoko kwaletsa maphelo ya rune ka matla, le ka sa fo sinya merwalo le sekepe.” ¹¹ Mara, ye mogolo wa masole a theetsela ye a sipidisang sekepe le mong wa sekepe sone, a sa theetsele so Pawulo a se bolabolang. ¹² Ka taba la gore mo go yemang dikepe gona ke mo go se gabutši gore re ka yema gona marega, ba go tlala ba yye ba re di kawone gore ba tloge hone, ba ye yema Finikisi mo ba ka segela gona le mo go na go le marega, mo go yemang dikepe hala Khreta ka thoko ya lebowabohlabela le go yela ka borwabohlabela.