Ditodi tsa Sepukwane sa Mogahlano wa Maphelelo le Matšhomayelelo
JUNE 3-9
MAKOLWANE KA TENG GA LENTSU LA MODIMO | MAGALATA 4-6
“‘Mošupetso’ wa go re Tšhutisa”
(Magalata 4:24, 25) Dilo tsowa di ka tseyiwa go le mošupetso; ka taba la gore basadi bowa ba yemela dikwano ka dipedi, ya go tšwa Sinayi ya go ba le bana ba bobhantiti ba gore ke Haghara. 25 Byalo Haghara o yemela Sinayi, thaba ya Arabhiya, wa gore o yelana le Jerusalema ya lekgono, ka gore o bhantita le bana bage.
it-1-E 1018 ¶2
Haghara
Go ya ka Pawulo wa lepostola, Haghara ye go bolabodiwang ka yene mo ga mošupetso wowa, o yemela setšhaba sa Israyele ya mannete ya gore ke mo yi mamarelanne le Jehova ka Molawo wa Moše wa gore wo thomisiye go bereka hala Thabeng ya Sinayi, kwano yone yi leyye “bana ba bobhantiti.” Setšhaba sone se šitegiye go tshepagalela kwano yone ka taba la gore batho ba gona ne ba sinya ka matla. Ka tlase ga molawo wone, Maisrayele ya ne ma le ka tlase ga kwano yone ne ma sa lokologa, mara ne ma sinya tsela tsa gore ma tshwanela ke go kgwa, nka taba lo go bolabodiwang gore ke mo go le mabhantiti. (Joh 8:34; Rom 8:1-3) Jerusalema ya nakwela ya Pawulo ne yi tshwana le Haghara, ka taba la gore Jerusalema ya gore ke toropo ye kgolo ya go yemela mokgahlo wa Isirayele ya mannete, yi tikrayye yi bhantita le bana ba yona. Mara Makretse ya go tlotsiwa ka moya, ke bana ba “Jerusalema ya ku gedimo,” ya gore ke mosadi wa Modimo wa go fo tshwanisa. Jerusalema yowa yi tshwana le Sara wa go lokologa, wa gore aa soko hlwa a ba lebhantiti. Mara go fo tshwana le ka mokgo Išimayele a yyeng a hlupegisa Isaka, le bana ba “Jerusalema ya ku gedimo” ba gore ba lokologiye ka taba la Morwayi, le bona ba hlupegisiye ke bana ba mabhantiti ya Jerusalema. Mara Haghara le morwayi wage ba yye ba rakiwa, tsotsone di yemela ka mokgo Jehova a yyeng a lahla setšhaba sa Isirayele ya mannete.—Gal 4:21-31; bona le Joh 8:31-40.
(Magalata 4:26, 27) Mara Jerusalema ya ku gedimo yi lokologiye, fote ke mmane wa rune. 27 Go ngwadiwwe gore: “Wene mosadi wa go sa kraye bana, jabola; hlakela, wene mosadi wa gore a wo na lešoko la go belega; ka taba la gore bana ba mosadi wa gore aa na monna ba tlele go feta ba mosadi wa gore o na le monna.”
w14 10/15 10 ¶11
O sa Šepisi ga Tso o di Dumelang ka Mmušo wa Modimo
11 Le mo yi le gore kwano ya Abrahama yi yye ya makega tsa mannete nakwela ditlogolwane tsage di kena Nageng yo mo di Tshepisiwwe yona, Mangwalo ma hlatolla gore kwano yowa yi ka makega fote ka tsela ye nngwana ya go yelana le tso tsa Modimo. (Gal. 4:22-25) Ga taba yowa, Pawulo wa lepostola o bolabodiye a yetetsa ke moya wa go hlawolega gore sepetlo se segolo sa ditlogolwane tsa Abhrahama ke Kreste ke mokane sa go latela ke bo ba go tlotsiwa ba 144 000. (Gal. 3:16, 29; Kut. 5:9, 10; 14:1, 4) Mosadi ye ditlogolwane tso di tšwang gage ke “Jerusalema ya ku gedimo”—mokgahlo wa Modimo wa legedimong, ke batho ba moya ba gore baa tshepega. (Gal. 4:26, 31) Setlogolwane sa mosadi yene se nyoko maka gore batho ba rufiwe, ka mokgo go hlayyeng kwano ya Abhrahama.
(Magalata 4:28-31) Lune magageru, go fo tshwana le Isaka, le lune ke lune bana bo ba tshepisiwweng. 29 Mara go fo tshwana le mo yela a belegiwweng ka nama a yye a hlupegisa ye wa go belegiwa ka moya, go sa fo ba ka mokgonone le gana byalo. 30 Mara mangwalo ma re king? “Raka sebereki sa mosadi le morwayi wa sona, ka taba la gore morwayi wa sebereki sa mosadi a ka sa kraye tso di tshwaneleng di kraye ke morwayi wa mosadi wa go lokologa.” 31 Byalo, magageru, a yi rune bana ba sebereki sa mosadi mara ke rune bana ba mosadi wa go lokologa.
Go Wunyulla tso di Wutammeng ka Baebeleng
(Magalata 4:6) Byalo ka taba la gore ke lune barwayi, Modimo o tšhediye moya wa Morwayi wage ka ho dipelong tsa rune, fote moya wone wa yahlamela wo re: “Abba, Papa!”
Nje o di Kwelele?
Nakwela Jeso a rapela, ke ntaba a hlayye gore Jehova ke “Abba, Papa”?
Lentsu la Searama la gore ʼab·baʼʹ le ka rela gore “papa” kela “Papa barena.” Lentsu lowa le nyarela gararo ka ho Mangwalong, fote le nyarela mo go rapediwa, le berekisiwa mo go rapediwa Papa wa ku legedimong Jehova. Lentsu lone ke le legolo go segela kaye?
The International Standard Bible Encyclopedia yi re: “Go ya ka mabolabolelo ya nakwela ya Jeso, bana ne ba berekisa ʼabbāʼ ka matla go šupetsa gore ba kwana ka matla le bo papa ba bona kela gore baa ba hlompa.” Lentsu lowa ne le fo šupa senghana sa batho bone fote ne go le la mathomo ga mantsu ya mo ngwana a sa tšhuta go bolabola. Jeso o berekisiye mantsu yawa go šupetsa gore ga Papa o mo nyaka ka matla. Nakwela Jeso a rapela a le ku tšhomong ya Ghetsemane, go šele diawara nyana gore a kgwe, o yye a berekisa mantsu ya gore “Abba, Papa” mo a rapela Jehova.—Mareka 14:36.
Puku yo go bolabodiwang ka yona ka ho kgakala mo yi ya mahlong yi re lentsu “ʼAbbāʼ ne ba sa tlwayela go le berekisa dipukung tsa Sejuda ka nakwela ya Maroma le Magerika, ka taba la gore ne le ko šupa le sa hlompe Modimo.” Mara, mo “Jeso . . . a berekisa lentsu lowa mo a rapela ne a fo ba a šupetsa gore senghana sage le Modimo se hlawolegiye.” Pawulo wa lepostola o ngwadiye lentsu “Abba” gabedi ka ho Baebeleng, tsotsone di šupetsa gore Makreste ya ku botala ne ma le berekisa mo ma rapela.—Maroma 8:15; Magalata 4:6.
(Magalata 6:17) Go tlugisela gana byalo, go sa sa ba le wa go nhlupa, ka taba la gore mo mmeleng waka ke na le setwaba sa gore ke nna lelata la Jeso.
w10 11/1 15
Nje o di Kwelele?
Pawulo wa lepostola ke mo a ra go re king mo a re mmele wage o na le “setwaba sa gore ke lelata la Jeso”?—Magalata 6:17.
▪ Mantsu yawa Pawulo a ma bolabodiyeng ma ka fo ba ma makiye gore bo ba mo theetseleng ba nagane tsa go tlala. Mo re beyisa, ku botala mabhantiti ya gore ke mo ba ma kraya ntweng, ya gore ke mo ma yetswa tempeleng le dibereki tsa go tšwa dinageng tse dingwana, ke mo ma merekiwa ka tshipi ya gore ke mo ba yi tšhuba go be ye khubedu ka go fisa. Batho ba gore ne ba na le setwaba sone ne ba tseyediwa fase.
Mara, ka dinako tse dingwana ditwaba ne ba sa di tseyele fase. Ku botala batho ba go tlala ke mo ba maka ditwaba go šupetsa gore ba wela ga setšo kela ga sedumedi sefeng. Mo re beyisa, Theological Dictionary of the New Testament yi re, “Masiriya ke mo ma timereka matsogo kela melala go šupetsa gore ma tineyele ga medimo ya wona ya Hadada le Athaghatisi . . . Bo ba gore ke mo ba tineyele ga Diyonisasi bona setwaba sa bona ke mo go le sa letlakala la go tshwana le la modhriva.”
Matšatši yawa, batho ba go tlala ba nagana gore Pawulo ke mo a ra mabadi ya mo Mokreste a hlorisiwwe ka go tudiwa gatleletlele ka taba la mmereko wage wa go sepela. (2 Makorente 11:23-27) Di ka makega gore Pawulo ke mo a sa rele mabadi ya mannete, mara ke mo a fo rela gore lephelo lage le šupetsa gore ke yene Mokreste.
Go Bala Baebele
(Magalata 4:1-20) Byalo ke ya le botsa, mo ye a krayang tso di mo tshwaneleng go sa na go le ye monyana, o fo tshwana le lebhantiti, le mo go le yene mong wa dilo ka moka, 2 mara o sa fo ya mahlong a le ka tlase ga bo go leng ba bagolo gage le malata go šinye go segela nako ya mo papage a mo neya dilo tso di mo tshwaneleng. 3 Le rune nakwela re sa le bana, ke mo re le mabhantiti ya dilo tso di beyiwang ka ku mahlong ho lefaseng. 4 Mara mo nako ya gona yi šele yi segele, Modimo o yye a romela Morwayi wage wa gore o belegiye ke mosadi fote ne a le ka tlase ga molawo, 5 gore a lokolle bo ba leng ka tlase ga molawo, gore re ko thogo yamogediwa gore ke rune barwayi. 6 Byalo ka taba la gore ke lune barwayi, Modimo o tšhediye moya wa Morwayi wage ka ho dipelong tsa rune, fote moya wone wa yahlamela wo re: “Abba, Papa!” 7 Byalo a yi sa le wene lebhantiti mara ke wene morwayi; fote mo go le wene morwayi, ke wene ye Modimo a mo neyang tso di mo tshwaneleng. 8 Mara nakwela le sa tšibi Modimo, ke mo le bhantitela ba gore gabutšibutši a yi bona medimo. 9 Mara ka taba la gore gana byalo le šele le tšiba Modimo, kela yema ke re, le šele le tšiba ke Modimo, ke ntaba le sologa le boyela ga dilo tsa go sa re selo le tso di beyiwang ka ku mahlong, le boya le ro nyaka go bhantitela tsona fote? 10 Tso tsa matšatši, dikgwedi, dihla le mengwaga le ro di lelekisa le go karakara gore le di tšibe gabutši. 11 Ke fo kwa ke le tšhogela, ka taba la gore di šupa nkare ke f’lo tisinyela nako ka lune. 12 Magageru, ke ya le kgopela, tshwananeng le nna, ka taba la gore le nna ne ke tshwana le lune. Nna a le ya nsinyela selo. 13 Mara le ya di tšiba gore ke yye ka thulegela ke lešuba la mathomo gore ke le botse ditaba tsa go bafala ka taba la bolwele byaka. 14 Fote le mo ke na ke sa titsose, tsotsone a di ya maka gore le ntshware lešidi kela nkare ke ya silikisa, mara le ntshwere gabutši nkare ke nna lengeloyi la Modimo, go tshwana le Kreste Jeso. 15 Ke ntaba le sa sa jabodiye? Ka taba la gore ke di tšiba gabutši gore mola go kgonega, nke le gonnye mahlo ya lune la nneyye wona. 16 Byalo le nhloyele gore ke le botsa nnete? 17 Ba karakara ka matla gore le be ba bona, mara a ba le nyakele tsa gabutši; ba nyaka gore le keketlele kgole le nna, gore le kwe di le tšhofa go latelela bona. 18 Mara, a go na taba mo motho a karakara a nyakana le lune, a le nyakela dilo tsa go bafala mara a sa fo le nyaka mo ke sa na le lune, 19 bana baka, anthe lešoko lo la go belega ke le kwela mang byalo, nka sa ro khutsa go segela le nagana go tshwana le Kreste. 20 Nkare nke ke na le lune gana byalo ke sa le bolabodisi ka mokgo, ka taba la gore le n’gahlanisa hlogo.
JUNE 10-16
MAKOLWANE KA TENG GA LENTSU LA MODIMO | MAEFESO 1-3
“Mokgahlo wa Jehova le Tso wo di Segeleleng”
(Maefeso 1:8, 9) O makiye gore dilo tso tsa go sa re tshwanela di yeketsege gore di thogo re hlalefisa fote re di kwisise 9 ka go maka gore re tšibe sephiri sa go hlawolega ka tso a di nyakang. Nka mokgo a tikemiseleng go maka dilo ka gona
it-2-E 837 ¶4
Sephiri sa go Hlawolega
Mmušo wa Mesiya. Mo Pawulo a kene a ngwala, o napa a wunyulla gabutši sephiri so sa go hlawolega sa Kreste. Mo ga Maefeso 1:9-11, o bolabola ka gore Modimo o makiye gore “sephiri sa go hlawolega” sa tso a di nyakang se tšibege, fote o re: “Nka mokgo a tikemiseleng go maka dilo ka gona, mo re šinya re re sowa se rela go lawola mo dinako tso di yemediwweng di šele di makegiye ka moka, gore ba thogo kgobeketsela dilo ka moka ga Kreste, dilo tsa legedimong le tsa ho lefaseng. Eya, ka yene, ye re ko bang re berekisana naye ga tso re ko bang re neyiwwe tsona, re beyiwwe ka taba la tso a nyakang go di segelela, fote re ko ba re bereka go ya ka mokgo a nyakang re maka tso a re romang.” “Sephiri sa go hlawolela” se rela le mmušo, Mmušo wa Modimo wa go lawola ke Mesiya. “Dilo tsa ku legedimong,” tso Pawulo a bolabolang ka tsona, ke bo ba ko bang ba na le Kreste Mmušong wa legedimong. “Dilo tsa ho lefaseng” go ko ba go le bo ba phelang ho lefaseng. Nakwela Jeso a bolabola le malata yage o napiye a šihlela gore sephiri sa go hlawolega se sipidisana le Mmušo, nakwela a re: “Lune le neyiwwe sephiri sa go hlawolega sa go tšwa ga Modimo.”—Mar 4:11.
(Maefeso 1:10) sowa se rela go lawola mo dinako tso di yemediwweng di šele di makegiye ka moka gore ba thogo kgobeketsela dilo ka mokana ga tsona ga Kreste, dilo tsa legedimong le dilo tsa lefaseng. Eya, ka yene
w12 7/15 27-28 ¶3-4
“Jehova ka Wweši” o Kgobaketsa Mutši Wage
3 Moše o butsiye Maisrayele gore: “Jehova Modimo wa rune ke Jehova ka wweši.” (Dot. 6:4) Tso Jehova a di makang le tso a di nyakang di ya yelana. Byalo, “mo dinako tso di yemediwweng di šele di makegiye ka moka,” Modimo o yye a maka mokgwa wa go sipidisa ditaba, ke gore go “lawola dilo” a makela gore a gahlanise dilo ka mokana ga tsona tso a di makiyeng tsa gore di hlalefiye. (Bala Maefeso 1:8-10.) Malawolelo yage ma nyoko makega ka dipetlo ka dipedi. O nyoko thomisa ka go lukiselela phutego ya bo ba go tlotsiwa gore yi phele legedimong ba kene ba lawola ke Jeso Kreste wa gore ke Hlogo ya bona ga tso tsa Modimo. Taba yowa yi thomisiye ka Pentekoste ya 33 C.E. nakwela Jehova a thomisa go kgobeketsa bo ba nyoko lawolang le Kreste legedimong. (Meber 2:1-4) Ka taba la gore bo ba go tlotsiwa ba yye ba hlayiwa go le ba go loka gore ba thogo kraya lephelo ka taba la sehlabelo sa Kreste, ba yye ba napa ba di bona gore ba yamogediwwe go le “bana ba Modimo.”—Rom. 3:23, 24; 5:1; 8:15-17.
4 Taba ya bobedi ke ya gore Modimo o lukiselela bo ba nyoko phelang ho lefaseng la Pharadeyisi, ka tlase ga Mmušo wa Mesiya. “Mogoba wo mogolo” wo maka sepetlo sa mathomo. (Kut. 7:9, 13-17; 21:1-5) Wo nyoko yeketsa ke dibhiliyoni tsa batho bo ba nyoko tsusiwang mo Jeso a ko ba a lawola ka Sekete sa Mengwaga. (Kut. 20:12, 13) Mo bo ba kgwileng ba tsusiwa, di nyoko jabodisa ka matla ka taba la gore re ko ba re le selo ka ssoši! Mo sekete sa mengwaga se fediye, “dilo tsa ho lefaseng” di nyoko leketsiwa la mafelelo. Ba gore ba nyoko šupetsa ba tshepega ba nyoko ba “bana ba Modimo” ba ho lefaseng.—Rom. 8:21; Kut. 20:7, 8.
Go Wunyulla tso di Wutammeng ka Baebeleng
(Maefeso 3:13) Byalo ke ya le kgopela gore le sa lahle tewu mo ke hlupegisiwa ka taba la lune, ka taba la gore tsotsone di rela gore le gadimisiwe.
w13 2/15 28 ¶15
Le sa Lesetse Selo se Kena go Gadimisiwa ga Lune Segare
15 Mo re tiyisela gore re make so Jehova a se nyakang, tsotsone di nyoko gelepa ba bangwana gore ba gadimisiwe. Nakwela Pawulo a ngwalela phutego ya Efeso, o yitseri: “Ke ya le kgopela gore le sa lahle tewu mo ke hlupegisiwa ka taba la lune, ka taba la gore tsotsone di rela gore le gadimisiwe.” (Ef. 3:13) Go hlupegisiwa ga Pawulo ne go rela gore Maefeso ‘ma gadimisiwe’ ka mokgo mang? Tsa gore Pawulo ke mo a tikemisele go fo ya mahlong a ba berekela le mo a kene a hlupegisiwa di šupetsiye Maefeso gore taba ya go ba Makreste ne yi se ya go kgana fote ne di nyaka yi tseyediwe gedimo ka matla. Hala Pawulo a f’lo lahla tewu nakwela a hlupegisiwa, ayitsano tsotsone ne di ka sa make gore senghana sa bona le Jehova, go tšhomayela ga bona le tso ba di tshepeleng ke tsa go kgana? Go tiyisela ga Pawulo go makiye gore Sekreste se tseyediwe gedimo fote gwa šihlela gore di nyaka motho a tikone tse dingwana gore a thogo ba lelata.
(Maefeso 3:19) fote go tšiba gore Kreste wa re nyaka, go re nyaka ga gore go feta mehlobo ka mokana ga yona ya go tšiba ya gore re yi neya ke Modimo.
cl 299 ¶21
“Go Tšiba Gore Kreste wa re Nyaka”
21 Lentsu la Segerika la gore le hlatodiwwe go le “go tšiba” le rela “go tšiba dilo tso motho a di makiyeng kela go di bona.” Mo re nyakanana go tshwana le Jeso—di nyoko maka gore re makele batho dilo re sa kokole fote re sa yemela gore le bona ba re makele se sengwana, kela re ba kwela go baba ka tso ba gayelang ga tsona fote re ba tshwarela di tšwa pelong—le rune re ka thomisa go kwisisa ka mokgo Jeso a tikwang ka gona. Mo re maka tsotsone, re thogo di bona rune beng ke mokane ra “tšiba gore Kreste o re nyaka ka matla go feta mehlobo ka mokana ga yona ya go tšiba dilo.” Fote a di nyake re lebala gore mo re kene re tshwana le Kreste, re ko napa re šutela thina ka matla le Modimo wa rune wa go re nyaka ka matla Jehova, ye Jeso ne a mo yekisela gabutši.
Go Bala Baebele
(Maefeso 1:1-14) Pawulo wa gore ke lepostola la Jeso ka taba la go nyaka ga Modimo, o ngwalela bo ba go hlawolega ba ku Efeso ba gore baa tshepega fote ba mamarelanne le Kreste Jeso: 2 Nkare le ka kraya go beba le dilo tsa go sa le tshwanela tsa go tšwa ga Modimo, Papa wa rune, le Morena Jeso Kreste. 3 Go thanakiwe Modimo wa gore ke Papa wa Morena wa rune Jeso Kreste, ka gore o re rufiye ka selo sengwana le sengwana so se leng ku legedimong a berekisana le Kreste, 4 o re hlawodiye gore re be selo ka ssoši a soko maka lefase lowa, gore re hlawolege fote re sa be le dilibilibi mahlong gage mo re kene re kwana naye ka matla. 5 Ka taba la gore ke botala a re hlawodiye gore re be barwayi bage ka Jeso Kreste, di ya ka gore o jabodisa king fote o nyaka ying, 6 a thanakiwe ka taba la dilo tsa go sa re tshwanela tso a re neyang tsona a berekisa ye a kwanang naye. 7 Ka taba lage, re lepolliwwe ka go tlemolliwa ka madi ya yenene, eya, gore re thogo tshwarediwa ga tso re di sinyyeng, ka gore o kwana le go re makela dilo tsa go sa re tshwanela. 8 O makiye gore dilo tso tsa go sa re tshwanela di re hlalefise fote re di kwisise 9 ka go re botsa sephiri sa go hlawolega ka tso a di nyakang. Nka mokgo a tikemiseleng go maka dilo ka gona 10 sowa se rela go lawola mo dinako tso di yemediwweng di šele di makegiye ka moka gore ba thogo kgobeketsela dilo ka mokana ga tsona ga Kreste, dilo tsa legedimong le dilo tsa lefaseng. Eya, ka yene 11 wa gore re šinya re ba selo ka ssoši ka taba lage fote re kraya tso di re tshwaneleng, ka taba la gore ke botala re kgetiwwe, re kgeta ke ye a segelelang dilo ka moka a kene a maka dilo ka mokgo a nyakang, 12 rune ba re thomisiyeng go dumela ga Kreste di nyaka re bereke gore go thanakiwe go gadima gage. 13 Mara le lune le yye la dumela gage ka nthago ga gore le kwe nnete le ditaba tsa go bafala ka go phonisiwa ga lune. Ka nthago ga gore le dumele, le makiwwe setwaba ka taba lage ka moya wa go hlawolega wo wo tshepisiwweng, 14 wa gore ke patela ya tso re neyiwweng tsona go sa le botala, ka taba la gore Modimo ne a tikemisele go re neya so a ghannyeng ka sona gore go be sehlabelo, gore a thanakiwe le go gadimisiwa.
JUNE 17-23
MAKOLWANE KA TENG GA LENTSU LA MODIMO | MAEFESO 4-6
“Yaparaneng Dikobo Tsa Ntwa Tsa go Felegelela Tsa go Tšwa ga Modimo”
(Maefeso 6:11-13) Yaparaneng dikobo tsa ntwa tsa go felegelela tsa go tšwa ga Modimo gore le thogo yema le tiyelele mo le tlela ke mathayithayi ya Diyabolo; 12 ka taba la gore re ntweng, a re lwe le madi le nama, mara re lwa le memmušo, le bo ba go lawola, bo ba go lawola lefase la gore le letshwifing le moya wa dithila wa gore wo fo ba mo sebakabakeng. 13 Ka taba lone, yaparaneng dikobo tsa ntwa go felegelela tsa go tšwa ga Modimo, gore le thogo hlula ka matšatši ya mo go bifiye, le gore mo le šele le segelele dilo ka moka, le sa thogathoge.
Lune ba Gore le sa Gola—Le sa Hlagasedisi ke Diyabolo
MOPOSTOLA PAWULO o itseri lephelo la rune Makreste le tshwana le la lesole mo le le ntweng. Nnete ke gore ntwa yo re lwang yona a yi bonale, a yi ya nama le madi. Le mo go le sone, manaba ya rune wona ke ya mannete. Sathane le madimona yage ke digoboro tsa go tšiba ntwa fote ke botala tsa go lwa ba di maka. Mo re lebelele, re ka fo kwa nkare mo re lwa nabo le ka yyoši re ka sa kote. Bo ba gore ba sa gola kela mathari ya Makreste ba ka kwa ba hlagasela. Ba ka gelepa king gore ba hlole digoboro tsowa tsa dipelo tse diphifadu tsa go lawola ke moya wa dithila? Taba ke yowa: Bo ba gore ba sa gola ba ka hlola, fote ba kene baa hlola. Ke ntaba? Ka taba la gore “ba ya mahlong ba yangwa matšhika ga Morena.” Mara a ba fo felela gana hone ga gore ba yangwe matšhika ga Modimo. Ba yapere le dikobo tsa go lwa ka tsona. Ba tswana le masole ya gore ma šupetsiwwe mathayithayi ka moka, le bona ba yapere “dikobo tsa ntwa tsa go felegelela tsa go tšwa ga Modimo.”—Bala Maefeso 6:10-12.
(Maefeso 6:14, 15) Byalo, o sa thogathoge, o tleme lepanta la nnete go dukuluga ho masekeng yago, o yapare le sephemo sa go loka sa sekguba, 15 fote ku mawotong le swinelele go bolabola ditaba tsa go bafala tsa go beba.
Lune ba Gore le sa Gola—Le sa Hlagasedisi ke Diyabolo
4 Nnete ke gore mo re tšhuta Lentsu la Modimo re phema gore matsaka ya ma tšhutisiwang ma sa re kwaletse. (Joh. 8:31, 32; 1 Joh. 4:1) Mo re kene re ngangarele dinnete tso tsa Modimo, di nyoko ba lola go rwala “sephemo sa dikguba,” taba yone yi ra go phela ka mokg’o Modimo a hlayang ka gona. (Pis. 111:7, 8; 1 Joh. 5:3) Go yeketsela gana hone, mo dinnete tsa Lentsu la Modimo re di kwisisa gabutši, re nyoko di bolabolela re sa hlagasele mo re gahlana le batho ba go re phigisa.—1 Pet. 3:15.
7 Taba yowa yi re tšhutisa gore melawo ya Jehova ya go loka yi ka pasopa dipelo tsa rune tsa go fo tshwanisa! (Diy. 4:23) Lesole le ka sa tseye sephemo sa sekguba la se tšhentšhisa ka se sengwana sa go makiwa ka tshipi ya go khura, le rune re ka sa tšwe re lesetsiye melawo ya Jehova, ra bereka ka ya rune. Rune a re nape re di kgona tsa go tipasopa ka mokg’o go nyakegang. (Diy. 3:5, 6) So rune re tshwaneleng re se make ke go lebelela gore ayitsano ‘sephemo sa tshipi’ so re se neyyeng ke Jehova se sa swinegiye le gore nje dipelo tsa rune se sa di kogele gabutši.
10 Masole ya Roma ke mo ma yapara dijombho mo ma ya ntweng, Makreste le wona re ka fore ma yapara dijombho gore ma thog’o bolabola ditaba tsa go bafala tsa go beba. (Jes. 52:7; Maroma 10:15) Mo go thulega lešuba, di nyaka lešiši gore re tšhomayele. Bhuti ye mongwana ye bareng ke Bo wa go ba le 20 ya mongwaga o re: “Ke mo ke tšhaba go tšhomayela bo ke kenang nabo sekolo. Gabutšibutši ke mo di ntšebisa. Mara mo ke lebelela gabutši, a ke tšibi gore anthe ke mo ke tšhaba ying. Gana byalo ke jabolela go tšhomayelela dithaka tsaka.”
(Maefeso 6:16, 17) Mo re sa sa bolabola ka dilo tsone ka mokana ga tsona, tshwara legawu le legolo la tumelo, o ko thogo phema ka lona mesefo ka mokana ga yona ya wa pelo ye phifadu. 17 Fote, yamogela lekarapo la go phonisa, le sabola ya moya, ya gore ke Lentsu la Modimo,
Lune ba Gore le sa Gola—Le sa Hlagasedisi ke Diyabolo
13 Ye mengwana “mesefo ya go dura” yo Sathane a ka leketsang go go tšhuba ka yona ke go bolabola matsaka ka Jehova—matsaka ya gore Modimo aa na taba nago le gore wa mo tinisa. Ida wa go ba le 19 ya mongwaga ke mo a hlopa ke go tikwa nkare wa tshwatisa. O re: “Ke ga go tlala ke tikwa nkare Jehova o kgole le nna fote aa sa di nyaka tsa go ba Moghan’aka.” O yye a yi hlola byang taba yowa? Ida o re: “Megahlano ke yona yi rotetsang tumelo yaka. Mo ke ya mogahlanong, ke mo ke fo segela ku ke tidulela, ke sa fetole selo, nna mong ke tipotsa gore aa šiyo wa gore a ka napa a theetsela selo sa go bolabola ke nna. Mara gana byalo, ke ya lukiselela mo ke ya megahlanong fote ke leketsa go fetola gabedi kela gararo. A go lola, mara mo ke maka sone, pelo yaka yi fo re tswee. Fote magageru ka ho phutegong ba ntiyisa ka matla. Ka moka matšatši mo megahlano yi fela ke sologa ke ya gaye, ke ba ke di tšiba tsa gore Jehova o nnyaka ka matla.”
16 Ye mengwana “mesefo ya go dura” yo Sathane a ka leketsang go go tšhuba ka yona ke go bolabola matsaka ka Jehova—matsaka ya gore Modimo aa na taba nago le gore wa mo tinisa. Ida wa go ba le 19 ya mongwaga ke mo a hlopa ke go tikwa nkare wa tshwatisa. O re: “Ke ga go tlala ke tikwa nkare Jehova o kgole le nna fote aa sa di nyaka tsa go ba Moghan’aka.” O yye a yi hlola byang taba yowa? Ida o re: “Megahlano ke yona yi rotetsang tumelo yaka. Mo ke ya mogahlanong, ke mo ke fo segela ku ke tidulela, ke sa fetole selo, nna mong ke tipotsa gore aa šiyo wa gore a ka napa a theetsela selo sa go bolabola ke nna. Mara gana byalo, ke ya lukiselela mo ke ya megahlanong fote ke leketsa go fetola gabedi kela gararo. A go lola, mara mo ke maka sone, pelo yaka yi fo re tswee. Fote magageru ka ho phutegong ba ntiyisa ka matla. Ka moka matšatši mo megahlano yi fela ke sologa ke ya gaye, ke ba ke di tšiba tsa gore Jehova o nnyaka ka matla.”.
20 Pawulo o re Lentsu la Modimo le tshwana le sabola yo Jehova a re neyyeng yona. Mara di nyaka re tšhute go yi berekisa gabutši go tswana le batho ba digele mo re lwela so re se dumelang—kela mo re tilukisa monagano. (2 Makor. 10:4, 5; 2 Thim. 2:15) O ka maka byang gore o be segele? Mosogana ye ba reng ke Sebastian wa go ba le 21 ya mongwaga o re: “Mo ke bala tema ye nngwana le ye nngwana ya Baebele mo ke le ntoši, ke ngwala temanyana ka yyoši ga tema yone. Ke kgobeketsela ditemanyana tso di njabodisang. Ka mokg’ononeng ke kwa ke le thina le Jehova ka mokg’o a naganang.” Daniel, yela go bolabodiwweng ka yene ku kgakala, o re: “Mo nkene ke bala Baebele ke ntoši, ke ya ke kgeta ditemanyana tso ke bonang nkare di ka gelepa batho bo ke gahlanang nabo ku tšhomong. Ke di bonne gore batho bowa baa jabola mo ba bona gore le wene Baebele o yi nyaka ka matla fote o leketsa go ba gelepa.”
Go Wunyulla tso di Wutammeng ka Baebeleng
(Maefeso 4:30) Fote, le sa kgongwetsi moya wa Modimo wa go hlawolega, wa gore le makiwwe setwaba ka wona gore le thogo lepolliwa mo go segela letšatši la gona.
it-1-E 1128 ¶3
Go Hlawolega
Moya wa go hlawolega. Matšhika ya Jehova, kela moya, wo lawola ke yene fote wo maka tso yene a di nyakang. Wo yediye, a wo na dilibilibi, wo hlawolegiye fote wo maka mmereko wa Modimo gabutši. Nka taba lo ba reng ke “moya wa go hlawolega.” (Pis 51:11; Lu 11:13; Rom 1:4; Ef 1:13) Go ba le moya wa go hlawolega go gelepa motho gore a hlawolege kela a dule a yediye. Go maka selo sa go sa loka kela sa go sa yela go ganetsana le moya wone kela gwa wo “kgongwetsa.” (Ef 4:30) Le mo moya wa go hlawolega go se motho, wo re šupetsa gore Modimo o hlawolegiye ka matla, nka taba lo di kgonegang go wo kwisa go baba kela go wo ‘kgongwetsa.’ Go maka selo sa go befa go ‘fetsa moya wa go hlawolega matšhika.’ (1Th 5:19) Mo o ka ya mahlong o maka tsotsone, moya wa Modimo wo nyoko “kwa go baba” fote tsotsone di ka maka gore Modimo go fetse go le lenaba la motho yene wa gore aa theetsele. (Jes 63:10) Motho wa go kwatisa moya wa go hlawolega a ka šinya a wo rogelela fote Jeso Kreste o hlayye gore mo motho a sinya ka mokgonone, a ka sa tshwarediwi ga masipidiselo yawa ya dilo le ya ma sa nyoko tlang.—Mat 12:31, 32; Mar 3:28-30; lebelela le MOYA.
(Maefeso 5:5) Ka taba la gore tsowa le ya di tšiba, fote le ya di kwisisa gore motho wa go sa kgone go titshwara kela wa go sa yela kela wa dipawo, tsotsone di rela go rapela medimo ya matsaka, a ka sa kene Mmušong wa Kreste le wa Modimo.
it-1-E 1006 ¶2
Dipawo
Di Bonala ga Dilo Tso Motho a di Makang. Dipawo di ya gola tsa šinya di bonala, tsa napa di šupetsa gore tso motho a di makang a yi tsona fote di napa di ro fetelela. Jakobo wa gore o ngwadiye Baebele o re botsa gore go nabela dilo tsa go sa loka go ka gola, gwa maka gore motho a šinye a sinya. (Jak 1:14, 15) Byalo, motho wa go ba le dipawo a ka bonala ka tso a di makang. Pawulo wa lepostola o yitseri mo motho a na le dipawo, tsotsone di tshwana gabutši le go rapela medimo ya matsaka. (Ef 5:5) Go nabela mo ga go ba le dipawo, go maka gore so a se nabelang go be modimo wage, ka taba la gore aa sa beya mmereko wa Modimo ka ku mahlong.—Rom 1:24, 25.
Go Bala Baebele
(Maefeso 4:17-32) Byalo tsowa ke tso ke le botsang tsona fote ke nna hlatse ga Morena, gore le sa sa maka dilo go tshwana le ba ditšhaba, ka gore menagano ya bona a yi bereke. 18 Menagano ya bona yi letshwifing fote ba kgole le lephelo la go tšwa ga Modimo, ka taba la gore ba tseya dilo lula fote dipelo tsa bona di tlanyele. 19 A ba sa di kgona le go titshwara, ba tineyele ga mekgwa ya go maka dilo ka tšhinghi fote ba na le dipawo mo ba kene ba maka mehlobo ka mokana ga yona ya dilo tsa dithila. 20 Mara lune a le ya tšhutisiwa gore Kreste o ka mokgonone, 21 mo nkare ka nnete le kwele ka yene fote le tšhutisiwwe ka yene, go fo tshwana le mo nnete yi le ga Jeso. 22 Le tšhutisiwwe gore le tlose dilo tso ne le le tsona botala tsa go le maka gore le make dilo tsa botala tsa gore a di ya loka fote di maka gore le keketlele ka taba la go fokola ke tso le di nabelang. 23 Fote di nyaka le be ba nyuwane ga tso le di naganang, 24 fote le be batho ba nyuwane go ya ka mokgo Modimo a nyakang, le na le nnete fote le lukiye le kene le tshepega. 25 Byalo ka gore tsa go tshokanana le di lahlele ku kgole le lune, ye mongwana le ye mongwana wa lune a bolabole nnete le moyagelani wage, ka taba la gore ke rune ditlopo tsa gore di mamarelanne. 26 Kwataneng, mara le sa sinyi; le sa lesetse letšatši le šinya le dikela ke kene le kwatiye; 27 le sa thulele Diyabolo lešuba. 28 Ye wa go yetswa a sa sa yetswa; mara di nyaka a garagare, a make mmereko wa gabutši ka matsogo yage, gore a thogo ba le selo so a ka se neyang ye mongwana wa gore wa gayela. 29 Le sa makeneng gore lentsu la go bola le tšwe ka melomong ya lune, mara go tšwe tsa gabutši ka mokgo go nyakegang, gore bo ba go theetseleng ba kwe tsa go ba yaga. 30 Fote, le sa kgongwetsi moya wa Modimo wa go hlawolega, wa gore le makiwwe setwaba ka wona gore le thogo lepolliwa mo go segela letšatši la gona. 31 Mo ga lune le tloseneng mehlobo ka mokana ga yona ya dilo tsa go gakga, go kwata, go tuba, go garatsa, go lakatsa ka matla le dilo ka mokana ga tsona tsa gore di ya kwaletsa. 32 Mara di nyaka le tshwaranane gabutši, le kwelane go baba, le tshwarelane le sa kokole go fo tshwana le mo Modimo a yye a le tshwarela ka Kreste a sa kokole.
JUNE 24-30
MAKOLWANE KA TENG GA LENTSU LA MODIMO | MAFILIPI 1-4
“O sa Šekele ka Selo”
(Mafilipi 4:6) Le sa šekele ka selo, mara le botseneng Modimo ka thapelo dilo ka mokana ga tsona tso le di kgopelang le kene le mo leboga;
w17.08 10 ¶10
“Go Beba ga Modimo . . . go Feta Mehlobo ka Mokana ga Yona ya go Kwisisa”
10 Re ka gelepa king gore re sa šekele ka selo fote re be le go “beba ga Modimo”? Pawulo mo a ngwalela Mafilipi o yitseri selo so se ka yalafang go šekela ke go rapela. Byalo di nyaka re rapele mo re thomisa go šekela. (Bala 1 Petro 5:6, 7.) Di nyaka o ba le tumelo ya go tiya mo o rapela Jehova, o kene o tšiba gore o na le taba nago. “Mo leboge” mo o kene o mo rapela, o kene o gopola dilo tso a go rufiyeng ka tsona. Re nyoko napa re mo tshepa ka matla mo re ka sa lebale gore a ka “re makela tsa go feta kgole dilo ka mokana ga tsona tso re di kgopelang kela tso re di naganang.”—Ef. 3:20.
(Mafilipi 4:7) fote go beba ga Modimo ga gore go feta mehlobo ka mokana ga yona ya go kwisisa, go nyoko pasopa dipelo tsa lune le ka mokgo le naganang go berekisiwa Kreste Jeso.
w17.08 10 ¶7
“Go Beba ga Modimo . . . go Feta Mehlobo ka Mokana ga Yona ya go Kwisisa”
7 Re ya di tšiba gore mo magageru ya hala Filipi ma balediwa lengwalo lo Pawulo a ma ngwaleleng lona, ne ma gopola so se mo makegeleng le ka mokgo ne go se na le ka wweši ye ne a nagana gore Jehova o nyoko maka ka mokgo a makiyeng dilo ka gona. Gabutšibutši Pawulo ne a ba tšhutisa ying? Ne a fo ba a re: Le sa šekele. Rapelaneng, ke mokane le nyoko kraya go beba ga Modimo. Mara o sa lebale gore “go beba ga Modimo go feta go kwisisa ka mokana ga gona.” Tsotsone di ra gore king? Ba bangwana ba go hlatolla ba re di rela gore “go feta meloro ya rune ka mokana ga yona” kela “go feta dilo ka mokana ga tsona tso motho a di naganang.” Pawulo gabutšibutši ke mo a rela gore “go beba ga Modimo” go di feta kgole dilo tso re ka di naganang. Byalo le mo rune batho re ka fo tseya nkare re ka sa di kgone go lukisa tso di re phikang, Jehova a ka di kgona, fote a ka maka le tsa gore a re ya di nagana.—Bala 2 Petro 2:9.
w17.08 12 ¶16
“Go Beba ga Modimo. . . go Feta Mehlobo ka Mokana ga Yona ya go Kwisisa”
16 Re ye felela kaye mo re ba le “go beba ga Modimo ga gore go feta mehlobo ka mokana ga yona ya go kwisisa”? Mo mangwalo ma re fetola, ma re ‘go nyoko pasopa dipelo tsa rune le ka mokgo re naganang, go berekisiwa Kreste Jeso.’ (Fil. 4:7) Lentsu la mmolabolo wa ku mathomisong la mo ba hlatolla go “pasopa” ne le berekisa ke masole. Ke mo le rela mogoba wa masole ya ne ma pasopa bo ne ba dula ga gore go yagelediwwe ka mapharo ku botala. Filipi le gona ne go fo ba ka mokgonone. Bo ne ba dula Filipi ke mo ba yetsela mong boroko ka taba la gore ne ba di tšiba gore masole ma pasopiye digheyiti tsa bona. Mo le rune re na le “go beba ga Modimo,” menagano le dipelo tsa rune a di šekele ka selo. Re ya di tšiba tsa gore Jehova wa re pasopa fote o nyaka gore re phomelele. (1 Pet. 5:10) Go fo tšiba tsotsone go re gelepa gore re sa fo dulela go šekela kela go kgongwela.
Go Wunyulla tso di Wutammeng ka Baebeleng
(Mafilipi 2:17) Mara, le mo ba ntšhela go tshwana le sa go nwa mo go makiwa sehlabelo le mmerekong wa go hlawolega wa gore tumelo ya lune yi le yisiye ga wona, ke ya jabola fote ke ro hlakela le lune ka mokana ga lune.
it-2-E 528 ¶5
Dihlabelo
Dihlabelo tsa go Nwiwa. Dihlabelo tsa go nwiwa ne ba di yisa le dihlabelo tse dingwana tsa go tlala, ka matlamatla ka nthago ga mo Maisrayele ma šele ma dula ga Naga yo ne ba Tshepisiwwe yona. (Dip 15:2, 5, 8-10) Ke mo ba yisa wayini (“mokgete wa gore wa tlayidisana”) ba yi tšhela gedimo ga aletare. (Dip 28:7, 14; bona le Ek 30:9; Dip 15:10.) Pawulo wa lepostola o ngwalele Makreste ya Filipi a re: “Mo ba ntšhela go tshwana le sa go nwa mo go makiwa sehlabelo le mmerekong wa batho ka moka wa gore tumelo ya lune yi le yisiye ga wona, ke ya jabola.” Mowa o berekisiye mošupetso wa sehlabelo sa go nwa a fo ba a šupetsa gore o nyaka go tineyela ka taba la Makreste ya mangwana. (Fil 2:17) Nakwela a soko kgwa, o ngwalele Thimothi gore: “Se ke tšhediwa go tshwana le sehlabelo sa go nwa, fote ba ka sa nlokolle gana byalo.”—2Tm 4:6.
(Mafilipi 3:11) go bona gore ayitsano nko tsusiwa la mathomo ga bo ba kgwileng.
w07 1/1 26-27 ¶5
“Go Tsusiwa la Mathomo”—Go Šele Gwa Makega!
5 Se sengwana ke gore bo ba go tlotsiwa ba “Israyele ya Modimo” di nyaka ba berekisane le Morena Jeso Kreste mo a kene a gadima a le legedimong, gana mo ba ko bang le “Morena ka moka matšatši.” (Magalata 6:16; 1 Mathesalonika 4:17) Tsotsone ba re ke “go tsusiwa la mathomo” kela “go tsusiwa mathomisong.” (Mafilipi 3:10, 11; Kutullo 20:6) Mo go tsusiwa mone go šele go makegiye, byalo go ko ba go segele nako ya gore go tsusiwe dibhiliyoni tsa batho ho lefaseng fote batho bone ba ko ba ba na le tshepo ya gore ba nyoko phela go ya go yye Pharadeyising. Byalo, a di na taba gore re tshepiye go phela legedimong kela ho lefaseng, taba yo ya “go tsusiwa mathomisong” di nyaka yi re tikisa. Mowa re bolabola ka go tsusiwa ga mošaga mang? Go nyoko makega leng?
Go Bala Baebele
(Mafilipi 4:10-23) Ke jabola ka matla Moreneng ka taba la gore le šinnye le thomisa go šupetsa gore le na le taba le nna. Le mo nkare ke mo le na le taba le nna, ke mo le sa thulegele ke lešuba la go nšupetsa. 11 A ke bolabole sowa ka taba la gore ke gayela tse dingwana, ka gore ke tšhutiye go tikwa ke yenele ka so ke nang naso le mo nka fo ba ke le ga seyemo sa mošaga mang. 12 Ke ya go tšiba go felela ke dilo, fote ke ya go tšiba go tlalela ke dilo. Ga dilo ka mokana ga tsona le ga mayemo ka mokana ga wona ke tšhutiye sephiri sa go kgura le sa go kwa tlala, go ba le dilo tsa go tlala le go sa be le selo. 13 Ga dilo ka mokana ga tsona ke na le matšhika ka taba la ye a nneyang matšhika. 14 Mara le makiye gabutši ka matla go ba le nna nakwela go na le tsa go nhlupa. 15 Gabutšibutši lune Mafilipi le di tšiba gabutši gore ka nthago ga gore le tšibe ditaba tsa go bafala, nakwela ke tloga Masedoniya, a go na phutego ye nngwana yo yi yyeng ya maka le nna tsa go neya le go yamogelana, ke mo go le lune le ntoši; 16 ka taba la gore nakwela ke sa le Thesalonika, le yye la n’romela so ke gayelang sona, a la se romela ga ggoši mara le se romele gabedi. 17 A yi gore ke nyaka le nneya se sengwana, mara ke nyaka le be le diyengwa tsa gore di le leyela dilo tsa go bafala. 18 Mara ke na le dilo ka mokana ga tsona tso ke di nyakang, le tsa go tlala go tokegela gana hone. Ba nneye dilo ka moka, gana byalo ka gore Epafrodito o nneyye so le mo neyetsiyeng, sa go tlola sa go nkgela sa go natefela so go leng sehlabelo sa go yamogelega so se jabodisang Modimo gabutši. 19 Fotefote, le Modimo waka o nyoko le neya dilo ka mokana ga tsona tso le di nyakang, go ya ka dilo tso a nang natso ka taba la go gadimisiwa gage ka Kreste Jeso. 20 Byalo go gadimisiwe Modimo le Papa wa rune go ya go yye. Amene. 21 Tamisaneng ye mongwana le ye mongwana wa gore o hlawolegiye wa gore o mamarelanne le Kreste Jeso. Magegeru ya gore ma na le nna maa le tamisa. 22 Ka mokana ga bona ba go hlawolega, mara ka matlamatla ba ntlong ya Kesara, le bona baa le tamisa. 23 Go loka ga go sa le tshwanele ga Morena Jeso Kreste go be le lune ka taba la moya wo le nang nawo.