SETŠHUTO 7

Ke Nnete Fote di ya Tshepega

Luka 1:3

MONOPO: Berekisa ditaba tsa gore di ya tshepega gore bo o bolabolang nabo ba thogo segelela sepheto sa gabutši.

Nyakana le ditaba tsa gore ke nnete ke mokane o di berekise. Thegeletsa taba yago ka Lentsu la Modimo, le bale mo di kgonega. Mo o bolabola ka taba ya sayense, tsa go yanegiwa, kela tse dingwana tsa go yelana le taba yone, thomisa o lebelela gore bo ba di hlayang a ba bolabole matsaka le gore kela taba yone a yi sa le ka mokgonone.
Berekisa dilo tsa gore mo di tšwang gona go gabutši. Hlatolla mangwalo ma yelane le taba yo yi bolabodiwang fote ma kwane le molayetsa wa Baebele le dipuku tsa “lelata la go hlalefa le la go tshepega.” (Mat. 24:45) Mo o berekisa dipuku tse dingwana tsa lefase, o sa tikraye o tšhentšhiye taba o šele o yi beyye ka mokgwa wago mara bala ba yi ngwadiyeng ba sa reyane.

O sa feteletse ditaba kela dinombhoro. Mo ba re “batho ba bangwana,” a ba re “batho ba go tlala,” mo ba re “ka dinako tse dingwana” a ba re “ka moka nako,” ke mokane “di ka fo ba di sa makega” a yi rele gore “kela di makegiye.”
Bolabolela taba yago. Mo o šele o badiye lengwalo kela o hlayye gore taba yone o yi tsere kaye, butsisa putsiso kela o make mošupetso mo o hlatolla gore bo ba go theetseleng ba thogo yelela ke taba.