Ditodi tsa Sepukwane sa Mogahlano
wa Maphelelo le Matšhomayelelo
OCTOBER 7-13
MAKOLWANE KA TENG GA LENTSU LA MODIMO | JAKOBO 3-5
“Šupetsa Gore o Hlalefisiye ke Modimo”
(Jakobo 3:17) Sa mathomothomo, go hlalefa ga go tšwa ku gedimo go yediye, go bebiye, gwa naganelana, go yakgoswela go theetsela, go kwelana go baba, go yengwa tsa gabutši, a go hlawole ba bangwana fote a go timakisi.
cl-SE 221-222 ¶9-10
Nje go Hlalefa Gago ke “go Hlalefa ga go Tšwa ku Gedimo”?
9 “Sa mathomothomo, . . . go yediye.” Go rela go yela le go hloka selabi ka ku tengteng. Baebele yi tshwanisa go hlalefa le pelo, mara go hlalefa ga go tšwa ku legedimong go ka sa kene ga pelo ya gore yi nagana dilo tsa go kekema le ya gore yi nabela dilo tsa go sa loka. (Diyema 2:10; Matewu 15:19, 20) Mara, mo nkare dipelo tsa rune di yediye—go segela mo re ka kgonang gona re kene re sa yenela—re nyoko “lesetsa go maka tsa go befa ra maka tsa go loka.” (Pisalema 37:27; Diyema 3:7) Nje a di kwagale mo ba re go yela ke mokgwa wa mathomothomo wa go šupetsa gore re hlalefiye? Byalo, mo nkare a ra yela ga tso tsa Modimo fote a re titshware gabutši, nje re ka di kgona go kopisela mekgwa ye mengwana ya go šupetsa gore re hlalefiye ya go tšwa ku gedimo?
10 “Go bebiye.” Go hlalefa ga go tšwa ku magedimong go re tšhofa gore re dule re bebiye, sone ke seyengwa sa gabutši ga tso tsa Modimo. (Magalata 5:22) Re ya karakara gore re sa šitisi so se “makang gore go bebe” sa gore se maka gore batho ba Jehova ba mamarelane. (Maefeso 4:3) Fote re maka so re ka se kgonang gore go beba go be gona fote. Ke ntaba di nyaka re go tseyele gedimo? Baebele yi re: “Ariyeneng mahlong . . . le dule le bebiye; fote Modimo wa gore wa nyakanana wa gore fote o dula a bebiye o nyoko ba le lune.” (2 Makorente 13:11) Mo re ka fo ya mahlong re bebiye, Modimo wa go beba o nyoko dula a na le rune. Mokgwa wo re tshwarang bo re rapelang nabo wo šupetsa gore senghana so re nang naso le Jehova se tiyye go segela kaye. Re ka šupetsa ka ying gore re kwana le go beba? Lebelela mošupetso ke wowa.
(Jakobo 3:17) Sa mathomothomo, go hlalefa ga go tšwa ku gedimo go yediye, go bebiye, gwa naganelana, go yakgoswela go theetsela, go kwelana go baba, go yengwa tsa gabutši, a go hlawole ba bangwana fote a go timakisi.
cl-SE 223-224 ¶12
Nje go Hlalefa Gago ke “go Hlalefa ga go Tšwa ku Gedimo”?
12 “Gwa naganelana.” King go naganelana? Go ya ka bo ba go tšhutega, lebitso la Segerika la gore mo ba le hlatolla ba yitseri ke go “naganelana” lo le leng ga Jakobo 3:17 a go lula go le hlatolla. Bo ba go hlatolla ba berekisiye mantsu ya go tshwana le go “temeka,” go “kwisisa” le go “kwelana.” Setwaba so se leng ga New World Translation se šupetsa gabutši gore lebitso lowa le rela go “tematema.” Re ka šupetsa ka ying gore le rune re hlalefisiye ke Modimo?
cl-SE 224-225 ¶14-15
Nje go Hlalefa Gago ke “go Hlalefa ga go Tšwa ku Gedimo”?
14 “Go yakgoswela go theetsela.” Lentsu la Segerika la gore mo ba le hlatolla ba yitseri ke go “yakgoswela go theetsela” a le nyarele go gongwana ga Mangwalo ya Sekreste ya Segerika. Go ya ka ye mongwana wa go tšhutega, lentsu lowa “ga go tlala le berekisiwa mo ba wolola masole.” Sowa se maka gore re nagane ka ‘motho wa gore go lula go mmotsa gore a make selo’ le wa go “theetsela.” Motho wa gore o lawola ke go hlalefa ga ku gedimo o yakgoswela go theetsela so Mangwalo ma se hlayang. Aa tšibege go le ye a makang tsa go tšiba ke yene le go ba le tšhinghi. Mara, o yakgoswela go kwa mo ba mo šupetsa ka Mangwalo gore aa maka tsona kela gore tso a di naganang a yi tsona. Ayitsano ba bangwana ba go tšiba o le ka mokgonone?
‘Go Kwelana go Baba le go Yengwa Tsa Gabutši’
15 ‘Go kwelana go baba le go yengwa tsa gabutši.’ Go kwelana go baba ke mokgwa wo mongwana wa go šupetsa gore re hlalefiye ka mokgwa wa go tšwa ku gedimo, go hlalefa ga mošaga wonone ba re ke go “kwelana go baba ka matla.” Go bolabodiwa magahla ka go “kwelana go baba” le go “yengwa tsa gabutši.” Di ya kwagala ka taba la gore ka ho Baebeleng mo go bolabodiwa ka go kwelana go baba, go ba go bolabodiwa ka go tihlupa ka batho ba bangwana, go kwelana ga mošaga wowa go maka gore motho a make dilo tsa go bafala. Puku ye nngwana yi hlatolla go kwelana go baba go le “go kwela motho ye mongwana go baba le go leketsa go mo gelepa ga tso di mo kwisiyeng go baba.” Byalo, go hlalefisa ke Modimo a gwa kokoropana, gwa naganelana fote go tseya gabutši. Mara go gabutši, go kwelana go baba fote gwa naganelana. Re ka šupetsa ka ying gore re kwelana go baba?
(Jakobo 3:17) Sa mathomothomo, go hlalefa ga go tšwa ku gedimo go yediye, go bebiye, gwa naganelana, go yakgoswela go theetsela, go kwelana go baba, go yengwa tsa gabutši, a go hlawole ba bangwana fote a go timakisi.
cl-SE 226-227 ¶18-19
Nje go Hlalefa Gago ke “go Hlalefa ga go Tšwa ku Gedimo”?
18 “A go hlawole ba bangwana.” Mo re hlalefisa ke Modimo re ka sa hlawole batho go ya le ka gore ba tšwa ga mohlobo wofeng kela ba tšwa ga naga yifeng. Mo re ka yetetsa ke go hlalefa hone, re nyoko leketsa ka matla gore re sa kgerane. (Jakobo 2:9) A re tshware batho gabutši go ya ka gore ba tšhutegiye go segela kaye, ba ghannye, kela gore ba maka ying ka ho phutegong; fote a re tseyele magageru ya mangwana fase, le mo nkare ba šupa go se batho ba selo. Mo Jehova yene a nyaka batho ba mošaga wonone, le rune re tshwanele re ba nyake.
19 “A go timakisi.” Lentsu la Segerika la go “timakisa” le rela “motho wa gore ke mo a kgana setori.” Ku botala, Magerika le Maroma ne ma yapara selo sa go ma thiba sefahlego mo ma kgana ditori. Go tlugisela gana hone, lentsu la Segerika la gore go “timakisa” ba yye ba re le rela mo motho a timaka motho wa gore a yi yene. Ka mokgo re tshwarang magageru le ka mokgo re tikwang ka gona ka bona, di nyaka go tšhofe ke go hlalefa ga mošaga wowa.
Go Wunyulla Tso di Wutammeng ka Baebeleng
(Jakobo 4:5) Kela o nagana gore mangwalo ma fo tihlayela mo ma re: “Moya wo o dulang ka teng ga rune o fo ya mahlong o nabela dilo tsa go befa”?
w08-SE 11/15 20 ¶6
Monopo wa Lengwalo la Jakobo le Petro
4:5—Jakobo o bolabola ka lengwalo lefeng howa? A go na lengwalo lo Jakobo a bolabolang ka lona howa. Mara mantsu yawa ma ka fo ba ma ntshiwwe ga mangwalo ya go tshwana le Genesi 6:5; 8:21; Diyema 21:10; le Magalata 5:17.
(Jakobo 4: 11, 12) Magageru, lesetsaneng go sebanana. Ye mongwana le ye mongwana ye a sebang mogageru kela a mo yahlula, di fo tshwana le mo a seba molawo kela go wo yahlula. Mo o yahlula molawo, a wo make so molawo wo se hlayang mara wa wo yahlula. 12 Ye a Neyang molawo le ye wa go Yahlula ke motho ka wweši, yene wa gore o kgona go phonisa le go sinyanya. Mara wene o nagana gore ke wene mang mo o yahlula moyagelani wago?
w97-SE 11/15 20-21 ¶8
Tumelo yi Maka Gore re Lefise Pelo le Gore re Rapele
8 Mo motho a seba mogageru, wa sinya. (Jakobo 4:11, 12) Makreste ya mangwana ka taba la gore ba f’lo tikgomolelela, ma ka nyaka go maka nkare wona ke wona ka go bolabola dilo tsa go sa loka ka ba bangwana. (Pisalema 50:20; Diyema 3:29) Lentsu la Segerika la gore le hlatodiwwa go le ‘go seba’ le rela go bolabola tsa go sa loka ka ye mongwana fote le rela go hlayela ye mongwana matsaka. Go yahlula ga mošaga wone go ka kwisa mogageru yene go baba ka matla. Mo motho a maka tsotsowa, ke setšha a ‘seba le go yahlula molawo’ ka mokgo mang? Bamangwalo le Mafaraseyi ba ‘makiye nkare bona ba hlalefiye ka go phagela molawo wa Modimo ku kgole’ ke mokane bona beng ba tiyahlulela. (Mareka 7:1-13) Ka mokgonone, mo re yahlula mogageru wa gore Jehova a ka sa mo yahlule, nje re ko ba re sa ‘yahlule molawo wa Modimo’ le go hlaya gore molawo wone a wo re selo? Fote mo re yahlula mogageru ye mongwana, re ko ba re sa latelele molawo wa gore re nyakanane.—Maroma 13:8-10.
Go Bala Baebele
(Jakobo 3:1-18) Magageru, a di nyake ka mokana ga rune re ba mathitšere, ka taba la gore re ya di tšiba tsa gore re nyoko yahludiwa ka matla. 2 Ka taba la gore re pumutsa gatleletlele. Motho wa gore aa pumutsi ka lentsu, ke wa gore o yenele fote o thogo lawola mmele wage ka mokana ga wona. 3 Mo re tlema mapanta molomong wa dipera gore di thogo re theetsela, re thogo lawola mmele wa tsona ka moka. 4 Lebelela dikepe: Le mo go le tse dikgolo fote di lawola ke moya wa matšhika ya magolo, di sipidisa ke sedhrayivelo se senyananyana se ya mo monna ye a se sipidisang a nyakang se ya gona. 5 Le lleme le lona ke le lenyananyana ho mmeleng, mara le tshwara dilo tse dikgolo ka matla. Le wene wa di tšiba tsa gore lešahla le legolo le tšhuba ke mollo wo monyananyana! 6 Le lleme le lona ke mollo. Lleme le yemela dilo tsa go sa loka mo mmeleng wa rune, ka taba la gore le maka gore mmele wo be le dithila fote le tšhuba maphelelo ka mokana ga wona, fote le tšhuba ke Ghehena. 7 Ka taba la gore pholwane ye nngwana le ye nngwana ya hlaga, dinonyane le tso tsa go sepela ka dimpa le tsa ka meetšing, batho ba nyoko di lawola kela di sa nyoko lawodiwa. 8 Mara a go na motho ye a kgonang go lawola lleme. A le lawolege fote le ya sinya, le tlele ka sehlare sa gore se ya bolaya. 9 Ka lona re thanaka Jehova, yene Papa, fote ka lona re rogelela batho ba gore ba makiwwe ka “setshwano sa Modimo.” 10 Molomo wonone wa thanaka fote wa rogelela. Magageru, a di gabutši mo dilo di makega ka mokgo. 11 Akere sediba a se make gore meetši ya go tswetswenya le ya go galaka ma tshwehle ke mokane ma tšwe ga molomo ka wwoši? 12 Magageru, nje di ya kgonega gore sehlare sa mogo se yengwe dihlu, kela sa didhriva se yengwe mago? Le ga meetši ya letswayi go ka sa tšwi meetši ya go yela. 13 Ke mang wa go hlalefa le wa gore wa kwisisa ho ga lune? A šupetse ka dilo tsa gabutši tso a di makang gore o hlalifiye. 14 Mo nkare o na le mona ka ho pelong yago fote o na le ditshelo, o sa titeye sekguba le go bolabola matsaka. 15 Go hlalefa ga mošaga wowa a go tšwi ku gedimo; ke ga ho lefaseng, go na le bopholwane fote go na le bodimona. 16 Ka taba la gore mo go nang le mona le mo motho a nabela go maka mebereko ye mengwana go mo phala, go nyoko ba le ntshetshere le selo se sengwana le se sengwana sa go sa loka. 17 Sa mathomothomo, go hlalefa ga go tšwa ku gedimo go yediye, go bebiye, gwa naganelana, go yakgoswela go theetsela, go kwelana go baba, go yengwa tsa gabutši, a go hlawole ba bangwana fote a go timakisi. 18 Mara diyengwa tsa gabutši di gašiwa dipolekeng tsa go beba, fote di gašediwa batho ba gore ba kwana le go beba.
OCTOBER 14-20
MAKOLWANE KA TENG GA LENTSU LA MODIMO | 1 PETRO 1-2
“Di Nyaka le Hlawolege”
(1 Petro 1:14, 15) Ka taba la gore ke lune bana ba go theetsela, lesetsaneng go lawola ke dilo tso ne le di nabela ku botala ka taba la go tseyela dilo hlogong, 15 mara go tshwana le Wa go Hlawolega ye a le bitsiyeng, di nyaka le lune le hlawolege ga lephelo la lune ka mokana ga lona,
w17.02-SE 9 ¶5
Sehlabelo ke ‘Selo sa go Yenela sa go Tšwa ga Papa’
5 Re ka šupetsa ka ying gore re kwana le lebitso la Jehova? Ka mokgo re titshwarang ka gona. Jehova o nyaka gore re hlawolege. (Bala 1 Petro 1:15, 16.) Tsowa di rela gore re rapele Jehova a ntoši le go mo theetsela ka dipelo tsa rune ka mokana ga tsona. Le mo re kene re hlorisiwa, re maka so re ka se kgonang gore re phele ka ditšhiko tsage le molawo wage wa go loka. Mo re maka dilo tsa go loka, re maka gore llampa la rune le nape le khanya ka matla fote tsotsone di gadimisa lebitso la Jehova. (Mat. 5:14-16) Ka taba la gore ke rune batho ba go hlawolega, maphelelo ya rune ma šupetsa gore molawo wa Jehova wo lukiye fote ma šupetsa le gore tso Sathane a di hlayyeng ke matsaka. Ka mokana ga rune re ya sinya, mo re sinnye, re tisola tsa mannete ke mokane ra lesetsa go maka dilo tsa gore ga Jehova di ya mo silikisa.—Pis. 79:9.
(1 Petro 1:16) ka taba la gore taba yowa yi ngwadiwwe, ya gore: “Di nyaka le hlawolege, ka taba la gore nna ke hlawolegiye.”
lvs-SE 77 ¶6
Go Hlawola Tso re di Jabodisang ka Tsona
6 Jehova o re botsa gore: “Di nyaka le hlawolege, ka taba la gore nna ke hlawolegiye.” (1 Petro 1:14-16; 2 Petro 3:11) Jehova o nyoko yamogela tso re mo makelang tsona mo nkare di hlawolegiye kela di yediye. (Dotoronoma 15:21) Mo nkare re maka dilo tsa gore di silikisa Jehova tsa go tshwana le bonghwahla, bokgohlane le go maka dilo tsa gore di na le bodimona, dilo tso re di makelang Jehova di ko ba di sa yela. (Maroma 6:12-14; 8:13) Mara Jehova a ka sa jabole mo re ka fo ya mahlong re tijabodisa ka dilo tsa mošaga wonone. Tsotsone di ka maka gore senghana sa rune le Jehova se sinyege fote a ka sa yamogele tso re mo makelang tsona ka gore di ko ba di sa yela.
Go Wunyulla tso di Wutammeng ka Baebeleng
(1 Petro 1:10-12) Baporofeta ba porofitiye ka go phonisiwa ga gore Modimo o yye a le kwela go baba, ka gore ba yye ba nyakolla le go butsisisa. 11 Ba yye ba ya mahlong ba nyakolla gore moya wa gore wo ka ho teng ga bona wo re Kreste we segela leng le gore ka nako yifeng go fo tshwana le ka mokgo wo yyeng wa šupetsa ka gona ku botala gore Kreste o nyoko hlupegisiwa le gore ka nthago o nyoko gadimisiwa. 12 Ba ba wunyullele gore ne ba bereka mara ne ba sa berekele bona beng, ne ba berekela lune, ka taba la ditaba tsa go bafala tso ba le botsang tsona gana byalo ka moya wa go hlawolega wa go tšwa ku legedimong. Ka taba la dilo tsowa, mangeloyi ma nabela go wokamela.
w08-SE 11/15 21 ¶10
Monopo wa Lengwalo la Jakobo le Petro
1:10-12. Mangeloyi ne ma nabela go wokamela le go kwisisa dinnete tsa gore di bolabodiye ke baporofeta ba Modimo ba ku botala ka phutegong ya Sekreste ya bo ba gore ba tlotsiwwe. Mara dilo tsowa di yye tsa thomisa go nyarela mo Jehova a tšhela letsogo ka phutegong. (Maef. 3:10) Ke ntaba re sa karakare gore re latelele mošupetso wa mangeloyi, le rune re nyakolle “dilo tsa go yisa tsa Modimo”?—1 Makor. 2:10.
(1 Petro 2:25) Ka gore ne le tshwana le dinku tsa go keketlela ku kgole, mara gana byalo le buyye ga ye a le disang le mowokamedi wa moya wa lune.
it-2-E 565 ¶3
Mowokamedi
Mowokamedi ye Mogolo. Mo Petro wa Mathomo 2:25 yi bolabola ka batho ba gore ba fo tshwana le ‘dinku tsa go keketlela ku kgole,’ gabutšibutši yi rela so se leng ga Jesaya 53:6, ke mokane Petro o re: “Mara gana byalo le buyye ga ye a le disang le mowokamedi wa moya wa lune.” Go ka fo ba go le Jehova Modimo, ka taba la gore batho bo Petro ne a ba ngwalele ke mo ba kene ba sepela le Kreste Jeso, mara ka taba lage, ba boyelanne le Jehova Modimo, yene ye Mogolo wa gore o Disa batho bage. (Pis 23:1; 80:1; Jer 23:3; Ez 34:12) Jehova ke yene a re wokamelang kela ye a re pasopang. (Pis 17:3) Go pasopa (Ka Segerika ke e·pi·sko·peʹ) go ka tshwanisiwa le mo Jehova a yahlula go baba, go fo tshwana le ka mokgo a yyeng a maka ka gona ku Jerusalema ya botala, ya gore a ya bona “mo a yi pasopa [Ka Segerika ke e·pi·sko·pesʹ].” (Lu 19:44) Kela ga batho ba gore ba gadimisa Modimo ka letšatši lo a ba “pasopang ka lona [Ka Segerika ke e·pi·sko·pesʹ] go ka ba le maphomela ya gabutši.”—1Pe 2:12.
Go Bala Baebele
(1 Petro 1:1-16) Nna Petro, lepostola la Jeso Kreste, ke ngwalela bo ba gore ba tlalaganne le Phontasi, Galata, Kapadošiya, Asia le Bhithaniya, ga bo ba kgetiwweng 2 Go ya ka tso le di tšibang ka Modimo wa gore fote ke Papa, ka go hlawola ke moya, gore ba thogo theetsela le go fokediwa ka madi ya Jeso Kreste: Nkare Modimo a ka ya mahlong a le kwela go baba le gore le ye mahlong le bebiye. 3 Go thanakiwe Modimo wa gore fote ke Papa wa Morena wa rune Jeso Kreste, ka taba la gore o re kwele go baba ka matla, o makiye gore re belegiwe fote, ka taba la gore Jeso o tsusiwwe bakgung, 4 gore re thogo kraya patela ya gore a yi sinyege, ya gore yi yediye le ya gore yi ko fo dula yi le gona. Ba le beyele yona ku legedimong, 5 ba gore ba pasopa ke matšhika ya Modimo ka taba la tumelo ya bona, gore ku mafelelong ba thogo wunyulliwa mo go phonisiwa. 6 Le mo nkare ke tsa senakonyana le jabodiye ka matla ka taba la tsowa, dilo tsa go tlala tso di yyeng tsa le ghula di yye tsa le kgahleletsa, 7 gore tumelo yo ya lune ya gore yi yye ya kgahleletsa ke tsa go tlala, ya gore yi tura go feta goldhi ya gore yi fo nyamalala le mo yi le gore ba yye ba yi leketsa ka go yi tšhubelela ka mollo, yi ka maka gore go thanakiwe, go gadimisiwe le gore go hlompege mo go wunyulliwa Jeso Kreste.8 Le mo le soko bane le mmona, mara le ya mo nyaka. Le mo le soko mmona gana byalo, mara le šupetsa gore le na le tumelo gage fote le jabodiye ka matla tsela tsa go sa hlayisege, 9 mo le kene le nyaka go phonisiwa ka taba la tumelo ya lune. 10 Baporofeta ba porofitiye ka go phonisiwa ga gore Modimo o yye a le kwela go baba, ka gore ba yye ba nyakolla le go butsisisa. 11 Ba yye ba ya mahlong ba nyakolla gore moya wa gore wo ka teng ga bona wo re Kreste we segela leng le gore ka nako yifeng go fo tshwana le ka mokgo wo yyeng wa šupetsa ka gona ku botala gore Kreste o nyoko hlupegisiwa le gore ka nthago o nyoko gadimisiwa. 12 Ba ba wunyullele gore ne ba bereka mara ne ba sa berekele bona beng, ne ba berekela lune, ka taba la ditaba tsa go bafala tso ba le botsang tsona gana byalo ka moya wa go hlawolega wa go tšwa ku legedimong. Ka taba la dilo tsowa, mangeloyi ma nabela go wokamela. 13 Byalo lukiselela monagano wago ka dilo tsa gore di nyoko makega; dula o hlahlamme; o tshepe gore Modimo o nyoko go kwela go baba mo Kreste Jeso a wunyulliwa. 14 Ka taba la gore ke lune bana ba go theetsela, lesetsaneng go lawola ke dilo tso ne le di nabela ku botala ka taba la go tseyela dilo hlogong, 15 mara go tshwana le Wa go Hlawolega ye a le bitsiyeng, di nyaka le lune le hlawolege ga lephelo la lune ka mokana ga lona, 16 ka taba la gore taba yowa yi ngwadiwwe, ya gore: “Di nyaka le hlawolege ka taba la gore nna ke hlawolegiye.”
OCTOBER 21-27
MAKOLWANE KA TENG GA LENTSU LA MODIMO | 1 PETRO 3-5
“Dilo ka Mokana ga Tsona di Bakiye Mafelelong”
(1 Petro 4:7) Mara dilo ka mokana ga tsona di bakiye mafelelong. Ka taba lone, šupetsa gore o butšwiye, fote o rapele o kene o hlahlamme.
w13-SE 11/15 3 ¶1
“O Rapele o Kene o Hlahlamme”
YE MONGWANA wa gore ne a bereka bošego o re “go bereka bošego di ya thathafa mara di thathafa ka matla-matla mo go ba matlagosa.” Ga go tlala, bo ba gore le bona a ba yetsele bošego ba kwana nayo taba yowa. Makreste ya lekgono le wona ma gahlana le tsa mošaga wonone ka taba la gore lefase lowa la Sathane gana byalo le mong letshiwifing la mafelelo. (Mrm. 13:12) Re ko ba re kgana ka mollo mo re ka yetsela gana byalo! Di nyaka re ‘šupetsa gore re butšwiye’ fote re tseyele gedimo so Baebele yi se hlayang mo yi re ‘re rapele re kene re hlahlamme.’—1 Pet. 4:7.
(1 Petro 4:8) Ga dilo ka mokana ga tsona, le nyakanane ka matla, ka taba la gore go nyakanana ka matla go kogela mehlobo ka mokana ga yona ya dilo tso le sinyelanneng tsona.
w99-SE 4/15 22 ¶3
Re ka Bona ka Ying Gore re Šele re Kganela Kgole le Tso Tsa Modimo Fote re ka Lukisa Byang?
Sa mafelelo, re ka theetsela so Petro wa lepostola a se hlayyeng mo a re: “Mara dilo ka mokana ga tsona di bakiye mafelelong. Ka taba lone, šupetsa gore o butšwiye, fote o rapele o kene o hlahlamme. Ga dilo ka mokana ga tsona, le nyakanane ka matla, ka taba la gore go nyakanana ka matla go kogela mehlobo ka mokana ga yona ya dilo tso le sinyelanneng tsona.” (1 Petro 4:7, 8) Rune le batho ba bangwana a ra yenela gabutši, tsotsone di ka kutšetsela dipelo le menagano ya rune, ke mokane tsa feleletsa di re phikiye. Sathane o di tšiba gabutši tsotsone. Mathayithayi ya mangwana ya Sathane a ma berekisang ke go re tlalaganya ke mokane a thomisa go re hlasela. Nka taba lo di nyakang gore re yakgoswele go kogela dilo tso re sinyelanneng ga tsona fote re make sosone ka taba la gore re ya nyakanana fote “re sa neye Diyabolo sekgala.”—Maefeso 4:25-27.
(1 Petro 4:9) Le yamogelananeng le sa kokole.
Mokgwa wa go Yamogelana o Gabutši ka Matla!
2 Tse dingwana tso Petro a di hlayyeng ga magagabo bawa ke gore: “Yamogelananeng.” (1 Pet. 4: 9) Lentsu lo go ‘yamogelana’ ka Segerika gabutšibutši le rela “go rata batho kela go ba tshwara gabutši le mo o sa ba tšibi.” Taba ke gore Petro o yye a botsa magagabo ya Makreste gore ‘ma yamogelane,’ mara batho bo ke mo ba šele ba tšibana. Byalo ke mo di nyoko ba gelepa ka ying go yamogela ba bangwana?
3 Ke mo go nyoko ba gahlanisa ba ba selo ka ssoši. Tseya ka wene mong. Ayitsano o gona ye a yyeng a go mema mutšing wage ke mokane wa fo kwa pelo yo yi tlolatlola ka go jabola? Nje a o ngwalangwale o sa fetse mo o nagana ka taba yonone? Le wene kela o yye wa bitsa ba bangwana ba phutegong ya lune wa tla wa tijabodisa nabo, mara mo o kene o le nabo a wa kwa nkare senghana sago nabo se ya hlohlotela? Mo re tšhuta go yamogela divakaši, re segela le ho le magageru re napang re ba tšiba mong go ba tšiba, go feta mo re fo ba bona nje. Makreste ka nako tsa Petro ke mo ma tshwanele go mamarelana ka gore mayemo ke mo ma befa ma bifiye. Di fo titshwanela le ga Makreste mo ga ‘dinako tso re phelang ga tsona tsa mafelelo.’—2 Thim. 3:1
Go Wunyulla tso di Wutammeng ka Baebeleng
(1 Petro 3:19, 20) Fote ka mokgonowa o yye a tšhomayela memoya yo yi leng jele, 20 ba gore ku nthago a baa theetsela nakwela Modimo a lefisiye pelo ka nako ya Nnowa, mo go kene go yagiwa areka, ya gore ka yona go phonne mabala ya batho, ba gore ba yye ba phona nakwela ba le arekeng.
w13-SE 6/15 23
Diputsiso Tsa bo ba Šeleng ba Badiye
Baebele yi re Jeso o “tšhomayelele memoya yo yi leng jele.” (1 Pet. 3:19) Ba ra gore king mara?
▪ Petro wa lepostola o re memoya yowa ke “ba gore ku nthago a baa theetsela nakwela Modimo a lefisisiye pelo ka nako ya Nnowa.” (1 Pet. 3:20) Di fo ba lekgwaying gore Petro ke mo a bolabola ka madimona ya ma yyeng ma kgeloga gore ma thogo berekisana le Sathane. Juda o bolabola ka madimona ya gore a maa “dula mo ma tshwaneleng go dula gona mara ma tinyakele poleke ya kawone ya go dula,” o re Modimo “o [ma] beyele poleke ya gore o nyoko ma tlemelela ga yona go ya go yye ga gore go tlemme letshwifi gore ba yahludiwe ka letšatši lone le legolo.”—Juda 6.
Ka nakwela ya Nnowa, madimona a maa theetsela ka mokgo mang? Mo mogogola wo soko segela, ba yye ba titšhentšha gore go be batho—selo sone ke so Modimo a sa makang gore se makege. (Gen. 6:2, 4) Go tokegela gana hone, madimona ya gore ma makiye tsa maroga le basadi, ne ba maka selo sa gore a yi sa hlago. Mo Modimo a maka mangeloyi, aa ma maka gore ma thogo yetsela le basadi. (Gen. 5:2) Madimona yawa ya gore a maa loka ya gore fote a ma theesele, Modimo o nyoko fetsa ka wona ka nako ya gona. Mara gana byalo Juda o re ba “ga gore go tlemme letshwifi”—jele ya go fo tshwanisela.
Jeso o tšhomayelele “memoya yo yi leng jele” leng fote o di makiye byang tsotsone? Petro o ngwadiye gore dilo tsowa di makegiye ka nthago ga gore Jeso a ‘tsusiwe go le motho wa moya.’ (1 Pet. 3:18, 19) Petro fote o re Jeso o “tšhomayele.” Petro o re Jeso o tšhomayele, sone se rela gore dilo tsowa di makegiye mo Petro a soko ngwala lengwalo lage la mathomo. Di šupa nkare Jeso o bolabodiye nabo go se botala a tsusiwwe, a ba botsa ka mokgo ba nyoko yahludiwang ka gona. Ne a sa ba tšhomayelele gore ba thogo phonisiwa. Ne a ba yahlula. (Jona 1:1, 2) Jeso o šinnye a kgwa a boya a tsusiwa a kene a šupetsa gore o na le tumelo le gore wa tshepega—o šupetsiye gore Diyabolo a ka sa mo make selo—molayetsa wo Jeso a wo bolabodiyeng ne wo mo tshwanela ka gore yene o yye a fo dula a tshepega.—Joh. 14:30; 16:8-11.
Ku mahlong, Jeso o nyoko tlemelela Sathane le madimona ke mokane a ba bošela moleteng wa go yisa. (Luk. 8:30, 31; Kut. 20:1-3) Mo ma sa na ma yemele gore go segele nako yone, gana byalo madimona yawa ya go sa theetsele ya gore ma ga gore go tlemme letshwifi ga go fo tshwanisela, fote taba ya gore go nyoko fela ka wona yi nyoko ro makega.—Kut. 20:7-10.
(1 Petro 4:6) Gabutšibutši, sowa ke sona se makiyeng gore ditaba tsa go bafala di butsiwe le bo ba gore ba kgwile, gore le mo ba kene ba yahludiwa go ya ka mokgo batho ba bonang dilo ka gona, ba thogo phela go ya ka mokgo Modimo a bonang dilo ka gona.
w08-SE 11/15 21 ¶8
Monopo wa Lengwalo la Jakobo le Petro
4:6—Ke bomang ba gore ne ba “kgwile” ba gore ba “butsiwwe ditaba tsa go bafala”? Bowa ke ba gore ne ba ‘kgwile ka taba la dilo tso ba di sinnyeng,’ kela ba kgwile ka ho ga tso tsa Modimo, ka taba la gore ke mo ba soko segelela ke ditaba tsa go bafala. (Maef. 2:1) Mara mo ba šele ba tshepa ditaba tso tsa go bafala ke setšha ba thomisiye go “phela” ka ho ga tsa Modimo.
Go Bala Baebele
(1 Petro 3:8-22) Sa mafelelo, ka mokana ga lune le nagane go tshwana, le kwelane go baba, la nyakanane, la naganelane fote le tinyanafatse. 9 O sa re mo ba go kwisiye go baba le wene wa ba kwisa go baba kela mo ba go tšebisiye le wene wa ba tšebisa. Mara o ba patedise ka go ba rufa, ka taba la gore le wene o bitsediwwe tsotsowa, gore o thogo rufiwa. 10 Ka taba la gore “ye a nyakang go jabolela lephelo le go bona matšatši ya kawone, di nyaka a pasope gore molomo le lleme lage di sa bolabole matsaka. 11 A lesetse go maka dilo tsa go befa ke mokane a make tsa go loka; a kwane le go beba fote a make so a ka se kgonang gore go dule go bebiye. 12 Ka taba la gore maahlo ya Jehova ma lebelele bo ba gore ba lukiye, fote wa ba theetsela mo ba mo rapela, mara bo ba go maka tsa go befa aa kwane nabo.” 13 Gabutšibutši, ke mang ye a ka le kwaletsang ka taba gore le maka dilo tsa gabutši? 14 Mara le mo ba ka le hlupegisa ka taba la gore le lukiye, so se šalang ke gore le jabodiye. Mara le sa tšhabe tso ba di tšhabang, kela la hlagasela. 15 Mara yamogelaneng Kreste go le Morena dipelong tsa lune, dulaneng le hlahlamme gore mo batho ba le butsisa ka tshepo yo le nang nayo le thogo go ba fetola, fote le make tsotsone le kgibiye le kene le ba hlompa ka matla. 16 Dulaneng le na le lekwalo la go yela, gore batho bo ba bolabolang dilo tsa go kekema ka lune, ba tšebise ke mekgwa ya lune ya gabutši ka taba la gore ke lune malata ya Kreste. 17 Ka gore di kawone ka matla gore le hlupege ka taba la gore le maka dilo tsa gabutši, mo nkare ke Modimo ye a di lesetsang gore di makege, mara go seng ka taba la gore le maka dilo tsa go befa. 18 Ka gore Kreste o kgwile ga teya gwa napa go felela gana hone, motho wa go loka o kgwele batho ba go sa loka, gore a thogo re yisa ga Modimo. O yye a bolayiwa go le motho wa nama mara a tsusiwa go le motho wa moya. 19 Fote ka mokgonowa o yye a tšhomayela memoya yo yi leng jele, 20 ba gore ku nthago a baa theetsela nakwela Modimo a lefisiye pelo ka nako ya Nnowa, mo go kene go yagiwa areka, ya gore ka yona go phonne mabala ya batho, ba gore ba yye ba pasopiwa nakwela ba le arekeng. 21 Kolobetso ya go yelana le tsowa, ya go phonisa (go seng ka go tlusa dithila ho mmeleng wa rune, mara ka go kgopela lekwalo la go yela ga Modimo), ka go tsusiwa ga Jeso Kreste. 22 O duli letsogong la go ja la Modimo, ka taba la gore o yye legedimong, fote ba mo neyye mangeloyi, molawo le matšhika.
OCTOBER 28–NOVEMBER 3
MAKOLWANE KA TENG GA LENTSU LA MODIMO | 2 PETRO 1-3
“Dula o Naganne ka Letšatši la Jehova”
(2 Petro 3:9, 10) Jehova aa tseye nako ga dilo tso a di tshepisiyeng, ka mokgo batho ba reng o tseya nako, mara o le lefisela pelo ka taba la gore aa nyake le ka wweši ho ga lune a tlusiwa mara o nyaka gore batho ka mokana ga bona ba šinye ba tisole. 10 Mara letšatši la Jehova le nyoko segela go tshwana le motho wa go yetswa, ke mokane legedimo le nyoko feta ka go yakgoswa, dilo di nyoko tologa ka taba la gore go ko ba go fisa ka matla, fote lefase le dilo tso di makegang ga lona di nyoko ba lekgwaying.
w06-SE 12/15 27 ¶11
Jehova o Nyoko ‘Yahlula’
11 Taba yo Jeso a bolabodiyeng ka yona ya gore Jehova o nyoko “yakgoswa” a yahlula di nyaka re yi tseye byang? Lentsu la Modimo le šupetsa gore ‘Jehova o lefisiye pelo le mo batho ba kene ba hlupegisiwa,’ fote o nyoko yakgoswa a yahlula ka nako ya gona. (Luka 18:7, 8; 2 Petro 3:9, 10) Nakwela ya Nnowa, mo go segela Mogogola, batho go yye gwa fela ka bona ka go yakgoswa. Ka mokgonone, le ga Llota nakwela mollo o tšwa ku legedimong, ba go sa loka go yye gwa fela ka bona. Jeso o yitseri: “Go nyoko fo ba ka mokgonone le ka letšatši lo go wunyulugang Morwayi wa motho.” (Luka 17:27-30) Fotefote, bo ba go sa loka go nyoko “yakgoswa go fela ka bona.” (1 Mathesalonika 5:2, 3) Re ka tshepa gore ka nnete, Jehova o nyoko fetsa ka lefase lowa la Sathane mo letšatši lone le segela.
(2 Petro 3:11, 12) Byalo, ka taba la gore dilo ka mokana ga tsona di nyoko tologa ka mokgo, lebelelaneng ka mokgo le tshwaneleng go ba ka gona ga dilo tsa go hlawolega le ga dilo tso le di makang ga tso tsa Modimo, 12 mo le kene le yemme le go dula le naganne ka gore letšatši la Jehova le šutele, la gore ka lona legedimo le nyoko swa ka mollo fote dilo di nyoko tologa ka taba la go fisa!
w06-SE 12/15 19 ¶18
“Letšatši la Jehova le Legolo le Šutele”
18 Nka taba lo Petro wa lepostola a hlayyeng gore re dule re naganne ka gore “letšatši la Jehova le šutele”! Re ka di maka byang tsowa mara? Tsela ye nngwana ke ka go tšhela letsogo mo go makiwa “dilo tsa go hlawolega le dilo tso re di makang ga tso tsa Modimo.” (2 Petro 3:11, 12) Mo re ka maka tsotsone, re ko thogo yemela “letšatši la Jehova” ka maahlo ya makhubedu. Lentsu la Segerika la gore le hlatodiwwe go le ‘go dula o naganne ka selo’ le rela “go yakgoswa.” Re ka sa kgone go maka gore letšatši la Jehova le yakgoswe le segele. Mara mo re kene re yemele letšatši lone, re nyoko bona nkare nako ya yakgoswa mo re karakara re kene re maka tso tsa Modimo.—1 Makorente 15:58.
Go Wunyulla tso di Wutammeng ka Baebeleng
(2 Petro 1:19) Go makiwwe gore re nape re tshepe ka seporofeto sowa, fote le maka gabutši mo le se tseyela hlogong go tshwana le llampa la gore le khannye letshwifing (go segela nanedi ya ka bošego yi segela) ka ho dipelong tsa lune.
w08-SE 11/15 22 ¶2
Monopo wa Lengwalo la Jakobo le Petro
1:19—“Nanedi ya ka bošego” ke mang, o nyarele leng fote re tšiba ka ying gore dilo tsone di šele di makegiye? “Nanedi ya ka bošego” ke Jeso Kreste ka nthago ga gore go be Kgoši ya Mmušo wa Modimo. (Kut. 22:16) Ga dilo ka mokana ga tsona tso di makiwweng, go yye gwa kgetiwa Jeso ka 1914 gore go be kgoši ya Mmušo wa Mesiya, go le mošupetso wa go tla ga letšatši la nyuwane. Ka nakwela Jeso a tšhentšha fote a gadimela, ke mo go le mmono wa go šupetsa matšhika yage le matšhika ya Mmušo wage, go šupetsa gore mantsu ya seporofeto sa Modimo maa tshepega. Mo re ka fo tseyela mantsu yane hlogong, re nyoko jabola fote re ko thogo di bona gore nanedi ya ka bošego yi segele.
(2 Petro 2:4) Ka nnete Modimo aa maa lesetsa mangeloyi yala ya go fokoga, mara o ma lahlele Thatharasi, o ma tlemelele ka diketane ga gore go tlemme letshwifi ba f’lo yemela go yahludiwa.
w08-SE 11/15 22 ¶3
Monopo wa Lengwalo la Jakobo le Petro
2:4—“Thatharasi” king fote mangeloyi ya go fokoga ma bošediwwe gona leng? Thatharasi go tshwana le jele, mara go seng ya batho mara ya mangeloyi. Mo re go tshwanisa le dilo tso Modimo a re tshepisiyeng tsona tsa gore di khannye, mowa gona ke mong letshwifing la mafelelo. Bo ba leng Thatharasi a go na tsa go jabodisa tso di ba yemeleng ku mahlong. Ka nakwela ya Nnowa, Modimo o bošele madimona ya go sa theetsele Thatharasi, ba nyoko dula gana hone ga gore a go re selo go segela ba fetsa ka bona.
Go Bala Baebele
(2 Petro 1:1-15) Nna Simoni Petro, ke nna sebereki fote ke nna lepostola la Jeso Kreste, ke ngwalela lune ba gore le krayye dinnete ka taba la go loka ga Modimo le ka Jeso Kreste ye a re Phonisang: 2 Nkare Modimo a ka le kwela go baba fote le go beba ga lune go ye mahlong go gola ka go tšiba mong yona nnete ka Modimo le Jeso Morena wa rune, 3 ka taba la gore matšhika yage ma re neyye dilo ka moka ho lephelong le ga tso tsa Modimo, ka go tšiba mong yona nnete ka ye a re bitsiyeng ka go gadima le go loka gage. 4 Ka taba la dilo tsowa o re tshepisiye dilo tsa gabutši le tsa go bafala ka matla, gore re thogo kraya dilo tsa go bafala tsa Modimo, ka gore le ko ba le phonne ga dilo tsa lefase lowa, dilo tsa gore di ya sinyega tsa gore di maka ke go nabela dilo tsa go sa loka. 5 Ka taba la sosowa, makaneng so le ka se kgonang gore tumelo ya lune go be ya go loka, ga go loka le tšheleneng go tšiba, 6 ga tso le di tšibang le tšheleneng go tilawola, ga go tilawola le tšheleneng go tiyisela, ga go tiyisela le tšheleneng go tineyela ga Modimo, 7 ga go tineyela ga Modimo le tšheleneng go kwelana go baba ke mokane ga go kwelana go baba le tšheleneng go nyakanana. 8 Mo nkare dilo tsowa di gona ga lune fote di tlele la go falala, di nyoko maka gore le dule le thogathoga fote le be le diyengwa go ya ka nnete yo le yi tšibang ka Morena wa rune Jeso Kreste. 9 Ye a se nang dilo tsowa o popele mahlo, o šinyalele gore a sa bone llampa fote o lebele gore o yye a yedisiwa ga dilo tso a sinnyeng ga tsona ku botala. 10 Byalo magageru, dulaneng le hlahlamme gore ba thogo le bitsa le go le hlawola, ka taba la gore mo le ka ya mahlong le maka dilo tsowa le ka sa tsoge le šitegiye. 11 Gabutšibutši, mo le ka maka tsotsone, le nyoko rufiwa ka matla fote ba nyoko le neya sekhiya sa go kena Mmušong wa go ya go yye wa Morena wa rune ye a re Phonisang, Jeso Kreste. 12 Ka taba lowa ke tikemisele go dula ke le gopotsa, le mo nkare le ya di tšiba fote le tsikiye ga dinnete tso ke di tšibang. 13 Mara solanka ke le tebarenekeleng ke bona di lukiye gore ke dule ke le gopotsa, 14 ka taba la gore ke ya tšiba gore mo nkene ke maka tsotsone, tabarenekele yi šele yi nyoko tlusiwa, ka mokgo Morena wa rune Jeso Kreste a mpeyeleng tsona lekgwaying. 15 Ke nyoko maka so nka se kgonang gore le mo ke šele ke sipidiye, le šale le gopola dilo tsowa ka bolune beng.