Ditodi Tsa Sepukwane sa Mogahlano wa Maphelelo le Matšhomayelelo

NOVEMBER 2-8

MAKOLWANE KA TENG GA LENTSU LA MODIMO | EKSODA 39-40

“Moše o yi Latelele Gabutši Melawo yo ba mo Neyyeng Yona”

(Eksoda 39:32) Mmereko ka moka wa tabarenekele, yi leng letenete la mogahlano ne wo fediye, fote Maisrayele ma makiye ka moka tso Jehova a butsiyeng Moše. Ba makiye ka mokgonone.

w11 9/15-SE 27 ¶13

Ayitsano Jehova wa go Tšiba?

¹³ Moše ne a sa tshwane le batho ba bangwana “ka taba la gore ne go le motho wa go tinyanafatsa ka matla go phala batho ka mokana ga bona ho lefaseng.” (Dip. 12:3) Tso di mo gelepiyeng gore a sa be le magetla le go tinyanafatsa ke go tikemisela go latelela melawo ya Jehova. (Ek. 7:6; 40:16) A go na so se šupetsang gore Moše ne a kokola kela a kwata mo Jehova a mo neya molawo wa gore di nyaka a wo latelele. Mo re beyisa, Jehova o ba neyye molawo wa gore di nyaka tabarenekele yi yagiwe byang le ga dilo tse dinyananyana, tsa go tshwana le khala ya gare le gore go nyakega dilo ka di kaye tsa go haka gore di make llapi la letente. (Ek. 26: 1-6) Mo motho ye a go wokamelang ka mo mokgahlong wa Modimo a go neya molawo wa gore di nyaka o yi latelele le ga dilo tse dinyananyana, o ka tikwa o tinega. Mara Jehova ke mowokamedi wa gabutši, wa gore o tshepa malata yage ya a ma kgetiyeng. Mo a re neya molawo le ga dilo tse dinyananyana wa tšiba gore ke ntaba. Bona gore Moše aa kwata mo Jehova a mo neya molawo le ga dilo tse dinyananyana, tsa nkare Jehova ke mo a mo thibela gore a šupetse tso a di kgonang kela go tikwa a lukulugiye. Mara Moše o makiye gore dibereki “di make ka mokgo” Modimo a di butsiyeng ka gona. (Ek. 39:32) Ke mo a tinyanfatsiye! Moše o di bonne tsa gore mmereko wowa ke wa Jehova yene yi fo ba thulusu yo yi berekisiwang gore mmereko wowa o makege.

(Eksoda 39:43) Mo Moše a pombhola mmereko ka mokana ga wona wo ba wo makiyeng, o di bonne tsa gore ba makiye ka mokgo Jehova a ba butsiyeng; ke mokane Moše a ba rufa.

(Eksoda 40:1, 2) Ke mokane Jehova a re ga Moše: ² “Ka letšatši la mathomo la kgwedi ya mathomo di nyaka le hlome tabarenekele, ya gore ke letente la mogahlano.

(Eksoda 40:16) Moše o makiye ka moka tso Jehova a mmotsiyeng tsona. O makiye ka mokgonone.

w05 7/15-SE 27 ¶3

Ayitsano wa Tshepega ga Dilo ka Mokana ga Tsona?

³ Maheberu 3 temanyana 5 yi re, “Moše ke mo a tshepega ga mmereko wage”. Ke ying so se makiyeng gore moporofeta Moše a tshepege? Mo go yagiwa le mo go hlomiwa tabarenekele, “Moše o yye mahlong a maka ka moka tso Jehova a mmotsiyeng tsona. O makiye ka mokgonone.” (Eksoda 40:16) Re le batho ba go rapela Jehova, re šupetsa gore re ya tshepega mo re mmerekela. Sone se rela go dula re tshepega ga Jehova mo re lebeletsanne le tsa go re ghula. Mara go yema o tiyye le mo o lebeletsanne le tsa go go ghula a di rele gore wa tshepega. Jeso o re “Motho wa go tshepega ga tse dinyana o tshepega le ga tse digolo,” “fote motho wa go sa loka ga tse dinyana aa loka le ga tse digolo.” (Luka 16:10) Di nyaka re dula re tshepega le ga dilo tsa go sa re selo.

Go Wunyulla Tso di Wutammeng ka Baebeleng

(Eksoda 39:34) tsa go kogela tsa letlalo la nku ya pholo la go pentiwa ka khala ye khubedu, tsa go kogela tsa letlalo la pholwane lo ba yyeng ba le berekisa ku tabarenakeleng, legaradeni le tsa go tšhira;

it-2-E 884 ¶3

Letlalo la Pholwane yo ba Reng ke Seal

Maisrayele ma Kgonne Byang go le Kreya? Mo nkare taʹchash ka ho Baebeleng yi rela mohlobo wo mongwana wa phoolwane yo bareng ke seal, re ka tiputsisa gore go tlele byang gore Maisrayele ma kraye letlalo la pholwane yone. Ga go tlala diphoolwane tso di bitsiwang diseal di kreyega ga dipoleke tsa Arctic le Antarctic, mola tse dingwana di kwana le dipoleke tsa go belabela. Lekgono a dya tlala di monk seals tsa gore di ga Lewatle la Mediterranean le ga mawatle ya mangwana ya gore maa belabela. Mongwaga wa makgolo wa go fela batho ba yye ba puma nombhoro ya di seal, fote ka dinako tsa Baebele diphoolwane tsowa ne di tlele lewatleng la Mediterranean le Lewatleng le Lekhubedu. Mafelelong ya bo 1832 puku ya English edition of Calmet’s Dictionary of the Holy Bible (leph.139) yi re: “Ga dipoleke tsa go tlala tse dinyana tsa go dukulugela ke meetši tsa Lewatle le lekhubedu thina le peninsula ya Sinayi go kreyega dipholwane tso di bitsiwang di seal.”—Lebelela le The Tabernacle’s Typical Teaching, ya gore yi ngwadiye ke A.J.Pollock, London, leph.47.

(Eksoda 40:34) Fote liru la thoma go kogetsa letente la mogahlano, ke mokane go gadima ga Jehova gwa tlala tabarenekeleng.

w15 7/15-SE 21 ¶1

Ayitsano ke Selo se Segolo Gago Gore Batho ba Tšibe Tso o di Makiyeng?

Mo se ba fetsiye ka tabarenekele, liru “la thoma go kogetsa letente la mogahlano, ke mokane go gadima ga Jehova gwa tlala tabarenekeleng.” (Ek. 40:34) Sosone se napiye se šupetsa gore Jehova wa yi yamogela! O nagana gore Bhazalele le Oholiyabha ba tikwile byang ka nako yonone? Le mo mabitso ya bona ma sa ngwadiwa ga mmereko wo ba wo makiyeng, ba yye ba tikwa ba yenele mo ba bona gore Modimo o rufa mmereko wa bona. (Diy. 10:22) Mo nako yi kene yi ya, di yye dya ba tikisa dipelo mo ba bona gore mmereko wo ba wo makiyeng o yye mahlong o berekisiwa ga tso tsa Jehova. Mo ba tsoga lefaseng la nyuwane, Bhazalele le Oholiyabha ba nyoko jabola ka matla mo ba kwa gore tabarenekele yi yye ya berekisiwa mengwaga ya go teya ka ku ga 500 ga morapelo wa mannete!

Go Bala Baebele

(Eksoda 39:1-21) Ba makiye dikobo tsa go bereka ga poleke ya go hlawolega ka gare ye tala ya sebakabaka, wulu ye phepholu le llapi le lekhubedu. Ba makele Aroni dikobo tsa go hlawolega go ya ka mokgo Jehova a butsiyeng Moše. 2 O makiye efoda ka gholdi, gare ye tala ya sebakabaka, wulu ye phepholu, llapi le lekhubedu le llapi la linene la go šugiwa. 3 Ba makiye gore dipsyatla tsa gholdi yi be tse di sesane, ke mokane ba yi tšhela teng ga gare go re yi berekisane le gare ye tala ya sebakabaka, wulu ye phepholu, llapi le lekhubedu le llapi la linene la go šugiwa la gore ne le rukiwwe. 4 Ba yi makele dilo tsa ho magetleng tsa gore ne di mameretsiwwe, fote di mameretsiwwe mafelelong ya yona ka mabedi. 5 Lepanta la go rukiwa la gore ne le mamaretsiwwe ga efoda gore yi dule gabutši, ne le makiwwe ka dilo tsa go tshwana, ne le makiwwe ka gholdi, gare ye tala ya sebakabaka, wulu ye phepholu, llapi le lekhubedu le llapi la linene la go šugiwa go ya ka mokgo Jehova a butsiyeng Moše. 6 Ke mokane matlapa ya onikisi ma beyiwwe ga gore go kgakgapiwwe ka gholdi, fote go ngwadiwwe mabitso ya barwayi ba Israyele go tshwana le mo go ngwadiwa setwaba. 7 O ma beyye magetleng ya efoda gore go be segopotso sa barwayi ba Israyele, go fo tshwana ka mokgo Jehova a butsiyeng Moše. 8 Ke mokane a maka sa ho sekgubeng go fo tshwana le ka mokgo motho wa go roka a makang ka gona, go tshwana le ka mokgo efoda yi makiwang ka gona, ka gholdi, gare ye tala ya sebakabaka, wulu ye phepholu, llapi le lekhubedu le llapi la linene la go šugiwa. 9 Mo yi phutiwwe, mahlaya ka mokana ga wona ne ma lekanana. Ke mokane ba makiye sa ho sekgubeng, sa gore mo se phutiwwe, ne se lekana le dinwana ka dine mo di gahlanisiwwe ka botelele le ka bokoto. 10 Ke mokane ba maka melayine ka mene ho ga yone. Molayine wa mathomo ne go na le rubhi, thophasi le emeraldi. 11 Molayini wa bobedi ne go na le thekhwisi, safaya, le jasipere. 12 Molayini wa boraro ne go na letlapa la leshʹem, aghayiti, le amethisiti. 13 Ga molayini wa bone ne go na le khrisolayite, onikisi, le jade. Ne ma beyiwwe ga gore go kgakgapiwwe ka gholdi. 14 Matlapa yane ne ma yelana le 12 ya mabitso ya barwayi ba Israyele, fote mabitso yane ma fefiwwe go tshwana le setwaba, lebitso le lengwana le lengwana le yemela moloko ka wwoši ga 12 ya meloko. 15 Ke mokane ba maka dithapo tsa go dukuluga tsa ho sekgubeng, go tshwana le diketena tsa gholdi ya go yela. 16 Fote ba maka dikgakgapi ka dipedi tsa gholdi le dikgokolo ka dipedi tsa gholdi ba di mamaretsa ga dikhona ka dipedi tsa selo sa ho sekgubeng. 17 Ka nthago ga hone ba tseya dithapo ka dipedi tsa gholdi ba di tšhela ga dikgokolo ka dipedi ho dikhoneng tsa selo sa ho sekgubeng. 18 Ke mokane ba tseya ka ho mafelelong ga dithapo ka dipedi ba di hlomela ga dikgakgapi fote ba di mamaretsa ho magetleng mahlong ga efoda. 19 Ka nthago ga hone ba maka dikgokolo kadipedi tsa gholdi ba di beya ka ho teng, mafelelong ga dikhona ka dipedi tsa selo sa ho sekgubeng di lebelele efoda. 20 Ke mokane ba maka dikgokolo tse di nngwana ka dipedi tsa gholdi ba di beya mahlong ga efoda, tlase ga dilo ka dipedi tsa ho magetleng, thina le mo di gahlanang gona, gedimo ga lepanta la go rukiwa la efoda. 21 Mafelelong, ba tseya so sa ho sekgubeng ba se tlemelelela ka thapo ye tala ya sebakabaka go tloga ga dikgokolo tsa yona go ya ga dikgokolo tsa efoda, gore so sa ho sekgubeng se dule ga poleke ya sona ho ga efoda, kgakala ga lepanta la go rukiwa, go ya ka mokgo Jehova a butsiyeng Moše.

NOVEMBER 9-15

MAKOLWANE KA TENG GA LENTSU LA MODIMO | LEFITIKO 1-3

“Ke Ntaba ne go Makiwa Dihlabelo?”

(Lefitiko 1:3) “‘Mo nkare sehlabelo sage sa go tšhubiwa se tšwa morapeng, di nyaka a leye phoolwane ya pholo ya gore yi phelegiye. Di nyaka a yi leye ga Jehova mahlong ga letente la mogahlano a sa tšhofe ke motho.

(Lefitiko 2:1) “‘Byalo mo motho a yisa sehlabelo sa mabele ga Jehova, sehlabelo sage di nyaka go be sa thole ya gabutši, fote ga sehlabelo sone di nyaka a tšhele makgura le tso tsa go nkgela tsa go tšwa dihlareng.

(Lefitiko 2:12) “‘O ka di tlisa mahlong ga Jehova go le sehlabelo sa diyengwa tsa mathomo, mara se sa tle aletareng go le monkgelo wa go jabodisa.

it-2-E 525

Dihlabelo

Dihlabelo tsa go tšhubiwa. Dihlabelo tsa go tšhubiwa ne di neyiwa ga Modimo di felegelele; a gona le setlopo ka ssoši ye a rapelang a sa se neyeng Modimo. (Tshwanisa le Bay 11:30, 31, 39, 40.) Ba kgopela Jehova gore a yamogele, kela a šupetse gore o yamogela dihlabelo tso ba di makang mo ba sinnye. Jeso o tineyele ka go felegelela a le “sehlabelo sa go tšhubiwa”.

it-2-E 528 ¶4

Dihlabelo

Dihlabelo tsa mabele. Dihlabelo tsa mabele ne di makiwa ggoši le dihlabelo tsa go hlekelediwa, dihlabelo tsa go tšhubiwa, le dihlabelo tsa mo o sinnye, le diyengwa tsa mathomo; ka dinako tse dingwana ne ba sa di make nako ka yyoši. (Ek 29:40-42; Lef 23:10-13, 15-18; Dip 15:8, 9, 22-24; 28:9, 10, 20, 26-28; tem 29) Tsona ne di makiwa ka taba la gore ba bona gore Modimo o ba rufa ka matla fote o ya mahlong a ba maka gore ba ghanye. Ka dinako tse di nngwana ne di sepidisiwa le oyili le tso tsa go nkgela tsa go tšwa dihlareng. Dihlabelo tsa mabele di ka tla go le thole ya gabutši, mabele ya go besiwa, kela khekhe ya nkare ke kgokolo kela sekgwa sa sepyatla sa go bhakiwa, di yapegiwwe ka mollo, kela poto ye kgolo ya makgura. Setlopo se sengwana sa sehlabelo sa mabele ne se beyiwa ga aletare ya dihlabelo tsa go tšhubiwa, se sengwana ne se ja ke maprista, fote ga dihlabelo tsa go hlekediwa, bo ba rapelang ne ba ja. (Lef 6:14-23; 7:11-13; Dip 18:8-11) A gona sehlabelo sa gore ne se tla aletareng se na le komelo kela “tšhukela” (di ka makega gore ne ba rela tšhukela ya go tšwa ga mago kela meetši ya matšwang ga diyengwa) tsa gore di ka bela.—Lef 2:1-16.

(Lefitiko 3:1) Mo nkare sehlabelo sage ke sa go hlekediwa fote se tšwa morapeng wage, go le sa pholo kela sa tshadi, a tlise phoolwane ya gore yi phelegiye mahlong ga Jehova.

it-2-E 526 ¶1

Dihlabelo

Dihlabelo tsa go hlekediwa (kela dihlabelo tsa go maka gore go bebe). Mo Jehova a yamogela dihlabelo tsa go hlekediwa ne di šupetsa gore o kwana nabo. Ye wa go rapela le ba mutši wage ne (ba ja ka teng ga jarete ya tabarenakele; go ya ka setšo, mašega ne ma dukulugiye teng ga legaredeni la gore le dukulugiye lepatlelo; ka tempeleng ne go na le dikamara tsa go jela). Moprista ye a sepedisang mmereko o kraya setlopo, le ye a leng mmerekong o kraya setlopo. Gabutšibutši, Jehova o yamogele mmuši wa go nkgela wa makgura ya go tšhubiwa. Madi, ya gore ma yemela lephelo, ne ma neyiwa Jehova gore go be yage. Ke mokane ne go le nkare maprista, ba go rapela, le Jehova ba ja ggoši, sosone se šupetsa senghana sa gabutši. Motho wa gore ne a ja a tšiba gore aa yela (a sa yela ka taba la tso di hlayyeng ke Molawo) kela ye a jang nama ya go dula nako ye telele (ga gore gwa fisela ya thomisa go bola) ne di nyaka a bolayiwe. O sinnye tsa go ja tsone ka go di ja, ka taba la gore yene mong aa yela kela o ja tsa go ja tsa go sinyega mahlong ga Jehova Modimo, o šupetsa gore dilo tsa go hlawolega aa ditseyele gedimo.—Lef 7:16-21; 19:5-8.

Go Wunyulla Tso di Wutammeng ka Baebeleng

(Lefitiko 2:13) “‘Ga sehlabelo se sengwana le se sengwana so o se makang sa mabele, di nyaka o tšhele letswayi; fote o make gore letswayi la go go kwanisa le Modimo le be gona mo o maka sehlabelo sa mabele. Ga dihlabelo ka moka tso o di makang go be le letswayi.

(Hezekiyele 43:24) Di nyaka o di tlise mahlong ga Jehova, fote maprista ma nyoko di tšhela letswayi ke mokane ba makele Jehova sehlabelo sa go tšhubiwa.

w04 5/15-SE 22 ¶1

Monopo wa Puku ya Lefitiko

2:13—Ke ntaba ne di nyaka go ba le letswayi “ga dihlabelo ka moka” tso ne di makiwa? Ne go sa tšhediwi letswayi go natifisa dihlabelo. Lefaseng ka mokana ga lona, letswayi le berekisiwa go maka gore dilo di sa bole. Di ka makega gore letswayi ne le ba gona mo go makiwa dihlabelo gore di sa sinyege kela go bola.

(Lefitiko 3:17) “‘Ke molawo wa gore o nyoko dula o le gona go ya le ga ditlogolwane tsa lune, go gongwana le go gongwana mo le leng gona: Le sa je nama ya makgura kela madi.’”

it-1-E 813

Nama ya makgura

Ke ntaba go beyiwwe molawo wo?. Ga Molawo wa Moše, madi le makgura ne di tseyiwa gole tsa Jehova fela. Madi ma tshwere lephelo, la gore ke Jehova fela ye a kgonang go re neya lona; ka taba lone ke tsa gage. (Lef 17:11, 14) Nama ya makgura ne go tseyiwa go le mong yona ya gabutši ga phoolwane. Sehlabelo sa nama ya makgura ya phoolwane ne se šupetsa gore dilo tse dibutši ka matla di tshwanele Jehova, wa gore aa konane, fote yi šupetsa gore ye a neyang Modimo sehlabelo o jabolela go mo neya tse dibutši fela. Ka taba la gore ne di šupetsa gore Maisrayele ma tineyele ka go felegelela ga Jehova, mmuši wa aletareng ne wo tseyiwa go le “tsa go ja” tsa “go nkgela” tsa go ya ga Modimo. (Lef 3:11, 16) Go ja nama ya makgura, di rela gore o sinya ga dilo tso Modimo a di hlawuliyeng, go leng tso di tshwaneleng Jehova fela. Mo o ka ja nama ya makgura ne o ka bolayiwa. Makgura wona a ma tshwane le madi ka taba la gore ma ka berekisiwa ga tse dingwana, go tshwana le mo phoolwane yone yi tikgwele kela yi bolayye ke phoolwane ya hlaga.—Lef 7:23-25.

w04 5/15-SE 22 ¶2

Monopo wa Puku ya Lefitiko

3:17. Ka taba la gore nama ya makgura ne yi tseyiwa go le mong yona, Maisrayele ne ma rakediwa go ja nama yone go šupetsa gore dilo tse dibutši ka matla ke tsa Jehova. (Genesi 45:18) Sone le rune se re gopotsa gore di nyaka re neyele ka dipelo tsa rune ka mokana ga tsona ga Jehova.—Diyema 3:9, 10; Makolose 3:23, 24.  

Go Bala Baebele

(Lefitiko 1:1-17) Ke mokane Jehova a bitsa Moše a bolabola naye a le teng ga letente la mogahlano, a re: ² “Bolabola le Maisrayele o ma botse gore, ‘Mo nkare ye mongwana wa lune o nyoko makela Jehova sehlabelo ka diphoolwane tsa gaye, di nyaka a se make ka phoolwane ya go tšwa ga tso a di ruwweng kela ya go tšwa morapeng. ³ “‘Mo nkare sehlabelo sage sa go tšhubiwa se tšwa morapeng, di nyaka a leye phoolwane ya pholo ya go phelega. Di nyaka a yi leye ga Jehova mahlong ga monyako wa letente la mogahlano a sa tšhofe ke motho. ⁴ A beye letsogo lage ga sehlabelo so sa go tšhubiwa, ke mokane Modimo o ko motshwarela ga tso a di sinnyeng. ⁵ “‘Ke mokane senamane sa pholo se hlabiwe mahlong ga Jehova, fote barwayi ba Aroni, go leng maprista, ba ko tlisa madi yane baa thothetsa ga mahlaya ka moka ya aletare, ya gore yi ga monyako wa letente la mogahlano. ⁶ Ke mokane sehlabelo sa go tšhubiwa se tswiwwe fote ba se kopelele go be ditlopo. ⁷ Barwayi ba Aroni, go leng maprista, ba nyoko tšhuba mollo aletareng le go tšhela mahlare mollong. ⁸ Barwayi ba Aroni go leng maprista ba nyoko beya hlogo le lekgura la go tiya la phoolwane gedimo ga mahlare ya ma leng mollong wa aletare. ⁹ Mala ya gona le mawoto ya gona ba ma hlatswe ka meetši, ke mokane moprista o nyoko di maka gore di swe aletareng gore go be sehlabelo sa go tšhubiwa, sehlabelo sa go makiwa ka mollo gore go be monkgo wa go jabodisa ga Jehova. ¹⁰ “‘Mo nkare sehlabelo sage sa go tšhubiwa se tšwa ga tso a di ruwweng, go kaba nku ye nyana ya pholo kela dipudi, di nyaka a tlise ya go phelega. ¹¹ Yi nyoko hlabiwa ka nthoko ya lebowa la aletare mahlong ga Jehova, fote barawyi ba Aroni, go leng maprista ba nyoko thothetsa madi ya yona mahlaya ka moka ya aletare. ¹² O nyoko yi kopelela yi be ditlopu, ke mokane moprista o nyoko tseya hlogo ya yona le lekgura la go tiya, a di beya gedimo ga mahlare ya ma leng mollong wa aletare. ¹³ O nyoko hlatswa mala ya wona le mawoto ya wona ka meetši, ke mokane moprista o nyoko di leya ka mokana ga tsona le go di tšhuba aletareng. Ke sehlabelo sa go tšhubiwa, sehlabelo sa go makiwa ka mollo gore go be monkgelo wa go jabodisa ga Jehova. ¹⁴ “‘Mara, mo nkare o tlisa dinonyana go le sehlabelo sa go tšhubiwa ga Jehova, o nyoko tlisa sehlabelo sage go le maleba ya hlageng kela maleba ya manyana ya gaye. ¹⁵ Moprista o nyoko yi tlisa aletareng ke mokane a yi kopa hlogo fote a yi tšhubelela gedimo ga aletare, mara madi ya gona di nyaka ma falatsiwe ka nthoko ya aletare. ¹⁶ Di nyaka a ntshe sekwikwi sa gona le mafofa ya gona a ma lahle ka nthoko ya aletare, ka bohlabela, ga poleke ya luta. ¹⁷ O nyoko yi bula mo bogare mara a sa yi kope. Ke mokane moprista o nyoko yi tšhubelela aletareng gedimo ga mahlare ya ma leng mollong. Ke sehlabelo sa go tšhubiwa, sehlabelo sa go makiwa ka mollo gore go be monkgelo wa go jabodisa ga Jehova.

NOVEMBER 16-22

MAKOLWANE KA TENG GA LENTSU LA MODIMO | LEFITIKO 4-5

“Neya Jehova so o se Kgonang”

(Lefitiko 5:5, 6) “‘Mo motho a ka ba le molato ga selo ka ssoši ga tso go bolabodiwweg ka tsona, di nyaka a bolabole ga tso a di sinnyeng. 6 Ke mokane di nyaka a tlisele Jehova sehlabelo sa mo a na le molato ka taba la tso a di sinnyeng, go leng phoolwane ya tshadi ya go tšwa morapeng wage, yi kaba senkunyana sa tshadi kela seputsanyana sa tshadi gore a ko maka sehlabelo sa mo o sinnye. Ke mokane moprista o nyoko mo kgopelela tshwarelo ga tso a di sinnyeng.

it-2-E 527 ¶9

Dihlabelo

Dihlabelo tsa mo o na le molato. Dihlabelo tsa mo o na le molato le tsona ke dihlabelo ka taba la go sinya, ka taba la gore mo o na le molato o sinnye. Ke mo di makiwa mo motho a sinnye ka matla tsa gore a šinye a teye ke lekwalo, fote ke mo di sa fapane kgole le dihlabelo tsa mo o sinnye ka taba la gore tsona di busetsa tso go leng tsa Modimo. O ka fo ba o sinyele Jehova kela o sinyele setšhaba sage sa go hlawolega. Sehlabelo sa mo o na le molato ke sa go lukisa tso o di sinyeleng Jehova kela go lukisa senghana so o sinnyeng le go maka gore o sa bolayiwi ka taba la tso o di sinnyeng.—Tshwanisa le Jes 53:10.

(Lefitiko 5:7) “‘Mo nkare aa kgone go reka nku, di nyaka a tlisele Jehova maliba ka mabedi ya hlaga kela maliba ka mabedi ka mabedi ya gaye go le sehlabelo sa mo a na le molato ga tso a di sinnyeng, ka ssoši go le sehlabelo sa mo a sinnye, ka ssoši go le sehlabelo sa go tšhubiwa.

w09 6/1-SE 26 ¶3

Wa re Naganela ga Tso re sa Kgoneng go di Segelela

Re bona ka mokgo Jehova a re naganelang ka gona ga Molawo wa Moše wa gore: “Mo nkare aa kgone go reka nku, di nyaka a tlisele Jehova maliba ka mabedi ya hlaga kela maliba ka mabedi ya gaye go le sehlabelo sa mo a na le molato ga tso a di sinnyeng.” (Temanyana 7) Mantsu yawa ya gore “mo . . . a ka sa kgone go reka” ma ka rela gore “mo . . . letsogo lage le sa kgone go di segelela.” Mo nkare Leisrayele ke mo le tihlupegela tsa gore le ka sa kgone go reka nku, Modimo ke mo a yamogela tso le kgonang go di segelela—maliba ka mabedi ya hlaga kela ka maliba ka mabedi ya gaye.

(Lefitiko 5:11) “‘Byalo mo a sa kgone go reka maliba ka mabedi ya hlaga kela maliba ka mabedi ya gaye, di nyaka a leye thole ya gabutši ya go kala 2.2 ya dilitha go le sehlabelo sa mo a sinnye. Ne di sa nyake a tšhela makgura kela tso tsa go nkgela tsa go tšwa sehlareng ga yona, ka taba la gore ke sehlabelo sa mo a sinnye.

w09 6/1 26 ¶4

Wa re Naganela ga Tso re sa Kgoneng go di Segelela

Mo nkare motho aa natso dinonyane ka dipedi ge? “Molawo ne o re, di nyaka a leye thole ya gabutši ya go kala 2.2 ya dilitha ga tso a di sinnyeng go le sehlabelo sa mo a sinnye,”. (Temanyana 11) Bo ba go tihlupegela ka matla, Jehova o yye a ba naganela ka go dumela gore ba make sehlabelo sa mo ba sinnye ba sa berekisi madi. Ku Israyele go tihlupegela ne go sa thibelele motho gore a tshwarele ke Modimo kela go maka senghana naye.

Go Wunyulla Tso di Wutammeng ka Baebeleng

(Lefitiko 5:1) “‘Mo motho a sinya ka go kwa motho ye mongwana a rogelela fote a le hlatse kela a di kwelele mara a sa tl’lagi, ka mokgonone o na le molato.

w16.02-SE 30 ¶14

Tšhuta ga Malata ya Jehova ya go Tshepega

¹⁴ Go ba motho wa go temeka di ka go gelepa gore o hlule go sa tshepege. Mo re beyisa, o ka fo ba o di tšiba gabuši gore mogageru o makiye selo sa go befa ka matla. O ka fo ba o nyaka go tshepega gage, ka matlamatla mo go le monghana wago ye mogolo kela lešaga lago. Mara mo o kwalakwala tsa go befa tso a di makiyeng, o koba o sa tshepege ga Modimo. Go tshepegela Jehova di nyaka o go yetise mahlong. Go tshwana le Nathane di nyaka o temeke fote o be le lešiši. Hlohletsela monghana wago kela lešaga lago gore le nyake thušo ga bagolo. Mo go ka fela nako a sa thogathoge, go tshepegela Modimo go nyoko go tšhofa gore o botse bagolo. Mo o maka ka mokgonone o ko ba o tshepega ga Jehova fote o ko ba o le motho wa gabutši ga monghana kela lešaga lago, ka taba la gore bagolo ba gore ke Makreste ba ko leketsa go mo gelepa ka tsela ya gabutši.—Bala Lefitiko 5:1; Magalata 6:1.

(Lefitiko 5:15, 16) “Mo motho a titshwara ka tsela ya gore a yi yona ka go fo sinyela dilo tsa go hlawolega tsa Jehova a sa tikemisela, di nyaka a tlise nku ya pholo ya go phelega go tšwa morapeng wage go le sehlabela sa mo o na le molato; di nyaka yi kala di shekele tsa siliva tsa go lekana le di shekele tsa poleke ya go hlawolega. 16 Fote o nyoko patelela tso a di sinyeleng poleke ya go hlawolega fote di nyaka a yeketse le sehlano ga so yi kalang sona. O nyoko yi neya moprista, ke mokane moprista o nyoko mo kgopelela tshwarelo ka nku ya pholo ya sehlabelo sa mo o na le molato, ke mokane o nyoko tshwarediwa.

it-1-E 1130 ¶2

Tsa go hlawolega

Diphoolwane le Bana ba Tsona. Diphoolwane tsa pholo tsa mathomo tsa dikgomu, dinku le dipudi ne di tseyiwa go le tsa go hlawolega ga Jehova fote ne di ka sa rekiwi. Ne go makiwa dihlabelo ka tsona, ke mokane sekopa sa sona ne se ya ga moprista wa go hlawolega. (Dip 18:17-19) Diyengwa tsa mathomo le lesome la moneyelo ke mo di hlawolegiye, ka taba la gore ke mo go le tso go makiwang dihlabelo ka tsona le tso di neyiwweng ga poleke ya go rapela. (Ek 28:38) Dilo ka mokana ga tsona tsa go hlawolega ga Jehova ke mo di hlawolegiye fote ke mo di sa nyake gore di tseyiwe lula kela di berekisiwe ka mokgwa wa gore a yi wona. Re ka beyisa ka molawo wa go ntsha sa lesome la moneyelo. Mo nkare monna o beya ka thoko lesome la moneyelo, go ka ba go le korong, ke mokane yene kela ba mutši wage ba ntsha ga tsona gore ba yapege kela ba make tse dingwana ba sa tipone, monna yene o na le molato wa go roba molawo wa Modimo le go sa hlomphe dilo tsa go hlawolega. Molawo wo ne o re a patale tšheleta yone a buye a yeketse le 20 ya di phesente ga poleke ya go hlawolega, a sa fo neyela ka nku ya pholo ya go phelega ya go tšwa morapeng wage go le sehlabelo. Ka mokgonone dilo tsa go hlawolega tsa Jehova ne di tseyediwe gedimo ka matla.—Lef 5:14-16.

Go Bala Baebele

(Lefitiko 4:27–5:4) “‘Mo ye mongwana wa batho bo ba dulang mo nageng a sinya a sa tikemisela kela a ba le molato wa go maka selo ka ssoši sa dilo tso Jehova a yitsereng di sa makiwi, 28 kela a tipona gore o sinnye, di nyaka a tlise seputsanyana sa tshadi sa go phelega go le sehlabelo sage sa mo a sinnye. 29 O nyoko beya letsogo lage hlogong ya sehlabelo sa mo o sinnye le go se hlaba polekeng ka yyoši le dihlabelo tsa go tšhubiwa. 30 Moprista o nyoko tseya madi ya sona ka lenwana ke mokane a ma beya ga lenaka la aletare ya dihlabelo tsa go tšhubiwa, ke mokane a falatsa madi ka moka ya mašeleng ga sitša sa motšete sa aletare. 31 O nyoko ntsha makgura ya sona ka moka, go fo tshwana le mo go ntshiwa makgura mo go makiwa dihlabelo tsa go hlekediwa, ke mokane moprista o nyoko di tšhubelela aletareng gore go be monkgo wa go jabodisa ga Jehova; ke mokane moprista o nyoko mo kgopelela tshwarelo ke mokane o nyoko tshwarediwa. 32 “‘Mara mo nkare o tlisa senkunyana go le sehlabelo sa mo a sinnye, di nyaka a tlise senkunyana sa tshadi sa go phelega. 33 O nyoko beya letsogo lage gedimo ga hlogo ya sehlabelo sa mo o sinnye a yi hlaba nkare ke sehlabelo sa mo o sinnye ga poleke yo dihlabelo tsa go tšhubiwa di hlabiwang gona. 34 Moprista o nyoko tseya madi ya mangwana ya sehlabelo sa mo o sinnye ka lenwana lage a ma beya ga manaka ya aletare ya dihlabelo tsa go tšhubiwa, ke mokane a falatsela madi ka moka ya ma šeleng ga sitša sa motšete sa aletare. 35 O nyoko ntsha makgura ya sona ka moka go fo tshwana le ka mokgo makgura ya senkunyana sa pholo ma ntshiwang ka gona mo go makiwa sehlabelo sa go hlekediwa, ke mokane moprista o nyoko di tšhuba aletareng gedimo ga dihlabelo tsa Jehova tsa go makiwa ka mollo; ke mokane moprista o nyoko mo kgopelela tshwarelo ke mokane o nyoko tshwarediwa.

5 “‘Mo motho a sinya ka go kwa motho ye mongwana a rogelela fote a le hlatse kela a di kwelele mara a sa tl’lagi, ka mokgonone o na le molato. 2 “‘Kela mo motho a tshwara selo se sengwana le sengwana sa go sa yela, kela stopo sa phoolwane ya go sa yela ya hlaga, kela phoolwane ya go sa yela ya gaye, kela diphoolwane tsa go sa yela tsa go fofa ka mogoba, o ko ba a sa yela le go ba le molato le mo yene a sa di bone. 3 Kela mo motho a tshwara motho wa go sa yela a sa tipone—kela se sengwana le sengwana sa go sa yela sa go mo maka gore a sa yele—mo a ka di tšiba o nyoko ba le molato. 4 “‘Mo motho a yakgoswa a tshepisa go maka se sengwana—go ka ba go le sa go loka kela ke sa go befa, se sengwana le sengwana so go ka bang go le sona—a sa di tšibi, ka nthago a tla a di bona gore o yakgoswiye a bolabola, o nyoko ba le molato.

NOVEMBER 23-29

MAKOLWANE KA TENG GA LENTSU LA MODIMO | LEFITIKO 6-7

“Go Šupetsa Gore re ya Leboga”

(Lefitiko 7:11, 12) “‘Byalo wowa ke molawo wa sehlabelo sa go hlekediwa sa gore motho o nyoko se neya Jehova: ¹² Mo a mo neya a šupetsa gore wa leboga, o nyoko tlisa sehlabelo sa go šupetsa gore wa leboga se na le sekgwa sa kgokolo sa go sena komelo sa gore fote se tšhediwwe makgura.

w19.11 22 ¶9

Tso re ka di Tšhutang ga Puku ya Lefitiko

⁹ Sa bobedi: Go leboga Jehova go re tšhofa gore re mmerekele. Mo re kene re bolabola ka taba yowa, re ko tšhuta se sengwana ga dihlabelo tsa go hlekediwa tso ke mo di makiwa ke Maisrayele. Ga puku ya Lefitiko, re thogo di bona gabutši gore Leisrayele ke mo le ka yisa sehlabelo sa go hlekediwa ‘go šupetsa gore le ya leboga.’ (Lef. 7:11-13, 16-18) Mo le maka sehlabelo sone, ke mo le sa makele moyano, mara ke mo le se maka ka taba la gore le ro di nyaka. Mo Leisrayele le maka sehlabelo sone, ke mo le šupa gore ga Jehova Modimo le mo nyaka ka matla. Ye a makang sehlabelo, ba mutši wage le maprista ke mo ba ja nama ya phoolwane yo go makiwweng sehlabelo ka yona. Mara dilo tse dingwana ga phoolwane yone ke mo di neyiwa Jehova a ntoši. Ke difeng dilo tsa gona?

(Lefitiko 7:13-15) Ga dihlabelo tsa go hlekediwa o nyoko tlisa sehlabelo sa go šupetsa gore wa leboga le sekgwa sa kgokolo sa go na le komelo. ¹⁴ Ga tsona o nyoko tlisa sehlabelo ka ssoši go le setlopo sa go hlawolega sa Jehova; yi nyoko ba ya moprista ye a thothetsang madi ya dihlabelo tsa go hlekediwa. ¹⁵ Nama ya sehlabelo sage sa go leboga ya go tšwa ga dihlabelo tsa go hlekediwa yi nyoko jiwa ka letšatši lo a makiyeng sehlabelo ka lona. A sa beye ye ngwana ya yone go segela go sa.

w00 8/15-SE 15 ¶15

Dihlabelo Tsa Gore ne di Jabodisa Modimo

¹⁵ Sehlabelo se sengwana sa go tinyakela ke sehlabelo sa go hlekediwa, sa gore se hlatodiwwe ga Lefitiko tema 3. Tsela ye nngwana yo se ka hlatodiwang ka gona ke “sehlabelo sa go maka gore go bebe.” Ka Seheberu, lentsu go “beba” a le fo rela go sa sa ba le dintwa kela mathatha. Puku ya Studies in the Mosaic Institutions yi re “Ka ho Baebeleng le rela go ba le senghana sa gabutši sa gore fote se bebiye le Modimo, go phomelela le go jabola”. Byalo dihlabelo tsa go hlekediwa ne di sa makiwi gore ba be le senghana sa go beba le Modimo, mara bo ba gore ba yamogele ke Modimo ne ba maka gore ba šupetse gore baa leboga le gore ba jabolela seyemo sa gore se bebiye le Modimo. Maprista le ye a makang sehlabelo ne ba ka ja ka nthago ga gore madi le makgura di neyiwe Jehova. (Lefitiko 3:17; 7:16-21; 19:5-8) Ka mokgwa wa go tshwanisela, ye a makang sehlabelo, maprista le Jehova Modimo ne go le nkare ba ja ggoši, go šupetsa gore go bebiye magareng ga bona le Modimo.

(Lefitiko 7:20) “‘Mo motho a ka ja nama ya sehlabelo sa go hlekediwa ya gore ke ya Jehova a sa yela, motho yene di nyaka a bolayiwe.

w00 8/15-SE 19 ¶8

Dihlabelo Tsa go Thanaka Tsa Gore di Jabodisa Jehova

⁸ Ke motho wa mošaga mang wa gore ne di nyaka a maka sehlabelo? Molawo ne o re ye mongwana le ye mongwana ye a tlang mahlong ga Jehova ne di nyaka a yele. Mo motho a sinnye ne di nyaka a make sehlabelo sa mo o sinnye kela sehlabelo sa mo o na le molato gore a thogo yela fote, ke mokane Jehova o nyoko yamogela sehlabelo sa go tšhubiwa kela sa go hlekelediwa so a se makang. (Lefitiko 5:1-6, 15, 17) Ayitsano re di tseyela gedimo tsa gore re dule re yediye mahlong ga Jehova? Di nyaka re yakgoswe re lukise mo re sinnyeng gona, mo nkare re nyaka gore Modimo a yamogele morapelo wa rune. Di nyaka re yakgoswe re kraye thušo ya go tšwa ga Modimo—“go leng banna ba bagolo ka ho phutegong” le ye a re “makeleng sehlabelo sa go lukisa tso re di sinyyeng,” go leng Jeso Kreste.—Jakobo 5:14; 1 Johane 2:1, 2.

Go Wunyulla Tso di Wutammeng ka Baebeleng

(Lefitiko 6:13) Mollo o nyoko ya mahlong o dura aletareng. A di nyake o timiwa.

it-1-E 833 ¶1

Mollo

Wa tabarenekeleng le wa tempeleng. Mollo wa mo go rapediwa ne o ba gona tabarenekeleng le tempeleng. Ka bošego bo bongwana le bo bongwana le ka malobana, moprista ye mogolo ne a nyoko tšhubelela tso tsa go nkgela ga aletare ya gona. (Ek 30:7, 8) Molawo wa Modimo ne o re mollo wa aletareng, ne di nyaka o dula o dura. (Lef 6:12, 13) Setšo sa Majuda ne se tseya gore mollo wa aletareng o thomme ke Modimo ka mohlolo, le mo taba yowa ne yi tshepa ke batho ba go tlala, ne yi sa thege ke Mangwalo. Go ya ka molawo wa mathomo wo Jehova a wo butsiyeng Moše, barwayi ba Aroni ne ba nyoko “tšhuba mollo aletareng le go beya mahlare gabutši” mo ba so ko bane ba beya sehlabelo aletareng. (Lef 1:7, 8) Ke mo go le ka nthago ga gore Aroni a biye moprista, le ka nthago ga gore go makiwe sehlabelo sa mo go hlomiwa boprista, mo mollo wa go tšwa ga Jehova, wo tšhubelelela sehlabelo sa gore ne se le gedimo ga aletare, go ka makega o tšwa ga leru la gore ne le le gedimo ga tabarenekele. Mollo wowa wa mohlolo o ro di thomela wona beng, a gwa berekisiwa mahlare go thoma mollo aletareng, mara wo ro “tšhuba sehlabelo sa go tšhubiwa le ditlopo tsa makgura tso ne di le gedimo ga aletare.” Mollo wa gore ne o kene o ya mahlong o dura aletareng, di ka makega gore ne o tšwa ga Modimo fote o gahlanne le wa gore ne o na o le gona aletareng. (Lef 8:14–9:24) Go fo ba ka mokgonone le ga Solomoni, mo go neyediwa temepele ka nthago ga mo Solomoni a rapele, mollo wa mohlolo wa go tšwa ga Jehova o yye wa tšhubelela dihlabelo.—2Kr 7:1; lebelela le Bay 6:21; 1Mg 18:21-39; 1Kr 21:26 gore o bone le mešupetso ye mengwana mo Jehova a yyeng berekisa mollo wa mohlolo go šupetsa gore o yamogela dihlabelo tsa malata yage.

(Lefitiko 6:25) “Botsa Aroni le barwayi bage gore, ‘Wowa ke Molawo wa sehlabelo sa mo o sinnye: Ga poleke yo sehlabelo sa go tšhubiwa se hlabediwang gona, le sehlabelo sa mo o sinnye se hlabiwe gona mahlong ga Jehova. Ke selo sa go hlawolega ka matla.

si 27-E ¶15

Puku ya Baebele ya Boraro—Lefitiko

¹⁵ (3) Sehlabelo sa mo o sinnye ne di nyaka se makiwe mo motho a sinnye a sa tikemisela. Phoolowane yo yi tlisiwang gore go makiwe sehlabelo di ko ya ka gore go sinnye mang—go ka fo ba go le moprista, setšhaba, kgoši kela motho fela. Tsone ke mo di sa tshwane le dihlabelo tsa mo o nyaka le tsa go hlekediwa ka taba la gore tsone ke mo go se na ka tsela ye ngwana, ne di nyaka di makiwe.—4:1-35; 6:24-30.

Go Bala Baebele

(Lefitiko 6:1-18) Jehova o yye mahlong a re ga Moše: ² “Mo motho a sa tshepegele Jehova ka go ropa moyagelani wage ka selo so a tshepiwweng ka sona, kela se sengwana a tshwarisiwweng sona, kela go ropa kela go tlayetsa moyagelani wage, ³ kela a kraya selo sa gore ne se lahlegiye mara a sa bolabole nnete, fote a hlaya matsaka ga dilo tso a sinnyeng ka tsona, sowa ke so a tshwaneleng go se maka: ⁴ Mo nkare o sinnye fote ba mo kraya a na le molato, di nyaka a busetse tso a di sinnyeng, tso a di yamogiyeng, tso a di tseyyeng ka botsotsi, tso ne ba mo tshwarisiye tsona, kela tso a di krayyeng tsa gore ne di lahlegiye, ⁵ kela selo se sengwana le se sengwana so a hlayyeng matsaka ka sona, fote di nyaka a se patele ka moka, a boye a patele sehlano sa so yi kalang sona. O nyoko di butsetsa ga mong wa tsona tšatši lo ba krayang gore o na le molato. ⁶ Ke mokane o nyoko tlisela moprista sehlabelo sa mo o na le molato sa gore o se makela Jehova go leng nku ya pholo ya go phelega ya go tšwa morapeng go ya ka gore yi bitsa bokaye, gore go be sehlabelo sage sa mo o na le molato. ⁷ Moprista o nyoko mo kgopelela tshwarelo mahlong ga Jehova, ke mokane yene o nyoko tshwarediwa ga dilo ka mokana ga tsona tso a di sinnyeng.” ⁸ Jehova o yye mahlong a bolabola le Moše, a re: ⁹ “Botsa Aroni le barwayi bage gore, ‘Wowa ke molawo wa dihlabelo tsa go tšhubiwa: Sehlabelo sa go tšhubiwa se nyoko dula mollong gedimo ga aletare bošego ka mokana ga byona go segela ka bošego, fote mollo o nyoko ya mahlong o dura aletareng. ¹⁰ Moprista o nyoko yapara dikobo tsage tsa boprista tsa llapi la linene, le go yapara bhruku ye kopana ya llapi la linene ka ho teng. Ke mokane o nyoko tlosa luta la go maka ke mollo mo o tšhubelela sehlabelo sa go tšhubiwa aletareng, a le beya ka nthoko ya aletare. ¹¹ Ke mokane o nyoko yapola dikobo tsage a yapara tse di nngwana, ke mokane a tseya luta lone a le yisa ga poleke ya go yela ka tawong ga kampa. ¹² Mollo o nyoko ya mahlong o dura aletareng. A di nyaki o timiwa. Moprista di nyaka a tšhube mahlare ka bošego bo bongwana le bo bongwana ke mokane a beye sehlabelo sa go tšhubiwa gedimo ga wona, ke mokane o nyoko maka gore nama ya makgura ya sehlabelo sa go hlekediwa yi swe gedimo ga wona. ¹³ Mollo o nyoko ya mahlong o dura aletareng. A di nyaki o timiwa. ¹⁴ “‘Byalo wowa ke molawo wa sehlabelo sa mabele: Lune barwayi ba Aroni di nyaka le yi tlise ga Jehova mahlong ga aletare. ¹⁵ Ka wweši wa bona o nyoko tseya thole ya gabutši ya go tlala letsogo ya go tšwa ga sehlabelo sa mabele, le ya mangwana ya makgura ya yona le ka moka tso tsa go nkgela tsa go tšwa sehlareng tsa gore di tlile le sehlabelo sa mabele, ke mokane o nyoko yi maka gore yi swe aletareng gore go be monkgelo wa go jabodisa wa gore o wo neya Jehova. ¹⁶ Aroni le barwayi bage ba nyoko ja tso di šeleng. Se nyoko jiwa go le sekgwa sa go se na komelo ga poleke ya go hlawolega. Ba nyoko se jela jareteng ya letente la mogahlano. ¹⁷ Se sa tšhediwi komelo mo se bhakiwa. Ke ba neyye tsona go tšwa ga dihlabelo tsaka tsa go makiwa ka mollo. Ke selo sa go hlawolega ka matla, go tshwana le sehlabelo sa mo o sinnye le sehlabelo sa mo o na le molato. ¹⁸ Ka moka banna ga barwayi ba Aroni ba nyoko yi ja. Ke tso ba nyoko di krayang go ya go yye, bona le ditlogolwane tsa bona go tšwa ga dihlabelo tsa Jehova tsa go makiwa ka mollo. Se sengwana le sengwana so se ba tikisang se nyoko hlawolega.’”

NOVEMBER 30–DECEMBER 6

MAKOLWANE KA TENG GA LENTSU LA MODIMO | LEFITIKO 8-9

“Tso di Šupetsang Gore Jehova wa ba Rufa”

(Lefitiko 8:6-9) Ke mokane Moše a šutetsa Aroni le barwayi bage thina, a ba hlapisa ka meetši. ⁷ Ka nthago ga hone a mo yapesa kobo ye telele, a mo tlema ka lepanta,a mo yapesa kobo ya go se na matsogo, a mo yapesa efoda a buya a yi tlemelela ka lepanta la go rukiwa la efoda, a yi tlemelela gabutši. ⁸ Ka nthago ga hone a mo yapesa so sa ho sekgubeng fote a tseya Urimi le Thumimi a di beya ga so sa ho sekgubeng. ⁹ Ke mokane a mo yapesa tuku ya maprista hlogong yage fote ka ho mahlong ga sona a beya sepelekete sa gholdi, go le setwaba sa go hlawolega sa go tineyela, go ya ka mokgo Jehova a butsiyeng Moše.

(Lefitiko 8:12) Mafalelong, Moše o tšhediye Aroni ho hlogong ka makgura ya go tlotsa motho gore go be moprista, a mo tlotsa gore a hlawolege.

it-1-E 1207

Go hloma

Moše o hlapisiye Aroni le barwayi ba Aroni go leng Nadabho, Abhihu, Eliyasa, and Ithama (kela a ba botsa gore ba di hlapise) ga sitša sa motšete sa koporo ka teng ga jarete ya tempele ke mokane a yapesa Aroni dikobo tsa go hlawolega tsa Moprista ye Mogolo. (Dip 3:2, 3) Aroni wa gore o yapesiwwe dikobo tsa go bafala, dikobo tsage di yemela mmereko wo a wo makang tempeleng. Ke mokane Moše a tlotsa tabarenakele, phahlo ya gona ka moka le ditša tsa gona ka moka, le aletare ya dihlabelo tsa go tšhubiwa, le sitša sa motšete le ditša tso di berekang gana mone. Tsone di makiye gore di hlawolege, d’ya beyeliwa thoko gore di bereke fela ga mmereko wa Modimo wa ku tempeleng. Mafelelong Moše a tlotsa Aroni ka go mo tšhela oyili hlogong yage.—Lef 8:6-12; Ek 30:22-33; Pis 133:2.

(Lefitiko 9:1-5) Ka letšatši la mabala, Moše o bitsiye Aroni le barwayi bage le ba bagolo ba Israyele. ² O yitseri ga Aroni: “Titseyele senamane sa sehlabelo sa mo o sinnye le nku ya pholo ya sehlabelo sa go tšhubiwa, tsa gore di phelegiye, o di tlise mahlong ga Jehova. ³ Mara o nyoko botsa Maisrayele o re, ‘Tseya pudi ya pholo ya sehlabelo sa mo o sinnye le senamane le senkunyana sa pholo, tsa go ba le mongwaga ka wwoši, tsa go phelega, gore le make sehlabelo sa go tšhubiwa, ⁴ le kgomu ya pholo le nku ya pholo gore le make dihlabelo tsa go hlekediwa, le make dihlabelo mahlong ga Jehova, le sehlabelo sa mabele sa go tšhediwa makgura, ka taba la gore lekgono Jehova o nyoko tinyaretsa ga lune.’” ⁵ Byalo ba yye ba theetsela tso Moše a ba butsiyeng tsona mahlong ga letente la mogahlano. Ke mokane setšhaba ka moka sa šutela sa yema mahlong ga Jehova.

it-1-E 1208 ¶8

Go hloma

Ka letšatši la mabala, ba na le dilo ka moka fote ba tiyemele, maprista ma makiye mmereko wa mathomothomo (ba sa gelepe ke Moše), ka taba la gore setšhaba se yye ba sinya, yi seng go sinya ga kamoka matšatši, mara bayye ba maka senamane sa gholdi sa gore se yye sa kwatisa Jehova. (Lef 9:1-7; Ek 32:1-10) Mo maprista ma fetsa go maka mmereko wa mathomo wa nyuwane, Jehova o šupetsiye gore wa ba yamogela le go ba dumela ka go romela mollo wa mohlolo, go tšwa ga liru la gore ne le le gedimo ga tabarenakele, wa tšhubelela tso di šeleng tsa sehlabelo sa gedimo ga aletare.—Lef 9:23, 24.

(Lefitiko 9:23, 24) Mafelelong Moše le Aroni ba kena ka teng ga letente la mogahlano ba buya batšwa ke mokane ba rufa batho. Ke mokane go gadima ga Jehova gwa bonala ga batho ka moka, ²⁴ fote mollo wa go tšwa ga Jehova wa thomisa go tšhubelela dihlabelo tsa go tšhubiwa le ditlopo tsa nama ya makgura tsa gore di duli godimo ga aletare. Mo batho ba bona tsone, ba yye ba thomisa go yahlamela le go wa fase ka difahlego.

w19.11 23 ¶13

Tso re ka di Tšhutang ga Puku ya Lefitiko

¹³ Sa bone: Jehova o rufa mokgahlo wage wa mo lefaseng. Bona so se makegiyeng ka 1512 B.C.E. mo tabarenekele yi makiwa ku tlase ga Thaba ya Sinayi. (Ek. 40:17) Moše ke mo a yetiye mahlong mmereko wa go maka gore Aroni le barwayi bage gore go be maprista. Setšhaba sa Maisrayele ke mo se le gona gore se bone mo maprista ma maka sehlabelo sa mathomo ka pholwane. (Lef. 9:1-5) Jehova o šupetsiye ka ying gore wa ma yamogela maprista yane ya gore ma sa tšwa go kgetiwa? Mo Aroni le Moše ba rufa batho, Jehova o yye a romela mollo wa go tšwa legedimong gore wo tšhube sehlabelo so ke mo se le aletareng.—Bala Lefitiko 9:23, 24.

Go Wunyulla Tso di Wutammeng ka Baebeleng

(Lefitiko 8:6) Ke mokane Moše a šutetsa Aroni le barwayi bage thina, a ba hlapisa ka meetši.

w14 11/15-SE 9 ¶6

Ke Ntaba di Nyaka re Hlawolega?

⁶ Taba ya gore maprista ya Israyele ne di nyaka ma yele mmeleng yi na le so yi si hlalosang ka batho ba Jehova lekgono. Bo re balang nabo Baebele ga go tlala ba di bona tsa gore mo re rapelang gona go yediye fote re yapara gabutši. Mara, tso tsa gore maprista ne ma yediye di re gelepa gore re bone gore ye mongwana le ye mongwana ye a rotogang thaba a ye rapela Jehova di nyaka a be le “pelo ya go yela.” (Bala Pisalema 24:3, 4; Jes. 2:2, 3.) Tso re di makelang Modimo tsa go hlawolega di nyaka re di make ka monagano wa gabutši, dipelo tsa gabutši le mmele wa go yela. Di nyaka gore motho a dule a tipombhola, ka nthago ga hone di ko nyaka gore a tšhentšhe go gongwana gore a thogo hlawolega. (2 Makor. 13:5) Mo re beyisa, motho wa gore o lebelela dithombhe tsa batho go sa tšwara ka bomu di nyaka a tiputsise gore, ‘Ayitsano ke tišupa ke hlawolegiye?’ Ke mokane di nyaka a kraye thušo le go lesetsa dilo tsone tsa go befa.—Jak. 5:14.

(Lefitiko 8:14-17) Ke mokane a tlisa kgomu ya pholo ya sehlabelo sa mo o sinnye, Aroni le barwayi bage ba beya matsogo ya bona gedimo ga hlogo ya kgomu ya pholo ya sehlabelo sa mo o sinnye. ¹⁵ Moše o yi hlabiye ke mokane a tseya madi ya yona ka lenwala a ma beya gedimo ga manaka ya aletare ga mahlaya ka mokana ga wona ya aletare, ke mokane a yedisa aletare ga senyama, mara madi ya ma šeleng a ma tšhela ka teng ga sitša sa motšete sa aletare, gore a thogo yi yedisa le go kgopelela batho tshwarelo gedimo ga yona. ¹⁶ Ka nthago ga hone, a tseya makgura ka moka ya ma leng ka teng ga mala, makgura ya ma leng sebeteng, le dipsyiyo ka dipedi le makgura ya tsona, ke mokane Moše a di maka gore di swe aletareng. ¹⁷ Ke mokane a maka gore tso di šeleng tsa kgomu ya pholo, letlalo la gona, nama ya gona, le boloko bya gona, di tšhubelediwe tawong ga kampa, go ya ka mokgo Jehova a butsiyeng Moše.

it-2-E 437 ¶3

Moše

Modimo o berekisiye Moše go neya Maisrayele Molawo wa go kwanisana, Modimo o kgetiye Moše gore go be mogahlanisi wa senghana so a se makiyeng le maisirayele, mmereko wa gore o flo maka ke Jeso Kreste a ntoši go le Mogahlanisi wa senghana sa nyuwane. Moše o thothetsele madi ya dihlabelo tsa diphoolwane gedimo ga puku ya Molawo, ka nthoko yowa a yemela Jehova, fote ka nthoko ye nngwana a yemela batho (go leng ba bagolo ba go yemela Israyele). O balele batho puku ya Molawo, ba fetodiye ba re, “Ka moka tso Jehova a di bolabodiyeng re nyoko di maka fote re nyoko mo theetsela.” (Ek 24:3-8; Heb 9:19) Ga mmereko wage wa go fetisa Molawo, Moše o yye a wokamela mo go yagiwa tabarenakele le mo go makiwa ditša tsa gona, go ya ka mokgo Modimo a mmutsiyeng ka gona, le go hloma boprista, le go tlotsa tabarenakele le go tlotsa Aroni moprista ye mogolo ka oyili ya go hlawolega. Ke mokane o yye a wokamela mmereko wa mathomo wa go maka ke maprista ya nyuwane.—Ek tem 25-29; Lef tem 8, 9.

Go bala Baebele

(Lefitiko 8:31–9:7) Ke mokane Moše a re ga Aroni le barwayi bage: “Bidisaneng nama yowa monyakong wa letente la mogahlano, ke mokane le nyoko yi ja ka sekgwa sa gore se teng ga pakete ya mo go hlomiwa maprista, go ya ka mokgo ke butsiwweng gore, ‘Aroni le barwayi bage ba se je.’ ³² Tso di šalang ga sekgwa le nama o di tšhube ka mollo. ³³ Le sa tšwe ka teng ga letente la mogahlano go so ko fela ka šupa ya matšatši, go segela matšatši ya go le maka maprista ma fela, ka taba la gore go tseya ka šupa ya matšatši go le maka maprista. ³⁴ Jehova o re butsiye gore re make tso re di makiyeng lekgono gore re thogo le kgopelela tshwarelo. ³⁵ Le nyoko dula ga monyako wa letente la mogahlano kobodi ya matšatši le kobodi ya mašego le go maka mmereko wo le wo tshepisiyeng Jehova, gore le sa kgwe; ba mputsiye ka mokgonone.” ³⁶ Ke mokane Aroni le barwayi bage ba makiye ka moka tso Jehova a ba butsiyeng tsona a berekisa Moše.

9 Ka letšatši la mabala, Moše o bitsiye Aroni le barwayi bage le ba bagolo ba Israyele. ² O yitseri ga Aroni: “Titseyele senamane sa sehlabelo sa mo o sinnye le nku ya pholo ya sehlabelo sa go tšhubiwa, tsa gore di phelegiye, o di tlise mahlong ga Jehova. ³ Mara o nyoko botsa Maisrayele o re, ‘Tseya pudi ya pholo ya sehlabelo sa mo o sinnye le senamane le senkunyana sa pholo, tsa go ba le mongwaga ka wwoši, tsa go phelega, gore le make sehlabelo sa go tšhubiwa, ⁴ le kgomu ya pholo le nku ya pholo gore le make dihlabelo tsa go hlekediwa, le make dihlabelo mahlong ga Jehova, le sehlabelo sa mabele sa go tšhediwa makgura, ka taba la gore lekgono Jehova o nyoko tinyaretsa ga lune.’” ⁵ Byalo ba yye ba theetsela tso Moše a ba butsiyeng tsona mahlong ga letente la mogahlano. Ke mokane setšhaba ka moka sa šutela sa yema mahlong ga Jehova. ⁶ Fote Moše a re: “Tsowa ke tso Jehova a hlayyeng gore le di make, gore le thogo bona go gadima ga Jehova.” ⁷ Ke mokane Moše a re ga Aroni: “Šutela hala aletareng o make sehlabelo sago sa mo o sinnye le sehlabelo sa go tšhubiwa, ke mokane o tikgopelele tshwarelo, wene le ba mutši wago; fote o makele batho sehlabelo, o boye o ba kgopelele tshwarelo, go ya ka mokgo Jehova a hlayyeng.”