Ditodi Tsa Sepukwane sa Mogahlano wa Maphelelo le Matšhomayelelo

Ditodi Tsa Sepukwane sa Mogahlano wa Maphelelo le Matšhomayelelo

JANUARY 4-10

MAKOLWANE KA TENG GA LENTSU LA MODIMO | LEFITIKO 18-19

“Dula o Titshwere Gabutši”

Pasopa Molabo wa Sathane

Jehova o butsiye Maisrayele ka dilo tsa go befa tso ne di maka ke ditšhaba tsa thina, a re: “Le sa make tso ba di makang hala lefaseng la Kanana, mo ke le yisang gona. . . . Lefase lone a la yela, fote batho ba gona ke nyoko ba lukisa, ka taba la dilo tso ba di makang.” Go ya ka Modimo wa go hlawolega wa Israyele, maphelelo ya Makanana ke mo ma thilafele la go sa hlayisege, la go šinya go segela mo lefase lone le napang le ro thilafala le go ro tlanyela.—Lef. 18:3, 25.

w17.02-SE 20 ¶13

Jehova o Yetetsa Batho Bage

¹³ Magoši yawa ya go tshepega ne ma sa tshwane le magoši ya ne ma lawola dinageng tse dingwana, ya gore ne ma yetetsa ke go hlalefa ga batho le go sa kgone go polana gabutši! Mo go lawola Makanana, batho ne ba maka dilo tsa go silikisa, go tshwana le mo motho a yetsela le lešaga lage, monna a yetsela le monna kela mosadi a yetsela le mosadi, go yetsela le diphoolwane, go maka dihlabelo ka bana, le go rapela medimo ya dithombhe. (Lef. 18:6, 21-25) Go tokegela gana mone, ba go yeta mahlong ba Bhabhilona le ba Egepita ne ba sa latelele melawo yo Modimo a yyeng a yi neya Maisrayele ga taba ya go yela. (Dip. 19:13) Mara, batho ba botala ba Modimo ne ba sa tshwane nabo ka taba la gore bo ne ba ba yeta mahlong ne ba tseyela gedimo taba ya go yela ga dilo ka moka. Di fo ba lekgwaying gore Jehova ne a ba yetetsa.

w14 7/1-SE 7 ¶2

Modimo O Nyoko Maka Ying ka Batho ba Maka Tsa go Befa?

Go nyoko makega ying ka bo ba go woma dihlogo ba go gana go tšhentšha mekgwa ya bona le go ya mahlong ba maka dilo tsa go befa? Nagana ka so ba re tshepisiyeng sona: “Ke ba go loka fela ba gore ba nyoko dula ho lefaseng, fote le ba go tshepega ba nyoko phela ga lona. Mo go le ba go maka tsa go befa ba nyoko tlusiwa ho lefaseng, le ba go sa tshepege go nyoko fela ka bona.” (Diyema 2:21, 22) Bo ba go re kutšetsela gore re make tsa go befa ba ko ba ba se šiyo. Ka nako yone mo se go bebiye, ka gonyana ka gonyana batho ba go theetsela ba nyoko yenela.—Maroma 6:17, 18; 8:21.

Tso di Wutammeng ka Baebeleng

w06 6/15-SE 22 ¶11

“Molawo Wago Nkwana Nawo!”

¹¹ Selo sa bobedi sa gore ne se šupetsa gore Modimo o tihlupa ka batho bage sa gore ne se le ga Molawo wa Moše ke gore batho ne ba ka kgoboketsa tso ne di šele mašemong mo ba bangwana ba fetsiye go buna. Jehova o butsiye Maisrayele gore mo mong wa mašemo a fetsiye go buna, ba go tihlupegela ba ka tla ba tl’le kotela tso bo ba bunang ba di šiyyeng. Beng ba mašemo ne ba sa tshwanela go ro napa ba notelela mo ba buna, kela go kgelela didhriva kela di-olivi ka moka. Korong ya gore ba yi tlemme ba yi maka ngata ke mokane ba yi lebala gana mone mašemong, a di nyake ba boyela nthago ba yo yi tseyeng. Sowa ne se šupetsa gore Modimo o hlupega ka matla ka bo ba go tihlupegela, ba go tšwa dinageng tse dingwana, ba go se na babelegi le ba go hlokofalela ke banna. Ra di tšiba gore mmereko wa go kgoboketsa tso di šeleng ne wo se lula, mara mo ba maka ka mokgonone ne di ba gelepa gore ba sa sepele ba kgopela.—Lefitiko 19:9, 10; Dotoronoma 24:19-22; Pisalema 37:25.

JANUARY 11-17

MAKOLWANE KA TENG GA LENTSU LA MODIMO | LEFITIKO 20-21

“Jehova o Hlawola Batho Bage”

w04 10/15-SE 11 ¶12

Ayitsano le Wene o Nyoko Kena Pharadeyising?

¹² Mara, go sa na le se sengwana sa gore a di nyake re lebelela sona ka matla. Modimo o butsiye Maisrayele gore: “Di nyaka le theetsele dilo ka moka tso ke le botsang tsona lekgono, gore le thogo tiyelela ka matla le gore le thogo kena ga nagana le boye le tseye tso di leng ga yona.” (Dotoronoma 11:8) Ga Lefitiko 20:22, 24, go bolabodiwwe ka yona naga yowa gore: “Fote batho ba tshwanele ba theetsele melawo yaka le dipheto tso ke di segelelang, gore naga yo ke nyoko le neyang gore le dule ga yona yi sa le hlatse. Fote ke le butsiye gore: ‘Lune, le nyoko tseya naga ya bona gore go be ya lune, fote nna ke nyoko tseya naga yone ke le neye yona, naga ya go yela lebese le todi ya dinose.’” Eya, gore Maisrayele ma kraye tso Jehova ne a ma tshepisiye tsa gore ne di le Nageng yo ne ba Tshepisiwwe yona, ne di nyaka gore ma dule ma na le Senghana sa gabutši le Jehova Modimo. Modimo o yye a dumelela Mabhabhilona gore ma ba hlule ma boye ma ba tlose mo ga poleke yo ne ba le ga yona, ka taba la gore ba yye ba šitega go mo theetsela.

it-1-E 1199

Lefa

Phahlo ye nngwana le ye nngwana yo motho wa go tshwanelega ne a yi kraya ya gore ne yi le ya motho wa hlokofala kela selo se sengwana le se sengwana so a se krayyeng ga bokokwane bage. Lentsu le lengwana la Seheberu la gore ne le berekisiwa ke na·chalʹ (lebitso, na·chalahʹ). Yi rela go kraya kela go neya motho selo go le lefa lage ka gore wa tshwanelega. (Dip 26:55; Hez 46:18) Lentsu la ya·rashʹ ka dinako tse dingwana le berekisiwa mo go bolabodiwa ka “mojalefa,” mara ga go tlala le berekisiwa mo motho a “tseya lefa” a sa tshwanelega. (Gen 15:3; Lef 20:24) Fote le rela go “yamoga; go raka,” ka go lwa. (Dot 2:12; 31:3) Mantsu ya Segerika ya gore ma berekisiwa mo go bolabodiwa ka lefa ma yelana le kleʹros, la gore gabutšibutši le rela “dikgakgara” mara la tla la rela go “pomelana” mafelelong ba re “lefa.”—Mat 27:35; Meb 1:17; 26:18.

it-1-E 317 ¶2

Dinonyane

Ka nthago ga Mogogola, Nnowa o makiye dihlabelo ka “tsa go phela tsa go yela tso di fofang” le ka diphoolwane tse dingwana. (Gen 8:18-20) Ka nthago ga hone, Modimo o yye a dumela gore batho ba ka ja dinonyane solanka ba ka sa ji le madi. (Gen 9:1-4; tshwanisa le Lef 7:26; 17:13.) Dinonyane tse dingwana tsa ‘go yela’ ka nthago ga hone di yye dya dumelediwa gore go makiwe dihlabelo ka tsona; Baebele yi šupetsa gore ne di jiwa, fote ne go se na dinonyane tsa gore “a dya yela” go segela go ba le Mowalo wa Moše. (Lef 11:13-19, 46, 47; 20:25; Dot 14:11-20) Taba ya gore ke dinonyane difeng tsa gore ne di “sa yela” a ya hlayiwa ka Baebeleng. Fote ne go na le dinonyane tsa go ja tse dingwana tsa gore ne ba re a dya yela, mara ne go se ka mokana ga tsona. (Lebelela HOOPOE.) Go rakela hone go yye gwa tlusiwa ka nthago ga gore go be le kwano ya nyuwane, ga mmono wa gore Modimo o yye a wo šupetsa Petro.—Meb 10:9-15.

Tso di Wutammeng ka Baebeleng

it-1-E 563

Go Tisegelela

Molawo wa Modimo ke mo wo gana gore motho a tisegelele letlalo ka taba la gore go hlokofele motho. (Lef 19:28; 21:5; Dot 14:1) Ke mo go le ka taba la gore Israyele ke mo go le phahlo kela setšhaba sa go hlawolega ga Jehova. (Dot 14:2) Maisrayele ne ma sa tshwanela go tigahlanisa le medimonyana ya matsaka. Fote le go llela motho wa gore o hlokofele ka mekgwa ya gore yi fetelele, ya go tshwana le go tisegelela letlalo ne di sa dumelediwa ga batho ba gore baa tšiba gore go makega ying mo motho a hlokofala le go ba le tshepo ya gore batho ba nyoko tsusiwa. (Dan 12:13; Heb 11:19) Fote taba ya gore ne ba rakela gore Maisrayele ma tisegelele ne yi šupetsa gore ba hlompa tso Modimo a di makiyeng le mmele wa motho.

JANUARY 18-24

MAKOLWANE KA TENG GA LENTSU LA MODIMO | LEFITIKO 22-23

“Menyanya yo ne yi Makiwa ya go re Tšhutisa se Sengwana”

it-1-E 826-827

Monyanya wa Sekgwa sa go se na Dikomelo

Letšatši la mathomo la Sekgwa sa go se na Dikomelo ne go le mogahlano, fote go le sabatha. Ka letšatši la bobedi, Nisani 16, setšhotšho sa diyengwa tsa mathomo tsa llutsa, dimelane tsa mathomo tsa go butšwa Palestina ne ba di leya ga moprista. Mo go soko bane go ba le monyanya wowa, ne ba sa tshwanela go ja mabele ya go sa tšo butšwa, sekgwa kela mabele ya go gadikiwa ya go tšwa ga tso di sa tšwang go buniwa. Ka tsela ya go tshwanisela, moprista ne a makela Jehova sehlabelo sa diyengwa tsa mathomo ka go tšukatšukisa setšhotšho sa mabele mahlong le nthago, ke mokane ne ba maka sehlabelo sa go tšhubiwa ka nku ya pholo ya gore yi philegiye ya go ba le mongwaga ka wwoši le sehlabelo sa mabele sa go tšhediwa oyili le go neyela ka sa go nwa. (Lef 23:6-14) Ne go se na molawo wa gore go tšhubiwe mabele ya mangwana le ya mangwana kela folawa ya gona aletareng, mara tsowa di yye dya maka ke maprista ka nthago. Ne go na le letšatši la batho ka moka la gore ne go makiwa dihlabelo tsa diyengwa tsa mathomo, fote ka lona letšatši lowa mutši wo mongwana le wo mongwana le motho ye a nang le sage ne a ntsha se sengwana gore a make sehlabelo sa go leboga ka letšatši lone.—Ek 23:19; Dot 26:1, 2; lebelela DIYENGWA TSA MATHOMO.

Ke Ntaba ne wo Tseyediwa Gedimo?. Go ja sekgwa sa go se na dikomelo ka nako yonone ne go sepedisana le tso Jehova a di butsiyeng Moše ga Eksoda 12:14-20, ya gore yi na le tso ne ba tshwanele go di maka tsa gore di ga temanyana 19: “A di nyake go ba le selo sa gore se na le dikomelo dintlong tsa lune go segela go feta kašupa ya matšatši.” Ga Dotoronoma 16:3 dikgwa tsa go se na dikomelo ba di bitsa ‘sekgwa sa gore o se ja o kwa go baba,’ fote ke mo go le selo sa go gopotsa Majuda mongwaga wo mongwana le wo mongwana ka go tšwa nageng ya Egepita ka lebelo (ne ba se na nako ya go bidisa folawa ya bona [Ek 12:34]). Ka mokgonone ba yye ba gopola ka mokgo Israyele yi yyeng ya phonisiwa ga go kwa go baba le go ba mabhantiti, le Jehova ka boyene mong o yitseri, “le ko gopola letšatši lo le tšwileng ka lona nageng ya Egepita matšatši ka mokana ga wona ya lephelo la lune.” Mo ba bona gore ba setšhaba sa bona se lokologiye, ba di bonne tsa gore ke Jehova ye a ba phonisiyeng, sone sa maka gore Maisrayele ma be le menyanya ka meraro ya mathomo ya mongwaga wo mongwana le wo mongwana.—Dot 16:16.

it-2-E 598 ¶2

Pentekoste

Diyengwa tsa mathomo tsa mo go buniwa korong ne di sa tshwariwi go tshwana le diyengwa tsa mathomo tsa llutsa. Gana hala ga 2 ya dikhiloghremo tsa folawa ya korong (4.4 L; 4 dry qt) ya gore yi tšhediwwe dikomelo ke mokane ba di bhaka gore go be dikgwa ka dipedi. Ne di nyoko ba “tsa go tšwa mo le dulang gona,” sone ne se rela gore ne ba nyoko di maka ka mokgo ba di makang ka gona mo ba le ka mitšing ya bona go seng ka mokgo ba makang ka gona mo ba makela dilo tsa go hlawolega. (Lef 23:17) Dihlabelo tsa go tšhubiwa le sehlabelo sa mo o sinnye ne di sipidisana ggoši le tsona, fote ne ba leya dinku ka dipedi tsa pholo go le sehlabelo sa go hlekediwa. Moprista ne a tšukatšukisa dikgwa tsone le dinku tsone mahlong ga Jehova ka go beya matsogo yage ka fase ga dikgwa tsone le ka fase ga ditlopo tsa dinku tsone ke mokane a di tšukatšukisa go ya mahlong le nthago, tsotsone ne di šupetsa gore ne ba di leya mahlong ga Jehova. Ka nthago ga gore go neyediwe ka dikgwa le ka dinku, ne di ba tsa moprista gore a di je go le sehlabelo sa go hlekediwa.—Lef 23:18-20.

w14 5/15-SE 29 ¶11

Ayitsano o Sipidisana le Mokgahlo wa Jehova?

¹¹ Mokgahlo wa Jehova wo maka selo sa gore se nyoko gelepa rune mo wo re hlohletsela gore re theetsele so Pawulo wa lepostola a se hlayyeng mo a re: “Tla re tseyelaneneng hlogong gore re rotetse go nyakanana ga rune le go makelana mebereko ya gabutši, re sa lesetse go gahlana, go tshwana le bo ba tlwayeleng go maka tsotsone, mara re tiyisaneneng, ka matlamatla ka taba la gore le lune le ya di bona gore letšatši le ya šutela.” (Heb. 10:24, 25) Menyanya yo ne yi makiwa mongwaga wo mongwana le wo mongwana le menyanya ye mengwana yo ne yi le ya gore ba thogo rapela gabutši, ne yi gelepa Maisrayele gore ma tšhute tsa go tlala ka Modimo. Go tokegela gana hone, menyanya ya go hlawolega ya go tshwana le Monyanya wa Mašayi ka dinako tsa Nehemiya ne yi le ya go jabodisa ka matla. (Ek. 23:15, 16; Neh. 8:9-18) Le rune re tšhuta tsa go tlala ga megahlano ya rune, megahlano ye menyana le megahlano ye megolo. Tla re makeneng gore re tšhute tsa go tlala gore re dule re tlalele ga tso tsa Modimo re boye re dule re jabodiye.—Tito 2:2.

Tso di Wutammeng ka Baebeleng

w19.02 3 ¶3

Ariye Mahlong o Kene o Tshepega!

³ Mo ga rune malata ya Modimo, go tshepega di rela go nyaka Jehova ka dipelo tsa rune ka mokana ga tsona la go šinya re sa nyake selo se kena rune le Modimo segare, fote re yetisa yene mahlong ga dilo ka mokana ga tsona tso re di makang. Bona taba ye nngwana ke yowa. Ka Baebeleng lentsu go “tshepega” le rela go felegelela, go philega kela go yenela. [1] Mo re beyisa, mo Maisrayele ma makela Jehova sehlabelo ka dipholwane, Molawo ke mo wo re dipholwane tsa gona go be tsa go philega. (Lef. 22:21, 22) Motho wa Modimo ke mo a ko ba a sa make tsona mo a yisa pholwane ya gore a yi na loto, tsebe kela lihlo; fote ke mo ba ka sa yisi pholwane ya gore ya lwala. Jehova ke mo a nyaka dipholwane tsa gore di felegelele, di philegiye kela di yenele. (Mal. 1:6-9) Re thogo di bona gabutši gore ke ntaba Jehova a re o nyaka dilo tsa go philega kela tsa go felegelela. Le rune mo re reka selo, sa go tshwana le seyengwa, puku kela thulusu, a re se reke mo re kraya se na le lešuba kela se na le tso di gayelang. Re nyaka tsa go felegelela, tsa go philega kela tsa go yenela. Le Jehova o nyaka re kwana naye le go mo tshepegela ka mokgonone. Di nyaka re make dilo tsa go felegelela, tsa go philega kela tsa go yenela.

JANUARY 25-31

MAKOLWANE KA TENG GA LENTSU LA MODIMO | LEFITIKO 24-25

“Mongwaga wa Jubhili le go Lokologa ga Gore go se Tla”

it-1-E 871

Go Lokologa

Modimo wa go Lokollana. Jehova ke Modimo wa go lokollana. O lokolliye setšhaba sa Israyele bobhantiting bya Egepita. O ba butsiye gore mo ba ka ya mahlong ba theetsela melawo yage ba nyoko lokologa. (Dot 15:4, 5) Dafita o bolabodiye ka ‘mo se go bebiye’ teng ga mutši wa Jerusalema. (Pis 122:6, 7) Mara Molawo wo hlayye gore mo monna a tihlupegela, a ka tirekisa bobhantiting gore a thogo makela yene le ba mutši wage tso ba di nyakang. Mara ka Molawo, Moheberu ne a lokologa ka nthago ga kašupa ya mengwaga ya go ba berekela. (Ek 21:2) Ka Jubhili (yi makega ka nthago ga 50 ya mengwaga), ka moka batho bo ne ba le nageng ne ba lokologa. Lebhantiti le lengwana le le lengwana la Leheberu ne le lokologa, fote monna ye mongwana le ye mongwana ne ba mo neya lefa lo go leng lage.—Lef 25:10-19.

it-1-E 1200 ¶2

Lefa

Ka gore naga ne go le selo sa go fetisediwa ga ditlogolwane, ne yi ka sa rekisiwi ke mokane bo ba yi rekiyeng gwa ba ya bona go-ya-go-yye. Tšheleta yo motho a yi patelang mo ba mo rekisela mašemo ke mo yi lawola ke gore mobu wa poleke yone wo tsifiye go segela kaye gore a thogo buna, fote mo ba yi reka ne ba lebelela le gore go šele mengwaga ka mekaye gore go segele Jubhili, ka nako yonone naga ka moka yi boyela ga mong wa yona mo nkare aa yi reka mo go soko segela Jubhili. (Lef 25:13, 15, 23, 24) Molawo wone ne wo bereka le ga dintlo tsa gore a di teng ga toropo ya go yagelediwa ka mapharo, tsa gore ne di tseyiwa go le tsa mašemong. Mara ntlo ya gore yi teng ga toropo ya go yagelediwa ka mapharo, mong wa mutši ne a ka kgona go yi reka mo go so ko fela mongwaga, mo go ka feta nako yonone, ne go nyoko ba ya ye a yi rekiyeng. Mara mo go tla ga dintlo tsa toropo ya Malifi, ne ba ka kgona go reka dintlo tsa bona mo ba di rekisiye le ka nthago ga mengwaga ya go tlala ka taba la gore ne ba se na lefa la naga.—Lef 25:29-34.

it-2-E 122-123

Jubhili

Mo batho ba theetsela molawo wa Jubhili, sosone ne se maka gore setšhaba se sa be ga mayemo ya go kwisa go baba go tshwana le ya re ma bonang lekgono ga dinaga tsa go tlala, ga gore go na le megoba ka mebedi, ba go ghanya ka matla le ba go hlupega ka matla. Taba yowa ya gore ne go ka sa be le motho wa go tihlupegela ka matla ne yi tiyisa setšhaba, ka taba la gore ne go ka sa be le motho wa gore aa na tšheleta kela aa kgone go maka selo ka taba la mayemo ya ditšheleta, mara batho ka moka ba ka kgona go maka se sengwana go tiyisa setšhaba. Mo Israyele yi ka ya mahlong yi theetsela, ne yi nyoko jabolela go phomelela le go lawola ke Mmušo wa Modimo ke mokane Jehova o nyoko ba rufa ka go maka gore mobu wa bona wo bune tsa go ja tsa go tlala le go ba tšhutisa.—Jes 33:22.

Tso di Wutammeng ka Baebeleng

w09 9/1-SE 22 ¶4

Mo Selo se sa go Tshwara Gabutši

Mo Leisrayele le ka teya Leisrayele le lengwana ke mokane la le ntsha lihlo, Molawo ne wo re le wolodiwe. Mara, ne di sa tšwi ga ye ba mo ntshiyeng lihlo kela ga ba mutši wa gabo gore ba wolole motho yene byang. Molawo ne wo re a yise taba yone ga bo ba go yahlula, gore ba thogo yi pombhola gabutši. Mo ba di bona tsa gore ye a sinnyeng kela go kwaletsa ye mongwana a ka wolodiwa ka ditsela tsa go tlala, sosone ne se maka gore ye a kwaletsiwweng a sa bosetsi. Mara a di felele gana mone.

FEBRUARY 1-7

MAKOLWANE KA TENG GA LENTSU LA MODIMO | LEFIKO 26-27

“O ka Maka Byang Gore Jehova a go Rufe?”

w08 4/15-SE 4 ¶8

Gana “Dilo Tsa go sa re Selo”

⁸ Ke ka mokgo mang go “Ghanya” go ka bang modimo? Mo re beyisa, o fo nagana ka letlapa le le lebaleng la Israyele ya botala. Letlapa lone ne ba ka le berekisa go yaga ntlo kela lepharo. Mara letlapa lowa ba ka le beya go le “modimo wa sethombhe” sosone ne se phika batho ba Jehova. (Lef. 26:1) Le ka mokgonone, tšheleta yi na le poleke ya yona. Re ya yi nyaka gore re thogo phela, fote re ka yi berekisa gabutši mo re berekela Jehova. (Mmo. 7:12; Luk 16:9) Mara mo re ka lelekisa go ghanya go phala tso tsa Modimo, ka mokgonone go ghanya go ba modimo ho ga rune. (Bala 1 Thimothi 6:9, 10.) Ga lefase lowa la gore go lelekisana le go ghanya ke selo se segolo ka matla, di nyaka re lekanise mo go tla ga taba yowa.—1 Thim. 6:17-19.

it-1-E 223 ¶3

Go Makatsa

Ka taba la ka mokgo Jehova a yyeng a berekisa Moše le go mo wolola kela go berekana naye, Moše o yye a thomisa go makatsa ka matla (ka Seheberu, moh·raʼʹ) mahlong ga batho ba Modimo. (Dot 34:10, 12; Ek 19:9) Ba gore ne ba na le tumelo, ba yye ba thomisa go hlompa Moše ka matla mo a yeta mahlong. Ba yye ba di bona gore Modimo ne a bolabola a berekisa yene. Le ga poleke ya Jehova ya go hlawolega, Maisrayele ne ma dula ma makele. (Lef 19:30; 26:2) Tsotsone ne di rela gore ne di fo ba lekgwaying ga bona gore poleke ya go hlawolega ne yi le selo se segolo, ke mo ba rapela Jehova ka mokgo yene a nyakang ka gona fote ne ba latelela melawo yage ka mokgo yene ne a nyaka ka gona.

w91 3/1-SE 17 ¶10

Lesetsa “go Beba ga Modimo” go Pasope Pelo Yago

¹⁰ Jehova o butsiye setšhaba gore: “Mo nkare le ya mahlong le latelela le go theetsela melawo yaka, le nna ke nyoko maka gore pula yi ne ka nako ya gabutši, fote le mobu wa mašemo wo nyoko nona kela go ntsha tsa gabutši, mehlare ya mašemong yi nyoko ntsha diyengwa. Fote ke nyoko maka gore go bebe hone nageng, le nyoko ro tiketla, go sena le wa go le hlagasedisa; fote ke nyoko maka diphoolwane tsa hlaga tsa gore di ka le kwaletsa gore di tloge hone nageng, go ka sa be le sabola yo yi nyoko fetang hone nageng ya lune. Fote ke nyoko sepela gare ga lune ka boya ka šupetsa gore ke nna Modimo wa lune, lune le nyoko šupetsa gore le batho baka.” (Lefitiko 26:3, 4, 6, 12) Israyele yi yye ya jabolela gore ne yi pasopegiye ga manaba ya yona le gore ne yi na le senghananghana le Jehova. Mara tsotsone ne di ya ka gore ba theetsela Melawo ya Jehova.—Pisalema 119:165.

Tso di Wutammeng ka Baebeleng

it-2-E 617

Malwele ya go Tshosa ya go Bolaya

Ya go Leya ke Taba la go Lesetsa Melawo ya Modimo. Setšhaba sa Israyele ne ba se pasopisiye gore mo se ka gana go ya mahlong se na le senghana le Modimo, tsotsone ne di nyoko maka gore Modimo a se ‘leyele malwele ya go tshosa ya gore maa bolaya gare ga sona.’ (Lef 26:14-16, 23-25; Dot 28:15, 21, 22) Mangwalong ka moka, go philega mmeleng kela ga tso tsa Modimo, go sipidisana le go rufa ke Modimo (Dot 7:12, 15; Pis 103:1-3; Diy 3:1, 2, 7, 8; 4:21, 22; Kut 21:1-4), mara malwele ma sipidisana le go sinya le go sa yenela. (Ek 15:26; Dot 28:58-61; Jes 53:4, 5; Mat 9:2-6, 12; Joh 5:14) Byalo, ka gore ke nnete gore go gongwana Jehova Modimo ka boyene fote ka go yakgoswa o leyele batho tsa go baba, go tshwana le lephera la Meriyamo, Uziya le la Ghehazi (Dip 12:10; 2Kr 26:16-21; 2Mg 5:25-27), di bonala nkare ga go tlala malwele ya go tshosa ya go bolaya ne ma tla ka bowona mara ka nako ye ngwana ma tla ka taba la gore motho kela setšhaba se sinnye. Fote ba f’lo buna so ba se gašiyeng; mmele wa bona wo kwile go baba ka taba la tso ne ba di maka tsa go sa loka. (Gal 6:7, 8) Bo ba yyeng ba maka dilo tsa go befa tsa bonghwahla, lepostala le re Modimo “o yye ba lesetsela ga tsa go sa yela, gore mmele wa bona wo nape wo sa sa hlompega gare ga bona . . . ba kraye patela ya bona ka mokana ga yona, ka taba la tsa go sa yela tso ne ba di maka.”—Rom 1:24-27.

FEBRUARY 8-14

MAKOLWANE KA TENG GA LENTSU LA MODIMO | DIPALO 1-2

“Jehova o Beya Batho Bage ka Letheto”

w94 12/1-SE 9 ¶4

Poleke ya Gabutši ya go Rapela Jehova ga Lephelo la Rune

⁴ Hala o le nonyane, o kgona go bona ka mokgo Maisrayele ne ma duli ka gona ku mašahleng, o nagana gore nke o bonne ying? Matente ya go tlala, ya gore ma duli ka letheto, ya gore ka teng ga wona go ka ba go na le batho ba go teya gana hala ga 3 ya dimiliyoni kela go feta mone, ba ba beyye ka megoba ka meraro go ya ka meloko ya wona go tloga ka lebowa, borwa, bohlabela le bodikela. Mo o šutela thina, ne o ka bona mogoba wo mongwana wo duli thina le segare sa kampa. Megoba yowa ka mene ya matente ya gore ma thina le thina, ne go le mo mitši ya ba moloko wa Llifi yi dulang gona. Mo segareng sa kampa, ga poleke ya go yagelediwa ka malapi ne go na le selo sa go sa tshwane le selo. Selo sone ne go le “letente la mogahlano,” kela tabarenakele, ya gore Maisrayele ya “go hlalefa” ma yye ma yi yaga go ya ka mokgo Jehova a nyakang ka gona.—Dipalo 1:52, 53; 2:3, 10, 17, 18, 25; Eksoda 35:10.

it-1-E 397 ¶4

Kampa

Kampa ya Israyele ne yi le ye kgolo ka matla. Ka moka bo ba ngwadisiwweng ne go na le 603 550 ya banna ba go tšiba go lwa, go na le basadi le bana, bakgalabye le bakgekolo le dikoka, 22 000 ya Malifi, le “mogoba wo mogolo wa go gahlagahlana” wa batho ba gore a yi Maisrayele—di ka makega gore mo ba gahlanne ka moka ne ba teya gana hala ga 3 000 000 kela go feta mone. (Ek 12:38, 44; Dip 3:21-34, 39) Gore poleke yo ba yyeng ba dula ga yona yi teya kaye ka bogolo a di nape di tšibega, mara bo ba yi pombhodiyeng ba krayye diphetolo tsa go sa tshwane. Mo ba ya ba hloma matente ya bona thoko ga Jerikho Lebaleng la Mowaba, ne go hlatolliwa go le go “tlogisela Bhethiješimothi go segela Abelešithimi.”—Dip 33:49.

Tso di Wutammeng ka Baebeleng

it-2-E 764

Go Ngwadisa

Go ngwadisiwa hone ga go tlala ne go makiwa ka go ngwadisa lebitso le moloko go ya ka gore o tšwa ga moloko wofeng. Ne yi sa foba go balela gore go na le batho ka ba kaye kela dihlogo ka dikaye. Go ngwadisa ga setšhaba ka ho Baebeleng ne go makiwa ka taba la dilo tsa go tlala, go tshwana le go patedisa mothelo, mmereko wa bosoleng kela (ga Malifi ya ma badiwweng) go ba neya mmereko ga poleke ya go hlawolega.

FEBRUARY 15-21

MAKOLWANE KA TENG GA LENTSU LA MODIMO | DIPALO 3-4

“Mmereko wo Malifi ne ma wo Maka”

it-2-E 683 ¶3

Moprista

Ka Tlase ga Molawo wa Kwano. Nako tsela Maisrayele ma le bobhantiting bya Egepita, Jehova o yye a tigadimisa mo a phonisa letšibula le lengwana le lengwana la Israyele ka nako yela a bolaya letšibula le lengwana le lengwana la Egepita ka mosasamelo wa lesome. (Ek 12:29; Dip 3:13) Matšibula yawa gabutšibutši ne se go le ya Jehova, gore ma thogo mmerekela ga mmereko wa hlawolega. Modimo nke a makiye matšibula yane ya banna ya Israyele ka mokana ga wona gore go be maprista le go bereka ga poleke ya go hlawolega. Mara, o segelele so ne a se nyaka mo a maka gore banna ba moloko wa Llifi go be bona ba makang mmereko wone. Nka taba lo Modimo a yyeng a dumelela gore setšhaba se make gore banna ba Malifi ba kene ga poleke ya matšibula ya meloko yela 12 ya wona (bana ba barwayi ba Josefa go leng Efurayimi le Manase ba badiwwe go le meloko ka mebedi). Mo ba fetsiye go ba balela, matšibula yawa ya gore a yi Malifi ne ma feta Malifi ka 273 ya batho, ke mokane Modimo a re ba lepolliwe ka kapheta ya dišekele (R194.88), tšheleta yone ne yi ya ga Aroni le barwayi bage. (Dip 3:11-16, 40-51) Mo go soko bane go makega tsone, Jehova ke mo a na a hlawodiye banna ga mutši wa Aroni go tšwa ga moloko wa Llifi gore go be Maprista ya Israyele.—Dip 1:1; 3:6-10.

it-2-E 241

Malifi

Mmereko wa Bona. Malifi ma tšwa ga mitši ka meraro ya barwayi ba Llifi, go leng Ghešoni (Ghešomi), Khohathi le Merari. (Gen 46:11; 1Kr 6:1, 16) Mitši yowa ka meraro ne yi neyiwwe mmereko ga poleke ya thina le tabarenakele ku mašahleng. Mutši wa Khohathi wa go tšwa ga Aroni ne wo duli ka mahlong ga tabarenakele ka nthoko ya bohlabela. Ba bangwana ba mutši wa Khohathi ne ba duli ka nthoko ya borwa, ba mutši wa Ghešoni ka nthoko ya bodikela ke mokane ba mutši wa Merari ba duli ka nthoko ya lebowa. (Dip 3:23, 29, 35, 38) Mmereko wa Malifi ne yi le go beyakanya, go kwatlamolla le go rwala tabarenakele. Mo yi šele yi le nako ya gore ba tloge, Aroni le barwayi bage ne ba tseya magaredheni ya gore ne ma fapanisa poleke ya go Hlawolega le poleke ya go Hlawolega ka Matla, ba boya ba khorometsa areka ya segopotso, dialetara, le diphahlo tse dingwana tsa go hlawolega. Ke mokane ba mutši wa Khohathi ne ba rwala dilo tsone. Ba mutši wa Ghešoni ne ba sepela ba rwele malakeni ya letente, tso ne ba khavara ka tsona, dikrini, tso ne ba kwadiye ka tsona jareti le dithapo tsa letente (di šupetsa go le dithapo tsa tabarenakele), ke mokane ba mutši wa Merari ne ba pasopa diforemu, tso ne ba di berekisa go thega ka tsona, ditshipi tso ne ba di berekisa go ghwimbha letente le dithapo (dithapo tsa go tlema malakeni ya ne ba jaretele tabarenakele).—Dip 1:50, 51; 3:25, 26, 30, 31, 36, 37; 4:4-33; 7:5-9.

it-2-E 241

Malifi

Ka dinako tsa Moše, ne di nyaka gore Lelifi le be le 30 ya mengwaga gore le tseye gore le ka kgona go maka mebereko ka moka, go tshwana le go kgohlelela tabarenakele le tso ne di le ga yona mo yi tlusiwa. (Dip 4:46-49) Mebereko ye mengwana ne yi ka makiwa mo motho a na le 25 ya mengwaga, mara ne yi se mmereko wa gore ne wo nyaka matšhika le nako, go tshwana le wa go rwala tabarenakele. (Dip 8:24) Ka dinako tsa Kgoši Dafita, ba yye ba poma mengwaga ba re ka 20 ya mengwaga motho a ka maka mebereko ye mengwana. Dafita o yye a re nka taba la gore tabarenakele (gana byalo yi nyoko ba tempele) ne yi ka sa sa berekisiwa. Mebereko ya gore ne yi tshwanele yi makiwe, motho ne a yi maka go segela a ba le 50 ya mengwaga. (Dip 8:25, 26; 1Kr 23:24-26; lebelela MONGWAGA (AGE).) Malifi ne di nyaka gore ma be ma tšhutisiwwe Molawo gabutši, ga go tlala ne ba bitsiwa gore ba balele batho le go tšhutisa batho ba bangwana.—1Kr 15:27; 2Kr 5:12; 17:7-9; Neh 8:7-9.

Tso di Wutammeng ka Baebeleng

w06 8/1-SE 23 ¶13

Hlalefa—Tšhaba Modimo!

¹³ Taba ya gore Jehova o yye a gelepa Dafita mo a šekela, yi yye ya napa yi maka gore Dafita a tšhabe Modimo ka matla ya boya ya maka gore a nape a sa kamake gore o naye. (Pisalema 31:22-24) Ke gararo ga gore re tšiba ka gona, ga gore Dafita o yye a lesetsa go tšhaba Modimo, fote tsotsone di makiye gore a tlele ke maphomela ya go sasamela. La mathomo o yye a maka gore areka ya Jehova ya kwano yi yisiwe Jerusalema ba yi beyye gedimo ga sekotšikare go na le gore malifi ma yi rwale ka magetla go ya ka mokgo Molawo wa Modimo wo hlayyeng. Mo Uza wa gore ne a yetiye sekotšikare mahlong a re o leketsa go tshwara Areka gore yi sa we, o yye a napa a kgwa gana hone ka taba la “go sa šupetse go hlompa.” Eya, Uza o sinnye ka matla, mara mafelelong, di yye dya bonala gore ke Dafita ye a yyeng a šitega go hlompa Molawo wa Modimo, fote tsotsone di makiye gore a kwe go baba ka matla. Go tšhaba Modimo di rela go maka dilo ka mokgo yene a nyakang ka gona.—2 Samuwele 6:2-9; Dipalo 4:15; 7:9.

FEBRUARY 22-28

MAKOLWANE KA TENG GA LENTSU LA MODIMO | DIPALO 5-6

“O ka ma Yekisela Byang Manazari?”

it-2-E 477

Monazari

Ne go na le dilo ka ditharo tsa gore Monazari ne a sa tshwanela go di maka: (1) Ne a sa tshwanela go nwa mokgete; le go ja selo se sengwana le se sengwana sa go tšwa ga didhreva, se ka ba se sa butšwa, se butšwiye kela go womisiwa, go nwa jusi ya gona, ya go satšo makiwa, ya go bedisiwa, kela vinika ya go makiwa ka didhreva. (2) Ne a sa tshwanela go kopa moriri wage wa ho hlogong. (3) Ne a sa tshwanela go tikisa setopo, le mo go ka ba sa lešaga lage—papage, mmane wage, bhuti wage kela sesi wage.—Dip 6:1-7.

Meyano ya go Hlawolega. Motho wa gore o makiye moyano wowa ne a “nyoko phela go le Monazari [go leng, go tineyela, go tihlawola] ga Jehova” yi seng gore a thanakiwe ke batho ka taba la go berekela Modimo kela go tineyela gage. Mara, “ka moka matšatši ya mo a le Monazari ne a tshwanele a hlawolege ga Jehova.”—Dip 6:2, 8; tshwanisa le Gen 49:26.

Tso Manazari ne ma tshwanele go di maka ne di hlawolegiye fote ne di na le so di se bolabolang ga morapelo wa Jehova. Go fo tshwana le moprista ye mogolo, ka taba la poleke ya go hlawolega yo ne a barekela ga yona, ne a sa tshwanela go tshwara setopo, le mong sa lešaga lage, byalo le Monazari ne a sa tshwanela go tshwara setopo. Ka taba la poleke yo Moprista ye mogolo le maprista ya mangwana ne ba berekela ga yona, le mebereko ye megolo yo ne ba yi maka, byalo, ne ba sa tshwanela go nwa wayini kela mokgete le mo wo le wofeng mo ba maka mebereko ya bona ya go hlawolega mahlong ga Jehova.—Lef 10:8-11; 21:10, 11.

Go tokegela gana mone, Monazari (ka Seheberu, na·zirʹ) “ne a tshwanele go tišupetsa gore o hlawolegiye ka go lesa moriri wa hlogong yage wo gola,” go le fapo ya go šupetsa batho ka moka gore ke Monazari wa go hlawolega. (Dip 6:5) Lentsu lo lowa la Seheberu la na·zirʹ ne le berekisiwa mo go bolabodiwa ka mohlare wa didhreva wa “go sa theniwa” mo go le nako ya Sabatha ya go hlawolega kela mongwaga wa Jubhili. (Lef 25:5, 11) Sa go jabodisa ke gore selo se sengwana sa nkare ke sepelekete sa gholdi ka ho mahlong ga tuku ya moprista ye mogolo ne go ngwadiwwe gore “Go hlawolega ke ga Jehova,” ke mo ba re ke “setwaba sa go hlawolega sa go tineyela [ka Seheberu, neʹzer, la gore le tšwa ga na·zirʹ].” (Ek 39:30, 31) Go fo tshwana le fapo yo ne yi rwala ke kgoši ya Israyele ya go tlotsiwa le yona ne ba re ke neʹzer. (2Sa 1:10; 2Mg 11:12; lebelela FAPO; GO TINEYELA.) Ga phutego ya Sekreste, lepostola le hlayye gore mosadi o neyiwwe moriri wo mo telele gore a tikgabise. Ke selo sa hlago sa gore se nyoko mo gopotsa gore o seyemong sa go sa tshwane le sa monna; di nyaka a tseyele hlogong go tinyanafatsa ka tlase ga molawo wa Modimo. Byalo melawo yowa—go sa kope moriri (go leng selo sa gore a sa tlwayelega ga monna), go sa nwe mokgete le go dula o yediye le go sa thilafale—ne di maka gore Monazari wa go tineyela a di bone gore go tikona tse dingwana le go tineyela ka go felegelela gore a thogo maka tso Modimo a di nyakang ne go le selo se segolo.—1Ko 11:2-16; lebelela MORIRI; GO KOGELA HLOGO; HLAGO.

Tso di Wutammeng ka Baebeleng

w05 1/15-SE 30 ¶2

Diputsiso Tsa bo ba Šeleng ba Badiye

Samsoni ne go le Monazari ka tsela ya go sa tlwayelega. Mo Samsoni a so ko belegiwa, lengeloyi la Jehova le butsiye mmane wage gore: “O nyoko yima, ke mokane wa belega ngwana wa mošomanyana, fote go sa be le legare lo le tikisang hlogo yage, ka taba la gore mo a belegiwa go nyoko ba Monazari wa Modimo; fote go nyoko ba yene ye a phonisang Maisrayele matsogong ya Mafilisita.” (Bayahludi 13:5) Samsoni aa yana gore go be Monazari. Ne go le Monazari ka gore o kgetiye ke Modimo, fote Bonazari byage ne bo nyoko ba gona go segela a kgwa. Molawo wa gore Monazari a sa tikisi setopo, gage ne wo sa bereke. Mo nkare ne wo bereka gage ke mokane a tikisa setopo a sa maka ka bomu, ne a nyoko thoma byang fase Bonazari bya gore bo thomme mo a belegiwa? Di fo šupa gore melawo ya Manazari ya lephelo ka moka ne yi fapana go gongwana le melawo ya Manazari ya go tineyela gore go be Manazari.