Ditodi Tsa Sepukwane sa Mogahlano wa Maphelelo le Matšhomayelelo
MARCH 1-7
MAKOLWANE KA TENG GA LENTSU LA MODIMO | DIPALO 7-8
“Tso re ka di Tšhutang ga Kampa ya Israyele”
it-1-E 497 ¶3
Phutego
Hala Israyele, bo ne ba beyiwwe gore ba yete mahlong ka dinako tse dingwana ne ba yemela batho. (Ez 10:14) Nka taba lo ka nthago ga gore ba hlome tabarenakele, “dindhuna tsa meloko” di yye dya leya dihlabelo. (Dip 7:1-11) Fote, ka dinako tsa Nehemiya, maprista, Malifi le ‘bo ba yetang batho mahlong’ ne go le bona bo ba yemelang batho ka go beya setwaba ga “kwano ya go tshepega.” (Neh 9:38–10:27) Mo Maisrayele ma sa le mašahleng, ne go na le “dindhuna tsa mogoba, bo ba bitsiwang megahlanong, banna ba go tuma,” 250 ya bo ba yyeng ba yema le Kora, Dathani, Abhiramo le Oni gore ba phigisane le Moše le Aroni. (Dip 16:1-3) Gore Moše a thogo maka tso a butsiweng tsona, o yye a kgeta 70 ya banna ba bagolo ba molawo gore ba mo gelepe go rwala “morwalo wa batho” wa gore o šitega go wo rwala a le ntoši. (Dip 11:16, 17, 24, 25) Lefitiko 4:15 yi bolabola ka “banna ba bagolo ba phutego,” fote di bonala nkare bo ba yemelang setšhaba ne go le banna ba setšhaba ba bagolo, dihlogo, bayahludi, le ba molawo.—Dip 1:4, 16; Još 23:2; 24:1.
it-2-E 796 ¶1
Rubeni
Kampa ya Israyele ya ba moloko wa Rubeni yi duli thina le barwayi ba Simiyoni le Ghadi, ne ba duli ka nthoko ya borwa bya tabarenakele. Mo meloko yowa ka meraro yi tloga ne yi yeta ke Rubeni, ne ba latelela moloko ka meraro ya Juda, Isakhara le Zebhuloni. (Dip 2:10-16; 10:14-20) Fote lowa ne go le letheto lo meloko yowa yi yyeng ya leya dihlabelo tsa yona mo tabarenakele yi thoma go bereka.—Dip 7:1, 2, 10-47.
w04 8/1-SE 25 ¶1
Monopo wa Puku ya Dipalo
8:25, 26. Gore mmereko wa Malifi wo ye mahlong gabutši, fote le go naganela bo ga gore ba tsofele, bo ba go tsofala ne ba tshwanele go lesa mmereko wo ne ba tshwanele go wo maka. Mara ne ba ka gelepa Malifi ya mangwana. Ka taba la gore lekgono a gona go lesa mmereko wa go sabalatsa ditaba tsa Mmušo, sosowa se re tšhutisa taba ya gabutši. Mo nkare Mokreste aa sa kgona go maka tso a di tshepisiyeng ka taba la go tsofala, a ka maka mmereko wa gore a ka wo kgona.
Tso di Wutammeng ka Baebeleng
it-1-E 835
Letšibula la Motho, Letšibula la Phoolwane
Ka taba la gore matšibula ya banna ga bana ba Maisrayele go se botala ne ma nyoko ba dihlogo tsa mitši ya go tlala, ne ba yemela setšhaba ka mokana ga sona. Jehova o hlayye gore setšhaba sowa ka mokana ga sona ke “letšibula” lage, ke setšhaba sage sa mathomo ka taba la kwano yo a yi makiyeng le Abhrahama. (Ek 4:22) Ka taba la gore Jehova o phonisiye maphelo ya bona, o yye a re “letšibula le lengwana le le lengwana la monna la gore le belegiwwe gare ga barwayi ba Israyele, gare ga batho le gare ga diphoolwane” le hlawolege gage. (Ek 13:2) Nka taba lo matšibula ya diphoolwane ne ma neyediwa ga Modimo.
MARCH 8-14
MAKOLWANE KA TENG GA LENTSU LA MODIMO | DIPALO 9-10
“Ka Mokgo Jehova a Yetetsang Batho Bage”
it-1-E 398 ¶3
Kampa
Mo batho ba tloga ka dikampa tsa bona ga poleke ka yyoši ba ya ga ye nngwana (Moše o bolabodiye ka gana hala ga 40 ya dikampa tsowa ga Dipalo 33) ne go le mošupetso wa gabutši wa go maka dilo ka letheto fote ne go sa hlakahlakana. Solanka liru le le gedimo ga tabarenakele, dikampa ne di dula polekeng ka yyoši. Mo liru le tloga, dikampa ne di tloga le tsona. “Mo Jehova a re ba hlome matente, ne ba hloma, mo Jehova a re ba sepele, ne ba sepela.” (Dip 9:15-23) Diporompeta ka dipedi tsa go makiwa ka siliva ne di fetisa tso Jehova a di hlayang ga kampa ya Israyele. (Dip 10:2, 5, 6) Modumo wa go ya gedimo le tlase ne wo botsa Maisrayele gore ma tloge. La mathomothomo mo sowa se makega ne go le ka “mongwaga wa bobedi [1512 B.C.E.], ka kgwedi ya bobedi, ka letšatši la bo-20.” Ke mo go tloga meloko ka meraro ya gore ne yi yetiye mahlong ke Juda, ke mokane Isakhara le wa Zebhuloni, ba yetiye ke areka ya kwano mahlong. Ne ba latelela ke Maghešoni le Mamerari ba rwele dilo tso ne ba butsiwwe gore ba di rwale tsa tabarenakele. Ka nthago ne go latela meloko ka meraro ya go yeta ke Rubeni mahlong, ba latelela ke Simiyoni le Ghadi. Ka nthago ga bona ne go tla Makhohati ya gore ne ma rwala dilo tsa go hlawolega, ke mokane go tla meloko ka meraro ya Efrayimi, ba latelela ke Manase le Bhenjamini. Ke mokane mafelelong, ne go feleletsa ka meloko ka meraro ya go yeta mahlong ke Dani ke mokane a na le Aša le Nafothali. Nka taba lo meloko ka mebedi ya gore ne yi tlele le ya go ba le matšhika ne yi yeta mahlong le go šalela nthago.—Dip 10:11-28.
w11 4/15-SE 4-5
Ayitsano o yi Kwisisa Byang Taba ya Gore Modimo wa re Yetetsa?
Re ka tišupetsa byang gore re leboga go yetetsa ke Modimo? Pawulo wa lepostola o yitseri: “Theetselaneng bo ba le yetang mahlong fote le tinyanafatseneng.” (Heb. 13:17) Go maka tsotsone di ka fo sa be lula. Mo re beyisa: Nagana o le Leisrayele la dinako tsa Moše. Nagana ka nthago ga go sepela matšatšinyana, liru kela mollo wa yema. Liru lone kela mollo wone ne wo nyoko dula nako ye kaye gana mone? Tšatši ka lloši? Beke ka yyoši? Dikgwedinyana? O ka tiputsisa gore, ‘Nje di ya nyakaga gore ke pakolle dilo tsaka ka moka?’ O ka thoma ka go fo pakolla dilo tso o di berekisang ka matla. Mara ka nthago ga matšatši, se o tinisiye ke go dula o fatolla, o thoma go pakolla dilo tsago ka moka. Mara mo o fetsa go pakolla, o bona liru kela mollo wo tloga—byalo di nyaka gore o thome fase o pake fote! Sosone ne se se lula kela go ba berekela. Mara Maisrayele ne di nyaka gore ma “tloge ka nthagonyana.”—Dip. 9:17-22.
Mara rune re titshwara byang mo ba re botsa tso re tshwaneleng go di maka? Ayitsano re leketsa ka matla go maka tso re butsiwang tsona ‘nako yonone’? Kela re fo ya mahlong re maka dilo ka mokgo re tlwayeleng go maka ka gona? Ayitsano ra yi tšiba melawo ya gana byalo, ya go tshwana le ya go tshwara morapelo wa mutši, go tšhomayelela batho ba mmolabolo wo mongwana, go tšhela letsogo ga morapelo wa mutši, go berekisana le komiti ya tsa go berekisana le dipetlele, le go titshwara gabutši megahlanong ye megolo? Mo re dumela mo ba re wolola, sosone se šupetsa gore re leboga go yetetsa ke Modimo. Mo di nyaka gore re make dipheto tse dikgolo, a re tshepe mahlalefelo ya rune mara re tshepa Jehova le mokgahlo wage gore ba re yetetse. Go fo tshwana le mo ngwana a nyaka go tšhireletsa ke babelegi bage mo go na le sedingwana, le rune re nyaka go tšhireletsa ke Mokgahlo wa Jehova ga mathatha ya lefase lowa.
Tso di Wutammeng ka Baebeleng
it-1-E 199 ¶3
Mogahlano
Ke Ntaba di Nyaka re Gahlane? Taba ya gore re tshwanele go theetsela tso Jehova a re botsang tsona ga taba ya go gahlana gore re tšhute ka tso tsage, ba yi šihlele go tshwana le Paseka yo ne yi makiwa mongwaga wo mongwana le wo mongwana. Monna ye mongwana le ye mongwana wa gore o yediye fote ne a sa ye go gongwana mara a fo kgeta go sa ye monyanyeng wa Paseka wa go tshwariwa mongwaga wo mongwana le wo mongwana a bolayiwe. (Dip 9:9-14) Mo Kgoši Hezekiya a bitsa bo ba dulang Juda le Israyele gore ba tle ba jabolele monyanya wa Paseka, o hlayye gore: “Lune barwayi ba Israyele, boyaneng ga Jehova . . . le sa womisi dihlogo tsa lune go tshwana le ka mokgo bokokwane ba lune ba yyeng ba maka ka gona. Neyaneng Jehova Poleke le boye le tle ga poleke yage ya gore o yi makiye gore yi hlawolege go-ya-go-yye le gore le berekele Jehova Modimo wa lune, gore go kwata gage ga gore gwa dura go sa tle ga lune. . . . Jehova Modimo wa lune o lukiye fote o kwelana go baba, a ka sa le jekele mo le ka boyela gage.” (2Kr 30:6-9) Mo motho a fo tikgetela go sa ye, tsotsone ne di šupetsa gore o lahliye Modimo. Mara le mo Makreste ma sa sa maka menyanya ya go tshwana le Paseka, Pawulo o yye a ma hlohletsela gore ma sa lesetse go tla megahlanong wa batho ba Modimo, o yitseri: “Tla re tseyelaneneng hlogong gore re rotetse go nyakanana ga rune le go makelana mebereko ya gabutši, re sa lesetse go gahlana, go tshwana le bo ba tlwayeleng go maka tsotsone, mara re tiyisaneneng, ka matlamatla ka taba la gore le lune le ya di bona gore letšatši le ya šutela.”—Heb 10:24, 25; lebelela PHUTEGO.
MARCH 15-21
MAKOLWANE KA TENG GA LENTSU LA MODIMO | DIPALO 11-12
“Ke Ntaba di sa Nyake re ba le Moya wa go Kokola?”
w01 6/15-SE 17 ¶20
Le sa Tšhutele go Lebala
20 Makreste ya go tlala a ma nyake go goromela ga taba ya go maka bonghwahla. Mara di nyaka re pasope gore re sa kraye re lelekisana le dilo tsa gore di nyoko maka gore re feleletse re šekela, ga gore Modimo aa kwane nago. Pawulo o re butsiye gore: “Tla re lesetseneng go leketsa Jehova, ka gore ba bangwana ba mo leketsiye, ba šinya ba bolaya ke dinoga. Fote lesetsaneng go kokola, ka gore ba bangwana ba yye ba kokola, ba šinya ba bolayiwa.” (1 Makorente 10:9, 10) Maisrayele ma yye ma kokolela Moše le Aroni—Eya, le ga mong Modimo—ba kokola ka gore o ba neyye manna ka mohlolo. (Dipalo 16:41; 21:5) Mara nje Jehova ne a kwa go baba ka taba la gore ne ba kokola kela ka taba ya gore ne ba maka bonghwahla? Baebele ya hlaya gore ba go tlala bo ne ba kokola ba yye ba bolaya ke dinoga. (Dipalo 21:6) Ne yi se botalanyana go bolayiwwe 14 700 ya batho ba gore ne ba kokola. (Dipalo 16:49) Byalo, ka gore Jehova o lefisiye pelo, tla re sa mo leketse ka go sa hlompi melawo yage.
w06 7/15-SE 15 ¶7
‘Le sa Kokole’
7 Bona ka mokgo Israyele yi yyeng ya tšhentšha ka gona! Ba yye ba šupetsa gore baa leboga ka matla ka nthago ga gore ba tšwe Egepita le ka nthago ga gore ba phonisiwe ku ga Lewatle le Lekhubedu, fote tsotsone di yye dya ba tšhofa gore ba yepelelele Jehova dikoša tsa go mo thanaka. (Eksoda 15:1-21) Ka nthago ga gore batho ba Modimo ba fete tsa go ba šekedisa le taba ya go tšhaba Makanana, ba yye ba sa sa leboga ke mokane ba thomisa go sa sa kgotsofala ka tso ne ba le natso. Mo go tshwanele gore ba leboge Jehova gore o ba lokolliye, bona ba yye ba re ke Modimo wa go maka gore ba feleletse ba makiye dilo tsa go sa loka ka gore o ba konne dilo tse dingwana. Go kokola ke mo go le tsela ya go šupetsa go sa leboge melawo ya Jehova. Nka taba lo Modimo a yyeng a re: “Setšhaba sowa sa go sa loka se nyoko ya mahlong se nkokolela go segela neng?”—Dipalo 14:27; 21:5.
it-2-E 719 ¶4
Go Phigisana
Go Kokola. Go kokola go maka gore motho a kgongwele fote go maka le gore a lelemele. Ne yi se botala Maisrayele ma tšwile Egepita, mara ma yye ma kokolela Jehova, ma solasola ka mokgo malata yage Moše le Aroni ne ba ma yetetsa ka gona. (Ek 16:2, 7) Ka nthagonyana, go šekela ga bona go yye gwa maka gore Moše a kgongwele tsa gore a feleletse a kgopela go kgwa. (Dip 11:13-15) Go kokola go ka ba kotsi ga ye a kokolang. Jehova o yye a tseya dilo tso bo ne ba kokolela Moše go le go sa theetsele ye ne a mmeyye gore a ba yete mahlong le go šekedisa nka mokgo a ba yetetsang ka gona. (Dip 14:26-30) Ba go tlala ba yye ba kgwa ka taba la go phelela go nyakela selo sa gore ne ba nyoko se berekisa gore ba thogo kokola.
Tso di Wutammeng ka Baebeleng
it-2-E 309
Manna
Ka Mokgo ne ma le ka Gona. Manna ke mo go le dilo tse dingwana “tsa nkare ke dintlu” mara fote di “bonala” nkare ke bolepo, tsa gore di tiyyenyana fote di ya bonabona, fotefote mo o di lebelele nkare ke lekolwane. Ne ma kgwagala nkare “ke dikgwa tsa sepyatla tsa go ba le todi ya dinose” kela “dikgwa tsa dipyatla tsa go tšhediwa oyili tsa go tswetswenyela.” Mo ba fetsa go šila manna ga lwala, ne ba ma bidisa kela ba maka dikgwa le go bhaka.—Ek 16:23, 31; Dip 11:7, 8.
MARCH 22-28
MAKOLWANE KA TENG GA LENTSU LA MODIMO | DIPALO 13-14
“Ka Mokgo Tumelo yi Makang Gore re Šišimale”
w06 10/1-SE 16-17 ¶5-6
Go Šišimala o Kene o na le Tumelo le go Tšhaba Modimo
5 Jušuwa le Khalebho ba gore ne ba ba romme gore ba ye hlola naga ne ba nyaka ka matla go kena ga Naga yo ba Tshepisiwweng yona. Ba yitseri Makanana “ke sekgwa ho ga rune”. “A ba sa tšhireletsegiye, fote Jehova o na le rune. Le sa ba tšhabe.” (Dipalo 14:9) Ayitsano Jošuwa le Khalebho ne ba tshepele ga selo sa gore a se šiyo? Awwa! Bona le setšhaba ka moka ba di bonne mo Jehova a poyila Egepita ya go ba le matšhika le medimonyana ya gona ka Mesasamelo ya Lesome. Ke mokane ba yye ba bona mo Jehova a fetsa ka Faro le masole yage ga Lewatle le Lekhubedu. (Pisalema 136:15) Di fo ba lekgwaying gore banna bowa ba lesome ba gore ne ba ba rumme gore ba ye pombhola naga le bo ne ba ba thega ne ba se na selo sa go ka maka gore ba tšhoge. Jehova o yitseri “Ba nyoko lesetsa neng go sa ntshepe ka taba la dilo tso ke di makiyeng ba kene ba lebelele?” go šupetsa gore o kwile go baba.—Dipalo 14:11.
6 Jehova o hlayye mo bothatha bo thommeng gona—boghwala bya bona bo makiye gore ba sa be le tumelo. Eya, tumelo le lešiši di sepela ggoši, tsa gore le Johane wa lepostola o ngwalele phutego ya Sekreste a bolabola ka ntwa yo Makreste ma yi lwang: ‘Tumelo ya rune ke yona yo yi hludiyeng lefase.’ (1 Johane 5:4) Lekgono tumelo ya go tshwana le ya Jošuwa le ya Khalebho yi maka gore Dihlatse tsa Jehova tsa go teya ka ku ga 6 ya dimiliyoni, ba bagolo le ba banyana, ba go na le matšhika le ba go lelemela, ba tšhomayele ditaba tsa go bafala tsa Mmušo lefaseng ka mokana ga lona. A gona motho wa gore o di kgonne tsa go kgomoletsa masole yawa ya go tlala ya go na le lešiši.—Maroma 8:31.
Tso di Wutammeng ka Baebeleng
it-1-E 740
Naga yo Modimo a yi Neyyeng Israyele
NAGA yo Modimo a yi neyyeng Israyele ne go le naga ya go bafala ka matla. Mo Moše a roma banna gore ba ye pombhola Naga yo ba ba Tshepisiyeng yona le gore ba boye le tso naga yone yi kgonang go di ntsha, ba yye ba boya le mago, digarenate, le lekala la go ba le ditšhotšho tsa didhreva tsa gore ne yi le tse di kgolo tsa go šinya di nyaka banna ka babedi gore ba di rwale! Le mo ba tšhogiye ka taba la go sa ne le tumelo, ba yye ba hlaya gore: ‘Tsa mannete naga yela ye yela lebese le todi ya dinose.’—Dip 13:23, 27.
MARCH 29–APRIL 4
MAKOLWANE KA TENG GA LENTSU LA MODIMO | DIPALO 15-16
“Pasopa Gore o sa be le Magetla le go Titshepa ka Matla”
w11 9/15-SE 27 ¶12
Ayitsano Jehova wa go Tšiba?
12 Mo setšhaba sa Israyele se le tseleng ya go ya ga Naga yo ba Tshepisiwweng yona, Kora o yye a nagana gore go na le bothatha ka mokgo Modimo a makang dilo ka gona. Ke mokane 250 ya banna ba setšhaba bo ne ba yeta mahlong ba yye ba yema le Kora mo a leketsa go tšhentšhatšhentšha dilo. Di ka makega gore Kora le banghana bage ba yye ba tseya gore bona le Jehova ba sa na ba le banghana. Ba yye ba botsa Moše gore: “Se re kwele ka wene, ka taba la gore setšhaba so ka moka se hlawolegiye fote Jehova o gare ga sona.” (Dip. 16:1-3) Ra di bona gore ne a di tshepiye ka matla le go ba le magetla! Moše o ba butsiye gore: “Jehova o nyoko re botsa gore ke mang ye go leng wage.” (Bala Dipalo 16:5.) Mo letšatši la ka montshwana le fela, Kora le ka moka bo ne ba yema naye mo a ganetsa melawo ne ba kgwile.—Dip. 16:31-35.
w11 9/15-SE 27 ¶11
Ayitsano Jehova wa go Tšiba?
11 Moše le Kora ne ba sa tshwane le ka go nyana mo go tla ga taba ya go šupetsa gore ba Hlompa ka mokgo Jehova a beyyeng dilo ka gona le dipheto tsage. Ka mokgo ne ba maka dilo ka gona, ne go le ka taba la gore baa tšiba gore Jehova o tseya dilo byang. Kora ne go le Lelifi la Mokhohathi, fote o yye a jabolela dilo tsa go tlala, go tshwana le go bona mo setšhaba se phonisiwa ku ga Lewatle le Lekhubedu, go thega ka mokgo Jehova a yyeng a yahlula Maisrayele ya go sa theetsele ku Thabeng ya Senayi, le go boya a ba gona ga ba go rwala areka ya go kwanisa. (Ek. 32:26-29; Dip. 3:30, 31) Di fo ba lekgwaying gore ke mo a tshepega ga Jehova mengwaga ya go tlala fote ba go tlala kampeng ya Israyele, ne ba kopisela gage.
Tso di Wutammeng ka Baebeleng
w98 9/1-SE 20 ¶1-2
Tso di Tshwaneleng go Yeta Mahlong, di Yetise Mahlong!
Jehova ke mo a tseyela dilo gedimo ka matla. “Go gongwana,” Baebele yi hlaya gore, “Jehova o yye a botsa Moše gore: ‘Motho yene di nyaka a bolayiwe.’” (Dipalo 15:35) Ke ntaba Jehova ne a tseya selo so motho yene a se makiye go le se segolo?
Batho ne ba na le kobodi (6) ya matšatši gore ba rwalele mahlare le tsa go ja, dikobo le gore ba lukise mo ne ba nyoko dula gona. Ka letšatši la kašupa, ne ba tšhuta ka Modimo kela go maka tsa Modimo fela. Le mo nkare motho ne a sa sinyi mo a kotela mahlare, mara ke mo a sinya mo a kotela mahlare ka nako ya gore ne ba re ke ya gore ba tshwanele go maka tsa Jehova. Le mo nkare Makreste a ma latelele Molawo wa Moše, mara ayitsano a re tšhuti se sengwana ga taba ya go tšiba tso di tshwaneleng go tla mahlong?—Mafilipi 1:10.
APRIL 5-11
MAKOLWANE KA TENG GA LENTSU LA MODIMO | DIPALO 17-19
“Ke Nna . . . Lefa la Lune”
w11 9/15-SE 13 ¶9
Ayitsano Jehova ke Lefa Lago?
9 Nagana ka Malifi, ya gore a maa kraya naga. Ka gore morapelo wa mannete ne go le selo so ne ba se tseyela gedimo ka matla, ga dilo tsa go tlala, ne ba tshwanele ba tshepele ga Jehova gore go be yene ye a ba pasopang, wa gore o ba butsiye gore: “Ke nna lefa la lune.” (Dip. 18:20) Le mo nkare a re bereke ga tempele ya mannete go tshwana le maprista le Malifi, re ka ba yekisela, re sa kamake gore Jehova o nyoko re pasopa. Tshepo ya rune ga matšhika ya Modimo ya gore o nyoko re pasopa, yi napa yi ro gola mo re kene re kenelela ga matšatši ya mafelelo.—Kut. 13:17.
w11 9/15-SE 7 ¶4
Jehova ke Lefa Laka
4 Mmereko wo Malifi ne ma neyiwwe wona ne wo rela ying ga bona? Jehova o yitseri o nyoko ba lefa la bona ka tsela ya gore yene ne a ka sa ba neye naga go le lefa, mara ne a nyoko ba neya mebereko. Go ba “moprista wa Jehova” ne go le lefa la bona. (Još. 18:7) Taba yowa yi leng ga Dipalo 18:20 yi ro napa yi šupetsa gore aa ba šiya ba sena selo. (Bala Dipalo 18:19, 21, 24.) Maisrayele ne ma tshwanele go neya Malifi ‘sa lesome ga dilo ka moka ka taba la mmereko wo ma wo makang.’ Ne ma kraya sa lesome ga tso Maisrayele ma di bunneng. Ke mokane Malifi le wona ne ma neyela sa lesome ga tso ma di krayyeng, ma neyela “ka mong tsa gabutši tsa gona,” gore ma thege mmereko wa maprista. (Dip. 18:25-29) Maprista le wona ne ma neyiwa “meneyelo ka moka ya go hlawolega” ya gore barwayi ba Israyele ba yi leyye ga Modimo ga poleke yo ba rapelang ga yona. Nka taba lo maprista ka moka le bo ba berekisanang nabo ne ba sa kamake gore Jehova o nyoko ba pasopa.
Tso di Wutammeng ka Baebeleng
g02 6/8-E 14 ¶2
Letswayi—Selo sa go Rekisiwa
Letswayi le lona ba yye ba le berekisa gore le tshwanisele matšhika le go tiyelela. Byalo, ka Baebeleng kwano yo ne ba re ke “kwano ya letswayi,” fote le menyanya ya gona ne go jiwa tsa ja tsa go na le letswayi ggoši, gore ba thogo tiyisa kwano yone. (Dipalo 18:19) Ka tlase ga Molawo wa Moše, ne ba tšhela letswayi ga sehlabelo aletareng, fote ne ba maka gore se sa sinyegi kela se sa boli.
APRIL 12-18
MAKOLWANE KA TENG GA LENTSU LA MODIMO | DIPALO 20-21
“Ariye Mahlong o Tinyanafatsiye le mo o Kgahleletsegiye”
Tinyanafatse Gore o Thogo Jabodisa Jehova
19 Re ka sa make diphošo. O ka fo ba o sa yi gopola taba ya Moše. O fetsiye mengwaga ya go tlala a tšibega go le motho wa go tinyanafatsa fote a jabodisa Jehova. Mara ka nthago ga 40 ya mengwaga ya go baba yo Moše a yi fetsiyeng a le ku mašahleng, tsela tsa gore o tinyanfatsiye di yye tsa mo khwanyogela. Ke mo go se botala go hlokofele sesi wage, go šupa nkare ke yene yela wa gore o mo thušiye gore ba sa mmolaye ku Egepita, ke mokane ba mmolokiye Kadeshe. Byalo le gana byalo Maisirayele ma yye ma thomisa go kokola ka tsetsela tsa gore ma gayela dilo tse dingwana. Gana byalo ke mo ba ‘llela Moše’ ba re a go na meetši. Le mo Jehova a berekisiye Moše go maka mehlolo ke mokane Moše le yene a lesetsa dilo tsa go tlala a ba yetetsa, batho ba yye ba fo ya mahlong ba kene ba kokola. Ke mo ba sa kokole ka meetši fela mara ke mo ba kokola le ka yene mong Moše, tsa nkare ke yene a makiyeng gore ba wongwe meetši.—Dip. 20:1-5, 9-11.
Tinyanafatse Gore o Thogo Jabodisa Jehova
20 Moše o yye a kwata ka matla, a šinya a šitega go titshwara. Aa maka tso Jehova a mmutsiyeng tsona tsa gore a bolabole le letlapa lela, mara Moše o yye a kgwasolanya batho bale ke mokane a hlaya gore ke yene a ba neyang meetši. Ke mokane a teya letlapa lela gabedi, gwa tšwa meetši ya go tlala. O šinnye a sinya ka mokgo a makisa ke go kwata le go ba le magetla. (Pis. 106:32, 33) Moše o yye a phiriketsega ka gonyananyana a šitega go tinyanafatsa, tsotsone tsa maka gore a sa kene ga Lefase lo ne ba Tshepisiwwe lona.—Dip. 20:12.
21 Go na le dilo tse dikgolo tso re di tšhutang ga taba yowa. Sa mathomo ke gore di nyaka re sa lesetse go karakara gore re dule re tinyanafatsiye. Mo re ka fo šepisa ka gonyana, re ka thomisa go ba le magetla ke mokane ra maka kela ra bolabola dilo re sa nagana. Sa bobedi ke gore go šekela go ka re lelemetsa, byalo di nyaka re karakare gore re dule re tinyanafatsiye, le mo go ka fo ba go roba byang..
w09 9/1-SE 19 ¶5
Wa go Dula a Yahlula Gabutši
Sa mathomo, Modimo ne a sa botsa Moše gore a bolabole le batho, le gore a yahlule ba go sa loka. Sa bobedi, Moše le Aroni ba yye ba šitega go gadimisa Modimo. Modimo o yitseri, “A le ya . . . n’gadimisa.” (Temanyana 12) Mo Moše a re “re nyoko le ntshela meetši,” o bolabodiye nkare yene le Aroni—go seng Modimo—ne go le bona bo ne ba nyoko ba ntshela meetši ka mohlolo. Sa boraro, mantsu yane ma bolabodiwwe mo go yahludiwa batho ku nthago. Modimo o yye a maka gore bana ba mathomo ba gore ba sinnye ba sa kene Kanana, byalo o makiye ka mokgonone le ga Moše le Aroni. (Dipalo 14:22, 23) Sa bone, Moše le Aroni ke mo go le bona bo ne ba yeta Israyele mahlong. Mo motho ba mo yeketsela mmereko, go ba le dilo tsa go tlala tso a tshwaneleng go di yemela ga Modimo.—Luka 12:48.
Tso di Wutammeng ka Baebeleng
w14 6/15-SE 26 ¶12
Ayitsano o Tseya go sa Felegelela ga Batho ka Mokgo Jehova a go Tseyang ka Gona?
12 Ga seyemo se sengwana le se sengwana mo Aroni a sinnye, Jehova ne a ka fo ba a yye a mo wolola ka nako yonone. Mara o yye a re Aroni a yi motho wa go sa loka kela go napa a ro re ke yene mo ba sinya. Di bonala nkare Aroni o yye a dumelela mayemo kela ba bangwana ba mo maka gore a sa make dilo gabutši. Mara, mo a butsiwa gore o sinnye, o yye a dumela ke mokane a thega ka mokgo Jehova a yyeng a yahlula ka gona. (Ek. 32:26; Dip. 12:11; 20:23-27) Jehova o yye a kgeta go lebelela tumelo ya Aroni ka matla le ka mokgo ne a šupetsa gore wa tisola. Ka nthago ga mengwaga ya go tlala, Aroni le bana bage ne ba gopodiwa go le batho ba go tšhaba Jehova.—Pis. 115:10-12; 135:19, 20.
APRIL 19-25
MAKOLWANE KA TENG GA LENTSU LA MODIMO | DIPALO 22-24
“Jehova o Maka Gore Dilo Tsa go Baba go be Tsa Gabutši”
bt-SE 53 ¶5
Go Sabalatsa “Ditaba Tsa go Bafala ka Jeso”
5 Go fo tshwana le dinako tsa ku botala, le lekgono go hlorisiwa ga batho ba Modimo a go yemisi mmereko wa bona wa go tšhomayela. Mo ba dula ba gapeletsa gore Makreste ma tloge ga poleke ye nngwana ma ye ga ye nngwana—go ka ba go tloga jele go ya ga naga ye nngwana—di makiye gore molayetsa wa Mmušo wo segele ga naga yone. Mo re beyisa, ga Ntwa ya Bobedi ya Lefase, Dihlatse tsa Jehova di yye dya tšhomayela ditaba tsa go bafala mo di le ga kampa ya Nazi ya mahloriso. Mojuda wa gore o yye a gahlana le Dihlatse gana hone kampeng o re: “Mabhantiti ya gore ne ma bebiye fote ma na le lešiši ya gore ke Dihlatse tsa Jehova ma yye ba nšupetsa gore ma na le tumelo ka taba la tso ma di badiyeng Mangwalong—le nna ka thomisa go ba Hlatse.”
it-2-E 291
Go Lwala ho Hlogong
Go Lwala ka Taba la go Ganetsa Jehova. Moporofeta Bhalamo ka botlayela o yye a nyaka go porofeta tsa go befa ka Israyele gore a kraye tšheleta ga Kgoši Bhalaka wa Mowaba, mara Jehova o yye a mo hlula a maka gore tsotsone di sa makege. Petro wa lepostola o ngwadiye tsowa ka Bhalaka gore “bhongholo ya go sa kgone go bolabola yi yye ya bolabola ka lentsu la motho, ya maka gore moporofeta a sa make dilo tso ne a nyaka go di maka tsa go lwala.” Lepostola mo le bolabola ka go lwala ga Bhalamo le berekisiye lentsu lowa la Segerika la gore pa·ra·phro·niʹa, la go rela gore “go hlakahlakana hlogo.”—2Pe 2:15, 16; Dip 22:26-31.
Tso di Wutammeng ka Baebeleng
w04 8/1-SE 27 ¶2
Monopo wa Puku ya Dipalo
22:20-22—Ke Ntaba Jehova a Yye a Kwatela Bhalamo? Jehova o yye ba botsa moporofeta Bhalamo gore a sa bolabole dilo tsa gore ne di nyoko maka gore Maisrayele ma tlele ke dilo tsa go befa. (Dipalo 22:12) Mara, moporofeta Bhalamo o yye a ya le banna ba Bhalaka a tikemisele gwe bolabola tsa gore Maisrayele ma makegele ke dilo tsa go befa. Bhalamo ne a nyaka go jabodisa kgoši ya Mowaba le gore yi mo neye se sengwana kela yi mo patele. (2 Petro 2:15, 16; Juda 11) Le mo nkare Bhalamo ne ba ro mo gapeletsa gore a rufe Israyele go na le gore a make gore yi makegele ke dilo tsa go befa, o yye a nyaka gore kgoši yi kwane naye ka gore a yi botse gore yi make gore basadi ba go rapela Bhaali ba ye ga banna ba Maisrayele ba ye maka gore ba yetsele nabo. (Dipalo 31:15, 16) Fote so se makiyeng gore Modimo a kwatele Bhalamo ke gore moporofeta yene aa tshepega.
APRIL 26–MAY 2
MAKOLWANE KA TENG GA LENTSU LA MODIMO | DIPALO 25-26
“Ayitsano Tso di Makang ke Motho ka Wweši di ka Yama Batho ba go Tlala?”
lvs-SE 118 ¶1-2
“Tšhabaneng Bonghwahla!”
SEGELE sa go loba dihlapi ke motho wa gore o tšiba poleke yo a nyoko krayang dihlapi tso a di nyakang. O hlawola gabutši selo so a nyakang go di woka ka sona ke mokane a bošela selobo sage ka ku meetšing. O yema a lefisiye pelo go segela mo hlapi yi jela ke mokane a yi tanya.
2 Batho le bona ba ka lobiwa go tshwana le dihlapi. Mo re beyisa, nakwela Maisirayele ma le thina le go kena ga Naga yo yi Tshepisiwweng ma yye ma hloma matente ga Melaleng ya Mowaba. Kgoši ya Mowaba yi yye ya tshepisa morene mongwana ye ba reng ke Bhalamo gore mo a ka maka gore Maisrayele ma poyilege, o nyoko mo neya tšheleta ye nngwana ya go bafala ka matla. Lešuba le yye la šinya le thulega la gore Bhalamo a poyilanye Maisrayele. O yye a hlawola sa go ba loba ka sona gabutši. O yye a romela makgareba ya Mamowaba kompong ya Maisrayele gore ba ye ba woke banna ba hone.—Dipalo 22:1-7; 31:15, 16; Kutullo 2:14.
lvs-SE 119 ¶4
“TŠHABANENG BONGHWAHLA!”
4 Ke ntaba Maisrayele ya go tlala ma yye ma tlungwela molabong wowa wa Bhalamo? Ma yye ma lebala ka tso Jehova a yyeng a ma makela tsona ke mokane ma tinaganela ma ntoši. Maisrayele ke mo ma tšiba dilo tsa go tlala tso di ka makang gore ma dule ma tshepaga ga Modimo. O yye a ma ntsha bobhantiting ku Egepita, a boya a ma pasopa ku mašahleng ke mokane ma segela ma pasopegiye ga Naga yo a ma Tshepisiyeng yona. (Maheberu 3:12) Le mo go le sone, ma yye ma tšwa pateng ka taba la bonghwahla. Pawulo wa lepostola o ngwadiye gore: “Le rune tla re sa titlwayetseneng go maka bonghwahla go tshwana le tso di makiyeng ke ba bangwana ba bona, ba šinya ba phikega.”—1 Makorente 10:8.
Tso di Wutammeng ka Baebeleng
it-1-E 359 ¶1-2
Mo Naga yi Kgerang
Di šupa nkare nakwela ba neya meloko dinaga, ne ba yi neya ba berekisa dilo ka dipedi: go lahla dikgakgara le gore moloko wone wo tlele go segela kaye. Dikgakgara ne di šupetsa gore ke moloko wofeng wa gore wo kraya naga yifeng fote kaye ga gona, go tshwana le Lebowa kela Borwa, Bohlabela kela Bodikela, le lebaleng la thina le lewatle, kela thina le dithaba. Mo dikgakgara di welang gona ne go kgetiye Jehova fote tsotsone ne di nyoko maka gore meloko yowa yi sa jelaselane kela go lwa. (Diy 16:33) Ka mokgonone ne go le Modimo ye ne a lawola ditaba tsowa gore moloko wo mongwana le wo mongwana wo kraye naga go yelana le tso Mopatriyareka Jakobo wa gore o hlokafele a di hlayyeng ga Genesi 49:1-33.
Ka nthago ga go lahla dikgakgara le go tšiba gore moloko wone wo kraya naga nthoko yifeng, ne di nyakega gore ba pombhole gore wo kraya naga ya go teya kaye go ya le gore moloko wone wo tlele go segela kaye. “Le ngathelane naga yowa ka go lahla dikgakgara go ya ka mitši ya lune. Ga bo ba gore ba tlele ba neye ye kgolo, ga bo ba gore a ba tlala o ba neye naga ye nyana. Mo dikgakgara di welang gona, ke mo go leng naga yage.” (Dip 33:54) Ne ba ka sa kgone go tšhentšha naga yo yi kgetiwang ka go lahla dikgakgara, mara ne ba ka kgona go hlaya gore ba kraya ye kgolo kela ye nyana go segela. Nka taba lo mo ba bona gore naga yo yi krayyeng ke Juda ne yi le ye kgolo ka matla, ba yye ba yi poma ka go neya Moloko wa Simiyoni dikopa tsa yona.—Još 19:9.