Ditodi Tsa Sepukwane sa Mogahlano wa Maphelelo le Matšhomayelelo

JULY 5-11

MAKOLWANE KA TENG GA LENTSU LA MODIMO | DOTORONOMA 11-12

“Ka Mokgo Jehova a Nyakang re mo Rapela ka Gona”

it-2-E 1007 ¶4

Moya

¹Go Bereka ka Bowene ka Moka. Lentsu “moya” gabutšibutši le rela motho ka moka. Mangwalo ma re kutšetsela gore motho o tshwanele a nyake Modimo le go mmerekela ka ‘pelo yage ka moka le ka boyene byage ka moka’ (Dot 4:29; 11:13, 18), fote Dotoronoma 6:5 yi re: “Ga Jehova Modimo wago o tshwanele go mo nyaka ka pelo yago ka moka le ka bowene byago ka moka le ka matšhika yago ka moka.” Jeso o yitseri di ro nyakega gore motho a bereke ka boyene ka moka le ka matšhika yage ka moka, a boya a tokegela le ka gore, “le ka monagano wago ka mokana ga wona.” (Mar 12:30; Lu 10:27) Putsiso ya nyarela gore ke ntaba dilo tsowa ka moka di hlayiwa mo go bolabodiwa ka moya, ka gore lentsu lone le tšhela dilo tsone ka moka. Re ka fo yi beyisa ka mokgo: Motho a ka tirekisa (a rekisa moya wage) bobhantiting, ke mokane a thomisa go lawola ke motho ye a mo rekiyeng kela mong wage. Mara a ka fo sa berekele mong wage ka pelo yage ka moka, a sa tšhofe ke go nyaka go mo jabodisa, fote a ka fo sa berekisi matšhika yage ka moka le monagano wage ka moka go maka tso di nyakang ke mong wage. (Tshwanisa le Ef 6:5; Kol 3:22.) Byalo dilo tsowa di ngwadiwwe gore re sa di lebale mo re berekela Modimo, wa gore rune re bage, le Morwayi wage, wa gore o re lepolliye ka sehlabelo sage. Go Berekela Modimo ka “Bowene ka moka” di rela le go mmerekela ka mmele wago ka moka, ka matšhika yago ka moka, o sa šiyi selo.—Tshwanisa le Mat 5:28-30; Lu 21:34-36; Ef 6:6-9; Flp 3:19; Kol 3:23, 24.

it-1-E 84 ¶3

Aletare

Maisrayele ne ma butsiwwe gore ma pyitlanye dialetare ka moka tsa gore ne di makiye ke batho ba go sa rapele Modimo wa mannete tsa gore ne ba di makele medimonyana ya matsaka le dithombhe tso ne ba re di hlawolegiye tsa gore ne di rapediwa le tse dingwana tsa gore ne di yagiwwe ka ho nthoko ga tsona. (Ek 34:13; Dot 7:5, 6; 12:1-3) Ne ma sa tshwanela go yekisela ba bangwana kela go maka dihlabelo mollong ka bana go tshwana le Makanana. (Dot 12:30, 31; 16:21) Maisrayele ne ma tshwanele go ba le aletare ka yyoši, ya gore ke ya Modimo ka wweši wa mannete, fote ne yi tshwanele go ba ho Jehova a kgetang gore yi be gona, bona ne ba sa tshwanela go ba le tsa go tlala. (Dot 12:2-6, 13, 14, 27; go sa tshwane le Bhabhilona ga gore ne go na le 180 ya dialetare tsa modimonyana ye ba reng ke Išatha a le ntoši.) Ba yye ba thomisa ka go butsiwa gore ba make aletare ya gore yi makiwwe ka matlapa ya gore ma tokeganne mo ba tshela Noka ya Jorodane (Dot 27:4-8), fote yi yagiye ke Jošuwa ku Thabeng ya Ebhali. (Još 8:30-32) Mo ba šele ba kopelanne naga yo ba yi krayyeng ka gore ba hludiye, moloko wa Rubeni le wa Ghadi, le sekopa sa moloko wa Manase wo yye wa yaga aletare ya go tshwanisela ka nthoko ga Jorodane, fote sosone se yye sa kwatisa meloko ye mengwana go segela go hlayiwa gore aletare yone a ya makediwa gore yi nyoko berekisiwa mo go rapediwa Modimo, mara ke ya segopotso gore ba berekele Jehova go le Modimo wa mannete ka go tshepega.—Još 22:10-34.

Tso di Wutammeng ka Bhayibeleng

it-1-E 925-926

Gherizimi, Thaba

Go sipidisana le melawo yo Maisrayele ma yi krayyeng ga Moše, meloko ya Israyele ne yi gahlanne Dithabeng tsa Gherizimi le ga ya Ebhali ka nthagonyana ga gore ba botse ke Jošuwa melawo mo ba tšwa Ayi. Batho bone ba kwile mo go badiwa tso ba nyoko rufiwang ka tsona mo ba ka theetsela Jehova le tsa go baba tso ne di ba yemele mo ba ka sa mo theetsele. Meloko ya Simeyoni, Llifi, Juda, Isakhara, Josefa le Bhenjamini ne yi yemme mahlong ga Thaba ya Gherizimi. Malifi le areka ya go kwanisanya ne di le lebaleng, fote kobodi ya meloko ye mengwana ne yi yemme mahlong ga Thaba ya Ebhali. (Dot 11:29, 30; 27:11-13; Još 8:28-35) Meloko yo ne yi le mahlong ga Thaba ya Gherizimi, ne yi fetola mo go badiwa tso ne ba nyoko rufiwa ka tsona, ke mokane meloko ye mengwana yona ne yi fetola mo go badiwa dilo tsa go sasamela mo ba ka sa theetsele ba le Thabeng ya Ebhali. Ba bangwana ba hlaya gore ne go badiwa tso ne ba nyoko rufiwa ka tsona ku Thabeng ya Gherizimi ka taba la gore yi bafele fote mobu wa yona wo nonne, a yi tshwane le Thaba ya Ebhali ya gore yi na le matlapa fote mobu wa yona a wa nona, mara Bhayibele a yi hlaye selo ka taba yone. Molawo ne wo balediwa gedimo “mahlong ga setšhaba sa Israyele ka moka, go na le basadi le bana ba banyana le ba gore ne go se Maisrayele ba gore ne ba le nabo.” (Još 8:35) Mogoba wowa ne wo kwa mantsu ya ne ma badiwa wo le dithabeng tso ne wo le ga tsona. Tsotsone ne di ka fo ba di maka ke gore poleke yone ne yi kgona go maka gore lentsu le kwagale kela go rasa.—Bona EBHALI, THABA.

JULY 12-18

MAKOLWANE KA TENG GA LENTSU LA MODIMO | DOTORONOMA 13-15

“Ka Mokgo Molawo ne wo Šupetsa Gore Jehova o Hlupega ka ba go Tihlupegela”

it-2-E 1110 ¶3

Sa Lesome

Di bonala nkare ne go na le sa lesome le lengwana lo ne le ntshiwa fote, lona ne le beyiwa ka thoko mongwaga wo mongwana le wo mongwana, lona ne le sa nape le thega maprista ya Malifi mara ne ma ka kgona go ntsha ga lona. Ga go tlala tsa lesome ne di berekisiwa ke mitši ya Maisrayele mo ba gahlanne go na le monyanya wa setšhaba. Ka gore go ya Jerusalema ne go le kgole ka matla gore ba ka yisa dilo tsone tsa ka lesome, tso di gahlanisiwweng ne di yisiwa go le tšheleta Jerusalema dya berekisiwa gore go thogo thega mitši le gore yi jabolele mogahlano wa go hlawolega ba le gana hone. (Dot 12:4-7, 11, 17, 18; 14:22-27) Ke mokane ka nthago ga 3 le ka nthago ga 6 ya mengwaga ga 7 ya wona ya sabatha, sa lesome lone ne le sa berekisediwi ga dilo tsa megahlano ya setšhaba, mara ne le beyiwa gore le ye ga Malifi, ga batho ba go tšwa dinageng tse dingwana, ba gore ba hlokofalele ke banna, le ga bana ba gore ba hlokofalele ke bopapa gana hone ba dulang gona.—Dot 14:28, 29; 26:12.

it-2-E 833

Mongwaga wa Sabatha

Mongwaga wa Sabatha ne ba re ke “mongwaga wa go ntshiwa [hash·shemit·tahʹ].” (Dot 15:9; 31:10) Ka mongwaga wone, naga ne yi sa gašiwi. (Ek 23:11) Fote ne ba nyoko lesetsa bo ba gore ba na le dikoloto. Go ‘ntshiwa hone ne ba makela Jehova’ go le go šupetsa gore baa mo hlompa. Batho a ba yi tseye go tshwana taba yowa, ba bangwana ne ba hlaya gore sekoloto sone ne se sa nape se sudiwa, mara ne di ra gore ye a kolotiwang ne a ka sa reri Leheberu gore le mo patele ka gore ne le ka sa gole mongwaga wone; mara motho ne a ka rera ye mongwana wa go tšwa nageng ye nngwana tšheleta yage. (Dot 15:1-3) Mathitšere ya mangwana ma re sekoloto sa gore o se tsere ka taba la gore o nyoko gelepa mogageru wa go tihlupegela ne se sudiwa, mara dikoloto tsa go yelana le dilo tsa dibhisinisi ne di wela go gongwana. Ba bangwana ba re Hillel o makiye molawo wa gore mo motho a yadimme ye mongwana di kgonege gore a kwane le khota gore so a mo yadimmeng sona se tshwanele se boye.—The Pentateuch and Haftorahs, edited by J. Hertz, London, 1972, pp. 811, 812.

it-2-E 978 ¶6

Lebhantiti

Melawo ya go hlaya gore lebhantiti le tshwariwa byang ke mong wa lona. Ga Maisrayele, lebhantiti la Leheberu ne le sa tshwariwi go tshwana le lebhantiti la go tšwa nageng ye nngwana. Lebhantiti la gore a yi Leheberu ne go ba la mong wa lona fote ne le ka fetisediwa ga papa go ya ga morwayi (Lef 25:44-46), ke mokane la Leheberu le lokolliwa ka mongwaga wa kašupa kela ka mongwaga wa Jubhili, di ko ya ka gore go thomisiye wofeng. Mo Leheberu le kene le bereka go le lebhantiti, ne le tshwariwa go tshwana le motho wa go hiriwa. (Ek 21:2; Le 25:10; Dot 15:12) Leheberu la gore le tirekisiye gore go be lebhantiti ga motho wa go tšwa nageng ye nngwana kela ga motho wa gore ba gabo ba tšwa nageng ye nngwana, ne a ka tireka fote kela a reka ke motho wa gore o dumelediwwe gore a ka mo lokolla nako ye nngwana le ye nngwana. Tšheleta yo ne ba mo reka ka yona ne yi ya ka gore go šele mengwaga ka mekaye gore go segele Jubhili kela gore a fetse kašupa ya mengwaga yage ya go ba Lebhantiti. (Lef 25:47-52; Dot 15:12) Mo se go lokolliwa lebhantiti la Leheberu, mong wa lona ne a le neya se sengwana gore a le gelepe gore le thogo thomisa lephelo la lona gabutši. (Dot 15:13-15) Mo nkare lebhantiti lone le tlile le na le mosadi, mosadi wa lona ne a sepela nalo. Mara, mo nkare mong wa lona ke yene a le neyyeng mosadi (di šupa nkare ke mosadi wa go tšwa nageng ye nngwana wa gore a ka sa lokolliwi mo go fela ka kašupa ya mengwaga), mosadi yene le bana bage ne go ba ba mong wa lona. Mo go le ka mokgonone, lebhantiti lone ne le ka kgeta go ya mahlong le dula le mong wa lona. Ke mokane ne ba nyoko le thula tsebe ka lemawo go šupetsa gore o nyoko berekela mong wage go ya go yye.—Ek 21:2-6; Dot 15:16, 17.

Tso di Wutammeng ka Bhayibeleng

w06 4/1-SE 31

Diputsiso Tsa bo ba Šeleng ba Badiye

Re tšhuta ying ga lengwalo la Eksoda 23:19: “O sa yapege ngwana phoolwane ka lebese la mmane wa yona”?

Molawo wowa wa Moše wa go nyarela gararo ka Bhayibeleng, wo re gelepa gore re jabolele go loka ga Jehova, go naganelana le go kwelana go baba. Fote di re šupetsa gore Jehova o hloyye sedumedi sa matsaka.—Eksoda 34:26; Dotoronoma 14:21.

Go yapega seputsanyana kela phoolwane ye nngwana le ye nngwana ka lebese la mmane wa yona di tšhayisana le ka mokgo Jehova a makiyeng gore dilo di makiwe ka gona. Modimo o makiye gore lebese la mmane le fepe ngwananyana le go maka gore a gole. Go ya ka mantsu ya ye mongwana wa go tšhutega, go yapega ngwana wa phoolwane ka lebese la mmane wa yona go šupetsa gore “a o hlompe bošaga byo Modimo a bo makiyeng gare ga mmane le ngwana.”

Go tokegela gana mone, ba bangwana ba re di ka makega gore go yapega ngwana wa phoolwane ka lebese la mmane wa yona ne go le dilo tsa go maka ke batho ba go sa rapele Modimo, ba makela gore go ne pula. Mo nkare ne go le tsona, taba ya gore Maisrayele ma sa yi make, ne yi ma pasopa gore ma sa make dilo tsa go sa yi ka tsela tso ne di maka ke ditšhaba tso Maisrayele ne ma le thina natso. Molawo wa Moše o ro hlaya gore Maisrayele ma sa make tso di makang ke ditšhaba tsone.—Lefitiko 20:23.

Sa mafelelo, ra di bona ga molawo wowa gore Jehova o kwelana go baba. Gabutšibutši, Molawo wa Moše ne wo na le melawo ya go tšhireletsa diphoolwane gore di sa tshwariwi lešidi fote le go maka gore re sa make dilo tsa go ganetsana le ka mokgo Modimo a makiyeng gore hlago yi be ka gona. Mo re beyisa, Molawo ne wo re a gwa tshwanela go makiwa sehlabelo ka phoolwane ya gore a yi na kašupa ya matšatši, go hlaba phoolwane le ngwana wa yona ka letšatši ka lloši, kela go tseya ka nako ka yyoši mmane le dibananyana tsa gona kela makata ya gona ga sehlagela.—Lefitiko 22:27, 28; Dotoronoma 22:6, 7.

Di fo ba lekgwaying tsa gore Molawo wa Moše ne wo sa fo ba le melawo ya go ganetsa dilo. Ditšhiko tsowa di re gelepa gore re kgone go tšiba gore Jehova o tikwa byang le go re šupetsa mekgwa yage ya go bafala.—Pisalema 19:7-11.

JULY 19-25

MAKOLWANE KA TENG GA LENTSU LA MODIMO | DOTORONOMA 16-18

“Ditšhiko Tsa go re Gelepa Gore re Yahlule ka go Loka”

it-1-E 343 ¶5

Go Popela Maahlo

Go sa yahlule gabutši ke mo ba go tshwanisa le go popela maahlo fote ga Molawo wa Moše go hlayiwwe ga go tlala gore ba kganele kgole le go diza kela tšotšo kela go fo bona motho wa ba o šele o fetsiye ka yene, ka taba la gore tsotsone di ka kwala maahlo ya ye wa go yahlula, wa kraya a šitega go yahlula gabutši a sa hlawole. “Dizi yi tlonya le banna ba gore ba bona gabutši.” (Ek 23:8) “Le ba gore ba hlalefiye dizi yi ba popetsa maahlo.” (Dot 16:19) Le mo ye wa go yahlula a ka ba a lukiye kela a kwisisa ditaba, mo nkare bo go sekiwang taba ya bona ba mo neyye kela ba mo patetsele se sengwana, a ka fo tikraya a kutšetsele ke sona. Molawo wa Modimo wo hlatolla gabutši taba ya gore so motho a neyiwang sona kela mokgwa wo a tseyang dilo ka gona go ka mo popetsa maahlo, mo wo re: “O sa hlawole motho wa go tihlupegela fote o sa kraye o kgeta go yema le wa go ba le mayemo.” (Lef 19:15) Byalo, le mo motho a ghanyye, yewa wa go yahlula ne a sa tshwanela go fo re motho yene o sinnye a makela gore batho ba tseye gore o yahlula gabutši kela gore a tšibege gabutši.—Ek 23:2, 3.

it-2-E 511 ¶7

Nombhoro, Tsa go Yemela Dinombhoro

Mabedi. Nombhoro yowa ‘2’ yi na le go nyarela mo go bolabodiwa ka ditaba tsa go yelana le molawo. Mo go na le batho ka babedi ba go bolabola selo ka ssoši mo ba le khota, tsotsone di tiyisa taba. Gore go be le taba ya go tiya khota, ne go nyakega batho ka babedi kela le ka bararo mahlong ga ba go yahlula gore ba tle ba bolabole. Tšhiko yowa yi sa na yi berekisiwa ga phutego ya Sekreste. (Dot 17:6; 19:15; Mat 18:16; 2Ko 13:1; 1Tm 5:19; Heb 10:28) Modimo o berekisiye yona tšhiko yone mo a neyela ka Morwayi wage gore a Phonise batho. Jeso o yitseri: “Fote, le ga Molawo wa lune go ngwadiwwe gore: ‘Taba mo yi bolabola ke batho ka babedi, ke nnete.’ Ke bolabola ka nna beng, fote le Papa ye a nrommeng o bolabola ka nna.”—Joh 8:17, 18.

it-2-E 685 ¶6

Moprista

Maprista ne ma neyiwwe mmereko wa go hlatolla molawo wa Modimo, fote ba tšhediye letsogo ga mmereko wo mogolo wa go yahlula Maisrayele. Ga dipoleke tso ba ba kopeleng tsona, maprista ne ma le gona gore ma gelepe go yahlula, fote ne go le ba go yahlula ga ditaba tsa gore di ya thathafa tsa gore dikhota tso ne di le gona ne di sa kgone go di yahlula. (Dot 17:8, 9) Ne ba hlokega gore ba be gona le banna ba bagolo ba mutšing gore ba yahlule ga ditaba tsa go yelana le mo go bolayiwwe motho, le gore ba bone gore go makiwa dilo gabutši gore go sa be le molato wa madi hone mutšing. (Dot 21:1, 2, 5) Mo nkare monna wa go na le jelase a bolabola gore mosadi wage o makiye bonghwahla, mosadi yene ne a tshwanele a yisiwe ga poleke ya go hlawolega, ga gore moprista o nyoko maka tso di ngwadiwweng gore go hlalefa ga Jehova go nyaretse nnete ya gore mosadi yene o makiye bonghwahla kela awwa, fote gore go be Yene ye a yahlulang. (Dip 5:11-31) Ga ditaba ka moka, mo bo ba yahlulang kela maprista ma yahlula, sepheto sa bona ne se tshwanele go hlompiwa, fote wa gore ne a sa se hlompe kela a sa theetsele ne a bolayiwa.—Dip 15:30; Dot 17:10-13.

Tso di Wutammeng ka Bhayibeleng

it-1-E 787

Go Raka

Mo motho a le ka tlase ga Molawo, gore ba mo ghwebe gore a rakiwe, ne go tshwanele go be le batho ka babedi bo ba yang ba bolabola ka tso a di makiyeng. (Dot 19:15) Batho bone ne di nyaka gore go be bona ba mathomo ba go mo kgahla ka matlapa. (Dot 17:7) Tsone ne di šupetsa gore ba kwana le molawo wa Modimo ka matla fote phutego ya Israyele ne yi nyoko ba yi yediye ga dilo tsa matsaka, go sa be taba le dilo le go maka dilo ka go yakgoswa.

JULY 26–AUGUST 1

MAKOLWANE KA TENG GA LENTSU LA MODIMO | DOTORONOMA 19-21

“Jehova o le Tseyela Gedimo Lephelo la Motho”

w17.11-SE 14 ¶4

Tla re Yekiseleneng go Loka ga Jehova le go Kwelana go Baba

⁴ Kobodi ya mitši yo ne go tšhabediwa ga yona mo motho a sinnye ne yi le lula go kena ga yona kela go yi kraya. Jehova o butsiye Maisrayele gore go be le mitši ya go lekana ka ho le ka ho ga Noka ya Jorodane. Ke ntaba? Gore mo motho a bolayye ye mongwana a sa maka ka bomu a kgone go segela ka go yakgoswa. (Dip. 35:11-14) Dipata tsa go ya ga mitši yone ne di dula di lukisiwa gore di dule di le gabutši. (Dot. 19:3) Go ya ka setšo sa Majuda, mo pateng ne go na le dilo tsa go yetetsa batho gore ba kgone go tšiba gore ba ye ka kaye. Ka gore dipoleke tsa go tšhabela ga tsona ne di le gona, motho wa gore aa bolaya motho ye mongwana ka bomu ne a sa gapeletsegi go tšhabela ga naga ye nngwana ga gore ne a ka feleletsa a nabele go kenela sedumedi sa matsaka.

w17.11-E 15 ¶9

Tla re Yekiseleneng go Loka ga Jehova le go Kwelana go Baba

⁹ Gabutšibutši dipoleke tsone tsa go tšhabela ga tsona ne di makediwwe gore di thogo tšhireletsa Maisrayele gore ma sa be le molato wa madi. (Dot. 19:10) Jehova o tseyela lephelo gedimo, fote o hloyye ‘matsogo ya go falatsa madi ya ba go se na molato.’ (Diy. 6:16, 17) Modimo wa go loka le wa go hlawolega, a ka sa fo lesetsa taba le mo nkare motho aa bolaya ka bomu. Ke nnete tsa gore motho wa gore aa bolaya ka bomu ne a kwediwa go baba. Le mo nkare go ka mokgonone, ne a tshwanele a yise taba yage ga bagolo, ke mokane mo nkare ba re aa maka ka bomu, ne a tshwanele a dule ga poleke yone ya gore ne go tšhabediwa ga yona go segele moprista ye mogolo a hlokofala. Tsone di ka rela gore ne a tshwanele go fetsa lephelo lage ka moka a le gana hone. Maphomela yawa ya go baba ne ma šupetsa Maisrayele ka moka gore lephelo le hlawolegiye. Gore ba hlompe ye a ba Neyyeng Lephelo, ne ba tshwanele ba kganele kgole le go maka selo sa gore se ka tšhela lephelo la ye mongwana wa bona kotsing.

it-1-E 344

Madi

Motho o makediwwe gore a jabolele lephelo lo Modimo a mo neyyeng lona, fote mo motho ye mongwana a ka mo yamoga lona, ne a tshwanele a fetole ga Modimo. Sone re se bonne mo Modimo a re ga Kayine: “Madi ya bhuti wago maa n’llela ma le mobung.” (Ge 4:10) Le motho wa gore o hloyye bhuti wage fote a nabela gore a ka kgwa, kela go mmolabolela matsaka khota kela go tšhela lephelo lage kotsing, ne a nyoko ba le molato wa madi ka taba la madi ya bhuti wage.—Lef 19:16; Dot 19:18-21; 1Jo 3:15.

Tso di Wutammeng ka Bhayibeleng

it-1-E 518 ¶1

Khota, Khota ya Molawo

Khota ne yi le gheyiting ya mutši. (Dot 16:18; 21:19; 22:15, 24; 25:7; Ru 4:1) Mo ba re“gheyiting” ba rela ga gore go bulegiye thina le gheyiti ya mutši. Digheyiting ne go le dipoleke tsa gore Molawo ne wo balediwa gona ba wo balela batho ba gore ba gahlanne hone fote go tšibisiwa melawo ye mengwana gona. (Neh 8:1-3) Ke mo di le lula go kraya dihlatse gheyiting mo go sekiwa melato ye menyana ya go tshwana le go rekiselana dilo, le tse dingwana tsa go tshwana le tsotsone, ka taba la gore batho ne ba kena ba tšwa hone gheyiting motshegare. Fote ka taba la gore mo go sekiwa molato, ke mo go lebelela batho ba go tlala, bo ba yahlulang ke mo di ba tšhofa gore ba yahlule ka go loka fote ba make dilo gabutši. Ne go na le poleke yo ne ba yi berekisa thina le gheyiti mo bo ba go yahlula ne ba ka yahlula gabutši. (Job 29:7) Samuwele o yye a ya nageng ya Bethele, Ghilghala, le Mizipha a boya a “yahlula Maisrayele ga dipoleke tsone ka moka,” le Rama, mo ntlo yage ne yi le gona.—1Sa 7:16, 17.

AUGUST 2-8

MAKOLWANE KA TENG GA LENTSU LA MODIMO | DOTORONOMA 22-23

“Ka Mokgo Molawo ne wo Šupetsa Gore Jehova o na le Taba le Diphoolwane”

it-1-E 375-376

Morwalo

Ku botala, diphoolwane ne di berekisiwa go rwala merwalo, fote Maisrayele ma butsiwwe gore mo ma ka bona bhongholo yi yetsele fase ka taba la gore yi roba ke morwalo, a ba tshwanela go yi lesa, mara ba tshwanele ba ‘tlemolle dilo tsone di yi robang.’ (Ek 23:5) Dilo tso bhongholo yi kgonang go di rwala, ne ba re ke “morwalo wa dibhongholo tsa go paniwa.”—2Mg 5:17.

it-1-E 621 ¶1

Dotoronoma

Puku ya Dotoronoma yi šupetsa gore diphoolwane ne ba di naganela. Maisrayele ne ma sa tshwanela go tseya nonyane ya gore yi ga sehlagela, ka taba la gore ne yi tšhireletsa dibananyana tsa yona. Yona ne yi ka fofa ya tšhaba, mara dibananyana tsa yona ne di ka tseya ke Maisrayele. Ka mokgonone nonyane yone ne yi ka kgona go ba le dibananyana tse dingwana. (Dot 22:6, 7) Wa go lema ne a sa tshwanela go pana bhongholo le kgomu ya pholo, gore go sa kwalele yo ye nyana ya gona. (22:10) Mo kgomu ya pholo yi kene yi gatela mabele, ne ba sa tshwanela go yi kwala molomo gore yi sa kwe tlala mola mabele ma le mo thina nayo le gore yi bereka ka matla yi kene yi ma fefera.—25:4.

w03 10/15-SE 32 ¶1-2

‘Le sa Rwale Lejoko le Batho ba Gore a ba Dumele ga Modimo’

WA DI bona tsa gore kamela le kgomu ya pholo tsa gore di lema ggoši di bonala di kwa gobaba. Lejoko lo le gahlanisiyeng diphoolwane tsowa le maka gore di kwalele ka taba la gore lejoko le makediwwe diphoolwane tsa go lekana ka bogolo le ka matšhika. Go šupetsa gore Modimo wa tihlupa ka lephelo la diphoolwane tsa mošaga wowa, o butsiye Maisrayele gore: “O sa limisi kgomu ya pholo le bhongolo ggoši.” (Dotoronoma 22:10) Tšhiko yonone yi nyoko bereka ga kgomu ya pholo le ga kamela.

Ga go tlala, ye a lemang a ka sa make gore diphoolwane tsage di kwe go baba so. Mara mo nkare aa na dikgomu tsa pholo ka dipedi, ke mo a ka pana diphoolwane tso a nang natso ggoši. Go bonala nkare ke so ye a lemisang diphoolwane tso ga sethombhe sowa a se makiyeng ka mongwaga wa bo-1800. Ka taba la gore a di lekane ka bogolo le matšhika, phoolwane ye nyana ne yi nyoko šitega go bereka ka lebelo lo phoolwane yo ye kgolo yi berekang ka lona, fote yo ye kgolo ne yi nyoko rwala morwalo wo mo mogolo.

Tso di Wutammeng ka Bhayibeleng

it-1-E 600

Sekoloto, ye a Kolotang

Sekoloto se rela so ba go yadimmeng, tso o tshwaneleng go dipatela kela tso o tshwaneleng go di maka. Ga Israyele ya botala, dikoloto ne di ba gona ka taba la gore seyemo sa motho sa ditšheleta se tšhentšhiye. Mo Leisrayele le šinya le kolota, ne go le taba ya go sa jabodisi ka taba la gore ye a kolotang ne go ba lelata la ye a yadimisang. (Diy 22:7) Nka taba lo batho ba Modimo ba ba butsiyeng gore ba sa konane le gore ba naganelane mo ba yadima Maisrayelele ya go tihlopegela, ba sa nyake gore yi boye yi beleganne. (Ek 22:25; Dot 15:7, 8; Pis 37:26; 112:5) Mara ba ka yi nyaka yi beleganne ga ba go tšwa nageng ye nngwana. (Dot 23:20) Bo ba go bolabola ka dilo tsa Majuda ba re taba yowa ne yi bereka ga tsa dibhisinisi, yi seng mo motho a tihlupegela. Ga go tlala, bo ba go tšwa nageng ye nngwana ne ba sa duli Israyele nako ya go lefa, ga go tlala ne go le ba go rekisa, byalo ne di kwagala gore ba yi buyise yi belegane tšheleta yone, ka taba la gore le bona ba kadima ba bangwana fote ba yi nyaka yi beleganne.

AUGUST 9-15

MAKOLWANE KA TENG GA LENTSU LA MODIMO | DOTORONOMA 24-26

“Ka Mokgo Molawo ne wo Šupetsa Gore Jehova o na le Taba le Basadi”

it-2-E 1196 ¶4

Mosadi

Le melawo ya go yelana le dintwa ne yi berekela monna le mosadi gore monna a sa yi ntweng mongwaga wa bona wa mathomo wa mo ba sa tšwa go šadha. Tsone ne di ba neya nako ya go ba le ngwana, ngwana yene ne a ko kgomoletsa mmane wa gona mo papa ye a sa yye ntweng, fote o ko mo kgomoletsa ka matla mo mmona yene a ka kgwa ntweng.—Dot 20:7; 24:5.

it-1-E 963 ¶2

Go Hlokotša

Di lekgwaying gore taba yowa ya go bafala ya go gelepa ba go tihlupegela, ka nthoko ye nngwana yi kene yi hlohletsela go sa konane, go sa tinaganele o le ntoši le go nyaka go rufiwa ke Jehova, a yi hlohletsele go tshwata. Di yelana le tso Dafita a di hlayyeng mo a re: “A ke so ko bona motho wa go tilokela ba mo šiya a le ntoši, kela ka bona bana bage ba kgopela sekgwa.” (Pis 37:25) Mo Maisrayele ma ka berekisa tso Molawo wo ba neyyeng tsona, le ba go tihlupegela ba ka bereka ka matla gore ba sa kwe tlala, fote le bana ba bona ba ka sa kgopele sekgwa.

w11 3/1-SE 23

Nje o di Kwelele?

Ga Israyele ya botala, mo monna a ka kgwa a se na morwayi, bhuti wage ne a tshwanele go nyala mosadi yene gore a krayele bhuti wage bana gore lebitso lage le sa kgwe. (Genesi 38:8) Taba yowa yi yye ya ba gona ga Molawo wa Moše, fote ne yi tšibega go le mošadho wa go tseya mosadi wa bhuti. (Dotoronoma 25:5, 6) Tso di makiyeng ke Bhowase tsa go krayega ga puku ya Ruthi, di šupetsa gore le mašaga ya banna ba ka tseya mosadi yene mo nkare a go na bhuti wa madi ye a leng gona.—Ruthi 1:3, 4; 2:19, 20; 4:1-6.

Gore mošadho wa go tseya mosadi wa bhuti ne wo makiwa ka dinako tsa Jeso re di bona mo Masadutseyi ma bolabodiye ka wona ga Mareka 12:20-22. Flavius Josephus wa gore o phidiye ku botala o yitseri taba yowa ne yi sa makediwi go tšhireletsa moloko wa monna yene fela, mara ne di tšhireletsa le phahlo yage le go hlokomela mosadi yene. Ka nako ya gona, mosadi ne a ka sa kraye phahlo ya monna wage. Mara ngwana wa go tšwa ga mošadho wa go tseya mosadi wa bhuti ne a kraya phahlo kela dilo tsa monna ye a hlokofeleng.

Tso di Wutammeng ka Bhayibeleng

it-1-E 640 ¶5

Go Hlala

Borifi bya go hlala. A di nyake re tseya gore dilo tsa go baba tso ne di leya ke Molawo wa Moše wa go hlala ne di maka gore di be lula gore monna wa Leisrayele a hlale mosadi wage. Gore a feleletse a mo hladiye, ne go na le tso a tshwaneleng go di maka. Ne di nyaka gore a ‘ngwale borifi bya go mo hlala.’ Monna ye a hlalang di nyaka a mo “neye lona ka letsogong ke mokane a mo lese a sepele.” (Dot 24:1) Mangwalo a ma hlayi tsa go tlala ka taba ya gore ne di makamakiwa byang, mara go ya ka molawo ne go nyakega gore ba dumelele ke ye mongwana wa go bereka ka tsona wa gore fote o thomisa ka go nyaka go maka gore ba tshwarelane. Nako yo ne yi tseyiwa gore go lukisiwe borifi byone bya go hlala le go hlala ka molawo, ne yi neya monna ye a hlalang gore a nagane ka sepheto sage. Ne go tshwanele go ba le selo sa go kwagala so se mo makang gore a nyake go hlala fote mo go makiwwe dilo ka moka go ya ka molawo, tsotsone ne di nyoko maka gore motho a sa fo yakgoswela go hlala. Ka mokgonone tso di tshwanelang mosadi yene le tso a di gayelang ne a di kraya. Mangwalo a ma hlaye gore ga “borifi bya go hlala” ne go na le ying.

AUGUST 16-22

MAKOLWANE KA TENG GA LENTSU LA MODIMO | DOTORONOMA 27-28

‘Ka Moka Tso le Nyoko Rufiwang ka Tsona di Nyoko Tlala go le Phala’

w10 12/15-SE 19 ¶18

Rufa ke Kgoši ya go Yetetsa ke Moya wa go Hlawolega wa Modimo!

¹⁸ Go theetsela go rela go ghayela ka tso Lentsu la Modimo le di bolabolang le tso re tšhutisiwang tsona tsa go tšwa ka Bhayibeleng. (Mat. 24:45) Fote di rela go theetsela Modimo le Morwayi wage. Jeso o yitseri: “A yi ye mongwana le ye mongwana ye a reng gaka, ‘Morena, Morena,’ a nyoko kenang Mmušong wa magedimo, go nyoko kena ye a makang tsa go nyaka ke Papa, ye a leng ku magedimong.” (Mat. 7:21) Fote go theetsela Modimo go rela go tineyela o sa tšhofe ke motho gore o make dilo ka mokgo a nyakang ka gona, a berekisa phutego ya Sekreste ya go ba le banna bo ba kgetiwweng, “banna ba gore ba kgona go maka dilo.”—Ef. 4:8.

w01 9/15-SE 10 ¶2

Ayitsano Jehova o Nyoko go Rufa?

² Ga Dotoronoma 28 2, lentsu la go berekisiwa ga dula o theetsela ka Seheberu le rela selo sa go ya mahlong se makega. Batho ba Jehova a di nyake ba mo theetsele mo ba nyakiye, mara di nyaka ba ye mahlong ba mo theetsela go le ka mokgo ba phelang ka gona. Mo ba maka tsotsone, ba nyoko rufiwa ka matla. Ka Seheberu “go rufa” go bonagala go le lentsu la gore le fela le rela go “segelela se sengwana” kela “go kraya selo.”

w10 9/15-SE 8 ¶4

Karakara Gore Jehova a go Rufe

⁴ Maisrayele ne ma tshwanele ma be byang gore ma theetsele? Molawo wa Modimo wo re Modimo a ka sa jabole mo batho bage ba šitega go mmerekela ‘ba jabodiye’ (Bala Dotoronoma 28:45-47.) A ra tshwanela go theetsela Jehova go fo tshwana le ka mokgo diphoolwane le madimona ma makang ka gona. (Mar 1:27; Jak. 3:3) Mo re theetsela Jehova di šupetsa gore re mo nyaka ka matla. Gore re mo theetsela ka taba la gore re ya mo nyaka di bonagala mo re jabola ka taba la tumelo ya gore melawo ya Modimo a yi robe le gore “o rufa bo ba mo nyakang tsa mannete.”—Heb. 11:6; 1 Joh 5:3.

Tso di Wutammeng ka Bhayibeleng

it-1-E 360

Mokgero

Molawo wa Jehova ne wo sa dumele gore motho a tšhofele morago mokgero wa go kgera naga. (Dot 19:14; lebelela le Diy 22:28.) Gabutšibutši, senyama ne se tlela ye a tšhofelang morago “mokgero wa moyagelane wage.” (Dot 27:17) Ka gore bo ba gore ne ba na le mašemo ne ba tshepele ga tso ba di bunang gore ba thogo phela, go tšhofa mokgero wa naga ne di rela gore o mo yamoga selo so a tiphidisang ka sona. Fote go maka tsotsone ne ba di tseya go le botsotsi ka dinako tsa ku botala. (Job 24:2) Mara ne go na le banna ba go sa tshepege ba gore ne ba maka tsotsone, fote barwayi ba kgoši ya Juda ka dinako tsa Hoseya ba ba tshwanisiye le batho ba go tšhofela mokgero morago wa go kgera naga.—Hos 5:10.

AUGUST 23-29

MAKOLWANE KA TENG GA LENTSU LA MODIMO | DOTORONOMA 29-30

“A di Nape di Thathafa go Berekela Jehova”

w09 11/1-SE 31 ¶2

Jehova o Makiye Gore re Tikgetele

Ayitsano dya thathafa go tšiba gore Modimo o nyaka ying ga rune le gore tsotsone re di make? Moše o yitseri: “Tso ke le botsang tsona lekgono a di thathafe fote a di kgole le lune.” (Temanyana 11) Jehova a ka sa re kgopele gore re make dilo tsa gore di nyoko re šita. Tso a di nyakang di ya kwagala fote re ka di kgona. Di lula gore re di tšibe. A di nyake re šinya re yinugela “legedimong” kela go ya “ga nthoko ye nngwana ya lewatle” gore re tšibe so Modimo a se nyakang ga rune. (Temanyana 12, 13) Bhayibele yi di beya lekgwaying gore di nyaka re phele byang.—Mmika 6:8.

w09 11/1-SE 31 ¶1

Jehova o Makiye Gore re Tikgetele

“NE KE dula ke ba le go tšhoga gore nka maka se sengwana sa gore se ka maka gore Jehova a bone nkare a ke tshepege.” Go hlayye mogageru ye mongwana wa mosadi wa gore ne a kwa nkare tso di yyeng dya mo makegela mo a sa le ye monyana di maka gore a sa make selo gabutši. Mara ayitsano ke nnete? Ayitsano ke nnete gore re fo ba batho ba go se na tshepo mo go nyarela seyemo? Awwa. Jehova Modimo o makiye gore re kgete go lokologa, gore re kgone go timakela dipheto ga taba ya ka mokgo re nyakang go phela ka gona. Jehova o nyaka gore re make dipheto tsa gabutši, fote Lentsu lage Bhayibele le ya re botsa gore re ka di maka byang tsotsone. Nagana ka mantsu ya Moše ya ma leng ga tema 30.

w09 11/1-SE 31 ¶4

Jehova o Makiye Gore re Tikgetele

Ayitsano Jehova o na le taba gore re kgeta tsela yifeng? Eya! Modimo o hlohletsele Moše gore a ngwale gore: “Kgeta lephelo.” (Temanyana 19) Byalo rune re ka le kgeta byang lephelo? Moše o hlatolliye gore: “Ka go nyaka Jehova Modimo wago ka matla, ka go theetsela lentsu lage le ka go dula o sepela naye.” (Temanyana 20) Mo re nyaka Jehova ka matla, re nyoko nyaka go mo theetsela re dule re tshepega gage, le mo go ka na pula ya mošaga mang. Mo re maka tsotsone, re ba re kgeta lephelo—tsela ya gabutši ka matla ya lephelo gana byalo ya gore yi nyoko re yisa ga lephelo la go-ya-go-yye lefaseng lo le tlang la nyuwane.—2 Petro 3:11-13; 1 Johane 5:3.

Tso di Wutammeng ka Bhayibeleng

it-1-E 665 ¶3

Tsebe

Jehova o bolabodiye ka Maisrayele ya go ba le tšhinghi ya gore fote a ma kwe gore ma na le ‘ditsebe tsa go sa bollwa’ a berekisa malata yage. (Jer 6:10; Meber 7:51) Ne go le nkare ne go na le so se makang gore go thathafe go kwa. Ke ditsebe tsa gore a di ya bula ke Jehova, ye a makang gore batho bo ba mo nyakang ba kwisise ba boye ba mo theetsele, ke mokane a maka gore bo ba sa mo theetseleng ba sa di kwisisi. (Dot 29:4; Rom 11:8) Pawulo wa lepostola o bolabodiye go sa le botala gore Makreste ya mangwana ma nyoko šiya nnete, ma sa sa nyaka go kwa selo ka nnete ya Lentsu la Modimo, mara ma nyaka gore ditsebe tsa bona di “hlohlone” ka taba la dilo tso di jabodisang bona ke mokane ba theetsele dilo tsa matsaka tso di tšhutisiwang. (2Tm 4:3, 4; 1Tm 4:1) Fote tsebe ya motho yi ka “hlohlona” ka taba la ditaba tso a di kwang ka matlamatla tsa go bolabola ka mo go makegiye dilo tsa go tshosa tso di makang ke hlago.—1Sa 3:11; 2Mg 21:12; Jer 19:3.

AUGUST 30–SEPTEMBER 5

MAKOLWANE KA TENG GA LENTSU LA MODIMO | DOTORONOMA 31-32

“Tšhuta ga Mešupetso yo yi Leng ga Koša ya Gore ba yi Hlohletsele ka Moya wa go Hlawolega”

w20.06 10 ¶8-9

“Maka Gore Pelo Yaka yi Felegelele Gore ke Tšhabe Lebitso Lago”

⁸ Mo Moše a soko bane a kena ga Lefase lo le Tshepisiwweng, Jehova o yye a mo tšhutisa mantsu ya koša. (Dot. 31:19) Ke mokane Moše yene ke mo a tshwanele go tšhutisa batho koša yone. (Bala Dotoronoma 32:2, 3.) Mo re kene re ghayela ka so se bolabolang ke temanyana 2 le 3, di fo ba lekgwaying gore ke mo a nyaka batho ba tšiba lebitso lage, ba sa make tsa nkare le hlawolegiye ka matla gore ba sa le hlaye. O nyaka gore lebitso lage le tšibe ke batho ka mokana ga bona! Tsotsone di jabodisiye batho ka matla mo ba kwa Moše a ba tšhutisa ka Jehova le lebitso Lage la go hlawolega! Ke mo ba tikwa gore tso Moše ne a ba tšhutisa tsona di ba fepiye fote ba fo kwa ba yitseri tswee, go fo tshwana le mo motšhawulela wo nela dimilane. Re ka maka ying gore le rune mo re tšhutisa, re fo maka ka mokgonone?

⁹ Mo re tšhomayela mutši ka mutši kela re tšhomayela ga poleke ya gore go tlele batho, re ka berekisa Baebele ya rune mo re šupetsa batho lebitso la Modimo, Jehova. Re ka ba neya dipuku tsa rune, ra ba šupetsa dividiyo ra boya ra ba neya se sengwana so se leng ga wepsayete ya rune sa gore se gadimisa Jehova. Mo re le mmerekong, sekolong kela mo re ya ga go ya, go ka fo thulega mašuba ya gore re thogo bolabola ka Modimo wa rune wa gore re mo nyaka ka matla ra boya ra hlatolla gore o byang. Mo re botsa batho bo re hlakanang nabo ka tso Jehova a nyakang go di makela batho le tso a nyakang go di maka ka lefase lo, o ka fo kraya gore re ba botsa selo sa gore ke mo ba sa se tšibi ka Jehova. Mo re kene re botsa batho nnete ka Papa wa rune wa gore o re nyaka ka matla, re ba re maka gore lebitso la Modimo le gadimisiwe. Re ba re maka gore batho ba sa sa poyila Jehova fote re sula matsaka ya ba ka fo bang ba tšhutisiwwe wona ka yene. Tso re di tšhutisang batho di ya ba fepa fote le dipelo tsa bona di ro kgehlemela.—Jes. 65:13, 14.

w09 5/1-SE 14 ¶4

Mešupetso yo yi Leng ka Bhayibeleng—Ayitsano wa yi Kwisisa?

Bhayibele yi tshwanisa Jehova le dilo tsa gore a di phele. O hlatolliwa go le “Letlapa la Israyele,” “letlapa le legolo,” le “lepharo la go tšhireletsa.” (2 Samuwele 23:3; Pisalema 18:2; Dotoronoma 32:4) Ke ntaba ba mo tshwanisa le dilo tsowa? Go fo tshwana le letlapa le legolo la gore a le tekateki fote a le tlusege mo le leng gona, le Jehova Modimo go ka ba yene ye re tšhabelang gage gore a re pasope.

w01 10/1-SE 9 ¶7

Yekisela Jehova mo o Kene o Tšhutisa Bana Bago

⁷ Tseya ka mokgo Jehova a yyeng a šupetsa gore o ma nyaka ka matla Maisrayele mo a berekisana nawo. Moše o berekisiye mošupetso wa gabutši go hlatolla ka mokgo Jehova a nyakang setšhaba sa Israyele ka gona. Re bala gore: “Go fo tshwana le mo segotšane se šikinya sehlagela sa sona, mafafela ya sona ma kogetsiye bana ba sona, se phurulla mafafela ya sona se di beya ka ho morago ga sona, Jehova le yene a le ntoši o yye mahlong a yetetsa [Jakobo].” (Dotoronoma 32:9, 11, 12) Gore segotšane se tšhutise bana ba sona go fofa, se ‘šikinya sehlagela sa sona,’ se kganakganisa mafafela ya sona gore se kutšetsele dibananyana tsa sona go fofa. Mo ngwana wa segotšane sone a thoma go fofa, mmane wa sona o “fofa ka gedimo” ga sona ka taba la gore ga go tlala di dula ga dipoleke tsa kgakala ka matla. Mo se bona nkare sengwananyana sone se thina le go wa, mmane wa sona o yakgoswa a ya ka tlase ga sona, a se rwala ka ‘mo morago.’ Le Jehova o yye a pasopa setšhaba sa Israyele ka mokgonone. O ba neyye Molawo wa Moše. (Pisalema 78:5-7) Modimo ke mo a dula a lebelele setšhaba sone, a tikemisele go gelepa batho bage mo ba kena mathatheng.

Tso di Wutammeng ka Bhayibeleng

w04 9/15-SE 27 ¶12

Monopo wa Puku ya Dotoronoma

31:12. Bo ba gore ba sa gola di nyaka ba dule thina le batho ba bagolo megahlanong ya phutego ba buye ba tikemisele go theetsela le go tšhuta.