Ditodi Tsa Sepukwane sa Mogahlano wa Maphelelo le Matšhomayelelo
NOVEMBER 1-7
MAKOLWANE KA TENG GA LENTSU LA MODIMO | JOŠUWA 18-19
“Ka Mokgo Jehova a Kopeleng Meloko ya Israyele Naga di Šupetsa Gore o Hlalefiye”
it-1-E 359 ¶1
Mokgero
Di šupa nkare ba berekisiye dilo ka dipedi mo ba pomela meloko naga: go lahla dikgakgare le gore moloko ka wwoši ne wo tlele go segela kaye. Di ka makega gore dikgakgare ne di šupetsa gore lefa la moloko wo mongwana le wo mongwana le nyoko ba kaye ga gona, gore ba ka ya Lebowa kela Borwa, Bohlabela kela Bodikela, ga gore ke thina le lewatle kela dithabeng. Sepheto sa dikgakgare se tšwa ga Jehova fote sosone ne se nyoko maka gore meloko yi sa jelaselane kela go lwa. (Diy 16:33) Tsotsone di makiye gore Modimo a yetetse ditaba tsowa gore go makege tso di hlayyeng ke Jakobo ga Genesi 49:1-33 mo a le thina le go kgwa.
it-1-E 1200 ¶1
Lefa
Dinaga tsa gore ne go le lefa. Jehova o neyye barwayi ba Israyele lefa, fote o butsiye Moše gore naga yone yi thomisa kaye fote yi nyoko segela kaye. (Dip 34:1-12; Još 1:4) Moše o šupetsiye barwayi ba Ghada, barwayi ba Rubeni le hafo ya moloko wa Manase mo ba tshwaneleng go dula gona. (Dip 32:33; Još 14:3) Meloko ye mengwana yo yi šeleng yi yye ya kraya lefa la yona ka go lahla dikgakgare ba yetetsa ke Jošuwa le Eliyaza. (Još 14:1, 2) Go ya ka seporofeto sa Jakobo ga Genesi 49:5, 7, Simiyoni le Llifi a ba ba neya dikopa tsa naga go le lefa. Lefa la Simoyoni ne go le naga (le ditoropo) tsa gore di teng ga naga ya Juda (Još 19:1-9), mola Llifi a krayye 48 ya ditoropo gare ga poleke ka moka ya Israyele. Ka taba la gore Malifi ma krayye mmereko ga poleke ya go hlawolega, Jehova ne go le Lefa la bona. Ne ba kraya sa lesome go le lefa lo ba le krayang ka taba la mmereko wo ba wo makang. (Dip 18:20, 21; 35:6, 7) Ba mitši ba krayye mmereko ga dipoleke tso ba dulang ga tsona. Mo mitši yi tlala le go gola fote barwayi ba kraya lefa, ba pomelanne naga go segela go ba ye nyana.
it-1-E 359 ¶2
Mokgero
Ka nthago ga go lahla dikgakgare gore ba tšibe gore moloko wo kraya naga ga nthoko yifeng, di ko nyakega gore ba pombhole gore ba nyoko kraya naga ya go teya kaye go ya ka gore moloko wone wo tlele go segela kaye. “Di nyaka le pomelane naga yone go le lefa ka go lahla dikgakgare go ya ka mitši ya lune. O neye ba go tlala lefa la go tlala ke mokane ba go sa tlala o ba neye lefa le lenyana. Mo kgakgare yi welang gona, go nyoko ba gage.” (Dip 33:54) Sepheto so se makang ke dikgakgare gore naga yone yi nyoko ba kaye ga gona se ka sa tšhentšhi, mara ne go ka makiwa sepheto sa gore naga yone yi ba ye kgolo go teya kaye. Nka taba lo mo naga ya Juda yi le ye kgolo, ba yye ba pomela ba moloko wa Simiyoni.—Još 19:9.
Tso di Wutammeng ka Bhayibeleng
it-1-E 359 ¶5
Mokgero
Taba ya go pomelana naga ya ka Bodikela bya Jorodane yi šupa gore dikopa tsa mathomo tsa Juda (Još 15:1-63), Josefa (Eforayimi) (Još 16:1-10), le hafo ya moloko wa Manase ba go dula ka Bodikela bya Jorodane (Još 17:1-13) go bolabodiwwe ka yona go sa le mathomisong, le mekgero le ditoropo tsa gona ne ba di hlayye. Ka nthago ga hone, go bonala go na le so se yyeng sa šitisa taba ya bona ya go pomelana naga, ka gore Maisrayele ma yye ma tloga Ghilighala ga gore ne ma hlomme matente ya wona ke mokane ma ya Šilo. (Još 14:6; 18:1) Gore ba tsere nako ya go teya kaye gana hone a ba hlaya, mara Jošuwa o feleletsiye a butsisa kašupa ya meloko yo yi šeleng gore ke ntaba ba fo jikajika mo ba tshwanele go ye tseya naga yo yi šeleng. (Još 18:2, 3) Batho ba hlayye dilo tsa go tlala tsa gore di ka ba di makiye gore kašupa ya meloko yi jikajike mo yi tshwanele go tseya naga, ba bangwana ba re nka taba la dilo tsa go tlala tso ba di krayeng mo ba hlula le go lokologa, kela go sa tshosetsi ke Makanana di ka ba di makiye gore ba sa kwe di ba tšhofa gore ba ye ba tseye sekopa sa naga so se šeleng gore go be sa bona. Go sa nyake go lebeletsana le bothatha bya gore ba na le lenaba la go ba feta ka matšhika di ka ba di makiye gore ba jikajike mo ba tshwanele go tseya naga yone. (Još 13:1-7) Fote di ka makega gore ne ba sa tšibi tsa go tlala ka sekopa sa naga yo yi šeleng ya gore ne ba tshepisiwwe yona.
NOVEMBER 8-14
MAKOLWANE KA TENG GA LENTSU LA MODIMO | JOŠUWA 20-22
“Tso re ka di Tšhutang ga go sa Kwisisi Taba Gabutši”
w06-SE 4/15 5 ¶3
Tso o ka di Makang Gore o Bolabodisane le ye o Šadhiyeng Naye
Go bolabodisana go ka maka gore le pheme go sa kwisisane le go naganela dilo. Ku botala, ka nako ya Maisrayele, moloko wa Rubeni, Ghada, le hafo ya moloko wa Manase ba gore ne ba dula ka bohlabela bya Noka ya Jorodane ba yagiye ‘aletare ye kgolo’ thina le Jorodane. Meloko ye mengwana a ya yi kwisisa taba yowa. Ne ba nagana gore bobhuti ba bona ba ka hala nthoko ye nngwana ya Jorodane a ba sa rapela Modimo, ke mokane meloko ya ka bodikela ya tilukiselela go lwa le ba go ‘woma dihlogo.’ Mara mo ba so ko ya gwe lweng, ba yye ba romela batho ba gore ba ye ba bolabodisane le meloko ya ka ku bohlabela. A yi go hlafela tsotsone! Ba yye ba kraya gore aletare yone a yi ya go maka dihlabelo tsa go sa dumelediwa. Mara ne ba tšhaba gore mo nako yi kene yi ya, meloko ye mengwana yi ko ba botsa gore: “A gona mo le kenang gona ga go rapela Jehova.” Aletare yone yi nyoko šupetsa gore le bona ne go le batho bo ba rapelang Jehova. (Jošuwa 22:10-29) Ba reyye aletare yone gore ke Bohlatse, di ka ba di makiye ke gore ne yi nyoko ba selo sa go šupetsa gore ga bona Jehova ke yene Modimo wa mannete.—Jošuwa 22:34, setwaba.
w08-SE 11/15 18 ¶5
“O sa Lisetse go Nyakana le Dilo Tsa go Maka Gore go Bebe”
Maisrayele ya mangwana ma ka fo ba ma yitseri a di nyakege gore ba ye ba ba butsise ka taba la gore tso ba di bonang a di phigegi fote ba sinnye ka matla. Mara a sa nka ba fo jakgela dilo, ba yye ba romela batho gore ba ye ba bolabodisane le bobhuti ba bona ka bothatha byowa. Ba ba butsisiye gore: ‘King tso le di makiyeng tsa go sa tshepege la sinyela Modimo wa Israyele ka go sa sa mo latelela?’ Gabutšibutši, meloko yo yi yagiyeng aletare ne yi sa re ya sinya. Mara ne ba ka fetola ba re king ga tso ba di hlayang ka bona? Ayitsano ne ba ka lwa nabo kela ba gana go ba fetola? Moloko wo ba wo thommeng wo yye wa fetola wo tinyanafatsiye, ba hlatolla gabutši gore tso ba di makiyeng ne di tšhofa ke gore ba nyaka go berekela Jehova. Ka mokgo ba fetodiyeng di makiye gore ba ye mahlong ba na le seghana sa gabutši le Modimo le go phonisa maphelo ya bona. Go bolabola ka go tinyanafatsa go lukisiye ditaba gwa ba gwa maka gore go bebe.—Još. 22:13-34.
Tso di Wutammeng ka Bhayibeleng
it-1-E 402 ¶3
Kanana
Le mo nkare Makanana ya go tlala ma yye ma phona nakwela ba ba hlula fote ma yye ma gana gore Maisrayele ma ba lawole, re ka na ra hlaya gore “Jehova o neyye Israyele naga ka moka yo a yi tshepisiyeng bokokwane ba bona,” le gore o makiye gore ‘ba khutse,’ le gore “ka moka tso Jehova a yyeng a di tshepisa ba ntlo ya Israyele o yye a di maka, ka mokana ga tsona di makegiye.” (Još 21:43-45) Mitši yo ne yi le thina le Israyele ne yi tšhaba fote ne yi ka sa hlasele Israyele. Modimo o hlayye botala gore o nyoko raka Makanana “ka gonyana ka gonyana” gore diphoolwane tsa hlaga di sa tlale ga naga ya gore a gona batho. (Ek 23:29, 30; Dot 7:22) Le mo nkare Makanana ne ma na le dilo tsa go tlala tsa go lwa ka tsona, le dikotšikare tsa go ba le dilo tsa go hlaba ka ho mathoko, go šitega ga Maisrayele go tseya mitši ye mengwana gore go be ya bona re ka sa go beye ga Jehova ra re ke yene ye a šitegiyeng go maka tso a di tshepisiyeng. (Još 17:16-18; Bay 4:13) Mara Bhayibele yi šupetsa gore nakwela Maisrayele ma hludiwa mo ma lwa le ditšhaba tse dingwana ne go le ka taba la go sa tshepege ga bona.—Dip 14:44, 45; Još 7:1-12.
NOVEMBER 15-21
MAKOLWANE KA TENG GA LENTSU LA MODIMO | JOŠUWA 23-24
“Jošuwa o Yeletsa Setšhaba la Mafelelo”
it-1-E 75
Go Berekisana
Go makegiye taba ye nngwana nakwela setšhaba sa Israyele se kena Kanana, ga Naga yo ba Tshepisiwweng yona. Modimo wa go lawola dilo ka moka o neyye Israyele naga yone gore go be ya bona, a maka so a se tshepisiyeng bokokwane ba bona. Nka taba lo ne ba ka sa re ke batho ba go tšwa nageng ye nngwana, fote Jehova o ba ganetsiye gore ba make senghana le batho ba go rapela medimonyana ba go dula nageng yone. (Ek 23:31-33; 34:11-16) Ne ba tshwanele go latelela melawo ya Modimo le tso a ba botsang tsona, go seng ya ditšhaba tsa gore di nyoko rakiwa go se botala. (Lef 18:3, 4; 20:22-24) Ba ba butsiye di kwagala gore ba sa šadhisane le ditšhaba tsone. Ka gore go šadha nabo go ka sa ba gahlanisi le basadi bone le mašaga ya bona ya go rapela medimo ya matsaka fela, mara ba nyoko kenakenana le dilo tsa sedumedi sa matsaka le ditšo tsa bona, tsotsone dya maka gore ba lisetse go rapela Modimo.—Dot 7:2-4; Ek 34:16; Još 23:12, 13.
w07-SE 11/1 26 ¶19-20
Lentsu la Jehova le ka sa Šitege
19 Ga tso re šeleng re di bonne ka maahlo ya rune, re ka hlaya gore: “A gona le ka ssoši so se sa makegang gare ga mantsu ya Jehova Modimo wa lune a ma hlayyeng. Ka mokana ga wona ma makegiye. A gona le ka lloši lo le sa makegang.” (Jošuwa 23:14) Jehova wa phonisa, wa tšhireletsa le go hlokomela malata yage. Ayitsano o ka hlaya so se tshepisiwweng sa gore a sa makega ka nako ya gona? Awwa, o ka sa se hlaye. Re tshepela ga Lentsu la Modimo.
20 Tsa ku mahlong ge? Jehova o re butsiye gore ba go tlala ba rune re ka ba le tshepo ya go phela ho lefaseng la gore go ko ba go le pharadheyisi ya go bafala. Ba bangwana ba rune re na le tshepo ya go lawola le Kreste legedimong. A gona taba gore re na le tshepo yifeng, le rune di nyaka re ye mahlong re tshepega go tshwana le Jošuwa. Le ye tla letšatši la gore tso re tshepisiwweng di makege. Ka nako ya gona le rune re nyoko gopola ka moka tso Jehova a re tshepisiyeng tsona, ke mokane le rune ra re: “Ka mokana ga tsona di makegiye.”
Tso di Wutammeng ka Bhayibeleng
w04-SE 12/1 12 ¶1
Monopo wa Puku ya Jošuwa
24:2—Ayitsano Thera, papa wa Abhrahama ne a rapela medimo ya dithombhe? Gabutšibutši, Thera ne a sa rapele Jehova Modimo. Di ka makega gore ne a rapela modimo wa ngwedi ye ba reng ke Sini, go leng modimo wa go tuma wa Uri. Go ya ka setšo sa Majuda, di ka makega gore Thera ne a maka medimo ya dithombhe. Mara, mo Modimo a botsa Abhramaha gore a rurele Uri, Thera o yye a ya naye Harane.—Genesi 11:31.
NOVEMBER 22-28
MAKOLWANE KA TENG GA LENTSU LA MODIMO | BAYAHLUDI 1-3
“Go ba le Lešiši le go Kgona go Polana”
w04-SE 3/15 31 ¶3
Ehudi o Roba Lejoko la ye a mo Kgatleletsiyeng
Ehudi o phomelele, go seng ka taba la gore yene o hlalefiye kela gore lenaba lage a la hlalefa. Modimo aa bereke ka tso motho a nang natso. So se makiyeng gore Ehudi a phomelele ke gore Modimo ne a le naye fote a nyaka gore a phonise batho bage. Modimo o makiye gore go be le Ehudi, “fote mo Jehova a maka gore go be le bayahludi ba [batho bage], Jehova ne a šupetsa gore o na le yenene a yahlulang.”—Bayahludi 2:18; 3:15.
w04-SE 3/15 30 ¶1-3
Ehudi o Roba Lejoko la ye a mo Kgatleletsiyeng
Selo sa mathomo so Ehudi a se makiyeng, ke go lukiselela “sabola yage”—ya gore ne yi sega ka howa le ka howa fote ne yi sa lefa gore a thogo yi wutetsa dikobong tsage. Di ka makega gore ne a naganne gore ba ka mo setša. Ga go tlala, disabola di dula ka ho letsogong la mpata, gore bo ba go berekisa letsogo la go ja ba ko thogo yi ntsha ka go yakgoswa. Ka gore Ehudi ne a berekisa letsogo la mpata, o wutetsiye sabola yage “ka teng ga kobo yage ya ka tawong howa lesekeng la letsogo la go ja,” ga gore bomatšinghelane ba kgoši ne ba sa nape ba setša gona. Ka gore ne go sa sa na so ne se ka mo šitisa, “o yye mahlong a ya gwe patela Eghloni kgoši ya Mowaba.”—Bayahludi 3:16, 17.
A go nape go tšibiga gore go makegiye ying khota ya Eghloni. Mara Bhayibele yi re: “Go makegiye gore mo [Ehudi] a fetsa go patela, ke mokane a botsa batho bo ne ba tshwere tšheleta gore ba sepele.” (Bayahludi 3:18) Ehudi o yye a patela, a boya a sepela le bo a tlileng nabo go segela go ba kgolenyana le gaye ga Eghloni, ke mokane yene a boyela nthago mo a fetsa go ba botsa gore ba sepele. Ke ntaba? Ayitsano ne a na le batho bone gore ba mo pasope, kela ka taba la se sengwana kela go fo re go be bona ba sipidisang patela yone? Ayitsano ne a nyaka gore ba sepele gore a thogo ya mahlong ka polane yage? A re tšibi gore ne a naganne ying, mara o yye a pasopa gore o maka dilo byang a le ntoši a kene a šišimele.
“[Ehudi] o jikiye mekoting ya ku Ghilghala ya gore ne ba ntsha matlapa, ke mokane a re: ‘Kgoši, go na le sephiri se sengwana sa gore ke tshwanele ke go botse sona.’” Gore o kgonne byang go kena mo Eghloni ne a dula gona, Mangwalo a ma hlayi. Mara ayitsano bomatšinghelani ne ba sa sole selo ka yene? Ayitsano ne ba fo nagana gore Leisrayele ka lloši le ka sa kgone go kwaletsa morena wa bona? Ayitsano taba ya gore Ehudi o yye a le ntoši, a ya maka gore di bonale nkare o jikela ba gabo? Aritši, mara Ehudi o nyakiye go ba ntoši le kgoši, fote o di kgonne tsotsone.—Bayahludi 3:19.
Tso di Wutammeng ka Bhayibeleng
w05-SE 1/15 24 ¶7
Monopo wa Puku ya Bayahludi
2:10-12. Di nyaka re be le letheto la go bala Bhayibele ka moka matšatši gore ‘re sa lebale mebereko ya Jehova.’ (Pisalema 103:2) Babelegi di nyaka ba make gore nnete ya Lentsu la Modimo yi dule ka ho dipelong tsa bana ba bona.—Dotoronoma 6:6-9.
NOVEMBER 29–DECEMBER 5
MAKOLWANE KA TENG GA LENTSU LA MODIMO | BAYAHLUDI 4-5
“Jehova o Berekisa Basadi ka Babedi go Phonisa Batho Bage”
w15-SE 8/1 13 ¶1
“Ke Nyarela ke le Mmane wa Israyele”
Sisera! Lebitso lone le makiye gore Israyele yi tšhoge fote yi hlagasele mo yi le kwa. Sedumedi sa Kanana le setšo sa gona ne go le sa bošidi, fote ke mo o ka kraya ba maka dihlabelo ka bana ba boya ba maka tsa go rekisa mmele ka tempeleng. Mara ke mo di le byang go ba le ndhuna ya Lekanana le masole yage ba lawola? Koša ya Debhora yi šupetsa gore ne di bonala di sa kgonege go sepelanya hone nageng fote ne go sa sa na batho. (Bayahludi 5:6, 7) Ke gore re kgona le go bona batho ba tšhabela mašahleng le dithabeng, ba tšhaba go gaša kela go dula ga poleke ya gore a yi na mapharo kela ba tšhaba go sepela ga dipata tsa go bulega ka gore ba ka hlasediwa, ba tseyediwa bana ba bona fote ba reyipa le basadi ba bona.
w15-SE 8/1 13 ¶2
“Ke Nyarela ke le Mmane wa Israyele”
Batho ba yye ba dula ba tšhugiye gwa boya go fela le 20 ya mengwaga, go segela Jehova a bona gore batho bage ba go wona dihlogo ba tikemisele go tšhentšha, kela go ya ka koša ya Debhora le Bharaka ya gore, “Go segela Nna Debhora, ke nyarela, go segela nna ke nyarela ke le mmane wa Israyele.” A re tšibi gore Debhora mosadi wa monna ye ba reng ke Laphidothi, ne go le mmane tsa mannete kela byang, mara nakwela a hlaya tsotsone ne a di hlaya ka mokgwa wa go tshwanisela. Fote Jehova o makiye gore Debhora a tšhireletse setšhaba nkare ke mmane wa sona. O makiye gore a bitse monna wa go na le tumelo ya go tiya ye ba reng ke Bharaka wa moyahludi, a mmotsa gore a kutulugele Sisera.—Bayahludi 4:3, 6, 7; 5:7.
w15-SE 8/1 15 ¶2
“Ke Nyarele ke le Mmane wa Israyele”
Jayele ne di nyaka a nagane ka go yakgoswa. O neyye Sisera poleke ya go khutsa. Sisera o mmutsiye gore mo go ka tla motho a nyakana naye, a sa hlaye gore o kaye. Jayele o mo yapesiye lepayi mo a yetsela, fote mo Sisera a mo kgopela meetši, o mo neyye lebese. Ka nthagonyana, Sisera o napiye a ya ka boroko. Jayele o tsere tšhisela le hamola go leng dilo tsa gore mosadi wa go dula letenteng ne a dula a di berekisa. A nanankela thina le hlogo ya Sisera, ka mokgonone a ba a lebeletsanne le go maka mmereko wo mongwana wa go tshosa wa go nyoko bolaya a makela Jehova. Hala a yye a thomisa go kamaka ka gonyana ne go ko ba go sinyegiye ka matla. Byalo ayitsano o yye a nagana ka batho ba Modimo le gore morenene o ba hlorisiye mengwaga ya go tlala? Kela ayitsano o yye nagana ka taba yowa ye kgolo ya go šupetsa gore o yema le Jehova? A ba hlayi. Sa gore re ya se tšiba ke gore o yye a mmolaya. Sisera o yye a kgwa!—Bayahludi 4:18-21; 5:24-27.
Tso di Wutammeng ka Bhayibeleng
w05-SE 1/15 25 ¶5
Monopo wa Puku ya Bayahludi
5:20—Dinanedi tsa legedimong di yye dya lwela Bharaka byang? Bhayibele a yi hlayi gore ne go ka ba go tlile lengeloyi le tlile gelepeng, kela matlapa ya go wa ma tšwa sebakabakeng ya gore ma yye ma hlatolla ke banna ba Sisera ba go hlalefa gore ma ra gore king, kela tsa go hlaya gore go nyoko makega ying ku mahlong ka go lebelela tso di leng ku legedimong tsa gore ba di butsiye Sisera tsa gore fote ne go le matsaka. Mara a re kamake gore Modimo o yye a maka se sengwana.
DECEMBER 6-12
MAKOLWANE KA TENG GA LENTSU LA MODIMO | BAYAHLUDI 6-7
“Bereka ka Matšhika ya o Nang Nawo”
w02-SE 2/15 6-7
Melawo ya Modimo yi ka go Gelepa
Ye mongwana wa gore ne a titshwere gabutši wa gore fote ne a sa titseyele gedimo ka matla, ne go le Ghidiyoni, wa gore ne go le moyahludi ka dinako tsa Maheberu ya botala. Yene mong ne a sa lelekisane le go ba wa go yeta Israyele mahlong. Nakwela ba mo neya mmereko wone, o yye a hlaya gore yene aa tshwanelege go maka mmereko wone. O hlayye gore “Moloko waka wo mafelelong ga Manase, fote ke nna ye monyana wa gona ntlong ya papaka.”—Bayahludi 6:12-16.
w05-SE 7/15 16 ¶3
“Sabola ya Jehova le ya Ghidiyoni!”
Phela Mamidiyane ne ma tšhugiye ka matla! Go f’lo thomisa gwa psyayega 300 ya dijeke, go teyiwa ga 300 ya diphalafala, le go rasa ga 300 ya banna. Mo ba sa makele, ba makatsiye ke “sabola ya Jehova le ya Ghidiyoni!” Mamidiyane ma yye ma gotla ka matla. Ga nyakanyaka yone, ne di thathafa gore o bone gore ke mang wa go yema le lune le gore ke mang lenaba la lune. 300 ya banna bala ba yye ba yema mo ba ba butsiyeng gore ba yeme gona mo Modimo a kene a maka gore manaba yane ma berekise disabola tsa bona gore ma bolayane. Kampa yone ba yi hludiye, ne go sena ga go tšhabela gona, fote bo ne ba lelekisa manaba le go maka mmereko wa go thathafa ba fetsa ka Mamidiyane. Mmereko wone wa go tseya nako ya go lefa le go bolaya wo fediye.—Bayahludi 7:19-25; 8:10-12, 28.
Tso di Wutammeng ka Bhayibeleng
w05-SE 1/15 26 ¶6
Monopo wa Puku ya Bayahludi
6:25-27. Ghidiyoni o ro nagana gabutši gore a sa kwatisi bo ne ba mo phigisa go sa nyakege. Le rune mo re tšhomayela ditaba tsa go bafala, di nyaka re pasope gore re sa kwatisi ba bangwana ka tso re di bolabolang.
DECEMBER 13-19
MAKOLWANE KA TENG GA LENTSU LA MODIMO | BAYAHLUDI 8-9
“Go Tinyanafatsa go Phala go ba le Magetla”
w00-SE 8/15 25 ¶3
Le ka Maka Byang mo le sa Kwisisane?
Mo Ghidiyoni a lebeletsanne le go lwa le Mamidiyane, o yye a kgopela moloko wa Eforayimi gore wo gelepe. Mara mo ba fetsiye go lwa, moloko wa Eforayimi wo kokolele Ghidiyoni gore aa ba bitsa mo ba soko thomisa go lwa. Go hlayiwa gore “ba yye ba liketsa go mo kokolela ba tiyisiye.” Ghidiyoni o yye a fetola a re: “Mo ke tshwanisa le tso lune le di makiyeng, nna ke makiye ying? Anthe mašemo ya Eforayimi a ma phale mo Abhiyeza a bunang gona didhriva? Ke Modimo ye a le neyyeng Orebho le Zibho ba gore ke barwayi ba Kgoši ya Mamidiyane, byalo mo ke tshwanisa le tso lune le di makiyeng, nna ke makiye ying?” (Bay 8:1-3) Mantsu yane ya gore Ghidiyoni o ma kgetiye gabutši, ya gore fote ma maka gore motho a kgibe, ma makiye gore go sa be le ntwa ye nngwana ye kgolo ka matla. Di ka makega gore meloko yone ya Eforayimi ne yi na le bothatha bya go titseyela gedimo ka matla le go ba le magetla. Mara tsone di makiye gore Ghidiyoni a karakare gore go dule go bebiye. Ayitsano re ka mo yekisela?
w17.01-SE 20 ¶15
Ke Ntaba go Tinyanafatsa go sa na go le Selo se Segolo le Lekgolo?
15 Ghidiyoni o re beyele mošupetso wa gabutši mo di tla ga taba ya go titswara gabutši. Mo Lengeloyi la Jehova le nyarela ga Ghidiyoni la mathomo, o yye a gopola moloko wage wa gore ne wo titshwere gabutši le gore o tšwa kaye. (Bay. 6:15) Mo Ghidiyoni a fetsa go yamogela mmereko wo Jehova a mo neyyeng wona, o yye a maka so a ka se kgonang gore a bone gore o kwisisiye tso di nyakegang gore a wo make, fote o yye a nyaka gore go be Jehova ye a mo yetetsang. (Bay. 6:36-40) Ghidiyoni ne a tiyye fote a šišimele. Mara o yye a maka dilo a ntshiye maahlo dikwakweng fote a maka ka mokgwa wa go hlalefa. (Bay. 6:11, 27) Ke mo a sa tseyi mebereko gore a thogo tšibega ka matla. Mara mo a fetsa ke mo a boyela ga poleke yage a jabodiye.—Bay. 8:22, 23, 29.
w08-SE 2/15 9 ¶9
Sepela ka Ditsela Tsa Jehova
9 Gore re be banghana ba Modimo, di nyaka re “tinyanafatse.” (1 Pet. 3:8; Pis. 138:6) Go šupetsa gore go tinyanafatsa dya nyakega, re di bona howa ga Bayahludi tema 9. Morwayi wa Ghidiyoni Jothama o yitseri: “Go yye gwa ba le nako ya gore mehlare ne yi ya gwe tikgetela kgoši ya gore yi nyoko di lawola.” Ba bolabodiye ka mohlare wa diolivi, mohlare wa mago, le wa didhriva. Mehlare yone ne yi yemela batho ba go tshwanelega ba gore fote ne ba sa lelekisane le go nyaka go lawola Maisrayele. Mara mohlare wa mo-bramble—wa go berekisiwa go maka mollo—wo yemela bogoši bya Abhimeleke, wa go kwana le go bolaya le go lawola ba bangwana. Le mo ‘go biye kgoši ya go lawola Israyele kararo ya mengwaga,’ o kgwile ba sa nagana. (Bay. 9:8-15, 22, 50-54) Wa tšiba di ro jabodisa go ‘tinyanafatsa’!
Tso di Wutammeng ka Bhayibeleng
it-1-E 753 ¶1
Efoda, I
Le mo nkare Ghidiyoni ne a nyaka go maka tsa gabutši ka go gopola gore Jehova o makiye gore Israyele yi hlule le go gadimisa Modimo, efoda “yi biye molaba ga Ghidiyoni le ba mutši wage,” ka taba la gore Maisrayele ma makiye bonghwahla ka go yi rapela. (Bay 8:27) Bhayibele a yi hlaye gore le Ghidiyoni o yi rapele, mara Pawulo wa lepostola o hlayye lebitso lage gore ke ye mongwana wa ba ‘mogoba wo mogolo’ wa batho ba go tshepega mo go soko bane go ba le Makreste ya dihlatse tsa Jehova.—Heb 11:32; 12:1.
DECEMBER 20-26
MAKOLWANE KA TENG GA LENTSU LA MODIMO | BAYAHLUDI 10-12
“Jafta—Monna wa go Tlalela ga Tso Tsa Modimo”
w16.04-SE 7 ¶9
Mo re Tshepega re Maka Gore Modimo a re Yamogele
9 Mešupetso ya batho ba go tshepega ba go tshwana le Josefa, wa gore o šupetsiye gore o kwela bobhuti bage go baba—le mo ba mo ‘hloyye’—di ka fo ba di yye dya hlohletsela ka mokgo Jafta a yyeng a fetola ka gona. (Gen. 37:4; 45:4, 5) Go ghayela ka mešupetso ya go tshwana le yowa di ka fo ba di gelepiye Jafta gore a make sepheto sa gore se nyoko jabodisa Jehova. A re kamake gore ka mokgo bobhuti wage ne ba mo tshwere ka gona di mo kwisiye go baba, mara aa lisetsa go berekela Jehova le batho bage. (Bay. 11:9) Go lwela lebitso la Jehova gore le tšhireletsege ne go le selo se segolo ga Jafta go phala dilo ka moka tso ne a di nyaka. Ne a tikemisele go dula a tshepegela Jehova, sosone se biye le maphomela ya gabutši gage le ga batho ba bangwana.—Heb. 11:32, 33.
it-2-E 27 ¶2
Jafta
Jafta, monna wa go garagara, ne a sa sinyi matšhika yage ga tsa go lawola. O yye a romela molayetsa ga kgoši ya Amoni, a hlaya gore Amoni o hlorisa Israyele fote o nyoko tseya naga ya bona ka tšhinghi. Kgoši yone yi fetodiye yi re naga yone ke naga ya gore Israyele yi yi tsere ga Amoni. (Bay 11:12, 13) Mowa Jafta o tišupetsiye go se motho wa go ba le matšhika le go tšiba go lwa fela, mara go le wa go titšhutisa ka tsa botala le ka mokgo Modimo a berekisanneng le batho bage. O hlayye gore kgoši ya Amoni yi na le matsaka ka go šupetsa gore (1) Israyele a ya hlorisa Amoni, Mowaba kela Edomo (Bay 11:14-18; Dot 2:9, 19, 37; 2Kr 20:10, 11); (2) Amoni a sanka a lawola naga yone nakwela Israyele yi hlula, ka taba la gore naga yone ne yi lawola ke Makanana ya Amoro le gore Modimo o neyye Maisrayele kgoši ya bona, go leng Sihoni le naga yage; (3) se go fediye 300 ya mengwaga Amoni a sa lwele naga yone, byalo king so se mo makang gore a thome gana byalo?—Bay 11:19-27.
it-2-E 27 ¶3
Jafta
Jafta o yye a bona gore bothatha bo tlugisela kaye mo a šupetsa gore taba yowa gabutšibutši yi yelana le morapelo. O hlayye gore ke Jehova Modimo ye a neyyeng Israyele naga yone fote sosone ke sona so se makang gore ba sa ba neye le mong sekopa se senyana ka taba la gore ba rapela modimo wa matsaka. O yitseri Khemoši ke modimo wa Maamoni. Ba bangwana ba nagana gore tsone a yi nnete. Mara, le mo nkare Maamoni ne ma rapela Milkhomo fote Mamowaba ma rapela Khemoši, ditšhaba tsone tsa go šagelana ne di rapela medimo ya go tlala. Solomoni o makiye gore go rapediwe le modimo ye ba reng ke Khemoši ku Israyele ka taba la basadi bage ba go tšwa dinageng tse dingwana. (Bay 11:24; 1Mg 11:1, 7, 8, 33; 2Mg 23:13) Go tokegela gana hone, “Khemoši” yi ka rela “Wa go Hlula” go ya ka ye mongwana wa bo ba go tšhutega. (lebelela Gesenius’s Hebrew and Chaldee Lexicon, ya gore yi hlatolliye ke S. Tregelles, 1901, leph. 401.) Jafta a ka fo ba a yye a hlaya gore Maamoni ma hlaya gore modimo yewa wa bona ‘o hludiye’ fote a ba neya naga yone.
Tso di Wutammeng ka Bhayibeleng
it-2-E 26
Jafta
Jafta Morwayi wa Babelegi ba Gore ne ba Šadhiye. Mmane wa Jafta ne go le “mosadi wa go rekisa mmele,” mara tsotsone a di rele gore o belegiye Jafta mo a kene a rekisa mmele. Mmane wage ne a rekisa mmele mo a soko bane a šadha go ba mosadi wa bobedi wa Ghiliyadi, go fo tshwana le Rahaba wa gore le yene o yye a rekisa mmele mo a soko bane a šadha le Salmoni. (Bay 11:1; Još 2:1; Mat 1:5) Taba ya gore Jafta ke morwayi ba babelegi ba gore ne ba šadhiye re yi bona mo barwayi ba Ghiliyadi ba mosadi wage wa mathomo ba mo raka gore a sa krayi lefa. (Bay 11:2) Go tokegela gana hone, Jafta ba yye ba mo yamogela gore a yete banna ba Ghiliyadi mahlong (go leng selo so bobhuti wa Jafta ba mosadi ba mathomo ba bonneng go le selo se segolo ka matla). (Bay 11:11) Fote o yye a makela Modimo sehlabelo tabarenakeleng. (Bay 11:30, 31) Dilo tsowa ka moka ne di ka sa kgonege gore a di make hala go le morwayi wa batho ba go sa šadha, ka gore molawo ne o hlayye gore: “Morwayi wa batho ba gore a baa šadha aa tshwanela go tla ka phutegong ya Jehova. Le ba moloko wage wa lesome wo wo sa tlang a ba tshwanela go tla ka phutegong ya Jehova.”—Dot 23:2.
DECEMBER 27–JANUARY 2
MAKOLWANE KA TENG GA LENTSU LA MODIMO | BAYAHLUDI 13-14
“King so Babelegi ba ka se Tšhutang ga Manowa le Mosadi Wage?”
w13-SE 8/15 16 ¶1
Babelegi—Tšhutisaneng Bana ba Lune go sa le ba Banyana
Nagana ka mošupetso wa Manowa wa moloko wa Dani, wa gore ne a dula Zora ga Israyele ya botala. Lengeloyi la Jehova le butsiye mosadi wa Manowa wa go sa belege gore o nyoko tla a belega morwayi. (Bay. 13:2, 3) A re kamake gore Manowa monna wa go tshepega le mosadi wage ne ba jabodisiye ke taba yone. Mara ne go na le tso ne di ba šekedisa. Byalo Manowa o yye a rapela a re: “Ntshwarele, Jehova. Monna wa Modimo wa mannete ye o sa tšwang go mo roma, barena, mo rome fote, gore a tle a re botse gore re tshwanele go maka ying ka ngwana ye a nyoko belegiwang.” (Bay. 13:8) Manowa le mosadi wage ne ba hlupega ka gore ngwana wa bona di nyaka ba mo gudise byang. A re kamake gore ba tšhutisiye morwayi wa bona, Samsoni, molawo wa Modimo, fote ba yye ba phomelela ga tso ba di makiyeng. Bhayibele yi re “Mo nako yi kene yi ya, moya ma Jehova wo yye wa tšhofa [Samsoni]”. Maphomela ke gore Samsoni o yye a maka dilo tsa go tlala tsa go makatsa mo a le wa go yahlula Israyele.—Bay. 13:25; 14:5, 6; 15:14, 15.
w05-SE 3/15 25-26
Samsoni o Jabola ka Matla ka Taba la Matšhika ya Jehova!
Mo Samsoni a kene a gola, “Jehova o yye mahlong a mo rufa.” (Bayahludi 13:24) Tšatši le lengwana Samsoni o tlile ga papage le mmane wage ke mokane a re: “Go na le mosadi ye ke mmonneng ku Thimna wa barwediya ba Mafilisita, ntseyeleneng yene go be mosadi waka.” (Bayahludi 14:2) Nagana gore ba yye ba makala byang. Morwayi wa bona ne a tshwanele go lokolla Maisrayele ga bo ba go ba gatelela, mara yene ne a nyaka go šadha nabo. Molawo wa Modimo ne wo sa dumele gore monna a tseye mosadi ga batho ba go rapela medimo ya matsaka. (Eksoda 34:11-16) Nka taba lo babelegi bage ba yyeng ba gana ba re: “Ayitsano a go na barwediya ga bobhuti wago kela ga batho ba rune, tsa go šinya o ye nyaka mosadi ga Mafilisita ya go sa bollwa?” Mara Samsoni o yye gapeletsa a re: “Le fo nkrayela yene, ka taba la gore ke yene wa gabutši mahlong yaka.”—Bayahludi 14:3.
Tso di Wutammeng ka Bhayibeleng
w05-SE 3/15 26 ¶1
Samsoni o Jabola ka Matla ka Taba la Matšhika ya Jehova!
Ke ka mokgo mang mosadi yela wa Mofilisita ne a le “wa gabutši” ga Samsoni? McClintock and Strong’s Cyclopedia yi re ne yi sa rele gore “ne a bafele, a le gabutši, a lebelelega, mara ne a le gabutši mo re lebelele go fela kela polane yage.” Go fela ga ying? Bayahludi 14:4 yi hlatolla gore Samsoni “ne a nyakana le lešuba la go lwa le Mafilisita.” Samsoni ne a nyaka mosadi yene ka taba la tsotsone. Mo Samsoni a gola go ba monna, “Moya wa Jehova wo yye wa mo tšhofa,” kela go maka gore a make se sengwana. (Bayahludi 13:25) Byalo ke moya wa Jehova wo ne wo tšhofa Samsoni gore a kgopele go tseyediwa mosadi yela le mmereko wage wa go yahlula Israyele. Ayitsano Samsoni o yye a thulagalela ke lešuba lo ne a le nyaka? Tla re thomiseneng ka go lebelela gore Jehova o makiye byang gore a sa kamake gore o ko dula a le naye.