Ditodi Tsa Sepukwane sa Mogahlano wa Maphelelo le Matšhomayelelo
JANUARY 3-9
MAKOLWANE KA TENG GA LENTSU LA MODIMO | BAYAHLUDI 15-16
“Go Sepelana ka Fase di ya Tšebisa!”
w12-SE 4/15 8 ¶4
Go Sepelana ka Fase go ka Leya Dilo Tsa go sa Loka!
4 Sa mathomo, nagana ka Delayila wa gore Samsoni ne a kwana naye. Samsoni ne a tikemisele go yemelela batho ba Modimo ka go lwa le Mafilisita. Di ka makega gore barena bala kapheta ya bona ba Mafilisita ke mo ba di bona gore Delayila ne a sa mo nyake ga Samsoni, byalo ba mo neyye tšheleta gore a ba krayele sephiri sa Samsoni gore king so se mo makang gore a be le matšhika gore ba thogo kraya tsela ya go mmolaya. Delayila wa gore ne a se na mekgwa o yye a dumela, mara o yye a šitega gararo go kraya sephiri sa Samsoni. Delayila o yye mahlong a mo gatelela “ka mantsu yage ka moka nako le go dula a mo kgopela a sa fetsi.” Mafelelong, “Samsoni o yye a fela pelo la go šinya a kwa nkare a ka kgwa.” Ke mokane o yye a mmotsa gore moriri wage a wo soko kupiwa fote mo wo ka kupiwa, a ka sa sa ba le matšhika. Mo a tšiba tsotsone, Delayila o yye a kopa moriri wa Samsoni mo a yetsele ho diropeng tsage, ke mokane a maka gore manaba yage ma mo tseye ma make se sengwana le se sengwana so ne ba nyaka go mo maka sona. (Bay. 16:4, 5, 15-21) Phela tso a di makiyeng di ro silikisa! Ka taba la dipawo, Delayila o jikele motho wa gore ne a mo nyaka ka matla.
w05-SE 1/15 27 ¶5
Monopo wa Puku ya Bayahludi
14:16, 17; 16:16. Go gatelela motho ka go lla le go kokola go ka sinya senghana sa lune.—Diyema 19:13; 21:19.
w12-SE 4/15 11-12 ¶15-16
Go Sepelana ka Fase go ka Leya Dilo Tsa go sa Loka!
15 Batho ba gore ba šadhiye ba ka maka byang gore ba dule ba tshepegelana? Lentsu la Modimo le re: “Jabola le Mosadi [kela Monna] wago wa mo le sa gola” fote, “bona lephelo le mosadi [kela monna] wago ye o mo nyakang ka matla.” (Diy. 5:18; Mmo. 9:9) Mo ba kene ba gola, di nyaka ba “tshwarisane” mošadhong wa bona, ga tso ba di hlokang le ka mokgo ba tikwang. Tsone di rela gore ba tshwanele ba theetselane gabutši, ba fetse nako ba le ggoši, fote ba mamarelane. Di nyaka ba dule ba nyaka go tiyisa mošadho wa bona le senghana sa bona le Jehova. Fote di nyaka ba dula ba bala Bhayibele ggoši, ba ye tšhomong ggoši, fote ba rapele ggoši gore Jehova a ba rufe.
DULA O TSHEPEGA GA JEHOVA
16 Go na la magageru ya gore ma sinnye ka matla fote ba ba wolodiye “gore ba dule ba ngangarele tumelo.” (Tito 1:13) Ga ba bangwana ne di nyaka gore ba ba ntshe ka phutegong. Fote “bo ba gore baa lokotšega mo ba wolodiwa,” tsone di ba gelepiye gore ba boyele ba be le senghana sa gabutši le Modimo. (Heb. 12:11) Byalo di nyaka o make ying mo nkare o na le lešaga kela monghana wa gore ba mo ntshiye ka phutegong? Di nyaka o tshepege ga Modimo, yi seng ga motho yene. Jehova o re lebelele gore ayitsano re latelela molawo wage ka go sa bolabole le motho wa gore ba mo ntshiye ka phutegong.—Bala 1 Makorente 5:11-13.
Tso di Wutammeng ka Bhayibeleng
w05-SE 3/15 27 ¶6
Samsoni o Jabola ka Matla ka Taba la Matšhika ya Jehova!
So ne se le monaganong wa Samsoni ne go le go lwa le Mafilisita fela. Ne a le hone ga ntlo ya mosadi yene wa go rekisa mmele ku Ghaza, gore a thogo lwa le manaba ya Modimo. Samsoni ne a nyaka poleke ya go yetsela ga yona hone mutšing wa manaba, fote ne yi krayega ga ntlo ya mosadi wa go rekisa mmele. Samsoni ne a sa yela go maka bonghwahla naye. O tlugiye ntlong ya mosadi yene gare ga bošego, a tshwara gheyiti ya hone mutšing le tso ne di yi thegiye, a di kakola a ya gedimo ga thaba natso, thina le Hebhroni, ya gore ne yi le kgole ka 60 ya dikhilomitha. Sone se makegiye ka gore Modimo o mo dumelele le go mo neya matšhika.—Bayahludi 16:1-3.
JANUARY 10-16
MAKOLWANE KA TENG GA LENTSU LA MODIMO | BAYAHLUDI 17-19
“Go sa Theetsele Molawo wa Modimo go Leya Mathatha”
it-2-E 390-391
Mmika
1. Monna wa moloko wa Eforayimi. Mmika o yye a tshela molawo wa mabala ga Lesome la Melawo yela Modimo ne a neyye Maisrayele (Ek 20:15), a yetswa 1 100 ya ditšheleta tsa siliva ga mmane wage. Mo a titl’laga gore o makiye ying le go busetsa tšheleta yone, mmane wage o yitseri: “Di nyaka ke make gore siliva yowa yi leng matsogong yaka yi hlawolege ga Jehova, ke makela morwayi waka, gore a thogo maka dithombhe tsa gore ba di betliye le tsa gore ba di tšhubelele; ke mokane nko yi busetsa gago.” Ke mokane a tseya 200 ya ditšheleta tsa siliva a di neya wa go bereka ka Siliva gore a make “dithombhe tsa gore ba di betliye le tsa gore ba di tšhubelele,” tsa gore ka nthago ba di yisiye ka ntlong ya Mmika. Mmika wa gore ne a na le “ntlo ya medimonyana,” o makiye efoda le therafimo, ke mokane a maka gore ye mongwana wa barwayi bage a be moprista. Le mo nkare taba yone ne ba yi makele go thanaka Jehova, ne ba sa tshwanela go yi maka ka taba la gore ne yi roba molawo wa gore ba sa rapele medimonyana (Ek 20:4-6) fote ne yi šupetsa gore a ba tseyele gedimo tabarenakele ya Jehova le boprista byage. (Bay 17:1-6; Dot 12:1-14) Ka nthago, Mmika o tsere Jonathane, motlogolo wa Ghešomo morwayi wa Moše, gore a tle gaye gage, a maka gore mosogana yene wa Lelifi yi be moprista wage. (Bay 18:4, 30) Mmika ne a kwa a kgotsofele ka taba yowa, a sa bone gore wa sinya, ke mokane a re: “Gana byalo Jehova o nyoko mmakela tsa gabutši.” (Bay 17:7-13) Mara Jonathane ne yi se wa moloko wa Aroni, byalo ne a sa tshwanelege go maka mmereko wa maprista, sosone se ya napa se maka gore Mmika a sinye ka matla.—Dip 3:10.
it-2-E 391 ¶2
Mmika
Ka nthago ga mone, Mmika le banna ba bangwana ba yye ba lelekisa ba moloko wa Dani. Mo ba ba kraya, ba ba butsisa gore bothatha king, Mmika o yitsere: “Le tsere medimonyana ya dithombhe yo ke yi makiyeng, la tseya le maprista, ke mokane la sepela, byalo nna ke šele ka ying?” Gana mone barwayi ba Dani ba yye ba pasopisa Mmika gore mo a ka fo ya mahlong a ba latelela le go ba rasela, ba nyoko lwa naye. Mo Mmika a bona gore ba moloko wa Dani ba na le matšhika go phala bona, o yye a jika a boyela gaye. (Bay 18:22-26) Ka nthago ga mone, ba moloko wa Dani ba yye ba hlasela Layiši le go yi tšhuba, ke mokane ba yaga mutši wa Dani ga yona. Jonathane le barwayi bage ba ba makiye maprista ya Dani, bo ne ba “tsere dithombhe tsa Mmika, tsa gore o ro di betla, ba tipeyela tsona matšatši ka moka ya mo ntlo ya Modimo wa mannete [tabarenakele] yi le ku Šilo.”—Bay 18:27-31.
Tso di Wutammeng ka Bhayibeleng
w15-SE 12/15 10 ¶6
Hlatollo ya go Phela ya Lentsu la Modimo
6 Bohlatse bya go tšhela lebitso la Modimo ka Bhayibeleng a bya sinyega mara bo f’lo ya mahlong bo yeketsega. Hlatollo ya 2013 ya New World Translation yi na le lebitso lone ga 7 216, fote yi feta hlatollo ya 1984 ka 6. Kapheta ya tsona tsa mathomo di krayega ga 1 Samuwele 2:25; 6:3; 10:26; 23:14, 16. Lebitso lone ba le busetsiye, ka matlamatla ka taba la gore Mangwalo ya go Kokoropana ya Lewatle la gore le Kgwile, ya gore ne ba ma ngwadiye ka Seheberu ya gore fote ma na le gana hala ga 1 000 ya mengwaga, ma nalo lebitso lone ga ditemanyana tsowa. Fote, ga Bayahludi 19:18 ba le busetsiye ka taba la go nyakisisa mangwalo ya botala.
JANUARY 17-23
MAKOLWANE KA TENG GA LENTSU LA MODIMO | BAYAHLUDI 20-21
“Ariye Mahlong o Butsisa Jehova”
w11-SE 9/15 32 ¶2
Ayitsano o ka Tshwana le Finiyase mo o Gahlana le Dintshitshire?
Ka nthago ga gore mosadi wa gore ne a tsere ke Lelifi wa gore fote ba mo tsere segadikane ba mo reyipiye le go bolaya ke banna ba Ghibhiya ba moloko wa Bhenjamini, banna ba meloko ye mengwana ba yye gwe lweng le ba moloko wa Bhenjamini. (Bay. 20:1-11) Ba yye ba rapela gore Jehova a ba gelepe mo ba so ko ya gwe lweng, mara ba ba hludiye gabedi, fote ba yye ba kwalela ka matla. (Bay. 20:14-25) Ayitsano ne ba ka hlaya gore dithapelo tsa bona Modimo aa di fetola? Ayitsano Jehova ne di mo jabodisa go bona ba nyaka go lwa le banna bo ba makiyeng dilo tsone tsa go befa?
w05-SE 1/15 27 ¶9
Monopo wa Puku ya Bayahludi
20:17-48—Ke ntaba Jehova a yye a lisetsa moloko wa Bhenjamini wo hlula meloko ye mengwana gabedi, mola le gore ne go le wona wo ne di nyaka ba wo wolole? Jehova o lisetsiye meloko yo ya go tshepega gore ba yi hlule ka taba la gore ne a nyaka go bona gore ba tikemisele go segela kaye gore ba tlose dilo tsa go befa gare ga bona.
w11-SE 9/15 32 ¶4
Ayitsano o ka Tshwana le Finiyase mo o Gahlana le Dintshitshire?
King so re se tšhutang ga taba yowa? Mathatha ya mangwana ma ya mahlong ma le gona ka ho phutegong le mo bagolo ba ka karakara byang le go rapela Modimo gore a ba gelepe. Mo nkare tsone dya makega, bagolo ba maka gabutši mo ba gopola mantsu ya Jeso a ma hlayyeng ya gore: “Ariyeneng mahlong le kgopela [kela le rapela], ba ko le neyeng; ariyeneng mahlong le nyaka, le ko kraya; ariyeneng mahlong le kokota, ba nyoko le bulela.” (Luka 11:9) Le mo di bonala nkare Jehova o tseya nako go fetola thapelo, ba go wokamela di nyaka ba sa kamake gore o nyoko yi fetola thapelo yone ka nako yo a yi beyyeng.
Tso di Wutammeng ka Bhayibeleng
w14-SE 5/1 11 ¶4-6
Nje o di Kwelele?
Dilo tsa go boša matlapa ne ba di berekisa byang mo ba lwa ku botala?
Dafita o berekisiye selo sa go boša matlapa gore a bolaye Gholiyate. Di bonala nkare Dafita o tšhutiye go berekisa selo sone nakwela a sa le mošomanyana wa go disa.—1 Samuwele 17:40-50.
Dilo tsone tsa go boša matlapa di gona ga dilo tso ba di thalathadiyeng tsa Maegepita le Maasiriya ka dinako tsa Bhayibele. Thulusi yone ne yi na le sa nkare ke sekhwama sa gore ba se makiye ka mokgopa kela llapi la gore ba le mamaretsiye ga dithapo ka dipedi. Ye a berekisang selo sone ne a tšhela letlapa la kgokolo la 5 go segela ga 7 ya disenthimitha, fote ka go roba le teya gana hala ga 250 ya dighremo. Ke mokane ne a dukulusa selo sone ho kgakala ga hlogo yage ke mokane a lisetsa thapo ka yyoši, sosone sa maka gore letlapa lone le fofe ka matšhika le gore le korole.
Mo ba kene ba yepa dilo tsa botala hala Middle East, ba krayye matlapa ya go tlala ya dilo tsone tsa go boša matlapa tsa gore ne ba lwa ka tsona ku botala. Bo ba gore ne go le digele ne ba kgona go berekisa selo sone go fufisa matlapa yane ka lebelo la go teya ga 160 go ya ga 240 ya dikilomitha ka awara. Bo ba go tšhutega a ba dumele gore matšhika ya sona ma tshwana le ya mosefo mara mo ba boša matlapa ka sona, se ka kgona go bolaya.—Bayahludi 20:16.
JANUARY 24-30
MAKOLWANE KA TENG GA LENTSU LA MODIMO | RUTHI 1-2
“Ariye Mahlong o Šupetsa go Nyakanana ga Mannete”
w16.02-SE 14 ¶5
Yekisela Banghana ba Bagolo ba Jehova
5 Ruthi nke a f’lo tipotsa gore o na le mutši wage, mmane wage le mašaga yage ba gore ba ko kgona go mo pasopa hala Mowaba. Mowaba ne go le gagabo. Setšo sa gana hone ne go le setšo sage, mmolabolo wa gana hone ne go le mmolabolo wage le batho ba gana hone ne go le batho ba gabo. Nawomi ne a sa mo tshepisi gore o ko di krayeng tsone hala Betlelehema. Gabutšibutši, o hlohletsele Ruthi gore a dule Mowaba. Nawomi ne a tšhoga gore ne a ka sa kgone go neya bomakoti bage banna le ga go dula. Ruthi ne a nyoko maka ying? Bona ša gore gage le Oropa, ke mang wa gore o “boyele ga batho ba gabo le medimo ya gabo.” (Ruthi 1:9-15) Ayitsano Ruthi ne a nyaka go boyela ga batho ba gabo le ga medimo ya matsaka? Awwa, ne a sa di nyake.
w16.02-SE 14 ¶6
Yekisela Banghana ba Bagolo ba Jehova
6 Di bonala nkare Ruthi o thomisiye go tšiba Jehova Modimo, di ka makega gore o mo tšibiye ka monnage wa go hlokofala kela ga Nawumi. Jehova ne a sa tshwane le medimo ya ku Mowaba. Ruthi ne a di tšiba gore o tshwanele go nyaka Jehova le go mo rapela. Mara go fo tšiba ne go sa yenela. Ruthi ne a tshwanele go segelela sepheto. Ayitsano ne a nyoko kgeta gore Jehova go be Modimo wage? Ruthi o segelele sepheto sa gabutši. O butsiye Nawumi gore, “Batho bago go nyoko ba batho baka, fote Modimo wago go nyoko ba Modimo waka.” (Ruthi 1:16) Mo o nagana ka mokgo Ruthi ne a nyaka Nawumi ka gona di ya tiyisa, mara sa go ro napa se tiyisa ka matla nka mokgo ne a nyaka Jehova. Fote Bhowase o yye a thanaka Ruthi ka gore ne a tikokotlele ka Jehova. (Bala Ruthi 2:12.) Tsone di ka re gopotsa nonyane ye nyana mo yi wutama ka tlase ga mafofa ya go ba le matšhika ya mmane wa yona. (Pis. 36:7; 91:1-4) Jehova o yye a ba mmelegi ga Ruthi. Fote o yye a mo rufa ka taba la tumelo yage, fote a sanka gwa ba le selo sa gore se makiye gore a tisole ka taba la sepheto so a se makiyeng.
Tso di Wutammeng ka Bhayibeleng
w05-SE 3/1 27 ¶1
Monopo wa Puku ya Ruthi
1:13, 21—Ayitsano Jehova o makiye gore lephelo la Nawumi le gakge le gore a tlele ke mathatha? Awwa, fote Nawumi aa hlaya gore ke Modimo ye a makang tsotsone. Ga dilo ka moka tso di mo makegeleng, ne a nagana gore Jehova o mo lahliye. Ne a kwa lephelo le gakga fote a kgongwele. Fote, ka dinako tsa gona, mo motho a sa belegi kela a se na ngwana, ne go le gore o na le senyama. Ka taba la gore Nawumi ne a sena ditlogolo fote barwayi bage ka babedi ba hlokofele, di ka makega gore o yye a nagana gore Jehova o mo poyidiye.
JANUARY 31–FEBRUARY 6
MAKOLWANE KA TENG GA LENTSU LA MODIMO | RUTHI 3-4
“Maka Gore o Dule o Tšibega ka Dilo Tsa Gabutši”
w12-SE 10/1 22 ¶5
“Mosadi wa Gabutši ka Matla”
Bhowase o bolabodiye fote a re kamake gore o bolabodiye a bebiye, fote tsotsone di tiyisiye Ruthi ka matla. Bhowase o yitseri: “Nkare Jehova a ka go rufa wene morwediya waka. Dilo tso o di makiyeng botalanyana di šupetsa gore wa nyakanana, mara tso o di makang gana byalo di ro bafala ka matla, ka go sa yi we nyaka monna ga masogana ya go tihlupegela kela ya go ghanya.” (Ruthi 3:10) “Dilo tso o di makiyeng botalanyana” di rela go nyakanana ga Ruthi mo a boyela Israyele le Nawumi fote a mo pasopa. Mantsu yawa ya gore “tso o di makang gana byalo” ma rela tso Ruthi ne a kene a di maka. Bhowase o hlayye gore mosadi wa go lekana le Ruthi ne di ko ba lula gore a tikrayele monna ga masogana ya go tihlupegela kela ya go ghanya. Mara ne a sa nyake go makela Nawumi fela dilo tsa gabutši, ne a nyaka le go makela mokgalabe wa Nawumi wa gore o hlokofele gore lebitso lage le sa kgwelele nageng ya gabo. Di lula go bona gore Bhowase o jabodisiye ke gore mosadi yewa ke motho wa go sa tinaganele.
w12-SE 10/1 23 ¶1
“Mosadi wa Gabutši ka Matla”
Di tshwanele di mo jabodisiye ka matla ga Ruthi mo a nagana ka tso Bhowase a di hlayyeng—gore batho ka moka ba mo tšiba go le “mosadi wa gabutši ka matla”! Fote a re kamake gore go nyaka Jehova ke gona go makiyeng gore a tšibege ka mokgonone. O šupetsiye gore o lukiye fote o kwelana go baba ga Nawumi le ga batho ba gabo, mo a titlwayetsa mekgwa le ditšo tsa gore ne a sa di tšibi a sa tšhofe ke motho. Mo re nyaka go ba le tumelo ya go tshwana le ya Ruthi, re nyoko nyaka go tshwara ba bangwana gabutši le go hlompa ditšo tsa bona ka matla. Mo re maka ka mokgonone, le rune o ka kraya re tšibega re le batho ba gabutši ka matla.
w12-SE 10/1 24 ¶3
“Mosadi wa Gabutši ka Matla”
Bhowase o yye a šadha le Ruthi. Ka nthago re bala gore: “Jehova o yye a maka gore a kgone go belega ke mokane Ruthi a belega morwayi.” Basadi ba Bhetlelehema ba yye ba rufa Nawumi le go thanaka Ruthi ka gore o yye a ba gabutši ga Nawumi go phala mola a na le kašupa ya barwayi. Fote re tšhuta le gore, Morwayi wa Ruthi o yye a ba kokwane wa Kgoši Dafita. (Ruthi 4:11-22) Dafita yene o yye a ba kokwane wa Jeso Kreste.—Matewu 1:1.
Tso di Wutammeng ka Bhayibeleng
w05-SE 3/1 29 ¶3
Monopo wa Puku ya Ruthi
4:6—Ke ntaba ba re motho ye a rekisiyeng lefa lage a boya a le reka yene beng o “sinya” lefa lage? Sa mathomo, mo ye a rekisang naga kela lefa lage ka taba la mohlupego, gore a thogo le reka fote ne di nyaka gore lešaga lage le hlekeletse tšheleta ya go le reka fote go ya ka mengwaga yo yi šeleng gore go be mongwaga wa Jubhili. (Lefitiko 25:25-27) Mo a maka ka mokgonone o nyoko maka gore di sa mo turele. Go tokegela gana hone, mo Ruthi a ka belega morwayi, morwayi yene o ko kraya lefa lone, le ka sa kraye ke mašaga yage ya thina.
FEBRUARY 7-13
MAKOLWANE KA TENG GA LENTSU LA MODIMO | 1 SAMUWELE 1-2
“Tshollela Jehova sa ka ho Pelong ka Thapelo”
ia-SE 55 ¶12
O Yye a Tshollela Jehova sa ka ho Pelong Yage ka Thapelo
12 Ka mokgonone, Hanna o beyele malata ya Modimo mošupetso wa gabutši mo di tla ga taba ya go rapela. Jehova o mema batho bage gore ba tle ba bolabole naye ba sa tšhabe selo, ba sa wutetsi selo, ba mo tshollele ka moka tso di ba hlupang go fo tshwana le ngwana wa go tshepa mmelegi wage wa gore o mo nyaka ka matla. (Bala Pisalema 62:8; 1 Mathesalonika 5:17.) Petro wa lepostola di mo tšhofiye gore a ngwale mantsu yawa ya go kgomoletsa ya go bolabola ka go rapela Jehova ya gore: “Le kene le bošela tso le šekelang ka tsona gage, ka taba la gore wa tihlupa ka lune.”—1 Pet. 5:7.
w07-SE 3/15 16 ¶4
Ka Mokgo Hanna a Krayyeng go Beba
Ga dilo tso ka moka re tšhuta ying? Mo re bolabola le Jehova ka tso di re hlupang, re ka mmotsa ka mokgo re tikwang ka gona fote re mo kgopele di tšwa pelong. Mo re maka ka mokgonone, re ka sa nyake go tilukisela mathatha ka bo rune beng mara re nyoko di šiya matsogong yage. A gona so se phalang go maka ka mokgonone.—Diyema 3:5, 6.
Tso di Wutammeng ka Bhayibeleng
w05-SE 3/15 21 ¶5
Monopo wa Puku ya Samuwele wa Mathomo
2:10—Ke ntaba Hanna a yye a rapela Jehova gore a “neye kgoši yage matšhika” le gore ne go se na kgoši Israyele? Molawo wa Moše wo porofitiye gore Maisrayele ma nyoko ba le Kgoši. (Dotoronoma 17:14-18) Mo Jakobo a le thina le go kgwa o porofitiye gore: “Thoka ya mmušo [ya go yemela bogoši] yi ka sa tloge ga Juda.” (Genesi 49:10) Go tokegela gana hone, mo a bolabola ka Sara—kokwane wa Maisrayele—Jehova o yitseri: “Dikgoši tsa batho di nyoko tšwa gage”. (Genesi 17:16) Hanna ne a rapela ka kgoši yo yi sa tlang.
FEBRUARY 14-20
MAKOLWANE KA TENG GA LENTSU LA MODIMO | 1 SAMUWELE 3-5
“Jehova wa Naganelana”
O na le Matšhika ka Moka Mara o Kwelana go Baba
3 Samuwele mo a thomisa go ba ‘lelata la Jehova’ ku taberenakeleng ke mo go sa le ye monyana ka matla. (1 Sam. 3:1) Tšatši le lengwana go le bošego mo Samuwele a šele a yye go yetseleng, go yye gwa makega selo se sengwana sa go makatsa. (Bala 1 Samuwele 3:2-10.) O yye a fo kwa lentsu le mo yahlamela. Yene ke mo a tseya gore o yahlamela ke Moprista ye Mogolo Eli, Samuwele a yakgoswa a theetsela a kobakoba a ya gage a segela a re: “Ke nna yewa, ke kwa o mpitsa.” Eli a phiga. Mo taba yonone yi makega gabedi fote, Eli o yye a di bona gore gabutšibutši Samuwele o bitsa ke Modimo. Byalo o yye a botsa mošomanyana yene gore a yarabele byang, ke mokane Samuwele le yene o yye a maka ka mokgonone. Ke ntaba Jehova a sa fo ba a romme morongwa di sa fo tloga, gore a ye ga Samuwele? Baebele a yi hlaye, mara ka mokgo ditaba di makegiyeng ka gona di šupetsa gabutši gore Jehova ke mo a mo naganela ka matla ga Samuwele ka gore ke mo go sa le ye monyana. Byang?
O na le Matšhika ka Moka Mara o Kwelana go Baba
4 Bala 1 Samuwele 3:11-18. Molawo wa Jehova ke mo wo re dibanenyana di hlompe batho ba bagolo, ka matlamatla dindhuna. (Ek. 22:28; Lef. 19:32) Ayitsano o ka mo nagana ga Samuwele a šele a ya ga Eli go sa le ka phu ke mokane a segela a bolabola naye a šišimele gore Modimo o yahlodiye ditaba a re king? A ka sa make tsotsone! Gabutšibutši, mo re kene re bala, re kwa gore Samuwele “ke mo a tšhaba go hlaya ga Eli so a se loriyeng.” Mara, Modimo o yye a maka gore Eli a di bone gore ke Yene a bolabodiyeng le Samuwele. Eli o makiye ke tsotsone gore a šinye a kgopele Samuwele go bolabola so se mo kokonang. Eli o yye a re gage: “[O sa] wutametsi le lentsu ka lloši ga mantsu ka mokana ga wona ya a ma hlayyeng ho gago.” Samuwele o yye a mo theetsela, ke mokane “a mo hlayisela dilo ka mokana ga tsona.”
Tso di Wutammeng ka Bhayibeleng
w05-SE 3/15 21 ¶6
Monopo wa Puku ya Samuwele wa Mathomo
3:3—Ayitsano Samuwele o Yetsele ga Poleke ya go Hlawolega ka Matla? Awwa, aa yetsela gona. Samuwele ne yi le Lelifi la mutši wa Makhohati ya gore ne go se maprista. (1 Dikoronika 6:33-38) Nka taba lo ne ba sa mo dumelela gore a “kene a bone dilo tsa go hlawolega.” (Dipalo 4:17-20) Poleke yo Samuwele ne ba mo dumelele go kena ga yona ne yi le ga lapa la tabarenakele. Ke mo ne a yetsele gona. Di šupa gore le Eli ne a yetsele ga nthoko ye nngwana ya lapa. Mantsu yawa “mo areka ya Modimo ne yi le gona” ma rela mo tabarenakele yi leng gona.
FEBRUARY 21-27
MAKOLWANE KA TENG GA LENTSU LA MODIMO | 1 SAMUWELE 6-8
“Kgoši Yago ke Mang?”
it-2-E 163 ¶1
Mmušo wa Modimo
Ba Kgopela ye go ko Bang Kgoši. Gana hala ga 400 ya mengwaga go thomisa ga mo ba tšwa Egepita le mo se go šele go fitiye 800 ya mengwaga Modimo a makiye kwano le Abhrahama, Maisrayele ma yye ma kgopela gore go be le kgoši ya gore yi ba yetetse, go fo tshwana le mo ditšhaba tse dingwana di na le dikgoši tsa bona. So ne ba se kgopela ne se šupetsa gore ba gana gore Jehova a ba lawole. (1Sa 8:4-8) Ke nnete gore batho ne ba yemele gore Modimo a hlome mmušo, go ya ka so a se tshepisiyeng Abhrahama le Jakobo. Fote ne ba na le tshepo yone ka taba la seporofeto sa go bolabola ka Juda so Jakobo a se hlayyeng mo a so ko kgwa (Gen 49:8-10), mantsu ya Jehova a ma butsiyeng Israyele ka nthago ga gore ba tšwe Egepita (Ek 19:3-6), tso di leng ga Molawo wo a ba neyyeng wona (Dot 17:14, 15), fote le ga molayetsa wo Modimo a makiyeng gore moporofeta Bhalamo a wo bolabole (Dip 24:2-7, 17). Hanna wa go tshepega, go leng mmane wa Samuwele, o bolabodiye ka tshepo yone ga thapelo yage. (1Sa 2:7-10) Le mo go le ka mokgonone, Jehova aa ba botsa dilo ka moka ka “sephiri sa go hlawolega” sa Mmušo fote aa hlaya gore o nyoko wo hloma leng le gore o nyoko wo lukiselela kaye kela wo nyoko ba byang—gore ayitsano wo nyoko ba ho lefaseng kela legedimong. Maisrayele ne ma ro fetelela mo bona beng ba tikgopelela gore ba be le kgoši.
w11-SE 1/1 27 ¶1
O Yye a Tiyisela le mo Dilo di sa Sepele Gabutši
Bona ka mokgo Jehova a fetodiyeng ka gona mo Samuwele a mmotsa bothatha byage ka thapelo: “Theetsela mantsu ya batho bowa ga dilo ka moka tso ba go botsang tsona; ka taba la gore a ba gana wene mara ba ganne nna gore ke be kgoši ya bona.” Tsotsone di yye dya kgomoletsa Samuwele, mara ga Modimo wa Matšhika ka moka di yye dya mo kwisa go baba ka matla! Jehova o butsiye moporofeta wage gore a botse Maisrayele gore ma nyoko patela ka matla ka taba la go nyaka go ba le kgoši. Mo Samuwele a ba botsa, ba f’lo gapeletsa ba re: “Awwa, rune re nyoko ba le kgoši ya gore yi re lawole.” Samuwele wa gore o fo dula a theetsela Modimo wage o yye a hlawola kgoši yo Jehova a yi kgetiyeng.—1 Samuwele 8:7-19.
w10-SE 1/15 30 ¶9
Tsela ya Jehova ya go Lawola yi Gabutši!
9 Dilo tso di makegiyeng botala di šupetsa gore Jehova ne a resa ga tso ne a ba pasopisa ga tsona. Go ba le kgoši gore yi ba lawole di leyele Israyele mathatha ya magolo, ka matlamatla mo kgoši yone yi sa sa tshepega. Mo re nagana ka mošupetso wa Israyele, a di re makatse go bona gore kgale le kgale, memmušo ya go lawola ke batho ba go sa tšibi Jehova yi šitegiye go leya maphomela ya gabutši ya go ya go yye. Ke nnete gore ba bangwana ba dipolotiki ba kgopela gore Modimo a ba rufe mo ba kene ba liketsa go maka gore go bebe fote go tšhireletsege, mara Modimo a ka rufa byang bo ba sa theetseleng melawo yage?—Pis. 2:10-12.
Tso di Wutammeng ka Bhayibeleng
w02-SE 4/1 12 ¶13
Ke Ntaba di Nyaka o Kolobetsiwe?
13 Di nyaka re sokologe mo re soko kolobetsiwa gore re be Dihlatse tsa Jehova. Mo o sokologa, o ba o sa tšhofe ke motho, o ba o segelele sepheto sa go latelela Jeso Kreste. Batho bo ba sokologang ba lisetsa mekgwa ya bona ya botala ya go maka tsa go befa ke mokane ba tikemisela go maka tsa gabutši mahlong ga Modimo. Ka ho mangwalong, mantsu ya Seheberu le Segerika ya ma yelanang le go sokologa ma na le go rela gore go sologa kela go boyela nthago. Sosone se šupetsa go sologa ga tsela ya go befa ke mokane o lebelele Modimo. (1 Magoši 8:33, 34) Sone se rela go “maka dilo tsa go šupetsa gore ba sokologiye.” (Mebereko 26:20) Di nyaka re lisetse morapelo wa gore a yi wa nnete, re latelele melawo ya Modimo, fote re tineyele ga Jehova fela. (Dotoronoma 30:2, 8-10; 1 Samuwele 7:3) Go sokologa go maka gore re tšhentšhe ka mokgo re naganang, re tseyang dilo ka gona le ka mokgo re bonang dilo ka gona. (Hezekiyele 18:31) Re “sokologa” mo re kene re lisetsa mekgwa ya go sa sipidisane le Modimo, ke mokane re ba le mekgwa ya nyuwane.—Mebereko 3:19; Maefeso 4:20-24; Makolose 3:5-14.
FEBRUARY 28–MARCH 6
MAKOLWANE KA TENG GA LENTSU LA MODIMO | 1 SAMUWELE 9-11
“Mathomong Sawulo ne a Tinyanafatsiye Fote a le Gabutši”
Tinyanafatse mo o Kene o Sepela le Modimo Wago
11 Nagana ka so se yyeng sa makegela Kgoši Sawulo. Ne go le motho wa go tinyanafatsa. Ke mo a tšiba tso a kgonang go di segelela fote mo ba mo neya mmereko wa gore o bona nkare a ka sa wo kgone, ne a wo gana. (1 Sam. 9:21; 10:20-22) Mara mo nako yi kene yi ya, o yye a fo re jiki. O yye a thomisa go maka dilo tsa gore aa tshwanela go di maka ka nthago ga gore a be kgoši. Tšatši le lengwana o yye a fela pelo mo a yemele moporofeta Samuwele. Sawulo o yye a maka sehlabelo sa gore ne a sa tshwanela go se maka, a sanka a tshepela ga Jehova gore A phonise batho bage. Sosone se makiye gore a sa sa jabodisa Jehova ke mokane tsa go ba kgoši dya šaša. (1 Sam. 13:8-14) Re ko ba re hlalifiye mo re ka tšhuta ga mošupetso wa Sawulo, ra lesetsa go tlungwela ga dilo tsa gore a di re nyake.
w14-SE 3/15 9 ¶8
Tso o ka di Makang Gore o Dule o Makela ba Bangwana Tsa Gabutši
8 Re ka tšhuta ga Kgoši Sawulo wa ku Israyele gore mo re ka titseyela gedimo, re ka šinya re thomisa go sa sa kwana le go makela batho dilo tsa gabutši. Sawulo o thomme a le kgoši ya gabutši fote a se na magetla. (1 Sam. 9:21) O ganne go wolola Maisrayele ya gore ne ma nyatsa bogoši byage, le mo yi le gore nke a sa sinya hala a yye a kgeta go yemelela mmereko wo a neyyeng ke Modimo. (1 Sam. 10:27) Kgoši Sawulo o yye a dumela go gelepa ke moya wa Modimo mo a kene a yetetsa Israyele mo yi lwa le Maamoni. Ka nthago o yye a thanaka Jehova gore ke yene ye a hludiyeng.—1 Sam. 11:6, 11-13.
w95-SE 12/15 10 ¶1
Maamoni—Batho ba Gore ba Patele go Loka ka Lešidi
Fote Maamoni ma yye ma patela go loka ga Jehova ka lešidi. Jehova aa yi phayela ka thoko taba ya gore ba ba tshosetsa. “Moya wa Modimo wo yye wa thoma go bereka ga Sawulo mo a kwa mantsu yawa [ya Nahaši], a napa a bila ka go kwata.” Mo a kene a yetetsa ke moya wa Modimo, Sawulo o yye a ntsha 330 000 ya banna ba go lwa ba gore ba yye ba hlula Maamoni tsa gore ‘ba yye ba tlalagana’.”—1 Samuwele 11:6, 11.
Tso di Wutammeng ka Bhayibeleng
w05-SE 3/15 22 ¶8
Monopo wa Puku ya Samuwele wa Mathomo
9:9—King so re se bonang ga mantsu yawa ya gore “ye re reng ke moporofeta lekgono, ka dinako tsa ku botala ne ba re ke wa go kgona go bona tso di sa tlang”? Mantsu yawa ma ka šupa gore baporofeta ba thomisiye go tuma ka dinako tsa Samuwele le ka dinako tsa magoši ya Israyele, “motho wa go kgona go bona tsa gore di se tla” o yye a thoma go tšibega ka lentsu “moporofeta.” Samuwele o tšibega go le moporofeta wa mathomo ga baporofeta.—Mebereko 3:24.