Ditodi Tsa Sepukwane sa Mogahlano wa Maphelelo le Matšhomayelelo
SEPTEMBER 5-11
MAKOLWANE KA TENG GA LENTSU LA MODIMO | 1 MAGOŠI 9-10
“Thanaka Jehova ka Taba la Gore o Hlalefiye”
w99-SE 7/1 30 ¶6
Tso di Yyeng Dya Rufiwa ka Matla
Mo kgoši ya mosadi yi ye gahlana le Solomoni, yi yye ya thomisa go mmutsisa “diputsiso tsa go thathafa.” (1 Magoši 10:1) Lentsu lo le berekisiwweng howa ka Seheberu ba ka boya ba le hlatolla go le “dithayi.” Mara tsone a di rele gore kgoši yone ya mosadi ne yi fo butsisa Solomoni diputsiso tsa go sa re selo. Sa go makatsa ke gore ga Pisalema 49:4, ba berekisiye lona lentsu lolone go hlatolla diputsiso tse dikgolo ka taba ya go sinya, likgu le go phonisiwa. Byalo di bonala nkare kgoši yela ya mosadi ya Šebha ne yi butsisa Solomoni diputsiso ka ditaba tsa go kenelela tsa gore ne di ka liketsa go hlalefa gage. Bhayibele yi bolabola gore mosadi yene wa gore ne go le kgoši o yye “a bolabola naye ka dilo ka mokana ga tsona tso ne di mo hlupa.” Ke mokane Solomoni, “o yye a fetola diputsiso tsage ka mokana ga tsona. A go na le ka yyoši ya gore yi mo šitiye go yi hlatolla.”—1 Magoši 10:2b, 3.
w99-SE 11/1 20 ¶6
Mo Motho a ro ba a sa Konane
Mo kgoši yela ya mosadi yi sa makele ka taba la tso yi di kwileng le tso yi di bonneng, yi yye ya fetola yi tinyanafatsiye ka gore: “Go jabola malata yago ya gore ma dula ma le nago ma theetsele tso o di bolabolang tsa go šupetsa gore o hlalefiye!” (1 Magoši 10:4-8) Ne a sa re gore malata ya Solomoni ma jabodiye ka taba la gore ma gare ga dilo tsa majabajaba. Mara ne a ra gore ma rufegiye ka taba la gore ma dula ma theetsele go hlalefa ga Solomoni ga gore o go neyye ke Modimo. Kgoši ya mosadi ya Šebha ke mošupetso wa gabutši wa batho ba Jehova lekgono, ka taba la gore ba jabodisa ke go hlalefa ga ye a Makiyeng Dilo le ga Morwayi wage Jeso Kreste!
w99-SE 7/1 30-31
Tso di Yyeng Dya Rufiwa ka Matla
Kgoši ya mosadi ya Šebha yi yye ya jabodisa ke gore Solomoni o hlalefiye ka matla fote mmušo wage wa phomelela tsa gore “di yye dya mo šiya a makele ka matla.” (1 Makgoši 10:4, 5) Ba bangwana ba re tsotsone di rela gore kgoši yone ya mosadi yi šele yi “yahlamme.” Ye mongwana wa go tšhutega o yye a hlaya gore kgoši yone ya mosadi yi ro yidibala! Mara taba ke gore ke mo a makele ka matla ka taba la tso a di bonneng le tso a di kwileng. O hlayye gore malata ya Solomoni ma jabodiye ka taba la gore ba kgona go kwa tso di hlayang ke Solomoni tsa go šupetsa gore o hlalefiye fote o thanakiye Jehova gore o makiye Solomoni gore a be kgoši. O yye a neya Solomoni dilo tsa go tura ka matla le digholdi tsa gore gana byalo di ka rekisiwa ka tšheleta ya go teya ga R618 394 000.00. Solomoni le yene o neyye kgoši ya mosadi ya Šebha “se sengwana le se sengwana so yi se nabelang le tso yi di kgopeleng.”—1 Magoši 10:6-13.
Tso di Wutammeng ka Bhayibeleng
w08-SE 11/1 22 ¶4-6
Nje o di Kwelele?
Kgoši Solomoni ne a na le gholdi ya go tlala go segela kaye?
Mangwalo ma hlaya gore Hiramo kgoši ya Tire, o romele Solomoni digholdi tsa gore di nyakiye go lekana le tso kgoši ya mosadi ya Šebha yi mo neyyeng, ke mokane dikepe tsa Solomoni di tlile le digholdi di tšwa Ophiri tsa go ka lekana le gana hala ga 300 ya masaka ya disemente. Fote Bhayibele yi hlaya le gore “gholdi yo Solomoni a yi krayyeng ka mongwaga ka wwoši ne yi kala 666 ya ditalente tsa gholdi,” kela gana hala ga 400 ya masaka ya disemente. (1 Magoši 9:14, 28; 10:10, 14) Ayitsano di tlwayelegiye tsotsone? Gholdi ya bogošing ka nako ya gona ne yi tlele go segela kaye?
Ga tso di ngwadiwweng tsa botala tsa gore bo ba go tšhutega ba re di ya tshepega, di hlaya gore Faro Thutmose III wa Egepita, wa gore o yye a lawola 3 500 ya mengwaga ya go fela, o yisiye gholdi ya go kala gana hala ga 250 ya masaka ya disemente ku tempeleng ya Anum-Ra hala Karanaka. Gana hala ga 2 800 ya mengwaga ku nthago, kgoši Tiglath-pileser III ya Aseriya yi krayye gholdi ya go kala gana hala ga 80 ya masaka ya disemente go tšwa Tire yi le go šupetsa gore ya leboga, fote Sargon II o neyye medimo ya Bhabhilona gholdi ya go lekana le yona yonone. Ba bangwana ba hlaya gore Kgoši Filipi II ya Masedoniya (359-336 B.C.E.) o yepiye gholdi ya go ka kala gana hala ga 560 ya masaka ya disemete mongwaga wo mongwana le wo mongwana ku dimmayine tsa Pangaeum ku Tharase.
Mo morwayi wa Filipi go leng Alexander ye Mogolo (336-323 B.C.E.) a hlula mutši wa Peresiya ya Susa, ba hlaya gore o tsere gholdi ya go ka kala gana hala ga 23 600 ya masaka ya disemente ga mutši wone le gholdi ya go ka kala gana hala ga 140 000 ya masaka ya disemete ga poleke ya Peresiya ka moka. Byalo mo o tshwanisa dipego tsowa, o kgona go bona gore tso Bhayibele yi di hlayang ka gholdi ya Solomoni ne yi se matsaka.
SEPTEMBER 12-18
MAKOLWANE KA TENG GA LENTSU LA MODIMO | 1 MAGOŠI 11-12
“Kgeta Gabutši Motho ye o Nyakang go Šadha Naye”
“Ba Gore ba Yemme ka Lethokong la Jehova ke Bafeng?”
7 Re ka tšhuta tsa go tlala ga Kgoši Solomoni. Mo Solomoni a sa gola, ke mo a kgopela Jehova gatleletlele gore a mo yetetse. Modimo o mo hlalefisiye ka matla a boya a re a yage tempele ya majabajaba ya Jerusalema. Mara Solomoni o yye a sa sa tšhayisana le Jehova. (1 Mag. 3:12; 11:1, 2) Molawo wa Modimo ke mo o rakela kgoši ya Leheberu gore “yi titseyele basadi ba go tlala, gore pelo ya yona yi sa keketlele.” (Dot. 17:17) Solomoni aa theetsela, o feleletsiye a tsere 700 ya basadi. Ka ho ntlong yage o yye a leya metlabo ye mengwana 300 ya yona. (1 Mag. 11:3) Basadi bage ba go tlala ke mo go se Maisrayele, ke mo ba rapela medimo ya matsaka. Byalo Solomoni le yene o yye a jikela Modimo, a sa sa theetsela molawo wage wa gore ke mo o rakela gore a sa nyale basadi ba ka tawong.—Dot. 7:3, 4.
O ka Maka Byang Gore o Tšhireletse Pelo Yago?
6 Sathane o nyaka gore re tshwane naye—o yye a woma hlogo a kgeluga ga tso Jehova ke mo a di bolabola. Sathane a ka sa di kgone tsa gore re makisa ka tšhinghi dilo tso yene a di naganang kela a di makang. Byalo o leketsa go re loba ka mekgwa ya go tlala. Ye nngwana yo a yi berekisang ke ya gore a re šutetse thina le batho ba gore o šele a na a ba tlanyetsiye. (1 Joh. 5:19) Mo a maka tsotsone, o fo tshepa gore kela batho bone re nyoko nghanelana nabo, le mo re kene re di tšiba tsa gore banghana ba go kwana le tsa go befa ba nyoko re “sinya.” (1 Makor. 15:33.) Taba yone yi berekiye le ga Kgoši Solomoni. O nyadiye basadi ba go tlala ba gore ke mo ba sa rapele Modimo, basadi bone ba šinnye ba mo kutšetsela ka matla ke mokane “pelo yage ya thomisa” go šepa ka ho ga Jehova.—1 Mag. 11:3.
“Ba Gore ba Yemme ka Lethokong la Jehova ke Bafeng?”
9 Mara Jehova tsa go befa o yakgoswa a di bona. Baebele yi re: “Jehova o yye a kwatisa ke Solomoni ka matla, ka taba la gore pelo yage ke mo yi keketlela ku kgole le Jehova . . . , ye a yyeng a nyarela gage gabedi a tl’le mmotsa ka yona taba yonowa, a mmotsa gore a sa latelele medimonyana yone. Mara aa theetsela tso Jehova a di bolabodiyeng.” Jehova le yene o yye a napa a mo lesetsa. Bo ba yyeng ba belegiwa ka nthago ga Solomoni ba krayye mmušo wa Israyele o sa mamarelana ba boya ba tlela ke dilo tsa go baba tsa go tlala, tsa tlela le bana ba bana ba bona.—1 Mag. 11:9-13.
Tso di Wutammeng ka Bhayibeleng
Nke a Yye a Jabodisa Modimo
Ho Rehobhoamo a bona dilo di mo jikela, a kgobaketsela masole yage. Mara Jehova a di šašisa, a roma moporofeta Shemaya, a re: “Le sa make tsotsone tsa gore le ye lwa le bowweru ba lune ba Maisrayele. Ye mongwana le ye mongwana a sologe a ye gaye, ka taba la gore ke nna ke lesetsiyeng gore dilo tso di makege.”—1 Mag. 12:21-24.
Ke gore nje le ka go nyana ke mo ba ka sa thomisi ba re baa lwa? Di šupa nkare Rehobhoamo taba yone yi mo hlopiye ka matla! Byalo batho ke mo ba nyoko fo re king ka kgoši yela ya gore yi tshosetsiye batho yi re yona yi nyoko ba teya ka “dibepu tsa marala” mara mo ba tšhingha ka mokg’o ya fo ba lesetsa? (Tshwanisa le 2 Dikoronika 13:7.) Kgoši yowa le masole ya yona ba f’lo re a go na taba “ba theetsela so se hlayyeng ke Jehova ba sologa, ka mokg’onola Jehova a ba butsiyeng ka gona.”
Rune re tšhuta ying gana howa? Re ko ba re hlalefiye mo re theetsela Modimo, le mo ba bangwana ba ka fo re poyila ka taba la tsotsone. Mo re theetsela Modimo, o nyoko jabola a boya a re rufa.—Dot. 28:2.
Byalo Rehobhoamo o šadiye a maka byang? Ka taba la gore o yye a theetsela ke mokane a lesetsa tso tsa go lwa le setšhaba sela sa nyuwane, o yye a thomisa go yaga ditoropo ga dimitšane ka mokana ga tsona tsa Juda le tsa Benjamini, ga gore ke mo go sa lawola yene. O yye a tiyisa ditoropo tsa go tlala “ka matlamatla.” (2 Dikor. 11:5-12) Sa gabutši ka matla so a se makiyeng ke gore o yye a ngangarela molawo wa Jehova, le mo a sa segela kgole. Mo mmušo wela wa lesome la meloko ya Maisrayele wo thomisa go tlalela ka matla ga medimo ya dithombhe nakwela go lawola Jerobhowamo, ba go tlala ba tlogiye ba ye “yema le Rehobhowamo,” ba ya Jerusalema gore ba šupetse gore ba yema le morapelo wa mannete. (2 Dikor. 11:16, 17) Tsa gore Rehobhowamo o yye a theetsela di makiye gore go lawola gage go tiyelele.
SEPTEMBER 19-25
MAKOLWANE KA TENG GA LENTSU LA MODIMO | 1 MAGOŠI 13-14
“Ke Ntaba di Nyaka o Kgotsofale ka Tso o Nang Natso Fote o Tinyanafatse?”
w08-SE 8/15 8 ¶4
Ariye Mahlong o Tshepega ka Pelo ka Moka
4 Ke mokane Jerobhowamo a re ga monna wa Modimo wa mannete: “Koriye le nna gaye gaka re ye ja tsa go ja, fote ke nyoko go neya se sengwana.” (1 Mag. 13:7) Moporofeta yewa ne a tshwanele a make ying mara? Ayitsano moporofeta yewa ne a tshwanele a dumele go ya le kgoši ka nthago ga go gore a mmotse molayetsa wa gore go nyoko ba le tsa go sasamela tso di nyoko makegang? (Pis. 119:113) Kela ne a tshwanele a gane, le mo nkare kgoši ne yi bonala yi tisola? Nnete ke gore di ka makega gore Jerobhowamo ne a neya banghana bage dilo tsa go tura. Mo nkare moporofeta yewa wa Modimo o na le go nabela dilo tsa majabajaba lula, di ra gore tso kgoši ne a ko nyaka go mo neya tsona ne a ka fo šitega go di gana. Mara Jehova o butsiye moporofeta yela gore: “O sa ji sekgwa kela wa nwa meetši, fote o sa boye ka pata yo o tlileng ka yona.” Byalo moporofeta yela o hlayye a sa kamake gore: “Le mo o ka nneya sekopa sa ntlo yago, nka sa ye nago ke ye ja sekgwa kela ke nwa meetši ga poleke yowa.” Fote moporofeta yela o sipidiye ka tsela ye nngwana. (1 Mag. 13:8-10) Re tšhuta ying ga sepheto sa moporofeta yela ka taba ya go tshepega tsa mannete?—Mrm. 15:4.
w08-SE 8/15 11 ¶15
Ariye Mahlong o Tshepega ka Pelo ka Moka
15 Re ka tšhuta ying se sengwana ga moporofeta yela wa go tšwa Juda sa gore aa se maka tsona? Diyema 3:5 yi re: “Tshepela ga Jehova ka pelo yago ka moka fote o sa tithege ka go kwisisa gago.” Go na le gore moporofeta yewa wa go tšwa Juda a ye mahlong a tshepega ga Jehova go tshwana le ka mokgo a makiyeng ka gona ku botala, o thomisa go tšhentšha ke mokane a titshepa. Mara go sinya gage go makiye gore a lahlegele ke lephelo lage le lebitso la gabutši ga Modimo. Wa tšiba mošupetso wage wo re tšhutisa gore ke ntaba go le selo se segolo go tinyanafatsa le go berekela Jehova!
w08-SE 8/15 9 ¶10
Ariye Mahlong o Tshepega ka Pelo ka Moka
10 Moporofeta wa go tšwa Juda nke a kgonne go bona molabo wa moporofeta yela wa gore o tsofele. Nke a tiputsisiye gore, ‘Ke ntaba Jehova a ka romela lengeloyi ga motho ye mongwana gore a tle a mpotse dilo tsa nyuwane?’ Moporofeta yewa nke a kgopele Jehova gore a mo yedisele tso a di hlayyeng, mara mangwalo a ma hlaye gore o makiye ka mokgonone. Yene o yye, “a boyela naye [ga mokgalebe yela] gore a ye ja sekgwa le go nwa meetši gaye gage.” Tsotsone a dya mo jabodisa ga Jehova. Mo moporofeta yela wa gore o tshukiwwe a le pateng ya go ya Juda, o yye a kraya ke tawu ke mokane ya mmolaya. Wa tšiba lephelo la moporofeta yewa le fediye go baba!—1 Mag. 13:19-25.
Tso di Wutammeng ka Bhayibeleng
w10-SE 7/1 29 ¶5
O Lebelela Tsa Gabutši
Mantsu ya ma leng ga 1 Magoši 14:13 ma re tšhutisa selo se sengwana sa go bafala ka Jehova le gore o lebelela tsa gabutši ga rune. Wa gopola gore ba “krayye” selo se sengwana sa gabutši ga Abhija? Jehova o yye a ro nyakela gabutši ka pelong ya Abhija go segela a kraya selo sa go bafala. Abhija ne a sa tshwane le ba gabo, fote ye mongwana wa go tšhutega o re ne a titshwanela a ntoši go fo tshwana le lekolwane “gare ga ditlapane.” Jehova o yye a mo rufa ka taba la go loka gage, ke mokane a kwela yene a ntoši go baba ga mutši wa gabo wa go sa loka.
SEPTEMBER 26–OCTOBER 2
MAKOLWANE KA TENG GA LENTSU LA MODIMO | 1 MAGOŠI 15-16
“Asa o Yye a Šupetsa Gore o na le Lešiši—Wene Gee?”
w12-SE 8/15 8 ¶4
“Go na le Patela ya Mmereko wo o wo Makiyeng”
Gare ga 20 ya mengwaga yo yi lateleng ka nthago ga gore Israyele yi be le memmušo ka mmedi, Juda yi yye ya napa yi topela ga taba ya go rapela medimonyana ya matsaka. Mo Asa a ba kgoši ka 977 B.C.E., le khota ya bogošing ne yi thilafatsiye ke merapelo ya medimo ya pelego ya Makanana. Mara ditaba tsa Asa tsa mo a le kgoši di re “o yye a ya mahlong a maka tsa gabutši le tsa go loka mahlong ga Jehova Modimo wage.” Asa “o tlusiye dialetare tsa medimo yone le dipoleke tsa gedimo, a pshyaya dikholomo tsa go hlawolega le go kopa dikwata tsa go hlawolega.” (2 Dikor. 14:2, 3) Fote ga mmušo wa Juda, Asa o yye a raka le “banna ba tempeleng ba go rekisa mmele” ba gore ne o kraya ba yetsela le banna ba bangwana ba re di yelana le go rapela. Asa aa fo felela gana hone. O yye a hlohletsela le batho gore ba “nyakele Jehova Modimo wa bokokwane wa bona” le go latelela ‘molawo le tso Modimo a ba butsiyeng gore ba di make.’—1 Mag. 15:12, 13; 2 Dikor. 14:4.
w17.03-SE 19 ¶7
Berekela Jehova ka Pelo Yago ka Moka!
7 Ye mongwana le ye mongwana wa rune a ka nyakolla pelo yage gore a thogo bona gore ayitsano o berekela Modimo ka pelo ka moka. Tiputsise gore, ‘Ayitsano ke tikemisele go jabodisa Jehova, go yemelela sedumedi sa nnete le go tšhireletsa batho bage ga dilo tsa matsaka le tsa go ka ba thilafatsa?’ Nagana ka lešiši lo Asa ne a tshwanele a be nalo gore a feleletse a tikemelele ga Masa, wa gore ne go le ‘kgoši ya mosadi’ hone nageng! O ka fo ba o sa tšibi motho wa go maka dilo nkare Masa, mara o ka tikraya o le ga seyemo sa gore di ko nyaka o yekisele matšato ya Asa. Mo re beyisa, o ko maka ying mo nkare ye mongwana ga genu kela monghanago wa sinya fote aa tisole, byalo di nyaka ba mo tlose ka phutegong? Ayitsano o nyoko lisetseng go tigahlanisa le motho yene? Pelo yago yi ko go tšhofa gore o make ying?
it-1-E 184-185
Asa
Le mo nkare Asa ne a sa napa a hlalefiye ka matla fote a sa nape a tšiba tsa go tlala ga tso tsa Modimo, mekgwa yage ya go bafala le taba ya gore a sanka a tšhela letsogo ga merapelo ya matsaka di feta tso a yyeng a sa di make gabutši, fote ne ba mo tseya go le ye mongwana wa magoši ya go tshepega ya Juda. (2Kr 15:17) Asa o yye a lawola 41 ya mengwaga go feta mabala ya magoši ya mangwana ya Israyele go leng: Jerobhowamo, Nadabho, Bhaaša, Ela, Zimiri, Omiri, Tibhini (wa gore o lawodiye sekopa se sengwana sa Israyele a phigisana le Omiri), le Ahaba. (1Mg 15:9, 25, 33; 16:8, 15, 16, 21, 23, 29) Mo Asa a hlokofala, morwayi wage Jehošafate o yye a ba kgoši.—1Mg 15:24.
Tso di Wutammeng ka Bhayibeleng
w98-SE 9/15 21-22
Ayitsano Modimo ke wa Mannete Gago?
Mo re beyisa, bala seporofeto sa go yagiwa ga Jericho ke mokane o bone ka mokgo se makegiyeng ka gona. Jošuwa 6:26 yi re: “Ka nako ya gona Jošuwa o yye a tshepisa gore: ‘Monna wa gore o nyoko yemelela a yaga mutši wowa, le mong Jerikho, o nyoko ba le senyama mahlong ga Jehova. Ka letšibula lage o ko maka fandhiši ya gona, fote ka lekotwane lage o ko tšhela menyako ya gona.’” Seporofeto sone se makegiye mo go šele go fitiye 500 ya mengwaga fote re kgona go bona taba yone ga 1 Magoši 16:34 mo yi re: “Ka dinako tsa mo go lawola kgoši Ahaba, Hiyele wa go tšwa Bhethele o yye a yaga mutši wa Jerikho ka bonyuwane. Mo a thoma fandhiši, morwayi wage wa letšibula ye ba reng ke Abhiramo o yye a kgwa, ke mokane mo a tšhela dikwalo morwayi wage wa mafelelo ye ba reng ke Seghubho o yye a kgwa, go makegiye tso di hlayyeng ke Jehova a berekisa Jošuwa morwayi wa Nuni.” Ke Modimo wa mannete fela ye a ka hlayang diporofeto tsone le go maka gore di makege.
OCTOBER 3-9
MAKOLWANE KA TENG GA LENTSU LA MODIMO | 1 MAGOŠI 17-18
“Anthe le Nyoko Lisetsa Neng Taba yo ya Lune ya go Kamaka, ya go ba ka ho le ka ho?”
w17.03-SE 14 ¶6
Šupetsa Gore o na le Tumelo—Maka Dipetho Tsa Gabutši!
6 Mo Maisrayele ya ku botala ma šele ma segele Nageng yo ne ba ma Tshepisiye Yona, ne di nyaka ba segelele sepheto se segolo: Gore ba rapele Jehova kela ba berekele medimo ye mengwana. (Bala Jošuwa 24:15.) Go ka fo bonala nkare ne go le lula go segelela sepheto sone. Mara sepheto so ne ba ko se segelela ne di ka makega gore ba kgwe ka taba la sona kela ba phele. Ka dinako tsa Bayahludi, ga go tlala Maisrayele ma yye ma sa kgete gabutši. Ma yye ma jikela Jehova ke mokane ma rapela medimo ya matsaka. (Bay. 2:3, 11-23) Kela o fo nagana ka nako yela ya gore batho ba Modimo ne ba lebanne ke taba ya gore ba tshwanele go segelela sepheto. Moporofeta Eliya o yye a di beya lekgwaying gore: Berekela Jehova kela berekela modimo wa matsaka wa Bhaali. (1 Mg. 18:21) Eliya o yye a lakatsa batho gore baa kamaka. O ka fo tseya gore go lula go segelela sepheto ka taba la gore di gabutši go berekela Jehova fote di gelepa rune. Gabutšibutši a gona motho wa gore o tseya gabutši wa gore a ka nyaka go rapela Bhaali. Mara Maisrayele yala ne ma ‘kamaka ma le ka ho le ka ho.’ Fote Eliya o yye a ba hlohletsela gore kgete go berekela Jehova wa go ba le matšhika ya go ba phala ka moka.
ia-SE 88 ¶15
O Yemelele Morapelo wa go Yela
15 Baprista ba Bhaali ba yye ba napa ba ya ka matla, “ba yahlamela ka matla, ba tiseganya ka dithipa le marumo go ya ka setšo sa bona, go segela ba tšwa madi mmele wo ka mokana ga wona.” Mara go f’lo re tse! “Ke mo go se na lentsu, go se na ye a fetolang; fote go se na ye a ba theetselang.” (1 Mg. 18:28, 29) Di šupetsiye gore Bhaali aa phele. Ke molabo wa Sathane wa go tlosa batho ga Jehova. Nnete ke gore mo o ka sa rapele Jehova wa rapela modimonyana ye mongwana, o ko tikraya o poyilegiye.—Bala Pisalema 25:3; 115:4-8.
ia-SE 90 ¶18
O Yemelele Morapelo wa go Yela
18 Mo Eliya a soko rapela, batho ba ka fo ba ba yye ba tiputsisa gore ayitsano Jehova o gona tsa mannete kela o fo tshwana le Bhaali. Mo a fetsa go rapela a sanka gwa ba le nako ya go nagana. Bhayibele yi re: “Ka nako yonone, mollo wa go tšwa ga Jehova wa segela wo tšwa gedimo, wa segela wo tšhuba sehlabelo sela, mahlare yala, matlapa yala le lerole ke mokane wa womisa meetši yala ya gore ke mo ma le ka ku forong.” (1 Mg. 18:38) Ba yye ba kraya phetolo ya bona! Setšhaba se yye sa fetola byang?
Tso di Wutammeng ka Bhayibeleng
w08-SE 4/1 19, lebhokisi
O Lebelele, Fote o Yye a Leta
Kgwakgwa ya Dinako Tsa Eliya yi Tsere Nako ya go Teya Kaye?
Eliya moporofeta wa Jehova o butsiye Kgoši Ahaba gore kgwakgwa yo yi tseyyeng nako yi le gona yi nyoko fela go se botala nyana. Tsotsone di bonala di makegiye ka nthago ga “mongwaga wa boraro”—go tlugisela letšatši lo Eliya a hlayyeng gore go nyoko ba le kgwakgwa. (1 Magoši 18:1) Jehova o makiye gore go ne pula ka nthagonyana ga gore Eliya a hlaye gore Modimo o nyoko yi nisa. Ba bangwana ba tseya gore kgwakgwa yowa yi fediye ka mongwaga wa yona wa boraro byalo a ya fetsa mengwaga ka meraro. Mara Jeso le Jakobo ba re botsa gore yi tsere “mengwaga ke meraro le kobodi ya dikgwedi.” (Luka 4:25; Jakobo 5:17) Ayitsano ditaba tsowa dya tšhayisana?
Le ka gonyana. Ku Israyele ya botala, nako ya mo go sa ne pula ne yi tseya gana hala ga kobodi ya dikgwedi. Byalo di fo ba lekgwaying gore Eliya o yye ga Ahaba a mmotsa ka kgwakgwa yone ka nthago ga mo ba bonne go fitiye nako ya go lefa ka matla go sa ne pula. Gabutšibutši kgwakgwa yela ne se yi na le gana hala ga kobodi ya dikgwedi yi le gona. Nka taba lo mo Eliya a hlaya gore kgwakgwa se ya fela ka “mongwaga wa boraro” go tlugisela letšatši lo a hlayyeng gore yi ko ba gona, ne se yi na le gana hala ga mengwaga ka meraro le kobodi ya dikgwedi yi le gona. Ne se go fediye “mengwaga ka meraro le kobodi ya dikgwedi” mo batho ba gahlala Thabeng ya Kharamele gore ba bone mohlolo wo mogolo.
Lebelela gabutši nako yo Eliya a vakašeleng Ahaba la mathomo. Batho ne ba tshepa gore Bhaali ne “go le ye a sepelang a kalamme maru,” modimo wa gore o ko ba leyela pula mo go feta nako ya gore pula a yi ne. Di ka makega gore mo batho ba bona nako ya gore pula a yi ne yi lefa, ba yye ba tiputsisa gore: ‘Anthe Bhaali o kaye? O nyoko nisa pula neng?’ Mo Eliya a hlaya gore go ka sa sa ba le phoka kela pula go segela go hlaya yene, di ka makega gore batho bo ne ba rapela Bhaali ne ba tinwegiye ka matla.—1 Magoši 17:1.
OCTOBER 10-16
MAKOLWANE KA TENG GA LENTSU LA MODIMO | 1 MAGOŠI 19-20
“Lisetsa Jehova a go Kgomoletse”
Tikokotlele ka Jehova mo go na le Tso di go Lelemetsang
5 Bala 1 MAGOŠI 19:1-4. Eliya o yye a tšhoga ka matla mo Mosadi wa Kgoši ye ba reng ke Jezebele a mmotsa gore o nyoko mmolaya. Byalo o yye a tšhabela polekeng ye ba reng ke Bheresheba. O yye a kgongwela ka matla “a šinya a kgopela gore nkare a ka kgwa.” King so se mo makiyeng gore a tikwe ka mokgonone? Eliya ke mo a sa yenela, go le “motho wa go fo tshwana le rune.” (Jak. 5:17) Nakwenngwana taba yone yi ka fo ba yi mo makiye gore a kwe di mo kgahleletsiye fote a tinnwe la go sa hlayisege. Di šupa nkare Eliya ke mo a tseya gore tso a di makiyeng tsa go botsa batho gore ba rapele ka mokgo Modimo a nyakang, ke mo go fo ba tsa mahala, le gore a se šiyo so se tšhentšhiyeng ga Maisrayele fote ke mo go le yene a ntoši ye ne a berekela Jehova. (1 Mag. 18:3, 4, 13; 19:10, 14) Di ka fo re makatsa gore moporofeta yewa wa go tshepega wa Modimo o yye a tikwa ka mokgonone. Mara Jehova ke mo a kwisisa ka mokgo Eliya a tikwang ka gona.
ia-SE 103 ¶13
O Yye a Kgomoletsa ke Modimo Wage
13 O nagana gore Jehova o yye a tikwa byang mo a bona moporofeta wage ye a mo nyakang ka matla a yetsele fase ga mohlare mašahleng a llela gore a kgwe? A di nyake re šinya re nagana. Ka nthago ga gore Eliya a ye ka boroko, Jehova o romele lengeloyi gage. Lengeloyi le yye la tsosa Eliya ka go fo mo tikisa gabutši ke mokane la re: “Tsoga o je.” Eliya o yye a maka ka mokgonone, lengeloyi ne le mo neyye sekgwa le meetši. Ayitsano o yye a le leboga lengeloyi lela? Mo re bala re kwa gore moporofeta o yye a ja, a nwa ke mokane a boyela gwe yetseleng. Ayitsano ne a kgongwele ka matla tsa go ka šitega go bolabola? Lengeloyi lone le yye la mo tsosa fote, di ka makega gore ne go le ka matlagosa. Le hlohletsele Eliya gore, “Tsoga o je,” la boya la yeketsela ka gore, “ka taba la gore o sa ya kgole.”—1 Mag. 19:5-7.
ia-SE 106 ¶21
O Yye a Kgomoletsa ke Modimo Wage
21 Ka moka ga ditaba tsowa, re dula re gopotsiwa gore Jehova ne a sa be gona ka boyene mong mo go makega mehlolo yowa ya go šupetsa matšhika ya hlago. Eliya ne a di tšiba tsa gore Jehova aa tshwane le Bhaali modimo wa gore ba ro mo khanda, wa gore ne a rapela ke batho ba gore ba tshukiwwe ba re ke “ye a sepelang a kalamme maru” kela ye a leyang pula. Matšhika ka moka ya ma leng ga hlago ma tšwa ga Jehova, fote o na le matšhika ka matla go phala ka moka tso a di makiyeng. Le mong magedimo a ma mo lekane! (1 Mag. 8:27) Dilo tso ka moka di thušiye Eliya byang? Wa gopola ne a tšhugiye byang? Mo a na le Modimo wa go tshwana le Jehova ka nthoko gage, Modimo wa go ba le matšhika ka moka, Eliya ne a sa tshwanela go tshosa ke Ahaba le Jezabhele!—Bala Pisalema 118:6.
ia-SE 106 ¶22
O Yye a Kgomoletsa ke Modimo Wage
22 Ka nthago ga gore mollo wo fele, go yye gwa re tse! Ke mokane Eliya a kwa “lentsu la fase la go beba.” Le butsiye Eliya gore a bolabole ka mokgo a tikwang ka gona, o yye a maka ka mokgonone, a hlaya tso di mo šekedisang fote. Di ka makega gore tsone di makiye gore a tikwe a yimullugiye. Fote a re kamake gore Eliya o yye a kgomoletsa ke “lentsu la fase la go beba” lo le mmutsiyeng gore a make ying. Jehova o yye a šupetsa Eliya gore o mo tseyela gedimo. Ka mokgo mang? Modimo o šupetsiye tso ne a nyaka go di segelela ka matla ga ntwa le morapelo wa Bhaali ku Israyele. Di fo ba lekgwaying gore mmereko wa Eliya ne go se wa mahala, ka taba la gore tso Modimo a di polanneng ne di ya mahlong di makega. Go tokegela gana hone, Eliya o tšhediye letsogo ga mmereko wone, ka taba la gore Modimo o yye a mo roma gore a boyele nthago a ye maka tso a mmutsiyeng tsona.—1 Mag. 19:12-17.
Tso di Wutammeng ka Bhayibeleng
w97-SE 11/1 31 ¶2
Mošupetso wa Motho wa go Tshepega le go Kwana le go Gelepa ba Bangwana
Malata ya go tlala ya Modimo lekgono ma na le mokgwa wo wa go tikona tse dingwana. Ba bangwana ba šiyye “mašemo” ya bona, mo ba dulang gona, gore ba ye ba tšhomayele ditaba tsa go bafala ga dipoleke tsa kgole kela ba bereke ba le Bethele. Ba bangwana ba yye ga dinaga tse dingwana gore ba ye ba gelepe ka tsa go yaga. Ba bangwana ba yye ba yamogela mebereko ya gore ba go tlala a ba yi tseyele gedimo. Mara a go na motho wa gore mmereko wage a wo re selo mahlong ga Jehova. Jehova o tseyela gedimo ka moka bo ba mmerekelang ba sa tšhofe ke motho, fote o nyoko ba rufa ka gore ba kwana le go gelepa ba bangwana.—Mareka 10:29, 30.
OCTOBER 17-23
MAKOLWANE KA TENG GA LENTSU LA MODIMO | 1 MAGOŠi 21-22
“Yekisela ka Mokgo Jehova a Berekisang Matšhika Yage ya go Lawola”
it-2-E 21
Jehova wa Masole
Mo Jošuwa a bona sevakaši sa gore ke lengeloyi thina le Jerikho, o yye a butsisa gore ayitsano o yema le Israyele kela o yema le manaba, le yye la fetola ka gore, “Awwa, mara ke tlele ke le ndhuna ya masole ya Jehova.” (Još 5:13-15) Moporofeta Mikhaya o butsiye kgoši Ahaba le kgoši Jehošafate gore, “Ke kgona go bona Jehova a duli setulong sage sa bogoši fote masole ka moka ya magedimo ma yemme thina naye, ka letsogong lage la go ja le la sepata,” di bonala a bolabola ka barwayi ba Jehova ba moya. (1Mg 22:19-21) Taba ya gore ba berekisiye “Masole ya Jehova” howa yi kena gabutši ka gore masole ya mangeloyi a ba fo ma fapanisa ka gore ke makerubi, maserafi le mangeloyi (Jes 6:2, 3; Gen 3:24; Kut 5:11) mara ma maka le mogoba, gore Jeso a thogo bolabola ka go ba le “mangeloyi ya go tlala” ya gore maa mo theetsela. (Mat 26:53) Nakwela Hezekiya a kgopela Jehova gore a mo gelepe, o hlayye gore “Jehova wa masole, Modimo wa Israyele wa gore o duli gedimo ga makerubi,” di lekgwaying gore ne a bolabola ka areka ya go kwanisanya le makerubi ya ma leng ga yona, fote di yemela setulo sa Jehova sa legedimong. (Jes 37:16; tshwanisa le 1Sa 4:4; 2Sa 6:2.) Lelata la Eliša la gore ne le tšhogiye le tiyisiye ke mohlolo wo le wo bonneng ga gore o bonne dithabeng go “tlele dipera le dikotšikara tsa ntwa tsa gore ne di dura mollo” di dukulugiye mutši wo Eliša ne a dula ga wona, go leng ba bangwana ba mangeloyi ya Jehova.—2Mg 6:15-17.
“Hlogo ya Monna ye Mongwana le ye Mongwana ke Kreste”
9 Go tinyanafatsa. Jehova o re phala ka moka ka go hlalefa mara o theetsela malata yage mo ma na le so ma se naganang. (Gen. 18:23, 24, 32) Wa di nyaka go kwa gore bo a ba lawolang ba bona dilo ka mokgo mang. (1 Mag. 22:19-22) Jehova o felegelele mara aa yemela gore re make dilo ka moka go tshwana naye. Mara o gelepa malata yage ya gore a maa yenela gore ma thogo maka dilo gabutši. (Pis. 113:6, 7) Gabutšibutši Baebele yi hlatolla Jehova go le “ye a re gelepang.” (Pis. 27:9; Maheb. 13:6) Kgoši Dafita o yitseri o kgonne go maka mmereko wo mogolo wo ba mo neyyeng wona ka taba la gore Jehova o ro tinyanafatsa ke mokane a mo gelepa.—2 Sam. 22:36.
it-2-E 245
Matsaka
Jehova Modimo o lisetsiye ‘dilo tsa go befa tsa Sathane’ di ya ga batho ba go sa kwane le nnete gore “ba thogo tshepa matsaka yane,” ba sa tshepe ditaba tsa go bafala ka Jeso Kreste. (2Mt 2:9-12) Re kgona go bona tšhiko yowa ka mošupetso wa tso di makegiyeng ku botala ga Kgoši Ahaba wa Israyele. Baporofeta ba matsaka ba butsiye Ahaba gore o nyoko hlula mo a lwa le Ramothi-ghiliyade, mara Mikhaya wa gore ke moporofeta wa Jehova o porofitiye gore go nyoko ba le mathatha ya magolo. Go ya ka mokgo mmono wa Mikhaya wo šupetsiyeng, Jehova o lisetsiye lengeloyi gore le ‘tshokanye’ baporofeta ba Ahaba gore ba mmotse matsaka. Tsone di ra gore lengeloyi lowa le berekisiye matšhika ya lona gore le make gore ba sa bolabole nnete, mara ba bolabole tso ne ba nyaka go di bolabola le tso Ahaba ne a nyaka go di kwa. Le mo nkare ba mo pasopisiye, Ahaba o yye a fo dumela ba mo tshokanya ke mokane a patela ka lephelo lage.—1Mg 22:1-38; 2Kr 18.
Tso di Wutammeng ka Bhayibeleng
Gore Motho o Sokologiye Tsa Mannete re Bona ka Ying?
4 Go yye gwa segela nako ya gore Jehova a yemenyana ga taba ya go lefisa pelo. O yye a roma Eliya gore a ye botsa Ahaba le Jezebhele tso di nyoko ba tlelang. Mutši wa bona ka mokana ga wona ke mo wo nyoko suwediwa gwa fela ka wona. Mantsu ya ma hlayyeng ke Eliya ma yye ma mo kwisa go baba ga Ahaba! Sa go makatsa ke gore monna yene wa go ba le magetla o yye a “tinyanafatsa.”—1 Mg. 21:19-29.
5 Ahaba o yye a tinyanafatsa ka nako yonone, mara tso a di makiyeng ka nthago di šupetsiye gore ne a sa sokologa tsa mannete. Phela ka nakwela go sa lawola yene a sanka a tihlupa ka go fetsa ka medimo ya Bhaali. Fote a sanka a hlohletsela batho gore ba rapele Jehova. Tsa go šupetsa gore o sokologiye di mo phukulusannye gatleletlele.
6 Ka nthagonyana ga mo Ahaba a kgopele Kgoši ya go loka yo ba reng ke Jehošafate ya ku Juda gore yi mo gelepe go lwa le Masiriya, Jehošafate o yye a mo yeletsa gore ba thomise ka go bolabola le moporofeta wa Jehova. Ahaba o yye a gana di sa tloga, a re: “Go sa na le morene mongwana wa gore a ka re butsisela ga Jehova; mara ke mo hloyye, ka taba la gore mo a porofeta aa bolabole tsa go bafala ka nna, o bolabola tsa go befa fela.” Le mo go le ka mokgonone, ba yye ba bolabola le moporofeta Mikaya. Phela tsetsela Ahaba ne a sa nyake go di kwa, moporofeta wa Modimo o yye a fo mmotsa tsona! Ahaba wa go tiwomisa hlogo, o yye a hlahlela moporofeta wa Modimo jele, a lisetsa go sokologa ke mokane a kgopele Jehova gore a mo tshwarele. (1 Mag. 22:7-9, 23, 27) Le mo kgoši yone yi di kgonne go bošela moporofeta wa Jehova jele, mara yi ka sa di kgone go thibelela tso di porofitiwweng gore di makege. Ka nthago ga hone, Ahaba o yye a bolayiwa ntweng.—1 Mag. 22:34-38.
OCTOBER 24-30
MAKOLWANE KA TENG GA LENTSU LA MODIMO | 2 MAGOŠI 1-2
“Mokgwa wa Gabutši wa go Tšhutisa”
w15-SE 4/15 13 ¶15
Bagolo ba Gelepa ba Bangwana Gore ba Tshwanelege
15 Taba ya Eliša wa gore ne a latelela Eliya, yi šupetsa ka mokgo magageru ya banna lekgono ma ka šupetsang banna ba gore ke botala go le bagolo gore baa ba hlompa. Ka nthago ga gore Eliya le Eliša ba vakašele baporofeta ba Jerikho, banna bone ka babedi ba yye ba ya Nokeng ya Jorodane. Gana hone, “Eliya o yye a tseya kobo yage ya boporofeta a yi sopa ke mokane a teya meetši yala, ya mangwana ma ya ga la sepata, ya mangwana ma ya ga la go ja.” Ka nthago ga gore ba fete ga gore go womme, banna bone ba yye ba ya mahlong ba “sepela ba bolabola.” Nnete ke gore Eliša aa nagana gore byalo se o tšiba dilo ka moka. Go segela letšatši lo Eliya a sipidiyeng ka lona, Eliša ne a tseyela gedimo ka moka tso thitšere yage ne yi di bolabola. Ke mokane Eliya a yinugela legedimong ka moya. Mo Eliša a boyela nthago a segela Jorodane, o yye a teya meetši yala ka kobo ya Eliya, a yahlamela re: “O kaye Jehova Modimo wa Eliya?” Ke mokane meetši yala maa yarogana fote.—2 Mag. 2:8-14.
w15-SE 4/15 13 ¶16
Bagolo ba Gelepa ba Bangwana Gore ba Tshwanelege
16 Ayitsano o bonne gore mohlolo wa mathomo wo wo makiyeng ke Eliša ne wo tshwana mong tshwani, ga wo wo makiyeng ke Eliya? Ke ntaba di makatsa? Di lekgwaying gore Eliša ne a sa nagane gore ka gore byalo dilo se di gage, ne a ka tšhentšha dilo ka go yakgoswa a di make ka mokgo a nyakang. Mo Eliša a ya mahlong ka tsela yo Eliya ne a maka dilo ka gona, tsone ne di šupetsa gore o hlompa thitšere yage, di makiye le gore baporofeta ba bangwana ba mo tshepe. (2 Mag. 2:15) Mo Eliša a šele a na le 60 ya mengwaga a le moporofeta, Jehova o makiye gore a make mehlolo ya go feta yo Eliya a yi makiyeng. Wene o ka tšhuta ying gage lekgono?
Tso di Wutammeng ka Bhayibeleng
w05-SE 8/1 9 ¶1
Monopo wa Puku ya Magoši wa Bobedi
2:11—“Magedimo” ya ‘Eliya a yinugeleng ga wona ka moya’ ke mafeng? Ke mo go se magedimo ya kgole kela ya mo Modimo le barwayi bage ba mangeloyi ba dulang gona. (Dotoronoma 4:19; Pisalema 11:4; Matewu 6:9; 18:10) Mara “Magedimo” ya Eliya a yinugeleng ga wona ne go fo ba ya ho sebakabakeng. (Pisalema 78:26; Matewu 6:26) Sekotšikara sa go dura mollo se tabogiye sebakabakeng se yisa Eliya ga naga ye nngwana gana ho lefaseng, ga gore o yye mahlong a phela. Ka nthago ga mengwaga, Eliya o ro boya a ngwalela Jehorama kgoši ya Juda lengwalo.—2 Dikoronika 21:1, 12-15.
OCTOBER 31–NOVEMBER 6
MAKOLWANE KA TENG GA LENTSU LA MODIMO | 2 MAGOŠI 3-4
“Tseya Morwayi Wago ke Yewa”
w17.12-SE 4 ¶7
“Ke ya di Tšiba Tsa Gore o Nyoko Tsoga”
7 Tsogo ya bobedi yo yi ngwadiwweng ka Mangwalong yi makiye ke moporofeta Eliša wa gore ne a latela Eliya. Mosadi wa Leisrayele wa ku Šunema o yye a yamogela Eliša gaye gage. Modimo o yye a berekisa moporofeta wage gore a rufe mosadi yewa wa gore ne a se na ngwana le monnage wa gore ne a šele a tsofele ka morwayi. Ka nthago ga mengwaga nyana, mošomanyana yela o yye hlokofala. O fo nagana gore mmane yela o yye a kwa go baba byang. Monnage o yye a mo dumelela gore a sepele dikhilomitha tsa go teya gana hala ga 30 gore a ye ga Eliša ku Thabeng ya Kharamele. Moporofeta yela o yye a romela Ghehazi lelata lage gore go thomise go ye yene Šunema. Ghehazi aa kgona go tsosa mošomanyana yela. Ke mokane mmane yela wa gore ne a kwile go baba o yye a segela le Eliša.—2 Mag. 4:8-31.
w17.12-SE 4 ¶8
“Ke ya di Tšiba Tsa Gore o Nyoko Tsoga”
8 Eliša o yye a rapela a le ntlong thina le setopo ku Šunema. Mošomanyana yela wa gore ne hlokofele o yye a tsoga ka mohlolo, ke mokane ba mo neya mmane wage wa gore ne a jabodiye! (Bala 2 Magoši 4:32-37.) Di ka makega gore o yye a nagana ka tso Hanna wa gore ne a sa kgone go belega a yyeng a rapela ka tsona mo a nyaka go yisa Samuwele gore a ye a bereke tabarenakeleng, mo a hlaya gore: “Jehova . . . a ka yisa motho lebitleng, fote a ka mo tsosa.” (1 Sam. 2:6) Di fo ba lekgwaying gore Modimo o yye a tsosa mošomanyana yela wa ku Šunema a šupetsa gore wa di kgona go tsosa batho.
Tso di Wutammeng ka Bhayibeleng
it-2-E 697 ¶2
Moporofeta
“Barwayi ba baporofeta.” Gesenius’ Hebrew Grammar yi hlatolla gore (Oxford, 1952, leph. 418), lentsu la Seheberu la ben (morwayi) kela benehʹ (barwayi ba) le ka fo rela “mogoba wa batho ba go tšibega kela ba mokgahlo (kela ba setšo kela selo so se ba hlawolang).” (Tshwanisa le Neh 3:8, mo ba re “ye mongwaga wa ba go kgudubela tsa go nkgela” ba bolabola ka “morwayi wa go kgodubela tsa go nkgela.”) “Barwayi ba baporofeta” yi ka fo ba yi rela sekolo sa gore bo ba makang mmereko wowa ba bitsediwa gona kela mogoba wa baporofeta ba go bereka ggoši. Megoba ya batho bone ba re ke ba Bethele, Jerikho le Ghilighala. (2Mg 2:3, 5; 4:38; tshwanisa le 1Sa 10:5, 10.) Samuwele o yye a yeta mahlong mogoba wo mongwana ku Rama (1Sa 19:19, 20), fote di bonala nkare Eliša le yene o yye a yeta mahlong ka dinako tsage. (2Mg 4:38; 6:1-3; tshwanisa le 1Mg 18:13.) Fote go bolabodiwa ka gore ba yaga le meyago ya bona le go berekisa dithulusi tsa gore ba ro di yadima, go leng selo sa go šupetsa gore ne ba phela lephelo la lula. Le mo nkare ne ba dula ga poleke ka yyoši fote ba ja tsa go ja tsa go tshwana, di ka makega gore ne ba sa kraye mebereko ya go tshwana ya tso sa boporofeta.—1Mg 20:35-42; 2Mg 4:1, 2, 39; 6:1-7; 9:1, 2.