Ditodi Tsa Sepukwane sa Mogahlano wa Maphelelo le Matšhomayelelo
© 2022 Christian Congregation of Jehovah’s Witnesses
JANUARY 2-8
MAKOLWANE KA TENG GA LENTSU LA MODIMO | 2 MAGOŠI 22-23
“Ke Ntaba di Nyaka o Tinyanafatsa?”
w00-SE 9/15 29-30
Jehova ke mo a Yamogela Josiya wa go Tinyanafatsa
Banna ba go lukisa tempele ba bereka ka matla go tloga go sa le ka bošego. A re kamake gore Josiya ne a leboga Jehova gore batho bone ba go bereka ne ba lukisa ntlo ya Modimo yo yi sinnyeng ke bokokwane bage ba bangwana ba go sa loka. Mo mmereko wo ya mahlong, Šafane o tla le pego. Ya mošaga mang? Ye lune, o tshwere lengwalo la go kokoropana! O hlatolla gore Moprista ye Mogolo Hilikiya o krayye “puku ya molawo wa Jehova ya gore yi ngwadiye ke Moše.” (2 Dikoronika 34:12-18) Phela ne ba krayye mong lona lekolwane—a re kamake gore ke mo go le lona la go ngwala ke Moše!
Josiya ne a nabela go tšiba tso di leng ga puku yone. Mo Šafane a kene a bala, kgoši yi liketsa go bona gore melawo yowa yi ka berekela yene le batho bage byang. Ka matlamatla ne a jabodisa nka mokgo puku yone ne yi šihlela taba ya morapelo wa nnete le ka mokgo yi bolabolang ka tsa go sasamela tso ne di nyoko makega, le ka bobhantiti byo ne bo nyoko tlela batho mo ba ka kenela sedumedi sa matsaka. Byalo mo a bona gore ne ba sa latelele melawo ya Modimo ka moka, Josiya o yye a tlerola kobo yage le go botsa Hilikiya, Šafane le ba bangwana gore: ‘Mputsiseleneng ga Jehova ka mantsu ya ma leng ga puku yo le yi krayyeng; ka gore Jehova o re kwatele ka matla ka taba la gore bokokwane ba rune a ba theetsela mantsu ya ma leng ga puku yowa le go maka tso yi di hlayang.’—2 Magoši 22:11-13; 2 Dikoronika 34:19-21.
w00-SE 9/15 30 ¶2
Jehova ke mo a Yamogela Josiya wa go Tinyanafatsa
Batho bo Josiya a ba rommeng ba ya Jerusalema ga Hulda moporofeta wa mosadi ke mokane ba boya le ditaba. Hulda o ba butsiye mantsu ya Jehova, a hlaya gore tso di leng ga puku yowa ba sa tšwang go yi kraya tsa gore go nyoko ba le tsa go sasamela di nyoko wela setšhaba sowa sa go kgeloga. Ka taba la gore Josiya ne a tinyanafatsiye mahlong ga Jehova Modimo, ne a ka sa bone mosasamelo wone mo wo makega. O nyoko bulukiwa le bokokwane wage a sa wo bona.—2 Magoši 22:14-20; 2 Dikoronika 34:22-28.
Tso di Wutammeng ka Bhayibeleng
w01-SE 4/15 26 ¶3-4
O ka Phomelela go se na Taba Gore o Gudiye Byang
Mo Josiya a gola o yye a gahlana le tsa go sa jabodisi, mara o yye a kgona go maka tsa gabutši mahlong ga Jehova. Byalo o yye a phomelela mo a lawola tsa gore le Bhayibele ya šinya yi hlayye gore: “A go na kgoši ya go tshwana naye ga tsa ku nthago ya gore yi yye ya boyela ga Jehova ka pelo ya yona ka moka, ka lephelo la yona ka moka le ka matšhika ya yona ka moka, go ya ka mokgo Molawo wa Moše wo hlayyeng ka gona; fote a gwa ba le motho wa go tshwana naye ka nthago.”—2 Magoši 23:19-25.
Josiya ke mošupetso wa gabutši ga bo ba yyeng ba tiyisela tsa go baba mo ba sa gola! Re ka tšhuta ying ga mošupetso wage? King so se gelepiyeng Josiya gore a kgete tsela ya gabutši le gore a ye mahlong a maka tsa gabutši?
JANUARY 9-15
MAKOLWANE KA TENG GA LENTSU LA MODIMO | 2 MAGOŠI 24-25
“Re sa Šepisi mo re Maka Mmereko Wowa”
w01-SE 2/15 12 ¶2
Letšatši la Jehova la go Yahlula le Thina!
2 A re kamake gore seporofeto sa Zefaniya se makiye gore Josiya a nyake go yedisa Juda ga sedumedi sa matsaka. Mara tso kgoši a di makiyeng a dya napa di tlosa sedumedi sa matsaka ka moka ga batho kela go lukisa tso kokwane wage Kgoši Manase a di sinnyeng, wa gore “o falatsiye madi ya batho ba gore ne ba sa sinya selo.” (2 Magoši 24:3, 4; 2 Dikoronika 34:3) Byalo letšatši la Jehova la go yahlula ne le nyoko segela.
w07-SE 3/15 11 ¶10
Monopo wa Puku ya Jeremiya
Ke mongwaga wa 607 B.C.E. Zedekiya o šele a na le 11 ya mengwaga a le kgoši. Kgoši ya Bhabhilona Nebhukhadhinezara o fetsiye 18 ya dikgwedi a dukulugele mutši wa Jerusalema. Ka letšatši la kašupa la kgwedi ya kaphetha ya mongwaga wa bo-19 go lawola Nebhukhadhinezara, Nebhuzaradani ndhuna ya bomatšinghelane, ‘o tla’ kela go segela Jerusalema. (2 Magoši 25:8) Di ka makega gore nakwela Nebhuzaradani a sa le ka tawong, ke mo a pombhola le go polana gore o nyoko maka ying. Ka nthago ga matšatši ka mararo, ka kgwedi ya lesome, ‘o tla’ kela o kena Jerusalema. Ke mokane o ya mahlong a tšhuba mutši wone.—Jeremiya 52:12, 13.
Tso di Wutammeng ka Bhayibeleng
w05-SE 8/1 12 ¶1
Monopo wa Puku ya Magoši wa Bobedi
24:3, 4. Ka taba ya Manase wa go ba le molato wa madi, Jehova ‘aa dumela go tshwarela’ Juda. Modimo o hlompa madi ya batho ba go sena molato. A re kamake gore Jehova o nyoko patedisa madi ya batho ba go sena molato ka go fetsa ka bo ba yyeng ba ba bolaya.—Pisalema 37:9-11; 145:20.
JANUARY 16-22
MAKOLWANE KA TENG GA LENTSU LA MODIMO | 1 DIKORONIKA 1-3
“Bhayibele—Puku ya go Bolabola Nnete, go Seng Dinonwane”
w09-SE 9/1 14 ¶1
Adamo le Efa—Ayitsano ne go le Batho ba Nnete?
Tseya ka mošupetso wa mabitso ya meloko ya Majuda ya ma leng ka Bhayibeleng ga Dikoronika tsa Mathomo ga tema ya mathomo go segela ga ya nkokwane, le ya ma leng ga Ebangedi ya Luka ga tema ya boraro. Ga Dikoronika re bona mabitso ya meloko ya go teya ga 48 le 75 ya meloko ga Luka. Luka o boyele nthago ga moloko wo Jeso a tšwang ga wona, ka nthoko ye nngwana ga Dikoronika re bona ba ngwadiye meloko ya bogoši le ya boprista bya Israyele. Mo re bala re bona go na le mabitso ya batho bo re ba tšibang ba go tshwana le Solomoni, Dafita, Jakobo, Isaka, Abhrahama, Nnowa le Adamo. Mabitso yawa ga dipuku tsowa ke ya batho ba mannete, fote Adamo ne go le motho wa mannete le yene.
w08-SE 6/1 3 ¶4
Nnowa le Mogogola—Taba ya Nnete, go Seng Dinonwane
Dipuku ka dipedi tsa Bhayibele tso ba ngwadiyeng meloko di ro šupetsa gabutši gore Nnowa ke mo a le gona tsa mannete. (1 Dikoronika 1:4; Luka 3:36) Ezera le Luka, bo ba ngwadiyeng meloko yowa go ya ka go lategetsana, ne go le mong batho ba go nyakolla ka matla. Luka o nyakolliye, a kraya gore Jeso Kreste o tšwa ga moloko wa Nnowa.
w09-SE 9/1 14-15
Adamo le Efa—Ayitsano ne go le Batho ba Nnete?
Tseya ka mošupetso wa so Bhayibele yi se tšhutisang sa gore ba go tlala ba go ya kerekeng ba se tšiba—go lepolliwa. Go ya ka taba yone, Jeso Kreste o neyele ka lephelo lage la go felegelela gore a thogo phonisa batho bo ba sinnyeng. (Matewu 20:28; Johane 3:16) Re šele re tšiba gore, go lepolla ke tsela ye nngwana ya go reka kela go ntsha sehlabelo kela go patela gore o thogo kraya selo sa gore ne go le sago. Nka taba lo Bhayibele yi hlayang gore Jeso ke “sehlabelo sa batho.” (1 Thimothi 2:6) Re ka tiputsisa gore re lepolliwa ga ying? Bhayibele mo yi fetola yi re: “Go fo tshwana le mo batho ba kgwa ka taba la Adamo, le ka Kreste batho ka mokana ga bona ba nyoko phela.” (1 Makorente 15:22) Lephelo la go yenela lo Jeso a neyeleng ka lona ne le lepolla batho ba go theetsela gore ba kraye lephelo la go felegelela lo Adamo a le lahliyeng ka taba la go sinya hala Edeni. (Maroma 5:12) Di fo ba lekgwaying gore hala Adamo a sa ba gona, Sehlabelo sa Jeso nke se sa bereki ka selo.
Tso di Wutammeng ka Bhayibeleng
it-1-E 911 ¶3-4
Mabitso ya Leloko ka go Lategetsana
Mabitso ya Basadi. Basadi ne ba fela ba ngwadiwa ga mabitso ya leloko mo di nyakega ku botala. Ga Genesi 11:29, 30, ba bolabodiye ka Sarayi (Sara) ka taba la gore Pewu yo yi tshepisiwweng ne yi nyoko tšwa gage, go seng ga mosadi ye mongwana wa Abhrahama. Milika le yene ke mo ba mo ngwadiye ka gore ne go le kokwane wa Rebhekha, Mosadi wa Isaka, tsotsone di šupetsa gore Rebhekha ke setlogolwane sa mašaga ya Abhrahama, ka taba la gore Isaka ne a sa tshwanela go kraya mosadi ga batho ba ditšhaba tse dingwana. (Gen 22:20-23; 24:2-4) Ga Genesi 25:1, ba hlayye lebitso la mosadi wa Abhrahama wa mafelelo ye ba reng ke Ketura. Tsowa dya šupetsa gore Abhrahama o yye a šadha fote ka nthago ga gore Sara a hlokofale le gore ne a kgona go ba le bana le ka nthago ga mo go fitiye 40 ya mengwaga Jehova a makiye gore a be le ngwana ka mohlolo. (Mrm 4:19; Gen 24:67; 25:20) Fote tsowa di šupetsa ka mokgo Mamidiyane le meloko ye mengwana ya Maarabhiya ma šagelanang ka gona le Israyele.
Lliya, Reyitšhele le metlabo ya Jakobo le barwayi bage ka moka ba ba ngwadiye. (Gen 35:21-26) Tsowa di re gelepa gore re kgone go kwisisa gore Modimo o yye a berekisana le bana bone byang mo nako yi kene yi ya. Dilo tsa go tshwana le tsotsone, ke tsona tso di makang gore re kraye mabitso ya basadi ba bangwana ga mabitso ya meloko ka go lategetsana. Mo nkare ne go ba lefa lo le tlang ka bona, mabitso ya bona ne ma ka ngwadiwa. (Dip 26:33) Thamara, Rahaba le Ruthi le bona ke basadi ba gabutši. Mo go bolabodiwa ka basadi bone, go dula go ba le selo sa go jabodisa ka bona, go bona ka mokgo ba tleleng ba ba ga moloko wo Mesiya, Jeso Kreste, a nyareleng ga wona. (Gen 38; Ru 1:3-5; 4:13-15; Mat 1:1-5) Go gongwana mo go ngwadiwweng meloko ya batho ga gore basadi ba gona ke ga 1 Dikoronika 2:35, 48, 49; 3:1-3, 5.
JANUARY 23-29
MAKOLWANE KA TENG GA LENTSU LA MODIMO | 1 DIKORONIKA 4-6
“Merapelo Yaka yi Bolabola Ying ka Nna?”
w10-SE 10/1 23 ¶3-7
Wa “go Kwa Merapelo”
Jabhezi ne go le monna wa go kwana le go rapela. Mo a rapela ke mo a thomisa ka go kgopela Jehova gore a mo rufe. Ke mokane ne a kgopela kararo ya dilo tsa go šupetsa gore ne a na le tumelo ya go tiya.
Sa mathomo, Jabhezi o yye a ro phophota ga Modimo a re: “Gudisa naga yaka.” (Temanyana 10) Monna yewa wa go hlompega ne go se motho wa go fo tseya naga ya monna ye mongwana, ka taba la gore ne a yi nabela. So ne a se kgopela gabutši ne go se sa go nyoko berekela yene mara ne go le sa go nyoko berekela ba bangwana. Di ka makega gore o kgopele gore a be le naga ye kgolo ka gore ne a nyaka gore yi be le batho ba go tlala ba go rapela Modimo wa mannete.
Sa bobedi, Jabhezi o kgopele “letsogo” la Modimo gore le be naye. Letsogo la Modimo le tshwanisela matšhika yage, ya gore o ma berekisa go gelepa bo ba mo rapelang. (1 Dikoronika 29:12) Gore Jabhezi a kraye so a se kgopeleng ga Modimo, o yye a tshepela ga Modimo wa gore a ka sa tsoge a konne bo ba nang le tumelo gage matšhika.—Jesaya 59:1.
Sa boraro, Jabhezi o rapele a re: “Mphonise ga mesasamelo, gore yi sa nkwisi go baba.” Mantsu yane ya gore “gore yi sa kwisi go baba” ma ka fo ba ma šupetsa gore Jabhezi aa rapela gore a tšhabele tsa go sasamela, mara o rapelele gore a thogo tiyisela a sa kgahleletsi kela a sa kgwisi ke tso di tlang le dilo tsa go befa tso ne di makega.
Merapelo ya Jabhezi yi šupetsa gore ne a tihlupa ka matla ka morapelo wa nnete le tumelo yage, le tshepo yage ga ye a Theetselang merapelo. Jehova o yye a mo fetola ka mokgo mang? Tema yowa yi kwala ka mantsu ya gore: “Modimo o yye a maka tso Jabhezi a di kgopeleng.”
Tso di Wutammeng ka Bhayibeleng
w05-SE 10/1 9 ¶7
Monopo wa Puku ya Dikoronika Tsa Mathomo
5:10, 18-22. Ka dinako tsa Kgoši Sawulo, meloko ya ka bohlabela bya Jorodane yi hludiye Mahaghari le mo nkare meloko yone ne yi sa tlala go tshwana le Mahaghari. Tsone di makegiye ka taba la banna ba go ba le lešiši ba meloko yone ya gore ne yi tshepela ga Jehova fote ne yi tithegiye ka yene gore a yi gelepe. Byalo tla re napeneng re tshepela ga Jehova ka dipelo tsa rune ka moka mo re kene re maka mebereko ya rune le mo re lebanne le manaba ya go tlala go re feta.—Maefeso 6:10-17.
JANUARY 30–FEBRUARY 5
MAKOLWANE KA TENG GA LENTSU LA MODIMO | 1 DIKORONIKA 7-9
“O ka di Kgona Tsa go Maka Mebereko ya go Thathafa mo Jehova a go Gelepa”
w05-SE 10/1 9 ¶8
Monopo wa Puku ya Dikoronika Tsa Mathomo
9:26, 27. Malifi ya gore ne go le bomatšinghelane ne ba tshepega ka matla. Ne ba ro boya ba ba neya sekhiya sa go kena ga poleke ya go hlawola ya tempele. Ba šupetsiye gore baa tshepega mo ba dula ba bula digheyiti ka moka matšatši. Le rune re tshepiwwe ka mmereko wa go nyakela batho tšhomong ya rune le go ba gelepa gore ba thogo rapela Jehova. Byalo ayitsano a di nyake re šupetsa gore re tshepega go tshwana le Malifi ya gore ne go le bomatšinghelane?
w11-SE 9/15 32 ¶7
Ayitsano o ka Tshwana le Finiyase mo o Lebanne le Dintshitshire?
Finiyase ne a na le mmereko wo mogolo Israyele ya ku botala; mara ka gore ne a šišimele, a tšiba dilo fote a tshepela ga Modimo, o kgonne go phomelela mo a lebanne le dintshitshire. Fote ka gore Finiyase ne a berekela Modimo ka matšato, Jehova o yye a mo yamogela. Mo go šele go fitiye 1 000 ya mengwaga, Ezera ba mo hlohletsele gore a ngwale gore: “Ke Finiyase morwayi wa Eliyaza ye a yyeng a ba yetetsa ku botala. Jehova ne a le naye.” (1 Dikor. 9:20) Nkare go ka ba ka mokgonone ga ka moka bo ba yetetsang batho ba Modimo lekgono, le ga Makreste ka moka ya go berekela Modimo ka go tshepega.
Tso di Wutammeng ka Bhayibeleng
w10-SE 12/15 21 ¶6
Yepelela Jehova!
6 Eya, Jehova o berekisiye baporofeta bage go yetetsa bo ba mo rapelang gore ba mo thanake ka dikoša. Ba go yepelela ba gore ne ba tšwa ga moloko wa maprista ne ba sa gapeletsegi go maka mebereko ya gore Malifi ne ma tshwanele go wo maka gore ba thogo ba le nako ya gabutši ya go tla le dikoša le ya go lukiselela tso ba nyoko di yepelelang.—1 Dikor. 9:33.
FEBRUARY 6-12
MAKOLWANE KA TENG GA LENTSU LA MODIMO | 1 DIKORONIKA 10-12
“Karakara Gore o Kwe o Nabela go Maka Tso Modimo a di Nyakang”
w12-SE 11/15 6 ¶12-13
“Ntšhutise Tso di Nyakang ke Wene”
12 Taba ya gore Dafita ne a leboga ditšhiko tso ne di le ga Molawo le ka mokgo ne a nabela go phela ka tsona, di nyaka re yi yekisele. Tseya ka tso di makegiyeng mo Dafita a šupetsa gore o wonngwe “go nwa meetši ya go tšwa ga sediba sa Bhetlelehema.” Banna ka bararo ba Dafita ba gapeletsiye go ya hone ga mutši wone—wa gore ne wo na le Mafilisita—ke mokane ba boya le meetši. Mara, “Dafita o ganne go ma nwa, ke mokane a ma falatsela Jehova.” Ke ntaba? Dafita o hlatolliye ka gore: “A di gabutši mahlong ga Jehova gore ke make tsowa! Anthe nko ba ke sa nwe madi ya banna bowa ka taba la gore ba yye ba beya lephelo la bona kotsing? Ka taba la gore ba beyye lephelo la bona kotsing gore ba nleyele meetši yawa.”—1 Dikor. 11:15-19.
13 Dafita ne a tšiba go tšwa ga Molawo gore madi di nyaka ba ma falatsele Jehova fote ma sa jiwi. Fote ne a kwisisa gore ke ntaba tsone ne di tshwanele di makiwe. Dafita ne a tšiba gore ‘lephelo la selo sa go phela le mading ya sona.’ Mara, meetši yawa ne go se madi. Byalo ke ntaba Dafita a ganne go ma nwa? Ne a tseyela tšhiko ye nngwana le ye nngwana gedimo mo di tla ga taba ya molawo. Ga Dafita, meetši yala ne ma hlawolegiye go tshwana le madi ya banna bala ka bararo. Byalo, ne di ko ba di se gabutši gore a nwe meetši yala. Mara o yye a fetsa le pelo gore di nyaka a ma tshollwele fase.—Lef. 17:11; Dot. 12:23, 24.
Wolola Lekwalo Lago ka Melawo ya Modimo le Ditšhiko Tsa Gona
5 Mo re nyaka melawo ya Modimo yi re berekela, di nyaka gore re sa fo bala ka yona kela go fo yi tšiba. Di ro nyaka gore re kwane nayo ka matla fote re yi tseyele hlogong. Lentsu la Modimo le re: “Hloyaneng tsa go befa, le nyakeneng tsa go bafala.” (Amo. 5:15) Mara sosone re se maka byang? Se segolo ka matla ke ho re leketsa go tseya dilo go tshwana le ka mokg’o Jehova a di tseyang. Tla re fo maka mošupetso ke wowa: Tla re fo tseya gore ke botala o ferega boroko. Byalo o ya ga dogotela, ke mokane o go botsa gore o sa ji ying o je ying, o taboge ka bošego byo bongwana le byo bongwana, le tse dingwana tso di nyakang o di lesetsa. Mo le wene o leketsa tso a yitsering o di make, o thomisa go di bona gore di ya go berekela! Nnete ga dogotela yone o nyoko yi leboga o sa fetse ka taba la gore o tikwa o phelegiye.
6 Di ya tshwana ka taba la gore ye a re makiyeng o re neyye melawo gore re thogo sepelela kgole le tso di ka re kwaletsang mo re ka sinya, le rune ra tikwa gore re gabutši. Ka nnete di thuša rune mo re berekisa melawo ya Bhayibele mo yi re re sa bolabole matsaka, re sa sepele ba bangwana ka fase, re sa yetswe, re sa šitege go titshwara, re sa be dikgohlane kela go loyanana. (Bala Diyema 6:16-19; Kut. 21:8) Mo re kraya re na le maphomela ya go bafala ka taba la go maka dilo ka tsela ya Jehova, re fo kwa re jabola fote ka ho dipelong go ba le so se re tšhofang go leboga Jehova le melawo yage.
Tso di Wutammeng ka Bhayibeleng
it-1-E 1058 ¶5-6
Pelo
Bereka ka “Pelo ya go felegelela ka Moka.” Gabutši pelo di nyaka yi dule yi bereka gabutši, mara pelo ya go tshwanisela yi ka yarogana. Dafita o rapele a re: “Maka gore pelo yaka yi felegelele gore ke tšhabe lebitso lago,” fote tsone di ka rela gore pelo ya motho yi ka yahlugana go ya ka tso motho a kwanang natso le tso a di tšhabang. (Pis 86:11) Motho wa mošaga wonone a ka fo ba a na le ‘pelo ya go sa felegelela’—aa berekele Modimo ka pelo ka moka. (Pis 119:113; Kut 3:16) Motho a ka ba le “dipelo ka dipedi” mo a liketsa go berekela magoši ka mabedi, kela a bolabola selo se sengwana a kene a naganne ka se sengwana. (1Kr 12:33; Pis 12:2) Jeso o ro hlaya gore batho bone ba dipelo ka dipedi baa timakisa.—Mat 15:7, 8.
Ye a nyakang go jabodisa Modimo a di nyake a ba le pelo ya go sa felegelela kela dipelo ka dipedi, mara di nyaka a mmerekele ka pelo ka moka. (1Kr 28:9) Gore motho a thogo maka tsotsone, di ko nyaka gore a karakare ka matla ka gore pelo yi kekemele ga dilo tsa go sa loka. (Jer 17:9, 10; Gen 8:21) Gore motho a thogo ya mahlong a na le pelo ya go felegelela, di nyaka: a rapele a šwennye (Pis 119:145; Dil 3:41), a dule a tšhuta Lentsu la Modimo (Ez 7:10; Diy 15:28), a tšhomayele ditaba tsa go bafala ka matšato (tshwanisa le Jer 20:9), fote a nghanelane le bo ba nang le dipelo tsa go felegelela ga Modimo.—tshwanisa le 2Mg 10:15, 16.
FEBRUARY 13-19
MAKOLWANE KA TENG GA LENTSU LA MODIMO | 1 DIKORONIKA 13-16
“Re ya Phomelela mo re Latelela Tso ba re Botsang”
w03-SE 5/1 10-11
Ayitsano wa Butsisa Gore “Jehova o Kayi?”
12 Mo areka ya go kwanisanya ba šele ba yi busetsiye Israyele fote yi duli mengwaga ya go tlala Khiriyathi-jeyarimi, Kgoši Dafita ne a nabela gore yi leyiwe Jerusalema. O yye a bolabola le dindhuna tsa batho ke mokane a re Areka ne yi nyoko tlusiwa mo ne yi le gona ‘mo nkare ke selo sa gabutši ga bona fote Jehova a dumela.’ Mara o yye a takisa maahlo taba ya gore Jehova o re king ga taba yone. Hala a sa yi takisa mahlo taba yone, nke a sa kalamisa Areka yone gedimo ga sekotšikara. Nke yi rwele ke Malifi ya Makhohathi ho magetleng, go leng so Modimo a hlayyeng gore se makiwe. Le mo nkare Dafita ne a dula a bolabola le Jehova ka dilo le go mmutsisa, howa o yye a šitega go maka tsotsone. Maphomela go biye ya go sasamela. Dafita o yye a yi bona taba yone ka nthago nyana ke mokane a re: “Jehova Modimo wa rune aa sa yema le rune, ka taba la gore a re ya mo nyakela go ya ka mokgo re tlwayeleng.”—1 Dikoronika 13:1-3; 15:11-13; Dipalo 4:4-6, 15; 7:1-9.
w03-SE 5/1 11 ¶13
Ayitsano wa Butsisa Gore “Jehova o Kayi?”
13 Mo Malifi ma šele ma tlusiye Areka ntlong ya Obete-edhomo ma yi yisiye Jerusalema, go yye gwa yepelediwa koša ya gore ne yi ngwadiye ke Dafita. Ne yi na le mantsu ya go tšwa pelong ya gore: “Nyakela Jehova le matšhika yage, dula o nyakela sefahlego sage. O sa lebale dilo tsa go bafala tso a di makiyeng, mehlolo yage le dipheto tsage.”—1 Dikoronika 16:11, 12.
Tso di Wutammeng ka Bhayibeleng
w14-SE 1/15 10 ¶14
Rapela Jehova, Kgoši ya go ya go Yye
14 Dafita o leyye areka ya go kwanisanya ya go hlawolega Jerusalema. Mo ba kene ba jabolela sosone, Malifi ne ma yepelela koša ya go thanaka ya gore ne yi na le mantsu ya ba ma ngwadiyeng ga 1 Dikoronika 16:31 ya gore: “Botsa ditšhaba gore: ‘Jehova se ke Kgoši!’” Motho a ka tiputsisa gore, ‘Ka gore Jehova ke kgoši ya go ya go yye, di tla byang gore ba hlaye gore o biye kgoši ka nakwela?’ Jehova o ba Kgoši mo a šupetsa gore wa lawola kela mo a maka gore go be le mmušo wa go yemela yene ka nako yonone kela mo a lukisa seyemo se sengwana. Taba yone ya ka mokgo Jehova a šupetsang bogoši byage, di nyaka re yi tseyele gedimo ka matla. Mo Dafita a soko bane a kgwa, Jehova o mo tshepisiye gore bogoši byage bo nyoko ya mahlong bo lawola mo a re: “Ke nyoko maka gore setlogolwane sago, yene morwayi wago, go be kgoši.” (2 Sam. 7:12, 13) Mafelelong, “ngwana” wa Dafita o nyarele go šele go fitiye gana hala ga bo 1 000 ya mengwaga. Ke mo go le mang yenene, fote ne a nyoko ba Kgoši leng?
FEBRUARY 20-26
MAKOLWANE KA TENG GA LENTSU LA MODIMO | 1 DIKORONIKA 17-19
“Dula o Jabodiye le mo Dilo di sa go Sepelele Tsona”
w06-SE 7/15 19 ¶1
Lebelela Tsa Gabutši ga Mokgahlo wa Jehova
DAFITA wa Israyele ya ku botala ke ye mongwana wa batho bo re tšibang go bolabodiwa ka bona ga Mangwalo ya Seheberu. Motho yewa ne go le wa go disa, wa go yepelela, wa gore ne go le moporofeta fote go le kgoši ya gore ne yi tshepele ga Jehova Modimo. Dafita ne a nyaka Jehova ka matla fote tsone di makiye gore a nabele go yagela Modimo ntlo. Ntlo yone kela tempele yone, ne go nyoko ba mo morapelo wa mannete Israyele wo nyoko bang gona. Dafita ne a tšiba gore tso ne di nyoko sipidisana le tempele yone ne di nyoko jabodisa batho ba Modimo le go maka gore ba rufiwe. Dafita o yepelele a re: “Go jabola ye wene [Jehova] o mo kgetang fote o makang gore a šutele gago, gore a thogo dula jareteng yago. Re nyoko ro kgotsofala ka taba la ntlo yago ya go loka, poleke yago ya go hlawolega ya tempele.”—Pisalema 65:4.
Maka Gore Mebereko Yago yi go Natefele
11 Le rune re ka maka gore re nape re jabola ka matla mo re ka tsika ga mmereko wo mongwana le wo mongwana wa gore ba re neyye wona ka ho ga Jehova. “Napa [o] tshwaragana” ka mmereko wa go tšhomayela fote o karakare ga mebereko ya phutego. (Meber 18:5; Maheb. 10:24, 25) O lukiselele gabutši mo o ya megahlanong ya phutego gore o thogo tiyisa ba bangwana mo o fetola ga tso le ko bang le di tšhuta. Mo nkare ba go neyye gore o tle o beye polabolo ga mogahlano wa gare ga beke, o sa yi tseyele fase. O tshware nako mo ba go kgopele gore o gelepe ka se sengwana ka phutegong, fote o sa fo dumela mara o sa make. Ga mmereko wo mongwana le wo mongwana wo ba go neyang wona, o sa tseye nkare ba kgana ka wene. Karakara gore o be segele ga mmereko wago. (Diy. 22:29) Mo o ka tsika ga mebereko yo o yi makelang Jehova, senghana sago naye se nyoko hluhlutela fote o nyoko napa o jabola ka matla. (Magal. 6:4) O nyoko bona di sa thathafe go jabola le ba bangwana mo ba ba neya mmereko wa gore ke mo o wo nabela.—Marom. 12:15; Magal. 5:26.
Tso di Wutammeng ka Bhayibeleng
w20.02 12, lebhokisi
Jehova, Papa wa Rune, re mo Nyaka ka Matla
Ayitsano Jehova o Ntseyela Hlogong?
Ayitsano o yye wa tiputsisa gore, ‘Ga dibhiliyoni tsa batho ka mokana ga bona bo ba phelang ho lefaseng, king so se ka makang Jehova gore a šinye a ntseyela hlogong?’ Mo nkare go sone, a di thome ka wene. Kgoši Dafita o ngwadiye gore: “Jehova barena, motho go ro ba ying gore o šinye o mo tseyela hlogong, morwayi wa motho wa gore a ka fo kgwa wa šinya o tihlupa la gore o mo tseyele hlogong?” (Pis. 144:3) Dafita ke mo a sa kamake gore Jehova ke mo a mo tšiba go tloga le go dula. (1 Dikor. 17:16-18) Jehova o makiye gore o sa kamake gore yene wa di bona tsa gore o mo nyaka ka matla, a berekisa Lentsu lage le mokgahlo wage. Lebelela tse dingwana tso Lentsu la Modimo le ka go gelepang gore o sa kamake ga taba ya gore:
• Jehova o go bonne o soko bane o belegiwa.—Pis. 139:16.
• Jehova o tšiba tso di leng ka ho pelong yago le tso o di naganang.—1 Dikor. 28:9.
• A go na morapelo le ka wwoši wago wa gore wo wela fase ga Jehova.—Pis. 65:2.
• Tso o di makang di tikisa Jehova.—Diy. 27:11.
• Jehova ke yene a go šutetsiyeng thina naye.—Joh. 6:44.
• Jehova o go tšiba gabutši gore le mo o ka fo kgwa, o nyoko fo go tsosa ka mokgo ne o le ka gona. O nyoko go neya mmele wa nyuwane, a make gore o gopole dilo ka mokana ga tsona tso ne o di tšiba a boye a make gore o be le mekgwa yenela yago ya gabutši.—Joh. 11:21-26, 39-44; Meber. 24:15.
FEBRUARY 27–MARCH 5
MAKOLWANE KA TENG GA LENTSU LA MODIMO | 1 DIKORONIKA 20-22
“Gelepa bo ba Gore ba sa Gola Gore ba Thogo Phomelela”
w17.01-SE 29 ¶8
‘Dilo Tso o di Tšhutise Banna ba go Tshepega’
8 Bala 1 Dikoronika 22:5. Dafita nke a f’lo re Solomoni a ka sa di kgone go wokamelo mmereko wone wo mogolo. Fote tempele yone ne yi tshwanele go ba ya go “bafala ka matla,” mara Solomoni ne a sa le “ye monyana ka matla fote a soko tšiba tsa go tlala” ka nako ya gona. Mara Dafita ne a tšiba gore Jehova o nyoko neya Solomoni so a ko se hlokang gore a make mmereko wone a neyiwweng wona. Byalo Dafita o yye a lebelela ka matla tso ne a ka kgona go gelepa ga tsona, go leng go lukiselela dithulusi tso ne di ko nyakega tsa go tlala.
w17.01-SE 29 ¶7
‘Dilo Tso o di Tšhutise Banna ba go Tshepega’
7 Dafita aa fo dula a phuta matsogo, a re a ka sa gelepe ka taba la gore ba yitseri a yi yene a ko yagang tempele. Fote moyago wone wo feleletsiye wo tšibega go le tempele ya Solomoni, go seng ya Dafita. Di ka makega gore Dafita ne di sa mo tshwara gabutši gore aa kgona go maka tso ne di nabela ke pelo yage, mara o yye a ya mahlong a thega mmereko wone. O yye a gahlanisa batho ba go bereka ka tshipi, koporo, silva, le gholdi, le ba go betla. Fote o yye a tiyisa Solomoni ka mantsu ya gore: “Barena morwayi waka, Jehova a be nago, fote nkare o ka phomelela o boye o yage ntlo ya Jehova Modimo wago, go fo ya ka mokgo a hlayyeng mo a bolabola ka wene.”—1 Dikor. 22:11, 14-16.
Lune Batswadi, Nje le ya ba Gelepa Bana ba Lune Gore ba Feleletse ba Kolobetsiwwe?
14 Bagolo ka gore ke bona ba go disa phutego, ba ka gelepa batswadi ka go hlohletsela bana ba bona gore ba kgete go maka se sengwana ka ho ga tsa Modimo, fote taba yone ba nape ba yi kgahlisela. Mogageru ye mongwana wa mosadi wa gore o na le 70 ya mongwaga yi le lephayona o sa gopola gore tso a yyeng a di botsa ke Mogageru Charles T. Russell ka nako tse a na le 6 ya mongwaga di mo gelepiye ka matla. Mo a hlayisa o re, “Re fetsiye 15 ya diminetse a mputsisa ka tso ke nyakang go di segelela ka mo ga tsa Modimo.” Nnete ke gore motho a ka segelela dilo tsa go tlala mo a butsiwa mantsu ya go natefela le go hlohleletsiwa. (Diy. 25:11) Bagolo ba ko ba ba maka gabutši mo ga mmereko-bereko ya Holong ya Mmušo ba tšhela batswadi le bana ba bona, le gore bana bone ba ba neye mmereko wa go ba lekana.
15 Bo ba leng ka ho phutegong le bona ba ka tišutetša ga bo go sa galeng ba banyana. Sosone se ra gore le mo ba bona bana bowa ba ya mahlong ga tso tsa Modimo, ba ba thanake. Nje aa šiyo gana hone ga lune ngwana wa gore mo a fetola kela a beya polabolo ga mogahlano wa gare ga beke, le wene wa di kwa gore o beya ditaba tsage gabutši fote o bolabola di mmaba? Nje aa šiyo ye mongwana wa gore o hlodiye moleko wa go leketsa go mo tekatekisa go šupa gore wa tshepega ku sekolo kela wa gore o yye a berekisa lešuba lo le nyareleng gore a tšhomayele? Ba go tshwana le bobone, yakgoswa o ba thanaka. Ke ntaba o sa fo tipotsa gore ka moka matšatši mo o ya mogahlanong wa phutego—mo megahlano yi soko thomisa kela mo yi fediye—o bolabola le ngwana ye mongwana, go šupa gore wa go jabodisa? Mo o ka maka ka mokg’ononeng wa boya wa maka le tse dingwana, bana bowa le bona ba nyoko tikwa gore ba ka teng ga “phutego ye kgolo.”—Pis. 35:18.
Tso di Wutammeng ka Bhayibeleng
w05-SE 10/1 11 ¶6
Monopo wa Puku ya Dikoronika Tsa Mathomo
21:13-15. Jehova o yye a botsa lengeloyi gore le yemise mesasamelo ka taba la gore ne di sa mo jabodisi go bona batho Bage ba kwa go baba. Ka nnete, ‘o kwelana go baba ka matla.’