Ditodi Tsa Sepukwane sa Mogahlano wa Maphelelo le Matšhomayelelo
© 2022 Watch Tower Bible and Tract Society of Pennsylvania
MARCH 6-12
MAKOLWANE KA TENG GA LENTSU LA MODIMO | 1 DIKORONIKA 23-26
“Morapelo wa Tempeleng wo Sepela ka Letheto”
it-2-E 241
Malifi
Mmereko wo Malifi ne ma wo maka ne wo sepela ka letheto fote wo yetetsa ke Dafita, ye a kgetiyeng ba go wokamela, dindhuna, bayahludi, bomatšinghelane le ba go bereka ka tsa tšheleta le banna ba go tlala ba gore ne ba gelepa maprista ka mmereko wa tempele, wa lapeng la tempele, le mo ba jelang gona le ga mebereko ye mengwana ya go yelana le tsa go neyela ka tsona, dihlabelo, mmereko wa go yedisa gore dilo di hlawolege, go kala, go meta le mebereko ye mengwana ya go ghada. Malifi ya gore ne ma yepelela ne go le 24 ya megoba, go tshwana le ka mokgo maprista ne ma le ka gona, fote ne ma bereka ka go šiyelana. Ne ba neyana mebereko ka go lahla dikgakgare. Fote ne ba berekisa mokgwa wonowa go kgeta megoba yo yi ko go ghada digheyiti.—1Kr 23, 25, 26; 2Kr 35:3-5, 10.
it-2-E 686
Maprista
Maprista ya ne ma maka mmereko wa tempeleng ne ma yetetsa ke dindhuna tsa go sa tshwane. Ne ba lahla dikgakgare mo ba neyana mebereko ye mengwana. Mogoba wo mongwana le wo mongwana ga 24 ya wona ne wo bereka beke ka yyoši, tsone di ra gore ba bereka mabeke ka mabedi mo mongwageng. Fote maprista ne ma bereka ma le ka moka ka nako ya menyanya mo batho ba tl’le maka dihlabelo tsa go tlala, go fo tshwana le nakwela ba neyela tempele. (1Kr 24:1-18, 31; 2Kr 5:11; tshwanisa le 2Kr 29:31-35; 30:23-25; 35:10-19.) Moprista a ka bereka ka dinako tse dingwana mo nkare wa tinyakela mara di nyaka a bone gore aa šitisi mebereko ya bo ba kgetiwweng gore go bereke bona ka nako yonone. Go ya ka setšo sa borabi, ka nakwela Jeso a sa le mo lefaseng, maprista ne ma tlele ka matla tsa gore ba yye ba pomelana mmereko wa beke go ya ka mitši yo yi leng gona ga mogoba wone, mutši ne wo bereka letšatši ka lloši kela ya go tlala go ya ka gore nka ba kaye.
it-2-E 451-452
Dikoša
Mo ba kene ba lukiselela mmereko wa tempele ya Jehova, Dafita o yye a maka gore go be le 4 000 ya Malifi ya go yepelela. (1Kr 23:4, 5) Gana mone, 288 ya bona ne ba “tšhutisiwwe go yepelelela Jehova, ka moka go le digele.” (1Kr 25:7) Letheto lowa ka moka ne le wokamela ke banna ka bararo ba go kgona go yepelela, go leng Asafa, Hemane le Jeduthuni (wa gore fote ba re ke Ethane). Ka taba la gore banna bowa ne go le ditlogolwane tsa barwayi ka bararo ba Llifi, go leng Ghešomo, Khohathi le Merari, ka mokgonone, banna bala ka bararo ba Malifi ke bona ba go yemela mitši ya dindhuna tsa Malifi ga mmereko wa go yepelela tempeleng. (1Kr 6:16, 31-33, 39-44; 25:1-6) Barwayi ba banna bowa ka bararo mo ba felele ne ba le 24, ka moka ga bona ba gona ga 288 ya banna bala ba gore ke digele ka go yepelela. Morwayi ye mongwana le ye mongwana ne ba mo kgeta ka go lahla dikgakgare gore a wokamele mogoba ka wwoši wa ba go yepelela. Ga bo a ba wokamelang ne go na le 11 ya bona ba gore ke “digele,” ba gore ba ba kgetiye ga barwayi bage le ga Malifi ya mangwana. Ka mokgonone, go fo tshwana le maprista, 288 ([1 + 11] × 24 = 288) ya digele tsa Malifi ya go kgona go yepelela ne ba makiye gore go be 24 ya megoba. Mo nkare 3 712 ‘ba gore ba sa tšhuta’ ba ka ba pomela ga 24 ya megoba, di ra gore mogoba ka wwoši ne wo nyoko yeketsega ka 155 ya banna, tsone di ra gore segele ka ssoši ne se tšhutisa 13 ya Malifi ka dinako tsa go sa tshwane. (1Kr 25:1-31) Ka taba la gore ba go teya diporompeta ne go le maprista, ba ba bala ga Malifi ya go yepelela.—2Kr 5:12; tshwanisa le Dip 10:8.
it-1-E 898
Bomatšinghelane
Ka Tempeleng. Mo Kgoši Dafita a soko bane a hlokofala, o yye a lukiselela gabutši gore go be le Malifi le ba go bereka ka tempeleng ba go teya ga 4 000, gana hone go kena le bomatšinghelane. Ne ba bereka kašupa ya matšatši go ya ka megoba ya bona. Mmereko wa bona ne go le go ghada ntlo ya Jehova le go bona gore dikwalo di budiwa le go kwadiwa ka nako ya gona. (1Kr 9:23-27; 23:1-6) Go tokegela ga mmereko wa go ghada, go na le ba bangwana ba go bereka ka meneyelo yo batho ne ba yi leya tempeleng gore yi berekisiwe gona. (2Mg 12:9; 22:4) Mo go šele go fitiye nako, mo Jehoyada moprista ye mogolo a tlotsa Jehoyaši gore go be kgoši, ne go na le bomatšinghelane bo ne ba kgetiwwe gore ba ghade digheyiti tsa tempele gore ba pasope Jehoyaši wa gore ne go sa le ye monyana, ga Athaliya wa gore ne go le Kgoši ya Mosadi ya go lawola ka tšhinghi. (2Mg 11:4-8) Mo Kgoši Josiya a fetsa ka morapelo wa dithombhe, ba go ghada dikwalo tsa tempele ba yye ba gelepa go tlosa ditša tso ne ba di berekisa ga morapelo wa Bhaali. Ke mokane baa di tšhubela ka tawong ga mutši.—2Mg 23:4.
Tso di Wutammeng ka Bhayibeleng
Morapelo Wa Mannete wo Nyoko Maka Gore o Jabole
10 Mo re yepelela re ba re maka morapelo ga Jehova. (Pis. 28:7) Maisrayele ne ma tseya taba ya go yepelela go le go maka morapelo. Kgoši Dafita o yye a kgeta 288 ya Malifi gore go be ba go yepelela ku tempeleng. (1 Dikor. 25:1, 6-8) Lekgono, re šupetsa Modimo gore re mo nyaka ka matla mo re mo yepelelela dikoša tsa go thanaka. Jehova a di mo hlupe tsa gore ra di kgona tsa go yepelela kela dho. Lebelela mošupetso wowa: Mo re bolabola, “Ka mokana ga rune re sinya ga go tlala,” mara tsotsone a di make gore re tšhabe go bolabola mo re le phutegong kela mo re maka mmereko wa go tšhomayela. (Jak. 3:2) Byalo, taba ya gore mo re yepelela re ya tšoroka di nyaka yi sa re tšhabisi go thanaka Jehova ka go yepelela.
MARCH 13-19
MAKOLWANE KA TENG GA LENTSU LA MODIMO | 1 DIKORONIKA 27-29
“Papa wa Gabutši o Yeletsa Morwayi Wage”
w05-SE 2/15 19 ¶9
O sa Lebale Gore ke Wene Mokreste
9 Maka gore o tshepe nnete ya Bhayibele. Taba ya gore ke rune malata ya Jehova re ka yi lebala mo nkare a re tiyise tso re di tšibang ka Mangwalo. (Mafilipi 1:9, 10) Makreste ka moka—ya gore ma sa gola le ya gore ma gudiye—di nyaka ma make gore ma sa kamake gore tso ma di tshepang ke nnete fote di tšwa ka Bhayibeleng. Pawulo o hlohletsele magagabo ka gore: “Le nyakolleneng gore dilo ka mokana ga tsona ke nnete, le dule le maka dilo tsa gabutši.” (1 Mathesalonika 5:21) Bo ba gore ba sa gola ba gore ke Makreste di nyaka ba tiyisa tumelo ya bona beng, ba sa tithegi ka tumelo ya babelegi ba bona ba gore ba mo nyaka ka matla ga Modimo. Dafita papa wa Solomoni, o mo hlohletsele ka gore, “tšiba Modimo wa papago fote o mmerekele ka pelo ya go felegelela.” (1 Dikoronika 28:9) Ne di ka sa yenele gore Solomoni a fo lebelela ka mokgo papage a yyeng a tiyisa tumelo ya yene mong. Ne di nyaka gore yene mong a mo tšibe ga Jehova, fote ke sona so a se makiyeng. O yye a kgopela Modimo di mmaba a re: “Maka gore ke hlalefe ke boye ke kwisise gore ke thogo yetetsa batho bowa gabutši.”—2 Dikoronika 1:10.
w12-SE 4/15 16 ¶13
Ariye Mahlong o Berekela Jehova ka Pelo ya go Felegelela
13 So re se tšhutang se fo ba lekgwaying. Re ba re maka gabutši mo re tšhela letsogo ga mebereko yowa ya go tiyisa ya gore fote ya kgotsofatsa, ya go tshwana le go ya megahlanong ya phutego le go maka mmereko wa go tšhomayela. Mara go berekela Jehova ka pelo ya go felegelela di rela go maka tsa go feta tsone. (2 Dikor. 25:1, 2, 27) Mo nkare Mokreste ka pelong yage o sa na a kwana le “dilo tsa ku nthago”—go leng maphelelo ya batho ba lefase—o ba a tšhela senghana sage le Modimo kotsing. (Luk. 17:32) Mo re ‘nyenya tsa go befa fote re ngangarela tsa go loka’ re nyoko ‘tshwanela ke Mmušo wa Modimo.’ (Marom. 12:9; Luk. 9:62) Byalo di nyaka ka mokana ga rune re karakare gore go sa be le selo lefaseng la Sathane, le mo go ka ba sa gore se ka re berekela kela sa gore se ya nabetsa, se re šitisa go maka mmereko wa go yelana le tsa Mmušo wa Modimo ka pelo ya go felegelela.—2 Makor. 11:14; bala Mafilipi 3:13, 14.
w17.09-SE 32 ¶20-21
“Šišimala . . . o Kene Fase”
20 Kgoši Dafita o yye a gopotsa Solomoni gore Jehova o nyoko ba naye go segela mmereko wa go yaga tempele wo fela. (1 Dikor. 28:20) Mantsu yane ya papage ma yye ma dula ka monaganong le pelong yage, fote a sanka a lisetsa taba ya gore ke ye monyana le gore aa tšibi tsa go tlala yi mo phiriketsa. O yye a šupetsa gore o na le lešiši, a kena fase fote Jehova o yye a mo gelepa gore a fetse go yaga tempele yone ya go bafala ka matla ka kašupa ya mengwana le sekopa.
21 Ka gore Jehova o yye a gelepa Solomoni, le rune a ka re gelepa gore re be le lešiši re boye re make mmereko wa rune, ka gaye le ka phutegong. (Jes. 41:10, 13) Mo re ka šišimala mo re kene re rapela Jehova, yene o nyoko re rufa gana byalo le ku mahlong. Byalo, “šišimala . . . o kene fase.”
Tso di Wutammeng ka Bhayibeleng
w17.03-SE 29 ¶6-7
Go fo Mamarela Monghana le mo go Thathafiye
Dafita ne a na le banghana ba gore ne ba le naye ka dinako tsa go baba. Ye mongwana wa banghana bage ne go le Hušayi, wa gore Bhayibele yi re ke “Monghana wa Dafita.” (2 Sam. 16:16; 1 Dikor. 27:33) Go ka fo ba go le ye mongwana wa dindhuna tsa go bereka khota wa gore ne go le mong monghana wa kgoši, wa gore ka dinako tse dingwana ne a berekana le ditaba tsa gore ne di sa nyake gore di tšibe ke batho ba bangwana.
Mo Abhsalomo morwayi wa Dafita a liketsa go ketula papage setulong sa go lawola, Maisrayele ya go tlala ma yye ma yema naye go seng le Hušayi. Mo Dafita a kene a tšhaba, Hušayi o yye naye. Dafita ne a kwile go baba ka matla ka taba la gore morwayi wage le ba bangwana ba gore ne a ba tshepa ba mo jikele. Mara, Hušayi o yye mahlong a mo tshepegela, fote ne a tikemisele go tšhela lephelo lage kotsing ka go šehlolla dipolane tsa Abhsalomo tsa bošakašakane. Tso Hušayi a di makiyeng ne yi se taba ya gore ne a fo maka mmereko wage. Mara o šupetsiye gore ke monghana wa go tshepega.—2 Sam. 15:13-17, 32-37; 16:15–17:16.
MARCH 20-26
MAKOLWANE KA TENG GA LENTSU LA MODIMO | 2 DIKORONIKA 1-4
“Kgoši Solomoni o Segelele Sepheto sa go sa Hlamatsega”
it-1-E 174 ¶5
Masole
Mo go lawola Solomoni, Israyele yi yye ya tšhentšha mo di tla ga ditaba tsa go yelana le tsa masole le tso ne go lwiwa ka tsona. Mo go lawola yene ke mo go bebiye ka matla, mara o f’lo ya mahlong a tlatsa dipera le dikotšikara. (Lebelela CHARIOT [SEKOTŠIKARA].) Ga go tlala dipera tsone ne ba di reka Egepita. Di nyakiye le gore ba yage mitši ye megolo gore dilo tsone ba lwang ka tsona di thogo beyiwa gona. (1Mg 4:26; 9:19; 10:26, 29; 2Kr 1:14-17) Mara Jehova a sanka a rufa dipolane tsone tsa Solomoni, fote likgu lage le taba ya gore mmušo wo yahluganne di makiye gore go sa sa ba le masole ya go tlala Israyele. Ka nthagonyana Jesaya o ngwadiye gore: “Ba ko tikweleng bo ba tšhabelang ga Egepita gore yi ba gelepe, bo ba tshepelang ga pera ya mong pera, fote ba tshepela ga dikotšikara tsa ntwa, ka taba la gore di tlele, di fo šota ka ba go di kalama, fote di na le matšhika, mara ba sa llele ga Wa go Hlawolega wa Israyele fote ba sa tšhabele ga Jehova.”—Jes 31:1.
it-1-E 427
Dikotšikara
Israyele a sanka ya ba le dikotšikara tsa go tlala tsa ntwa go segela ka dinako tsa Solomoni. Ne go le ka taba la gore Modimo ne a butsiye kgoši gore yi sa be le dipera tsa go tlala gore di sa šupetsi nkare setšhaba ne se tshepele ga tsona. Tsone di rela gore ne di ba kgerela ga go berekisa dikotšikara tsa go tlala ka taba la gore ke dipera tsone tso ne di goga dikotšikara. (Dot 17:16) Mo Samuwele a pasopisa batho ka taba ya go ba le kgoši ya gore ke motho, o yye a re: “Yi nyoko tseya barwayi ba lune, yi nyoko ba tšhela teng ga dikotšikara tsa yona.” (1Sa 8:11) Mo Abhsalomo le Adonija ba liketsa go ketula papa wa bona setulong sa go lawola, ye mongwana le ye mongwana o yye a timakela sekotšikara, ke mokane a beya 50 ya banna gore ba taboge mahlong ga sona. (2Sa 15:1; 1Mg 1:5) Mo Dafita a fetsa go hlula kgoši ya Zobha, o yye a tipeyela 100 ya dipera tsa go goga dikotšikara.—2Sa 8:3, 4; 10:18.
Mo kgoši Solomoni a yeketsa masole le tsa go lwa ka tsona tsa Israyele, o yye mahlong a kraya 1 400 ya dikotšikara. (1Mg 10:26, 29; 2Kr 1:14, 17) Hala Jerusalema le ga mitši ye mengwana yo ne a beya dikotšikara ga yona, ke mo go na le dipoleke tso ne ba pasopa dilo tsone ka moka tsa go lwa ka tsona.—1Mg 9:19, 22; 2Kr 8:6, 9; 9:25.
Tso di Wutammeng ka Bhayibeleng
w05-SE 12/1 19 ¶6
Monopo wa Puku ya Dikoronika Tsa Bobedi
1:11, 12. Tso Solomoni a di kgopeleng di šupetsiye Jehova gore go hlalefa le go tšiba dilo ne go le selo se segolo ga kgoši. Ka nnete merapelo ya rune yi wunyulla tso re di nyakang ka matla. Re ko ba re maka gabutši mo re pombhola tso di leng ka dipelong tsa rune.
MARCH 27–APRIL 2
MAKOLWANE KA TENG GA LENTSU LA MODIMO | 2 DIKORONIKA 5-7
“Pelo Yaka yi Nyoko Dula yi le Gana Hone”
w02-SE 11/15 5 ¶1
Le sa Lisetsi go Gahlana Ggoši
Ka nthago ga mo Dafita a le kgoši Jerusalema, o yye a hlaya gore o nabela go thanaka Jehova ka go mo yagela ntlo. Ka gore ke botala Dafita a lwa dintwa, Jehova o yye a mmotsa gore: ‘Go ka sa be wene ye o n’yagelang ntlo.’ Mara o kgetiye Solomoni morwayi wa Dafita gore go be yene a yagang tempele. (1 Dikoronika 22:6-10) Solomoni o budiye tempele gore yi thomise go bereka ka 1026 B.C.E., ka nthago ga go yi yaga kašupa ya mengwaga le sekopa. Jehova o yye a šupetsa gore wa wo yamogela moyago wone mo a hlaya gore: “Ke hlawodiye poleke yo o n’yageleng yona ka go maka gore lebitso laka le dule le le mo ga yona go ya go yye, fote maahlo yaka le pelo yaka di ko fo dula di le ga yona.” (1 Magoši 9:3) Solanka Maisrayele ma ya mahlong ma tshepegela Jehova, le yene ne a nyoko rufa tso di makegang ntlong yone. Mara mo ba ka lisetsa go maka tsa go loka, le Jehova ne a nyoko lisetsa poleke yone, fote ‘ne yi nyoko ba dindhudhuma tsa dithila.’—1 Magoši 9:4-9; 2 Dikoronika 7:16, 19, 20.
it-2-E 1077-1078
Tempele
Tsa Botala. Tempele yowa yi biye gona go segela ka 607 B.C.E., mo masole ya Mabhabhilona ya gore kgoši ya wona ne go le Nebhukhadhinezara ma fetsa ka yona. (2Mg 25:9; 2Kr 36:19; Jer 52:13) Ka taba la gore Israyele yi yye ya kena ga sedumedi sa matsaka, Modimo o yye a lisetsa ditšhaba di hlorisa Juda le Jerusalema, ka dinako tse dingwana o kraya ba yetswa dilo tsa go tseyediwa gedimo tsa ka tempeleng. Le tempele yi yye ya sinyega ka taba la go sa pasopiwi. Kgoši Šišaka wa Egepita o yye a tseya dilo tso ne di le ka teng ga yona (993 B.C.E.) ka dinako tsa Rehobhowamo morwayi wa Solomoni, ka nthago ga gana hala ga 33 ya mengwaga yi thomme go bereka. (1Mg 14:25, 26; 2Kr 12:9) Kgoši Asa (977-937 B.C.E.) ne a hlompa ntlo ya Jehova ka matla, mara ka bophokophoko, gore a thogo tšhireletsa Jerusalema, o yye a neya Kgoši Bhene-hadadi wa Siriya silva le gholdi tsa go tšwa tempeleng, gore a lisetse go nghanelana le Bhaaša kgoši ya Israyele.—1Mg 15:18, 19; 2Kr 15:17, 18; 16:2, 3.
Tso di Wutammeng ka Bhayibeleng
w10-SE 12/1 11 ¶7
O Tšiba “Dipelo Tsa Barwayi ba Batho”
Re ka kgomoletsa ke tso Solomoni a di hlayyeng mo a rapela. Batho ba ka fo sa kwisisi ka mokgo re tikwang ka gona ka ku tengteng—tsa go ‘baba tso re di kwang.’ (Diyema 14:10) Mara Jehova o tšiba tso di leng ka dipelong tsa rune, fote o na le taba ka matla le rune. Mo re mo tshollwela tso di leng ka pelong ya rune ka thapelo, di ka maka gore di be lula go rwala merwalo ya rune. Bhayibele yi re, ‘le bošele tso le šekelang ka tsona gage, ka taba la gore wa tihlupa ka lune.’—1 Petro 5:7.
APRIL 10-16
MAKOLWANE KA TENG GA LENTSU LA MODIMO | 2 DIKORONIKA 8-9
“Go Hlalefa ne a go Tseyela Gedimo”
w99-SE 11/1 20 ¶4
Mo Motho a ro ba a sa Konane
Nnete ke gore, kgoši yela ya mosadi ya Šebha yi tikonne tsa go tlala ya ro boya yi karakara gore yi thogo vakašela Solomoni. Šebha ne yi le ga poleke ya gore gana byalo ke Republic of Yemen; byalo ne di nyaka gore kgoši yone ya mosadi le dikamela tsa yona tsa go tlala di sepele leyeto la go teya ka ku ga 1 600 ya dikhilomitha go segela Jerusalema. Le Jeso o hlayye gore, “yi tšwa kgole.” Mara ke ntaba kgoši yone ya Mosadi ya Šebha yi tihlupiye ka mokgo? Ne yi tlele gore yi “kwe ka mahlalefelo ya Solomoni.”—Luka 11:31.
w99-SE 7/1 30 ¶4-5
Tso di Yyeng Dya Rufiwa ka Matla
Re kwa gore o kgoši yone ya mosadi yi segele Jerusalema “le dibereki tsa yona tsa go tlala ka matla, le dikamela di na le makgura ya bhalesamo, le gholdi ya go tlala le matlapa ya mangwana ya go tura.” (1 Magoši 10:2a) Ba bangwana ba re ga “dibereki” tsone ne go na le masole. Tsone dya kwagala ka taba la gore kgoši yone ya mosadi ne yi na le serithi fote ne yi sepela le dilo tsa gore mo di gahlanne ne di ka maka tšheleta ya go tlala ka matla.
Mara o sa lebale gore kgoši yone ya mosadi yi šinnye yi kwelela ka Solomoni “ka taba la lebitso la Jehova.” Byalo leyeto lowa ne go se la taba ya bhizinisi fela. Di ya šupetsa gore gabutšibutši kgoši yone ya mosadi ne yi tlele go kwa ka mahlalefelo ya Solomoni—di ka makega fote gore ne yi tlele gore yi tšhute se sengwana ka Jehova, Modimo wa Solomoni. Di ka makega gore bokokwane ba kgoši yone ya mosadi ne go le Šeme kela Hamo, ba gore ne ba rapela Jehova, byalo ne yi ka fo ba yi na le diputsiso ka sedumedi sa bokokwane wa yona.
w99-SE 7/1 30-31
Tso di Yyeng Dya Rufiwa ka Matla
Kgoši ya mosadi ya Šebha yi yye ya jabodisa ke gore Solomoni o hlalefiye ka matla fote mmušo wage wa phomelela tsa gore “di yye dya mo šiya a makele ka matla.” (1 Magoši 10:4, 5) Ba bangwana ba re tsotsone di rela gore kgoši yone ya mosadi yi šele yi “yahlamme.” Ye mongwana wa go tšhutega o yye a hlaya gore kgoši yone ya mosadi yi ro yidibala! Mara taba ke gore ke mo a makele ka matla ka taba la tso a di bonneng le tso a di kwileng. O hlayye gore malata ya Solomoni ma jabodiye ka taba la gore ba kgona go kwa tso di hlayang ke Solomoni tsa go šupetsa gore o hlalefiye fote o thanakiye Jehova gore o makiye Solomoni gore a be kgoši. O yye a neya Solomoni dilo tsa go tura ka matla le digholdi tsa gore gana byalo di ka rekisiwa ka tšheleta ya go teya ga R618 394 000.00. Solomoni le yene o neyye kgoši ya mosadi ya Šebha “se sengwana le se sengwana so yi se nabelang le tso yi di kgopeleng.”—1 Magoši 10:6-13.
it-2-E 990-991
Solomoni
Ka nthago ga mo kgoši yela ya mosadi yi bonne mabafalelo ya tempele le ntlo ya Solomoni, tafola yage le tso a di nwang di sipidisana le ka mokgo malata yage ma dulang ka gona tafoleng yone, dihlabelo tso a dulang a di maka tempeleng, tsone “di yye dya mo šiya a makele ka matla,” ke mokane a re, “Ye Lune! Tso ba mputsiyeng tsona ke tse dinyana. Ka mokgo o hlalefiyeng ka gona le dilo tso o nang natso di di teya kgole dilo tso ke di kweleleng.” Ke mokane a re go jabola malata ya ma berekelang kgoši ya mošaga wowa. Ka taba la dilo tsowa ka moka, o yye a kwa di mo tšhofa gore a thanake Jehova ye a šupetsiyeng gore o nyaka Israyele ka go hlawola Solomoni gore go be Kgoši ya go ya go yahlula gabutši le go maka dipheto tsa gore di lukiye.—1Mg10:4-9; 2Kr 9:3-8.
Tso di Wutammeng ka Bhayibeleng
it-2-E 1097
Setulo sa go Lawola
Ga ditulo ka moka tsa go lawola tso di yyeng dya ba gona Israyele, ke setulo so se makiyeng ke Solomoni fela sa gore ba se hlatolla ka go kenelela. (1Mg 10:18-20; 2Kr 9:17-19) Di bonala nkare ne se le ‘Holong ya Setulo sa go Lawola,’ ga meyago ye mengwana yo ne yi le Thabeng ya Moriya, Jerusalema. (1Mg 7:7) Ne se makiwwe ‘ka manaka ya tlowu kela ya diphoolwane tse dingwana ke mokane ba se kgakgapiye ka gholdi, gedimo ga setulo sowa sa go lawola ke mo ba rulele ka selo sa kgokolo fote se na le ga go thega matsogo.’ Le mo nkare ne ba berekisiye manaka ya tlowu kela ya diphoolwane tse dingwana go maka setulo sowa, polane yo ba yi berekisiyeng mo ba maka tempele yi šupetsa gore ba thomme ka diphate ke mokane ba se kgakgapa ka gholdi, ba boya ba se bafatsa ka manaka ya tlowu kela ya diphoolwane tse dingwana. Mara mo motho a lebelela setulo sone, o nyoko bona nkare ba f’lo se maka ka manaka ya tlowu le gholdi. Ka nthago ga go hlaya ka kobodi ya ditepisi tsa gore di bakiye setulong sa go lawola, temanyana yi ya mahlong ka gore: “Ba makiye dithombhe tsa ditawu ka dipedi ka ho le ka ho. Ke mo go na le 12 ya ditawu di fodiye layini mone ga kobodi ya ditepisi, ga setipisi se sengwana le se sengwana ke mo go na le ditawu ka dipedi ka ho le ka ho.” (2Kr 9:17-19) Taba ya gore tawu yi tshwanisela matšhika ya go lawola a ya pumutsa. (Gen 49:9, 10; Kut 5:5) Ditawu tsone 12 ya tsona ne di ka fo ba di rela 12 ya meloko ya Israyele, fote di šupetsa gore meloko yone yi tinyanafatsiye fote yi thega ye a lawolang. Hone setulong ne go na le sa go beya mawoto sa go makiwa ka gholdi. Ka mokgo ba hlatollang setulo sowa sa gore ba se makiye ka manaka ya tlowu le gholdi—fote se na le selo sa kgokolo ka ho gedimo le ditawu mahlong ga sona—a sanka gwa ba le setulo sa go lawola sa go tshwana naso, le mong bo ba go yepa dilo tsa botala a ba soko kraya sa go tshwana naso ga tso ba di krayyeng, le ga meyago ya botala kela ga matlapa ya go ngwadiwa ya botala o ka sa kraye ba se hlatolliye. Ye wa go ngwala Dikoronika o hlayye gore: “A go na mmušo wa gore wo yye wa maka selo sa go tshwana le sowa.”—2Kr 9:19.
APRIL 17-23
MAKOLWANE KA TENG GA LENTSU LA MODIMO | 2 DIKORONIKA 10-12
“Berekela ke Mayele ya go Hlalefisana”
Nke a Yye a Jabodisa Modimo
Rehobhoamo o f’lo kwa nkare ba mo tantetsiye! Mola a makiye tso ne di nyaka ke batho bowa, ke mo di ra gore yene, mutši wage le dibereki tsage ka howa bogošing ba di tšibe gore mabešebeše ma nyoko pomega, gore batho bowa ba sa tlalele ke mmereko. Ka thoko le gona, mola a ganne, batho ke mo ba nyoko toba. Ke mo a nyoko maka byang mara? Ka taba la gore ke mo go sa le yene kgoši ya nyuwane, o yye a butsisa dikgalabyane tso ne di fela di yeletsa Solomoni. Mara Rehobhoamo o yye a theetsela tso a di butsiyeng ke masogana ya go lekana naye. O yye a fetsa ka gore o nyoko ba kwisa go sasamela ka matla. Mo a ba fetola o yitseri: “Ke nyoko ro tokegela le ka tse dingwana ga lejoko lone la lune, gore le nape le roba ka matla. Papa ke mo a le teya ka dibepu tsa manti, nna ke nyoko le sehla ka dibepu tsa marala.”—2 Dikor. 10:6-14.
w01-SE 9/1 28-29
Ka Mokgo o ka Makang Dipheto Tsa Gabutši
Jehova o re neyye bo ba gore ba butšwiye ka ho phutegong ba gore re ka bolabola nabo ka dipheto tso re nabelang go di segelela. (Maefeso 4:11, 12) Mo re nyaka mayele, a di nyake re maka tsela tsa gore re sepela re bolabola le batho ka moka go segela re kraya wa go re botsa tso re nyakang go di kwa. Ke mokane re make tso a re yeletsang ka tsona. Fote di nyaka re gopole mošupetso wa Rehobhowamo. Nakwela di nyaka a make sepheto se segolo, o yye a kraya mayele ga banna ba bagolo ba gore ne ba berekela papage. Mara a sanka a theetsele tso ba mmotsang, o yye a fo rwalagana a bolabola le dithaka tsage tsa gore o gudiye natso. Ka taba la gore o theetsele mayele ya bona, o yye a segelela sepheto sa go sa loka ke mokane a lahlegela ke sekopa se segolo sa mmušo wage.—1 Magoši 12:1-17.
Mo re nyaka go yeletsiwa, di nyaka re ye ga bo ba gore baa di tšiba tsa lephelo, ba tšiba Mangwalo gabutši fote ba tšiba ditšhiko tsa gabutši tso re ka di berekisang. (Diyema 1:5; 11:14; 13:20) Mo di kgonega, tseya nako o ghayela ka ditšhiko tsa go yelana le taba yago le mayele ka moka ya o ma krayyeng. Mo o thomisa go bona dilo gabutši ka ho Lentsung la Jehova, o ko kgona go segelela sepheto sone o sa kamake le ka gonyana.—Mafilipi 4:6, 7.
it-2-E 768 ¶1
Rehobhowamo
Mokgwa wa go ba le magetla wo Rehobhowamo a yyeng a ba nawo, wo makiye gore batho ba go tlala ba mo šiye. Meloko yo yi yyeng ya ya mahlong yi thega ntlo ya Dafita ne go le wa Juda le wa Bhenjamini, maprista le Malifi ya memmušo yone ka mmedi, le batho ba bangwana ga lesome la meloko ba gore ne ba le ku thoko nyana ba yye ba thega Rehobhowamo.—1Mg 12:16, 17; 2Mg 10:16, 17; 11:13, 14, 16.
Tso di Wutammeng ka Bhayibeleng
it-1-E 966-967
Ledimona la Nkare ke Pudi
Mantsu ya Jošuwa ya ma leng ga Jošuwa 24:14 ma re šupetsa ka mokgo Maisrayele ma šeleng ma ngangarele ga morapelo wa matsaka wo ba wo tšhutiyeng Egepita, fote Hezekiyele yi hlaya gore ba yye mahlong ba tseya nako ya go lefa ba sa lahle mekgwa yone ya go rapela medimo ya dithombhe. (Hez 23:8, 21) Ka taba la tsotsone, ye mongwana wa go tšhutega o hlayye gore tso Maisrayele ma butsiwweng tsona mašahleng tsa gore ba kganele kgole le taba ya go makela “madimona ya nkare ke pudi dihlabelo,” (Lef 17:1-7) le taba ya gore Jerobhowamo o makiye gore go be le maprista “dipolekeng tsa gedimo, ya madimona ya nkare ke dipudi le dinamane tsa gore o ro di maka,” (2Kr 11:15) di šupetsa gore ne go na le Maisrayele ya gore ne ma rapela pudi go fo tshwana le ka mokgo ne go tlwayelegiye hala Egepita, ka matlamatla Egepita ya Tlase. Herodotus (II, 46) o re tso Magerika ma di rapelang ma di tseyye ga morapelo wonone wa Maegepita wa go rapela modimonyana ye ba reng ke Pan le medimo ya mašahla ya gore yi lawola tso batho ba di nabelang, ya gore ne ba re yi na le manaka, mosila le mawoto ya pudi. Ba bangwana ba hlaya gore taba ya gore medimonyana ya matsaka yi na le mmele wa gore hafo ke phoolwane, hafo ke motho ke yona yi makang gore batho ba tseye gore Sathane o na le mosila, manaka le mawoto ya dikoto, go leng tso ne di dumela ke ba go tlala ba gore ne ba tipotsa gore ke bona Makreste ba gore ba phidiye ga mengwaga ya gana hala ga bo 500-1000 C.E.
Gore selo sone sa go ba le “maboya” (seʽi·rimʹ) king, a ba hlaya. Ba bangwana ba hlaya gore medimonyana ya matsaka ne yi le mong dipudi tsa nnete kela dithombhe tsa dipudi, mara a go na so se šupetsang gore go ka mokgonone, fote mangwalo a ma hlaye selo mo di tla ga taba yone. Lentsu lo ba le berekisiyeng le ka rela gore bo ba rapelang medimonyana yone ka ho menaganong ne ba tseya gore medimo yone ya bona yi yemegiye go tshwana le pudi kela yi na le maboya go tshwana le pudi. Kela, taba ya gore ba berekisiye “dipudi” yi ka fo šupetsa gore mokgwa wo wa go rapela medimonyana wa silikisa, ka taba la gore le lentsu lo ba le berekisang mo ba bolabola ka medimonyana ga go tlala le ba le tšwa ga lentsu la go rela gore ‘boraga,’ mara tsone a di rele gore medimonyana yone yi makiwwe ka boraga.—Lef 26:30; Dot 29:17.
APRIL 24-30
MAKOLWANE KA TENG GA LENTSU LA MODIMO | 2 DIKORONIKA 13-16
“O ka Tithega ka Jehova mo go Makiye Byang?”
Lune Masogana, le ka Maka Byang Mara Gore Batho ba Bangwana ba le Tshepe?
12 Nakwela Kgoši Asa go sa le mosogana, ke mo go le motho wa go tipeya fase wa gore fote o na le lešiši. Mo re beyisa, mo ba mmeya gore go be kgoši ka nthago ga papage Abija, o yye a thoma letsima la go tlosetsela medimo ya dithombhe. Fote “o butsiye Majuda gore ma nyakane le Jehova Modimo wa bokokwane wa bona fote ba mamarele Molawo le tso a di hlayang.” (2 Dikor. 14:1-7) Fotefote, nakwela Leitopiya lo ba reng ke Zera le kutulugela Juda le na le 1 000 000 ya masole, Asa o yye a šupetsa gore o hlalefiye ke mokane a kgopela Jehova gore a mo gelepe, a re: “Barena Jehova, gago a di hlupe gore bo o ba gelepang ba tlele kela a ba na matšhika. Re gelepe Jehova Modimo wa rune, ka taba la gore re tshepiye wene.” Mantsu yawa ya go natefa ma šupetsa gore Asa ke mo a di tshepa tsa gore Jehova a ka phonisa yene le batho bage. Asa ke mo a mo tshepa ga Papage wa legedimong, fote “Jehova o yye a hlula Maitopiya.”—2 Dikor. 14:8-12.
Lune Masogana, le ka Maka Byang Mara Gore Batho ba Bangwana ba le Tshepe?
13 Le wene wa yi bona taba yowa ya gore go lwa le 1 000 000 ya masole a yi go kgana, mara Asa o yye a phomelela. Sa go tšebisa ke gore mo Asa a gahlana le ntshitshire ya go šupa nkare ke ye nyana, aa hlwa a sa mmolabodisa ga Jehova. Kgoši ya Israyele ya go ba le pelo ye phifadu ye ba reng ke Bhasha yi yye ya mo šuhlašuhla, mara Asa a llela ga kgoši ya Siriya. Anthe o kena mošohlong! Jehova o yye a botsa moporofeta wage ye ba reng ke Hanani gore a botse Asa gore: “Akere o yye wa tisamela ka kgoši ya Siriya ke mokane wa sa tshepe Jehova Modimo wago, masole ya kgoši ya Siriya o ka sa ma tshware.” Gabutšibutši, go tlugisela ka nako yone, Asa ke mo a fo dula a le ntweng. (2 Dikor. 16:7, 9; 1 Mag. 15:32) Re tšhuta ying?
Lune Masogana, le ka Maka Byang Mara Gore Batho ba Bangwana ba le Tshepe?
14 Dula o tipeyye fase fote o sa lesetse go tshepa Jehova. Nakwela o kolobetsiwa, o yye wa šupetsa gore tumelo yago yi tiyye ka matla le gore ga Jehova wa mo tshepa. Fote Jehova le yene o yye a jabola a šinya a go thulela lešuba la gore o be ka mutšing wage. Gana byalo di nyaka o ye mahlong o tisamele ka Jehova. Di ka šupa di le lula go tisamela ka Jehova mo go na le dipheto tse dikgolo tso o tshwaneleng go di segelela, mara nje o tisamela ka yene le ka dinako tse dingwana? Di nyaka ga Jehova o mo tshepa ka matla mo o segelela dipheto, le mong ga dilo tsa go tshwana le tsa go tijabodisa ka tsona, mmereko wo o nyoko thewogelang ga wona le dilo tso o nyakang go di segelela lephelong! O sa tseye nkare wene beng o hlalefiye. Mara lebelela ditšhiko tsa ka ho Baebeleng tsa go yelana le seyemo sago, ke mokane o make tsotso o di kwang. (Diy. 3:5, 6) Mo o ka maka ka mokgonone, o nyoko jabodisa Jehova fote o nyoko maka gore batho ba ka ho phutegong ba go tshepe.—Bala 1 Thimothi 4:12.
Tso di Wutammeng ka Bhayibeleng
w17.03-SE 19 ¶7
Berekela Jehova ka Pelo ya go Felegelela!
7 Ye mongwana le ye mongwana wa rune a ka nyakolla pelo yage gore a thogo bona gore ayitsano o berekela Modimo ka pelo ya go felegelela. Tiputsise gore, ‘Ayitsano ke tikemisele go jabodisa Jehova, go yemelela sedumedi sa nnete le go tšhireletsa batho bage ga dilo tsa matsaka le tsa go ka ba thilafatsa?’ Nagana ka lešiši lo Asa ne a tshwanele a be nalo gore a feleletse a tikemelele ga Masa, wa gore ne go le ‘kgoši ya mosadi’ hone nageng! O ka fo ba o sa tšibi motho wa go maka dilo nkare ke Masa, mara o ka tikraya o le ga seyemo sa gore di ko nyaka o yekisele matšato ya Asa. Mo re beyisa, o ko maka ying mo nkare ye mongwana ga genu kela monghanago wa sinya fote aa tisole, byalo di nyaka ba mo tlose ka phutegong? Ayitsano o nyoko lisetseng go tigahlanisa le motho yene? Pelo yago yi ko go tšhofa gore o make ying?