Ditodi Tsa Sepukwane sa Mogahlano wa Maphelelo le Matšhomayelelo
© 2023 Watch Tower Bible and Tract Society of Pennsylvania
SEPTEMBER 4-10
MAKOLWANE KA TENG GA LENTSU LA MODIMO | ESITA 1-2
“Karakara Gore o Tinyanafatse go Tshwana le Esita”
w17.01-SE 25 ¶11
O ka di Kgona go Dula o Tinyanafatsiye le mo o Lebanne le Ntshitshire
11 Mo ba re thanaka ka matla tsone di ka maka gore re sa sa tinyanafatsa. Nagana ka mokgo Esita a yyeng a fetola ka gona. Ne a bafele tsa go sa hlayisege fote ba mo neya dilo tsa majabajaba mongwaga ka moka. Ne a dula a na le makgareba ya go tšwa ga Mmušo wa Peresiya ya gore le wona ne ma lwela go bona ke kgoši. Mara Esita o yye mahlong a hlompa fote a tinyanafatsiye. A sanka a ba le magetla le ka nthago ga gore kgoši yi kgete yene gore go be mosadi wa yona.—Esita 2:9, 12, 15, 17.
ia-SE 130 ¶15
O Yye a Yemelela Batho ba Modimo
15 Mo go segela nako ya gore Esita a yeme mahlong ga kgoši, ba yye ba re a kgete selo se sengwana le se sengwana sa go tipafatsa, gore a ye a bafele ka matla. Ka taba la gore ne a tinyanafatsiye, a sanka a kgopela tsa go tlala, mara o makiye tso Heghayi a mmutsiyeng. (Esita 2:15) Di ka makega a bonne gore taba ya gore o bafele yi ka sa make gore kgoši yi mo jabolele, mara ne a tshwanele a tinyanafatse le go hlompa ka taba la gore tsone di di phala ka moka. Ayitsano ne a resa?
w17.01-SE 25 ¶12
O ka di Kgona go Dula o Tinyanafatsiye le mo o Lebanne le Ntshitshire
12 Go tinyanafatsa go nyoko re gelepa gore re yapare gabutši, re titshware ka tsela ya gabutši le ya go hlompega. Re ya tšiba gore batho ba ka sa re jabolele mo re na le magetla kela re kwana le mahlo, mara ba nyoko re jabolela mo re šupetsa gore re tinyanafatsiye ka ‘pelong.’ (Bala 1 Petro 3:3, 4; Jer. 9:23, 24) Mekgwa ya rune ya go ba le magetla yo yi wutammeng ka pelong yi nyoko feleletsa yi bonagala ga tso re di makang. Mo re beyisa, re ka bolabola dilo tsa go šupetsa gore re na le mebereko ya go hlawolega, kela gore re tšiba dilo tsa gore ba bangwana a ba soko di tšiba kela gore wene o nghanelanne le mogageru ye mongwana wa gore ba bangwana ba mo hlompa. Kela re ka hlatolla dilo ka tsela ya gore batho ba bangwana ba thanake rune fela ga dilo tsa gore le ba bangwana ba tšhediye letsogo ga tsona. Mara Jeso o re beyele mošupetso wa gabutši. Tsa go tlala tso a di hlayyeng ne a di tsere ga Mangwalo ya Seheberu. O yye a tinyanafatsa a bolabola ka mokgonone gore bo ba mo theetseleng ba di tšibe gore tso ne a di hlaya ne di sa tšwe gage mara di tšwa ga Jehova.—Joh. 8:28.
Tso di Wutammeng ka Bhayibeleng
Nje o di Kwelele?
Bo ba go nyakolla dilo ba krayye selo sa go ngwadiwa ka letsopa sa gore ba se ngwadiye ka Seperesiya ba bolabola ka morene mongwana wa gore ba re ke Marduka (ya gore yi rela Morodekhayi). Ke mo a bereka go le ye mogolo wa go pasopa dilo ku Šušani. Mo ba šele ba krayye selo sone sa go ngwadiwa ka letsopa, Arthur Ungnad wa gore ke mo a tšiba tsa botala ka poleke yone, o ngwadiye gore, “ke la mathomo lebitso la Morodekhayi le nyarela ka pukung ya gore aa se ya Bhayibele.”
Go tlugisela Ungnada a ngwadiye ka taba yone, bo ba go tšhutega ba šele ba hlatolliye dikitikiti tsa dilo tso tsa go ngwadiwa ka letsopa tsa gore ba di ngwadiye ka mmolabolo wa Seperesiya. Gare ga tsotsone ke mo go na le dipsyatla tsa matlapa ya gore ba ma krayye mašuping ya Persepolis. Ba di krayye ga gore ke mo ba beya gona di tšheleta, thina le mapharo. Dipsyatla tsone di makiwwe ku nthago nakwela go lawola Zeksisi wa mathomo. Ba di ngwadiye ka mmolabolo wa Elamite fote yi na le mabitso ya batho ba bangwana ya gore ma gona ka pukung ya Esita.
Dipsyatla tse dingwana tsa matlapa ya gore ba ma krayye mašuping ke mo di na le lebitso la Marduka, wa gore ke mo go le mabhalane wa kgoši ku Šušani nakwela go lawola Zeksisi wa mathomo. Sepsyatla se sengwana se re Marduka ke mo go le wa go hlatolla. Taba yone yi yelana le so Bhayibele yi se hlayang mo yi hlatolla Morodekhayi. Morodekhayi ke mo ba mo kgetiye gore go be lelata la Kgoši Ahasuwerosi (Zeksisi wa mathomo) fote ke mo a kgona go bolabola mmolabolo ka mmedi. Ga go tlala Morodekhayi ke mo a dula gheyiting ya mošate wa ku Šušani. (Esit. 2:19, 21; 3:3) Gheyiti yone ke mo yi lefiye ka matla fote ke mo go bereka ba gore ba ba beyye ka molawo.
Go na le dilo tsa go jabodisa tso Marduka ye ba ngwadiyeng ka yene ga dipsyatla tsa matlapa le Morodekhayi ye ba bolabolang ka yene ka Bhayibeleng ba tshwanang ka tsona. Ba phidiye ka nako ka yyoši, ke mo ba dula ga poleke ka yyoši, ba berekela mmereko wa go tshwana fote ba berekela polekeng ka yyoši. Dilo tso ba tshwanang ka tsona di šupetsa gabutši gore bo ba go yepa dilo tsa Botala tso ba di krayyeng di šupetsa gabutši gore Morodekhayi ye ba bolabolang ka yene ga Puku ya Esita ke Marduka.
SEPTEMBER 11-17
MAKOLWANE KA TENG GA LENTSU LA MODIMO | ESITA 3-5
“Gelepa ba Bangwana Gore le Bona ba Karakare ka Matla”
it-2-E 431 ¶7
Morodekhayi
O Ganne go Kgotamela Hamane. Ka nthago, Ahasuwerosi o makiye gore Hamane wa Leagage a be ye mogolo go phala ba bangwana fote a botsa batho ka moka bo ba duling gheyiting ya kgoši gore ba yinamise dihlogo mahlong ga Hamane wa gore ba sa tšwa go mo neya matšhika ya go lawola. Morodekhayi o yye a gana go yinamisa hlogo fote a hlatolla gore yene ke yene Lejuda. (Est 3:1-4) Taba ya gore Morodekhayi o hlatolliye gore a ka sa yinamisi hlogo ka taba la gore ke Lejuda, ne yi šupetsa gore ke mo a le Lejuda la go tshepega fote a tseyela gedimo senghana sage le Modimo wage, Jehova. O di bonne tsa gore go yinamisela Hamane hlogo di ra gore wa mo gudisa, go fo ya ka mokgo Maisrayele ne ma maka ka gona botala, fote go maka ka mokgonone di ka rela gore o tseya motho yene go le ye mogolo a boya a tshwanela ke go lawola. (2Sa 14:4; 18:28; 1Mg 1:16) Ga taba ya Hamane, Morodekhayi ne a na le taba ya go kwagala ya gore ke ntaba a sa nyake go yinamisa hlogo. Di ka makega gore Hamane ne go le Leamaleke, fote Jehova o hlayye gore yene o nyoko lwa le Amaleke ‘ga leloko go ya ga leloko.’ (Ek 17:16; lebelela HAMANE.) Ne yi le taba ya gore Morodekhayi o nyaka go tshepega ga Modimo go seng taba ya go fo nyaka go lwa le ba go lawola.
it-2-E 431 ¶9
Morodekhayi
O Berekisiwwe Gore a Phonise Israyele. Mo ba ntsha molawo wa gore ba nyoko fetsa ka Majuda ka moka, Morodekhayi o šupetsiye gore o na le tumelo mo a hlaya gore Esita o šinnye a ba mosadi wa kgoši gore a phonise Majuda. O šupetsiye Esita tso a tshwaneleng go di maka le go mmotsa gore a ye a kgopele kgoši gore a mo gelepe. Le mo nkare ne di nyoko tšhela lephelo lage kotsing, Esita o f’lo dumela go maka ka mokgonone.—Est 4:7–5:2.
ia-SE 133 ¶22-23
O Yye a Yemelela Batho ba Modimo
22 Di ka makega gore Esita o yye a kwa go baba ka matla mo a kwa ditaba tsowa. Taba yo ne yi mo liketsa tumelo. Ne a tšhugiye mo a kene a fetola Morodekhayi. O yye a gopotsa Morodekhayi ka molawo wa kgoši. Mo o ka nyarela mahlong ga kgoši ba sa go bitsa ne o bolayiwa. Mara mo kgoši a ka yemisa thoka yage ya gholdi ke gona o phonne. Ayitsano Esita ne a nagana gore kgoši yi ko mo kwela go baba, a kene a bonne tso di makegeleng Vašiti ka taba la go gana go nyarela mahlong ga kgoši mo a mmitsa? Esita o butsiye Morodekhayi gore go šele go fitiye 30 ya matšatši kgoši yi sa mmitsi! Tsotsone di ka fo ba di makiye gore a tikwe nkare kgoši a yi sa mo nyaka.—Esita 4:9-11.
23 Morodekhayi o fetudiye ka tsela ya go tiyisa tumelo ya Esita. O mmutsiye gore mo di ka mo šita, o gona ye mongwana ye a ko phonisang Majuda. Mara king so ne se ka maka gore a nagane gore yene o ko phona hala masole ma thomisiye go hlupegisa Majuda? Mowa Morodekhayi o šupetsiye ka mokgo a nang le tumelo ka gona ga Jehova, wa gore a ka sa tsoge a lisetsiye batho bage go fela ka bona kela a lesa tso a di tshepisiyeng di sa makege. (Još. 23:14) Ke mokane Morodekhayi o yye a butsisa Esita gore: “Go tšiba mang gore o šinnye o ba mosadi wa kgoši gore o thogo phonisa Majuda?” (Esita 4:12-14) Ayitsano di ko ba di se gabutši gore re yekisele Morodekhayi? O yye a tshepela ga Jehova Modimo ka pelo yage ka moka. Nje le rune re ka mo tshepa?—Diy. 3:5, 6.
Tso di Wutammeng ka Bhayibeleng
kr-SE 160 ¶14
O Yye a Lwela Gore ba Rapele ba Lukulugiye
14 Go fo tshwana le Esita le Morodekhayi ba ku botala, batho ba Jehova lekgono ba lwela go berekela Jehova ba lukulugiye ka tsela yo yene a yi nyakang. (Esita 4:13-16) Ayitsano o ka tšhela letsogo? Eya. O ka dula o rapelela magageru ya gore ma hlupegisiwa mo di tla ga tso tsa molawo. Merapelo yone yi na le matšhika ya go tiyisa magageru ya gore maa hlupegisiwa. (Bala Jakobo 5:16.) Ayitsano Jehova wa di maka tso re di kgopelang ga merapelo yone? Taba ya gore ra hlula mo re le khota yi šupetsa gore nnete o na le rune!—Heb. 13:18, 19.
SEPTEMBER 18-24
MAKOLWANE KA TENG GA LENTSU LA MODIMO | ESITA 6-8
“Tso re ka di Tšhutang ga Taba ya go Bolabodisana Gabutši”
ia-SE 140 ¶15-16
O Yye a Maka Dilo ka go Hlalefa, a Šišimele Fote a sa Naganele Yene Mong
15 Ka taba la gore Esita ne a lefisiye pelo, o yye a yemela gore go fete letšatši ka lloši gore a ye a botse kgoši tso a di kgopelang, fote ka nthoko ye nngwana o neyye Hamane nako ya gore a make dilo tsage tsa gore ne di nyoko mmolayisa. Di ka makega gore ke Jehova Modimo wa gore ne a maka gore kgoši yi sa kgone go yetsela. (Diy. 21:1) Fote a re makale mo Lentsu la Modimo le re hlohletsela gore re ‘lefise pelo’! (Bala Mmika 7:7.) Mo re yemela Modimo gore a re gelepe, re ko di boneng gore tso a di makang gore a lukise mathatha ya rune di phala kgole dipolane tso rune ne re ko ba re tlile natso.
O Bolabodiye a Šišimele
16 Esita ne a sa nyake go maka gore kgoši yi fele pelo byalo o yye a yi botsa dilo ka moka ga monyanya wage wa bobedi. Ka mokgo mang? Di yye dya makega gore kgoši a mmutsise gore o nyaka a mo makela ying. (Esita 7:2) Ne go le ‘nako ya go bolabola’ ya Esita.
ia-SE 140 ¶17
O Yye a Maka Dilo ka go Hlalefa, a Šišimele Fote a sa Naganele Yene Mong
17 Re ka fo nagana Esita a rapela Modimo a soko bane a hlaya mantsu ya gore: “Mo nkare ke go jabodisiye wene kgoši fote taba yowa yi kgotsofatsa pelo yago, ke kgopela gore o phonise lephelo laka fote ke go kgopela di mpaba barena gore o phonise le batho ba geru.” (Esita 7:3) Bona ka mokgo a yyeng a šupetsa kgoši gore o hlompa ka mokgo yi yahlulang go ya ka mokgo yi bonang dilo di lukiye. Ka nnete Esita ne a sa tshwane le Vašiti wa gore ne go le mosadi wa kgoši wa botala wa gore fote o yye a poyila monnage ka bomu! (Esita 1:10-12) Go tokegela gana hone, Esita a sanka a poyilanya kgoši ka taba la gore ne yi tshepiye Hamane. Mara o yye a kgopela kgoši gore yi mo tšhireletse kotsing.
ia-SE 141 ¶18-19
O Yye a Maka Dilo ka go Hlalefa, a Šišimele Fote a sa Naganele Yene Mong
18 Tso a di kgopeleng di yye dya tikisa le go makatsa kgoši. Ke mang a nang le lešiši la go ka beya lephelo la mosadi wa kgoši kotsing? Esita o yye mahlong a re: “Nna le batho ba geru ba re rekisiye gore ba thogo re bolaya fote ba nape ba fetsa ka rune. Ke mo ke nyoko kgomolela mola ba re rekisiye gore re ye ba dibereki tsa banna le tsa basadi. Mara taba yowa a yi gabutši ka taba la gore yi nyoko kwaletsa le wene kgoši.” (Esita 7:4) Bona ka mokgo Esita a f’lo beyang ditaba ka gona, a boya a tokegela ka gore nke a kgomolele hala le gore ne ba nyoko ba maka mabhantiti. Taba ya gore ne ba nyoko bolaya Majuda nke yi kwaletsiye kgoši byalo ne a ka sa kgomolele.
19 Mošupetso wa Esita wo re tšhutisa taba ya go kgona go bolabodisana le batho ka tsela ya gore ba kgone go bona dilo ka mokgo re di bonang. Mo nkare di ko nyaka gore o botse monghana kela wa genu bothatha byo bogolo kela o botse motho wa gore o ka kgakala gago ka mayemo, o ka gelepa ke go ka lefisa pelo, wa šupetsa gore wa hlompa wa boya wa bolabola nnete.—Diy. 16:21, 23.
Tso di Wutammeng ka Bhayibeleng
w06-SE 3/1 11 ¶1
Monopo wa Puku ya Esita
7:4—Go fetsa ka Majuda ne go nyoko ‘kwaletsa kgoši’ ka mokgo mang? Mo Esita a nyaretsa taba ya gore di ka makega gore ba rekise Majuda gore go be mabhantiti, ne a šupetsa gore taba yone yi ka kwaletsa kgoši. 10 000 ya ditalente tsa silva tso Hamane a di tshepisiyeng ne di le tse dinyana ka matla mo re di likanisa le tso ne a ko ba a di krayye hala Hamane a kgetiye go rekisa Majuda gore go be mabhantiti. Fote mo ba ka fetsa ka Majuda, di ra gore ne ba nyoko fetsa ka kgoši ya mosadi.
SEPTEMBER 25–OCTOBER 1
MAKOLWANE KA TENG GA LENTSU LA MODIMO | ESITA 9-10
“O Berekisiye Matšhika Yage ya go Lawola go Gelepa Batho ba Gabo”
it-2-E 432 ¶2
Morodekhayi
Kgoši yi makiye gore mmereko wa Hamane wo make ke Morodekhayi a boya a mo neya ringi ya go šupetsa gore wa lawola. Esita o yisiye Morodekhayi ga ntlo ya Hamane, go leng ntlo yo kgoši a yi neyyeng Esita. Ke mokane Morodekhayi a berekisa matšhika ya kgoši gore a ntshe molawo wa go gelepa Majuda gore ma thogo tilwela mo di tla ga tsa molawo. Majuda ne ma kwa gore ma phonisiwwe fote ma jabodiye. Ba go tlala ga Mmušo wa Peresiya ba yye ba yema le Majuda, ke mokane ka letšatši la bo 13 la Adara, go leng letšatši lo molawo wo thommeng go bereka, Majuda ne ma tilukiselele. Ba go lawola ba yye ba yema ka nthago gage ka taba la gore Morodekhayi ne a na le matšhika ya go lawola. Ku Šušane ba lwile le ga letšatši la go latela. Manaba ya Majuda ya go teya ka ku ga 75 000 ma yye ma bolayiwa, gana hone go kena le lesome la barwayi ba Hamane. (Est 8:1–9:18) Esita o yye a dumelela Morodekhayi gore a make gore ka letšatši la bo 14 le la bo 15 la Adara mongwaga wo mongwana le wo mongwana, go leng “matšatši ya Purimi,” go be monyanya, ba hlakele le go neyana dilo le go neya ba go tihlupegela. Majuda ma yye ma yamogela taba yone ma boya ma maka gore ditlogolwane tsa bona le bo ba yyeng ba tigahlanisa nabo ba ye mahlong ba jabolela monyanya wone. Morodekhayi ne go le motho wa bobedi wa go ba le matšhika ya go lawola, fote ne a hlompa ke batho ba go tineyela ga Modimo, go leng Majuda fote a karakara gore a ba gelepe.—Est 9:19-22, 27-32; 10:2, 3.
it-2-E 716 ¶5
Purimi
So se Makiyeng Gore yi be Gona. Ba bangwana ba hlaya gore Monyanya wa Purimi wa gore le Majuda ya lekgono ma sa na ma wo jabolela, wo na le tsa go tlala tsa gore mo wo sa tšwa go ba gona ne di se šiyo. Morodekhayi le Esita ne go le malata ya nnete ya Jehova Modimo, ba makiye gore monyanya wone wo be gona ka taba la gore ba nyoko mo thanaka. Re ka re ka nako yone Majuda ma phonisiye ke Jehova Modimo, ka gore taba yone yi biye gona mo Morodekhayi a nyaka go dula a tshepega ga taba ya go rapela Jehova a ntoši. Di ka makega gore Haname ne go le Leamaleke, la gore setšhaba sa lona Jehova o tshepisiye gore o nyoko fetsa ka sona. Moredekhayi ne a hlompa molawo wa Modimo fote o ganne go yinamisela Hamane hlogo. (Est 3:2, 5; Ek 17:14-16) Fote mantsu ya Morodekhayi a ma butsiyeng Esita (Est 4:14) ne ma šupetsa gore o tshepele ga Modimo wa go ba le matšhika gore ke yene a ko phonisang Majuda, fote le taba ya gore Esita o yye a tikona tsa go ja mo a soko bane a ya mahlong ga kgoši a ye kgopela tso ne a di nyaka, ne di šupetsa gore ne a tshepa gore Modimo o nyoko mo gelepa.—Est 4:16.
cl-SE 101-102 ¶12-13
“Yekiselaneng Modimo” mo le Berekisa Matšhika ya Lune ya go Lawola
12 Jehova o makiye gore go be le ba go wokamela bo ba yetetsang phutego ya Sekreste. (Maheberu 13:17) Banna bo ba kgetiwweng di nyaka ba berekise matšhika ya Modimo a ba neyyeng wona gore ba thogo gelepa le go pasopa dinku. Mara ayitsano matšhika ya bagolo ba nang nawo ba ka ma berekisa go lawola magageru? Awwa! Bagolo di nyaka ba tseya mmereko wa bona ka phutegong gabutši fote ba tinyanafatse. (1 Petro 5:2, 3) Bhayibele yi botsa ba go wokamela gore: “Le dise phutego ya Modimo ya gore o yi rekiye ka madi ya Morwayi wage.” (Mebereko 20:28) Yone ke taba ya go kwagala ka matla yo yi makang gore ba nape ba tshwara nku ye nngwana le ye nngwana gabutši.
13 Re ka yi beyisa ka mokgo. Tla re re monghanago o go kgopela gore o mo pasopele selo se sengwana sage sa gore o se tseyela gedimo ka matla. Wa di tšiba tsa gore se mo turele. Ayitsano o ka sa se tshware gabutši fote wa se pasopa? Go fo ba ka mokgonone le ga Modimo, le yene o tshepiye bagolo ka go ba neya mmereko wa go pasopa dilo tsage tse dikgolo, go leng phutego ya go ba le bo ba tshwanisiwang le dinku. (Johane 21:16, 17) Jehova o di nyaka ka matla dinku tsage, tsa go šinya a di reka a berekisa madi ya Morwayi wage a ntoši, Jeso Kreste. A go na patela ya go phala yo Jehova a yi ntshiyeng. Bagolo ba gore ba tinyanafatsiye ba dula ba yi gopola taba yowa le go tshwara dinku tsa Jehova gabutši.
Tso di Wutammeng ka Bhayibeleng
w06-SE 3/1 11 ¶4
Monopo wa Puku ya Esita
9:10, 15, 16—Le mo nkare molawo ne wo ba dumelela gore ba tseye dilo tsa bona, ke ntaba Majuda ma sa maka ka mokgonone? Taba ya gore ba ganne go tseya dilo tsone, yi šupetsa gabutši gore ne ba nyaka go titšhireletsa gore ba phele, yi seng go ghanya.
OCTOBER 2-8
MAKOLWANE KA TENG GA LENTSU LA MODIMO | JOBO 1-3
“Ariye Mahlong o Šupetsa Jehova Gore o mo Nyaka ka Matla”
Nnowa, Daniyele le Jobo ke mo ba na le Tumelo Fote ba Theetsela—Tshwana Nabo
16 Tso di leketsiyeng go phiriketsa Jobo. Lephelo la Jobo le re tšhutisa taba ye kgolo. Mo a soko wela ke dilo tso, ke mo go le “motho ye mogolo ka matla ga batho ka moka ba ka Bohlabela.” (Jobo 1:3) Ke mo a ghannye, a tšibega fote a hlompega ka matla. (Jobo 29:7-16) Mara Jobo a sanka a ba le magetla le go tipona nkare yene ga Modimo aa mo hloke. Gabutšibutši Jehova ke mo a mmitsa “molata waka,” a boya a re: “Ke monna wa go sa sodisi wa go tshepega, wa go hlompa Modimo le go sepelela kgole le tsa go befa.”—Jobo 1:8.
17 Bophelo bya Jobo bo yye bya tšhentšha ka go yakgoswa. O yye a thomisa go hlopega le go dula a šekela. Wa go tla le dilo tso re ya mo tšiba, ke papa wa matsaka ye bareng ke Sathane, o yye a fo lebela Jobo wa batho a re o berekela Modimo ka taba la gore go na le se a se nyakang. (Bala Jobo 1:9, 10.) Jehova a sanka a teyisa taba yone phefo. Mara o yye a fo lesetsa Jobo gore a tišupetse gore wa tshepega, di bonale gore ka nnete o rapela Modimo ka go di nyaka.
Ariye Mahlong o Kene o Tshepega!
10 Sathane o nyakisa ye mongwana le ye mongwana wa rune. Wene o kena kaye ga taba yowa? Gabutšibutši, Sathane o re wene o fo jabodisa ke go bolabola mo o re ga Jehova Modimo wa mo nyaka, o re o nyoko lesetsa go mmerekela mo dilo di sa go sepelele gabutši, le gore o hlaya matsaka mo o re wene wa tshepega! (Jobo 2:4, 5; Kut. 12:10) Yi go tshwara byang mara taba yowa? Ya baba, akere? Mara nagana ka taba ye nngwana ke yowa: Jehova o go neya selo se sengwana se segolo ka taba la gore o go tshepa ka matla. Jehova o lesetsa Sathane a go leketse gore ka nnete wa tshepega naa. Jehova wa go tshepa gore o ka sa mo jikele fote o nyoko šupetsa gore Sathane o na le matsaka. Fote Jehova o tshepisa gore o nyoko go gelepa gore o tshepege. (Maheb. 13:6) A yi go jabodisa ga tsona go tshepa ke mong wa legedimo le lefase! Nje le wene wa di bona gore go tshepega gwa nyakega? Go re gelepa go šupetsa gore Sathane o na le matsaka, go yemelela lebitso la Papa wa rune fote go šupetsa gore re yema le go lawola gage. Re ka maka byang gore re dule re tshepega?
Tso di Wutammeng ka Bhayibeleng
Re Tšhuta Ying ga Mantsu ya Jeso a ma Hlayyeng Mafelelong?
9 Jeso o yitseri king? Mo Jeso a šele a le thina le go kgwa, o yye a yahlamela a re: “Modimo waka, Modimo waka, ke ntaba o nlesetsiye?” (Mat. 27:46) Baebele a yi hlayi gore ke ntaba Jeso a hlayye mantsu yawa. Mara mantsu yane ma re tšhutisa ying? Se sengwana ke gore nakwela Jeso a hlaya mantsu yawa, ke mo a maka gore go makege tso di hlayang ke seporofeto so se leng ga Pisalema 22:1. Fote mantsu yawa ma šupetsa gore Jehova aa mo “yagelela ka legora” ga Morwayi wage. (Jobo 1:10) Jeso ke mo a kwisisa gore Papage o lesetsiye manaba yage ma mo leketsa ka go felegelela, a go na motho ye a yyeng a leketsiwa go tshwana le Jeso. Fotefote, mantsu yawa ma šupetsa gore ke mo a sa sinya selo, a sa maka selo sa gore se nyaka ba mmolaya.
OCTOBER 9-15
MAKOLWANE KA TENG GA LENTSU LA MODIMO | JOBO 4-5
“Tipasope ga Ditaba Tsa Matsaka”
it-1-E 713 ¶11
Elifase
2. Ye mongwana wa banghana ba Jobo ka bararo. (Job 2:11) Letemani la gore di ka makega gore ke setlogolwane sa Esewu, tsotsone di ra gore ke setlogolwane sa Abhrahama fote ke lešaga la Jobo. Yene le ditlogolwane tsage ne ba kganyisa taba ya gore ba hlalefiye. (Jer 49:7) Ga kararo ya banghana bo ne ba ‘kgomoletsa’ Jobo, di bonala go le Elifase ye ba mo tseyelang gedimo fote batho ba bangwana ne ba lebelele yene ga dilo tsa go tlala, fote tsone di ka fo rela gore ne a le ye mogolo wa gona. Ke yene a bolabolang la mathomo ga kararo ya dinako mo go bolabodiwa, fote ke yene e bolabolang nako ya go lefa.
w05-SE 9/15 26 ¶2
Gana go Nagana Dilo Tsa Gore a yi Tsona!
Mo Elifase a nagana ka dilo tsa go sa tlwayelega tso a di bonneng, o hlayye gore: ‘Moya wo fitiye ho sefahlegong saka; maboya ya mmele waka ma yemelela. Moya wone wa yema, mara ne ke sa bone gabutši gore king; wa yema ka ho mahlong gaka; gwa re tse, ke mokane ka kwa lentsu.’ (Job 4:15, 16) Ke moya wa mošaga mang wo wo kutšetseleng Elifase gore a feleletse a nagana ka mokgonone? Dilo tso lentsu lone le di hlayyeng ne di šupetsa gore a le tšwe ga lengeloyi la go loka la Modimo. (Job 4:17, 18) Ne go le madimona. Hala go se wona, nje ne di ka kwagala gore Jehova a wolole Elifase le banghana bage ka babedi gore ba bolabodiye matsaka? (Job 42:7) Nnete ke gore Elifase ne a kutšetsele ke madimona. Tso a di bolabodiyeng a yi dilo tsa gore Modimo a ka di bolabola.
w10-SE 2/15 19 ¶5-6
Ganetsa Matsaka ya Sathane
Sathane o berekisiye Elifase wa gore ke ye mongwana wa banghana ba gore ne ba vakašele Jobo, gore a hlaye gore batho go fo ba dilo tsa go sa re selo tsa go lelemela. O yye a re batho ke ‘bo ba dulang dintlong tsa mobu,’ a boya a botsa Jobo gore: ‘Fandhiši ya bona ke lerole! Ba ka psyitlanyiwa ka go yakgsowa go tshwana le seboko. Go tlugisela ka bošego go segela ka malobana ba fo psyitlanyiwa ba ba ditlopotlopo, go se na ye a tseyelang gedimo taba ya gore go nyoko fela ka bona go ya go yye.’—Job. 4:19, 20.
Go gongwana ka ho mangwalong, re tshwanisiwa le “ditša tsa botsopa”—dipoto tsa go makiwa ka botsopa tsa gore di lula go di pshyaya. (2 Makor. 4:7) Re lelemela ka taba la gore re tshiletsiwwe go sinya fote a re ya yenela. (Marom. 5:12) Re ntoši, fote di lula gore Sathane a fo re hlasela. Mara Makreste a maa šiyiwa ma yitsa. Le mo nkare go na le tsa go re lelemetsa, Modimo o re tseyela gedimo. (Jes. 43:4) Go tokegela gana hone, Jehova o neya bo ba mo kgopelang moya wage wa go hlawolega. (Luk. 11:13) Moya wage wo ka re neya “matšhika yawa ya gore a maa tlwayelega,” gore re thogo tiyisela ga dintshitshire tso Sathane a re bošelang tsona. (2 Makor. 4:7; Mafil. 4:13) Mo nkare ga Sathane re ya mo phigisa, ‘re tiyye tumelong,’ Modimo o nyoko re tiyisa a boya a re neya matšhika. (1 Pet. 5:8-10) Byalo tsone di ra gore, a di nyake re tšhaba Sathane Diyabolo.
mrt-E 32 ¶13-17
Kganela Kgole le Ditaba Tsa Matsaka
● Thomisa o Pombhole Gore di Tšwa Kaye le Gore di Bolabola ka Ying
Tso Bhayibele yi di Hlayang: “Le nyakolleneng gore dilo ka mokana ga tsona ke nnete.”—1 Mathesalonika 5:21.
Mo o soko bane o tshepa taba kela o yi fitisela ga ba bangwana, thomisa o yi pombhola gore ke nnete, le mo nkare go bolabodiwa ka yona go gongwana le go gongwana kela ba bolabola ka yona ga tleletlele ditabeng. Byang?
Thomisa o pombhole gore motho ye a di bolabolang wa tshepega. Bo ba ditaba le mekgahlo ye mengwana ba ka kekemisa taba gore yi yelane le tso bona ba yemang natso. Tshwanisa ditaba tsone o di kwang le ditaba tse dingwana. Ka dinako tse dingwana, banghana ba ka go romela ditaba tsa gore a yi tsona ba berekisa email kela go di ngwala ga mekgero ye mengwana ya Inthanete. Byalo, o sa fo tshepa ditaba ka moka mo nkare a wa pombhola gore di tšwa kaye.
Pombhola gore ditaba tsone ke tsa gana byalo fote ke nnete. Lebelela gore ke tsa neng le gore go na le tsa gore dya tshepega tsa go thega tso ba di hlayang. O pasope mo nkare ditaba tsa gore ke tse dikgolo ka matla ba f’lo di maka gore di bonale nkare a yi tsa selo, kela ba beyye ditaba ka mokgwa wa gore wo nyoko maka gore motho a make se sengwana.
Tso di Wutammeng ka Bhayibeleng
w03-SE 5/15 22 ¶5-6
Ariye Mahlong o sa Thogathoge, Fote o Taboga Lebelo la Lephelo
Go ba ga mokgahlo wa lefase ka moka wa morapelo wa mannete go ka maka gore re tsike. Di re jabodisa ka matla gore re ga mogoba wo wa lefaseng ka moka wa go nyakanana ka matla! (1 Petro 2:17) Fote re ka ma tiyisa ka matla magageru.
Bona tso di yyeng dya maka ke monna wa go tshepega Jobo. Le Elifase wa go timakisa o šinnye a dumela gore: “Ye a phiriketsegang, mantsu yago ma nyoko mo tsosa; fote matolo ya gore maa lelemela o nyoko ma tiyisa.” (Jobo 4:4) Rune re maka byang ga taba yowa? Ye mongwana le ye mongwana wa rune o na le mmereko wa go gelepa magagabo gore ma tiyisele ga mmereko wa Modimo. Mo re kene re berekisana nabo, re ka maka tso di hlayang ke mantsu ya gore: “Tiyisaneng letsogo la go lelemela, lune batho, fote matolo ya gore ma lelemela le ma tiyise.” (Jesaya 35:3) Byalo ke ntaba o sa karakare gore o tiyise mogageru ka wweši kela ka mabedi ka moka nako mo o gahlana nawo? (Maheberu 10:24, 25) Mantsu ya go tikisa ya go tiyisa ba bangwana kela go ba leboga ga tso ba yang mahlong ba di maka gore ba jabodise Jehova, ma ka maka gore ba tiyisele ba kene ba tshepa gore ba nyoko taboga go segela mafelelong.
OCTOBER 16-22
MAKOLWANE KA TENG GA LENTSU LA MODIMO | JOBO 6-7
“Mo Lephelo le Gakga”
w06-SE 3/15 14 ¶10
Monopo wa Puku ya Jobo
7:1; 14:14—Ba ra gore king mo ba re ‘mmereko wo o gapeletsiwang go wo maka’ kela ‘mmereko wo motho a tshwaneleng go wo maka’? Jobo ne a kgahleletsegiye ka matla tsa gore o feleletsiye a nagana gore lephelo le thathafa ka matla go tshwana le mmereko wo motho a gapeletsiwang go wo maka. (Job 10:17) Ka taba la gore nako yo motho a yi fetsang a le lebitleng—go thomisa ka nako yo ba mmulukiyeng go segela mo a tsosiwa—ke nako yo a gapeletsegang go yi fetsa, Jobo o tshwanisiye nako yone le mmereko wo motho a tshwaneleng go wo maka.
“Bo ba Gore ba Kgongwele. . . Jehova wa ba Phonisa”
KA DINAKO tse dingwana re ka nagana ka taba ya gore lephelo a le ya lefa fote matšatši ya rune ma “tlele ka mesasamelo.” (Jobo 14:1) Byalo, dya kwisisega mo re fela re kgongwela. Malata ya go tlala ya Jehova ya ku botala, ke mo ma tikwa ka mokgonone. Ba bangwana ke mo ba nabela le go kgwa. (1 Mag. 19:2-4; Jobo 3:1-3, 11; 7:15, 16) Mara Jehova Modimo wa gore ba mo tshepiye ka matla, o yye a sa lesetse go ba tiyisa. Dilo tsowa ka mokana ga tsona di ngwadiwwe gore di thogo re kgomoletsa le go re yetetsa.—Mrm. 15:4.
g-SE 1/12 16-17
Mo o Kwa Gore a wo sa di Nabela Tsa Lephelo
Le mo o bona gore seyemo sago se ya thathafa, gopola gore a yi wene o ntoši fote sa go kwisa go baba ke gore ye mongwana le ye mongwana o lebanne le mathatha lekgono. Bhayibele yi re: “Dilo ka mokana ga tsona di ya lla fote di sa fo kwa go baba.” (Maroma 8:22) Le mo nkare ka nako yonone mathatha yago ma ka bonala nkare ma ka sa tsoge ma fediye, ga go tlala di ya loka mo nako yi kene yi ya. Mara gana byalo o ka gelepa king?
Botsa monghana wa gore o butšwiye, wa gore wa mo tshepa. Bhayibele yi re: “Monghane wa mannete o šupetsa ka dinako ka moka gore o go nyaka ka matla, fote ke bhuti wa gore o gona ka dinako tsa go thathafa.” (Diyema 17:17) Jobo monna wa go loka, ye go bolabodiwang ka yene ka Bhayibeleng, o yye a bolabola le ba bangwana mo a šekela. Mo a kwa go baba tsa go šinya a re “ke hloyye lephelo laka,” o hlayye gore: “Ke nyoko bolabola ka tso di nhlupang. Tso di šekedisang moya waka ke nyoko di bolabola!” (Jobo 10:1) Go bolabola le ba bangwana go ka maka gore tso re di kwang di pomege, fote di ka maka gore o bone bothatha byone ka tsela ya gabutši.
Tshollela Modimo tso di leng ka pelong yago ka thapelo. Ba bangwana ba tseya gore go rapela go fo ba taba ya go tikgomoletsa, mara Bhayibele yi bolabola tsa go sa tshwane le tsone. Pisalema 65:2 yi re Jehova Modimo ke “ye a kwang merapelo,” fote 1 Petro 5:7 yi re: “Wa tihlupa ka lune.” Bhayibele yi dula yi šihlela taba ya gore di nyaka re tithege ka Modimo. Mo re beyisa:
‘Tshepa Jehova ka pelo yago ka moka fote o sa tithege ka tso o di naganang. Ga ka moka tso o di makang mo gopole, fote yene mong o nyoko maka gore ditsela tsago di wolologe.’—DIYEMA 3:5, 6.
“O nyoko kgotsofatsa tso di nabelang ke bo ba mo tšhabang, fote mo ba lla o nyoko ba kwa, fote o nyoko ba phonisa.”—PISALEMA 145:19.
“Fote Modimo re ya mo tshepa gore wa re kwa mo re kgopela se sengwana le se sengwana sa gore se yelana le tso yene a di nyakang.”—1 JOHANE 5:14.
“Jehova o nyoko fetsa ka ba dipelo tsa go befa, mara merapelo ya bo ba go loka wa yi kwa.”—DIYEMA 15:29.
Mo o botsa Modimo ka dilo tso o ghulanang natso, o nyoko go gelepa. Bhayibele ya di tšiba gore ke ntaba yi go hlohletsela gore “tshepela gage ka dinako ka moka . . . O tshollwele tso di leng ka pelong yago mahlong gage.”—Pisalema 62:8.
Tso di Wutammeng ka Bhayibeleng
Theetsela Motho, mo Tšibe o Thogo mo Kwela go Baba
10 Re ka yekisela Jehova ka go leketsa go kwisisa magageru. Tšiba magageru gabutši. Bolabola nawo mo go soko thomisa megahlano le mo megahlano yi fediye, sepela nawo tšhomong, ke mokane mo nkare wa di kgona, mema magageru yane o tle o je nawo tsa go ja. Mo o maka ka mokgonone, o ka kraya gore mogageru wa mosadi wa gore o šupa nkare aa kwane le batho o fo ba a hlupa ke dihlong, mogageru wa monna wa gore ke mo o tseya nkare o kwana le dilo tsa majabajaba, o kwana le go yamogela divakaši kela ba mutši wa gore ga go tlala ba segela megahlano yi šele yi thomme ba ka fo ba ba maka ke gore baa phigisiwa. (Job. 6:29) Nnete ke gore a di nyake re ‘kenakena ditaba tsa batho.’ (1 Thim. 5:13) Mara di gabutši go tšiba se sengwana ka magageru le seyemo so ba yyeng ba feta ga sona mo ba kene ba phela.
OCTOBER 23-29
MAKOLWANE KA TENG GA LENTSU LA MODIMO | JOBO 8-10
“Taba ya Gore Modimo o re Nyaka ka Matla yi re Tšhireletsa ga Matsaka ya Sathane”
w15-SE 7/1 12 ¶3
Ayitsano re ka mo Jabodisa ga Modimo?
Jobo o yye a wela ke mathatha ka go lategetsana tsa gore ne o ka šinya o mo kwela go baba. O feleletsiye a sa tseye dilo gabutši, a re Modimo aa na taba gore wa mo tshepegela kela dho. (Job. 9:20-22) Jobo ne a tshepa gore o lukiye tsa gore ga ba bangwana ne di kwagala nkare o re yene o lukiye go feta Modimo.—Job. 32:1, 2; 35:1, 2.
Taba ya Gore Jehova aa Tšhentšhatšhentšhi mo a re o Nyaka Motho, yi go Tshwara Byang Mara?
14 Taba ya gore Modimo o re nyaka tsa mannete yi maka gore re pasopege ga tso tsa Modimo. Mo Dafita a rapela Jehova o yitseri: “Ke tšhabela gago; o nyoko mpasopa gore ke sa nape ke kgahleletsega ka matla. O nyoko maka gore ke dule ke kwa mantsu ya mo ba hlakelela gore ba ba phonisiye. . . . Ye a tshepiyeng Jehova o nyoko maka gore Jehova a mo nyake go ya go yye.” (Pis. 32:7, 10) Go fo tshwana le mapharo ya ne ba ma yagiye ga mitši ya ku botala gore ma tšhireletse batho bo ne ba dula ga wona, le taba ya gore Jehova o re nyaka tsa mannete yi fo ba ka mokgonone, yi re tšhireletsa ga tso di ka makang gore re sa tshepege ga Jehova. Go tokegela gana hone, taba ya gore Jehova o re nyaka tsa mannete yi maka gore a kwe a nyaka gore re dule re le ho thina naye.—Jer. 31:3.
Tso di Wutammeng ka Bhayibeleng
w10-SE 10/15 6-7 ¶19-20
“Ayitsano o Gona wa Gore o Šele a Tšiba Tso Jehova a di Naganang?”
19 Re tšhutiye ying ga “tso Jehova a di naganang”? Di nyaka re dumelele Lentsu la Modimo gore le re ghobolle gore re kwisise tso Jehova a di naganang. A di nyake re metela Jehova le go mo yahlula go ya ka melawo ya rune le ka mokgo re naganang. Jobo o hlayye gore: “[Modimo] a yi motho go tshwana le nna tsa gore nka mo fetola, tsa gore re ka ya khota ggoši.” (Job. 9:32) Go fo tshwana le Jobo, mo re thomisa go kwisisa ka mokgo Jehova a naganang, re kwa di re tšhofa gore re hlaye gore: ‘Ye lune! Tsowa ke sekopa sa ditsela tsage, fote re f’lo kwelela tse dinyana ka yene! Mara ke mang a ka kwisisang matšhika yage ya magolo?’—Job. 26:14.
20 Mo re kene re bala Mangwalo, di nyaka re make ying mo re gahlana le temanyana ya gore ya re thathafela gore re yi kwisise, ka matlamatla mo yi bolabola ka tso Jehova a di naganang? Mo nkare o nyakolliye mara a wa kraya phetolo ya go kwagala, di nyaka o tseye taba yone go le selo so se liketsang taba ya go tshepega ga Jehova. O sa lebale gore ditaba tse dingwana di re thulela lešuba la gore re šupetse gore re na le tumelo ga mekgwa ya Jehova. Di nyaka re tinyanafatse fote re tseyele gedimo taba ya gore re ka sa kwisisi dilo ka moka tso a di makang. (Mmo. 11:5) Ke mokane re nyoko napa re dumelelana le mantsu ya ma hlayyeng ke Pawulo wa lepostola ya gore: “Ayitsano o gona wa gore o šele a tšiba tso Jehova a di naganang. ‘Ke mang ye a tšibang tso Jehova a di naganang fote ke mang ye a ka mo yeletsang? Kela ‘ke mang wa gore o neyye Modimo selo sa gore se šinya se nyaka gore a mo patele?’ Ka taba la gore dilo ka moka di tšwa ga Modimo, di makiye ke yene, fote ke tsage, o tshwanele a thanakiwe go ya go yye. Amene.”—Marom. 11:33-36.
OCTOBER 30–NOVEMBER 5
MAKOLWANE KA TENG GA LENTSU LA MODIMO | JOBO 11-12
“Kararo ya Dilo Tso re ka di Makang Gore re Hlalefe di Boye di re Berekele”
w09-SE 4/15 6 ¶17
Jobo ne a le Tseyela Gedimo Lebitso la Jehova
17 King so se gelepiyeng Jobo gore a ye mahlong a tshepega? Di fo ba lekgwaying gore mo a soko bane a makegela ke tsa go baba, ne a šele a na le senghana sa go tiya le Jehova. Le mo nkare a go na so se šupetsang gore Jobo ne a di tšiba gore ke Sathane ye ne a liketsa Jehova, Jobo ne a tikemisele go dula a tshepega. O yitseri: “Go segela ke kgwa, nka sa lisetsi go dula ke tshepega!” (Job. 27:5) Jobo o yye a maka byang gore a be le senghana sa go tiya le Modimo? A re kamake gore ne a di tseyela gedimo tso a di kwileng ka tso Modimo a di makeleng Abhrahama, Isaka le Jakobo ba gore ne go le mašaga yage. Fote mo Jobo a lebelela tso Modimo a di makiyeng, ne a kgona go bona mekgwa ya go tlala ya Jehova.—Bala Jobo 12:7-9, 13, 16.
Jehova o ho Thina Gago, a wa Šala o le Ntoši
10 Nghanelana le Makreste ya go tshepega. Nghanelana le batho ba ka phutegong ba gore o ka tšhuta se sengwana ga bona, le mo nkare a le lekane ka mengwaga kela ditšo tsa lune a di tshwane. Bhayibele yi re gopotsa gore “bo ba gore ba šele ba gudiye” ba ka re hlalefisa. (Jobo 12:12) Bo ba gore ba šele ba gudiye le bona ba ka tšhuta se sengwana ga bo ba gore ba sa gola ba gore baa tshepega. Dafita ke mo go le ye monyana ka matla ga Jonathane, mara ke mo go le banghana ba bagolo. (1 Sam. 18:1) Dafita le Jonathane ke mo ba gelepana gore ba thogo berekela Jehova le mo go na le tsa go ba phiriketsa. (1 Sam. 23:16-18) Mogageru wa mosadi ye ba reng ke Irina wa gore ke yene Hlatse a ntoši gagabo o re, “Magageru ya ka phutegong ma ka tshwana le babelegi ba rune kela bosesi le bobhuti ba rune. Jehova a ka maka gore ma thibe sekgala sa mašaga ya rune ya gore ma re jikele.”
11 Di ka fo sa be lula go kraya banghana ba nyuwane, ka matlamatla mo nkare o na le dihlong. Mogageru wa mosadi ye ba reng ke Ratna wa gore o na le dihlong, o tšhutiye nnete a kene a phigisiwa, o re, “Ke mo di nyaka ke dumela gore ke nyaka magageru ka ho phutegong ma n’gelepe.” Di ka fo sa be lula go thuletsela ye mongwana so se leng ho pelong, mara mo o maka ka mokgonone, motho yene go ka feleletsa go le monghana wago wa thina. Banghana bago ba nyaka go go tiyisa le go go gelepa, mara di nyaka o ba botse gore ba ka di maka byang tsotsone.
12 Mokgwa wo mongwana wa gabutši wa go maka banghana ke go ya tšhomong le Makreste ya mangwana. Carol yela re bolabodiyeng ka yene o re: “Ke na le banghana ba gabutši ba go tlala ka taba la gore ga go tlala ke mo ke ya tšhomong le magageru ya basadi, ne re maka le tse dingwana tso tsa Modimo ggoši. Jehova o n’gelepiye mengwaga yowa ka mokana ga yona a berekisa banghana bowa.” Di gabutši ka matla go nghanelana le Makreste ya go tshepega. Jehova o berekisa banghana bowa mo a go gelepa gore o lwisane le dilo tsa go kgongwetsana, tsa go tshwana le go kwa budutu.—Diy. 17:17.
it-2-E 1190 ¶2
Go Hlalefa
Go Hlalefa ga go Tšwa ga Modimo. Go hlalefa gabutšibutši re go kraya ga Jehova Modimo, wa gore ke yene a “ntoši wa gore o hlalefiye.” (Mrm 16:27; Kut 7:12) Go hlalefa go sipidisana le go tšiba mong nnete ya taba, fote ka gore Jehova ke yene a Makiyeng Dilo, fote aa na ‘mo a thommeng fote aa na mo a nyoko felelang’ (Pis 90:1, 2), yene o tšiba dilo ka moka ka lefase, tso di leng ga lona, le dilo ka moka go tlugisela botala go segela gana byalo. Melawo ya ka mokgo dilo di makegang, medukulugo le tse dingwana tsa gore batho ba tithega ka tsona mo ba nyakolla kela ba nyoko maka tse dingwana, ya gore hala go se ka yona ne ba ka sa be ba selo fote ba ka sa be le selo sa go tiya sa gore ba ka se maka, ka mokana ga tsona dilo tsone di tšwa ga Modimo. (Job 38:34-38; Pis 104:24; Diy 3:19; Jer 10:12, 13) Gabutšibutši, melawo yage yi nyoko go gelepa gore o make dilo gabutši, o yahlule gabutši fote yi maka gore motho a phomelele mo a yi latelela. (Dot 32:4-6; lebelela JEHOVA [Modimo wa melawo ya go loka].) A go na selo sa gore yene aa se kwisisi. (Jes 40:13, 14) Le mo nkare a ka lisetsa dilo tsa gore a di yelane le melawo yage ya go loka di ba gona ka nakonyana, ke yene a tšibang gore o nyoko maka dilo byang ku mahlong fote o nyoko maka dilo ka mokgo yene a nyakang, fote dilo tso a di hlayyeng “di nyoko ro makega.”—Jes 55:8-11; 46:9-11.
Tso di Wutammeng ka Bhayibeleng
w08-SE 8/1 11 ¶5
Go Bolabodisana le bo ba Gore ba sa Gola
▪ ‘Ayitsano ke Nagana ka tso di leng ga molayetsa wo ke wo kwang?’ Jobo 12:11 yi re: “Ayitsano tsebe a yi kwi mantsu go tshwana le ka mokgo legano le kwang tsa go ja?” Gana byalo ke gona di nyakang o ‘kwa’ tso morwayi wago kela morwediya wago a di hlayang. Ga go tlala, bo ba gore ba sa gola, ba na le go bolabola selo, le gore ba rela se sengwana. Mo re beyisa, morwayi kela morwediya wago a ka hlaya gore, “O dula o ntshwara nkare ke sengwananyana!” kela “A o ntheetsele le ka gonyana!” A di nyake o tseya mantsu ya go tshwana le yane ya gore “dula” kela “ka gonyana” mo ba bolabola, mara di nyaka o tšiba gore aa rele tsona tsotsone a di hlayang. Mo re beyisa, mo a re “O dula o ntshwara nkare ke sengwananyana!” a ka fo rela gore “Ke kwa nkare a o ntshepe,” fote mo a re “A o ntheetsele le ka gonyana!” a ka fo ba a rela gore “Ke nyaka go go botsa ka mokgo ke tikwang.” Liketsa go kwisisa tso ba di bolabolang.