Ditodi Tsa “Sepukwane sa Mogahlano wa Maphelelo le Matšhomayelelo”

Ditodi Tsa Sepukwane sa Mogahlano wa Maphelelo le Matšhomayelelo

NOVEMBER 6-12

MAKOLWANE KA TENG GA LENTSU LA MODIMO | JOBO 13-14

“Mo Motho a Kgwa, Nje a ka Boya a Phela Fote?”

w99-SE 10/15 3 ¶1-3

Tso re di Makang Gore re Phele Nako ya go Lefanyana

LE MONG lekgono, ba bangwana ba sa na ba sa kwane le taba ya lephelo lowa la go sa lefa, le mo nkare go ngwadiwwe ka yona gana hala ga 3 500 ya mengwaga ya go fela. Ke botala batho ba sa nape ba kwana le taba ya gore ba jabolele lephelo nakonyana ke mokane ba tsofale ke mokane ba hlokofale. Byalo go tlugisela ku botala, ba yye ba liketsa mekgwa ya go sa tshwane ya go nyaka go lefisa lephelo.

Ka dinako tsa bo Jobo, Maegepita ne ma ja dilo tsa ka fase tsa go tshwara pewu tsa diphoolwane, ma re ma makela gore kela ma ko boyela ma ba ya manyana fote. So ne ba nyaka go se segelela ga taba yowa ya ku botala, ne yi le gore ba make sehlare sa go ka gelepa motho gore a phele nako ya go lefa. Ba go tlala bo ba go maka dilo ne ba tshepa gore gholdi ya gore yi ro makiwa yi ka kgona go maka gore motho a kgone go phela a sa kgwe fote ne ba tshepa le gore go jela ga ditša tsa gholdi go ka maka gore motho a phele nako ya go lefa. Ga Setšo sa China sa Taoism ba hlaya gore bona ba ka kgona go tšhentšha ka mokgo mmele wo leng ka go dula fase nako ya go lefa ba yitseri tse! ba nagana ka selo ka ssoši, ba wonela tlase le gedimo ka mokgwa wa go maka gore ba kgibe, le go ja dilo tse dingwana gore ba kgone go phela go ya go yye.

Ye mongwana wa go nyakolla wa go tšwa Spain ye ba reng ke Juan Ponce de León o tšibega ka matla ka gore o kgona go nyakolla ka matla ka dilo tsa go yelana le gore king so se makang gore batho ba sa tsofale. Dogotela ye nngwana ya gana hala ga bo 1701 go ya ga 1800 CE, ka teng ga puku yage yo ba reng ke Hermippus Redivivus yi hlayye gore ne ba tseya makgareba ba ma tšhela ntlong ye nyana ka nako ya mo go bhloma dihlare, ke mokane ba tseya moya wo makgareba yane ma wo wonang ba wo tšhela ka teng ga mapotlela ba maka sehlare sa go yeketsa nako ya go phela. Taba ke gore, a go na le ka ssoši sa tso di makiwweng sa gore se yye sa bereka.

w15-SE 4/15 32 ¶1-2

Nje Mohlare wa Gore wo Kupiwwe wo ka Gola Fote?

MO O tshwanisa mohlare wo mogolo wa Lebhanoni wa go tshwana le mophayi, o ka fo tseya gore mohlare wa go tantetsana wa moolivi [Olea europaea] a wo makatse. Mara go hlayiwwe gore mohlare wa moolivi wo ka kgona go phela ga mayemo ya go sa tshwane. Ba bangwana ba re go na le wa gore wo na le gana hala ga 1 000 ya mengwaga wo kene wo phela. Medu ya mohlare wa diolivi wa go kgona go naama, wo maka gore mohlare wowa wo sa kgwe le mo nkare mohlare wone wo kupiwwe. Solanka medu yowa yi sa phela, mohlare wone wo nyoko hloga fote.

Jobo wa mopatriyareka ne a sa kamake le ka gonyana gore le mo nkare o nyoko hlokofala, o ko pheleng fote. (Job 14:13-15) O berekisiye mohlare—di ka makega gore ke wa moolivi—go šupetsa gore aa kamake gore Modimo a ka di kgona go mo tsosa a phela fote. Jobo o yitseri, “Go na le tshepo le ga mohlare. Mo wo ka kupiwa, wo nyoko gola fote.” Mo pula yi na, yi maka gore kgwakgwa yi yeme, ke mokane mohlare wa gore wo womme wo ka thomisa go hluga wa golanyana ke mokane gwa “tšwa makala nkare ke semelane sa nyuwane.”—Job 14:7-9.

w11-SE 3/1 22 ¶5

“O Nyoko ba Hlologela”

Mantsu ya Jobo ma re tšhutisa taba ye nngwana ya go jabodisa ka Jehova ya gore: O ba nyaka ka matla batho ba go tshwana le Jobo, ba gore ba tipeya matsogong yage, ba mo dumelele gore a ba wolole, a ba make gore ba be batho ba gore baa tshwanelega go ba mahlong gage. (Jesaya 64:8) Jehova o tseyela gedimo bo ba gore ba mo rapela ba tshepega. Bo ba gore ba hlokofele ba kene ba tshepega ga Jehova, yene o kwa a ‘nabela go ba tsosa.’ Mo ye mongwana wa go tšhutega a bolabola ka lentsu lowa le berekisiwweng la Seheberu, o yitseri, ‘ka nnete ke le lengwana la mantsu ya ma šupetsang gore ke botala a nabela go maka tsotsone.’ Eya, Jehova o gopola bo ba mo rapelang fote o nabela ka matla go ba tsosa gore ba phele fote.

Tso di Wutammeng ka Bhayibeleng

it-1-E 191

Luta

Luta le berekisiwa go tshwanisela selo sa go sa re selo, fote mo Abhrahama a tilebelela mahlong ga Jehova, o hlayye gore, “Ke fo ba lerole le luta.” (Gen 18:27; lebelela le Jes 44:20; Job 30:19.) Fote Jobo o tshwanisiye tso di hlayyeng ke bo ne ba mo kgomoletsa ba go timakisa le “diyema tsa luta.”—Job 13:12.

NOVEMBER 13-19

MAKOLWANE KA TENG GA LENTSU LA MODIMO | JOBO 15-17

“Elifase o re Šupetsa ka Mokgo re sa Tshwanelang go Kgomoletsa Batho ka Gona”

w05-SE 9/15 26 ¶4-5

Kganela Kgole le go Nagana Dilo Tsa go Kekema!

Ga kararo mo Elifase a bolabola, o hlayye gore aa šiyo le ka wweši wa Malata ya Modimo wa gore a ka maka dilo tsa gore di ka mo jabodisa. Elifase o butsiye Jobo gore, “Phela le mong malata yage aa ma tshepe, le mangeloyi yage o re maa kekemisa.” (Job 4:18) Mo Elifase a bolabola ka Modimo fote o yitseri: “Aa na tshepo ga bo ba go hlawolega, fote le magedimo ka bowona a maa yela gabutši mahlong yage.” (Job 15:15) Fote o butsisiye gore: “Nje ye wa Matšhika ka Moka dya mo jabodisa gore wene o lukiye?” (Job 22:3) Bhilidada o yye a dumelelana le tsotsone, a ro boya a re: “Go na le ngwedi, mara a gwa khanya; le mong dinanedi a dya yela mahlong ga [Modimo].”—Job 25:5.

Di nyaka re ntshe maahlo dikwakweng gore o sa krayi se re nagana ka mokgonone. Tsone di ka maka gore re tikwe nkare Jehova o nyaka dilo tsa go tlala ho ga rune. Go bona dilo ka mokgonone go ka sinya senghana sa rune le Jehova. Go tokegela gana hone, mo nkare re tilisetsa re nagana ka mokgonone, re nyoko fetola byang mo ba re wolola mo go nyakega? Mo re sa tinyanafatse mo re wolodiwa, dipelo tsa rune di ka ‘kwatela Jehova,’ fote re ka mo tshwara ka pelo. (Diyema 19:3) Phela tsone di ka kwaletsa senghana sa rune naye!

w15-SE 2/15 9 ¶16

Yekisela Jeso ga Taba ya go Tinyanafatsa le go Kwelana

¹⁶ Mantsu ya rune ya go šupetsa gore re ya kwelana. Taba ya gore re nyakanana ka matla yi re tšhofa gore re “kgomoletse bo ba gore ba kgongwele.” (1 Mathes. 5:14) Re ka re king mo re kgomoletsa batho bone? Re ka maka gore ba tikwe gabutši kela ba le kawone ka go ba botsa ka mokgo re nang le taba nabo le ka mokgo re tihlupang ka bona. Re ka ba thanaka gore ba kgone go bona mekgwa ya bona ya gabutši le gore ba bone tso ba kgonang go di makang. Re ka ba gopotsa gore Jehova o ba šutetsiye thina le Morwayi wage, byalo tsone di ra gore ba hlawolegiye mahlong gage. (Joh. 6:44) Re ka maka gore ba sa kamake gore Jehova o na le taba ka matla le malata yage ya gore ma “kgongwele” kela ma “kgahleletsegiye.” (Pis. 34:18) Mantsu ya rune ma ka tikisa dipelo tsa bo ba nyakang go kgomoletsiwa.—Diy. 16:24.

Tso di Wutammeng ka Bhayibeleng

w06-SE 3/15 14 ¶11

Monopo wa Puku ya Jobo

7:9, 10; 10:21; 16:22—Ayitsano tso Jobo a di hlayyeng di šupetsa gore ne a sa tshepi taba ya gore batho ba ka tsoga fote? Jobo ne a bolabola ka tso ne di nyoko makega ka nthago ga hone. Byalo ne a ra gore king? Se sengwana ke gore, mo a ka hlokofala, a go na ye a ka mmonang. Bona ne ba tseya gore, ne a ka sa sa boyela ntlong yage kela a ka sa boniwi kela go tseyediwa gedimo go segela nako yo Modimo a yi beyyeng. Di ka makega gore Jobo ne a ra gore a go na ye a ka tšwang Sheol ka boyene mong. Taba ya gore Jobo ne a na le tshepo ya gore o nyoko tsoga ku mahlong, re yi bona gabutši ga Jobo 14:13-15.

NOVEMBER 20-26

MAKOLWANE KA TENG GA LENTSU LA MODIMO | JOBO 18-19

“O sa Tsoge o Lahliye bo o Rapelang Nabo”

w22.01 16 ¶9

Taba ya Gore Jeso o Yye a Lla yi ka re Tšhutisa se Sengwana

⁹ Le wene o ka ba kgomoletsa bo ba gore ba kwile go baba. Jeso a sanka a fo lla le Mata le Mariya mara o yye a ba theetsela a boya a ba kgomoletsa. Le rune re ka maka ka mokgonone ga bo ba gore ba kwile go baba. Dan wa gore ke mogolo wa go dula ku Australia, o yitseri: “Ka nthago ga mo mosadi waka a hlokofele, ke mo ke di nyaka ka matla gore ba n’kgomoletse. Magageru ya go tlala ya banna le basadi ya gore mašadhiye ke mo ma dula ma mvakašela go fo re ma tle ma ntheetsele. Ba yye ba nlisetsa gore ke ba kgotolele so ke se kwang fote le mo ke lla ne di sa ba tšebisi. Mo ke kwa ke šitega go gongwana ne ba n’gelepa ka dilo tsa go tshwana le go nhlatswela koloyi, ba ye nrekela tsa go ja setolo ba boya ba ro n’yapegela. Fote ba yye ba rapela le nna gatleletlele. Ba tišupetsiye gore ke banghana ba mannete fote ke magageru le ka ‘dinako tsa mo go bifiye.’”—Diy. 17:17.

w21.09 30 ¶16

Mo wa Genu a sa sa yi Kena ya Jehova

¹⁶ Ariye mahlong o kene o thegeletsiye ba mutši wone ba gore baa tshepega. Gana byalo gona go ro ba mong yona nako yo ba nyakang o nape o ba šupetsa gore o ba nyaka ka matla fote o ba tiyise. (Maheb. 10:24, 25) Di fela di makega tsa gore ba mutši wa ye a ntshiwweng ka phutegong ba kwe nkare ba bangwana baa ba kgera mo go na le dilo tso phutego yi di makang ggoši. Tla re sa di makeneng tsotsone! Bo ba gore ba sa gola ba gore babelegi ba bona ba lisetsiye nnete ba napa ba ro nyaka go thanakiwa le go tiyisiwa. Maria, wa gore monnage o yye a ntshiwa ka phutegong ke mokane a šiya mutši wage o re: “Banghana baka ba bangwana ba yye ba tla ku gaye, ba re gelepa ka go yapega ba boya ba tšhuta Bhayibele le rune ka ho mutšing. Ke mo ba nkwela go baba, ba boya ba ro lla le nna. Ke mo ba ng’yemelela mo go kwagala nkare go sabalala matsaka ka rune. Ba ntiyisiye ka matla wa tšiba!”—Mrm. 12:13, 15.

w90-SE 9/1 22 ¶20

Ayitsano wa Karakara?

²⁰ Mogoba wa bagolo di nyaka wo tšibe gore mo motho ba mo yamoga mebereko ga tso tsa Modimo di ka kgongwetsa, ka matlamatla mo nkare motho yene ne go le mopotulugi kela lelata ka phutegong, le mo nkare yene mong o ro tikgopelela gore a sa sa maka mebereko yone. Mo nkare aa ntshiwa ka phutegong, mara bagolo ba bona gore motho yene o kgahleletsegiye, di nyaka ba mo gelepe ba boye ba mo tiyise ka mangwalo. (1 Mathesalonika 5:14) Di nyaka ba mo gelepe gore a bone gore o nyakega ka matla ka phutegong. Le mo nkare ne di ro nyakega gore motho yene a wolodiwe, di ka fo sa tseyi nako gore motho wa gore o tinyanafatsiye wa gore fote wa leboga, a kraye mebereko yage fote ya ka phutegong.

Tso di Wutammeng ka Bhayibeleng

w94-SE 10/1 32

Matšhika ya Mantsu ya Gabutši

Mo Jobo a nyaka go tiyisiwa, Elifase le banghana bage a baa berekisa mantsu ya gabutši. Ba yye ba re Jobo o tlela ke tsa go sasamela ka taba la gore ne a sinnye se sengwana sa gore o se makiye ka sephiring. (Job 4:8) Bhayibele ye nngwana ya The Interpreter yi hlayye gore: ‘So Jobo ne a se hloka ke motho wa gore o ko mo kwela go baba. Mara so a se krayyeng ke mantsu ya gore a ma tiyisi.’ Byalo Jobo o yye a kgongwela mo a kwa tso di hlayyeng ke Elifase le banghana bage tsa gore o feleletsiye a lliye a gowelela a re: “Le nyoko ya mahlong le ntinwisa le go nkgahleletsa ka mantsu ya lune go segela leng?”—Job 19:2.

A re ya tshwanela go hlaba malata ya Modimo ka mantsu, le go maka gore ma tikwe ma kgahleletsegiye. (Tshwanisa le Dotoronoma 24:15.) Seyema se sengwana sa ka Bhayibeleng se re pasopisa ka taba yone mo se re: “Tso o di bolabolang di ka phonisa lephelo kela go fetsa ka lona; byalo o yamogele maphomela ya ma tlang ka taba la mantsu yago.”—Diyema 18:21, TEV.

NOVEMBER 27–DECEMBER 3

MAKOLWANE KA TENG GA LENTSU LA MODIMO | JOBO 20-21

“Mo o Ghannye a di Rele Gore o Lukiye”

w07-SE 8/1 29 ¶12

Ayitsano o “Ghannye ga Tso Tsa Modimo”?

¹² Ga tso Jeso a di hlayyeng, mo a bolabola ka go ghanya ga tso tsa Modimo, a go tshwane le taba ya go tipeyela dilo tsa go tlala kela go ba le dilo tsa go tlala tsa majabajaba. Jeso ne a ra gore ho lephelong a di nyake re hlupega ka matla ka taba ya go ba le dilo tsa go tlala tsa majabajaba kela wa kraya re jabodisa ka matla ke tso re nang natso. Mara re berekise tso re nang natso gore re thogo gudisa kela go tiyisa senghana sa rune le Jehova. Mo re maka tsotsone, re nyoko ghanya ga tso tsa Modimo. Ke ntaba re re yane? Ka taba la gore tsone di re thulela lešuba la gore a re rufe ka matla. Bhayibele yi re botsa gore: “Mo o rufa ke Jehova—o napa o ghanya, fote aa tokegele ka tsa go sasamela.”—Diyema 10:22.

Tso di Wutammeng ka Bhayibeleng

w95-SE 1/1 9 ¶19

Go Hlula Sathane le Mebereko Yage

¹⁹ Ne go ro ba mong taba gore Jobo wa gore ke lelata la Modimo a phigise ‘tsa go sa yi ka tsela tso di hlayyeng’ ke Elifase le Zofara. (Jobo 4:13-18; 20:2, 3) Fote Jobo o yye a ro “kwata ka matla,” a feleletsa a ‘hlaya tsa go sa yi ka tsela’ tsa gore ne di le monaganong wage. (Jobo 6:2-4; 30:15, 16) Elihu o yye a theetsela Jobo gabutši, ke mokane a mo gelepa gore a thogo bona ka mokgo Jehova a bonang dilo ka gona. Le lekgono, bagolo ba šupetsa gore ba na le taba le bo ba gore ba kgahleletsegiye, ka go sa ba tokegele ka tsa go ba “kgahleletsa.” Mara, ba tshwana le Elihu, ba theetsela batho bone ba lefisiye pelo fote ba ba kgomoletsa ba berekisa Lentsu la Modimo. (Jobo 33:1-3, 7; Jakobo 5:13-15) Fote ye mongwana le ye mongwana wa gore o kwa a kgahleletsegiye ka taba la dilo tsa ku botala tsa gore di mo makegele, kela a tšhoga tsa ku mahlong, kela wa gore o ‘tshusiye . . . ke meloro’ go tshwana le Jobo, a ka kraya mangwalo ya go ka mo kgomoletsa go tšwa ka phutegong.—Jobo 7:14; Jakobo 4:7.

DECEMBER 4-10

MAKOLWANE KA TENG GA LENTSU LA MODIMO | JOBO 22-24

“Ayitsano Modimo a ka Mmerekisa ga Motho?”

w05-SE 9/15 27 ¶1-3

Phigisa Dilo Tso o di Naganang Tsa Gore a di Gabutši!

Mo re nagana ka taba yo yi hlayiwweng ya gore Modimo o nyaka dilo tse dikgolo, yi yelana le taba ya gore o tseya batho go se ba selo. Mo Elifase a bolabola la boraro, o butsisiye putsiso ya gore: “Ayitsano motho wa gore o philegiye a ka berekisa ke Modimo, ayitsano Modimo a ka berekisa motho wa gore o hlalefiye?” (Jobo 22:2) Elifase ne a ra gore motho go fo ba selo sa go sa re selo ga Modimo. Le mong Bhilidada o ro hlaya gore: “Di ka kgonega byang gore motho wa gore aa yenela a be wa gabutši mahlong ga Modimo, kela motho wa gore o ro belega ke mosadi a ka ba byang wa gore o yediye?” (Jobo 25:4) Gabutšibutši ka mantsu ya mangwana, ne ba re, nje dya kwagala gore Jobo, motho wa gore aa yenela, a feleletse a nagana gore yene o lukiye mahlong ga Modimo?

Batho ba bangwana lekgono ba na le tso ba di naganang ka bona beng tsa gore dya kgongwetsa. Tsa go tshwana le ka mokgo ba gudisiwweng, go kgahleletsa ke tsa lephelo, go hlorisiwa ka taba gore o ye mobyang ka khala kela go hloyiwa ka taba la setšo sago. Mara Sathane le madimona yage ba jabodisa ke go kgongwetsa batho. Phela mo nkare ba kgona go kutšetsela motho gore a feleletse a kwa nkare tso a di makang a dya yenela ga Modimo wa Matšhika ka Moka, di ra gore a ka kgona go ro napa a mo kgongwetsa ka matla. Mo nako yi kene yi ya, motho wa mošaga wonone a ka thomisa go keketlela kgole le Modimo.—Maheberu 2:1; 3:12.

Go tsofala le go lwala go ka re kgerela go maka tse dingwana. Ka mokgo re makang mmereko wa go tšhomayela ka gona go ka bonala nkare a re sa maka selo mo re go tshwanisa le ka mokgo ne re kgona go bereka ka gona mo re sa gola, re philegiye fote re sa na le matšhika. Wa tšiba di ro nyakega ka matla gore re bone mo Sathane le madimona yage ba nyaka go maka gore re kwe nkare a re sa makela Modimo selo! Di nyaka re gane go nagana tsa mošaga wonone.

w95-SE 2/15 27 ¶6

So re se Tšhutang ga mo di Tla ga Taba ya go Lukisa Mathatha

Kararo ya banghana ba Jobo ba yye ba ya mahlong ba mo kgongwetsa ka go hlaya tso bona ba di naganang go seng tso di tšwang ga Modimo. Elifase o ro boya a hlaya gore ‘Modimo aa na tumelo ga malata yage’ fote Jehova ne a se na taba gore Jobo o lukiye kela aa loka. (Jobo 4:18; 22:2, 3) Phela motho a ka sa fo tsoga a nagana dilo tsa go kgongwetsa ka mokgonone,—kela matsaka—ya go tshwana le yanane! A di makatse mo ka nthagonyana Jehova a wolola Elifase le banghana bage ka taba la matsaka yane. O yitseri, “Lune banna a le ya bolabola dilo tsa gore ke nnete ka nna.” (Jobo 42:7) Mara ne go sa nyoko tla taba ye nngwana fote.

w03-SE 4/15 14-15 ¶10-12

Bo ba sa Golang ba Gore ba Jabodisa Pelo ya Jehova

¹⁰ Ka ho Bhayibeleng ba re wunyullele gore, Sathane ne a solasola ka mokgo Jobo le ka mokgo bo ba berekelang Modimo ba tshepegang—le mong wene. Gabutšibutši mo Sathane a bolabola le Jehova ka batho ka moka, o hlayye gore: “Dilo ka moka tso motho [Jobo le ye mongwana le ye mongwana] a nang natso, a ka di lisetsa gore a thogo phela.” (Jobo 2:4) Ayitsano wa bona gore wene o kena kaye ga taba yowa ye kgolo? Phela ga Diyema 27:11, Jehova wa hlaya gore se gona so o ka mo neyang sona—so o ka se makang gore a thogo fetola ye a mo hlohlang, Sathane. O fo nagana—Modimo wa Matšhika ka Moka o go bitsa gore o tle o sabalatse taba ye kgolo. Phela ke taba ya go bafala ya gore fote ke ye kgolo ka matla! Ayitsano o ka kgona go maka so Jehova a se kgopelang gago? Jobo o makiye. (Jobo 2:9, 10) Jeso le yene o makiye ka mokgonone, le mong ba bangwana ba go tlala ka matla go tlugisela ku botala, le ba gore ba sa gola ba go tlala ba di kgonne. (Mafilipi 2:8; Kutullo 6:9) Le wene o ka di kgona. Mara di ka sa kgonegi gore o yeme ka howa le ka howa. Ka mokgo o makang dilo ka gona, go šupetsa gore o thega Sathane mo a hlohla Modimo kela o nyaka go jabodisa Jehova gore a thogo fetola Sathane. Wene o nyoko kgeta go yema ka kaye?

Jehova o Tihlupa ka Matla ka Wene!

¹¹ Ayitsano Jehova o na le taba gore wene o kgeta go maka ying? Nje a baa yenela batho bo ba makiyeng dilo tsa go jabodisa Jehova gore a thogo fetola Sathane, tsa gore wene o ka maka se sengwana? Nnete ke gore Sathane o hlayye gore a go na motho ye a berekelang Jehova ka taba la gore o mo nyaka ka matla, mara tsone di šele di šupetsiye gore ke mong letsaka. Jehova o sa na a nyaka gore wene o yeme ka nthoko yage ka taba la gore o na le taba nago. Jeso o yitseri: “Di fo tshwana le ka Papa wa ku magedimong, le yene o ba ka mokgonone mo ka wwoši ga bowa ba go tshwana le bana a keketlela.”—Matewu 18:14.

¹² Di fo ba lekgwaying gore Jehova o na le taba gore o kgeta go tseya tsela yifeng. Go tokegela gana hone, di ya mo yama. Bhayibele yi ro napa yi di beya lekgwaying gore Jehova o na le ka mokgo a tikwang ka gona mo batho ba maka dilo tsa gabutši le mo ba maka dilo tsa go kekema. Mo re beyisa, mo Maisrayele ma maka tsa go tšwa pateng gatleletlele, Jehova o yye a “kwa go baba.” (Pisalema 78:40, 41) Mo go soko bane go ba le Mogogola wa dinako tsa Nnowa, mo “dilo tsa go befa tso batho ba di makang mo lefaseng di napa di ro ya ka matla,” Jehova o yye “a kgongwela.” (Genesi 6:5, 6) O fo nagana gore tsotsone di rela ying. Mo nkare o kenne ga tsela ya go maka tsa go kekema, o kwisa ye a go Makiyeng go baba ka matla. Phela tsone a di rele gore Jehova wa lelemela kela o fo ba a kgongwetsa ke dilo tsa go sa re selo. Mara di rela gore o go nyaka ka matla fote o na le taba nago. Ka nthoko ye nngwana, mo o maka tsa gabutši, o jabodisa pelo ya Jehova. O ba a jabodisa ke gore o ko kgona go fetola Sathane le gore ke yene a ko go rufang. Fote tsotsone o di jabolela ka matla. (Maheberu 11:6) Wa tšiba Jehova Modimo ke mong Papa wa go re nyaka ka matla!

Tso di Wutammeng ka Bhayibeleng

w04-SE 7/15 21-22

Berekisa Tso o Kgonang go di Segelela Gore o Gadimise Modimo

O fo nagana ka mokgo Jehova a kgonneng go maka lefase le dilo ka moka tso di leng ka ho tawong, le tso ne a tikemisele tsona tsa go yelana le lefase lowa. Ka mantsu ya gore, “gwa ba ka malobana ke mokane bya sa,” Jehova ne a šupetsa gore tso ne a di maka o fetsiye fote o phomelele. (Genesi 1:5, 8, 13, 19, 23, 31) Mathomisong ya mo a thomisa go maka dilo, ne a tšiba so a nyakang go se segelela letšatši lone. Fote Jehova o o yye mahlong a maka dilo. (Kutullo 4:11) Jobo wa mopatriyareka o hlayye gore, “[Jehova] o ro di nabela, fote o nyoko di maka.” (Jobo 23:13) A re kamake gore mo Jehova a bona “dilo ka mokana ga tsona tso a di makiyeng” o yye a ro kgotsofala tsa go šinya a hlaya gore “di bafele”!—Genesi 1:31.

Gore tso re nyakang go di segelela di makege, le rune di nyaka re nabele ka matla gore re feleletse re di segelele. King so se ka re gelepang gore re be ka mokgonone? Le mo nkare lefase lowa ne le sa yemega fote le hlakahlakanne, Jehova o yye a bona gore le ko ba byang mo se le fediye—mong lekolwane la go bafala ku sebakabakeng, la go maka gore a gadimisiwe fote a hlompiwe ka matla. Go fo ba ka mokgonone le ga rune, gore re thogo segelela tso re tipeyeleng tsona, di nyaka re ghayele ka gore di ko šala di le byang mo re fetsiye le gore di nyoko re berekela byang. Ke tso di makegeleng Tony wa go ba le 19 ya mengwaga. A sanka a lebala ka mokgo a jabodisiyeng ke go vakašela ofisi ya lekala ya Dihlatse Tsa Jehova hala Bodikela byang Europe. Go tlugisela gana hone, Tony ne a dula a tiputsisa gore, ‘Di ko ba byang go phela le go berekela ga poleke ya ka mokgo?’ Tony a sanka a lisetsa go nagana ka gore di ka kgonega byang, fote o yye mahlong a karakara gore tsone di kgonege. O yye a jabola la go sa hlayisege mo ka nthago ga mengwaganyana, mo a tlatsiye fomo ba mmitsa gore a tle a bereke hone lekaleng!

DECEMBER 11-17

MAKOLWANE KA TENG GA LENTSU LA MODIMO | JOBO 25-27

“O ka Kgona go Tshepega le mo o sa Yenela”

it-1-E 1210 ¶4

Tshepega

Jobo. Jobo wa gore go hlayiwa gore o phidiye ka dinako tsa mo Josefa a hlokofala le ka dinako tsa Moše, ba mo hlatolla go le monna wa gore “o šupetsiye gore aa na selabi [Seheb., tam] fote wa tshepega, aa thogathoge, o tšhaba Modimo fote aa kwane le dilo tsa go sa loka.” (Job 1:1; lebelela JOBO.) Taba ya gore motho a ka kgona go tshepega ke taba ya nngwana ya gore Sathane ne a phigisa Jehova Modimo ka yona, fote yi bonala gabutši mo Modimo a butsisa Sathane ka Jobo, mo a nyarele mahlong ga mangeloyi ya legedimong. Sathane o hlayele Jobo matsaka a re Jobo aa berekele Modimo ka taba la gore o mo nyaka ka matla, mara o mmerekela ka taba la gore go na le so a se krayang yene mong. Gana hone ke mo Sathane a nyakiyeng gore Jobo a šupetse gore wa tshepega ga Modimo. O yye a lisetsiwa gore a tseyele Jobo dilo tsage tsa go tlala le mong bana bage, mara Sathane o šitegiye go maka gore Jobo a sa tshepegi. (Job 1:6–2:3) O ro ya mahlong a hlaya gore Jobo o ro tipotsa gore o nyaka go tiyisela le mong go lahlegela ke dilo tsage le mong bana bage solanka yena a ko šala a phela. (Job 2:4, 5) Le ka nthago ga gore a kwe go baba ka taba la bolwele bya go mo ja letlalo le go kgongwetsa ke mosadi wage, le mantsu ya go hlaba ya go tšwa ga banghana bage ba gore a baa bolabola tsa gabutši ka Modimo le melawo yage le tso a di nyakang (Job 2:6-13; 22:1, 5-11), Jobo o yye a hlaya gore yene a ka sa ro gana gore yene ke monna wa go tshepega. O yitseri: ‘Go segela ke hlokofala, nka sa ro lisetsa go dula ke tshepega! Ke tseya dilo gabutši, fote nka sa lisetsi go ba ka mokgonone; pelo yaka yi ka sa ro nhlupa le ka letšatši la mohlolo mo ke sa phela.’ (Job 27:5, 6) Taba ya gore o yye a dula a tshepega yi šupetsiye gore ye ne a hlohla Modimo o na le matsaka.

w19.02 3 ¶3-5

Ariye Mahlong o Kene o Tshepega!

³ Mo ga rune malata ya Modimo, go tshepega di rela go nyaka Jehova ka dipelo tsa rune ka mokana ga tsona la go šinya re sa nyake selo se kena rune le Jehova segare, fote re yetisa yene mahlong ga dilo ka mokana ga tsona tso re di makang. Bona taba ye nngwana ke yowa. Ka Baebeleng lentsu go “tshepega” le rela go felegelela, go philega kela go yenela. Mo re beyisa, mo Maisrayele ma makela Jehova sehlabelo ka dipholwane, Molawo ke mo wo re dipholwane tsa gona go be tsa go philega. (Lev. 22:21, 22) Motho wa Modimo ke mo a ko ba a sa make tsona mo a yisa pholwane ya gore a yi na loto, tsebe kela lehlo; fote ke mo ba ka sa yisi pholwane ya gore ya lwala. Jehova ke mo a nyaka dipholwane tsa gore di felegelele, di philegiye kela di yenele. (Mal. 1:6-9) Re thogo di bona gabutši gore ke ntaba Jehova a re o nyaka dilo tsa go philega kela tsa go felegelela. Le rune mo re reka selo, sa go tshwana le seyengwa, puku kela thulusu, a re se reke mo re kraya se na le lešuba kela se na le tso di gayelang. Re nyaka tsa go felegelela, tsa go philega kela tsa go yenela. Le Jehova o nyaka re kwana naye le go mo tshepegela ka mokgonone. Di nyaka re make dilo tsa go felegelela, tsa go philega kela tsa go yenela.

⁴ Nje re ko ba re nagana tsona mo re re batho ba gore ba yenele ke bona fela bo ba ka tshepegang? Phela rune beng mo re tilebelele, re di bona gabutši gore re gayela ga tsa go tlala. Bona dilo ka dipedi ke tsowa tso di ka makang gore re sa hlagasedisi ke taba yone. Sa mathomo, Jehova aa lebelele dilo tso di re šitang. Lentsu lage le re botsa gore: ‘Wene Jah, ayitsano o gona barena Jehova wa gore ke mo a ka yema mola o dulela go lebelela dilo tso di re šitang?’ (Pis. 130:3) Wa di tšiba tsa gore a ra yenela, le gore ra mo sinyela fote wa re tshwarela. (Pis. 86:5) Sa bobedi, Jehova wa di tšiba gore ga tse dingwana a re segelele, fote le ka tšatši ka lloši a ka sa nyake re maka dilo tsa gore di ya re šita. (Bala Pisalema 103:12-14.) Byalo di ra gore king tsa gore re felegelele, re philege kela go yenela?

⁵ Gore malata ya Jehova ma tshepege, di nyaka ma mo nyake ga Jehova kela go mo rata. Mo re re ga Modimo re ya mo nyaka fote re mo ngangarele ga Papa yewa wa rune wa legedimong, di ra gore re make dilo tsa go felegelela, tsa go philega kela tsa go yenela. Mo ga Jehova re ka mo nyaka ka mokgonone le mo go ka ba le tsa go re ghula, tsotsone di nyoko ba di šupetsa gore ra tshepega. (1 Dikor. 28:9; Mat. 22:37) O sa di gopola Dihlatse tsela ka ditharo tso re ka bolabola ka tsona ku mathomisong. Ke ntaba ba makiye ka mokgonola? O ra gore ngwannyana yela aa di nyake tsa go tijabodisa ku sekolo, kela mosogana yela o kwa di natefa mo ba mo kweranya mo mitšing, kela papa yela wa mutši wa di nyaka gore ba mo rake mmerekong? Awwa. Mara baa di tšiba tsa gore Jehova o ba beyele melawo ya go loka, byalo tso bona ba hlupegang ka tsona ka matla ke go jabodisa Papa wa bona wa legedimong. Ka gore ba mo nyaka ka matla, ba beya yene ka ku mahlong gore ba thogo segelela dipheto tsa gabutši. Tsotsone di šupetsa gore baa tshepega.

Tso di Wutammeng ka Bhayibeleng

w16.11-SE 9 ¶3

Di Beyiwwe Gabutši Gore di Sipidisane le Puku ya Modimo

³ Dilo tso di makiwweng di šupetsa gore ka nnete a go na motho wa go ka kgona go Maka Dilo ka Letheto go tshwana le Modimo. Bhayibele yi re, ‘Go šupetsa gore Jehova o hlalefiye, o makiye lefase.’Yi hlaya le gore, ‘Go šupetsa gore wa kwisisa, o makiye magedimo.’ (Diy. 3:19) Re tšiba fela ‘tse dinyana tsa ditsela tsa Modimo,’ fote ‘a yi tsa go tlala tso re di kwileng ka yene.’ (Job. 26:14) Fote le mo nkare a re tšibi tsa go tlala ka dipolanete, dinanedi le sebakabaka ka moka, tsone di re tšhofa gore re tseyele gedimo taba ya gore dilo tsone di ro beyiwa mong ka letheto. (Pis. 8:3, 4) Sebakabaka se tlele ka dinanedi tsa go teya ka ku ga dimiliyoni fote ka moka di sepela ka letheto. Phela le mong dipolanete di sepela gabutši ka letheto tsa nkare di ro latelela molawo wa pata! A re kamake gore dilo tsone ka moka tsa hala sebakabakeng di re gelepa gore re bone gore Jehova, wa gore ‘ke segele fote o makiye legedimo’ le lefase, di ro mo tshwanela go thanakiwa, gore re mo tshepegele fote re mo rapele.—Pis. 136:1, 5-9.

DECEMBER 18-24

MAKOLWANE KA TENG GA LENTSU LA MODIMO | JOBO 28-29

“Ayitsano ba go Tšiba ka Tsa Gabutši go Tshwana le Jobo?”

w02-SE 5/15 22 ¶19

Šupetsa bo ba Gore a ba na sa Bona Gore o ba Nyaka ka Matla

¹⁹ Ditaba tsa ka Bhayibeleng tso re bolabodiyeng ka tsona di šihlela taba ya gore di nyaka re šupetse bo ba gore a ba na sa bona gore re ba nyaka ka matla. Gore leloko la Abhrahama le ye mahlong le le gona, ne di nyaka gore Bhethuwele a tšhele letsogo. Gore mašapo ya Jakobo ma yisiwe Kanana, Josefa ne a tshwanele go tšhela letsogo. Gore Nawomi a be le morwayi, Ruthi ne di nyaka a tšhele letsogo. Gabutšibutši Abhrahama, Jakobo le Nawomi ne ba ka sa kgone go maka dilo tsone bona beng ba sa gelepi ke motho. Go fo ba ka mokgonone le lekgono, di nyaka re naganele le go kwela bo ba gore baa tihlupegela. (Diyema 19:17) Di nyaka re yekisele Jobo wa mopatriyareka, wa gore ne a tineya nako ya go ba le “wa gore o kgongwele fote o llela gore ba mo gelepe, le mošomanyana wa gore aa na papa le ye mongwana le ye mongwana wa gore aa na wa go mo gelepa” le ye “wa gore go thina le go fela ka yene.” Jobo o makiye ‘gore pelo ya mosadi wa go kgwela ke monna yi jabole’ a boya a ba ‘maahlo ya bo ba go popela maahlo le mawoto ya bo ba gore ba golofele.’—Jobo 29:12-15.

it-1-E 655 ¶10

Moyaparo

Go na le dilo tse dingwana tsa go tlala tsa gore ba di tshwanisa le moyaparo. Yunifomo kela dikobo tse dingwana di ka šupetsa gore motho o wela ga mokgahlo wofeng kela gore o thega ying, byalo ka ho Bhayibeleng, dikobo di yemela so motho a leng sona mo re lebelele le tso a di makang, go tshwana le ga mošupetso wa Jeso wa mo a bolabola ka kobo ya mošadho. (Mat 22:11, 12; lebelela TSA GO YAPARA HLOGONG; MPHAŠANE.) Ga Kutullo 16:14, 15, Morena Jeso Kreste o re pasopisa ga taba ya go kobola ga tso tsa Modimo le gore motho a ka yapodiwa go ba hlatse ya go tshepega ga Modimo. Tsone di ka ba kotsi mo nkare go thina le ‘ntwa ya letšatši le legolo la Modimo wa Matšhika ka moka.’

w09-SE 2/1 15 ¶3-4

Ga Lebitso go Kena le Ying?

Re ka sa kgone go tireya lebitso mo re sa tšwa go belegiwa. Mara ke rune bo re nyoko makang gore batho ba re tšibe ka ying. (Diyema 20:11) Ke ntaba o sa tiputsisi gore: ‘Hala Jeso kela mapostola yage ma thulegele ke lešuba, ne ba ka mpitsa mang? Ke lebitso lefeng la gore le ka ro napa le ntshwanela mo nkare ba nreya lona ba lebelele mokgwa waka wo ke tšibegang ka wona ka matla?’

Di nyaka re nagane ka putsiso yone gabutši gore re thogo fetola. Ke ntaba? Kgoši Solomoni wa go hlalefa o ngwadiye gore, ‘Go kawone o kgete go ba le lebitso la gabutši o sa kgete go ghanya.’ (Diyema 22:1) Ke nnete gore, mo re tšibega gabutši kela re na le lebitso la gabutši mo re dulang gona, re ko ba re na le selo se segolo ka matla. Mara se segolo ka matla, ke gore re timakele lebitso la gabutši ga Modimo, fote re ko thogo rufiwa go ya go yye. Ka mokgo mang? Modimo o tshepisa go ngwala mabitso ya bo ba mo tšhabang ga ‘puku yage ya bo a nyoko ba gopolang’, fote o nyoko ba neya lephelo la go ya go yye.—Malaki 3:16; Kutullo 3:5; 20:12-15.

Tso di Wutammeng ka Bhayibeleng

g00-SE 7/8 11 ¶3

Ngwalangwala—Sone ke Selo sa Gabutši!

Mara nje go na le so se tšhentšhang kela se makegang mo o ngwalangwala? Ayitsano o sa gopola mo o bona ye mongwana a ngwalangwala, tsone di maka gore o kwe o lokologa kela o kwe pelo yi kgehlemele? Kela ayitsano o sa gopola mo o bona motho a sa ngwalangwale ke mokane tsone di maka gore o kwe o tšhoga kela o sa nyakiwi? Eya, mo o ngwalangwala, go makega se sengwana. Di tšikilita ye a ngwalangwalang le ye ba mo ngwalangwalelang. Jobo ye go bolabodiwang ka yene ka ho Bhayibeleng, mo a bolabola ka bo ba mo hloyyeng o hlayye gore: ‘Ne ke ba ngwalangwalela—ne ba sa tshepi—fote go gadimela ga sefahlego saka ne go ka sa tloge.’ (Job 29:24) ‘Go gadimela’ ga gore ne go le sefahlegong sa Jobo ne go ka fo ba go rela go jabola kela go ngwalangwala.

DECEMBER 25-31

MAKOLWANE KA TENG GA LENTSU LA MODIMO | JOBO 30-31

“Ka Mokgo Jobo a Kgonneng go Dula a Yediye”

w10-SE 4/15 21 ¶8

Maka Gore Maahlo Yago ma sa Lebelele Dilo Tsa go sa yi ka Tsela!

⁸ Makreste ya mannete le wona ma fela ma nabela dilo tso maahlo ma di bonang le tse dingwana. Mara Lentsu la Modimo le ma hlohletsela gore ma titšhutise go titshwara ga dilo tsa go yelana le tso ba di bonang le tso ba di nabelang. (1 Makor. 9:25, 27; bala 1 Joh. 2:15-17.) Jobo wa go tshepega o yye a bona gore taba ya go bona le go nabela di napa di ro šagelana ka matla. O yitseri: ‘Nna le maahlo yaka re ro kwana. Byalo di ba di ro re beng mo ke thomisa go lebelela lekgareba ka tsela ya gore a yi yona?’ (Job. 31:1) Jobo ne a sa nyake le go tikisa mosadi ka tsela ya go sa yela fote ne a sa nyake le go lisetsa monagano wage wo nagana ka matla ka tsotsone. Jeso o yye a šihlela taba ya gore di nyaka re yedise menagano ya rune ga dilo tsa go sa yela mo a hlaya gore: “Ye mongwana le ye mongwana ye a lebelelang mosadi ka matla a šinya a mo nabela, o šele a makiye bonghwahla naye ka pelong yage.”—Mat. 5:28.

w08-SE 9/1 11 ¶4

Nagana ka ‘Maphomela’

Mo o soko bane o maka selo sa mathomo ga taba yone, tiputsise gore, ‘Taba yowa yi n’yisa kaye?’ Go fo yema o ghayela ka ‘tso di nyoko makegang ka nthago,’ Go ka go gelepa gore o sa tikrayi o sipidiye ka pata ya gore yi ko go leyela maphomela ya go baba. Dilo tsa go tshwana le AIDS le malwele ya mangwana ya gore ma tshelelana mo batho ba maka tsa mapaying, go ba le ngwana wa gore ne a sa polaniwa, go ntsha mpa, go sinyega ga senghana le go kikita ke lekwalo, tsone ke dilo tsa gore di ka makegela batho ba gore ba fo phayela thoko taba ya go nagana ka maphomela ya tso ba di makang. Tso di nyoko tlelang bo ba makang bonghwahla le tsa go sa yela di hlayye ke Pawulo wa lepostola. Ba “ka sa kene Mmušong wa Modimo.”—1 Makorente 6:9, 10.

w10-SE 11/15 5-6 ¶15-16

Lune ba Gore le sa Gola—Yetetsaneng ke Lentsu la Modimo

¹⁵ Ke leng mo o naganang gore go tshepega gago ga Modimo go nyoko liketsiwa? Ayitsano ke mo o na le ba bangwana kela o le ntoši? Mo o le sekolong kela o le mmerekong, o kgona go nagana gabutši ka matla ka tso tsa Modimo. O kgona go bona dilo tsa gore di ka kwaletsa tumelo yago. Mo o tiketliye, ke gona mo di ka bang lula gore o nagane kela go maka dilo tsa go tšwa pateng.

¹⁶ Ke ntaba di nyaka o theetsela Jehova le mo o le ntoši? Gopola sowa: O ka kgona go kwisa Jehova go baba kela wa jabodisa pelo yage. (Gen. 6:5, 6; Diy. 27:11) Dilo tso o di makang dya mo yama ga Jehova ka taba la gore “o na le taba nago.” (1 Pet. 5:7) O nyaka gore o mo theetsele ka gore tsone di nyoko go berekela. (Jes. 48:17, 18) Mo malata ya Jehova ya Israyele ya ku botala ma sa theetsele tso a di hlayang, tsone ne di mo kwisa go baba. (Pis. 78:40, 41) Ka nthoko ye nngwana, Jehova ne a nyaka moporofeta Daniyele ka matla, ka gore lengeloyi le yye la re Daniyele ke ‘monna wa go hlawolega.’ (Dan. 10:11) Ke ntaba? Daniyele o yye mahlong a tshepega ga Modimo mo a le gare ga batho le mo a le ntoši.—Bala Daniyele 6:10.

Tso di Wutammeng ka Bhayibeleng

w05-SE 11/15 11 ¶3

Tšhuta go Theetsela o Kene o Šupetsa Gore wa Nyakanana

Jobo o bolabodiye ga tlele mara banghana bage a baa mo theetsela. Fote Jobo o ro boya a hlaya le gore: “Wa tšiba, hala go na le ye a ka ntheetselang!” (Jobo 31:35) Ke ntaba? Ka taba la gore a baa mo kgomoletsa le mo nkare ne ba mo theetsele. Ne ba se na taba le Jobo kela go nyaka go kwisisa ka mokgo a tikwang ka gona. Ne go se batho ba gore ba kgona go theetsela gabutši ba kene ba mo kwela go baba. Mara Petro wa lepostola o re hlohletsela gore: “Ka mokana ga lune le nagane go tshwana, le kwelane go baba, le nyakanane tsa nkare ke lune bana ba motho, le kwelane go baba fote le tinyanafatse.” (1 Petro 3:8) Re ka šupetsa ka mokgo mang gore re kwela motho go baba? Tsela ye nngwana ke go šupetsa gore wa mo kwela le go liketsa go kwisisa ka mokgo a tikwang ka gona. Re ka šupetsa gore re ya tihlupa ka motho mo re hlaya mantsu ya go šupetsa gore re ya naganelana, ya go tshwana le ya gore, “di ka fo ba di go kwisiye go baba akere?” kela “di ka fo ba di makiye gore o kwe nkare a ba go kwisisi akere?”. Tsela ye nngwana ke gore re hlaye tso motho yene a di hlayyeng ka mokgwa wo mongwana, tsone di ko šupetsa gore re kwisisa tso a di bolabolang. Di nyaka re theetsele re kene re šupetsa gore re ya naganelana ka tso re di hlayang le go lebelela gore motho o bonala a le byang kela o tikwa byang.