SETŠHUTO 32

Mmušo wa Modimo wa Lawola Gana Byalo!

Printed Edition

Mmušo wa Modimo wo thomisiye go lawola ku legedimong ka mongwaga wa 1914. Fote ka nako yonone ke mo go thomisa dinako tsa mafelelo tsa gore batho ba lawole. Re di tšibela kaye tsotsone? Lebelela seporofeto sa Bhayibele, tso di makegang ho lefaseng le ka mokgo maphelelo ya batho ma leng go tlugisela ka 1914.

1. Seporofeto sa Bhayibele se re king?

Ka ho Bhayibeleng, puku ya Daniyele yi hlayye gore Mmušo wa Modimo wo nyoko thomisa go lawola mo go fela “kašupa ya dinako.” (Daniyele 4:16, 17) Ka nthago ga makgolokgolo ya mengwaga, Jeso o hlatolliye dinako tsone go le “nako yo yi beyiwweng ya ditšhaba,” fote o tšhutisiye gore nako yone a yi soko fela. (Luka 21:24) Taba ya gore kašupa ya dinako tsone yi fediye ka mongwaga wa 1914 yi nyoko napa yi yela gabutši.

2. Ke mo go kene go makega ying ho lefaseng go tlugisela ka 1914 fote maphelelo ya batho ke mo ma le byang?

Malata ya Jeso ma yye ma mmutsisa gore: “Re nyoko bona ka ying gore o segele le gore go šele go le dinako tsa mafelelo?” (Matewu 24:3) Jeso mo a ma fetola o ma butsiye ka dilo tsa go tlala tsa gore di nyoko makega ku mahlong mo a šele a lawola a le ku legedimong go le Kgoši ya Mmušo wa Modimo. Ga dilo tsone go kena le dintwa, go gayela tsa go ja le go tekateka ga lefase. (Bala Matewu 24:7.) Bhayibele yi hlayye botala gore “ka dinako tsa mafelelo,” maphelelo ya batho ma nyoko maka gore lephelo le ‘thathafe.’ (2 Thimothi 3:1-5) Dilo tso di makegang le maphelelo ya batho di napiye di bonala gabutši ka 1914.

3. Ke ntaba lefase le fagaganne go tlugisela Mmušo wa Modimo wo thomisiye go lawola?

Mo Jeso a sa tšwa go ba Kgoši ya Mmušo wa Modimo, o yye a lwa le Sathane le madimona yage ku legedimong. Sathane ba yye ba mo hlula. Bhayibele yi re ‘ba mo lahlela lefaseng, yene le mangeloyi yage ba ba lahlela lefaseng.’ (Kutullo 12:9, 10, 12) Sathane o fufulele tse dingwana tsa go sa hlayisege ka taba la gore wa di tšiba tsa gore ba nyoko fetsa ka yene. Byalo, o maka gore go be le mohlupego le tsa go sasamela lefaseng ka mokana ga lona. Wa tšiba a di makatse mo dilo di bifiye go befa ho lefaseng! Mara Mmušo wa Modimo wo nyoko tla wo suwelanya mathatha yawa ka mokana ga wona.

KENELELA

Nyakolla gore re di tšibela kaye tsa gore Mmušo wa Modimo wo thomisiye go lawola ka 1914 le gore rune re kena kaye ga tsotsone.

4. Go lategetsana ga dilo tsa ka ho Bhayibeleng di re segetsa ga 1914

Kgana VIDIYO.

VIDIYO: Mmušo wa Modimo wo Thomisiye go Lawola ka 1914 (5:02)

Modimo o makiye gore Kgoši yo ba reng ke Nebukhadinezara ya Bhabhilona ya ku botala yi lore dilo tso di nyoko makegang ku mahlong. Tso a di loriyeng le tso Daniyele a di hlatolliyeng di šupetsa gore tsotsone ke mo di nyoko makega ga bogoši bya Nebukhadinezara fote di nyoko makega le ga Mmušo wa Modimo.—Bala Daniyele 4:17.a

Bala Daniyele 4:20-26, ke mokane le berekise tšhate go fetola diputsiso tsowa tsa go latela:

(A) Nebukhadinezara o loriye ying?—Lebelela ditemanyana 20 le 21.
(B) Go nyoko makega ying ka mohlare wone?—Lebelela temanyana 23.
(C) Go nyoko makega ying mo go fela “kašupa ya dinako”?—Lebelela temanyana 26.

Ka Mokgo Mohlare wo wa go Loriwa wo Yelanang le Mmušo wa Modimo

SEPOROFETO (Daniyele 4:20-36)

Bogoši

(A) Mohlare wo mogolo

Bogoši bya phiriketsega

(B) “Kopa mohlare,” ke mokane yema “go fete kašupa ya dinako”

Kutu ya mohlare ba yi tantentsiye ka tshipi le koporo.

Bogoši bya tsusiwa

(C) “Mmušo wo nyoko ba wago fote”

Mo seporofeto sowa se makega la mathomo . . .

(D) Mohlare wone ke setšha go le mang?—Lebelela temanyana 22.
(E) Bogoši byage bo phiriketsegiye byang?—Bala Daniyele 4:29-33.
(F) Go makegiye ying ka Nebukhadinezara mo go fela “kašupa ya dinako”?—Bala Daniyele 4:34-36.

TSO DI MAKEGIYENG LA MATHOMO

Bogoši

(D) Nebukhadinezara, Kgoši ya Bhabhilona

Kgoši Nebukhadinezara o yemelele fote o yemisele matsogo gedimo.

Bogoši bya phiriketsega

(E) Ka nthago ga 606 B.C.E., Nebukhadinezara o yye a thomisa go hlanya ke mokane a šitega go lawola go šinya go fela kašupa ya mengwaga ya mannete

Nebukhadinezara o ja mabyang go tshwana le phoolwane.

Bogoši bya tsusiwa

(F) Di thomisa go tseya fote ho ga Nebukhadinezara ke mokane wa lawola fote

Kgoši Nebukhadinezara o yemisiye matsogo a kene a lebelele gedimo.

Mo seporofeto sowa se makega la bobedi . . .

(G) Mohlare wone ke setšha go le mang?—Bala 1 Dikoronika 29:23.
(H) Bogoši bya bona bo yye bya phiriketsega ka mokgo mang? Re di tšibela kaye tsa gore ne bo kene bo phiriketsegiye nakwela Jeso a sa le ho lefaseng?—Bala Luka 21:24.
(I) Bogoši byone bo yye bya tsusiwa leng fote bo tsusiwwe kaye?

TSO DI MAKEGIYENG LA BOBEDI

Bogoši

(G) Magoši ya Maisrayele ya ma yyeng ma lawola batho ba Modimo

Magoši ya Maisrayele ma duli ga ditulo tsa go lawola ka go lategetsana. Ma khanyisa ke go gadimela.

Bogoši bya phiriketsega

(H) Jerusalema ya psyitlanyiwa, yi phiriketsa bogoši bya Maisrayele go šinya go fela 2 520 ya mengwaga

Mollo wo gagara Jerusalema ya ku botala ka 607 B.C.E. Ka nthago ga hone, go fela 2 520 ya mengwaga.

Bogoši bya tsusiwa

(I) Jeso o thomisa go lawola go le Kgoši ya Mmušo wa Modimo ku legedimong

Jeso o lawola lefase a duli setulong sa go lawola sa ku legedimong ka 1914 C.E. Wa gadimela.

Kašupa ya dinako di lefiye go segela kaye?

Dikopa tse dingwana tsa Bhayibele di re gelepa gore re thogo kwisisa dikopa tse dingwana. Mo re beyisa, ka ho Bhayibeleng puku ya Kutullo yi re dinako ka ditharo le sekopa di lekana le 1 260 ya matšatši. (Kutullo 12:6, 14) Byalo, kašupa ya dinako ke nombhoro yone mo re yi bala gabedi kela re ka fo re ke 2 520 ya matšatši. Ka dinako tse dingwana Bhayibele yi re letšatši le ka yemela mongwaga. (Hezekiyele 4:6) Taba yone yi berekiye ga kašupa ya dinako tsa gore puku ya Daniyele yi bolabola ka tsona—di yemela 2 520 ya mengwaga.

5. Lefase le tšhentšhiye go tlugisela ka 1914

Kgana VIDIYO.

VIDIYO: Lefase le Tšhentšhiye go Tlugisela ka 1914 (1:10)

Jeso o bolabodiye ka dilo tso re nyoko bonang di makega ho lefaseng mo a šele a le Kgoši. Bala Luka 21:9-11, ke mokane le petapete ka putsiso yowa:

Wene o bonne go makega ying kela o kwelele difeng?

Pawulo wa lepostola o hlayye gore batho go nyoko ba ba mošaga mang ka dinako tsa mafelelo mo batho ba lawola lefase. Bala 2 Thimothi 3:1-5, ke mokane le petapete ka putsiso yowa:

Ga tso re di badiyeng, ke difeng tso o bonneng batho ba di maka?

Dithombhe: Tso di makegang ho lefaseng le maphelelo ya batho ga dinako tso tsa mafelelo. 1. Wa go yeta masole mahlong o yemme seralong o yahlamela a kene a yemisele matsogo gedimo. 2. Meyago ya gore yi wile mo lefase le tekateka. 3. Dielebhreyi tsa masole. 4. Mogoba wa batho wo tikwadiye ka sa go tithiba nko le molomo wo kene wo tisepelela. 5. Meyago ka mmedi ya go lefa ya ku New York yaa swa ka nthago ga go kutulugela ke dikgohlane. 6. Morene mongwana o berekisa didhrakse. 7. Monna o lakatsa mosadi wage wa gore o mo tudiye. 8. Didhrakse le mokgete wa mohlobohlobo. 9. Basadi ka babedi ba gore ba yapere dikobo tsa fešene fote ba tikgabisiye ba titseya senepe. 10. Mogoba wa batho ba go tlala baa bina mo ye wa go teya dikoša a ba kganela dikoša. 11. Morene mongwana o boša bhomu ya gore ba yi makiye ka pheterole.

6. Taba ya gore go lawola Mmušo wa Modimo di nyaka yi re tšhofe gore re make se sengwana

Bala Matewu 24:3, 14, ke mokane le petapete ka diputsiso tsowa:

Ke mmereko wofeng wo mogolo wo wo šupetsang gore Mmušo wa Modimo wa lawola gana byalo?
Wene o ka tšhela letsogo ka mokgo mang ga mmereko wowa?

Mmušo wa Modimo wa lawola gana byalo fote go se botala wo nyoko lawola lefase ka mokana ga lona. Bala Maheberu 10:24, 25, ke mokane le petapete ka putsiso yowa:

Di nyaka ye mongwana le ye mongwana a make ying mo re “di bona gore letšatši lone le kene le ya šutela”?

Collage: 1. Ye a tšhutisiwang Bhayibele o mogahlanong wa Dihlatse tsa Jehova. 2. Motho yenela wa gore o sa tšhutisiwa Bhayibele o tšhomayelela ye mongwana. — Mo o ka tšiba ka taba ya gore yi ka gelepa le go phonisa batho, ayitsano o ka fo re ‘tse’ wa yi dulela?

YE MONGWANA A KA BUTSISA GORE: “Mara ke ntaba Dihlatse tsa Jehova di kwana le go bolabolanya ka matla ka 1914?”

Wene o ka re king?

MONOPO

Seporofeto sa Bhayibele, go lategetsana ga sona le dilo tso di makegang ho lefaseng di šupetsa gabutši gore Mmušo wa Modimo wa lawola gana byalo. Re šupetsa gore tsotsone re ya di tshepa mo re tšhomayela re boya re ya megahlanong ya phutego.

Tigopotse

Go makegiye ying mo go fela kašupa ya dinako tso Bhayibele yi bolabodiyeng ka tsona ga puku ya Daniyele?
Wene o maka king gore o sa kamake gore Mmušo wa Modimo wo thomisiye go lawola ka 1914?
O ka šupetsa ka ying gore wa di tshepa tsa gore Mmušo wa Modimo wa lawola gana byalo?

Setšhuto sowa o fetsiye go se bala ka dikaye:

Maka Tsowa ša

Maka gore o tshwanelege gore o be motšhomayedi wa ditaba tsa go bafala.

Tse Dingwana:

Your other goal

NYAKELA

Lebelela gore bo ba bolabolang ka dilo tso di makegiyeng ku botala le ba bangwana ba re king mo ba hlatolla ka mokgo lefase le tšhentšhiyeng go tlugisela ka 1914.

“Batho ba Gore a ba na Mekgwa ba Nyarele ka go Yakgoswa” (Hlahlama! ya April 2007)

Bona gore morene mongwana o yye a tikwa byang ka seporofeto so se leng ga Matewu 24:14.

“Ke mo ke Kwana ka Matla le Mokgano wo ba Reng ke Baseball!” (Sewokamelo sa No. 3 2017)

Re di tšibela kaye tsa gore seporofeto so se leng ga Daniyele tema 4 se bolabola ka Mmušo wa Modimo?

“Mmušo wa Modimo wo Thomisiye go Lawola Leng? (Sekopa 1)” (Sewokamelo sa October 1, 2014)

Re bona ka ying gore “kašupa ya dinako” tso di leng ga Daniyele tema 4 di fediye ka 1914?

“Mmušo wa Modimo wo Thomisiye go Lawola Leng? (Sekopa 2)” (Sewokamelo sa November 1, 2014)

a Lebelela dihlogotaba ka dipedi tsa mafelelo ga sekopa sa Nyakela sa setšhuto sowa.