Nje go Hlorisa Batho go ko Tsoga go Fediye?

Mo batho ba kene ba hlorisiwa, o ka fo tiputsisa gore: ‘Ayitsano Modimo o na le taba le rune? Ke ntaba mara dilo tsowa di makega? Nje go Hlorisa Bathoa go ko Tsoga go Fediye? Nka phela byang nkene ke tšhugiye?’ Bhayibele yi re neya diphetolo tsa go jabodisa.

Modimo o tikwa byang mo a bona batho ba hlorisiwa?

Modimo aa kwane le bokgohlane le go bona batho ba hlorisiwa. (Pisalema 11:5; Diyema 6:16, 17) Fote Jeso wa go yemela Modimo o yye a kgala malata yage mo ma thomisa go nyaka go lukisa dilo ka go lwa. (Matewu 26:50-52) Le mo ba bangwana ba maka bokgohlane ba re ba yemela lebitso la Modimo, Yene aa kwane le tsa mošaga wonone. Fote aa theetsele morapelo wa bona.—Jesaya 1:15.

Modimo o na le taba le batho ka moka ba gore baa hlupega le bo ba gore baa hlorisiwa. (Pisalema 31:7; 1 Petro 5:7) Bhayibele yi re botsa gore Modimo o nyoko fetsa ka dintwa.—Jesaya 60:18.

Tso di makang gore batho ba hlorisiwe

Bhayibele ya hlaya gore ke ntaba batho ba hlorisiwa: “Motho o lawola motho ye mongwana gore a mo kwise go baba.” (Mmolabodi 8:9) Ke botala, batho ba gore ne ba na le matšhika ya go lawola ba kene ba hlupegisa batho ba bangwana. Ka taba la tsotsone, ba bangwana ba yye ba busetsa ka gore ba tilwele le bona.—Mmolabodi 7:7.

Mo go hlorisiwa ga batho go fela

Modimo o tshepisa gore o nyoko fetsa ka dilo tso di makang gore re dule re tšhugiye le dintwa ke mokane o nyoko maka gore ho lefaseng go bebe. (Jesaya 32:18; Mmika 4:3, 4) O nyoko:

Tlosa dilo ka moka tso di makang gore batho ba hlorisiwe. Modimo o nyoko tlosa memmušo ka moka ya batho ke mokane sekaleng sa wona a beya mmušo wage wa gore wo nyoko lawola lefaseng ka moka. Mo Jeso Kreste a Lawola, o nyoko tshwara batho ka moka go tshwana fote o nyoko tlosa dintwa a maka le gore batho ba sa sa hlorisiwa. (Pisalema 72:2, 14) Ka nako yonone go ka sa sa ba le ba go hlorisiwa. Batho ba “nyoko jabola ka matla ka gore go ko ba go bebiye.”—Pisalema 37:10, 11.
Tlosa dilo ka moka tso di hlorisang batho. Modimo o nyoko fodisa batho ka moka ba gore ba yye ba hlorisiwa. (Jesaya 65:17; Kutullo 21:3, 4) Fote o tshepisa gore o nyoko tsosa bo ba hlokofeleng gore ba phele ga lefase la gore le ko ba le bebiye.—Johane 5:28, 29.

Bhayibele yi re tshepisa gore Modimo o nyoko di maka go se botala. Le mo go le ka mokgonone o ka fo ba o tiputsisa gore, ‘Ke ntaba Modimo a sa nape a fedisa go hlorisiwa?’ Gore o krayye phetolo, lebelela vidiyo ya gore Ke Ntaba Modimo a re Lesetsa re Hlupega?

a “Go hlorisiwa” go rela go hlupegisiwa ga batho kela go tshusetsiwa ga gore go ka maka ke tsa dipolotiki, tsa sedumedi kela tse dingwana. Le mo go le ka mokgonone, batho ba yi phigisa taba yonone ya gore dilo tsa mošaga wone di ka maka gore batho ba hlorisiwe.

Bhayibele ya kgona go gelepa batho gore ba tiyisele

Ke tso dilo ka dipedi tso Bhayibele yi hlayang gore di ka go gelepa.

Rapela Modimo.—Mafilipi 4:6, 7.
Tseyela gedimo tso molayetsa wa Bhayibele wo re tshepisang tsona.—Maheberu 6:19.

Mo o nyaka go tšiba tsa go tlala tsa go yelana le Bhayibele, bona hlogotaba ya gore “Nka Maka Byang Gore ke sa sa Šekela.”

Dihlatse tsa Jehova tsa gore di yye dya tiyisela mo di kene di hlorisiwa ne di tiyisa ke dihlatse tse dingwana. Bona mešupetso yowa ka mmedi:

Natalya le morwayi wage Aslan wa go ba le nkokwane ya mengwaga ne ba le sekolong hala Beslan, Russia, mo bo ba go hlorisa ba gore ba tshwere dithunya ba tseya batho ba go teya ka ku ga 1 000 ka tšhinghi. Sa go kwisa go baba ke gore go yye gwa hlokofala lekgolo la batho fote ba go tlala ba gona ne go le dibananyana. Le mo Natalya le Aslan ba phonne ne ba dula ba tšhugiye. Bona gore ba gelepiye king gore ba be kawone.
Pablo le Sophie ba yye ba hlokofalela ke morwayi nakwela meyago ye mogolo ya New York yi hlasediwa. Bona vidiyo yowa gore o thogo bona so se yyeng sa gelepa bona le ba bangwana nakwela bo ba go hlorisa ba ba hlasela.