Jeso o kalamme bhongholo o ya Jerusalema

Ayitsano Diporofeto Tsa go Bolabola ka Mesiya di Šihlela Taba ya Gore Jeso ke Mesiya?

Phetolo ya Bhayibele

Eya. Nakwela Jeso a le ho lefaseng, diporofeto tsa go tlala tsa go bolabola ka “Mesiya wa go Yeta mahlong” wa gore ne a nyoko “phonisa lefase lowa,” di yye dya makega. (Daniyele 9:25; 1 Johane 4:14) Le mo Jeso a šele a hlokofele, diporofeto ka Mesiya ne di kene di ya mahlong di makega.—Pisalema 110:1; Mebereko 2:34-36.

“Mesiya” yi ra go re king?

Lentsu la Seheberu la gore Ma·shiʹach (Mesiya) le tshwana le lentsu la Segerika la gore Khri·stos (Kreste) fote ka mokana ga wona ma rela “Wa go Tlotsiwa.” Ke mokane “Jeso Kreste” yi rela “Jeso wa go Tlotsiwa,” kela “Jeso wa gore ke Mesiya.”

Ku botala, motho wa gore ba mo kgetiye gore a lawole ne a tlotsiwa ka gore ba mo tšhele ka makgura ho hlogong. (Lefitiko 8:12; 1 Samuwele 16:13) Jeso o kgetiye ke Modimo gore go be Mesiya, go leng setulo sa mayemo ya gedimo ka matla. (Mebereko 2:36) Mara Modimo aa mo hlawola ka go mo tlotsa makgura, o mo tlotsiye ka moya wa go hlawolega.—Matewu 3:16.

Ayitsano dya kgonega gore go be le batho ba go tlala ba go maka tso di porofitiwweng ka Mesiya?

Awwa. Go fo tswana le mo methalothalo ya mo matsogong ya rune yi sa tshwane, le seporofeto sa Mesiya kela Kreste se bolabola ka motho ka wweši. Mara Bhayibele yi re pasopisiye ka “bo ba timakang Kreste le baporofeta ba matsaka ba go maka mehlolo gore ba thogo le woka, mo go kgonega, ba woke le ba go hlawolega.”—Matewu 24:24.

Ayitsano Mesiya o nyoko nyarela ku mahlong?

Awwa. Bhayibele yi hlayye go sa le botala gore Mesiya o nyoko tšwa ga leloko la Kgoši Dafita wa go tšwa Israyele. (Pisalema 89:3, 4) Mara mo ne ba ngwadiye ka leloko la Majuda go segela ga Dafita go yye gwa sinyega, di ka makega gore go sinyegiye mo Maroma ma hlula Jerusalema ka 70 C.E.a Go tlugisela gana hone, a go na ye a yyeng a kgona go šupetsa gore Jeso ka nnete o tšwa ga leloko la Kgoši Dafita. Mara le mo go le sone, a go na lenaba lage le ka lloši lo le yyeng la hlaya kela go phigisa taba ya gore Jeso o tšwa ga leloko la Dafita.—Matewu 22:41-46.

Ka ho Bhayibeleng go na le diporofeto ka dikaye tsa go bolabola ka Mesiya?

Di ka sa kgonege gore re nape re korola nombhoro ya diporofeto tsa Mesiya ka mokana ga tsona. Mo re beyisa, ka mokgo re balelang diporofeto a go tshwane. Ga Jesaya 53:2-7 go na le diporofeto tsa go tlalanyana tsa go bolabola ka Mesiya. Ba bangwana ba ka re ke seporofeto ka ssoši ke mokane ba bangwana ba di tseya go le diporofeto tsa go tlala.

Tse dingwana tsa diporofeto tsa mesiya tsa gore di makegiye ga Jeso

Seporofeto	Se krayega ga	Se makegiye ka
Setlogolwane sa Abhrahama	Genesi 22:17, 18	Matewu 1:1
Setlogolwane sa Isaka wa gore ke ngwana wa Abhrahama	Genesi 17:19	Matewu 1:2
O belegiwwe ga leloko la Juda	Genesi 49:10	Matewu 1:1, 3
O tšwa ga leloko la Kgoši Dafida	Jesaya 9:7	Matewu 1:1
O belegiye ke kgareba	Jesaya 7:14	Matewu 1:18, 22, 23
O belegiwwe Bhetlelehema	Mmika 5:2	Matewu 2:1, 5, 6
Ne ba re ke Imanuweleb	Jesaya 7:14	Matewu 1:21-23
O belegiwwe ga go sa re selo	Jesaya 53:2	Luka 2:7
Bananyana ba yye ba bolayiwa ka nthago ga gore a belegiwe	Jeremiya 31:15	Matewu 2:16-18
Ba yye ba re ba tloge Egepita	Hosiya 11:1	Matewu 2:13-15
Ne ba re ke Lenazaretac	Jesaya 11:1	Matewu 2:23
O yye a kgoreliwa tsela	Malaki 3:1	Matewu 11:7-10
O yye a tlotsiwa gore go be Mesiya ka 29 C.E.d	Daniyele 9:25	Matewu 3:13-17
Modimo o yye a mmitsa Morwayi Wage	Pisalema 2:7	Mebereko 13:33, 34
O yye a karakara ntlong ya Modimo	Pisalema 69:9	Johane 2:13-17
Ne a tšhomayela ditaba tsa go bafala	Jesaya 61:1	Luka 4:16-21
O yye a tšhomayela mahlong ga batho ku Galeliya a maka gore go khanye	Jesaya 9:1, 2	Matewu 4:13-16
Ne a maka mehlolo go tshwana le Moše	Dotoronoma 18:15	Mebereko 2:22
Ne a bolabola tsa go tšwa ga Modimo go fo tshwana le Moše	Dotoronoma 18:18, 19	Johane 12:49
O fodisiye ba go tlala	Jesaya 53:4	Matewu 8:16, 17
Ne a sa make dilo gore a bone ke batho	Jesaya 42:2	Matewu 12:17, 19
Ne a kwela bo ba go kwa go baba	Jesaya 42:3	Matewu 12:9-20; Mareka 6:34
O yye a šupetsa gore Modimo o yahlula ka go loka	Jesaya 42:1, 4	Matewu 12:17-20
Ne a Neyana Mayele ya Gabutši	Jesaya 9:6, 7	Johane 6:68
O tšhomayele ka lebitso la Jehova	Pisalema 22:22	Johane 17:6
Ne a berekisa mešupetso	Pisalema 78:2	Matewu 13:34, 35
Wa go Yeta Mahlong	Daniyele 9:25	Matewu 23:10
Ba go tlala ne ba sa dumele gage	Jesaya 53:1	Johane 12:37, 38
Letlapa la go phikana	Jesaya 8:14, 15	Matewu 21:42-44
Batho a ba mo yamogela	Pisalema 118:22, 23	Mebereko 4:10, 11
Ba f’lo mo hloya nje	Pisalema 69:4	Johane 15:24, 25
O kenne Jerusalema a kalamme bhongholo	Zakariya 9:9	Matewu 21:4-9
Bananyana ne ba mo thanaka	Pisalema 8:2	Matewu 21:15, 16
O tlile ka lebitso la Jehova	Pisalema 118:26	Johane 12:12, 13
Motho ye ne a mo tshepiye o mo sipidiye ka fase	Pisalema 41:9	Johane 13:18
Ba mo sipidiye ka fase ka taba la 30 ya ditšheleta tsa tshipie	Zakariya 11:12, 13	Matewu 26:14-16; 27:3-10
Banghane bage ba mo šiyye	Zakariya 13:7	Matewu 26:31, 56
Dihlatse tsa matsaka di mmolabolele matsaka	Pisalema 35:11	Matewu 26:59-61
Aa hlaya selo mahlong ga ba go mo hlayela matsaka	Jesaya 53:7	Matewu 27:12-14
Ba mo tshwele ka mare	Jesaya 50:6	Matewu 26:67; 27:27, 30
Ba mo teyye mo hlogong	Mmika 5:1	Mareka 15:19
Ba mo baboliye	Jesaya 50:6	Johane 19:1
Aa gana mo ba mo teya	Jesaya 50:6	Johane 18:22, 23
Bo ba mmušo ba yye ba mo hlayela matsaka	Pisalema 2:2	Luka 23:10-12
Ba kokotele matsogo le mawoto yage phateng	Pisalema 22:16	Matewu 27:35; Johane 20:25
Batho ba berekisiye dikgakgare gore ba bone gore ke mang ye a nyoko tseyang dikobo tsage	Pisalema 22:18	Johane 19:23, 24
O badiwwe le ba go sinya	Jesaya 53:12	Matewu 27:38
Ba mo rogelele, ba mo tšebisa	Pisalema 22:7,8	Matewu 27:39-43
O hlupegisiwwe ka taba la ba go sinya	Jesaya 53:5,6	1 Petro 2:23-25
Ne di šupetsa nkare Modimo o mo lahliye	Pisalema 22:1	Mareka 15:34
Ba mo neyye wayini ya gore ba yi gahlanisiye le selo sa go galaka	Pisalema 69:21	Matewu 27:34
Ne a wonngwe mo se a nyoko kgwa	Pisalema 22:15	Johane 19:28, 29
O yye a beya lephelo lage matsogong ya Modimo	Pisalema 31:5	Luka 23:46
O yye a neyela ka lephelo lage	Jesaya 53:12	Mareka 15:37
O neyele ka lephelo lage gore a lepolle ba go tlala ga tso tsa go sinya	Jesaya 53:12	Matewu 20:28
Mašapo yage ne ma sa robega	Pisalema 34:20	Johane 19:31-33, 36
Ba mo hlabiye ka lerumo	Zakariya 12:10	Johane 19:33-35, 37
Ba mmulukiye le ba go ghanya	Jesaya 53:9	Matewu 27:57-60
O tsusiwwe ga bo ba kgwileng	Pisalema 16:10	Mebereko 2:29-31
Go kenne ye mongwana sekaleng sa ye a mo sipidiyeng ka fase	Pisalema 109:8	Mebereko 1:15-20
O duli ka letsogong la Modimo la go ja	Pisalema 110:1	Mebereko 2:34-36

a McClintock and Strong’s Cyclopedia yi re: “Di šupa nkare dilo tso ne ba di berekisiye mo ba ngwadisa leloko le mitši ya Majuda di sinyegiye nakwela Jerusalema yi psyitlanyiwa, go seng mo yi soko psyitlanyiwa.”

b Lebitso la Seheberu la Imanuwele la gore le rela gore “Modimo o na le Rune,” le hlatolla tso Mesiya a tshwaneleng go di maka. Go tla gage ho lefaseng le tso a di makiyeng di šupetsa gore Modimo o na le bo ba mo rapelang.—Luka 2:27-32; 7:12-16.

c Lentsu la gore “Lenazareta” le tšwa ga lentsu la Seheberu la gore neʹtser, la gore le rela go “nyarela.”

d Gore o thogo tšiba tsa go tlala ka diporofeto tsa go šupetsa gore Jeso ne a nyoko thomisa go ba Mesiya ka 29 C.E., lebelela hlogotaba ya gore “Kamoo Boporofeta bja Daniele bo Bolelago e sa le Pele ka go Fihla ga Mesia.”

e Seporofeto sowa se ga puku ya Zakariya, mara ye a ngwadiyeng puku ya Matewu o re “ba se bolabodiye ba berekisa moporofeta Jeremiya.” (Matewu 27:9) Di šupa nkare puku ya Jeremiya ke mo ba fela ba thomisa ka yona ga Lengwalo lo ba reng ke “Baporofeta.” (Luka 24:44) Byalo Matewu o berekisiye lebitso la “Jeremiya” mo a bolabola ka dipuku ka mokana ga tsona tsa Baporofeta, gana hone go kena le puku ya Zakariya.