1-3. Batho ba tiputsisa diputsiso difeng tsa go yelana le likgu, fote diputsiso tsone di fetodiwa byang ga dikereke tse dingwana?

BAEBELE yi re tshepisa gore tšatši le lengwana “likgu le ko ba le sa sa le šiyo.” (Kutullo 21:4) Ga Tema 5, re tšhutiye gore go lepolliwa go makiye gore re thogo kraya lephelo la go ya go yye. Mara batho ba sa na ba fo kgwa le gana byalo. (Mmolabodi 9:5) Byalo re tiputsisa gore, Go makega ying ka rune mo re kgwa?

² Phetolo ya putsiso yone re napa re nabela go yi tšiba ka matla mo go hlokofala motho ye re dulang naye ka mutšing kela lešaga. Re ka tiputsisa gore: ‘Mara o yye kaye? Nje wa re bona? Ayitsano a ka re gelepa? Nje re ko tsoga re mmonne fote?’

³ Ga dikereke tsa go tlala, diputsiso tsone a ba di fetole go tshwana. Ga tse dingwana ba tšhutisa gore mo o le motho wa go loka, o ya legedimong ke mokane mo o sa loka, o nyoko tšhubiwa diheleng. Ga tse dingwana ba re mo motho a kgwa, o ba moya ke mokane a ye phela le bokokwane wage ba gore ba kgwile botala. Ba bangwana bona ba re mo o kgwile ke mokane ba go yahludiye, o nyoko belegiwa fote, kela wa boya fote o tl’le pheleng mara ka mmele wo mongwana, nako ye nngwana go le wene motho ye mongwana kela go le wene pholwane.

4. Dikereke di tšhutisa taba yifeng ka likgu ya nkare ya yelana?

⁴ Dikereke di tšhutisa dilo tsa go sa tshwane. Mara tsa go tlala di tšhutisa selo sa nkare se ya tshwana. Di tšhutisa gore mo motho a kgwa, go na le se sengwana ho gage sa gore sona a se kgwe, se fo ya mahlong se phela. Nje ke nnete?

ANTHE MO RE KGWA RE YA KAYE?

5, 6. Go makega ying ka rune mo re kgwa?

⁵ Jehova ke yene a di tšibang gore go makega ying mo motho a kgwa, fote o re botsa gore mo motho a kgwa, go napa go fela gana hone ka tsa lephelo lage, aa yi go gongwana. Go kgwa a go tshwane le go phela. Byalo mo motho a kgwa, a go na selo sage le ka ssoši so se šalang se phela go gongwana.a Mo re kgwile a re sa bona selo, a re sa kwa fote le tsa go nagana a re sa di kgona.

⁶ Kgoši Solomoni o ngwadiye gore “bo ba kgwileng a ba tšibi selo le ka gonyana.” Motho ye a hlokofeleng a ka sa di kgone go kwana le motho kela go mo hloya, fote “hala lebitleng a go na mmereko, aa nagane selo, aa tšibi selo fote a go na tso a di hlalefeleng.” (Bala Mmolabodi 9:5, 6, 10.) Fote ga Pisalema 146:4, Baebele yi re botsa gore mo motho a kgwa, “monagano wage” o re phi.

SO JESO A SE BOLABODIYENG KA LIKGU

7. Jeso o yitseri king ka likgu?

⁷ Mo monghana ye mogolo wa Jeso ye ba reng ke Lazaro a kgwa, Jeso o yye a botsa mapostola yage gore: “Monghana wa rune Lazaro o yetsele.” Mara Jeso ke mo a sa rele gore Lazaro o yetsele tsa gore wa khutsa. Jeso o napiye a yi yedisa a re: “Lazaro o kgwile.” (Johane 11:11-14) Gabutšibutši Jeso ke mo a fo tshwanisa go kgwa le go yetsela. A sanka a re Lazaro o yye legedimong kela gore o na le mašaga yage ya gore ma kgwile botala. Fote a sanka a re Lazaro wa hlopegisiwa ku diheleng kela gore o belegiwwe go le motho ye mongwana kela go le pholwane. Ke mo di tshwana le nkare Lazaro ke mo a womme ka boroko. Ya mangwana mangwalo ma tshwanisa likgu le go ro napa o woma ka boroko. Baebele yi re ka nakwela Stefano a bolayiwa, “o yye a yetsela boroko bya likgu.” (Mebereko 7:60) Pawulo wa lepostola le yene o ngwadiye gore Makreste ya mangwana le wona ma “yetsele boroko bya likgu.”—1 Makorente 15:6.

8. Re di tšiba byang gore Modimo ke mo a sa re makela go kgwa?

⁸ Mo Modimo a maka Adamo le Efa, ayitsano ke mo a ba makela gore tšatši le lengwana ba tle ba kgwe? Awwa! Jehova o ba makiye a nyaka gore ba jabolele lephelo la go ya go yye, ba phidiye gabutši. Mo Jehova a maka batho, o ba makiye gore ba nabele go phela go ya go yye. (Mmolabodi 3:11) Babelegi a ba di nyake go bona bana ba bona ba tsofala ke mokane ba fetsa ba kgwile, byalo Jehova le yene o fo tikwa ka mokgonone le ka rune. Byalo mo nkare Modimo o re makiye gore re phele go ya go yye, anthe re kgwela ying?

ANTHE KE NTABA RE KGWA?

9. Ke ntaba re re tso Jehova a di butsiyeng Adamo le Efa ne di sa hlupi?

⁹ Ku tšhomong ya Edeni, Jehova o yitseri ga Adamo: “Ga sehlare se sengwana le se sengwana sa ho tšhomong o ka ja wa boya wa ro tikhodisa. Mara ga sehlare sela sa go tšiba tsa go bafala le tsa go befa, o sa ji tsa sona, ka taba la gore tšatši lo o jang hone ga sona, ka nnete o nyoko kgwa.” (Genesi 2:9, 16, 17) Molawo wone ke mo go le lola go wo theetsela, fote Jehova ke mo di mo tshwanela tsa gore a botse Adamo le Efa gore sa gabutši ke sefeng, sa go befa ke sefeng. Mola ba theetsele Jehova, nke di šupetsiye gore a ba mo dheleli. Fote ke mo di nyoko šupetsa gore ba leboga dilo ka mokana ga tsona tso a ba neyyeng tsona.

10, 11. (a) Sathane o yitseri king mo a tshokanya Adamo le Efa? (b) Ke ntaba re re tso Adamo le Efa ba di makiyeng di ya tshwatisa?

¹⁰ Sa go babisa pelo ke gore Adamo le Efa ba yye ba maka tsa go tšiba ke bona, ba sa theetsele Jehova. Sathane o yitseri ga Efa: “Ayitsano Modimo o yitseri le sa ji ga sehlare se sengwana le se sengwana sa ho tšhomong?” Efa o fetodiye ka gore: “Tsa sehlare se sengwana le se sengwana sa ho tšhomong ba re re ka ja. Mara mo Modimo a bolabola ka tsa sehlare sela sa hala gare ga tšhomo, o yitseri: ‘Le sa ji tsa sehlare sone, fote le sa ro boya le se tikisa; mo le ka maka tsotsone, le nyoko kgwa.’”—Genesi 3:1-3.

¹¹ Ke mokane Sathane yene a re: “Le ka sa ro kgwa. Modimo wa di tšiba gore ka letšatši lo le nyoko jang tsa sehlare sela, mahlo ya lune ma nyoko popologa ke mokane la tshwana le Modimo, la tšiba sa go bafala le sa go befa.” (Genesi 3:4-6) Sathane ke mo a nyaka gore Efa a tseye nkare a ka tikgetela gore sa gabutši ke sefeng le sa go befa ke sefeng. Phela o hlayye matsaka mo a ba botsa tso ne di nyoko ba makegela ho ba ka fo sa theetsele. Sathane o yitseri Efa a ka sa kgwe, byalo Efa o jile seyengwa sa sehlare sone ke mokane a neya le monnage. Adamo le Efa ke mo ba di tšiba tsa gore Jehova o yitseri ba sa ji seyengwa sone. Mo ba se ja, ba yye ba hlawola go maka tsa go tšiba ke bona, ba sa theetsele molawo. Mo ba ja, di napiye di šupetsa gore a ba mo hlompe le ka gonyana ga Papa wa bona wa legedimong wa gore yene o ba nyaka ka matla. Baa tshwatisa ka tso ba di makiyeng wa tšiba!

12. Ke ntaba di tšebisa ka matla tsa gore Adamo le Efa a baa theetsela Jehova?

¹² Di tšebisa ka matla wa tšiba, gore babelegi ba rune ba mathomo ba šupetsiye gabutši gore ye a ba makiyeng a ba mo hlompe! Mara o ka re king go le wene o hlupegiye o leketsa go gudisa bana bago ka babedi, wa mošomanyana le wa ngwannyana, ke mokane bona ba fo thomisa go maka tsa go tšiba ke bona, ba boya ba sa go theetsele? Nje o ka sa kwe go baba?

13. Jehova ke mo a ra gore king mo a re “o nyoko boyela leroleng”?

¹³ Tsa gore Adamo le Efa ba nyoko phela go ya go yye di napiye di šaša nakwela ba sa theetsele. Jehova o yye a re ga Adamo: “Ka taba la gore ke wene lerole, o nyoko boyela leroleng.” (Bala Genesi 3:19.) Sosone ke mo se rela gore Adamo ke mo go nyoko ba lerole fote, gwa tshwana le nkare a sanka a ba gona. (Genesi 2:7) Ka nthago ga mo Adamo a sinnye, o yye a kgwa ke mokane gwa fela ka yene.

14. Ke ntaba re kgwa?

¹⁴ Mola Adamo le Efa ba yye ba theetsela Modimo, nke le lekgono lowa ba sa na ba phela. Mara ka taba la gore a baa theetsela, ba yye ba sinya ke mokane ba feleletsa ba kgwile. Go sinya gone ke setšha go le bolwele bya go sasamela bya gore re bo tshiletsiye ke babelegi ba rune ba mathomo. Ka mokana ga rune re belegiwa re na le bolwele byone bya go fo dulela go sinya, re maka ke tsotsone gore re kgwe. (Maroma 5:12) Mara a yi tsona tso Modimo a nyakang di makegela batho. Modimo a sanka a tsoga a di nyakiye tsa gore batho ba kgwe, le Baebele ya hlaya gore likgu ke “lenaba.”—1 Makorente 15:26.

GO TŠIBA NNETE GWA RE LOKOLLA

15. Go tšiba nnete ka bo ba kgwileng go re lokolla byang?

¹⁵ Go tšiba nnete ka so se makegang mo re kgwa, go maka gore re sa be re kene re šekela ka taba la matsaka ya go tlala ya batho ba ma bolabolang. Baebele yi re tšhutisa gore motho ye a hlokofeleng aa kwi go baba le ka go nyana. Re ka sa bolabole naye a re kwa, le rune a ka sa re bolabodisi. Batho bo ba hlokofeleng re ka sa ba gelepe ka selo, le bona ba ka sa re gelepe ka selo. A di nyake re ba tšhaba ka taba la gore ba ka sa re kwaletsi. Mara, dikereke tsa go tlala di tšhutisa gore bo ba hlokofeleng baa phela kaye-kaye le gore re ka ba gelepa mo re ka patela baruti tšheleta kela batho ba nkare ke banna ba go hlawolega. Mara mo re tšiba nnete ka bo ba kgwileng, re ka sa fokoge re maka ke matsaka ya mošaga wonone.

16. Dikereke tsa go tlala di tšhutisa matsaka ya gore king ka batho bo ba hlokofeleng?

¹⁶ Sathane o berekisa dikereke tsa matsaka gore ba re tshokanye re šinye re nagana gore bo ba kgwileng ba sa phela. Mo re beyisa, dikereke tse dingwana di tšhutisa gore mo motho a kgwa, go na le so se tšwang mo gage ke mokane sa ya go phela mo re sa go tšibing. Nje yago kereke yi go tšhutisa tsotsone, kela yi go tšhutisa so Baebele yi se bolabolang ka bakgu? Sathane o berekisa matsaka gore batho ba jikele Jehova.

17. Ke ntaba taba yowa ya gore batho ba tšhubiwa diheleng yi le go lebela Jehova?

¹⁷ Dilo tso di tšhutisiwang ga dikereke tsa go tlala di ro tshosa. Mo re beyisa, tse dingwana di tšhutisa gore batho ba gore a baa loka ba nyoko tšhubelediwa diheleng. Matsaka yane ka mokana ga wona ma lebela Jehova. A ka sa tsoge a lesetsiye batho gore ba hlopegisiwe ka mokgonone! (Bala 1 Johane 4:8.) O ka re king mara mo o ka fo bona motho a tšhubelela matsogo ya sengwananyana a re a se kwe? O nyoko tseya gore o na le lešidi. Fote o ka sa nyake le go mo maka monghanago. Byalo Sathane o nyaka gore ga Jehova re mo tseye ka mokgonone!

18. Ke ntaba di sa nyake re tšhaba bakgu?

¹⁸ Dikereke tse dingwana di tšhutisa gore mo motho a kgwa, o ba sepoko. Dikereke tsone di tšhutisa gore re hlompe batho bone fote re ba tšhabe ka taba la gore di ka makega ba be banghana ba rune kela manaba ya magolo. Batho ba go tlala ba tshepa matsaka yane. Ba tšhaba batho ba go kgwa, ke tsona tso di makang gore ba rapele bona ba lesetsa go rapela Jehova. O sa lebale gore bo ba kgwileng a ba kwe selo, byalo a di nyake re ba tšhaba. Re makiye ke Jehova. Ke Modimo wa mannete, fote di nyaka re rapele yene a ntoši.—Kutullo 4:11.

19. Go tšiba nnete ka likgu go re gelepa ka ying?

¹⁹ Mo re šele re tšiba nnete ka likgu, re tlemolugiye ga matsaka ya ba dikereke. Fote nnete yone yi re gelepa gore re thogo kwisisa dilo tsa go bafala tso Jehova a re tshepisang tsona ka tsa lephelo la rune le ka dinako tsa ku mahlong.

20. Re nyoko tšhuta ka ying ga tema ya go latela?

²⁰ Ku botala, lelata le lengwana la Modimo lo ba reng ke Jobo le butsisiye gore: “Mo motho a kgwa, nje di ka makega gore a tle a phele fote?” (Jobo 14:14) Nje di ka makega tsa gore motho ye a šeleng a kgwile a boye a phele fote? Phetolo ye Modimo a re neyang yona ka ho Baebeleng yi jabodisa setereka. Re nyoko yi kwa gabutši ga tema ya go latela.

1-3. King so ka mokana ga rune re leng mabhantiti ya sona, fote Jehova o nyoko re logolla byang?

O FO nagana nje ba go lahlela jele lephelo lago ka mokana ga lona mara o sa sinya selo. Le tsa gore o nyoko tsoga o tšwile di sa tshepisi. Di šupetsa go fediye ka wene fote go se na so o ka se makang. Mo o šele o bona gore a go sa na so o ka ga se makang, go fo nyarela ye mongwana wa gore o na le matšhika ya go go ntsha gana hone jele fote o tshepisa go go gelepa! O ka re king mara?

² Ka mokana ga rune mo re yitsa ke rune mabhantiti ya likgu. A go na so re ka ga se makang fote a re tšibi gore re ka kena ka kaye. Mara Jehova o na le matšhika ya gore a ka re logolla ka teng ga likgu. Fote o tshepisiye gore “lenaba la mafelelo, lo ba reng ke likgu, le nyoko tlusiwa.”—1 Makorente 15:26.

³ Nagana o sa sa tšhoga gore tšatši le lengwana o nyoko kgwa! Mara a yi likgu le ntoši lo Jehova a nyoko fetsang ka lona. O nyoko ro tsosa le mong bo ba šeleng ba kgwile, ba thogo phela fote. O fo nagana gore go nyoko ba go le byang. Modimo o tshepisa le taba ya gore bo “ba šeleng ba hludiye ke likgu” ba nyoko phela fote. (Jesaya 26:19) Baebele mo yi bolabola ka selo sone, yi re ke tsogo.

MO GO HLOKOFALA WA GENU KELA LEŠAGA

4. (a) Re ka kgomoletsa king mo go hlokofala monghana kela lešaga? (b) Banghana ba bangwana ba Jeso ke mo go le bomang?

⁴ Mo motho wa genu kela monghanago a hlokofala, di baba ka matla la go sa hlayisege. Re kwa re kgongwele. A se šiyo so rune re ka ga se makang gore motho yene a phele fote. Mara Baebele ya re kgomoletsa. (Bala 2 Makorente 1:3, 4.) Yema re fo bolabola ka selo ka ssoši sa go šupetsa gore Jehova le Jeso ba di nyaka ka matla go tsosa magageru le mašaga ya ma hlokofeleng gore ba tle ba phele fote. Nakwela Jeso a le ho lefaseng, ke mo a ya gatleletlele a ye vakašela Lazaro le bosesi wage, Mata le Mariya. Ka bararo ga bona ke mo go le banghana ba Jeso ba bagolo. Baebele yi re: “Jeso ke mo a mo nyaka ka matla ga Mata le ga sesi wage le ga Lazaro.” Ke mokane tšatši le lengwana, Lazaro o yye a kgwa.—Johane 11:3-5.

5, 6. (a) Jeso o yye a maka byang mo a bona mašaga ya Lazaro le banghana bage ba lla? (b) Ke ntaba di kgomoletsa go tšiba gore Jeso o yye a tikwa byang ka likgu?

⁵ Jeso o yye a ye kgomoletsa Mata le Mariya. Mo Mata a kwa gore Jeso o ye tla, o yye a ye mo gahlanetseng. Ke mo a jabodiye mo a bona Jeso, o yitseri ga Jeso: “Mola o le howa, bhuti nke a sa kgwa.” Mata ke mo a nagana gore Jeso o diyegiye ka matla. Ka nthago ga mone, Jeso o yye a bona sesi wa Lazaro ye ba reng ke Mariya a lla. Mo Jeso a di bona tsa gore ba kwile go baba, le yene di yye tsa mo kwisa go baba ke mokane a lla. (Johane 11:21, 33, 35) O yye a kwa go baba ka matla go tshwana le ka mokgo motho a tikwang mo a hlokofalele ke wa gabo.

⁶ Di re kgomoletsa ka matla mo re tšiba gore Jeso le yene o kwa go baba go tshwana le rune mo mašaga ya rune ma hlokafala. Fote Jeso o di tsere ka moka tsa Papage. (Johane 14:9) Jehova o na le matšhika ya go tlosa likgu gore le sa sa ba gona, fote di thina ka matla gore a make taba yone.

“LAZARO, NYARELA!”

7, 8. Ke ntaba Mata a ganne mo ba re ba tlosa letlapa ku lebitleng la Lazaro, mara Jeso o yye a maka byang?

⁷ Mo Jeso a segela mo Lazaro ne ba mmulukiye gona, o krayye ba kwadiye ka letlapa le legolo. Jeso a re: “Tlosaneng letlapa lo.” Mara Mata o yye a gana. Ke mo go šele go fitiye matšatši ka mane setopo sa Lazaro se le hone lebitleng. (Johane 11:39) Ke mo a sa di tšibi gore Jeso o thina le go maka ying gore a thogo gelepa bhuti wage Lazaro.

⁸ Jeso o yitseri ga Lazaro: “Nyarela!” Tso Mata le Mariya ba di bonneng di ba makatsiye ka matla. “Monna ye ne a kgwile o yye a tšwa ba mo tantele mawoto le matsogo ka malapi.” (Johane 11:43, 44) Lazaro ke mo a tsusiwwe! O yye a gahlana fote le mašaga yage le banghana bage. Ke mo ba kgona go mo tshwara, ba mo tikisa le go bolabola naye. Wone ke mo go le mohlolo ka nnete! Jeso o tsusiye Lazaro.

“NGWANNYANA, KE RE GAGO, ‘TSOGA !’”

9, 10. (a) Jeso o ma krayye ga mang matšhika ya go tsosa batho? (b) Ditaba tso tsa go bolabola ka tsogo, ke ntaba di nyaka re di tseyele hlogong?

⁹ Ayitsano batho bowa Jeso ke mo a ba tsosa ka matšhika ya yene mong? Awwa. Mo Jeso a soko tsosa Lazaro, o yye a rapela Jehova, ke mokane Jehova a mo neya matšhika gore a thogo tsosa Lazaro. (Bala Johane 11:41, 42.) Lazaro a yi yene a ntoši a yyeng a tsusiwa. Baebele yi re botsa ka ngwannyana ye mongwana wa go ba le 12 ya mongwaga ye ne a lwala ka matla. Papage ye ba reng ke Jayiro ke mo a yemme hlogo, ke mokane a kgopela Jeso gore a mo yalafe. Ngwanage ke mo go fo ba yene a ntoši. Mo a sa bolabola le Jeso, gwa segela banna ba bangwana ba re: “Morwediya wago o hlokofele! O sa mo hlupela ying ga Thitšere?” Mara Jeso a botsa Jayiro a re: “O sa tšhoge, o fo ba le tumelo, o nyoko tsoga.” Ke mokane a ya le Jayiro gaye gage. Mo ba šele ba le thina le go kena, Jeso ke mo a thogo di bona le go di kwa a sa tla kgole gore batho baa lla. Jeso a re ga bona: “Lesetsaneng go lla ša, aa kgwa o yetsele.” Papage le mmane wage ba ka fo ba ba yye ba tiputsisa gore anthe Jeso o ra ying byalo. Jeso o yye a botsa bo ne ba kenne ka hala kamareng gore ba tšwele ka tawong ke mokane a kena le papa le mmane wa ngwannyana yene mo ngwannyana yewa ne a yetsele gona. Jeso o yye a tshwara letsogo la ngwannyana yewa ke mokane a re: “Ngwannyana, ke re gago, ‘Tsoga!’” Di ka makega gore babelegi ba ngwannyana yewa ba yye ba ro šinya ba hlakela mo ba mmona a tsoga a boya a ro thomisa le go sepela! Jeso o tsusiye morwediya wa bona. (Mareka 5:22-24, 35-42; Luka 8:49-56) Go tlugisela gana hone, mo ba lebelele morwediya wa bona, a baa di lebala tso Jehova a ba makeleng tsona a berekisa Jeso.a

¹⁰ Nnete ke gore bo Jeso a yyeng a ba tsosa ba yye ba kgwa fote. Mara tso re di balang ka batho bone di gabutši ka matla ka taba la gore di maka gore re nape re ngangarela ga so re tshepisiwweng sona. Jehova o nyaka go tsosa bo ba hlokofeleng, fote o nyoko ba tsosa.

SO RE SE TŠHUTANG GA DITABA TSA BO BA YYENG BA TSOGA

11. Lengwalo la Mmolabodi 9:5 le re tšhutisa ying ka Lazaro?

¹¹ Baebele a yi kamake mo yi re “bakgu a ba tšibi selo.” Lazaro le yene ke mo a le ka mokgonone. (Mmolabodi 9:5) Ka mokgo Jeso a bolabodiyeng, Lazaro ke mo go le setšha a yetsele. (Johane 11:11) Nakwela Lazaro a le ka ku lebitleng, ke mo ‘a sa tšibi selo le ka go nyana.’

12. Re tšiba ka ying gore nnete Lazaro o yye a tsusiwa?

¹² Batho ba go tlala ba di bonne nakwela Jeso a tsosa Lazaro. Le mong manaba ya Jeso ma di bonne mo a maka mohlolo wone. Lazaro ke mo a phela, sosone se napiye se šupetsa gore ka nnete tsogo yi makegiye. (Johane 11:47) Fote, batho ba go tlala ba yye ba vakašela Lazaro, ke mokane ba napa ba tshepa gore nnete Jeso ke mo a romme ke Modimo. Mara taba yone yi yye ya silikisa manaba ya Jeso, ma šinya ma maka le dipolane tsa go bolaya Jeso le mong yene Lazaro.—Johane 11:53; 12:9-11.

13. Ke ntaba re ka napa re tshepa gore Jehova o nyoko tsosa bakgu?

¹³ Jeso o yitseri “ka mokana ga bona bo ba leng mabitleng” kela mayilong ba nyoko tsoga. (Johane 5:28) So se šupetsa gabutši gore batho ka mokana ga bona bo Jehova a sa ga ba gopolang ba nyoko tsoga. Gore Jehova a tsose motho, di nyaka a gopole dilo ka mokana ga tsona ka motho yenene. Ayitsano o ko di kgoneng? Ku sebakabakeng go na le dibhiliyoni tsa dinanedi. Baebele yi re Jehova o tšiba lebitso la nanedi ye nngwana le ye nngwana. (Bala Jesaya 40:26.) Mo Modimo a tšiba lebitso la nanedi ye nngwana le ye nngwana, di ka sa mo hlupe le ka gonyana go gopola selo se sengwana le se sengwana ka batho ka mokana ga bona bo a nyoko tlang a ba tsosa. Gabutšibutši Jehova o makiye dilo ka mokana ga tsona, byalo re di tšiba gabutši tsa gore o na le matšhika ya go tsosa batho bo ba kgwileng gore ba tle ba phele fote.

14, 15. Mantsu ya Jobo ma re tšhutisa ying ka tsogo?

¹⁴ Monna wa go tshepega ye ba reng ke Jobo ke mo a dumela ga taba ya tsogo. O yye a butsisa gore: “Mo motho a kgwa, nje di ka makega gore a tle a phele fote?” Ke mokane a re ga Jehova: “O nyoko yahlamela, ke mokane nna ke nyoko go fetola. O nyoko hlologela mmereko wa matsogo yago.” Eya, Jobo ke mo a di tšiba tsa gore Jehova o fo kwa nkare nako ya gore a tsose bo ba kgwileng nke yi šele yi segele.—Jobo 14:13-15.

¹⁵ O tikwa byang mara ka taba ya gore bakgu ba nyoko tsoga? O ka kraya o tiputsisa gore, ‘Mo ba re batho ba nyoko tsoga, nje ba ra le ba geru le banghana baka?’ Di kgomoletsa ka matla go tšiba gore Jehova o di nyaka ka matla go tsosa bo ba hlokafeleng. Tla re boneneng gore Baebele yi re ba nyoko phela kaye le gore go nyoko tsoga bafeng.

BA “NYOKO MO KWA MO A YAHLAMELA KE MOKANE BA TŠWA”

16. Lephelo le nyoko ba le le byang mo batho ba tsusiwa ho lefaseng?

¹⁶ Bo ba yyeng ba tsusiwa ku botala ba yye ba gahlana fote le mašaga ya bona le banghana ba bona gana ho lefaseng. Sosone se nyoko makega le ka dinako tsowa tsa rune tso di sa ga leng ku mahlong, mara gona go nyoko ba go le kawone ka matla. Ke ntaba re reyane? Ka taba la gore bo ba nyoko bang ba tsusiwwe ba ko thogo phela ho lefaseng go ya go yye, ba sa sa kgwa. Fote ba nyoko phela ga lefase la gore a le tshwane le lo re phelang ga lona gana byalo. Go ko ba go sa sa na dintwa, bokgohlane le malwele.

17. Go nyoko tsusiwa bafeng?

¹⁷ Ke bafeng bo ba nyoko tsusiwang? Jeso o yitseri “ka mokana ga bona bo ba leng ku dilahlong ba nyoko kwa mo a ba yahlamela ke mokane ba tšwa.” (Johane 5:28, 29) Fote Kutullo 20:13 yi re: “Lewatle le nyoko hlatsa bo ba kgweleng ga lona, le likgu le Lebitla le nyoko ntsha bo ba kgwileng ba gore ba ka teng ga lona.” Eya, bo ba nyoko tlang ba phela fote ke dibhiliyoni tsa batho. Le Pawulo wa lepostola o yitseri go nyoko tsoga “ba go loka le ba go sa loka.” (Bala Mebereko 24:15.) Di ra gore king tsotsone?

18. Ke bafeng “ba go loka” ba gore le bona ba nyoko tsusiwa?

¹⁸ Ga “ba go loka” go kena le malata ya go tshepega ya Jehova ya ma phidiyeng mo Jeso a soko tla ho lefaseng. Batho ba go tshwana le Nnowa, Abhrahama, Sara, Moše, Ruthi le Esitere ba nyoko tsusiwa gore ba tle ba phele ho lefaseng. O ka tšhuta ka ba bangwana ba banna le ba basadi ka ho Baebeleng ga lengwalo la Maheberu tema 11. Byalo go nyoko makega ying ka malata ya go tshepega ya Jehova ya ma kgwang ka dinako tso tsa rune? Le bona ba badiwa ga “ba go loka,” byalo ba nyoko tsusiwa.

19. “Ba go sa loka” ke bafeng? Jehova o nyoko ba thulela lešuba lefeng?

¹⁹ Ga “ba go sa loka” go kena dibhiliyoni tsa batho bo ba kgwileng ba gore ke mo ba soko kwa selo ka Jehova. Le mo ba šele ba kgwile, Jehova aa ba lebala. O nyoko ba tsosa, a ba thulela lešuba la gore ba tšhute ka yene, ba boye ba mmerekele.

20. Ke ntaba go se batho ka mokana ga bona bo ba nyoko tsusiwang?

²⁰ Ayitsano tsotsowa di ra gore go nyoko tsusiwa batho ka mokana ga bona bo ba kgwileng? Dhoo. Jeso o yitseri ba bangwana ba ka sa tsusiwi. (Luka 12:5) Byalo ke mang a nyoko hlayang gore yewa a tsusiwe, yewa a sa tsusiwi? Jehova ke yene wa go yahlula la mafelelo, mara o neyye le Jeso gore “a yahlole bo ba phelang le bo ba kgwileng.” (Mebereko 10:42) Ye mongwana le ye mongwana wa gore o yahlodiwa go le wa pelo ye phifadu wa gore aa nyake go sokologa, a ka sa ro tsusiwa.—Lebelela Setwaba sa 19.

BA GO TSUSIWA GORE BA YE PHELA LEGEDIMONG

21, 22. (a) Di ra gore king tsa gore motho o nyoko tsosediwa go ye phela legedimong? (b) Ke mang wa mathomo ye a yyeng a tsusiwa gore a ye phela legedimong?

²¹ Baebele fote yi re go na le bo ba ye phelang legedimong. Mo motho ba mo tsosa gore a ye legedimong, aa sa boya a tl’le phela ho lefaseng go tshwana le batho ba nama le madi. Wa tsusiwa gore a nape a ye phela legedimong go le motho wa moya.

²² Jeso ke yene wa mathomo wa go tsusiwa ka mokgonone. (Johane 3:13) Jeso o yye a kgwa, ke mokane Jehova a mo tsosa ka nthago ga matšatši ka mararo. (Pisalema 16:10; Mebereko 13:34, 35) Jeso a sanka a tsusiwa a na le mmele wa go tshwana le wa batho ba nama le madi. Petro wa lepostola o hlatolla gore Jeso “o yye a bolayiwa a na le mmele wa nama mara a tsusiwa ka mmele wa moya.” (1 Petro 3:18) Jeso mo a tsusiwa ke mo go le motho wa moya wa go ba le matšhika! (1 Makorente 15:3-6) Mara Baebele yi re ne go ka sa be yene a ntoši a tsogang ka mokgonone.

23, 24. “Morape wo monyana” wo Jeso a bolabodiyeng ka wona ke bomang, fote nombhoro ya bona nka bakaye?

²³ Mo Jeso a soko kgwa, o yye a botsa malata yage ya go tshepega a re: “Ke sa ya go ye le lukiselela poleke.” (Johane 14:2) Sosone se rela gore ba bangwana ba malata yage ke mo ba nyoko tsusiwa ke mokane ba ye phela naye ku legedimong. Nka bakaye? Jeso o yitseri a baa tlala, ke “morape wo monyana.” (Luka 12:32) Johane wa lepostola o hlayye nombhoro ya bona nakwela a bona Jeso a “yemme gedimo ga Thaba ya Siyoni [ya legedimong], a na le 144000 ya bona.”—Kutullo 14:1.

²⁴ Byalo 144 000 ya Makreste yawa ma nyoko tsusiwa leng? Baebele yi re tsone di nyoko makega mo Kreste a šele a lawola ku legedimong. (1 Makorente 15:23) Re phela ga nako yonone gana byalo, fote ba go tlala ga bowa ba gore ke 144 000 ya bona, ba šele ba tsusiwwe fote ba yye legedimong. Bo ba sa ga phelang ho lefaseng ba gore ba nyoko kgwa ka nako yowa ya rune ba nyoko re mo ba kgwa ba napa ba tsusiwa ka nako yonone gore ba ye phela legedimong. Mara, batho ba go tlala ba nyoko tsusiwa ke mokane ba tla ba phela go ya go yye Pharadeyising ho lefaseng.

25. Re nyoko tšhuta ying ga tema ya go latela?

²⁵ Go se botala, Jehova o nyoko maka gore batho ka mokana ga bona ba sa sa kgwa, ke mokane a tlose likgu! (Bala Jesaya 25:8.) Mara bo ba yang legedimong ba ye maka ying? Baebele yi hlatolla gore ba ye lawola le Jeso ga Mmušo wa Modimo. Re nyoko tšhuta tsa go tlala ka mmušo wone ga tema ya go latela.