DITWABA TSA MAFELELONG
1 JEHOVA
Lebitso la Modimo ke Jehova fote ka mokgo le kwagalang le rela gore “Ye a Makang Gore Dilo di Kgonege.” Jehova ke Modimo wa matšhika ka moka, fote ke yene ye a makiyeng dilo ka mokana ga tsona. O na le matšhika ya go maka so a se nyakang.
Lebitso la Modimo mo le ngwadiwa ka Seheberu ke mo le ba le maletere ka mane. Maletere yane ke YHWH kela JHVH. Mara nakwela Baebele yi sa ngwadiwa ka Seheberu sa botala, lebitso la Modimo ke mo le nyarela ka teng ya gona gana hala ga bo-7 000. Batho ba ho lefaseng ka mokana ga lona a ba le berekisi go tshwana lebitso lowa la Jehova, ba le bitsa ka mokgo ba le tlwayeleng ka mmolabolo kela lleme la bona.
2 BAEBELE “YI BUTŠWELELE KE MODIMO”
Baebele yi ngwadiye ke Modimo, mara o berekisiye batho gore ba yi ngwale. Taba yone re ka yi tshwanisa le mo mokgalabye a kgopela motlogolo wage gore a mo ngwalele borifi ke mokane yene a mmotsetsela gore a ngwale ying. Modimo o berekisiye moya wage wa go hlawolega gore wo yetetse batho bo ne ba ngwala Baebele mo ba kene ba ngwala tso a di naganang. Moya wone wa Modimo wo yye wa ba yetetsa ka mekgwa ya go sa tshwane, go gongwana ke mo wo ba tlela ka mmono kela o maka gore ba lore tso ne ba tshwanele gore ba di ngwale.
3 DITŠHIKO
Ditšhiko ke tsona tso di hlatollang gabutši dinnete tse dikgolo tsa ka Baebeleng. Mo re beyisa, tšhiko yela ya gore “banghana ba go befa ba kekemisa mekgwa ya go bafala mothong” yi re tšhutisa gore batho bo re nghanelanang nabo ba ka re yagisa kela ba re fokola. (1 Makorente 15:33) Le tšhiko yela ya gore “se sengwana le se sengwana so motho a se gašang, ke sosone a nyoko se bunang” yi re tšhutisa gore dilo tso re di makang di na le mo di nyoko re yisang gona.—Magalata 6:7.
4 SEPOROFETO
Wowa ke molayetsa wa go tšwa ga Modimo. Go ka fo ba go le Modimo a hlatolla tso a di nyakang, re ka fo ba re tšhuta gore re titshware byang, re neyiwa molawo kela go yahludiwa. Fote go ka fo ba go le taba ya so se nyoko makegang ku mahlong. Go na le diporofeto tsa go tlala ka ho Baebeleng tsa gore di šele di makegiye.
5 DIPOROFETO TSA GO BOLABOLA KA MESIYA
Tso di porofitiwweng ka Mesiya ka ho Baebeleng di makegiye ka Jeso. Lebelela lebhokisi la gore “Diporofeto Tsa go Bolabola ka Mesiya.”
6 SO JEHOVA A TIKEMISELENG SONA KA LEFASE LO
Mo Jehova a maka lefase, ke mo a nyaka gore go be mutši wo go leng pharadeyisi ke mokane batho bo ba mo nyakang ba dule ga yona. Tso a nyakang go di segelela a di soko tšhentšha. Go se botala, o nyoko tlosetsela dilo tsa go befa ka mokana ga tsona ke mokane a maka gore batho bage ba kraye lephelo la go ya go yye.
7 SATHANE DIYABOLO
Sathane ke mo go le lengeloyi, mara o yye a jikela Modimo. Lebitso lo lage la gore Sathane le rela gore “Wa go Phigisa,” ka taba la gore o fo dula a šuhlašuhla Jehova. Fote ba re ke yene Diyabolo, lone lebitso le rela motho “Wa go Leba.” Ba mo neyye lebitso lowa ka taba la gore o botsa batho matsaka ka Modimo a boya a ba fokola.
8 MANGELOYI
Jehova o makiye mangeloyi botala mo a soko bane a maka lefase. Ke mo a ma makele gore ma phele ku legedimong. Go na le mangeloyi ya go teya ka ku ga makgolo ya dimiliyoni. (Daniyele 7:10) Mangeloyi a ma make dilo go tshwana fote ka mokana ga wona ma na le mabitso, a ma kwane natso mo motho a leketsa go kgotama a re wa ma rapela. A ma lekane ka seyemo fote ma maka mmereko wa go sa tshwane. Mebereko ye mengwana ke ya go bereka thina le setulo sa Jehova sa go lawola, ma felegetsa melayetsa mo go nyakegang, ma pasopa malata ya Modimo ho lefaseng le go ma yetetsa, ma maka mmereko wa Modimo wa go yahlola, fote ma tšhela letsogo ga mmereko wa go tšhomayela. (Pisalema 34:7; Kutullo 14:6; 22:8,9) Go se botala, ma nyoko ba ma na le Jeso mo a lwa ka ntwa ya Aremaghedoni.—Kutullo 16:14, 16; 19:14, 15.
▸ Tem. 3, ser. 5; Tem. 10, ser. 1
9 GO SINYA
Mo go ka fo ba go na le ka mokgo re tikwang, re naganang kela re makang dilo mara wa kraya go le tso Jehova a sa kwaneng natso kela di sa yelane le so yene a se nyakang, ka mokgonone re ya sinya. Mo re sinyela Modimo, re maka gore senghana sa rune naye se kgwelakgwehle, byalo o re neyye melawo le ditšhiko gore re sa tikraye re mo sinyele ka bomu. Jehova o makiye dilo ka mokana ga tsona di felegelele go tlugisela mathomisong, mara Adamo le Efa ba yye ba fo kgeta go maka tsa go tšiba ke bona, ba sa mo theetsele ga Jehova ke mokane ba mo sinyela, ba sa sa yenela kela go felegelela mmeleng. Ba yye ba tsofala, ke mokane ba kgwa, le rune re ya tsofala ra boya ra kgwa ka taba la gore Adamo o re tshiletsiye senyama sage.
▸ Tem. 3, ser. 7; Tem. 5, ser. 3
10 AREMAGHEDONI
Yowa ke ntwa yo Modimo a nyoko yi berekisang mo a tlosa Sathane le dilo ka mokana ga tsona tsa go befa ho lefaseng.
▸ Tem. 3, ser. 13; Tem. 8, ser. 18
11 MMUŠO WA MODIMO
Mmušo wa Modimo wo thomme ke Jehova fote wo lawola wo le ku legedimong. Kgoši ya gona ke Jeso Kreste. Jehova o nyoko tla a berekisa wona Mmušo wone gore a tlosetsele dilo tsa go befa ho lefaseng. Mmušo wa Modimo ke wona wo nyoko lawolang lefase lowa ka mokana ga lona.
12 JESO KRESTE
Mo Modimo a soko maka dilo tse dingwana ka mokana ga tsona, o yye a maka Jeso. Jehova o yye a roma Jeso gore a tle ho lefaseng a tl’le kgwela batho ka mokana ga bona. Jeso ba yye ba mmolaya, mara Jehova a mo tsosa. Gana byalo Jeso ke kgoši ya Mmušo wa Modimo ku legedimong.
13 SEPOROFETO SA 70 YA MABEKE
Baebele yi hlayye botala gore Mesiya ke mo a nyoko nyarela leng. Taba yone ke mo yi nyoko makega thina le mafelelong ya 69 ya mabeke, ya ma thomisiyeng ka mongwaga wa 455 B.C.E. ke mokane ma fela ka mongwaga wa 29 C.E.
Re tšiba ka ying gore ma fediye ka 29 C.E.? Mabeke yawa 69 ya wona ma thomisiye ka mongwaga wa 455 B.C.E. nakwela Nehemiya a segela Jerusalema a ye yaga mutši wa gona ka bonyuwane. (Daniyele 9:25; Nehemiya 2:1, 5-8) Ga go tlala mo ba re beke, re nagana ka 7 ya matšatši. Mara mabeke ya go bolabodiwang ka wona ga seporofeto sowa a yi ya re ma tlwayeleng ya go ba le 7 ya matšatši, yawa ke mabeke ya 7 ya mengwaga, mo re šele re berekisa seporofeto sa gore “mongwaga ka wwoši ke letšatši ka lloši.” (Dipalo 14:34; Hezekiyele 4:6) Sosone se rela gore beke ye nngwana le ye nngwana yi lekana le 7 ya mengwaga, ke mokane mo o gahlanisa 69 ya mabeke, go nyoko ba 483 ya mengwaga (69 x 7). Mo re balela 483 ya mengwaga go tlugisela ka 455 B.C.E. re fetsa re segele ga 29 C.E. Wone ke mong wona mongwaga wa gore Jeso o kolobetsiwwe ka wona ke mokane gwa ba Mesiya!—Luka 3:1, 2, 21, 22.
Seporofeto sosone se yye sa bolabola ka beke ye nngwana fote—di ra gore go tokegiwa 7 ya mengwaga fote. Ka nako yonone, ka mongwaga wa 33 C.E., Mesiya ke mo a nyoko bolayiwa, ke mokane go tlugisela ka 36 C.E., ke mo go nyoko sabalatsiwa ditaba tsa go bafala tsa Mmušo wa Modimo ga ditšhaba ka mokana ga tsona, ke mo di ka sa kgere ka Majuda.—Daniyele 9:24-27.
14 MATSAKA YA MA TŠHUTISIWANG YA GORE GO NA LE MABITSO KA MARARO
Baebele yi tšhutisa gore Jehova Modimo ke yene a makiyeng dilo ka mokana ga tsona, mo a di maka o thomisiye ka Jeso. (Makolosi 1:15, 16) Jeso a yi Modimo wa Matšhika ka moka. A sanka a timaka nkare yene o lekana le Modimo. Gabutšibutši o yitseri: “Papa ke ye mogolo gaka.” (Johane 14:28; 1 Makorente 15:28) Mara dikereke tse dingwana di tšhutisa gore go na le Mabitso ka Mararo, ba re Modimo ke batho ka bararo, ba re ke: Papa, Morwayi le moya wa go hlawolega. Taba ya “Mabitso ka Mararo” a yi šiyo ka Baebeleng. Ke matsaka ka moka tsone.
Moya wa go hlawolega ke matšhika ya Modimo, a ma bonale fote o ma berekisa go maka tso a di nyakang. A yi motho. Mo re beyisa, Makreste ya ku botala ma yye “ma tlatsiwa moya wa go hlawolega,” ke mokane Jehova a re: “Ke nyoko le tshollela moya waka wo mongwana ga nama ya mohlobo wo mongwana le wo mongwana.”—Mebereko 2:1-4, 17.
▸ Tem. 4, ser. 12; Tem. 15, ser. 17
15 SEFAPANO
Makreste ya mannete a ma berekisi sefapano mo ma rapela Modimo. Ke ntaba?
Sefapano ke botala se berekisiwa ga dikereke tsa matsaka. Ku botala ke mo ba se berekisa ka nako tsa mo ba leboga hlago le mo ba maka menyanya ya bona ya go ba le tsa maroga tsa go silikisa. Mengwaga 300 ya yona ka nthago ga likgu la Jeso, Makreste a sanka ma berekisa sefapano mo ma rapela Modimo. Mo go šele go fitiye nako ya go lefanyana, Ye a Lawolang Roma ye ba reng ke Constantine o yye a maka sefapano a re go be setwaba sa Makreste. Setwaba sone ke mo go le sa go maka gore bo ba tipitsang Makreste ba tšibege. Mara Jeso Kreste ke mo a sa kene felo ga dilo tsone tsa go yelana le sefapano. Puku ya New Catholic Encyclopedia mo yi hlatolla yi re: “Makreste ya botala le bo go seng Makreste ke mo ba berekisa sefapano ditšong tsa bona.”
Jeso aa kgwela sefapanong. Mantsu ya Segerika ya ma hlatodiwweng go le “sefapano” gabutšibutši ma rela “phata ya go wolologa,” kela “sehlare.” The Companion Bible yi hlatolla gore: “A se šiyo le ka ssoši so se leng ga [Testamente ya Nyuwane] ya Segerika sa go šupetsa gore ke mo go le diphata ka dipedi.” Jeso o kgwele ga phate ya go wolologa.
Jehova aa nyake re berekisa dithombhe kela selo se sengwana mo re mo rapela.—Eksoda 20:4, 5; 1 Makorente 10:14.
16 SEGOPOTSO
Jeso o yye a botsa bo ba mo latelelang gore ba make Segopotso sa likgu lage. Ba maka ka mokgonone mongwaga wo mongwana le wo mongwana ka Nisani 14, ka letšatši lo Maisrayele ne ma gopola Paseka. Ga batho ka mokana ga bona bo ba tlileng Segopotsong, go sipidisiwa sekgwa le wayine, tsa gore di yemela mmele le madi ya Jeso. Bo ba jang sekgwa sone ba boya ba nwa wayine ke bo ba nyoko yang ba lawola le Jeso ku legedimong. Bo ba nyoko tlang ba phela go ya go yye ho lefaseng ba šupetsa gore baa hlompa ke mokane ba ya Segopotsong mara a ba ji sekgwa sowa fote le wayine a ba yi nwi.
17 MOYA (BOWENE/LEPHELO)
Ga New World Translation ya Sekgowa, lentsu lowa la gore “moya” le berekisiwa mo go bolabodiwa ka (1) motho, (2) pholwane kela (3) lephelo la motho kela la pholwane. Tse dingwana tsa gore re ka beyisela ka tsona ke tsowa:
Motho. “Ka dinako tsa Nnowa . . . paranyana, ke gore mabala (8) ya memoya, yi yye ya phona meetši yala.” (1 Petro 3:20) Mo go bolabodiwa ka “memoya” howa, ba rela batho—batho bone ke Nnowa le mosadi wage, barwayi ba bona ka bararo le basadi ba barwayi ba bona.
Pholwane. “Modimo o yitseri: ‘Meetši ma tlale ma boye ma fufume ka dilo tso di phelang [“memoya,” setwaba], fote tsa gore di ya phurrwa di pherere ka gedimo ga lefase ku sebakabakeng sa magedimo.’ Ke mokane Modimo a re: ‘Yema lefase le nyaretse dilo tsa go phela [“memoya,” setwaba] tsa go ya ka mehlobohlobo ya tsona, go be dipholwane tsa gaye, tsa go gagaba le dipholwane tsa hlaga tsa lefase ka mehlobohlobo ya tsona.’ Gwa fo makega ka mokgonone.”—Genesi 1:20, 24.
Lephelo la motho kela la pholwane. Jehova o butsiye Moše gore: “Banna ka mokana ga bona bo ne ba nyakana nago gore ba go bolaye [“ba nyakana le moya wago,” setwaba] ba kgwile.” (Eksoda 4:19) Nakwela Jeso a sa le ho lefaseng, o yitseri: “Ke nna wa go disa wa gabutši; wa go disa wa gabutši o neyela ka lephelo lage [“moya,” setwaba] ka taba la dinku.”—Johane 10:11
Go tokegela gana hone, mo motho a maka selo ka “boyene byage [“moya”] ka mokana ga byona,” sone se rela gore o maka dilo tsone a sa tšhofe ke motho go segela mo matšhika yage ma felelang gona. (Matewu 22:37; Dotoronoma 6:5) Fote lentsu lowa “moya,” le ka berekisiwa mo ba hlatolla selo so se nabelang ke selo se sengwana sa go phela. Go fela go bolabodiwa ka motho wa go kgwa kela mmele wa go kgwa ba re ke moya wa go kgwa.—Dipalo 6:6; Diyema 23:2; Jesaya 56:11; Haghayi 2:13.
▸ Tem. 6, ser. 5; Tem. 15, ser. 17
18 MOYA
Lentsu la Seheberu le la Segerika la gore le hlatodiwwe go le “lephelo” ga New World Translation ya Sekgowa, le ka bolabolela dilo tsa mohlobohlobo. Mara selo sa gona a yi sa gore motho a ka kgona go se bona, sa go tshwana le moya mo wo tšutla kela mo motho le dipholwane di wona. Mantsu yawa ma ka rela le batho ba gore leyemo la bona ke la moya fote ma ka rela moya wa go hlawolega, wo Modimo a wo berekisang go maka dilo. Baebele a yi re tšhutisi gore mo motho a šele a kgwile, go na le so se šalang se phela ho gage.—Eksoda 35:21; Pisalema 104:29; Matewu 12:43; Luka 11:13.
▸ Tem. 6, ser. 5; Tem. 15, ser. 17
19 GHEHENNA
Ghehenna ke lebitso la senokane se sengwana sa gore ke mo se le thina le Jerusalema ga gore ne ba tšhubela dithila gona. A go na so se re šupetsang gore nakwela Jeso a le ho lefaseng, dipholwane kela batho ke mo ba hlupegisiwa kela go tšhubelediwa senokaneng sowa ba kene ba phela. Byalo Ghehenna a yi yemele poleke ya go sa bonale ya gore batho bo ba kgwileng ba hlupegisiwa gona kela go tšhatšhamela go ya go yye mollong. Mo Jeso a bolabola ka bo ba bošediwang Ghehenna, ke mo a ra gore go nyoko napa go fela ka bona.—Matewu 5:22; 10:28.
20 THAPELO YA MORENA
Yowa ke thapelo yo Jeso a yi berekisiyeng nakwela a tšhutisa bo ba mo latelelang gore ba rapele byang. Ba bangwana ba re ke thapelo ya Papa wa Rune kela thapelo ya go kopisela ga yona. Mo re beyisa, Jeso o re tšhutisiye gore mo re rapela re re:
“Lebitso lago le gadimisiwe”
Re rapela Jehova gore a yedise lebitso lage, go tloge matsaka ya ba ma psyirelang ga lona. Tsotsone o di makela gore ye mongwana le ye mongwana ku legedimong le ho lefaseng a thanake le go hlompa lebitso la Modimo.
“Maka gore Mmušo wago wo segele”
Re rapelela gore Mmušo wa Modimo o tlose lefase lowa la go befa la Sathane, wo lawole ho lefaseng ke mokane o make gore lefase lowa go be pharadeyisi.
“Tso di nyakang ke wene di makege ho lefaseng”
Re rapelela gore tso Modimo a tikemiseleng tsona ka lefase di makege gore batho bo ba mo theetselang le ba go yenela gabutši mmeleng ba thogo phela go ya go yye Pharadeyising, ka mokgonola Jehova ne a na a di nyakiye go tlugisela mathomisong mo a maka batho.
21 GO LEPOLLA
Jehova o yye a tlemolla batho bobhantiting bya go fo dulela go sinya le bya likgu. Go lepolla kela go tlemolla, ba ra patela yo ne yi tshwanele yi ntshiwe gore go rekiwe lephelo la motho la gore le yenele lo Adamo a yyeng a le sinyanya, go boye go lukisiwe senghana so batho ne ba sa sa le naso le Jehova. Modimo o romme Jeso ho lefaseng gore a tle a kgwele batho ka mokana ga bona bo ba makang tsa go sa yi ka tsela. Batho ka mokana ga bona ba na le tshepo ya go phela go ya go yye le go yenela gabutši mmeleng ka taba la gore Jeso o yye a ba kgwela.
▸ Tem. 8, ser. 21; Tem. 9, ser. 13
22 KE NTABA MONGWAGA WA 1914 WO HLAWOLEGIYE?
Seporofeto sa ho ga Daniyele tema 4 se re tšhutisa gore 1914 ke mo go le mongwaga wo Modimo ne a nyoko hloma Mmušo wage.
Seporofeto: Jehova o yye a maka gore Kgoši Nebukadinezara a lore sehlare se sengwana se segolo sa gore se yye sa kupiwa. Mo a kene a lora, o yye a bona ba tlema tšhiko ya sehlare sone ka lepanta la go makiwa ka tshipi le koporo gore se sa sa gola, go šinye go fele “dinako tsa kašupa.” Ka nthago ga mone, sehlare sone ke mo se nyoko hluga.—Daniyele 4:1, 10-16.
Seporofeto sowa se kena byang ho ga rune: Sehlare sela se yemela go lawola ga Modimo. Jehova o berekisiye magoši ya ku Jerusalema gore ma lawole setšhaba sa Maisrayele ka mengwagangwaga. (1 Dikoronika 29:23) Mara magoši yane ma yye ma thomisa go sa sa tshepega, ke mokane tsa go lawola tsa šaša. Jerusalema ba yi sinyannye ka mongwaga wa 607 B.C.E. “Dinako tsa kašupa” di thomisiye ka nako yonone. (2 Magoši 25:1, 8-10; Hezekiyele 21:25-27) Nakwela Jeso a re, “Jerusalema yi nyoko psyitlanya ke ditšhaba tse dingwana go šinye go segela mo go felang nako yo yi hlawodiwweng ya ditšhaba,” ke mo a bolabola ka “dinako tsa kašupa.” (Luka 21:24) Byalo “dinako tsa kašupa” a di ya fela nakwela Jeso a le ho lefaseng. Jehova o yye a tshepisa gore o nyoko beya Kgoši mo go fela “dinako tsa kašupa.” Mo go šele go lawola Kgoši yowa ya nyuwane, yene Jeso, go nyoko ba le dilo tsa go tlala tso batho lefaseng ka mokana ga lona ba rufegang ka tsona, go ya go yye.—Luka 1:30-33.
“Dinako tsa kašupa” di lefiye go segela kaye: “Dinako tsa kašupa” di tsere 2 520 ya mengwaga. Mo re balela 2 520 ya mengwaga go tlugisela ka 607 B.C.E., yi re lahlela ga mongwaga wa 1914. Yonone ke nako yo Jehova a makiyeng Jeso, yene Mesiya, gore go be Kgoši ya Mmušo wa Modimo ku legedimong.
Nombhoro yowa ya 2 520 re yi tseya kaye? Baebele yi re dinako ka ditharo le sekopa di lekana le 1 260 ya matšatši. (Kutullo 12:6, 14) Byalo “dinako tsa kašupa” ke nombhoro yone mo re yi bala gabedi, kela re ka fo re ke 2 520 ya matšatši. Byalo 2 520 ya matšatši ma lekana le 2 520 ya mengwaga ka taba la molawo wela wa seporofeto wa gore “letšatši ke mongwaga.”—Dipalo 14:34; Hezekiyele 4:6.
23 MIKAYELE KE LENGELOYI LE LEGOLO
Mantsu yawa ya gore “lengeloyi le legolo” ma rela “moyetamahlong wa mangeloyi.” Baebele yi bolabola ka lengeloyi ka lloši la mošaga wonone, yi re lebitso lage ke Mikayele.—Daniyele 12:1; Juda 9.
Mikayele ke yene Moyetamahlong wa masole ya Modimo ya go leng mangeloyi ya go tshepega. Kutullo 12:7 yi re: “Mikayele le mangeloyi yage ba yye ba lwa le noga ye kgolo. . . yi na le mangeloyi ya yona.” Puku ya Kutullo yi re Jeso ke yene Moyetamahlong wa masole ya Modimo, byalo lebitso lowa la Mikayele ke la gage le lengwana.—Kutullo 19:14-16.
24 MATŠATŠI YA MAFELELO
Mantsu yawa ma bolabolela dilo tse dikgolo tso di nyoko makegang ho lefaseng mo Mmušo wa Modimo wo šele wo le thina le go fetsa ka Sathane le lefase lage. Mantsu ya go yelana le yanane, ya go tshwana le ya gore “go fela ga masipidiselo yawa ya dilo” le “go nyarela ga Morwayi wa motho,” ma bolabolela selo sa go tshwana ka ho Baebeleng. (Matewu 24:3, 27, 37) “Matšatši ya mafelelo” ma thomisiye ka 1914 nakwela Mmušo wa Modimo wo thomisa go lawola ku legedimong, fote ma nyoko fela mo lefase lo la Sathane le psyitlanyiwa mo go segela Aremaghedoni.—2 Thimothi 3:1; 2 Petro 3:3.
25 GO TSOGA BAKGUNG
Go tsoga bakgung go rela nako yo Modimo a nyoko bang a maka gore motho ye ne a hlokofele a tle a phele fote. Ka ho Baebeleng, go bolabodiwa ka nkokwane (9) ya batho bo ba yyeng ba tsusiwa. Eliya, Elisha, Jeso, Petro le Pawulo ba yye ba tsosa batho bo ne ba kgwile. Mehlolo yowa ka mokana ga yona yi makegiye ka taba la matšhika ya Modimo. Jehova o tshepisa gore o nyoko tsosa “batho ba go loka le ba go sa loka” gore ba phele fote ho lefaseng. (Mebereko 24:15) Baebele yi re go na le ba bangwana fote ba gore ba nyoko tsoga ba ye phela legedimong. Ba mošaga wonone ke ba gore ba hlawodiwwe, kela go tlotsiwa ke Modimo, ke mokane mo ba tsoga ba napa ba ye phela ku legedimong ba na le Jeso.—Johane 5:28, 29; 11:25; Mafilipi 3:11; Kutullo 20:5, 6.
26 TSA GO YELANA LE MADIMONA
Batho ba go maka dilo tsa mošaga wowa ba ya dingakeng tsa setho. Mo ba segela ga dingaka tsone, tsona di bolabola le madimona. Batho ba go maka dilo tsowa ba dumela gore ka ho teng ga rune go na le moya wa gore mo re kgwa, wona wo ya mahlong wo kene wo phela ga poleke ye nngwana. Mara taba yone ke matsaka. Fote batho ba bangwana ba tseya gore ngaka yowa ya setho ke yona yi gahlanisang motho le badimo ba gabo, kela ba dumela gore dilo di ka sa ba sepelele gabutši mo ba ka sa phase badimo ba kgopela gore ba ba bulele ditsela. Fote madimona ma leketsa go kutšetsela kela go botsetsela batho gore ba sa theetsele Modimo. Ke tsotsone di makang gore batho ba make tsela tsa go nyaka go tšiba gore mo motho a belegiwwe ka kgwedi ya gore-le-gore, o nyoko makegela king, ba maka tsa boloyi, ba re go na le dilo tsa gore di ya yila, ba bolabola le batho bo ba kgwileng, mara dilo tsone ka mokana ga tsona ke tsa madimona. Dipuku tsa go tlala, dimakazini, dikuranta kela dilo tsa go šupa gore nanedi ya motho ke yifeng mo a belegiwwe ka kgwedi yifeng, dimuvi le dikoša, di maka gore batho ba tseye nkare go berekisana le madimona go ka sa ba kwaletsi fote gwa jabodisa. Le dilo tso batho ba di makang ga go tlala mo go na le dipoloko, tsa go tshwana le go hlaba phoofolo ba re ba makela motho yela a hlokofeleng, go maka monyanya wa go thanaka motho ye a hlokofeleng, go bula matlapa, go yapara kela go yapola sethila kela dikobo tsa go zila, ba bangwana ba re ke go rowula, melindelo kela ditebalelo, ka mokana ga tsona di yelana le madimona. Ga go tlala batho ba bangwana baa kgokga kela go berekisa didraksi mo ba šele ba le thina le go bolabola le madimona.—Magalata 5:20; Kutullo 21:8.
▸ Tem. 10, ser.10; Tem. 16, ser. 4
27 MOKGWA WA JEHOVA WA GO LAWOLA
Jehova ke Modimo wa Matšhika ka moka, fote ke yene a makiyeng dilo ka mokana ga tsona legedimong le lefaseng. (Kutullo 15:3) Ke tsotsone di makang gore go be yene Mong wa dilo ka mokana ga tsona, fote ke yene di mo tshwanelang go lawola dilo ka mokana ga tsona tso a di makiyeng. (Pisalema 24:1; Jesaya 40:21-23; Kutullo 4:11) Dilo tso a di makiyeng ka mokana ga tsona o di makele melawo. Jehova fote o na le matšhika ya gore a ka kgeta bo ba ka dulang ditulong tsa go lawola. Mo re šupetsa gore ga Modimo re mo nyaka ka matla re boya re mo theetsela, re nyoko ba re šupetsa gore re yema naye.—1 Dikoronika 29:11.
28 GO NTSHA MPA
Motho wa go ntsha mpa o maka ka bomu gore a thogo bolaya ngwana wa gore o sa le ka ho mpeng. A yi taba ya gore kela motho yene mpa yi ro sinyega kela go makegiye se sengwana ho mmeleng wage sa go šinya se kwaletsa ngwana. Go tlugisela mo mmane wa ngwana a yima, ngwana yene a go sa le selo sa go fo re se ho mmeleng ga mmane wage. Ngwana yene re re ke motho.
29 GO TŠHELA MADI
Wowa ke mokgwa wa go yalafa wa gore ba tseya madi ya go felegelela kela se sengwana sa dikgero tse dikgolo tsa madi tsa motho ye mongwana ke mokane ba di tšhela ho mmeleng wa motho kela ba tseya madi ya motho yenene ya gore ke mo ba ma beyye go gongwana ke mokane ba ma tšhela ho mmeleng wage. Dikgero tse dikgolo tsa gona tsa madi nka dine, ke disele tso go leng masole ho mmeleng (plasma), disele tse dikhubedu tsa madi (red blood cells), disele tse ditšwewu tsa madi (white blood cells) le disele tsa go maka gore madi ma gahle (platelets).
30 GO WOLOLA
Lentsu la ka ho Baebeleng la gore “go wolola,” a le bolabolele go fo kgala. Mo re wolodiwa, re ya yetetsiwa, ra tšhutisiwa le go busetsiwa pateng. Mo Jehova a wolola batho, aa ba hlorisi kela go ba tshwara lešidi. (Diyema 4:1, 2) Jehova o nyaka babelegi ba mo yekisela. Mo a wolola motho, di napa di ro yela gabutši wa kraya motho yene a kwana natso ka matla tsa go wolodiwa. (Diyema 12:1) Jehova o ba nyaka ka matla batho bage fote wa ba tšhutisa. O ba neya melawo ya go ba busetsa pateng mo nkare ba thomisa go keketlela ku kgole fote melawo yone yi maka gore ba tšhute go nagana le go maka dilo tso di nyoko mo jabodisang. Babelegi bona mo ba wolola bana ba bona, ba makela go ba gelepa gore ba kwisise gore ke ntaba ba tshwanele go theetsela. Gana hone go kena le taba ya go ba tšhutisa gore ga Jehova ba mo nyake, ba kwane ka matla le Baebele ba boye ba kwisise le ditšhiko tsa yona.
31 MADIMONA
Madimona a ma bonale, ma na le dipelo tse diphifadu fote ma na le matšhika ya magolo ka matla ga batho. Ke mangeloyi ya gore ma na le lešidi. Ma thomisiye go ba le dipelo tse diphifadu nakwela ma jikela Modimo, ma sa sa nyaka go mo theetsela. (Genesi 6:2; Juda 6) Ma yye ma yema le Sathane ma tšhinghela Jehova.—Dotoronoma 32:17; Luka 8:30; Mebereko 16:16; Jakobo 2:19.